Table of contents for 7 August 2025 in Huisgenoot

1 ‘EK WIL MY PA SE LAS LIGTER MAAK’ Gerard Patterson (16), van Delft, het begin hare sny om sy enkelpa, Ashley, te help met hulle skoolonkoste. Op die foto is Gerard by sy pa en sussie, Jade Mooi so, jong man. As jy op hierdie jong ouderdom al so begin woeker, kan jy dit nog baie ver in die lewe bring as ’n ondernemer. Ons bid dat jy altyd so positief sal bly en dat niks ooit jou vreugde sal steel nie. JUANITA Jy is nou voorwaar ’n kind op wie enige ouer met reg trots kan wees. En jy is ’n wonderlike voorbeeld vir soveel ander kinders om te volg. Ek is so trots op jou, en ek is seker jou pa is nog baie meer. MARIETJIE Welgedaan!…

IN DIE oopplankombuis in die Paarl lê klein Luca doodstil in sy babastoeltjie op die kombuistoonbank. Die koue van die oggend hang nog in die huis, maar sy handjies is toegedraai in sokkies – sy handskoene is in die was. Hy’s ’n rustige seuntjie. Hy kerm nie sommer nie. Maar toe sy ma, Jaynee Chambers (40), haar foon lig en weer vir hom die video van sy pa wys, begin sy handjies in die lug roer. “I love you so much. Mis jou. Sal jou bel oor ’n uur. Sterkte. Oukei. Ons anker oor ’n uur. Dan bel ek.” Dis die laaste boodskap wat sy pa, Hugo Hattingh (39), van Thailand af gestuur het. Die beloofde oproep sou nooit gebeur nie. Kort daarna het ’n ontploffing op die katamaran waarop…

DIE PANEEL Ralph Macchio LOLA: Die Karate Kid is nou ’n sensei van styl – daai blou vensterruitpak is ’n wenner, veral saam met die donker skoene se gaatjiespatroon. DENNIS: Die Karate Kid is deesdae groot en stylvol en deel modehoue uit wat tel. CHARLEA: Is daar iets beter in hierdie lewe as ’n man in ’n pak wat netjies pas? Die antwoord: Nee, daar is nie. ANGEL: Hou by die blou! Ralph lyk spif in sy donkerblou oorknoopbaadjie. Die wit hemp lyk eenvoudig maar elegant. Die bruin knope en skoene gee karakter aan die klassieke pak. Angelina Jolie LOLA: Sy lyk soos uit ’n sprokie – fyn, elegant en feëprinsesmooi. DENNIS: Angie is die ene dromerige elegansie in dié asimmetriese wit rok met sy mantelmou. CHARLEA: Weer eens ’n bewys dat minder meer is. Die uitrusting…

VOnlangs het ’n vriendin haar ouers begrawe. Hulle het in die Vrystaat gewoon en sy is die afgelope vyf jaar woonagtig in Swede. Sy het ’n rukkie gebly om die boedel af te handel en het ’n draai deur die land gemaak om ou vriende te besoek. Ek was laaste aan die beurt voor haar vlug terug na haar nuwe land. Haar gesprek met my oor haar ouers het ’n emosionele impak op my gehad, in so ’n mate dat ek haar gevra het of ek in my rubriek daaroor kan skryf. Sy het toestemming gegee, dit het min of meer so gegaan: AMELIA Ek was destyds baie opgewonde om te emigreer. Nuwe werk, nuwe land, baie nuwe moontlikhede. My ouers, soos jy weet, was in hul laat 50’s en…

HOE HAAL EK NOU ASEM? DEUR CLIFFORDENE NORTON L apa, R253* ‘Ek werk by Noordwes-Universiteit as ’n kopieskrywer en is besig met ’n meestersgraad in kreatiewe skryfkuns aan die Universiteit van Pretoria. Drie van my kortverhale was al vanjaar in Huisgenoot. In Hoe haal ek nou asem? moet Ethan oornag grootword. Die volgende week gaan die moeilikste van sy lewe wees. Hoe oorleef hy die eerste week sonder sy pa? Hy is ’n 16-jarige sokkerspeler wie se lewe een Vrydagaand ná ete verander. Mason, Pa, Ma, Arno en Fernando (en Nacho) is sy geliefdes, die naaste aan sy hart. Mason is sy ouer broer wat hom aan goeie musiek voorgestel het, wat hom uitgelaat het as hy gehok was, wat eendag opgepak en verdwyn het. Ethan se pa het hom…

