Table of contents for 22 August 2024 in Landbouweekblad

Net goud kan dit beat! Vir Jo-Ané van Dyk, boorling van die Suid-Kaapse plaas Karringmelksrivier en Suid-Afrika se spiesgooi-sensasie wat ’n silwermedalje op die pas afgelope Olimpiese Spele gewen het, is die volgende mikpunt nie “Operation LA” nie, maar “Operation Gold”. Só het sy uit Parys aan Landbouweekblad gesê oor haar volgende doelwit vir die Olimpiese Spele wat in 2028 in Los Angeles gehou word. “Die Olimpiese Spele is iets wat vir ewig in my gedagtes en my hart ingeëts sal wees. My toekomstige skoonpa, Johan du Plessis, het gesê dit is ’n lewensveranderende oomblik wat eintlik net getroef kan word die dag wanneer jou kinders gebore word. Ek sal maar kyk of dit so is, maar Saterdagaand was beslis tot dusver die hoogtepunt van my loopbaan, eintlik my lewe.…

Manie Manie hoor by sy spioene dat John Steenhuisen se aanstelling as minister van landbou nie ’n klip nie, maar ’n behoorlike steen in die bos was by die departement van landbou. Een van sy senior amptenare het blykbaar weer van sy personeel gesien wat vier jaar laas op kantoor was. Hulle is glo nou banger vir die steen as vir covid-19 en kom werk nou weer op kantoor. Dit is toe dat daar glo agterkom is van hierdie werkers het nie destyds hul rekenaars by die kantoor vergeet nie – hulle besit glad nie eens rekenaars nie. Nou wonder Manie maar net watter werk hulle by die huis gedoen het? Die hernude skeiding tussen die departemente van landbou en grondsake gaan blykbaar ook ’n omwenteling teweegbring ná die groot…

Hoofnuus DIE kwytskelding van sekere hoendersnitte van BTW sal nie net ’n groot verskil maak aan verbruikers se sakke nie, maar ook tot voordeel van die plaaslike landbou wees. Die Suid-Afrikaanse Pluimveevereniging (SAPV) sê plaaslike hoendervleisprodusente doen reeds als in hul vermoë om hoendervleispryse laag te hou. “Die verwydering van die 15% BTW van die hoendersnitte wat arm huishoudings die meeste verbruik, sal vir hulle onmiddellike prysverligting bring en verseker dat noodsaaklike voedselprodukte bekostigbaar bly,” sê die vereniging. Hoendervleis is volgens die SAPV Suid-Afrika se gewildste en bekostigbaarste vleisbron en verteenwoordig 66% van alle vleis wat in die land verbruik word. “Dit is daarom die hoofbron van vleisproteïen vir miljoene arm mense, insluitend kinders in arm families.” Die organisasie het pres. Cyril Ramaphosa se aankondiging met die opening van die…

’N SAKEPLAN is noodsaaklik vir die aanwending van die peperduur Boran-bul wat onlangs in Suid-Afrika vir R8 miljoen verkoop is. Dít is belangriker om te beklemtoon as die bedrag wat die nuwe eienaar betaal het. Dié voortreflike bul, Cyclone, het ’n nuwe Suid-Afrikaanse rekordprys vir alle beesrasse behaal op Hurwitz Farming se tiende produksieveiling wat in sy veilingskompleks, The Bull Ring, gehou is. Die koper is Collen Tafireyi, ’n mynmagnaat en Boran-teler van Sinyo Farming van Hwedza in Masjonaland-Oos, Zimbabwe. Die hoë rekordprys laat mense wyd bespiegel oor hoe iemand só ’n groot belegging in ’n enkele dier kan regverdig. Christopher Havenga, rasadviseur van die Boran-genootskap, sê dit maak nie saak of ’n teler soveel geld vir ’n Boran of watter ras betaal nie, maar hy moet ’n sakeplan hê…

