Table of contents for 2025-02-14 in Isolezwe

ZOLO bekuwusuku olokhulu kwezemisakazo kwazise bekugujwa usuku lwayo, i-World Radio Day. Iqhaza lemisakazo emhlabeni jikelele liyaziwa ngoba yiyona ndlela yokuxhumana engakhokhelwa mali futhi efinyelela ezindaweni eziningi. Ukugujwa kwalolu suku kuqondane nesikhathi lapho sekuqalile ukukhulunywa ngezinguquko okumele zenzeke emisakazweni. Phela eziteshini eziningi, ikakhulukazi ezingaphansi kwe-SABC neGagasi FM lapha KwaZulu-Natal, abaphathi basuke sebehlangana nabasakazi ukubhunga ngezinhlelo ezintsha. Ngike ngabona umsakazi weKaya FM, uSizwe Dhlomo, ebhala kwi-X ezinsukwini ukuthi ezinye iziteshi azinazwelo, zikweshela ngomsebenzi womuntu okhona engakazi nokuthi uyakhishwa. Njengenjwayelo nathi njengabalaleli sisuke sinemibono eyahlukene ngendlela esicabanga ukuthi izinguquko kumele zenziwe ngayo. Ngibonile nje abanye bethi kumele kubuyiswe abasakazi bakudala ngoba umsakazo awusafani nakudala. Vele kumele ungafani ngoba isikhathi siyashintsha. Yinto eyenzeka yonke indawo. Umculo wamanje awufani nowakudala yize kuye kwenzeke ukuthi abaqambi bezingoma baboleke kwezakudala uma bezenza. Ibhola elidlalwa manje alisafani nelakudala,…

EZISUSE imvunge izinsolo zokuthi enye yezimoto zikaMasipala waKwaDukuza okwakuthiwe ayikho sesimweni sokuba semgwaqweni, ibonakala ihambisa esikoleni izingane zeMeya yomkhandlu, uMnuz Ali Ngidi. Le moto yayikade isetshenziswa imeya yomkhandlu eyakhishwa esikhundleni, uNksz Lindile Nhaca. Selokhu uNgidi angena esikhundleni, usebenzisa imoto eqashiwe ngoba nakhu kuthiwa lezi ebezisetshenziswa uNksz Nhaca azikulungele ukuba semgwaqweni. Imoto yohlobo lwe-4x4 kanye nezinye ezazisetshenziswa owayeyiphini lemeya emkhandlwini, uMnuz Thulani “Mbazo“ Ntuli, kwakufanele umkhandlu uzichithe ngenxa yokuthi zase zidlulile esibalweni sama--kilometre esibekelwe izimoto ezihamba abaholi bemikhandlu. Muva nje, kusabalale izithombe zale moto emagcekeni esikole iGroutville High. Izinsolo zithi imoto isuke ihambise izingane zemeya. Ngesikhathi kunomhlangano womkhandlu izolo, amakhansela afune umbiko ogcwele ngalolu daba. Emva kokunqakisana ngodaba, amakhansela avumelane ngokuthi ayalele imenenja kamasipala, uMnuz Nhlanhla Mdakane, ukuba ilethe umbiko ogcwele emhlanganweni womkhandlu olandelayo. Amakhansela afuna lo mbiko nje, i-Independent Alliance…

AMALUNGU eqembu i-Economic Freedom Fighters (EFF) nabazali babhikishe ngaphandle kwesikole samabanga aphezulu, i-AJ Mwelase Senior Secondary eLamontville, eThekwini, izolo, bekhala ngothishanhloko wakulesi sikole abamsola ngokuphatha ngesandla sensimbi. Ngokusho kukaMnuz Msawenkosi Malimela oyilungu le-EFF ku-ward 74, njengoba bebebhikisha-nje, bakhala ngothishanhloko ophethe lesi sikole abamsola ngokuphambana ne-South African Schools Act. “Abafundi kulesi sikole bebephoqwa ukuthi bakhokhe imali ewu-R300 kodwa ekubeni isikole sabekwa njengesikole esiku-Quantile-3 okusho ukuthi kumele kungakhokhwa kusona. Uma abafundi bengayikhokhanga leyo mali, ubengabaniki izinsiza zokufunda futhi umfundi uyaxoshwa uma efika engayiphethe imali,” kusho uMalimela. Uthe uthishanhloko uyabanqabela abafundi ukuba bagcine amasiko abo. “Uyabacwasa abafundi abathi bagcina izinkolelo zasemakhaya. Uma kukhona abafake izintambo, ubuhlalu noma iziphandla ubekugqashula. Omunye umfundi owayefuna ukugcina amasiko akhe wathi kuye akakhethe ukuthi uyafuna ukuqhubeka nokufunda noma uyayeka,” usho kanje. Uthe omunye umfundi wakhononda ngokuthi uthishomkhulu wamthintisa…