DIE GEDULD LOON Ek kry vandag ’n rekening in die posbus wat sê “finale aanmaning”. Nogal in rooi hoofletters. Wat ’n verligting, ek het gedink hulle gaan nooit ophou om my te treiter om te betaal nie. Emmie, Mosselbaai WIE IS DIE WARE JY? As almal van jou hou, is jy heel waarskynlik besig om vir iemand te jok. L. Saayman DIE GOEIE OU DAE Mans sê graag vroue kook nie so lekker soos hulle ma’s nie. Maar baie van daai mans maak ook nie meer so goed geld soos hulle pa’s nie. L. Saayman OOR LIEF EN LEED In hierdie ou lewe het die meeste vroue minstens een groot, langdurige uitdaging. Hulle is óf daarmee getroud, óf het daaraan geboorte gegee. Denise, Pretoria HARE KLOOF Die vrou bekyk haar…

MET ’N windbreker oor sy swart priesterdrag getrek, stap vader Ian Wilson saam met my teen die steil paadjie op agter die algemene kantoor van die Orde van Sint Augustinus. Weg van die mensemassa op Sint Petrusplein wag ’n geheime ontvlugtingshoekie aan die voet van die Janiculum-heuwel. ’n Sprokiesagtige uitsig op die Sint Petruskerk verskyn toe hy my lei na ’n stil plek. Dis hier waar Robert Prevost, nou pous Leo XIV en die eerste Augustynse pous in die geskiedenis, jare terug teen sy teenstanders geveg het. Nie met swaard en skild nie – met tennisrakette. Dit was dekades gelede. Ian, toe ’n jong Skot, en Robert, ’n Amerikaanse student, het saam hier in Rome studeer. Die tennisbaan was toe nog net grond. Vandag is dit mooi asfalt. En op…

Wanneer en waar was jy op jou gelukkigste? In Mosambiek op vakansie in 2023 saam met familie en vriende. Wat sou jy anders doen as jy jou lewe kon oorhê? Ek sou wou gaan werk op ’n plek wat baie onopgepaste diertjies het en elke mishandelde diertjie of diertjie sonder ’n huis inneem en ’n huis gee, al moes ek net met skenkings klaarkom. Wat is die ding wat jy nie in mense kan verduur nie? Jaloesie. Ek verstaan nie hoekom mense nie vir mekaar die wêreld sal gun nie. Ons lewe al-mal met soortgelyke probleme en ons moet mekaar in die wêreld gelukkig hou en help. Wie sou jy die graagste vir ete wou nooi en wat sou jy vir ete maak? Ek sou Natasha Joubert nooi en vir haar…

DAAR was al Fidget Spinners, Jellycats en Squishmallows. En nou is die speelding wat almal kwansuis móét hê ’n Labubu. Labu-watseding? vra jy. Dis ’n klein monstertjie met ore soos ’n vlermuis s’n, ’n skewe glimlag met nege tandjies en ’n ondeunde uitdrukking op die gesig wat sê: “Ek voorspel moeilikheid!” Dis ’n bietjie soos die Jibbitzgoedjies waarmee mense hulle Crocs versier, behalwe dat jy dit aan jou sak hang. En blykbaar wil almal een hê, van Madonna tot Emma Roberts tot jou kleinsus. Die sagte speeldingetjie is in 2015 geskep deur Kasing Lung (52), ’n kunstenaar wat in Hongkong gebore is en later in Nederland gaan woon het. Die karakters was deel van ’n reeks storieboeke genaamd The Monsters, met Nordiese volksverhale as inspirasie. “Ek het graag storieboeke gelees…

