Table of contents for 9 April 2026 in Huisgenoot

HOE WERK DIT? Huisgenoot se boekklub bied twee pakkette wat jy aanlyn kan bestel elke drie maande. ’n Leespakket vir volwassenes en een vir kinders. Jy kies watter boeke jy wil lees uit ons gekeurde lys, en ons lewer dit by jou af. DIE PAKKETTE VOLWASSENES SLEGS R520 Vir die volwassenepakket kry jy leesstof ter waarde van byna R1 000. KINDERS SLEGS R360 Vir die kinderpakket kry jy leesstof ter waarde van meer as R750. Koop na hartelus volgens jou begroting en leesgewoontes! Jy kies wat jy wil lees. KRY OOK ONS BOEKE VAN DIE MAAND! Die boeke op Netwerk24 se topverkoperlys is ook elke maand teen ’n winskoop beskikbaar by ons aanlyn winkel. Dié boeke word individueel verkoop. NOG BAIE MEER BESOEK WWW.MEDIA24SHOP.COM OM JOU BOEKE TE BESTEL.…

In die wêreld van looksmaxxing – die strewe om jou voorkoms tot die uiterste te verbeter, dikwels obsessief (sien bl. 94) – het ’n haas onvertaalbare Engelse internettaal ontwikkel. Woorde soos softmaxx, hardmaxx, jawmaxxing en mogging word in hierdie subkultuur voortdurend gebruik, maar probeer dit in gewone taal verduidelik, en jy loop jou dadelik vas. Die agtervoegsel “-maxx” is ’n kreatiewe aanpassing van maximize wat nuwe werkwoorde skep met die implisiete boodskap: “Vat iets tot sy absolute uiterste.” Maar hoe vertaal jy dit? Los jy dit Engels, met ’n verduideliking in hakies soos ons artikel dit doen? Of waag jy ’n lomp Afrikaanse ekwivalent soos tot die uiterste na ’n beter voorkoms strewe? Neem byvoorbeeld die sin: “Mogging roommates yet?” Hier verwys mogging daarna om iemand sosiaal of fisiek te…

ASOF die trek nie chaoties genoeg was nie, word haar jongste toe nog daardie aand siek ook. Die aktrise Erica Wessels en haar man, Willem Boshoff, moes al klaar op die nippertjie ’n ander plan maak toe hulle treklorrie nie opdaag nie. En toe raak klein Frida (3) naar. “En ons het nie eens geweet in watter van die 300 bokse die skoon lakens en handdoeke is nie,” sê Erica. “Dit was niks minder as intens nie.” Dít was hoe hulle nuwe lewe, hulle nuwe hoofstuk hier in die Tuine aan die voet van Tafelberg, begin het. Nou is dit al ’n bietjie meer as ’n jaar later en die gesin is heerlik ingeskud in die Georgiaanse huis van 130 jaar wat hulle laat opknap het. “Die huis het good…

OP ’N stil Sondagaand laai ’n man ’n vriend en nog twee passasiers in sy Tesla op. Die strate van La Plata in Maryland, Amerika, is rustig en eintlik ’n bietjie verlate. Dan begin die bestuurder, Dayton James Webber, en sy vriend, Bradrick Michael Wells, stry. Dinge ontspoor binne oomblikke. Want skielik ruk Dayton ’n vuurwapen uit en skiet Bradrick in die kop, twee keer. Dis omtrent halfelf die aand. Die ander passasiers is eers so geskok dat hulle soos standbeelde bly sit. Maar Dayton bly so koel soos ’n komkommer en vra hulle doodluiters om hom te help om van die lyk ontslae te raak. Hulle weier, spring holderstebolder uit die kar en hardloop weg. Toe ’n polisiekar verbykom, keer hulle hom voor om te vertel wat hulle pas…