UMLINGISI wodumo kwi-The Queen nakwiNkalakatha: The Life of Mandoza, uLorraine Moropa, ubonge isoka lakhe elingumculi wamapiano, uTyler ICU, ngeqhaza elilibambe emsebenzini wakhe omusha. ULorraine (28) waseDaveyton uthe uTyler ICU umeseke kusukela elungiselela ukuqopha indawo kaLetsatsi emdlalweni okhonjiswa namhlanje kwi-Showmax osihloko sithi Not My Type. "Izithandani ezizilolonga ndawonye ukufunda umbhalo nemisho zihlala ndawonye ingunaphakade," kubhala uLorraine kwi-Instagram. ULorraine noTyler ICU bathembisane umshado ngenyanga eyedlule. Kulo mdlalo wothando, oqondaniswe nosuku lwezithandani, uLorraine ulingisa indawo yomuntu wesifazane omesabayo uNkulunkulu futhi othungatha indoda emfanele. Uthe ngale ndawo ayidlalayo ufuna ukufundisa ababukeli ngeqhaza likaNkulunkulu emshadweni. Ubonge kakhulu uMdali ngokumnikeza indawo ayekade eyilangazelela. "Ngiyazibongela futhi ngigajwa yinjabulo uma ngicabanga ngohambo oluyisimangaliso olusenze saze safika lapha. Ngibonga kakhulu uNkulunkulu ngokungithemba ngale ndawo engiyilingisayo nokungisondeza ebantwini abanekhono futhi abazimisele." Uthe akuthanda ngale ndawo ukuthi uLetsatsi ucabanga njengaye…

UNENJULA ngalolu donga olweseke umhlaba esinyathela phezu kwalo nsuku zonke. Inhlabathi. Inhlabathi iyingcebo ngendlela eyehlukile umhlaba wonke jikelele. Kukuyo inhlabathi lapha sitshala khona ukudla esiphila ngakho. Uma sakha izindlu sethembele kuyo inhlabathi. Umnotho ombiwa phansi uwuhlobo olwehlukile lwenhlabathi esuke icutshungulwa, isefwa kwenye inhlabathi bese yenziwa amagugu abiza eshisiwe imali le. Inhlabathi yiyo futhi esigwinyela konke ukungcola, ifihle ihlazo lokubolayo, ikuphendule kube yinhlabathi njengoba singcwaba kuyo. Liyasho neBhayibheli lithi "uthuli othulini", kusuke kushiwo yona inhlabathi. Izibi lezi ezidaleka emhlabeni zigqitshwa kuyo inhlabathi izithambise zibe umhlabathi nazo. Bonke lobu bukhazikhazi esibakhile emhlabeni bumiswe kuyo inhlabathi kanti buvele bususwa kuyo. Kungani ngikhuluma ngesimanga esiyinhlabathi ngale ndlela? Yingenxa yokuthi sengibathe ngiyabheka isisusa sothuthuva emagunjini amane omhlaba lusuka enhlabathini. Ngesikhathi ngilandela insambatheka eshiwo uMengameli waseMelika, uDonald Trump, ethi izwe lakhe lizothatha iGaza Strip ePalestine, ngibone…