DIE FINANSIËLE druk waaronder verbruikers verkeer, is een van die grootste knelpunte vir die varsproduktebedryf, en kleinhandelaars en produsente werk hard om die koste te verminder sodat mededingende pryspunte aangebied kan word. Die afgelope drie jaar het die prys van elke stapelproduk skerp gestyg. Die koste van energie én rentekoerse het ook geklim. “Verbruikers het dus minder geld, maar moet duurder produkte koop,” het Travis Coppin, uitvoerende hoof van die kleinhandelafdeling by Food Lover’s Market, op die internasionale varsproduktevereniging (Ifpa) se Suidelike Afrika-konferensie in Kaapstad gesê. Hy sê hulle vind dat die goedkoopste kruideniersware reeds in verbruikers se mandjies is. “Waar ons in die verlede ’n maandeinde gehad het wat sowat 14 dae ná betaaldag geduur het, kan ons nou sien dat daar net nie meer geld is nie.” Laasjaar…

Suid-Afrikaanse mieliepryse is aan die galop, ondanks die verwagte oes en oordragvoorraad wat voldoende vir die plaaslike mark is. Die witmielieprys het byvoorbeeld tot byna R5 500/t gestyg. Lewerings is traag en vrae word oor die werklike oesgrootte gevra. Terselfdertyd is die tekorte aan mielies en voedsel noord van Suid-Afrika van só ’n aard dat daar sterk mededinging om veral Suid-Afrikaanse witmielies is. Die mielielewerings (1 Mei tot 18 Julie 2024) word in GRAFIEK 1 getoon. Daarvolgens is 10,07 miljoen ton mielies (79,2% van die verwagte oes van 13,333 miljoen ton) tot 19 Julie gelewer. Dit beteken daar is nog 2,65 miljoen ton uitstaande lewerings — nagenoeg 1,2 miljoen ton geelmielies en sowat 1,45 miljoen ton witmielies. Die ramings neem in ag dat daar voor die begin van die huidige…

Pekanneute Die pekanneutbedryf krap al jare lank kop oor ’n oplossing vir afwisselende drag, wat inkomste kan kniehalter. ’n Snoeimetode saam met die toediening van potas los dié probleem grootliks op. Alternerende drag kom voor wanneer die boom nie hergroei maak nie en die ogies waaruit die neute gevorm word, op die punte van die takke uitkom. Die beginsel wat normaalweg geld, is dat daar eerstejaarhout op tweedejaarhout moet wees om trossies neute te dra. Johan Coetzee, pekanneutboer van Grootdrink in die Noord-Kaap, het op ’n pekanneutkonferensie by Orania vertel hoe hy die probleem met potas (kaliumkarbonaat wat in water opgelos word) aanpak. ’n Oplossing van 10% was sover suksesvol, maar hulle gaan dié somer ook toetse met 8% en 6% doen om die aanbevelings verder te verfyn. Potas word…

Plaas mengsels presies met dié spuitstukke Presisie-spuitstukke, soos die 3D 90 van Syngenta, is ontwerp om elke druppel van die spuitmengsel op presies die regte plek neer te sit, sê Andries Duvenhage van Syngenta Suid-Afrika. Dit verminder wegdrywing en keer dat produkte in omliggende ekostelsels beland wat waterbronne en wild kan aantas. Presisie-spuitstukke tref hul teiken en só behaal boere hoër opbrengste met minder insette. Die 3D 90-spuitstukke is veral geskik om digte lower, soos aartappelblare en kanola, binne te dring, asook vir die toediening van vooropkomsonkruiddoders danksy die 55 grade-invalshoek en afwisselende plasing van spuitstukke op die spuitbalk. In winderige toestande is dit ook doeltreffender as ’n gewone platwaaierspuit. Met laasgenoemde is windspoed van 10 km/h die afsnypunt, maar die 3D 90 kan teen ’n windspoed van 15 km/h…

PromosieFORD Omskep enige vervelige rit in ’n avontuur met die Ford Ranger 4x4 2,0 XLT-dubbelkajuitbakkie. Dit is toegerus met moderne funksies en ontwerp om jou te help om jou werk-, gesins- en prettyd met gemak te balanseer. Laaibak van formaat Die laaibak van die Ford Ranger verander binne sekondes van ’n agterklap na ’n werkbank. Jy kan menige taak hier verrig – van hout vasmaak tot buitelugwerk. Die klampe agter maak van die agterklap ’n praktiese werkbank. Dit is ook toegerus met vasmaakpunte om enige vrag te beveilig. ’n Maatband op die agterklap help jou om akkurate afmetings te neem wanneer jy in die veld is. Veiligheid Veiligheid geniet voorkeur, en daarom beskik die Ford Ranger XLT oor talle kenmerke om jou en jou passasiers te beskerm. Sy gevorderde alarmstelsel…