WIE sê grimering moet donker en somber wees in die winter? Hierdie seisoen is daar ’n rits prettige, vars kleure om selfs die grysste dae op te helder. Van pistachiogroen tot bottergeel en subtiele skakerings in bessie – hierdie vyf gewilde kleure is maklik om te dra, vleiend en hoogmode. BOTTERGEEL DIE VOORKOMS: Sag, sonnig en vrolik – bottergeel is ’n neutrale kleur wat mooi pas by enige velkleur. Die vrolikheid daarvan maak dit anders as die gewone winterkleure. Bottergeel gee oë en naels ’n sagte helderheid sonder om te opvallend te wees. Op die ooglede lyk dit pragtig as dit lig oor die hele oog aangewend word, of as ’n sagte strepie in die binneste hoek. Dis ook ’n dromerige keuse vir naels. Jy kan dit op sy eie…

LEEU 22 JULIE –22 AUGUSTUS As jy sonde met die bure het, kan dit dalk erger raak wanneer Mars op die 7de betrokke raak. Jou maat gaan dalk ook sy of haar mening gee rondom die volmaan op die 9de, so luister mooi en dink daaroor voor jy dit net afskiet. Jou kop behoort rustiger en helderder te wees van die 11de af wanneer Mercurius weer vorentoe begin beweeg. MAAGD 23 AUG – 22 SEP Jy kry inligting oor jou gesondheid en welstand. Teen die 11de gaan jy dalk meer duidelikheid hê, want jou planeet, Mercurius, beweeg dan weer reguit. Dis ook ’n goeie tyd om waardering vir jou vriendskappe te wys – veral dié vriende wat onlangs baie goed was vir jou. As jy voel dis nou tyd om…

Die Amerikaanse groep Maroon 5 is ná vier jaar se stilte uiteindelik terug met nuwe musiek. Die groep het aangekondig dat hulle agtste album, Love Is Like, op 15 Augustus uitgereik word, gevolg deur ’n toer deur Amerika. In onlangse maande het hulle die nuwe liedjies “Priceless”, saam met Lisa van Blackpink, en “All Night” uitgereik. Die hoofsanger van die groep, ADAM LEVINE, sê aanhangers kan ook kameeverskynings van die rappers Lil Wayne en Sexyy Red op die album verwag. In ’n onderhoud op radio het die 46-jarige sanger en mentor in die The Voice-kompetisiereeks gesê die groep keer terug na “wat ons nog altyd gedoen het, naamlik om glad nie aandag te gee aan genres of tendense nie”. Hoewel die platemaatskappye hierdie aspek soms problematies vind sedert Maroon 5…

IN DIE see, alleen op sy branderplank, is waar die Afrikaanse sanger Len Muller sy energie kry. Waar hy sy krag vind en kan herlaai wanneer dinge te rof raak in die wêreld. Sy toevlug. Sy anker. Wat is dan nou beter as om hierdie inspirasie met sy aanhangers te deel in sy nuutste liedjie, “Energie”. “Ek werk al vir ’n rukkie aan ’n nuwe album en die lied is deel van ’n klomp liedjies waaraan ek al lank skaaf,” sê Len. “My vorige enkelsnit, ‘Soos ’n engel’, het so goed gedoen dat ek gedink het ‘Energie’ sal dit goed komplementeer as ’n opvolgsnit. “Die tema rondom die lied was waar kry jy jou energie? Vir my is dit in die natuur en op die see, en as ’n gelowige…

GROOT BLOKRAAI NO 2608 KOMPETISIEVRAAG Watter kruieplant is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Die rooi angelier deur Eleanor Baker as Alex Muller (H&R, R270). Die moord-en-roofspeurder Adriaan Kruger is warm op die spoor van ’n reeksmoordenaar. Maar hoe trek jy iemand vas wat só berekenend toeslaan, iemand wat pynlik netjies te werk gaan en oënskynlik geen leidrade agterlaat nie? En hoekom lyk dit of daar doelbewus met Adriaan kat en muis gespeel word? Toe sy geliefde Karien in die moordenaar se kloue beland, voel dit vir Adriaan of hy hom bevind in ’n…

