Table of contents for 6 February 2025 in Landbouweekblad

Natuurlik is die nuwe onteieningswetgewing wat pres. Cyril Ramaphosa onlangs bekragtig het, glad nie ideaal nie. Hoofsaaklik omdat dit van die ANC-gedeelte van die regering van nasionale eenheid kom, wat, as ons nou maar eerlik met mekaar moet wees, die afgelope 30 jaar grootliks aangejaag het. Ja, demokrasie het ongelooflike ekonomiese geleenthede gebring en die lewe vir baie mense aansienlik verbeter, maar drie harde werklikhede sal altyd ’n bitter lang skaduwee oor enige ANC-nalatenskap gooi. Die eerste is Suid-Afrika se werkloosheidsyfer, wat verreweg die hoogste ter wêreld is en ’n absolute nasionale krisis is. Dan is daar die ANC se onvermoë om afstand te doen van uitgediende ideologieë wat die ekonomie terughou. Vir dekades raak ons armer, terwyl die politieke elite net meer skep. Laastens is daar die onvolhoubare werklikheid…

“VERREGAANDE” en “dit neem dinge net té ver” is hoe ’n landbou-onderneming en ’n boer van die voorgestelde vereistes in die wetsontwerp op petroleumprodukte beskryf. Die landbousakekamer Agbiz is baie bekommerd oor dié bepalings wat produsente wat brandstof opberg en landbou-ondernemings wat brandstof verkoop, ernstig sal benadeel. Annelize Crosby, hoof van regsintelligensie by Agbiz, sê die wetsontwerp is in Oktober 2024 vir kommentaar gepubliseer, en die organisasie het geskrewe kommentaar voor die sperdatum in Desember ingedien. Agbiz gaan ook aan die openbare verhore hieroor deelneem. Die bestaande Wet op Petroleumprodukte (Wet 120 van 1977) bied rééds aan die minister van minerale en petroleumhulpbronne uitgebreide magte om byna elke aspek van die petroleumbedryf te beheer, maar die wetsontwerp maak voorsiening vir nóg groter beheer. Alle verbruikers wat petroleumprodukte vir eie gebruik…

“VINPRO se produksieplan toon die bedryf se gemiddelde opbrengs op belegging in 2024 was sowat 2,6%. Dit is laag, maar ’n groot verbetering op die vorige jaar,” het Conrad Schutte, uitvoerende hoof van Vinpro, op die Vinpro-produsentedag op Goudini gesê. In 2023 was die gemiddelde opbrengs op belegging vir wynboere 0,7%. “In die binnelandse produksiestreke én dié teen die kus het die prys vir ’n ton druiwe geklim, wat winsgewendheid gehelp het. Oeste het egter van produksiegebied tot produksiegebied gewissel, en in sommige gebiede was die oes baie kleiner.” Die opbrengs op belegging word bepaal deur boere se jaarlikse produksiekoste van hul bruto plaasinkomste af te trek. Dit maak voorsiening vir die vervanging van wingerde, maar neem nie aspekte soos huur of ondernemersloon in ag nie. Dit geld vir produksie…

Ek het al dikwels geskryf oor die feit dat die probleem van sukkel om vir uitgawes voorsiening te maak én te spaar te make het met die bestuur van ons uitgawes en nie soseer met ons inkomste nie. Dit het al tot baie kommentaar van lesers gelei. Tog het ek onlangs weer op die radio na ouers geluister en dit was duidelik dat baie onnodige uitgawes aangegaan word om te keer dat ons kinders op skool afsteek. Klere moet van ’n erkende handelsmerk wees en toebroodjies vir pouse is uit. Dit moet sakgeld wees vir ’n cappuccino en tramezzini by die skoolkafeteria (behoede my as ek dit ’n snoepie sou noem.) Vir my bly die belangrikste eerste stap vir 2025 daarom dat ernstig herbesin word oor alle uitgawes. Is dit…

Van nagenoeg 55 000 verteenwoordigers van sowat 190 lande was die boodskap op COP29 duidelik: Die landbou ís ’n belangrike deel van die oplossing vir die wêreldwye klimaatskrisis. Die ingewikkelde bestuur en finansiering om die impak van klimaatsverandering te versag, was hoorbaar tydens die intense debatte in die amptelike onderhandelings en is sigbaar in amptelike uitkomste van COP29. In die gedruis van die gange was daar egter merkbare optimisme oor die bestaande innovasie wat deur die private sektor aangedryf word. Dit gaan beslis ook deurslaggewend wees in die Suid-Afrikaanse landbou se pogings om die impak van klimaatsverandering te bestuur en te versag. Hoe werk COP29-onderhandelinge? COP29 het verlede jaar in Bakoe, Azerbeidjan, plaasgevind. COP staan vir conference of parties, wat die jaarlikse klimaatsveranderingskonferensie van die Verenigde Nasies (VN) is. COP…