AARDS Diep bruin anker enige neutrale voorkoms. Dra verskillende skakerings saam of kies een van kop tot toon. Goue en amber juweliersware komplementeer die warmte perfek. SEESAND Sandkleurige beige werk heeljaar en hou van strepe en tekstuurryke materiaal soos suède, vilt en bouclé. Pragtig saam met taan of bruin, en pas by sowel silwer as goud. KLIP Grys met ’n silwer ondertoon wat by alles werk – houtskool, ligte roomkleure, aardse bruin. Silwer is veilig, maar swart of wit bykomstighede skep kontras. BEUKEHOUT ’n Goue bruin wat saam met die meeste neutrale kleure werk danksy die ryk maar helder toon. Rond dit af met goue bykomstighede om die sonnigheid van die skakering te beklemtoon. HOUTSKOOL Swart, altyd. Meng tekstuur soos leer, satyn en geweefde materiaal vir diepte. Dis mooi saam…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. ONS DOGTER BLY RONDVAL V Ons naasoudste het in 2024 matriek geskryf. Sy het glad nie daarin belanggestel om te gaan leer nie, tot ons groot verligting. Ek verduidelik waarom. Sedert sy met gr. 8 begin het, was daar probleme. Sy het nie van die kinders in die klas gehou nie en het daarop aangedring om na ’n ander skool oorgeplaas te word. Ook in gr. 9, gr. 10 en gr. 11.…

1 HOE WERK DIT? ’n Motor se waarde daal gewoonlik vinniger as wat jy jou lening afbetaal. Indien jou motor gesteel of afgeskryf word, sal bykomende versekering bekend as gapingsdekking die verskil tussen die versekeraar se uitbetaling (die voertuig se kleinhandel-of markwaarde) en die uitstaande saldo op jou finansieringsooreenkoms dek. Voorbeeld: Jy skuld nog R100 000, maar jou versekeraar betaal slegs R80 000 uit. Gapingsdekking sal die uitstaande R20 000 direk aan die bank betaal. 2 KOSTES EN VERSKAFFERS Dit kan tussen R40 en R120 per maand kos, maar sal afhang van jou motor se waarde, die finansieringstruktuur en die spesifieke versekeraar. Die meeste korttermynversekeraars bied dit aan. Banke en handelaars verkoop dit ook namens versekeraars. Onthou dít: Motorhandelaars bied dikwels gapingsdekking as ’n opsie, maar hulle premies kan hoër…

RAM 21 MAART – 19 APRIL Van een uiterste na die ander! Verlede week was jou liefdeslewe die fokus, maar dié week gaan dit oor jóú wanneer jou heerser, Mars, na jou teken skuif. Vir nou kom jou behoeftes eerste. Laat mense maar sê jy is selfsugtig – jy weet jy probeer bloot oorleef. Veral die tyd om die 13de is uitdagend, so lê laag, beveg ontvlugting en moenie die sondebok wees nie. BUL 20 APR – 20 MEI Stadig maar seker skuif die klem dié week in jou horoskoop sodat jy meer tyd in jou eie geselskap deurbring. Dis nie heeltemal ’n behoefte aan isolasie nie, maar jy moet besluit of jy wil jammer voel vir jouself, of wil nadink, weer in voeling kom met jouself en dalk ’n…

NES enige ander gemeenskap het ’n karavaanpark sy eie ekologie – die mense wat elke jaar op dieselfde plek staan, nuwelinge, ongeskrewe reëls, bondgenootskappe, vyandskappe, en wrywing wat opbou. Dis juis hierdie aspek wat Christiaan Olwagen, skepper van die nuwe dramareeks van tien episodes, die idee gegee het vir DIE OORD. “Dis die perfekte lockedroom-ruimte vir ’n moordreeks,” sê hy. Hier is wat jy vooraf moet weet. 1 MARTIE, gespeel deur Jana Kruger (ook op hooffoto), is ’n kriminoloog wat vir die eerste keer in jare met vakansie gaan. Sy hoop hierdie vakansie by die Seerust-kampeerterrein op die fiktiewe Kalfiebaai saam met haar suster kan haar en haar seun net goed doen. 2 Martie se seun, PAUL (Liam Bosman), is groot dele van die jaar op universiteit, en hy en…