Die afgelope somerplantseisoen in die westelike produksiegebiede is gekenmerk deur langdurige hoë temperature met min of geen reënval. Grondvog was aanvanklik redelik goed en aanplantings is gedoen met die hoop op gereelde reënbuie deur die seisoen. In baie gevalle het dit egter nie in Januarie en Februarie gereën nie, wat meegebring het dat die deurslaggewendste fases van kopontwikkeling in die droogste en warmste tye geval het. Verhoogde stremming ■ Hoër temperature verhoog die transpirasietempo van gewasse, wat die aanvraag na grondwatervoorsiening verhoog en die begin van droogtestremming veroorsaak.■ Die wateraanvraag verdubbel teen hoë temperature van 27 °C tot 35 °C.■ Mielies reageer op waterstremming deur die stomata toe te maak, wat waterverbruik verminder, maar ook die opname van CO₂, wat nodig is vir fotosintese. Dampdruktekorte Hoë temperature verminder opbrengste direk…

Taai en weerstandbiedende gras- en breëblaaronkruid kan mielieplante se ontwikkeling ernstig belemmer, en dis waar Yamato® 480 SC sy staal wys. Sy unieke chemiese samestelling bied doeltreffende bekamping van ’n wye verskeidenheid onkruid in talle grondtipes, met toedieningsopsies vir voor- en na-opkoms. Weerstandbiedende gras- en breëblaaronkruidsoorte, tesame met hardnekkige uintjies, bly ’n probleem vir mielieboere wat onkruidmededinging in hul lande doeltreffend wil bekamp. Philagro se plaaslike navorsingsproewe het getoon dat Yamato® 480 SC veilige gewasbeskerming bied en aanpasbaar aangewend kan word na gelang van spesifieke behoeftes. Aktiewe bestanddeel Yamato® 480 SC is deur Kumiai Chemical Industry in Japan ontwikkel en word reeds wêreldwyd met groot sukses in ’n wye verskeidenheid toestande en gewasse gebruik. Die aktiewe bestanddeel, piroksasulfoon, het reeds in verskeie lande ’n benydenswaardige reputasie verwerf vir die doeltreffende…

Hereford Simmentaler Limousin Rooi Angus Swart Angus Dexter Charolais Santa Gertrudis…

Huntersvlei-bul behaal Sussex-rekordprys ’N WEEK voor Anthony Evans van Huntersvlei Sussex se dood het hy ’n rekordprys behaal met ’n bul wat vir R200 000 verkoop is. Sy dogter, Claire Evans-Anderson, het vanjaar ’n nuwe rekordprys opgestel met ’n bul wat vir R240 000 verkoop is. Groot opgewondenheid het geheers op Huntersvlei Sussex, die oudste Sussex-stoetery in Suid-Afrika, se produksieveiling op die plaas Huntersvlei by Viljoenskroon in die Vrystaat. Dié stoetery het op 31 Julie sy 54ste produksieveiling aangebied en ál die lotte wat aangebied is, is verkoop. Die rekordprys-bul is JRE2152, een van Huntersvlei Colossal die 37ste se seuns. Duncan Cairns van Yield Agri Investments by Bloemfontein was die koper. Hy sê dit is vir hom ’n voorreg om dié uitstekende teelmateriaal van Huntersvlei te kon koop. Hy het…

Hoë sappryse gulde geleentheid Sappryse is tans tot vier keer soveel as vorige jare weens ’n wêreldwye tekort aan lemoene, maar sitruskwekers word gewaarsku om nie ál hul vrugte in dié mandjie te pak nie. Luidens ’n berig op CNBC kry Suid-Afrikaanse kwekers vanjaar van R5 000 tot R6 000 per ton sitrus, terwyl R1 900 per ton die hoogste prys was wat in 2002 behaal is. Dié abnormaal hoë pryse is weens ’n internasionale tekort aan sitrus, sê Hannes de Waal, uitvoerende hoof van die Sondagsriviersitrusmaatskappy en ondervoorsitter van die Suider-Afrikaanse Sitruskwekersvereniging (SKV). “Dit is die stand van sake met vars produkte. Wanneer daar ’n tekort is, raak pryse buitensporig hoog en wanneer daar ’n oorskot is, word dit weer laag.” Intussen het die SKV gesê daar word 1…