-IFP isizophatha ngokunethezeka kuMasipala waKwaMhlabuyalingana emva kokubukisa nge-ANC ne-MK okhethweni lokuchibiyela obelubanjelwe kulo masipala. Ukunqoba kwe-IFP ukhetho lokuchibiyela ku-ward 15 wakuMasipala waKwaMhlabuyalingana kusho ukuthi isiyiqembu elikhulu kulo mkhandlu. I-IFP inqobe ukhetho lokuchibiyela obelungoLwesithathu, ngo-48%, i-ANC yathola u-30%, kwathi i-MK yona yathola u-19%. I-ward ibikade iphethwe i-ANC ngaphambili, futhi i-ANC iyona ebinezihlalo eziningi kulo mkhandlu yize ibingawuphethe umasipala. Umasipala ubuvele uphethwe yi-IFP ngokubambisana namanye amaqembu amancane, i-IFP ibingahleli ngokukhululeka njengoba i-ANC yake yazama yehluleka ukuwuhlwitha umasipala ngesikhathi kuphela isivumelwano sokusebenzisana kwe-IFP ne-EFF komasipala baKwaZulu-Natal. USihlalo we-IFP KwaZulu-Natal, uMnuz Thami Ntuli, uthe kusho lukhulu kubona ukunqoba lolu khetho obelubhekwe ngabomvu. “Ukunqoba kwethu ngamalengiso kukhombisa khona ukuthi abantu baKwaZulu-Natal bayaqhubeka nokubeka amathemba abo kwi-IFP. Imiphumela ikhombisa ukuthi abantu baKwaZulu-Natal bayakholelwa embonweni wethu. “Sibonga kubo bonke abavotele i-IFP. Siyathembisa ukuthi angeke bazisole. Sibonga…

MGADLI waMaZulu FC, u-Elmo Kambindu, uyakuqonda ukubaluleka kokuhamba ibanga kwezakhe emqhudelwaneni weNedbank Cup okuwuwona kuphela abesenethuba lokuwunqoba kule sizini ka-2024/25. UKambindu (31) osayiniswe ngaMaZulu ngoJanuwari, esuka kwiChippa United, ngomunye wabagadli leli qembu elithembele kubona ekwenzeni izinto zenzeke kulesi sikhathi sesizini njengoba libheke ukuqhubeka nomgqigqo emidlalweni yeligi nokwenza kahle kwiNedbank Cup. AmaZulu azotholana phezulu neMarumo Gallants koweLast 16 eDr Molemela Stadium, eBloemfontein, kusasa ngo-3 ntambama. Lo ngumdlalo uthathwa njengowamagqubu kwazise Usuthu luyithele isibhaxu sika 2-0 iGallants koweligi ngeledlule. “Kubaluleke kakhulu ukuthi senze kahle kulo mqhudelwano ngoba wumdlalo womkhumulajezi ufana nendlela enqamulelayo yokuwina indebe. Uma nje singakwazi ukunqoba lo mdlalo esiya kuwona, siyobe sesedlulela emzuliswaneni olandelayo. Uma sesifinyelele kolandelayo, sekungenzeka nakhona sihambe size sifinyelele kowamanqamu. Unjalo nje umdlalo womkhumulajezi,” kusho uKambindu osashaye igoli elilodwa emidlalweni emithathu asayidlalile kuMaZulu. Lo mgadli odabuka eNamibia,…

AMAZWE ayizikhondlakhondla ase-Europe, aseka iNingizimu Afrika, olakeni lukaMengameli waseMelika, uDonald Trump. I-Germany, France, ne-Italy nenhlangano yamazwe ase-Europe, i-European Union (EU), bathe bazwelana neNingizimu Afrika, esanda kuhlaselwa ngamazwi nguTrump. UTrump usanda kuhoxisa uxhaso lwezigidi zamarandi olutholwa yiNingizimu Afrika, ngenxa yomthetho omusha wokuthathwa komhlaba nezakhiwo osanda kusayinwa nguMengameli wezwe Cyril Ramaphosa. UTrump uthe elakuleli lithatha umhlaba ngaphandle kwesinxephezelo, uphinde alisole ngokunyathela amalungelo abathile. Amanxusa asemazweni ase-Europe, athe iNingizimu Afrika, iyizwe elihlonipha amalungelo. Lokhu akusho kwi-vidiyo ayifake enkundleni yezokuxhumana, i-X. Iphini lenxusa le-EU, uMnuz Pencho Garrido Ruiz, lithe bazokuma neNingizimu Afrika kulezi zikhathi ezinzima. URuiz uthe bazoyeseka iNingizimu Afrika, ikakhulu ngoba izosingatha umhlangano wamazwe angaphansi kwe-G20, ngoNovemba. “INingizimu Afrika ihwebelana kakhulu namazwe angaphansi kwe-EU. Amazwe angaphansi kwe-EU anezinkolelo ezifanayo nezeNingizimu Afrika. Yingakho sithi iNingizimu Afrika ingathembela kithina. Sizobaseka kwi-G20, nangemva kwe-G20. NjengeNingizimu Afrika,…

