Table of contents for 10 July 2025 in Huisgenoot

1 GESKEI OP 70, MAAR ALTYD TYD VIR GRAPPIES Willie en Ilze Esterhuizen is ná ’n huwelik van 12 jaar op goeie voet uitmekaar. Die akteur, skrywer en vervaardiger sê hy is nou klaar met die liefde. Hy fokus nou op wat hy nog altyd so goed gedoen het – om die land te laat lag. Baie sterkte aan jou, ou Willie. Ja, op ons ouderdom is dit vir seker maar hartseer om te moet skei. En om daarna jou pad verder alleen te moet stap, is ook glad nie lekker nie. Mag jy vorentoe weer geluk vind. NELMARIE Beste Willie, die derde Vetkoekpaleis is skreeusnaaks. Alles wat jy met jou hand aanraak, gee vir ons tonne plesier en baie ure van lekker lag. Moet asseblief nooit ophou om ons…

TOETS JOU KENNIS 1 In watter fliek het Pierce Brosnan die tweede keer James Bond gespeel in 1997? 2 Wat noem ’n mens ’n hoek wat groter as 90 grade is? 3 Watter ont-dekkingsrei siger het op die Santa Maria gevaar? 4 Wat is die naam van die vulkaan wat Pompeii in 79 n.C. verwoes het? 5 Watter planeet is die vyfde van die son af? ANTWOORDE 1. Tomorrow Never Dies 2. ’n Stomphoek 3. Christophorus Columbus (In Nederlands Christoffelen Christopher in Engels –hyselfhet waarskynlik Christoffa Corombo gesê.) 4. Vesuvius 5. Jupiter…

DIT sou uit die staanspoor die soort gedoente wees wat ’n mens as ’n skouspelagtige spektakel kon beskryf. ’n Glansryke troue van drie dae in een van die wêreld se mees romantiese stede, met ’n gastelys vol pruilmond-sterre en miljardêrs. En ’n bankbalans sonder einde wat vir ál die bruid se drome – hoe klein of groot dan ook – betaal. Maar toe is Jeff Bezos en Lauren Sánchez se troue in Venesië selfs nog meer oordadig as wat enigiemand sou kon voorspel. Dis al vooraf beskryf as “die troue van die eeu”, en hoewel dié eeu nou maar eers 25 jaar oud is, sal dit wraggies sukkel om die Amazon-baas en voormalige joernalis se bruilof vorentoe uit sy titel te knikker. Die Kardashians was daar. Leonardo DiCaprio. Orlando Bloom.…

KYK, stutte is nie bekend vir hulle slanke figuurtjies nie. Maar selfs volgens voorry-standaarde was dié rugbyspeler ’n gróót man. Asenathi Ntlabakanye is 1,83 m lank en het die skaal onlangs nog op byna 160 kg laat kreun. Maar toe hy kort voor druktyd sy debuut in die Groen-en-goud teen die Barbarians maak, was die man wat as die Jozi Bulldozer bekend staan, aansienlik meer vaartbelyn. Asenathi (25) het byna 20 kg afgeskud, en nie met ’n inspuiting of drie soos soveel bekendes deesdae nie, maar met goeie ou sweet en swoeg. En in die proses het hy iets bygekry: die respek van die Bok-afrigter, Rassie Erasmus. “Wanneer ook al daar ’n blaaskans was, het hy Bloemfontein toe gery en is hy na Daan Human se plaas toe, en hy…

POFFERS Dra hierdie gemaklike gekwilte baadjie oor ’n kappietop of trui vir ’n informele laag-op-laagvoorkoms. As jy deftiger wil lyk, kan jy dit oor ’n polonektop of hemp aantrek. PARKAS Dié gewilde baadjies is weerbestand en veelsydig. Dra dit saam met jeans, ’n kappietop of mus en tekkies vir ’n informele gevoel – of saam met ’n langbroek, hemp en stewels vir ’n eleganter voorkoms. DENIM Of jy van lank, kort, donker of lig hou, jy kan nie ’n fout maak met ’n denimbaadjie nie – dis ’n moet vir die winter en ’n staatmaker wat jy saam met so te sê enigiets kan dra. BOMBERS Dié klassieke baadjie is korter en by die middel en moue ingevat – stylvol en gemaklik. Dra dit saam met ’n rekbroek of noupassende…