Hoofnuus “EK het 36 weke nodig om ’n lam te produseer tot op die vlak waar ek hom aan ’n abattoir kan lewer. Vir daardie lam, waarna ek nege maande lank gekyk het, kry ek tans rondom R88/kg. En dan in ’n week se tyd word daai lam só opge-jack vir die res van die waardeketting dat dit onbekostigbaar vir die verbruiker word. Dit maak mos nie sin nie.” Só het Christoffel Lombard, ’n boer van die distrik Loeriesfontein, onlangs gesê op ’n vergadering wat met die Rooivleisprodusente-organisasie (RPO) gehou is. Die vergadering is gehou nadat die Loeriesfontein Boere Unie namens sy lede ’n brief aan die RPO gestuur het om kwessies uit te klaar. Dr. Frikkie Maré, uitvoerende hoof van die RPO, was ook daar. Die Loeriesfontein-distrik gaan reeds…

’N TERUGKEER na normale produksievlakke vir gewasse, kommer oor biosekerheid en ’n skerp toename in uitvoervrugte en -neute is van die belangrike punte in die vooruitskouingsverslag van die buro vir voedselen landboubeleid (BFAP). Na verwagting sal die reële bruto binnelandse produk (BBP) vir die sektor afplat nadat dit die afgelope 20 jaar ver bo die res van die ekonomie gegroei het, is die bevinding in die vooruitskouing vir 2024 tot 2033. Vir gewasproduksie, waar ’n terugkeer na normale produksievlakke produsente aan laer internasionale pryse sal blootstel, word geen groei verwag nie (GRAFIEK 1). Terwyl laer voerpryse verligting vir intensiewe vleisprodusente sal beteken, is die groei in die plaaslike vraag na hierdie hoër-waarde-produkte min weens die verwagte gebrekkige groei in die ekonomie. Volgens BFAP sal vleisuitvoer aansienlik moet toeneem om die…

’n Insekdoder wat heeltemal anders as tradisionele middels werk, is onlangs in Amerika vir gebruik teen die skadelike Coloradoaartappelkewer geregistreer. Dié kewer, wat al teen meer as 50 plaagdoders met alle soorte aktiewe bestanddele weerstand het, kom van die Amerikaanse Rotsgebergte af en het al oor die hele Noordelike Halfrond versprei. Dit beskadig ook eiervrugplante, tamaties en soetrissies. Na aanleiding van ’n artikel in Frontiers in Insect Science in 2023 oor 25 jaar van RNSi-navorsing, skryf Erik Skokstad in Science dat daar ’n nuwe manier is om dié insekte te bekamp wat heeltemal anders werk as die gewone plaagdoders. Daar word ook daarop aanspraak gemaak dat dit veiliger vir mense en die omgewing is. Die plaagdoder is gegrond op die RNS-ingrypingsmeganisme (RNSi) wat ’n lewensbelangrike geen in Coloradoaartappelkewers teiken. RNSi…

Met ’n kragtariefverhoging van 653% oor die afgelope 15 jaar raak dit ál duideliker waarom meer en meer boere na oplossings gryp om ’n ekstra inkomstebron deur eie kragnetwerke te vestig. In ’n onlangse aanlyn gesprek oor regulatoriese veranderinge wat dit nou moontlik maak om ekstra energie terug te verkoop aan die Eskom-netwerk, het verteenwoordigers van Agri X, Enpower Trading en Future Cities Africa die geleenthede en probleme wat kragversending (wheeling) en energiehandel in die landbousektor betref, bespreek. Suid-Afrika se primêre landbousektor het van 2008 tot 2022 jaarliks met sowat 7,5% gegroei, ondanks die kragkrisis. Baie boere het sonkragstelsels op hul plase geïnstalleer om hul boerderye te verskans teen die onvoorspelbaarheid van beurtkrag, het Simon le Roux van Enpower Trading vertel. Koos Nel van Agri X het daarop gewys dat…