JY SAL op skool nog heelwat gedigte of poësie lees en meer daaroor leer. Poësie verwys na die digkuns. Dis ’n kunsvorm wat gebruik maak van verskeie klank-en taaltegnieke om ’n gevoel, boodskap of tema oor te dra. Jy moet die volgende terme goed begryp, en jy moet dit kan herken en toepas om die gedig beter te verstaan en dit te ontleed in die eksamen. Moenie skrik as hier terme is wat jy nog nie op skool geleer het nie – gebruik dit sommer as verryking of om jou algemene kennis oor gedigte te verbeter. WAT IS ’N GEDIG? ’n Gedig is ’n letterkundige teks in versvorm. Hierdie verse kan geskryf word met of sonder rym. Die digter wil ’n sekere idee of emosie met die hulp van sekere…

‘KOM, klim gou hier saam met my in die gholfkarretjie en dan ry ons na die 17de gat toe. Dis daar waar ek my eerste kolhou geslaan het. Ry jy sommer saam met my, Meghan. Die fotograaf kan saam met iemand anders ry. Hierdie karretjies hardloop nie. Hy’s maar stadig. Daar wei ’n bokkie in die gras. Die springbokkies wei ook hier, maar hulle vreet die mense se tuine op. Oukei, kyk nou links. Sien jy die berge met die bome? Is dit nie pragtig nie? My beste vriendin het my destyds gebel om te sê ek moet kom kyk hoe lyk dit hier. Ek het gehou van wat ek sien. Kyk daar hoe mooi lê die see uitgestrek agter die gholfbaan. Ons woon al vir so ses, sewe of…

ONS kan dalk nie daarmee spog dat die internasionale ster wat in flieks soos Schindler’s List en Matilda te sien was ’n gebore Suid-Afrikaner is nie, maar Embeth Davidtz is so trots Suid-Afrikaans soos wat kan kom. Al is sy in Amerika gebore en met ’n Amerikaner getroud en al woon sy vir die grootste deel van haar lewe daar, bly haar hart na Suid-Afrika hunker. Dis hier waar sy gevorm is – en hier waar sy haarself weer kom vind, sê die aktrise toe sy onlangs ’n draai in Kaapstad kom maak. “Toe ek vanoggend wakker word en die berg en die lig hier sien, het ek net gesê ek sál terugkom,” sê Embeth (59) toe Huisgenoot haar ontmoet by die Mount Nelson-hotel aan die voet van Tafelberg. Sy…

VOOR die kameras is daar drama, verraad en ’n gekonkel uit die boeke. Maar toe die Diepe waters-span onlangs met arms vol hondekos en komberse die viervoetige inwoners van Paws R Us in Fourways besoek het, was daar net liefde. Die ervaring was vir hulle almal só spesiaal, sê MARIJKE COETSER. Sy vertolk die rol van René. “Tyd is een van die waardevolste skatte wat ons het,” sê Marijke. “Om bewustelik te besluit hoe jy jou tyd deurbring het ’n groot impak op jou geluk. Ons is bly ons kon op Nelson Mandela-dag ons tyd by Paws R Us deurbring.” SANDI SCHULTZ, wat Zelda speel, sê sy’s nog altyd liefde vir honde. Trouens, in haar huis regeer ’n sekere bokser-boerboel-kruising. “Dis te danke aan diereskuilings soos dié dat ek my…

Hier is goeie nuus vir alle hekelliefhebbers: Huisgenoot se nuwe Hekel-uitgawe is op die rakke. Dit is propvol patrone om van te kies en na hartelus te begin hekel. So kry die hekelpenne gereed, want daar lê ure se pret en plesier voor! Daar is iets van alles, en veral die speelgoed is tans baie gewild. Daar is meer as 25 patrone van items wat dwarsdeur die jaar gebruik kan word. Kry jou Huisgenoot Hekel nou! Wat is alles ingesluit? ■ Truie vir vroue ■ Sjaals ■ Sakke ■ Komberse ■ Kinderklere ■ Mandjies en selfs ’n poef om op te sit ■ Allerlei interessanthede, onder meer ’n boekmerk BESTEL DIT SÓ AANLYN media24shop.com of huisgenootwinkel.com E-POS koop@huisgenoot.com BEL 021-406-4962…