V My oudste seun is dood. Ek kan dit nie aanvaar of verwerk nie. Hy was 44 jaar oud, liefdevol en saggeaard. Ná nege weke in die hoësorgeenheid in ’n privaat hospitaal en ’n ruk in ’n provinsiale hospitaal is hy aan orgaanversaking oorlede. Ek beleef nou die ergste tyd van my lewe. Mense neem my kwalik dat my emosies wipplank ry, daarom het ek begin om my van almal te onttrek. My huwelik van 47 jaar begin ly nou ook. Ek huil omdat ek my seun in die laaste dae van sy lewe net twee ure per dag kon besoek. Ek huil omdat ek voel hy het nie die beste sorg ontvang nie. Ek huil, want ek is bang ek gaan hom begin vergeet. Ek huil as ek net…

1 JY SLUIT ’N OU REKENING Jy het dalk al jare lank ’n winkelkaart wat jy getrou betaal. Dan sluit jy dit. Gevolglik daal die gemiddelde “ouderdom” van jou oorblywende kredietrekeninge, en moontlik jou krediettelling. Voorbeeld: Jy het vier kredietkaarte, elk met ’n kredietlimiet van R10 000. As jy 50% van die beskikbare krediet op drie kaarte gebruik (R15 000 in totaal), en niks daarvan op die vierde kaart nie, sal jou kredietgebruik 37,5% wees. Dis nie te hoog nie. Maar as jy jou vierde kaart sluit, sal jou kredietgebruik opgaan na 50%, wat jou krediettelling kan benadeel. Doen dít: Verminder die saldo op die oorblywende drie kaarte na R3 000 elk. Sodoende is jou kredietbenutting rondom 30%. 2 JOU KREDIET LIMIET IS VERLAAG Banke kan jou kredietkaartlimiet verlaag as jy…

1 Watter instelling is Suid-Afrika se oudste universiteit? 2 In watter land is die 3 Watter soort dier is die videospeletjiekarakter Sonic? 4 Hoeveel lande is deel van die Verenigde Nasies? 5 Watter taal word deur die meeste mense in Suid-Afrika gepraat? ANTWOORDE  1 Die Universiteit van Kaapstad 2 China 3 Krimpvarkie  4 193 5 Zoeloe BRONNE EDITION.CNN.COM, UGENT.BE, NETWERK24.COM, NEWS.MONGABAY.COM, TIME.COM, ICRIFORUM.ORG, THEGUARDIAN.COM, MARINEPROTECTEDAREAS.ORG.ZA, BRITANNICA.COM, ESA.INT, AU.INT, COLLINSDICTIONARY.COM, ETYMOLOGIE.WOORDZOEK.NL…

SY HET gewag tot sy 30 jaar oud is voor sy dáárdie telefoonoproep gemaak het. Kyoko Ono was senuweeagtig, sy’t diep ingeasem en gebel. Toe die terugoproep uiteindelik kom, was dit ’n stem wat sy in dekades nie gehoor het nie. Haar ma. Die verligting was oombliklik. Skielik het Kyoko se vrese saam met die skuldgevoelens en hartseer van haar volwasse lewe verdwyn. Nou, drie dekades later, vertel die 61-jarige dogter van Yoko Ono haar storie vir die eerste keer. Dis ’n verhaal so dramaties soos enige rolprenttreffer – trouens, dit het al in talle biografieë en dokumentêre oor haar beroemde ma en stiefpa, John Lennon, verskyn. Maar dis een wat Kyoko self nog nooit vertel het nie. Tot nou. Kyoko was net agt jaar oud toe sy haar ma…