Meer as 50% meer smaaklike grasse, 80% meer inheemse peulplante, 64% meer gras-biomassa, 60% meer botaniese biodiversiteit, ’n verdubbeling van weikapasiteit en waterindringing, en ’n verdriedubbeling van veebelading. Dit is ’n mondvol, maar is net enkele bemoedigende resultate van ’n omvattende vyf jaar lange studie oor die effek van nieselektiewe ultrahoëdrukbeweiding op natuurlike weiding op Danie Slabbert se plaas, Van Rooyenswoning, by Reitz in die Oos-Vrystaat. Dit teenoor ’n gewone selektiewe rotasiestelselbeweiding op ’n buurplaas. Danie het in 2017 met ultrahoëdrukbeweiding begin in ’n stelsel waar hy ’n trop van sowat 500 Drakensbergers oor ’n 100 m breë strook laat wei. Die weidingstrook word uurliks met 7 m tot 15 m aangeskuif, na gelang van die beskikbare gras. Die agterkant van die strook word oopgelaat om die diere toegang tot…

Lusern het ’n uitstekende proteïeninhoud as topklashooi en is ’n betroubare hergroeigewas. Daarby is dit ook ’n peulgewas wat, mits dit met Rhizobium geïnokuleer is, moeiteloos stikstof vaslê en só ’n boer se kunsmisrekening kan verlaag. Inokulering Die inokuleringsproses kan baie mense egter laat kopkrap. Gelukkig bied Barenbrug ’n plantgereed-oplossing. Sy lusernsaad is behandel met sy sogenoemde yellow jacket technology (YJT), wat Rhizobium insluit. Die YJT konsentreer op volhoubare saadverbetering, saadgehalte en topgehalte-produksie. Die bioafbreekbare formulasie bevat geen kontakswamdoders of mikroplastiekdeeltjies wat skadelik vir Rhizobium kan wees nie. Streng gehaltebeheerprotokolle verseker die oorlewing en nodulering van Rhizobium op verkorrelde lusernsaad, wat bydra tot verminderde risiko’s en gemoedsrus. Hierby ingesluit is ’n opbergingstemperatuur van 10-27 °C. Insekdoder Benewens die Rhizobium-insluiting by die YJT bevat dit ’n sistemiese saadbehandelingsinsekdoder, Cruiser® White, wat…

PromosieTREKKER VIR ’N BOERWESBANK Graanboerdery is sterk gekoppel aan meganisasie, wat baie belangrik is vir Wesbank, want graan is ’n groot deel van sy portefeulje. Finansiering speel ’n groot rol wanneer dit by meganisasie kom, sê Dawie Maree, hoof van landbou-inligting en -bemarking by FNB. Wesbank se benadering tot finansiering in die landbousektor is deeglik en doelgerig. “Een van ons kernbeginsels is dat enige toerusting met ’n reeksnommer in aanmerking kom vir finansiering,” sê hy. Dit beteken dat kapitaalitems, soos trekkers, stropers en ander landbouwerktuie, maklik gefinansier kan word mits dit individueel opgespoor en geverifieer kan word. Bates speel ’n sleutelrol in Wesbank se finansieringsbesluite. Die teenwoordigheid en waarde van bates dien as sekuriteit vir lenings, wat die risiko vir die boer én die finansieringsinstelling verminder. “Wesbank evalueer ook die…

Alex Harrell se rekordsojaboonoes is aangeteken in die Amerikaanse ekwivalent van Suid-Afrika se Groei vir Goud-kompetisie wat jaarliks deur Graan SA aangebied word. Dit beteken die landery wat die rekord opgelewer het, het heelwat spesiale aandag gekry. (Suid-Afrika se rekordsojaboonoes van 6,668 t/ha onder besproeiing is verlede jaar deur Jan van Heerden van Hartswater opgestel.) Dit is goed om te weet wat moontlik is, maar geen boer kan soveel moeite doen met duisend hektaar sojabone nie. Onder gewone omstandighede streef boere optimale opbrengs na sonder om winsgewendheid per hektaar uit die oog te verloor. ’n Wins op elke hektaar is net moontlik wanneer die beste balans tussen insetkoste en opbrengs behaal word. “Die basiese beginsels bly belangrik om gewaspotensiaal só te beskerm dat die maksimum opbrengs behaal kan word, veral…