Klimaatsverandering het tot dusver veral op vier vlakke ’n wesenlike uitwerking op veeproduksie. Eerstens kan die afname in voerproduksie vanaf droëland- en besproeide weidings tot hoër voerkoste lei. Oor laer reproduksie weens die effek van hittestres op vrugbaarheid is reeds wyd berig. Derdens is laer melkproduksie weens hittestres en swakker voeding onvermydelik, en dit beïnvloed ook die voorspeense groei van vleisbeeskalwers en kleinveelammers. Vierdens is ’n swakker groeitempo en laer voeromsettingsdoeltreffendheid by veral vleisbeeste tydens tydperke van hittestres is ook ’n gegewe. (Sien ook “Klimaatsverandering: Maak jou grootvee meer bestand” (rb.gy/hv1h71 op Landbou.com) vir meer hieroor.) Die feit dat klimaatsverandering ook tot ’n verandering in die verspreiding van veesiektes en plae kan lei, moenie uit die oog verloor word nie. Hartwater word deur die bontbosluis (Amblyomma hebraeum) oorgedra. Histories is…

Tamatie-en-kaasmacaroni Mac-en-kaas is ’n staatmaker en gunsteling by oud en jonk. Maak dit ’n bietjie gesonder – en baie geuriger – en vervang die witsous met ’n heerlike ryk tamatiesous. ■ 125 g spekvleis, fyngesnipper■ 500 ml tuisgemaakte tamatiesmoor■ 60 ml suurroom of roomkaas■ 1 pak (500 g) macaroni■ 250 ml kersietamaties, gehalveer■ 2 wiele fetakaas, in klein blokkies gesny■ 250 ml klein blokkies mozzarellakaas■ Sout en varsgemaalde swartpeper na smaak Voorverhit die oond tot 180 °C. Braai die fyngesnipperde spekvleis in ’n droë pan tot gaar. Voeg die tamatiesmoor by en verhit tot kookpunt. (As die smoor wat jy gebruik taamlik dik is, voeg ’n koppie kookwater by.) Laat goed deurkook, verwyder van die hitte en roer die suurroom (of roomkaas) deur. Verpulp die sous met ’n staafmenger. Hou…

Grondverhandeling in Gauteng, KwaZulu-Natal en Limpopo: September 2023 tot Augustus 2024 GAUTENG CARLETONVILLE WITFONTEIN (262) 110 ha, aan J.C.A. Wilken, van C.J.E. du Plessis en H.M. du Plessis, R3200000. PRETORIA DE WAGENDRIFT (417) 21 ha, aan M. Nare, van D.R. du Preez en M.G. du Preez, R1 400 000. ROODEPLAAT (293) 10 000 ha, aan K.L. Craemer en M.C. Craemer, van M. van Rooyen en M. Visser, R3 700 000. WELGEVONDEN (93) 21 ha, aan R & R Timeshare BK, van Bertenell Eiendomme BK, R2000000. KWAZULU-NATAL HARDING HLUKU (18278) 401 ha, aan Coastal Cane Carriers (Edms.) Bpk., van C.A.S. Rennie, R6000000. KOPJES KRAAL (322) 598 ha, aan B & B Farming Enterprises (Edms.) Bpk., van C & B Dickens Transport And Plant Hire (Edms.) Bpk., R11 500 000. JOZINI LOT…

Wêreld in 2024 eerste keer meer as 1,5 °C warmer DIE data van die wêreld- meteorologiese organisasie (WMO) toon dat 2024 die warmste jaar was wat nóg aangeteken is. Die gemiddelde wêreldwye temperatuur was verlede jaar die eerste keer 1,5 °C warmer as die gemiddelde wat tussen 1850 en 1900 aangeteken is. Die KAART wys in watter gebiede uitermatige temperature aangeteken is. Die WMO sê die inligting van ses internasionale stelle data toon gesamentlik dat 2024 se gemiddelde internasionale oppervlaktemperatuur 1,55 °C hoër as die gemiddelde was wat tussen 1850 en 1900 gemeet is. In die afgelope 10 jaar is rekordhoë temperature jaarliks aangeteken. Volgens die nasionale oseaniese en atmosferiese administrasie van Amerika het 195 lande hulle in 2015 op die 21ste COP-beraad in Parys daartoe verbind om die styging…