YAQONGA ingcindezi yokuthi i-Sassa ilule isikhathi sokushintshwa kwamakhadi ayigolide okuhola imali yesibonelelo sikahulumeni kuleli. Le ngcindezi ifakwa ngamaqembu ehlukene afuna kuhlehliswe umnqamulajuqu wasekupheleni kwale nyanga, wokuthi abasahola ngalawa makhadi bashintshele kwamasha azoba mnyama. Amaqembu okubalwa kuwo i-ActionSA, DA kanjalo nekomiti lezokuThuthukiswa koMphakathi ePhalamende, banxuse ukuthi kuhlehliswe umnqamulajuqu ukuze abantu bangasali dengwane bagcine bengasitholi isibonelelo sabo sanyanga zonke. UNksz Dereleen James we-ActionSA, uhlabe ikhwelo lokuthi silulwe isikhathi ngoba bakhathazekile ngokuthi kuzoba nezinkinga zokuthi abanye bangasitholi isibonelelo. Uthe njalo uma i-Sassa kumele ishintshe amakhadi kuba nezinselelo. “Abantu bama kolayini abade isikhathi eside, abanye bagcine bengayitholi imali yabo. Kucacile ukuthi kumele lo mnqamulajuqu wangoFebhuwari 28, 2025, uhlehliswe,” usho kanje. UNksz Alexandra Abrahams we-DA, uthe kumele luhlehliswe usuku lomnqamulajuqu kuze kube wonke umuntu uselitholile ikhadi elisha lasePosini. Uthe bathole izikhalo kwabahola izibonelelo abahlulekile ukushintsha…

MHLELI: Ngifunde incwadi kaDkt VA Shongwe, kwathi damu kimina. Isihloko besithi “Abelaphi bendabuko nabaphrofethi bangisiza ukususa ifu lesinyama esigubuzele i-KZN (Isolezwe Ngempelasonto 8 Nhlolanja, 2025). Mhleli ungufakazi wokuthi sengibhale kakhulu ngombono onjengokaMtimande. Ngabhala futhi nangoNtulikazi wonyaka ofile. Imililo yequbula yayimandla kakhulu, yashiya ibhubhisile emindenini eminingi. Ngaze ngathi kuyavama ukuthi imililo ibe mandla ngoNtulikazi okuyinyanga lapho amaNgisi okhela ngayo isigodlo seNgonyama uCetshwayo kaMpande, oNdini, sasha saba umlotha. Ngakho ngiyahambisana kakhulu nombono kaMtimande ngoba yena uchazile ukuthi ubona ukuthi yimiphi imizamo engenziwa ukuphunga lolu laka esigqolozelene nalo. Emasontweni amabili nje kuqalwe unyaka, sasesifunde ngenqwaba yabantu ababulewe esifundazweni. Futhi kuze kube manje alipheli isonto kungafanga muntu. Indlela abaholi bezombusazwe abazama ngayo ukuqeda lolu laka, ayikasebenzi. Ayikho inkolo noma ibandla elingathi alikaze lilukhulekele lolu laka kodwa kuyazifanela nje. Inzima imimoya yabantu abangasekho,…

UMQEQESHI weMamelodi Sundowns, uMiguel Cardoso, uthumele isexwayiso esishubile kubona bonke abasezinhlelweni zokuketula leli qembu esicongweni kule sizini kwazise ugabe ngenqwaba yezinsika zabadlali osekuseduze zibuye ekulimaleni. Inkulumo kaCardoso esakuqholosha ivele esithangamini nabezindaba izolo, lapho ebezokwenaba ngamalungiselelo okubhekana neMpheni Home Defenders kwi-last 16 yeNedbank Cup ngeSonto ngo-3 ntambama eLucas Moripe Stadium, ePitoli. Lo mqeqeshi wasePortugal, akaphikanga ukuthi kunabadlali abangalijwayele ijezi azobanika ithuba kulo mdlalo kodwa isizathu salokhu akukhona ukubukela phansi leli qembu le-ABC Motsepe League. NgokukaCardoso, iSundowns inenqwaba yabadlali kodwa iningi labo lilimele okwenza aphoqeke kweminye imidlalo ukungasishintshi kangako isikimu njengoba kwenzekile beshaywa yi-TS Galaxy kwiBetway Premeiership maphakathi nesonto. “Ziya ngokuya ziyaphela izinsuku zokuthi siqinisele nabadlali noma sazi ukuthi bakhathele njengoba kwenzekile kodlule. Sizozenza izinguquko koweNedbank kodwa isizathu akukhona ukubukela phansi isitha kepha wukuzama ukulungisa iphutha lokungabaphumuzi ngokwanele laba badlali abayidlanzana esinabo,”…

