Table of contents for 19 June 2025 in Kuier

As jy rugby royalty op die voorblad soek wat doer annerkant die waters in die Ooste klubrugby speel, dan moet jy woeker, duimvashou en skietgebedjies opstuur! Toe ons moes besluit wie op ons Vadersdag-uitgawe gaan pryk, het die Bokblits Cheslin Kolbe se naam eerste opgeduik. Dié ster-vleuel laat die ding ruk op die veld en is laas jaar hier op eie bodem as Suid-Afrika se speler van die jaar aangewys. Maar wie is die man ágter Cheslin? Wie is mnr. Kolbe snr.? Die boodskappe het begin vlieg om te hoor wanneer Cheslin weer ’n draai in die Kaap gooi vanuit Tokio, waar hy vir die Japanse rugbyklub Tokyo Sungoliath uitdraf. Kyk, dis ’n mengsel van kontak behou en fyn speurwerk op social media, so toe Cheslin se vrou, Layla, ’n…

'n Indrukwekkende woning met twee gitswart vuurwaens wat regstaan soos twee vleuels op die rugbyveld begroet jou wanneer jy naderstap. Dan maak die bekroonde Springbok-vleuel Cheslin Kolbe (31) die groot glasdeur van sy woning oop vir Kuier op ’n koue wintersaand in Kaapstad. Hy lag lekker toe ons grap ons het maar ons motor daar by die vullisdrom geparkeer toe ons sý rygoed sien. Maar dis duidelik hy is nie een vir spog oor besittings en toekennings nie. Dié Bok-blits praat veel eerder oor ander se impak op sy lewe – soos dié van sy pa, Andrew (57) – as om sy eie lof te besing. En daar ís heelwat om te besing: ’n Olimpiese bronsmedalje in 2016 in die Summer Olympics as deel van die Blitsbokke, sy buiging as…

Dit was ’n Saterdagaand in 2017, onthou sy. Sy was tuis en in ’n diep, donker gat. So donker dat sy nie meer wou leef nie. “Ek was in ’n plek van diepe moedeloosheid,” onthou Nadine Bedwell. “Alles was donker rondom my. Ek’t gedink daar is geen uitweg vir my nie.” Al wat Nadine van daai aand onthou, is dat sy handevol pille gesluk het. Verskillende pille. Enigiets wat sy in die hande kon kry. Toe sy weer wakker word, was sy in die intensiewesorgeenheid van die Robert Mangaliso Sobukwehospitaal in Kimberley. Haar geliefdes het haar daarheen gejaag. Haar hart het byna gaan staan. Maar vandag is dit agt jaar later. En Nadine (27), wat as ‘n onderwyseres by die Hoërskool Phakamisani in Hanover in die Noord-Kaap werk, het op…

Maak een van dié drie kerriepastas vir ’n Thaise koservaring. Hier is ’n basiese resep met een of twee veranderings in die bestanddele. Pas die hoeveelheid chilli aan na smaak. Lewer elk 1½ koppie KERRIEPASTA BESTANDDELE 300 g peppers (rooi vir rooi-, geel vir geel- en groen vir groenkerrie) 50 g knoffel, fyngedruk 20 g gemmer, fyngemaal 3-5 chillies 1 stingel lemongrass, fyngekap 40 g vars dhanya, gekap 1 eetlepel fyn koljander 1 teelepel sout 1 teelepel vars swartpeper, gemaal VIR DIE ROOI- EN GROENKERRIEPASTA ¼ teelepel borriepoeier VIR DIE GEELKERRIEPASTA 3-4 teelepels borriepoeier METODE ■ Plaas al die bestanddele in ’n food processor en verwerk tot ’n pasta vorm. ■ Plaas in ’n pan oor matige hitte. Voeg die speserymengsel by en verhit tot dit begin borrel. ■ Verlaag die hitte en laat al die bestanddele vir…