As jy al ooit ’n Engelse woordeboek opgetel het, is die kans goed dit dra die name Merriam of Webster. Wie was hulle? Dis ’n storie. Noah Webster was ’n rooikopleksikograaf wat voor die Amerikaanse Burgeroorlog geleef het. Sy woordeboek – die eerste vir Amerikaanse Engels – was deel van ’n soort nasionalistiese projek. Hy wou afstand doen van die Britse Engels van die bedrywige woordeboekmaker Dr Johnson en daarmee wys Amerikaners doen hulle eie ding. Dis te danke aan Webster dat jy vandag nog in Amerika skryf “color” teenoor “colour” in Engeland, of “theater” teenoor “theatre”. Ook dat ons vandag oor iets soos kopiereg beskik (’n storie vir ’n ander dag). Ou Webster wou hê mense moes skryf soos hulle praat. Maar sy pragmatisme was nie sonder puritanisme nie.…

TROMPIE frons eintlik soos hy hier in die helder namiddagson met sy kettie korrel-korrel. “As ek nie pasop nie, gaan ek my buurman raak skiet,” grinnik hy. Agter hom kabbel ’n bergstroom en strek die koppies van Kwaggaberg die verte in. Of wag, dis die koppies van Oukop op Ceres, nie die fiktiewe Kwaggaberg waar die onnut van Topsy Smith se jeugverhale en sy Boksombende van smôrens tot saans kattekwaad aangejaag het nie. En die man wat net lag en saamspeel toe ons fotograaf hom vra om sy kettie vir ’n foto af te stof, is André Laubscher – die ster van die oorspronklike Trompie-fliek. Dis op dié landboudorp waar hy die afgelope twee dekades woon en as mediese dokter werk ná 20 jaar as algemene praktisyn op Rawsonville so…

PASTEITJIES met GERAFELDE PEPERSTEAK LEWER ONGEVEER 18 KLEIN PASTEIE /BEREIDING: 45 MIN. /GAARMAAK: ONGEVEER 2 UUR VULSEL ◗ 650-800 g silverside- of topsidebeesvleis◗ 500-750 g stukke beeskortrib ◗ sout en varsgemaalde swartpeper, na smaak◗ ’n bietjie olie vir braai◗ 1 ui, grofgekap◗ 2 knoffelhuisies, gekneus◗ 1 x 500 ml-blik bier◗ 1 blokkie of potjie beesvleisaftreksel, opgelos in 250 ml (1 k) kookwater◗ 2 lourierblare◗ 1 takkie roosmaryn PASTEIE ◗ 100 g botter◗ 1 ui, fyngekap◗ 2 knoffelhuisies, fyngekap◗ 60 ml (¼ k) meel◗ 5 ml (1 t) witpeper◗ 2,5 ml (½ t) fyn swartpeper◗ 5 ml (1 t) varsgemaalde swartpeper + ekstra soos nodig◗ ’n knippie fyn naeltjies (opsioneel)◗ sout, na smaak◗ 2 x 400 g-rolle broskorsdeeg, ontdooi◗ ’n bietjie meel vir uitrol◗ 1 eier, geklits Hou ’n drukkoker byderhand.…

1 BLAPSE MET JOU DOKUMENTE Onvolledige of verkeerde inligting kan jou uitbetaling vertraag of kelder. ◗ Dien al die nodige fakture, kwitansies en betaalwyse in. Maak seker dis leesbaar. ◗ Sorg dat jou besonderhede, soos jou lidmaatskapnommer en persoonlike inligting, volledig en reg is. ◗ Verskaf jou dokter se geldige praktyknommer. Slegs praktisyns wat by die Raad vir Gesondheidsberoepe van Suid-Afrika geregistreer is, sal deur die mediese fonds betaal word. 2 VERKEERDE KODES Mediese fondse gebruik verskillende behandelingskodes. As jou rug behandel word, maar die dokter of sy personeel het die kode vir longontsteking verskaf, sal die eis sloer. Tariefkodes kan soms ook verkeerd wees. Die mediese fonds sal jou laat weet as die kodes nie ooreenstem met die diagnose of behandeling nie. 3 GEEN VOORAF MAGTIGING Sonder goedkeuring voor die tyd moet…