KHIHLA eseNdlovukazi uNandi umzali womfundi owenza u-Grade 10 eSavannah Park Secondary, ePinetown, emuva kokuthi uthishomkhulu wakulesi sikole ekhulume amagama alumelayo kuye. UNksz Gugu Gumede elandisa Isolezwe, uthe uthole ucingo ebizwa esikoleni emva kokuthi ingane yakhe efunda khona ibisecaleni lokulwa nabanye abafundi. “Uma ngifika esikoleni ukuzozwa ukuthi kwenzekeni, ngitshelwe ukuthi ingane ixabane nabanye abafundi ngoLwesihlanu,” kusho uNksz Gumede. Uthe akasivuni isenzo esenziwe yingane yakhe kodwa amagama akhulunywe kuye namanje kawehli kahle. “Indlela abakhulume nayo nami esikoleni omunye wothisha kanye nothishanhloko wesikole njengoba bethe kimi angithathe inja yami ngihambe nayo. Uma ngibabuza futhi ngibatshela ukuthi ngiyasiqonda isenzo esenziwe yingane yami ngoba asizithumi ukuthi zenze lokhu akwenzile, kodwa baqhubekile bathi kimi fo#0f angihambe nenja yami (besho ingane yakhe),” usho kanje. Uthe indlela abamphathe ngayo akayithandanga. “Izingane ziyaxabana ngoba phela zingabafana kodwa akungiphathi kahle…

LIZOKWENZA okungajwayelekile ibandla iFaith Church International, ngokuba nenkonzo yothando elizoyenzela ogogo nomkhulu. Le nkonzo izokuba esizindeni sebandla kusasa ekuseni esakhiweni salo esisenkabeni yeTheku. Umholi webandla uMphrofethi Sphamandla Khuzwayo, uthe bafuna ukukhombisa uthando ebantwini abadala. Uthe babone ukuthi kufanele inkonzo bayiqondanise noFebhuwari, okuyinyanga yothando. Uthe abanye abantu abadala bathola ukuhlukumezeka emindenini yabo. “Sihlele ukuthi sibenzise inkonzo ngenhloso yokukhombisa uthando kubona. Sifuna babone ukuthi babalulekile emphakathini wethu futhi sibathanda kangakanani,” usho kanjena uKhuzwayo. Uveze ukuthi abantu abadala bazobagixabeza ngezipho ezahlukene okubalwa amagilosa okudla nezimbali. Uqhube wachaza ukuthi inhloso yezimbali ukudlulisa umyalezo ojulile wothando lweqiniso abanalo ngabantu abadala, abavela emindenini ehlukene. UKhuzwayo ugcizelele ukuthi kumele babongwe besadla anhlamvana abantu abadala ngokukhulisa abantwana, bebanikeza uthando. “Abantu abadala bona bakwenze konke besikhulisa besinakekela. Manje sekuyisikhathi sokuba nathi sikhombise okufanayo kubantu bethu abadala,” echaza. Ugcizelele ukubaluleka…