FOTOBLOKRAAI NO 2389 KOMPETISIEVRAAG WATTER VRUG IS TER SPRAKE? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG Hierdie week wen een leser Sekelmaan deur Jaco Wolmarans (Tafelberg, R360). ’n Groep jong Suid-Afrikaanse Jode, die teiken van ’n terreuraanval in Kaïro, is die vlam in die kruitvat vir oorlog in die Midde-Ooste, aangevuur deur Hamas se glibberige brigadeleier Hassan Al-Masri uit die tonnels van Gasa. In die middel daarvan is die joernalis Ruby Heyns met verdoemende inligting wat die skaal in dié konflik kan swaai. Staatsekuriteit se Reuben Kruger probeer die geheime ontrafel terwyl die SSA sy net stywer span om ’n groep ekstremiste se geheime Palestynse befondsing. Die skadu-verlede van Ruby se ma, Ruth, ’n oud-Mossadspioen, en…

VAN SOSIALE MEDIA TOT TV Die een dag deel jy nog inhoud op sosiale media – en die volgende dag is jy in een van die land se gewildste TVreekse. Dis presies wat met Brandon van Elsiesrivier gebeur het. Hy’s op sosiale media raakgesien deur die hoofskrywer van die e.tv-reeks Kelders van geheime. “Theltom Masimila het op my aanlyn profiel afgekom. Hy’t my ’n boodskap gestuur en gevra of ek ’n agent het en of ek belangstel om te kom vir ’n oudisie vir die rol van Lucky.” En die res is geskiedenis. KELDERS SE LUCKY Sy karakter, Lucky, is volgens Brandon iemand wat jy eers moet leer ken. “Veral omdat hy soms ’n bietjie voor op die wa kan wees, maar hy’t ’n goeie hart. Hy’s doelgedrewe en het…

JONG, daar’s seker ’n prys wat elke mens met ’n blokkiesmaagmoet betaal. Want wat is ’n blokkiesmaag as dit ’n ding is wat nie gesien kan word nie? Vra maar vir ABEL KNOBEL. Eers moes sy hemp vir daardie sweterige tonele in Khaki Fever waai – ons herroep liewer nie die detail daarvan nie, want party dinge is selfs te wild om aan te dink. Maar nou’s hy weer pal hemploos in en om die swembad, dié keer vir sy rol in Diepe waters. En dis dalk vir hom ’n saak van rooi wange, maar vir die res van ons? If you’ve got it, flaunt it, word daar gesê. “Ek dink nie ek het ooit verwag om so baie sonder my hemp voor die kameras te wees nie, maar ek’s…

VIR SIENNA MILLER is haar 40’s die perfekte tyd om nuwe hoofstukke te begin en stereotipes uit te daag. Die Britse aktrise het onlangs gesels oor die feit dat sy op 44 haar derde kind verwag – haar tweede saam met haar kêrel, Oli Green (29). Sy het in Desember haar groeiende babamagie gewys en het onlangs, ná nege jaar sonder om iets te deel, na Instagram teruggekeer met ’n foto wat haar magie trots vertoon. In ’n onderhoud met Glamour UK het sy vertel waarom swanger wees in haar 40’s vir haar baie rustiger voel as toe sy in haar 20’s haar oudste dogter, Marlowe (13), verwag het. Marlowe se pa is Sienna se ekskêrel Tom Sturridge. “Nadat ek op 29 ’n baba gehad het, toe weer op 42,…