Seuntjie happy in 'n rok Vraag ROKKIES WÍL HY DRA My laaitie het begin rokkies dra. Hy’s ses en baie gelukkig in een. Ons het dit begin toelaat, want hy huil as ons sê hy moenie. Maar ek en my vrou weet nie hoe om die situasie te hanteer nie. ANONIEM Antwoord BESTE ANONIEM Ek weet jy wil jou kind beskerm teen die koue, harde wêreld. Maar wat leer dit hom nou eintlik? Jy sal hom eerder beskerm teen haters pleks van hom toelaat om te wees wie hy is? Kinders is nie gemaak om in die samelewing se boksies te pas nie. Laat hulle toe om hul pragtige, kleurvolle self te wees. Wie weet, dalk is dié net ’n fase waarin jou kind fun wil hê met rokkies? Jy…

VOLTOOI: Dié Pitch Perfect-ster speel ’n hoofstrooimeisie en geheime agent in die nuwe aksiefliek Bride Hard. SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 9 Julie 2025. SMS/R1,50. Die oplossing verskyn in die uitgawe van 31 Julie 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 9 JULIE 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 195 afrigter beredder borrel breier draaiorrel forseer frustreer gorrel haarkleur hartlyer herinner horries karring kerrie klerewerker korrelrig korridor kruller kurator kwartier oortreder prokureursbrief rabarber radbraak rampokker rankroos referaat regering regressie regruk rêrig rifrug riller rogbrood rolrib rondritser rooiroman rugryer skrander skrywer terrein torring vererger verrinneweer verroes verromer verteer voorouers warrel woordvoerder OPLOSSING VERSKYN IN DIE UITGAWE VAN 3 JULIE 2025. SOEK VIR DIE SPELETJIENOMMER.…

Enigeen wat my ken sal weet ek is nou nie juis die aktiefste persoon op sosiale media nie, maar lees ek ’n meme raak wat my lagspiere kielie, of waarby ek aanklank vind, moet my beste vriendin en sussie maar weet ek gaan dit vir hulle stuur. So tussen die meme-stuurdery deur bel my sussie my so ’n rukkie gelede en stel voor ons begin ’n vlog, want ons raak die vreemdste goed kwyt en trek mekaar se siel uit wanneer ons by mekaar is, maar die introvert in my het dadelik teen die karre geskop. Ek is van nature skaam, teruggetrokke en maar boring, en ek ontspan net werklik tussen my hartsmense. En ek verkies dat sekere goed sacred bly. Die res deel ek met julle hier in “Sielskos”,…

“Jill & Khadija pas nie in boksies nie”, 5 Junie Geluk, my sussies Khadija Heeger en Jill Levenberg – veral Khadija, op jou voorblad shoot. Pragtige, vriendelike, plat op die aarde, wonderlike, geloofwaardige akteurlegendes, period! Hulle het my nooit soos ’n agtergrondakteur laat voel op hul onderskeie stelle nie. GINO “Wáár is ons seun?”, 5 Junie Dirk en Lanza (Waterboer) ons bid saam met julle dat (jul 14-jarige seun) David gevind sal word. Sy naam sal nie stil word nie. Ons vertroue is in God. ROELINE Die kinders verdwyn net spoorloos in Suid-Afrika en word nooit weer gevind nie. Dis soos ’n mode. Daar moet íéts gebeur – en ek praat van Suid-Afrika as ’n geheel. Something must happen. EBENICE Ai, Dawie. Die hele Nababeep rou oor jou. Kom huis…

Platgeslaan. Slapelose nagte. ’n Kleindogter wat reeds langer as ’n jaar vermis word; ’n dogter met wie sy nie meer praat nie, en twee ander kleinkinders vir wie sy moet help om die stukke van hul lewens op te tel. Kelly Smith se ma, Amanda, (54) het dae ná haar dogter en medeveroordeeldes, Jacquen Appollis en Steveno van Rhyn, tot lewenslange tronkstraf gevonnis is vir mensehandel, en 10 jaar vir ontvoering, haar hart teenoor Kuier uitgestort vanuit ’n Kaapse kliniek waar sy direk ná die vonnigsoplegging vir depressie opgeneem is. Sy lyk platgeslaan. “Ek het nog nooit weer ’n oog toegemaak nadat my kleinkind verdwyn het nie,” sê Amanda. Die sesjarige Joshlin het op 19 Februarie laas jaar net spoorloos uit Middelpos in Saldanhabaai aan die Weskus verdwyn. Eers is…