USUKU lwanamhlanje, uFebhuwari 14, lwaziwa ngosuku lwezithandani emazweni amaningi. Lokhu kugqama kakhulu nasezitolo nakulabo abanendaba nalolu suku, lapho ubona kuhlotshwe ngemibala ebomvu nemihlophe, okuyiyona okwamukeleke ukuthi igqamisa isimo sothando. Unyaka nonyaka iba nkulu impikiswano ngedumela negidigidi ngalolu suku olubizwa nge-Valentines Day, kodwa izimpikiswano ngalo azilithunazi kwazise abakhangisi nabahwebi sebalwamukela balugqamisa. Babodwa abanganelisekile ngomsuka walo, abanye bakhala ngokuthi luza nezindleko njengoba ludala ukuthi abathandiweyo babo babe nokulindela ukuthi kukhona umnyakazo ozokwenzeka usuka kuphathina. Ngakolunye uhlangothi, izishoshovu ziye zibabaze ukugxiliswa ngasohlangothini lokukhulisa uhwebo njengoba namanani ezimbali, oshokoledi nokudla ezindaweni zokudlela avele abhoke ngalesi sikhathi se-Valentines Day. Le mpikiswano ngalolu suku ibonakala nangoteku olukhishwa ikakhulu abesilisa bethi kunezingqungquthela ababizwe kuzo, bentela ngokuthi lolu suku abaluzwa kahle futhi luletha ingcindezi kubo lapho sekumele bakhiphe izithandwa zabo. Kodwa-ke noma kunjalo, akusahlehli ukuthi usuku lwezithandani…

KUQONDA kahle umqeqeshi we-Orlando Pirates, uJose Riveiro, ukuthi kuhlale kungelula ukubhekana neqembu lasesigabeni esiphansi ngenxa yokwenyusa izinga uma libhekene nelidlala kwesikhulu. IPirates izotholana phezulu neBaroka edlala kwiMotsepe Foundation Championship emdlalweni weNedbank Cup Last 16 e-Orlando Stadium, eSoweto, kusasa ngo-3 ntambama. EZimnyama ezivikela isicoco seNedbank, ngesizini edlule zikhombise ukungasinisi mahleza emaqenjini asezigabeni eziphansi njengoba zibhambabule iCrystal Lake edlala kwiSafa Mpumalanga ABC Motsepe League ngo 6-0 kwiLast 32, zalandela ngokuvulela esinye isibhaxu sika 4-0 kwiHungry Lions edlala kwiMotsepe Championship. Zenza okufanayo nangesizini ka-2022/23, zigudluza amanye amaqembu asezigabeni eziphansi endleleni ebheke kowamanqamu alo mqhudelwano. Zagoba iqembu le-ABC Motsepe League, iDondol Stars, kuma-quarterfinal seliwashise ijezi amaqembu ePremiership, iSuperSport United naMaZulu FC. Nakuba kunjalo uRiveiro uthe ngeke bayithathe kancane iBaroka. “Sinawo amava okubhekana namaqembu asezigabeni eziphansi. Ngakho siyakwazi esikulindele kwiBaroka engiyihloniphayo kakhulu nesingeke siyithathe kancane…

UVICTOR Hlungwani, owayengunompempe kwiPremier Soccer League (PSL), uyakuchitha ukuthi uyayizonda iKaizer Chiefs osekusabalele ukuthi uyayicindezela uma ehlaziya izinqumo zonompempe. UHlungwani, osewathatha umhlalaphansi ekudlaliseni ngaphansi kweSouth African Football Association (Safa) neFifa, usengumhlaziyi ohlelweni lwezemidlalo oludlala kwithelevishini, iSoccer Zone, njalo ngoMsombulo ebusuku. Kulesi sonto uphenduke isitha sabalandeli baMakhosi ngokuvuna uLuxolo Badi ongabekanga iphenathi ngesikhathi iqembu labo libhekene neStellenbosch emdlalweni weBetway Premiership ngempelasonto edlule. Kulesi sigameko umdlali wasemuva weStellies, u-Athenkosi Mcaba, uvimbe uGlody Lilepo ebhokisini. Ngokubona kwabanye abalandeli beChiefs, uBadi bekufanele ayikhombe emlotheni. Bavunyelwe ngowayengunompempe, u-Ace Ncobo, ohlelweni lwezemidlalo kwiSuperSport, i-Extra Time, ngoMsombuluko. UNcobo uthe ukuvinjwa ngezandla kukaLilepo nguMcaba bekucacile futhi bekufanele lesi sitobha sijeziswe ngokuthi iChiefs inikwe iphenathi. Amakhosi awine ngo 1-0 wegoli likaLilepo alishaye ngekhanda umdlalo usanda kuqala. “Ngiyabona abantu abaningi bathi ngiyayizonda iChiefs. Anginaso isizathu sokwenza lokho. Ngiyezwana nabantu beChiefs.…