As rapper is MEGAN THEE STALLION geen vreemdeling vir die verhoog nie. Daarom is dit geen verrassing dat sy heel tuis voel op Broadway nie. Megan (31) verskyn in die verhoogverwerking van Baz Luhrmann se Moulin Rouge: The Musical as die flambojante klubeienaar Harold Zidler. In die fliek is Zidler deur die Britse akteur Jim Broadbent gespeel. “Ek het nog altyd daaraan geglo om myself kreatief uit te daag, en teater is beslis ’n nuwe geleentheid wat ek opgewonde is om aan te gryp,” het Megan in ’n verklaring gesê. IS DÍT ’N ROBOT, MELANIA? MELANIA TRUMP se metgesel by die onlangse Fostering the Future Together-beraad by die Withuis het ’n blik op die toekoms gebied. Melania het die Withuis se East Room binnegestap met ’n humanoïed genaamd Figure 03…

1 ‘REAL HOUSEWIVES’, NOU DIE TJOEKIE Peet en Mel Viljoen het gespog oor hulle lewe in Amerika nadat hulle Suid-Afrika onder ’n wolk verlaat het. Nou is hulle agter tralies weens beweerde winkeldiefstal en staar deportasie in die gesig Ou Peet vertel mos hy is bomenslik slim. Dalk word hy ’n nuwe Crocodile Dundee en praat daai skubberige waghonde van Alligator Alcatraz ’n gat in die kop. En Mel kan dalk ’n paar gunsies in die tronk koop met haar diamantnaels. RIANA Ek lees al die kommentaar. En ek kan nie glo mense kry so lekker oor wat met hulle gebeur het nie. Almal maak foute, en dit het niks met ander te doen nie. Moet nooit lekkerkry wanneer iemand anders so iets oorkom nie. DEON Almal wat nou sê…

MET ’n groot, vredige glimlag op sy gesig staan hy agter die kameraspan wat reg maak om ’n intense toneel tussen ’n paartjie in Ruiterbosch se koffiekroeg te skiet. Die woorde “Settle down for take one . . . Action” is soos musiek in Anrich Herbst se ore. Sedert sy skooldae toe hy as Wimpie van Tonder sy TV-debuut in Orkney snork nie! gemaak het, is hy op sy gelukkigste voor die kameras of op die verhoog. Vra jy hom hoe dit voel om voltyds terug te wees op Suidooster se stel nadat sy karakter, Mike van Wyk, in Desember van ons skerms verdwyn het, kom die antwoord: “Dis baie lekker, tjom. Ek weet darem ek het vir die res van die jaar werk.” Vir die gesoute akteur bly elke…

LANG naels het nog altyd ’n dapper stelling gemaak en bied baie ruimte vir kreatiewe ontwerpe. Maar met die opkoms van die “clean girl”-en “quiet luxury”-estetika, neem korter style die leiding. Kort naels is maklik om te onderhou en verbasend veelsydig. Dit bewys dis net so gesofistikeerd en stylvol soos langer naels. Die sleutel is om te weet hoe om daaraan vorm en styl te gee, en hoe om dit te versorg om alles netjies te hou. DIE BESTE KLEUR NEUTRAAL Skakerings soos bleek, beige of deurskynend pienk meng mooi met jou naelbed se natuurlike veltoon en skep ’n verlengende effek wat naels langer en gesonder laat lyk. Dit gee kort naels ’n verfynde, vars voorkoms sonder om oorweldigend te wees. PROBEER RYK EN DONKER Wynrooi, vlootblou en diep groen…

As jy dink dis net jou gesigsuitdrukking wat verklap hoe jy voel, dink weer. Uit vorige studies weet ons reeds swaar, harde treë kan woede oordra, terwyl hangskouers kan wys dat jy hartseer is. In ’n onlangse studie is bevind die manier waarop jy loop gee ook ’n aanduiding van wat in jou gemoed aangaan. Hiervolgens beïnvloed jou bui nie net jou postuur nie, maar ook jou koördinasie. Navorsers van die Advanced Telecommunications Research Institute International in Japan het onder leiding van Mina Wakabayashi probeer bepaal of daar ’n spesifieke, gekoördineerde bewegingspatroon is wat emosies betroubaar aandui. “Om te loop is een van die mees alledaagse en geoefende liggaamsbewegings vir mense,” sê sy. Mina en haar kollegas het die deelnemers gevra om gebeure in hulle lewe te onthou wat geluk,…