AFGRI Grain Management is ’n wêreldleier in die hantering en opberging van grane en oliesade. Hy bied veilige opberging van graan en oliesade in sy 69 silo- en 22 bunkerkomplekse wat altesaam 5 miljoen ton kan opberg. Elkeen van hierdie geriewe het rugsteunkragvoorsiening om te verseker dat sake tydens enige oesseisoen glad verloop. AFGRI Grain Management se personeel is beskikbaar om – op versoek – enige tyd van die dag of nag, sewe dae per week, graanlewerings te ontvang. Wat hom van sy mededingers onderskei, is dat hy die enigste landboudienste-organisasie is wat geen innameheffings verhaal nie. ’n Enkele hanteringsheffing word gevra wanneer die produk versend word, wat sy kliënte beter kontantvloeibestuursopsies bied. AFGRI Grain Management se graanverhandelingsdeskundiges kan boere en ander kliënte bystaan om die beste bemarkingsbesluite te neem.…

Vir veeboere beteken water werklik lewe – van drinkwater vir diere tot water vir die kweek van voer. Voeding is een van die belangrikste faktore in veeboerdery. Die gehalte van die voer wat die diere kry, sal bepaal of hulle hul genetiese potensiaal kan bereik. Dit hang saam met die hoeveelheid en gehalte van die water waartoe hulle toegang het. Albei is noodsaaklik vir oorlewing, groei en voortplanting. Daar is ’n direkte verband tussen die hoeveelheid water wat ’n dier suip, die hoeveelheid voer wat hy vreet en die tempo van gewigstoename. Swak wateropname lei tot swak voeropname, met gevolglik ’n swak groeitempo. Water speel ook ’n rol om vee by ’n relatief stabiele liggaamstemperatuur te hou. Dit hou die liggaam koel deur die produksie en verdamping van sweet. Om…

Die reën sif neer oor Babylonstoren se keurige werf terwyl Anton Roux flink die steil trappe kantoor toe klim. Hy lyk 20 jaar jonger as sy amper 85 jaar, waarvan hy meer as 65 jaar in die vrugtebedryf gewerk het. “As jy jou lewe aan iets gewy het, moet jy darem iets nalaat,” sê hy glimlaggend toe hy sy boek, Prune like a Pro: The Babylonstoren Guide to Pruning Fruit Trees, voor my op die tafel sien lê. Vir ywerige tuiniers of landboustudente (wat dikwels sê hulle leer in ’n dag meer by ‘oom Anton’ as in twee jaar op universiteit) is hierdie ’n waardevolle, praktiese gids om vrugtebome behoorlik te snoei en letterlik die vrugte te pluk van hul toewyding. In ware Babylonstoren-styl is dit ook ’n fees vir…

VOLGENS die Nasionale Oesskattingskomitee (NOK) se voorlopige oppervlakteskatting vir wintergewasse kan Suid-Afrika uitsien na ’n rekordaanplanting van kanola. Volgens die voorlopige skatting is daar 146 200 ha kanola aangeplant, wat 11,4% meer is as in die ooreenstemmende tyd verlede jaar. Wandile Sihlobo, hoofekonoom van Agbiz, beskryf kanola as een van die Suid-Afrikaanse landbou se suksesverhale. “Van die 1998-’99-seisoen se eerste kommersiële aanplantings van 17 000 ha het dit uitgebrei tot vanjaar se raming van meer as 146 000 ha. Dit is ’n wintergewas wat hoofsaaklik in die Wes-Kaap met sy winterreën verbou word.” Hy skryf die rekordaanplantings toe aan onder meer ’n groter plaaslike vraag en verbruik van plantolies en oliekoek. “Suid-Afrika is nou ook ’n netto uitvoerder van kanola met uitvoer na lande soos Duitsland en België in die…

Wys stadsjapies hoe ’n plaas werk Ons sit met ’n probleem in Suid-Afrika, naamlik dat baie mense nie meer weet wat op ’n plaas aangaan nie. Daar is nie meer oupas of oumas op die plaas nie, so hulle kuier nooit meer daar nie. Die anderdag gesels ek en ’n vriend. Hy vertel my van ’n vriendin van sy dogter uit Pretoria. Sy was baie uitgesproke oor boere, want hulle slag diere. Sy eet nie vleis nie. Voor haar het egter ’n bak biltong en droewors gestaan waaraan sy lekker weggelê het. Toe hy haar vra wat dit is, sê sy baie slim “biltong en droëwors”. Sy het nie geweet dat dié lekkernye van vleis gemaak word nie . . . Ek het al gesien dat mense kameras by waterpunte…