DIS naby die middaguur toe die jong paartjie die restaurant op die Stonehaven on Vaaloord in die Vaaldriehoek binnestap. Sy stoot ’n babawaentjie terwyl hy die babasak oor sy skouer dra. Hulle gaan sit ’n entjie van die brandende kaggel by die groot vensters wat op die Vaalrivier uitkyk. Hier en daar kyk van die ander gaste in die restaurant op en fluister vir mekaar. Is dit dan nie die sanger Refentse nie? wys sommige nuuskierig na die man. Hulle herken hom, maar wie, wonder hulle, is die mooi vrou aan sy sy? En wie se baba is daar in die waentjie? Want al boer Refentse se liedjies op die trefferlyste, het hy sy privaat lewe nog altyd stil gehou, en van sy liefdeslewe weet die publiek tot dusver min.…

PLA dit jou dat jou vel slapper sit? Dis heeltemal normaal dat ons vel van sy natuurlike soepelheid verloor namate ons ouer word. Die vlakke van kollageen daal en elastisiteit verswak, en as jy weer sien, begin jou eens ferm kaaklyn en wangbene sagter lyk. Gelukkig is daar nou vele maniere om jou vel sigbaar te lig en ferm te maak. Ons sit die slimste maniere uiteen om jou vel te verkwik. WAT VEROORSAAK DAT VEL VERSLAP? “Sakkerige vel is ’n gevolg van die vel se natuurlike verouderingsproses,” sê dr. Nerina Wilkinson van Nerina Wilkinson and Associates, ’n mediese-estetikakliniek in Kaapstad. “Mettertyd vervaardig die vel minder kollageen en elastien, en dit lei tot ’n afname in fermheid en soepelheid. Dit veroorsaak dat die vel sigbaar losser hang. Namate ons ouer…

TWYFELBOS DEUR FRANCOIS LOOTS Human & Rousseau, R299* “In die vroeë 1800’s word ’n boer op ’n bokpad in die Overberg se Swartekransberge vermoor. Die wyk se veldkornet moet die moordenaar opspoor – op ouderwetse manier deur rond te vra en afleidings te maak. ’n Vrou wat alleen boer en een van haar handlangers kom vir hom verdag voor in ’n ondersoek wat die geheime van die liefde en die regsproses ontbloot.” Dié baie kriptiese samevatting van Twyfelbos deur sy skrywer, Francois Loots, verklap niks van hierdie baie interessante roman wat in die eerste en laaste instansie ’n meesleurende storie is nie. Sophia Truter, die hoofkarakter, is ’n wonderlike karakter en ’n eerste in ’n historiese Afrikaanse roman om ’n rede wat ek nie hier gaan onthul nie. Gaan koop…

MET die skoolvakansie nou aan die gang word daar ongelukkig baie televisie gekyk in my huis – die Kaapse weer laat min ander dinge toe. Dis interessant dat my kinders verkies om ou reekse te kyk, of eerder reekse wat ons gekyk het toe hulle nog op laerskool was, want met hulle nuwe kennis – tieners weet mos nou alles – kyk hulle met nuwe oë, sê hulle. En verstaan hulle natuurlik meer van die verwysings en storielyne. Hulle is ook destyds vroeg bed toe gestuur, so hulle ervarings van hierdie reekse was beperk – die ergste episodes het ons laataand gekyk, wanneer hulle reeds diep in droomland is. So kyk een van hulle nou BREAKING BAD – ek het so ’n paar episodes saamgekyk – en kom ek net…