DIS wel so dat die rolle wat vir vroue geskryf word op televisie en in flieks die afgelope paar jaar baie beter geword het. Op prysaande sal die vrouewenners dikwels noem dat hulle al lank op soek was na ’n rol wat wegbeweeg van stereotipes af, of hulle sal die skrywers bedank vir die skep van ’n karakter wat iets meer bied as gewoonlik. Flieks soos HAMNET en ANORA is voorbeelde hiervan. Tog voel dit vir my ons is omring deur reekse en flieks met sterk vroue. Dis nie meer so skaars nie. En delf jy terug in die verlede, dan het jy ook aktrises soos Meryl Streep, Sandra Bullock, Julia Roberts en dies meer gehad wat selfs van stereotipe-rolle iets meer kon maak – dis nie altyd net die…

BESKERM JOU BENE, KOLLAGEEN EN SPIERE Die Vitaforce Calcium Complex is ’n gevorderde kalsiumformule wat beendigtheid, kollageenvorming en spierfunksie ondersteun, terwyl dit help om die risiko vir osteoporose te verminder. Dit bevorder kalsiumabsorpsie en speel ’n rol in die gesonde vorming van been-en weefselselle. Beskikbaar by die meeste kleinhandelaars en onafhanklike apteke. Vir nog inligting, besoek vitaforce.co.za. GROTER EN STEEDS STERK Die Mitchum 48HR Aerosol is nou beskikbaar in ’n groter 150 ml-verpakking sodat jy meer van die kragtige beskerming waarop jy staatmaak kan geniet. Mitchum se 48HR Aerosol is ontwerp om lank te hou: drievoudige beskermingstegnologie, 48 uur se varsheid wat onsigbaar op die vel droog word, met ’n vars, skoon geur wat jou selfvertroue laat hou. Kry dit teen R64,99 by winkels landswyd. PANADO IN ’N SAKKIE Panado…

TOE speursersant Andy Nicoll op ’n gure oggend in Februarie 2006 by ’n onopsigtelike pakhuis in Tonbridge, Engeland, opdaag, het hy geweet daar was ’n rooftog, maar die besonderhede was nog vaag. “ ’n Speurinspekteur was daar en ek het vir hom gesê ek verstaan sowat £1 miljoen is gesteel,” onthou Andy. “Hy’t na my gekyk, sy een wenkbrou gelig en geantwoord: ‘Meer soos £20 miljoen.’ ” Maar hulle was albei verkeerd. Binne ure sou hulle uitvind dat £53 miljoen (destyds R583 miljoen) gesteel is in ’n kontantrooftog wat steeds Brittanje se grootste is – ’n kriminele onderneming wat waaghalsig begin is, fyn beplan is, brutaal uitgevoer is – en amper lagwekkend geëindig het. Dit het gelei tot ’n ondersoek waarin 300 polisiebeamptes van Kent, forensiese wetenskaplikes en kantoorpersoneel betrokke…

TOT onlangs het die meeste Hollywood-akteurs hulle neus vir televisiewerk opgetrek, maar nou sing baie van hulle ’n ander deuntjie. Deesdae duik groot silwerdoeksterre gereeld in TV‑reekse op – selfs een van die grande dames wat sedert die ’70s nie aan televisiewerk geraak het nie. “Ek het gekyk hoe al hierdie wonderlike werk gedoen word en baie jaloers geraak,” sê Michelle Pfeiffer. Toe aanvaar sy ’n hoofrol in The Madison, ’n dramareeks van Taylor Sheridan, die skepper van Yellowstone. Michelle vertolk die rol van Stacy Clyburn, die matriarg van ’n gesin wat hulle gemaklike lewe in New York vir die ongetemde skoonheid van die Madisonriviervallei in Montana verruil. Toe ’n ondenkbare gebeurtenis hulle planne verpletter, moet hulle deur hulle rou werk terwyl hulle by ’n heeltemal nuwe leefwyse aanpas. Die…