1 TVET-kolleges en Soltec. Dit bied kursusse waarin jy kwalifiseer as elektrisiën, loodgieter en rekenaartegnikus, haarkapper, onder meer. 2 IT-verwante opsies is beskikbaar by plekke soos die Optimi College of HyperionDev. Hier leer jy sagteware-ontwikkeling in drie tot ses maande. Dit kan die aanvraag na al hoe meer aanlyn poste voed. 3 Aanlyn platforms (Coursera, edX, FutureLearn) bied onder meer kursusse in besigheid, data-analise en digitale bemarking. 4 Entrepreneurskapprogramme. Probeer Startupbootcamp of die Small Enterprise Development Agency (SEDA).…

“Ek weet hoe dit voel om in ’n donker, moedelose plek te wees – om te voel asof daar geen uitkoms is nie. Maar ek wil vir jou sê: Daar ís hoop! En jy is nie alleen nie.” Nadine deel hieronder van die praktiese wenke wat haar gehelp het, en wat sy glo ander ook kan help. ■ Moenie in stilte ly nie. Praat met ’n ouer, vriend, onderwyser, berader of iemand wat jy vertrou. Jy hoef nie hierdie stryd alleen te stry nie. ■ Soek hulp. Dit is ’n teken van krag, nié swakheid nie. Ek moes leer om hulp te vra – van mense én van God. Professionele hulp soos berading of terapie kan ’n groot verskil maak. ■ Hou aan glo. Selfs al voel dit donker. Ek…

BREIGOED Jerseys, gebreide rokke en lekker chunky gebreide sweaters is in. Dit hou jou nie net lekker warm nie, maar is ook veelsydig om allerhande looks mee te skep. Gebreide rokke is ‘n moet en pas lekker by boots en jasse. Kies ’n kort knooptrui vir ’n meer afgeronde look, of gaan vir ’n lang, slouchy look as jy meer gemaklik wil wees. PELS & TEDDY Faux fur en teddy-baadjies is gewild dié winter – nie net vir hul sagtheid en hoe lekker warm dit jou hou nie, maar ook vir hul vermoë om selfs die eenvoudigste uitrusting te level-up. Belê in dié items vir jou winterklerekas, want jy sal dit meer as een seisoen kan dra. DIE KLASSIEKE TRENCH COAT Jy kan nooit verkeerdgaan met dié soort jasse nie.…

Meer oor artritis Dokter, ek het onlangs ná ’n scan gehoor ek het artritis in my elmboog en wil graag meer daaroor weet en wat ek kan doen om die situasie te verbeter. EDWINA Antwoord BESTE EDWINA Artritis se algemeenste simptome is geswelde en stywe gewrigte – dit kan een of meer gewrigte aantas, en dit vererger meestal met ouderdom. Daar is meer as 100 verskillende tipes artritis. Dít sluit in: ■ Osteoartritis is die algemeenste vorm en begin meestal in een gewrig en raak met tyd erger. Dit is die slytasie (wear and tear) aan ’n gewrig se kraakbeen. Dis die harde, gladde laag op die punte van bene waar ’n gewrig vorm. Dit kan oor baie jare voorkom, of deur ’n gewrigsbesering of infeksie vroeër ontwikkel. Osteoartritis lei…

Toe Marshall* (58) kort voor sy beplande aftrede retrench word, het dit sy finansiële beplanning omvergegooi. Ná amper drie dekades in die kleinhandelbedryf wou hy tot so 65 werk om die neseier van sy werkpensioen verder te laat groei. “Dit was my toe nie beskore nie, en ek moes teen my sin ophou werk,” vertel Marshall. Hy het ná ’n rukkie ekstra inkomste begin maak met rygeleenthede vir mense in sy buurt, maar erken hy soek iets meer. Vir baie mense soos Marshall is die idee van aftrede en ’n pensioen waarop jy kan leef, nie ’n finansiële werklikheid nie. En ná jare in ’n nine-to-five-werk is dit nie altyd maklik om jou lyf oornag entrepreneur te hou nie. Oorweeg jy dit ook om ’n nuwe besigheid te begin vir…