STUUR OORSPRONKLIKE GRAPPIES NA GRAPPIES@HUISGENOOT.COM. JY KRY R50 VIR ELKEEN WAT ONS GEBRUIK. SLUIT JOU NAAM EN KONTAKBESONDERHEDE IN. O, KRISMIS “Kersfees is vanjaar op ’n Vrydag,” maak Kallie praatjies met Mike. “O gonna, ek hoop nie dis op die 13de nie,” sê Mike bekommerd. Johanna Rademeyer TE WARM Ek hoor oor die radio die Midde-Ooste is al weer ’n kookpot. Kan iemand nie net die stoof afskakel nie? E. Moelich SNORKWEER Ek slaap deesdae so baie, ek kry al heruitsendings van my drome. Emmie, Mosselbaai BOER AGTERUIT Twee omies sit op die ouetehuis se stoep. “Weet jy, ek het nou die dag 84 geword en skielik het ek twee keer soveel skete,” kla die een. “Dis niks,” sê die ander. “Ek voel deesdae weer soos ’n baba. Geen hare,…

1 Hy’t almal se aandag gekry en behou toe hy onlangs in sy nuwe rol as Reggie in Suidooster geklim het. Reggie is ’n Namibiër wat na Ruiterbosch gekom het om dinge ’n bietjie warm te maak. “Reggie het grootgeword op die plaas en ken net daai lewe. So, hy’t nog baie werk om te doen as dit kom by sy gevoelens,” sê Ettienne. Hy’t spesiaal ’n Namibiese aksent vir dié rol aangeleer, sê die 22-jarige akteur van Wellington. “Ek hoop Namibië is orraait met die aksent en dat hulle van Reggie hou.” Hy’t vriende en familie van Namibië en die Noord-Kaap om hulp genader vir dié spesifieke aksent. “Suidooster het ook iemand van Namibië ingekry om my te help.” 2 Die hele ervaring op die stel van Suidooster is vir…

‘EKHET van kleintyd af geweet ek wil ’n vrou in blou wees. Eerlikwaar, ek het gedroom daarvan om ’n FBI-agent te word. Presies soos in die movies. My pa was ’n polisieman. My ma het ook vir ’n ruk vir die polisie gewerk. In die kantoor. My tannie en my oom is ook polisielede. Hulle het toe ek so jonk was nie gedink ek gaan die een wees wat die polisiediens betree nie. Ek is een van ’n tweeling. My boetie werk in die fabrieke en goed. Ek het daai ding waarna hulle verwys as middelstekindsindroom. Al is my boetie net ’n paar sekondes ouer as ek, my sussie is weer jonger. Sy’s meer van ’n tomboy. Ek was altyd meisierig en fyn. Dit het verander toe ek so 15…

TOE sy ’n jong vrou was, het sy gebid vir groter borste sodat sy ook kan lyk soos die vroue wat met welige kurwes geseën is. Maar ai, as sy geweet het dié gebede sou in die oortreffende trap verhoor word, het sy dalk mooier gedink toe sy op haar knieë gegaan het. Dit was inderdaad soos iets bonatuurliks – in die sin dat dit oornag gebeur het, onthou Michelle Sekwena, nou 25 jaar oud. Binne net ’n paar maande het sy van ’n grootte 32A na ’n 32G gegaan. “My borste was so klein,” onthou sy. “En toe: boem! Hulle was so groot.” Waar sy kort tevore die wêreld nog sonder ’n bra kon aandurf, moes sy nou elke keer die grootste nommer in die winkel koop met die…

Het jy onlangs ’n dikke borrel bygewoon? Heel moontlik, want in Nederlands verwys ’n dikke borrel na ’n lekker partytjie. Ja, Afrikaans stam af van tale soos Maleis, Khoi, Portugees, Frans, Engels, Duits, maar natuurlik die heel meeste van Nederlands. En al is daar vele ooreenkomste tussen hierdie twee tale, is daar ook heelwat verskille. Wees dus versigtig om nie sommer vir enige Nederlander te sê “Ik hou van jou” nie, want dit beteken “Ek is lief vir jou”. En as ’n Nederlander sê iets gebeur “vaak”, het dit niks met min slaap te doen nie, dit beteken net iets gebeur gereeld. In Nederlands is ’n “aardige man” ook g’n vreemd nie – hy’s aangenaam. Net so is ’n “schone vrouw” nie een wat vanoggend gestort het nie, maar ’n…