‘Ek haat nie aanhangers van my musiek nie. Ek haat nie kinders nie. Dis mal’– CHAPPELL ROAN SEDERT die sangeres CHAPPELL ROAN skielik beroemd geword het, maak sy ’n punt daarvan om haar privaatheid te beskerm en grense met aanhangers te stel. Maar onlangs het die sangeres van die treffer “Pink Pony Club” baie kritiek gekry oor hoe haar aanhangers behandel is ná ’n voorval tussen sekuriteit en ’n jong aanhanger in Brasilië. Die meisie is die akteur Jude Law se elfjarige dogter, ADA. Sy is ’n aanhanger van Chappell (28) en het in dieselfde hotel as die ster in São Paulo gebly. Volgens Ada se ma, CATHERINE HARDING, en stiefpa, die sokkerspeler JORGINHO, is Ada aggressief berispe deur Chappell se lyfwag toe sy by die sangeres se tafel verbygestap…

SO STRUIKEL ek nou die dag oor die term “himbo” . . . Huh? ’n Rokjagter met ’n sagte hart. Aantreklik maar deur die blare. ’n Macho teddiebeertjie. Lojaal aan sy vriende. Dit als leer ek wyl ek oplees oor Friends se Joey Tribbiani. En ja, die beskrywing pas. Van 1994 tot 2004 het Matt Le-Blanc ons vermaak as Joey, die sukkelende akteur met meer hormone as breinselle. Maar ná die supergewilde sitkom begin sy ster verdof – en toe verdwyn hy van die radar af. “How you doin’?” het Joey altyd gesê. Maar hoe gaan dit deesdae met Matt – en wat dóén hy? Die antwoord het hy al self aan die grapmaker Conan O’Brien verskaf: “Niks. My gunstelingding om te doen is f*****, ek’s baie goed daarmee.” Sy…

Wanneer en waar was jy op jou gelukkigste? Wanneer ek perform. Op die verhoog, op TV of sommer net vir die pret. Wat sou jy anders doen as jy jou lewe kon oorhê? Ek sou al die kanse gevat het wat ek nooit gevat het nie, maak nie saak wat dit was nie. Wat is die ding wat jy die meeste in mense bewonder? Wanneer mense baklei vir hulle drome. Wie sou jy die graagste vir ete wou nooi en wat sou jy vir ete maak? Michael Jackson. Ek sal vir hom my famous pasta maak. Wat kan jy nie verduur nie? Onbeskofte mense!!! Always be kind. Wat is jou diepste put van ellende? Toe ek my ouma ’n paar jaar terug verloor het. Wie is of was die liefde…

TIEMIE-RICOTTA-TERT met GEROOS-TERDE BEET GENOEG VIR 4 MENSE AS ’N LIGTE ETE OF 6 AS ’N VOOGEREG /BEREIDING: 20 MIN. /GAARMAAK: 35-40 MIN. /AFKOEL: 10 MIN. ◗ 8-10 bababete, gekook tot gaar◗ 60 ml (¼ k) sonneblomsaad◗ 250 g ricotta◗ 125 g roomkaas◗ 15 ml (1 e) vars tiemieblaartjies of 5 ml (1 t) droë tiemie◗ sout en varsgemaalde swartpeper, na smaak◗ 400 g-rol skilferkorsdeeg, ontdooi◗ 1 eier, geklits◗ 15 ml (1 e) sesamsaad (opsioneel)◗ ’n paar takkies vars tiemie Voorverhit die oond tot 180 °C. Voer ’n bakplaat met bakpapier uit en bespuit liggies met kossproei. 1 Skil die bete, indien verkies, en sny in die helfte of in kwarte. 2 Sit die sonneblomsaad in ’n droë pan en rooster oor matige hitte tot ligbruin – roer gereeld om…