BENEWENS hierdie kwessie moet die moontlike nadelige gevolge van kitsbevrore hoenderstukke (individually quick frozen of IQF) wat 15% goedkoper is, ook behoorlik in ag geneem word, sê die RPO. Dit kan ander vleispryse aftrek, wat rooivleisprodusente nie kan bekostig nie, en die invoer van goedkoop hoendervleis laat styg. Die RPO het sy sienings in ’n verklaring uiteengesit in reaksie op die Suid-Afrikaanse Pluimveevereniging (SAPV) en die DA se pleidooie dat IQF-hoendervleis van BTW vrygestel moet word om dit bekostigbaarder vir verbruikers te maak. Die RPO stem saam dat voedselpryse so laag as moontlik vir die gemarginaliseerde en lae-inkomstehuishoudings moet wees, maar sê verskeie faktore moet oorweeg word. Volgens die organisasie toon die huidige lys van BTW-vrye voedselprodukte dat dit noodsaaklike bronne van die aanbevole voedselgroepe, soos bronne van proteïen, energie…

“DIE vrugtebedryf is nie net vir Suid-Afrika belangrik nie, maar ook vir die internasionale markte. Ons verstaan die logistieke probleme waaronder die bedryf gebuk gegaan het, en ons wil die knelpunte verminder.” Só het Michelle Phillips, uitvoerende hoof van Transnet, op die Suider-Afrikaanse konferensie van die internasionale varsproduktevereniging (Ifpa) in Kaapstad gesê. Phillips het na ’n “wedstrydplan” vir die Wes-Kaapse vrugteseisoen verwys. “Ons kan nie dieselfde ervaring en knelpunte as verlede jaar hê nie, veral nie om produkte deur die hawens uitgevoer te kry nie. Die sitrusseisoen is pas klaar en die druiweseisoen lê voor. Ons wil nie weer beleef wat verlede jaar gebeur het nie. “Daar is ’n groep mense binne Transnet wat tans baie hard werk om dinge om te swaai sodat ons kommoditeite kan skuif. Alles wat…

BOSLUISE raak ál meer weerstandig teen die plaagdoders wat veronderstel is om hulle dood te maak. Dr. Luther van der Mescht, senior dosent by die departement dier- en insektekunde aan die Universiteit van die Vrystaat, skryf op The Conversation dat dit daarom moeiliker raak om hulle te bekamp. Dit kan verreikende gevolge vir Suid-Afrika se vee- en vleisbedryf inhou. Suid-Afrika het ’n groot aantal bosluisspesies wat vinniger in warm, klam toestande ontwikkel en dus vinniger weerstand kan ontwikkel. Boonop huisves die bosluise wat op Suid-Afrika se sowat 12,2 miljoen beeste teer, patogeniese organismes wat dodelike siektes, soos anaplasmose (bosluisgalsiekte) en babesiose, kan veroorsaak. Van der Mescht het die weerstandstatus van die Asiese bloubosluis (Rhipicephalus microplus) bestudeer en bevind dat baie van die bosluisbevolkings weerstand toon teen minstens twee van die…

Dexter-beeste raak ’n ál bekender gesig in die wingerde van Wes-Kaapse wynplase danksy hul vermoë om onkruid in toom te hou en grond te help opbou as deel van herlewingslandbou. Wynboere wat op bemarking ingestel is, is ook gretig om dié ras se smaaklike vleis aan verbruikers bekend te stel. “Die hoeveelste wynboer het my pas gebel. Die neiging is besig om baie momentum te kry, en ons kry heelwat navrae van wynboere wat Dexters by hul wingerdboerdery wil insluit. Ek is al 40 jaar lank in die landbou en ’n mens sien giere kom en gaan, maar ek dink daar is meer as dít hieraan,” sê Willie du Plessis van Versig Dexters op Riversdal. Hy is ook ’n visevoorsitter van Dexter SA. Onlangse Dexter-boeredae in die Paarl en op…