NR. 313 WEN R350 KONTANT! ?VRAAG: Wie is bekend daarvoor dat hy in ’n boom geklim het om Jesus te sien? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 9 Julie 2025. SMS/R1,50. Die oplossing verskyn in die uitgawe van 31 Julie 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 9 JULIE 2025. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Ek ervaar selektiewe mutisme as dit by sekere onderwerpe kom wat ’n impak op my lewe maak. Ek hou op praat. Ek bêre my emosies diep binne my, want daar’s nie plek daarvoor nie. Só word dit nie verwerk nie. En ek sit ’n sterk front op om te oorleef terwyl angs en depressie my jaag. Ek sou net stil word, en het uiteindelik besef dis my manier om wrywing, konfrontasie en ongemaklike gesprekke te vermy, want dan sou die feit dat ek eintlik alleen staan, nie my realiteit word nie. Ek het altyd stil geword as seuns my getart of beledig het omdat ek vroulik is en in ’n manlike liggaam gebore is. Wanneer die diskriminerende woord “m—fie” gebruik is teen my om my af te sonder en alleen…

Sy en haar man ken die diepe seer van onvrugbaarheid maar alte goed. En daarom is Candice Williams (34), die huidige Mev. Heelal Suid-Afrika, passievol daaroor om ’n boodskap van hoop aan paartjies te bring wat daarmee worstel. Ná talle probeerslae en ses miskrame het Candice eindelik deur middel van in vitro-bevrugting (IVF) swanger geraak. Vandag is sy en haar man, die Blou Bul-rugbyspeler Devon Williams (33), die trotse ouers van ’n vyfjarige warrelwindseuntjie, Che-kai. Candice gebruik haar platform as skoonheidskoningin vir bewusmaking oor onvrugbaarheid. “Dit het nog nooit vir my net oor die kroon gegaan nie. Ek wil mense bewus maak van IVF, en die stigma wat steeds aan onvrugbaarheid kleef help afbreek. Ek het die pad van onvrugbaarheid saam met ’n amazing partner gestap wat met elke tree…

Hy was net agt jaar oud toe die politiekgogga hom gebyt het. So, terwyl ander seuntjies speel op die brein gehad het, was dié outjie geïnteresseer in ’n heel ander soort speelveld – die politieke arena. Die jonge Liam Jacobs wou destyds by sy ma weet wie Helen Zille, Jacob Zuma en Cope is. Hy onthou sy ma het nie altyd antwoorde op sy vele politieke vrae gehad nie, maar vir hom ’n boek gekoop wat verduidelik het wat die parlement is. Binne-in het sy ’n spesiale boodskap geskryf dat haar seun sélf eendag in die parlement sou sit. Vandag, as ’n 24-jarige parlementslid, het Liam ál die antwoorde op sy politieke vrae en staan hy sterk in die Nasionale Vergadering om demokrasie te bevorder. En wat hy nie weet…

As ’n polisieman het hy nooit geskroom om sy lewe op die spel te plaas om sy medemens te beskerm en A sy gemeenskap te beveilig nie. Dít was ook die geval op 26 Februarie 2023, toe konstabel Aziz Esterhuizen (30) en twee kollegas van die Moorreesburgmisdaadvoorkomingseenheid in ’n polisievangwa gespring het om verdagtes van ’n huisinbraak agterna te sit. Maar die bestuurder het teen ’n hoë spoed beheer oor die voertuig verloor, vertel hy, en Aziz het sy nek gebreek. Dit het hom lewenslank verlam gelaat. Soos hy roerloos daar op die teerpad gelê het, het hy onmiddellik geweet daar’s groot fout. Hy het probeer beweeg, maar sy liggaam wou nie saamwerk nie. ’n Barmhartige Samaritaan, genadiglik ’n mediese dokter, het naby die toneel stilgehou en Aziz dadelik begin…