WENBRIEF Min tyd om te sorg dat SA genoeg kos het Die skrywe van Francois Wilken, voorsitter van Vrystaat Landbou, in Landbouweekblad van 9 Januarie 2025 (“Boere staan voor grootste krisis met oorlewing nóg”) het betrekking. Hy maak geen geheim daarvan dat boere voor die grootste krisis met oorlewing staan, ongeag wat ekonome en ander geleerdes wil voorgee. Boere is in die moeilikheid – finansieel, emosioneel en geestelik. Hy sê dit soos dit is! Hy noem dat die droogte ’n rol kan speel, maar vra dan ook die vraag hoekom boere nie genoegsame wins kon maak tydens die vorige vier goeie reënjare om die swak jare te verlig nie. Francois noem ook van insetkoste wat deurentyd bly styg. Veeboere se veemedisyne, konsentrate, toerusting, ensovoorts het onbekostigbaar geword sodat winsgewendheid net…

DIE bevestiging van die nuwe mieliesiekte, Goss- bakteriese verwelk en blaarskroei, het die Suid-Afrikaanse mieliebedryf in rep en roer. Berigte van ’n ongeïdentifiseerde bakteriële besmetting onder mielies is reeds vroeg in 2024 aangemeld in die oostelike én westelike somersaaigebiede, maar die nuwe siekte is nie dadelik herken nie en kon ook nie bevestig word nie. Met enige nuwe siekte of plaag is aanmelding by die departement van landbou belangrik aangesien dit fitosanitêre implikasies inhou vir die in- en uitvoer van graan, saad en plantmateriaal, en dit moet deeglik ondersoek en geïdentifiseer word voor dit amptelik bekend gemaak word. Die International Plant Protection Convention (IPPC) van die Voedsel-en-landbou-organisasie van die Verenigde Nasies (VLO) is ná bevestiging in kennis gestel, en daar is middel Januarie amptelik in ’n internasionale kennisgewing bevestig dat…

’N GROOT risiko van vroeë ryp in die somergraanstreke bestaan nadat landboutoestande in die eerste drie weke van Januarie wyd oor die gebied begin verswak en ’n kouefront in die tweede week skerp temperatuurdalings oor veral die Suid-Vrystaat tot gevolg gehad het. Johan van den Berg, onafhanklike landbouweerkundige, sê laat aanplantings oor ’n groot deel van dié gebied weens die reënseisoen wat laat aangebreek het, vergroot die risiko van ryp. Indien min reën in die komende weke val, sal dit risiko’s vir die grootste deel van veral die mielie-aanplantings, maar ook vir sojabone inhou. Selfs in die oostelike produksiegebiede, waar baie reën geval het, kan skade voorkom indien dit nie in Februarie reën nie. Die rede hiervoor is dat die grond in veral Mpumalanga en die Oos-Vrystaat nie baie water…

VERBOUERS van vars produkte steek reeds voelers na nuwe markte uit ná uitsprake van pres. Donald Trump, wat pas met sy tweede ampstermyn begin het. Richard Schouten, besturende direkteur van GroentenFruit Huis in Nederland, het in Fruit Logistica se aanlyn mediavoorskou gesê hy is besorg oor wat met lande soos Mexiko, Peru en Kanada gaan gebeur indien die Amerikaanse regering voortgaan met sy planne om tariewe van so hoog as 20% in te stel. “Dit kan die markte ontwrig. Ek het gehoor mense in Mexiko ondersoek reeds nuwe markte, soos Indonesië, Indië, Japan, China, Rusland en Europa. Dit sal die pryse van produkte soos avokado’s beïnvloed.” Philippe Binard, ’n afgevaardigde van Freshfel Europe, het gesê geleenthede kan ontstaan vir ander lande, soos in Europa, indien sekere lande Amerika weens sy…

Die Wêreld- Ekonomiese Forum (WEF) stel elke jaar ’n wêreldrisikoverslag bekend as agtergronddokument vir die WEF-vergadering van sakeen regeringsleiers in Davos in Switserland. Die verslag spruit uit indiepte-opnames en navorsing by sowat 900 sake- en regeringsleiers en akademici in die wêreld, en word nou al 20 jaar gedoen. By terugskouing is dit duidelik dat omgewingsfaktore, aangedryf deur die onstabiele klimaat, toenemend die eerste plek inneem as die grootste risiko. Dit raak diegene in die landbou direk, en baie meer gesprekke sal gevoer moet word oor doeltreffende maatreëls om die landbou en boerdery weerbaarder teen die toenemende klimaatsrisiko’s te maak. Die verloop van die huidige somerreënseisoen tot einde Januarie vanjaar voorspel niks goeds nie. Dit is voor die hand liggend dat die regering en die staat onkapabel is om die leiding…