Die doeltreffendheid van blaarbespuitings word deur talle faktore beïnvloed, waaronder die konsentrasie en pH van die spuitoplossing, klimaat, chemiese formulasie van die spuitstof en die byvoeging van opname-verbeteraars. Dit is ook belangrik dat die boer ingelig moet wees oor watter voedingselemente gespuit moet word en wat die korrekte toedieningstyd vir elkeen is. Dit is belangrik om te onthou dat blaarbespuitings nie grondvoeding vervang nie, maar eerder ’n hulpmiddel is om die produktiwiteit en gehalte van die pekanneutboom te verbeter. Vroeg in die seisoen moet veral jong blare bykomende voedingstowwe kry omdat die ontwikkeling van die blare dikwels die voorsieningstempo van die boom se reserwes oorskry. Gedurende die pekanneut se groeiseisoen is daar drie belangrike tye waartydens sekere voedingselemente toegedien kan word vir optimale resultate. 1 September: Stuifmeelbespuiting Aan die begin…

Grondgesondheid word gedefinieer as die vermoë van grond om ’n lewensvatbare ekostelsel te onderhou wat bevorderlik vir hoë produktiwiteit en ’n gesonde omgewing is. Dit word bepaal deur fisieke grondeienskappe, chemiese faktore en biologiese prosesse. Biologiese prosesse is ’n sleutelfaktor wat tot grondgesondheid bydra. Mikro-organismes kan vir soveel as 90% van alle bio-geologiese prosesse in grond verantwoordelik wees. Verskeie grondverwante funksies word deur mikro-organismes ondersteun, waaronder voedingstofverwerking en-behoud, die afbreek van afvalstowwe, siekte-onderdrukking en die afbreek en stabilisering van grondaggregate. Talle soorte mikro-organismes dra tot grondgesondheid by. Mikorisa-swamme speel ’n sleutelrol in die grondekostelsel omdat dit ál drie komponente van die definisie van grondgesondheid kan beïnvloed: ■ Mikorisa vervaardig glomalien, ’n gluko-proteïen wat gronddeeltjies bind en ’n verbetering in grondstruktuur tot gevolg kan hê.■ Mikorisa kan aan plante toegang bied…

In Suid-Afrika se somersaaigebiede word ongeveer 550 000 tot 600 000 hektaar sonneblom jaarliks geplant. Die grootste deel hiervan word normaalweg in Januarie aangeplant. Die vraag moet egter gevra word – is Januarie die ideale planttyd vir sonneblom of kan vroeë aanplantings meer voordele vir boere inhou? Wat sê die boere wat vroeg plant? ’n Paar sonneblomboere vertel van hul ondervindings met vroeë aanplantings van dié gewas. Ferdi du Plessis van die plaas Kalkfontein in die distrik Lichtenburg in Noordwes sê sonneblom is ’n baie onderskatte akkerbougewas aangesien dit ’n laerisiko-gewas is en ook taamlik lae insetkoste vereis. Hy probeer normaalweg om sonneblom vroeg te plant aangesien die plante baat vind by ’n langer groeiseisoen, wat op sy beurt weer die kans op ’n hoër opbrengs aansienlik verbeter. Volgens Ferdi…

Die deelnemers het van tot Swellendam in die Wes-Kaap en Fraserburg in die Karoo na Bloemfontein gereis. Die deelname is in 56 klasse aangebied en geregistreerde stoeterye én kommersiële telers het deelgeneem. Willie van Heerden, bestuurshoof van Merino SA, sê die gehalte van die deelnemende veldskape was uitstekend, ten spyte van die ongunstige toestande in van die produksiegebiede.…

Waar het jy grootgeword en hoe het jy in die veilingsbedryf beland? Ek kom uit ’n familie van boere en is gebore en getoë op Kokstad in Griekwaland-Oos. My pa, Mike, het ’n gemengde melk-, bees- en skaapplaas by Swartberg gehad. Ons het later na ’n suikerrietplaas in Zoeloeland verhuis. As tiener by Swartberg het veilings my begin fassineer. Ek het dit baie geniet om die maandelikse veeveilings by te woon en om legendariese afslaers soos Terence Craig, Bobby Mills en Clive Gardner te sien werk. Ná my tweejaar-diensplig en ’n mislukte studiejaar het my pa gesê ek moet ’n werk kry. Ek het Terence Craig gekontak en gesê ek wil ’n afslaer word. Hy het in 1982 vir my ’n deur by Stockowners oopgemaak. Ek het by die Cato…