LEKKERSTE LAMSKERRIE Genoeg vir 4-6 mense BESTANDDELE 1 kg stewing lamb, in stukkies gesny sout en peper 2 teelepels olie 2 teelepels botter 2 uie, gekap 2 knoffelhuisies, fyngedruk 2 teelepels gemmer, fyngedruk 1 rooi chilli, gekap 2 teelepels mother-in-law-spesery 2 teelepels blaarmasala 1 teelepel roasted masala of peri-peri 1 x 410 g-blik gekapte tamaties 1 teelepel suiker ½ koppie hoender-stock Vir voorsit handvol vars dhanya basmatirys Chaan 1 koppie karringmelk, gemeng met ½ teelepel roasted komyn en vars, gekapte mint-blare METODE ■ Geur die vleis met die sout en peper, verhit die olie en die botter in ’n diep kastrol en verseël die vleis weerskante in sarsies. Verwyder en sit eenkant. ■ Braai die uie in dieselfde kastrol tot deurskynend. ■ Voeg die knoffel, gemmer en chilli by en soteer vir 1 minuut. ■ Voeg die speserye, tamaties, suiker en stock by. ■…

Al ooit jou sente geblaas en in die perfekte perfume belê, dan vervaag die reuk voor middagete? Gelukkig is daar maniere om jou perfume van die eerste spuit tot aan die einde van die dag te laat hou. Ons deel onder meer die beste manier om dit te bêre, en hoe om dit reg aan te wend sodat jou lekkerruikgoed se houkrag verbeter. DIE VIER HOOFREDES WAAROM JOU PERFUME VERVAAG 1 Sterkte van die geur 2 Gehalte van die bestanddele 3 Tegniek van aanwending 4 Hidrasievlak van jou vel WAT WERK VIR JOU? Onthou, elkeen se vel het ’n unieke chemiese samestelling. Vir party mense sal ’n sekere perfume van nature heeldag hou, en vir ander sal dieselfde hoeveelheid van dieselfde perfume vinnig vervaag. Jy moet jou vel verstaan en dit daarvolgens behandel.…

1 DINK VOORUIT As jy beplan, floreer jy, sê die finansiële beplanner Kim Potgieter. Sit tyd opsy vir dinkskrums. Moenie met net een moontlike sake-idee vorendag kom nie – dink ’n dosyn of meer uit en kies dan die een wat vir jou reg is. 2 WEES REALISTIES Jy moet baie faktore oorweeg voor jy besluit om met ’n nuwe onderneming te begin: hoeveel tyd jy daaraan wil bestee, hoe en waar die werk gedoen moet word, hoe groot die uitdaging en die verantwoordelikhede is waarvoor jy kans sien, en die kompleksiteit van jou mark, om ’n paar te noem. Wees realisties oor die opsies wat jy het en waartoe jy jou kan verbind. 3 KRY HULP Moenie oorweldig voel deur die dinge wat jy nie weet nie, sê Lynda.…

NR. 338 WEN R350 KONTANT! ? VRAAG: Een van sy bekendste rolle was as Farakhan in Four Corners. Wat is sy naam? SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 9 Julie 2025. SMS/R1,50. Die oplossing verskyn in die uitgawe van 31 Julie 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 9 JULIE 2025. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Dis Vrydagaand skuins ná seweuur en André Carelse is in ’n happy mood. Hy staan voor die badkamerspieël en sing vrolik terwyl hy besig is om sy baard te skeer. Hy maak gereed vir nog ’n date met sy girlfriend, Kelly. André en sy vrou, Heather, is maar nog net ses jaar getroud, maar is nou al vir bietjie meer as ’n jaar van bed en tafel geskei. Dit breek elke keer Heather se hart wanneer sy hulpeloos moet toekyk hoe haar man naweke (en soms in die week) skaamteloos uitsien na die geselskap van ‘n ander vrou. Wanneer hy Vrydae by die huis uitstap, sien sy hom eers weer Sondag, en dan boer hy die heeltyd op sy selfoon. Hy praat nie ’n woord met Heather nie. Kelly besit…