Wanneer en waar was jy op jou gelukkigste? Toe ek ’n jong kind was. Op die plaas met baie perdry, kleilat, koeie melk en pragtige natuur om my. Sonder bekommernisse. Wat sou jy anders doen as jy jou lewe kon oorhê? As dit nie nodig was om ons gemeenskappe te beveilig nie, sou ek in die natuur wou werk. Wie sou jy die graagste vir ete wou nooi en wat sou jy vir ete maak? Ek nooi nie sommer mense vir ete nie. My vrou is my beste vriend. Ek sou net my kinders en my vrou nooi. En my vrou kan haar hoender-en-broccoli-gereg maak, en vir nagereg haar swartbessiekaaskoek. Jou diepste put van ellende? Ek sien uitdagings as ’n toets. Dis iets wat jy moet oplos of deurwerk. Maar…

ROMERIGE MOSSELS GENOEG VIR 4 MENSE /BEREIDING: 30 MIN. /GAARMAAK: 25 MIN. MOSSELS ◗ olyfolie◗ 1 ui, gekap◗ 3 knoffelhuisies, gekap◗ 80 g nduja-smeer (jy kan ook fyngekapte spek, pepperoni of chorizo gebruik)◗ 125 ml (½ k) witwyn◗ 400 g bevrore mossels◗ 400 g bevrore mosselvleis◗ 240 ml (1 k) vars room◗ ’n hand vol vars grasuie, gekap◗ ’n hand vol vars platblaarpietersielie, gekap◗ gerasperde skil en sap van 1 suurlemoen◗ sout en varsgemaalde swartpeper VIR VOORSIT ◗ ciabatta – rooster snye liggies en◗ smeer met botter 1 Mossels Verhit ’n groot kastrol oor matige hitte. Voeg ’n bietjie olie by en braai die ui daarin tot sag. 2 Voeg die knoffel en nduja-smeer by en roerbraai 3-5 min. tot die mengsel olie begin vrystel. Verhoog die temperatuur, en voeg…

V My sussie is ’n paar maande gelede oorlede en haar negejarige dogtertjie bly by my. Haar kind se pa is ’n nul op ’n kontrak. Die laaste twee jaar moes sy pa namens hom onderhoud betaal. My sussie moes boonop baiekeer die pa met kos of geld uithelp. Dit terwyl sy na haar eie familie moes help kyk en selfs vir ’n paar familielede onderdak verskaf het. Nou maak die pa moeilikheid. Hy wil hê dat sy dogtertjie permanent by hom kom bly. Hy het die welsyn in sy sak, want ons dorp het ’n “Save the child”-veldtog aan die gang om kinders by hulle biologiese ouers te laat woon. Die dogtertjie het nou al naweke by hom gekuier, en tot ons ontsteltenis hoor ons sy slaap dan by…

KREEF 21 JUNIE – 21 JULIE Die lewe is dikwels vol onsekerheid wanneer buiteplanete van teken verander, soos wat hierdie week gebeur. Uranus is die derde planeet wat dit die afgelope vier maande doen, ná Neptunus en Saturnus. Herinner jouself daaraan dat jy vir die volgende jaar die voordelige Jupiter in jou teken het om dinge vir jou uit te pluis. LEEU 22 JUL – 22 AUG Jy kan hierdie week voel soos ’n kluisenaar, veral met die invloed van die volmaan op die 10de wat jou aanmoedig om stil te staan, te dink en balans in jou lewe te herstel. Dit kan met jou liggaamlike, emosionele of geestelike welsyn te doen hê – net jy sal weet wat hiervan geprioritiseer moet word. Wanneer Saturnus, wat jou gesondheid beheer, op…