OPMY ouderdom begin mens deesdae sinne met: Ek raak seker nou oud, maar . . . Ek wil dit eintlik afleer, want mens diskwalifiseer jouself sommer voor jy iets gesê het. Dis een van daardie dinge wat jy vir die res van jou lewe sal kan sê, en eintlik het dit niks te doen met die punt wat jy maak nie. Maar tog: Ek raak seker nou oud, maar ek begin ’n probleem ontwikkel met die gewelddadige seks wat elke liewe fliek of reeks opdis. Ek het nie ’n probleem met seks op skerm nie. Dit vorm dikwels deel van die storie en dis lankal nie meer iets wat die oë laat rek nie. En soms kry jy selfs ’n wenk of drie wat glad nie te versmaai is nie.…

1 Watter twee lande word deur die Engelse Kanaal geskei? 2 Van watter bergreeks vorm Everest deel? 3 Hoeveel keer het die Brasiliaanse sokkerspan al die Wêreldbeker gewen? 4 Wat is die enigste soogdier wat kan vlieg? 5 Watter dag van die week is na die Noorse god Thor vernoem? ANTWOORDE: 1 EngelandenFrankryk 2 DieHimalajas  3 Vyf 4 Vlermuis 5 Donderdag BRONNE: LBORO.AC.UK, BBC.CO.UK, THEGUARDIAN.COM, BAS.AC.UK, NHM.AC.UK, GOODNEWSNETWORK.ORG, ALJAZEERA.COM, SPACE.COM, ASTROBIOLOGY.NASA.GOV, NEWSFORKIDS.NET, BBC.COM, ETYMONLINE.COM, NEWS.SKY.COM…

DIE bolwange van seunwees is amper weg en die gelaatstrekke begin wys van die man wat prins George binnekort sal word. En koninklike aanhangers stem saam hy begin ál meer lyk na sy pa, prins William. Toe William en Kate onlangs ’n nuwe foto van hom deel om sy 12de verjaarsdag op 22 Julie te gedenk, het dit op sosiale media gegons. In ’n kraakwit blokkieshemp onder ’n kakie moulose baadjie glimlag Brittanje se toekomstige koning breed vir die kamera terwyl hy oor ’n houthek leun. “Wat ’n mooi jong man is hy nie besig om te word nie. Hy lyk nes sy pappa,” het iemand opgemerk. “Sjoe! Hy trek baie na sy pa,” het iemand anders gesê. Sy trotse ouers het ook ’n video van George saam met sy…

’n Vlug van Johannesburg na Kanada duur gemiddeld langer as ’n volle dag en nag – soms tot 30 uur. Daarom, toe JO BLACK en APPEL onlangs daarheen is vir ’n Afrikaanse konsert, kon arme Jo nie anders as om ’n uiltjie te knip nie. Die manne was daar vir die Afrikaans Is Lekker-vertonings in onder meer Toronto en Saskatoon – en hulle ore tuit steeds van al die Afrikaanse mense wat saamgesing het. Daar was darem tyd om die Niagara-waterval ook te sien (BO). Wag, is dit die Hollywoodster CHRISSY METZ daai? Ja, hier neem ons eie FRANK RAUTENBACH ’n foto saam met Chrissy, ster van die reeks This Is Us. Die twee het naby Somerset-Wes aan die fliek Faith in the Flames: The Nichole Jolly Story verfilm. Dit…

DIE wag is verby. Aanhangers van The Devil Wears Prada kry uiteindelik die opvolg waarvoor hulle wag sedert die fliek in 2006 uitgereik is. Hulle was uit hulle nate van opgewondenheid toe foto’s van die fliek se aktrises ANNE HATHAWAY en MERYL STREEP op die stel in New York begin opduik. In die rolprent, wat volgende jaar uitgereik word, hervat Meryl (76) haar rol as Miranda Priestly, die kil hoofredakteur van die tydskrif Runway. En Anne (42) is terug as Andrea “Andy” Sachs, haar gewese redaksionele assistent. Voor hulle begin skiet het, het Anne speels ’n TikTok-video geplaas waarin sy haar tande borsel en dieselfde blou trui aan het as wat sy in die eerste fliek gedra het. Miranda het dit Andy se “lumpy blue sweater” genoem. “Heading to work…