Huurkontrakte vir skape, beeste in die diep Karoo, nougesette bestuur en grond in die Hantam-Karoo wat nes die Bokke se bomb squad op strategiese tye impak verskaf, is maar ’n paar van die planne wat Christoffel Lombard al gemaak het om ’n 185 jaar oue boerdery in die familie te hou. Christoffel (45), vyfde geslag Lombard wat met die CND-boerdery op die plaas Jangora by Loeriesfontein woeker, huiwer ook nie om ’n gebruik stop te sit as die droogte begin dreig nie. Die eerste huurkontrak – een vir 100 jaar – wat die Lombards vir Jangora onderteken het, is gedateer 1839, en hulle kon die plaas in 1957 koop. Hul Boesmanlandse plaas, Die Kliprand, se koopkontrak is in 1907 onderteken. Die ‘universiteit’ van die Karoo Christoffel het in 2002 sy…

Sekere vrugtebome, soos pruime en pere, is berug daarvoor dat dit nie bye se geliefkoosde kos is nie. Dié boorde moet dus aanloklik vir bye gemaak word om goeie bestuiwing en vrugset te verseker. Pruimbloeisels ruik dalk lekker, maar die nektar- en stuifmeelvlakke is dikwels aan die laer kant – en minder as dié van ander gewasse in die omgewing. Pruimbome blom ook in ’n koeler tyd van die jaar, wanneer bye traer is om te werk. Logika sê dat mededinging in blomtyd beperk moet word sodat bye nie ’n ander keuse het as om in vrugtebome te werk nie, maar Herman Brink, kommersiële byeboer en ondervoorsitter van die Wes-Kaapse byebedryfsvereniging, se ondervinding is anders. “As die boord nie so aanloklik is nie en die wittebroodfase (daardie eerste drie tot…

Swamdoder kan nou witluis by meer gewasse bekamp Die swamdoder Real Metarhizium 69 (reg.nr. L9281, Wet 36 van 1947) is reeds geruime tyd geregistreer vir die doeltreffende bekamping van witluis by sekere gewasse. Dit is onlangs geregistreer vir gebruik teen verskeie siektes en plae by ’n wyer reeks gewasse. Luidens ’n verklaring kan dié produk nou gebruik word om witluis by onder meer avokado’s, sitrus, kern- en steenvrugte, boomneute, bessies en ander klein vrugte te bestry. Die produk is ’n emulgeerbare spoorkonsentraat van die entomopatogene swam Metarhizium anisopliae (stam ICIPE 69). Dit word deur die maatskappy real-IPM vervaardig. Dit is ’n kontak-bioplaagdoder wat as organies gesertifiseer is vir boerderystandaarde van die Europese Unie en Amerika se nasionale organiese program. Prys: R1 840/liter. NAVRAE: Web: info@realipm.co.za Kleiner laaigrawe wys hul staal…

Hoe het ’n rekenaar- en elektroniese ingenieur wat in Kempton Park grootgeword het, ’n groenteboer geword? Was dit nog altyd ’n droom? Ek was nog altyd lief vir die natuur, maar my groot droom was eintlik om ’n entrepreneur te wees en ’n besigheid te bestuur. Ek wou ook graag iets doen wat baie mense bereik. Buiten dat almal moet eet, het boerdery ’n groot rol te speel in ons ekonomie en dit bied die geleentheid om baie werk te skep. Het jou agtergrond bygedra tot jou sukses as boer? Jy is immers al as die Gautengse Jongboer van die Jaar aangewys. Ek hou baie van fisika en wetenskap, en boerdery is ’n wetenskap, want jy moet die natuur en die grond verstaan. Die belangrikste is om te weet wie…