DIT was laat op ’n Sondagaand aan die einde van Mei wat die Afrikaanse sanger ZAAN SONNEKUS paniekbevange boodskappe van die lede van sy musiekgroep ontvang het dat sy musiek soos mis voor die son op alle stroomplatvorms verdwyn het. “Ek was aanvanklik deurmekaar, want ek het gedink hulle praat van die musiek wat ons onlangs opgeneem en op Google Drive gestoor het,” sê Zaan. Maar kort daarna het hy besef ál die musiek tot en met sy gewilde debuutalbum, Zonne blom, wat hy in 2021 uitgereik het, is weg op Apple Music, YouTube Music en Spotify. “Op sosiale media is ek oorval deur boodskappe van aanhangers wat sê hulle het nie meer toegang tot my musiek nie. Dit was soos ’n skop in die maag.” Die verwydering van sy…

MINI- REEKS WORLD EATS BREAD Hierdie kort dokumentêre reeks van drie episodes sal enige broodliefhebber se mond laat water en bakkers na hul broodpanne laat gryp. Die reeks vertel jou alles van die wêreld se gewildste stapelvoedsel en hoe dit ook ’n nasie se kultuur en tradisies kan weerspieël. Jy kan maar die wêreld deurkruis en van een ding seker wees – jy sal oral ’n bakkery raakloop waar die bakkers hulle unieke skeppings uitstal. Jy sal jou so vergaap dat jy nie gaan weet wat jy moet koop nie. En dan gaan jy swig voor die versoeking wat net te groot gaan wees. herlewing beleef wanneer bakkers met hulle broodskeppings van natuurlike suurdeeg mense opnuut bekoor. En in Guatemala werk ’n klompie vroue en sjefs saam om die gewilde…

GROOT BLOKRAAI NO 2604 KOMPETISIEVRAAG Watter speelding is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Die dood van Rachel April deur P.P. Fourie (Queillerie, R350). Rachel April se lyk word gevind met ’n steekwond in die hart. Lesea du Plessis, wat saam met haar lid was van ’n diversiteitsprogram by die Universiteit van die Vrystaat, stel ondersoek in. Sy gaan nie toelaat dat die polisie dié saak beduiwel soos ná haar ouers se moord nie. Lesea het Rachel se dogtertjie belowe sy sal uitvind wat met haar ma gebeur het. Dit lyk of Rachel tydens ’n internskap…

BOEKE PAMPOEN- PIT EN DIE GEHEIME HELDE – BIANCA FLANDERS Het jy geweet nie alle helde dra mantels nie? Nie almal van hulle kan vlieg soos in die Marvel-en DC-superheldflieks nie. Van hulle maak elke week die planeet ’n skoner en beter plek. Dink jou in wat ons sou doen sonder die werkers wat op die lorrie ons vullis elke week kom haal. Ons aanvaar dit as vanselfsprekend, maar sonder dié werkers sal die wêreld ’n aaklige, vieslike en vuil plek wees. In hierdie boek leer ons saam met Pampoenpit hoe belangrik sulke mense is en die waardering wat ons moet hê vir die Geheime Helde daar buite. MY FIRST BOOK OF SOUTHERN AFRICAN CATERPILLARS, BUT-TERFLIES AND MOTHS – STEVE WOODHALL Hierdie pragtig geïllustreerde boek leer ons oor 56 verskillende…

TERWYL dit winter is in Suid-Afrika, is dit son en pret aan die ander kant van die wêreld. En vir Zahara Jolie, ’n verliefde tweedejaarstudent, beteken dit elke oomblik van die somer moet tel. Zahara, die 20-jarige aangenome dogter van Angelina Jolie en Brad Pitt, is onlangs saam met haar kêrel, Elijah Cooper (19), en lede van sy familie by Disneyland in Kalifornië gesien. Dit was een van min openbare verskynings van die twee, en aanhangers was in ekstase. Die paartjie het hul uitrustings gekoördineer met wit T-hemde, jeans, tekkies en Mickey-en Minnie-ore. Net ’n week voor dié uitstappie is hulle ook in New York gesien, waar Zahara ’n diamantring aan haar linkerhand gedra het. Ge-rugte van ’n verlowing het gou versprei, maar by Disneyland was daar geen teken van…