ELKE vertrek behoort meer as een soort beligting te hê om ’n kalm, knus voorkoms en gevoel te skep. Dié kombuis het plafonligte vir algehele lig, hangligte bo die kombuiseiland vir taakbeligting, terwyl die ligte onder die kaste aksentbeligting verskaf. Grondslagbeligting Verskaf algemene lig in ’n vertrek sodat jy veilig kan sien en rondbeweeg. Dit sluit plafonligte, hangligte, en kandelare in. Hangligte kan ook dien as taakbeligting. ’n Enkele sentrale ligpunt, veral as dit ’n helder, koel lig is, kan harde skaduwees en ongelyke beligting skep. Taakbeligting Dis gefokusde lig vir spesifieke take soos lees of kook, en sluit lessenaarlampe, ligte aan die onderkant van kaste, leeslampe soos staanlampe, en grimeerligte in. Kies verstelbare ligte vir meer buigsaamheid. Aksentbeligting Skep atmosfeer, beklemtoon kenmerke en dra by tot jou dekor. Dit…

Droë oë is ’n algemene klagte, maar word maklik afgemaak as allergieë of ’n ooginfeksie. Dis nie altyd die geval nie, sê dr. Adelaide Andrade van Kaapstad. Die probleem lê dikwels by die trane – die oë maak óf nie genoeg nie óf die trane verdamp te vinnig. Dit beteken die oë bly nie behoorlik bevogtig nie. SIMPTOME ◗ Rooi oë of oë wat moeg lyk ◗ ’n Branderige of krapperige gevoel, wat dikwels ook pynlik is ◗ Probleme om te fokus ALGEMENE OORSAKE ◗ Ouderdom ◗ Menopouse ◗ ’n Droë klimaat of blootstelling aan lugverkoeling of -verwarming ◗ Rook ◗ Die langtermyngebruik van kontaklense ◗ Lang tye voor ’n rekenaarskerm, die televisie of baie lees ◗ Ooglede wat nie behoorlik kan toemaak nie ◗ Die newe-effekte van sekere medikasie,…

WINSKOPE Kan die banke nie maar ook “specials” hê nes die winkels nie? Iets soos: “Trek R500 by ons kitsbank en kry R300 gratis!” Denise, Pretoria KLAPPERTAND “Klap jou tande ook so op mekaar as dit baie koud is?” vra die oom vir sy buurvrou in die ouetehuis. “Weet nie, ek het hulle nog nie so dopgehou nie,” sê sy. “Hulle slaap snags langs my op die bedkassie.” Johan H, Gonubie SPEELTEGNIEK Die ougetroudes Fanie en Katryn is by ’n krieketwedstryd. Naby hulle is ’n paartjie wat mekaar die hele tyd sit en liefkoos. “Ek weet nie of ek na hulle of die wedstryd moet kyk nie,” sê Fanie later. “Kyk na húlle,” antwoord Katryn. “Jy weet mos klaar hoe om krieket te speel!” Emmie, Mosselbaai SILSTUIPE My psigiater: “Hoor…

DIE meeste honde kan geleer word om op hulle naam en eenvoudige opdragte soos sit of stap te reageer. Dié wat so ’n bietjie slimmer is, kan selfs geleer word om tot 100 voorwerpe by die naam uit te ken. Maar kan jy glo daar’s ’n uitgesoekte groepie baie slim honde wat nuwe woorde aanleer deur na hulle mense se gesprekke te luister? In ’n Studie van die Eotvos Lorand-universiteit in Hongarye is bevind dat honde na die mense om hulle luister om hulle woordeskat uit te brei, nes jong kinders. Die honde is “gifted word learners” gedoop. “Hulle is baie goed daarmee om op te tel waaroor daar gepraat word,” sê Shany Dror, ’n navorser aan die Universiteit van Veeartsenykunde in Wenen, Oostenryk, en ’n lid van die navorsingsspan.…