Vandag wil ek vir ’n wyle gesels oor fisieke aanraking en wat die waarde en betekenis daarvan kan wees. As kind het ek reeds gewonder waarom die Here Jesus ná sy opstanding nie wou hê dat Maria Magdalena Hom moes aanraak nie. Ek kon toe reeds verstaan waarom sy Jesus wou aanraak. Daar lê só baie opgesluit in fisieke aanraking. Dit sou erkenning, gerusstelling en vrede in die gemoed van dié verwarde vrou bring. Sy weet immers dat Jesus lééf. Haar oë het Hom gesien, haar ore het Hom gehoor en met haar hande sou sy Hom self aangeraak het. Simpatieke en vriendelike aanraking doen iets vir die een wat aangeraak word. Ek kan my voorstel wat ’n wonderlike ervaring dit vir die dissipels moes gewees het wat Jesus fisiek…

Die TABEL toon dat die pryse van grondtransaksies in Gauteng en Limpopo aansienlik gestyg het met onderskeidelik 75% en 66% oor die tydperk tot Augustus 2024, maar in KwaZulu-Natal is ’n daling van 66% in van die distrikte waargeneem. In Gauteng was daar 520 transaksies, en 90 451 ha is teen altesaam R4,595 miljard verhandel. Die kategorieë 150 ha tot 450 ha en groter as 600 ha dui op toenames in verhandeling. In 75% van die distrikte is gunstige prysneigings opgemerk. In KwaZulu-Natal is 297 transaksies in 13 distrikte gesluit. Altesaam 90 307 ha is teen R2,596 miljard verhandel. Verhandelings vir 50 ha tot 150 ha, 450 ha tot 600 ha en groter as 600 ha toon toenames. In 61% van die distrikte is ongunstige prysneigings waargeneem. In Limpopo is…

PRODUKSIEVEILING Goeie verkope op veiling van Limpopo se Beefmaster-klub Pragdiere is op 2 November 2024 by die Warmbadveemark, Bela-Bela, deur die Beefmaster-klub van Limpopo aangebied. Die hoogste bod vir ’n stoetbul is toegeslaan op die bul BOG 220019 van Beef on Grass by Bela-Bela. Thelza Trust van Lephalale het R85 000 vir hom betaal. Bulle is vir gemiddeld R46 000 verkoop. Die duurste vroulike dier was ’n dragtige vers, BOG 220006, ook van Beef on Grass. Sy is vir R30 000 aan JT Maree van Rustenburg verkoop. Die veiling se totale omset was R1 038 000. Vleissentraal Bosveld het die veiling aangebied, met Pieter-John Venter as afslaer. — ARNÉL MOSTERT VEILING VAN DIE WEEK Stoetram van Van Hasselt Angora behaal topprys op Willowmore DIE Angora-bedryf se eerste veiling van die…

BYEENKOMSTE 10-12 FEBRUARIE: Argus Fertilizer Africa-konferensie. Die Westin-hotel, Kaapstad. Web: www.argusmedia.com/en/events/conferences/fertilizer-africa-conference 4-5 MAART: Landbouweekblad se Volhoubare Landbou-konferensie 2025: Reitz. Navrae: e-pos: events@landbou.com. Kaartjies: quicket.co.za 6 MAART: Landbouweekblad se Volhoubare Landbou-konferensie 2025: Ottosdal. Navrae: e-pos: events@landbou.com. Kaartjies: quicket.co.za 12-13 MAART: Graan SA-kongres. Bothaville. Navrae: Tel. 08600 GRAIN (47246). Web: grainsa.co.za 13-14 MAART: 89ste jaarvergadering en kongres van die Meulenaarskamer, Bela-Bela. Web: grainmilling.org.za 18-19 MAART: African Canines in Conservation-konferensie. Midrand, Gauteng. Tel. 011 372 3600, e-pos: ewt@ewt.org.za. Web: ewt.org.za/events 18-20 MAART: Africa Agri Techkonferensie, CSIR-konferensiesentrum, Pretoria. Tel. 012 004 0811. Web: africa-agri.co.za 18-19 MAART: Simposium: Graanhanteringsorganisasie van SA. Diaz-hotel, Mosselbaai. Web: grainorgsa.co.za 19 MAART: Landbouweekblad se Volhoubare Landboukonferensie 2025: Moorreesburg. Navrae: e-pos: events@landbou.com. Kaartjies: quicket.co.za 27-28 MAART: African Farming-imbizo, Pretoria. Apollo Bomvana, 067 217 0190, apollo.bomvana@media24.com 8-9 APRIL: A-Z-pekankonferensie. Die plaas Dendron, Orania. A - Z…