1 Wat is die topverkoper-videospeletjie-franchise van alle tye? 2 Wie is die sekretarisgeneraal van die Verenigde Nasies? 3 Watter antieke wonder van die wêreld was in Alexandrië in Egipte? 4 Hoeveel kante het ’n heksagoon? 5 Watter Italiaanse stad word die “stad van kanale” genoem? Antwoorde 1 Mario 2 António Guterres 3 Die Vuurtoring/Pharos van Alexandrië 4 Ses 5 Venesië BRONNE: REUTERS.COM, EN.WIKIPEDIA.ORG, BBC.CO.UK, NEWSFORKIDS.NET, BRITANNICA.COM, BBC.COM, NYTIMES.COM, ABCNEWS.COM, KINSHIP.COM…

SAAM met die brein, lewer, niere en longe is die hart een van die belangrikste organe in jou liggaam. Ons noem dit ’n lewensbelangrike orgaan, want jy kan nie sonder ’n werkende hart leef nie. Dit werk heeltyd (dag en nag) as deel van die bloedsomloopstelsel en pomp bloed na elke deel van jou liggaam. Wanneer jy slaap, bly jou hart klop en stuur bloed vol suurstof en voedingstowwe na jou organe, spiere en brein. Die menslike hart is omtrent so groot soos jou vuis. Dit sit ’n bietjie links van die middel van jou bors en word deur jou ribbes beskerm. Al is dit klein, pomp jou hart elke dag duisende liters bloed deur jou liggaam. As ons verstaan hoe die hart werk, verstaan ons beter hoe die hele…

‘HIERDIE portret van die leeu is deur my kollega geverf. My naam is Llowellyn, en dit beteken leeu. My naam spreek van leierskap. Ek ken nie baie Llowellyns wie se naam só gespel word nie. Maar hierdie leierskaprol is nie net ’n rol wat ek by die skool vervul nie, dis ook die rol wat ek in die gemeenskap vervul. Dit is wie ek is, en hierdie leeu beeld dit uit. Hy is op 5 Mei 2021 geverf en hang hier agter my lessenaar. Ons bied ook kuns en kultuur by die skool aan. Ons het kinders wat nie kan lees of skryf nie, maar sit ’n bladsy voor hulle, dan kan hulle mooi teken. Hierdie is ’n spesiale skool. Dis ’n vaardigheidskool. Of School of Skills, soos hulle in…

JY SAL ver moet soek vir ’n paartjie wat die kwik meer as dié twee kan laat styg. Sy’s die koningin van werklikheidstelevisie met ’n lyf wat skrik vir niks. Hy’s die sportster wat harte vinniger laat klop as ’n Formule 1-wedren. En saam is hulle witwarm. Nee, Kim Kardashian en Lewis Hamilton het nog nie amptelik aangekondig hulle is ’n paartjie nie, maar die foto’s jok nie: Dié twee maak die pap dík aan. En dis dalk maar tyd om te begin dink aan ’n lekker bynaam vir hulle so tesame, dalk iets soos Kimilton of Karlewis? Vriende laat val klaar heelwat brokkies oor hoe die verhouding ontwikkel. “Hulle’sbind is. in daai intense fase waar hulle mekaar nie kan uitlos nie,” sê een bron. “Hulle geniet regtig mekaar se…

1 PHOEBE STEM VIR RACHEL As jy ’n ware aanhanger van die sitkom Friends is, het jy waarskynlik die hele reeks al minstens twee keer gekyk. Dit kan jou dalk verras dat een van die hoofakteurs eers onlangs begin het om dit te kyk. LISA KUDROW (62), wat Phoebe gespeel het, het aan Sunday Morning gesê sy het nog nie al die episodes gesien nie en is midde-in ’n Friends -marathon. Sedert sy die reeks begin kyk het, het Lisa ook van Ross (DAVID SCHWIMMER, 59) se span na Rachel (JENNIFER ANISTON, 57) s’n verander. “Ross was belaglik. Wat ’n baba! Jy kan nie ’n toekoms met daardie ou beplan nie,” het sy gesê. 2 DAAI PRUIK Ons het baie lank gewag vir hierdie Disneyfliek met regte mense, en ons kan dit nie…