DIE uitvoerseisoen verloop vanjaar gladder danksy veral verbeterde logistiek en dienslewering by die Kaapstadhawe, en die terugvoer van die mark af is gunstig. “Ons is bly dat die bou van nouer werkverhoudings en die opstel van gereelde kommunikasiekanale met Transnet tot nou toe goeie resultate opgelewer het,” sê Petersen. “Die jongste bedryfstatistiek (teen druktyd) wys die seisoen vorder soos verwag, met inspeksievolumes tot en met week 3 van die seisoen wat ooreenstem met verlede jaar se volumes.” Wat is die gemoedstemming in die bedryf tans? Boere is opgewonde oor beter dienslewering by die Kaapstad-hawe ná die vorige seisoene se struikelblokke. Ons moedig boere altyd aan om gereed te wees om te reageer indien struikelblokke gedurende die seisoen opduik. Dit is welbekend dat Suid-Afrikaanse boere aanpasbaar is en deursettingsvermoë het! Hoe…

BOERE en grondeienaars moenie nou onnodig meegesleur en pessimisties gestem word deur die huidige diskoers (veral tussen politieke partye) rondom die “nuwe” Onteieningswet nie. Die onteieningskonsep is so oud soos die berge. Suid-Afrika het nog altyd ’n Onteieningswet gehad – die laaste een so onlangs as in 1975. Dit is inderdaad nodig vir enige staat om te kan onteien wanneer dit nodig en in die belang van sy burgers is. Solank dit ordelik, regverdig en billik geskied, is dit wêreldwyd ’n aanvaarbare konsep. Selfs gedurende die vorige staatkundige bedeling in Suid-Afrika het onteiening gereeld gebeur – nie net vir paaie, damme, ens. nie, maar selfs vir politieke doeleindes. Dink maar aan die onteienings wat die tuislandbeleid moontlik gemaak het – honderde boere is onteien in daardie proses en menige vergoedingsdispute…

Die Mededingingskommissie het begin vanjaar sy finale verslag gepubliseer met 31 aanbevelings om mededinging in die varsproduktebedryf, waaronder varsproduktemarkte, te verbeter. Daar is gekonsentreer op die vyf belangrikste vrugte- en die vyf belangrikste groentesoorte. Drie aspekte van die waardeketting het veral onder die loep gekom: ■ Die doeltreffendheid van die waardeketting, veral wat die varsproduktemarkte betref. ■ Die insetverskaffingskant en die invloed op boere. ■ Hindernisse vir nuwe deelnemers. Daar is veral kritiek gelewer op die nasionale varsproduktemarkte wat aan munisipaliteite behoort en die optrede van markagente. Die toenemende bestuursprobleme by die markte die afgelope dekade en selfs langer is welbekend. Munisipaliteite sien dit as melkkoeie en het die infrastruktuur erg verwaarloos – in só ’n mate dat ’n paar private markte reeds ontstaan het. Daar was baie versoeke van…

Mans wat vir die 22-jarige Bianca Janse van Rensburg sê vroue hoort in die kombuis of hulle stel nie belang in meisies wat boer nie, sit sy vinnig en sonder omhaal op hul plek. Sy pluk haar eie blomme, baie dankie, praat ure lank met koeie, en boer op ’n Kanadese plaas naby Regina in die provinsie Saskatchewan – reg in die middel tussen Alberta en Manitoba – waar dit so plat is soos die Vrystaat waar sy vandaan kom. Bianca, wat meer as 31 000 volgelinge op TikTok het en verlede jaar een van die finaliste in Media24 se Smaakmakerkompetisie in die landboukategorie was, gaan nie haar sosialemedianaam van @Vrystaat_Bianca na @Saskatchewan_Bianca verander nie. “Die hele punt daarvan om hier te wees, is om eendag terug te kom na…

Dit is vir enige boer ’n nagmerrie wanneer hy ’n dompelpomp uit ’n boorgat moet haal en met die uittrekslag bly pype of stawe in die boorgat agter. Dan moet hy self sukkel of ’n spesialis vra om te help. Frans Nagel, wat ’n wildboerdery by Alldays in Limpopo bestuur, het met hierdie probleem te doen gekry toe hy ’n pomp wou uittrek omdat dit nie langer gewerk het nie, maar toe kom net die pomp uit. Die boorgatstawe en pype het agtergebly. “Gelukkig is ek tegnies aangelê en dit is gewoonlik vir my maklik om aan ’n oplossing te dink. Hierdie keer het dit my net sowat 90 minute gekos om ’n pypvanger te maak wat doeltreffend werk, sonder om planne te skets. Die boereplan was in my kop,”…

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Beesras Lees op bl. 94 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 95 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 20 Februarie 2025. Geen posstukke word meer as inskrywing…