Table of contents for 3/18/2021 in Finweek - Afrikaans

suid-Afrika se BBP-syfers is uitgereik ten tyde van die skryf hiervan. Op die oog af lyk dit nie sleg nie, met die uitbreiding van die ekonomie op ’n geannualiseerde 6,3% kwartaal-tot-kwartaal (’n syfer wat gebruik is om die beweging tussen kwartale na die volle jaar te ekstrapoleer) gedurende die laaste drie maande verlede jaar. Dit kan vergelyk word met ’n styging van 67,3% in die derde kwartaal verlede jaar ná die verwoestende inkrimping van 51,7% in die tweede kwartaal van verlede jaar tydens die inperking. In die volle jaar van 2020 het die ekonomie met 7% gekrimp, vergeleke met ’n skamele styging van 0,2% in 2019. In reële terme (of gegrond op 2010-pryse), het die BBP verlede jaar R2 930 miljard beloop. In 2016 was die BBP, volgens Statistieke SA,…

“Ek kan nie sonder resultate oorleef nie.” — Ngozi Okonjo-Iweala, die wêreldhandelsorganisasie (WHO) se nuwe direkteur-generaal, het op 1 Maart, haar eerste dag in die pos, aan CNN se Richard Quest gesê die hoofsaak is dat sy nie sonder resultate kan werk nie. Die ekonoom en voormalige minister van finansies van Nigerië het geskiedenis gemaak as die eerste vrou en inwoner van Afrika in die amp. Pascal Lamy, voormalige WHO-hoof, sê Okonjo-lweala bring status, ervaring, ’n netwerk en ’n temperament om dinge gedoen te kry. Die sleutel tot haar sukses is haar vermoë om in ’n “Amerika-EU-China-driehoek” te werk. “DIT WYS HOE VERWIKKELD HIERDIE BEDROG IS.” – Christo Wiese, voormalige voorsitter van Steinhoff, sê die nasionale vervolgingsgesag (NVG) moenie gekritiseer word vir die stadige pas van sy ondersoek na die…

In wese het die groep, in vennootskap met Suid-Korea se elektroniese reus, Samsung, doelontwerpte fiksheidshorlosies vir sy 54 000 mynwerkers ontwikkel, hoofsaaklik as ’n opsporingsmeganisme om die uitbreek van Covid-19 na te spoor. Die voormalige uitvoerende hoof van BHP, Marius Kloppers, het op ’n keer opspraak verwek toe hy werknemers van die Australiese firma se hoofkantoor daarvan afgeraai het om by hul lessenaars te eet. Die reuk van die vorige aand se opgewarmde Coq au Vin was, byvoorbeeld, nie bevorderlik vir die onderneming wat Kloppers – ’n streng vegetariër – wou skep nie. Vandag het werknemers ’n heel verskillende siening oor om iewers saam te drom – laat staan nog die werk se eetsaal – weens Covid-19. Die siekte het ook mense se houdings jeens afstandwerk verander en het dit…

reunert is ’n Suid-Afrikaanse maatskappy wat in nywerheidsgoedere en -dienste spesialiseer. Hy bestuur verskeie ondernemings wat gerig is op elektriese ingenieurswese, inligting-en-kommunikasietegnologie (IKT) en toegepaste elektronika. Reunert besit bekende handelsmerke soos Nashua, CBIelectric en Reutech. Die groep dateer van 1988 af en sy werksaamhede is vandag hoofsaaklik in SA geleë, met kleiner ondernemings in Lesotho, Zimbabwe, Australië, Swede en Amerika. Aandeelprysgeskiedenis Reunert se aandeelprys het in die tien jaar tussen 2008 en 2018 tussen 8 850c en 5 100c gewissel. Die prys het binne dié bestek wisselvalliger geword toe die maatskappy in 2014 gewikkel was in ’n handelsbeperkingtwis met John Holdsworth, voormalige uitvoerende hoof en groot aandeelhouer in ECN Telecommunications, en sy onderneming AppChat. Holdsworth was die stigter en uitvoerende hoof van ECN (Nashua), wat IP-gegronde volgendegenerasie-netwerkdienste lewer. Hy het…

SEA HARVEST ’n Wonderlike klein vangs Sea Harvest is ’n wonderlike klein onderneming in ’n bedryf waarvan ek baie hou. Vis is ’n belangrike bron van proteïene en word deur visvangregte beskerm. Die uitdaging vir deelnemers is die verspreiding en die werklike koste van die vangs, wat hoofsaaklik deur die dieselprys aangedryf word. Felix Ratheb, uitvoerende hoof van Sea Harvest, het aan my gesê die groot uitdaging was om goedere wat normaalweg vir die gasvryheidsbedryf bestem is, na die kleinhandel te skuif, iets wat hulle goed reggekry het. Die maatskappy se Australiese eenheid het ook ’n uitklopjaar gehad, ná ’n paar probleme in vorige jare. Op ’n p/v van ongeveer 11 maal en ’n dividendopbrengs van byna 3%, bied hy goeie waarde, veral as Sea Harvest se akwakultuuronderneming weer begin…

covid-19 het baie dinge in ons wêreld en lewens verander. Dit was interessant om te sien hoe mense se gedrag verander en hoe dit nie net ons lewenswyse nie, maar ook batepryse en beleggingsoorwegings beïnvloed het. Die afgelope jare het talle Amerikaners uit die groot stede in die noordooste van die land na Florida getrek, waarskynlik minder vanweë die warmer weer as om belastingredes. Hoe dit ook al sy, tydens die pandemie het ’n geskatte 950 mense daagliks na die suide verhuis. Dis egter nie die enigste migrasie nie, want van oor Amerika trek duisende mense uit hul beknopte woonplekke op soek na meer ruimte. Dit sorg vir strawwe mededinging in die land se behuisingsmark, met talle huise wat teen ’n premie op die vraprys verkoop. Verder verkoop huise só…

die meeste van Suid-Afrika se batebestuursmaatskappye is óf in private besit óf vorm deel van groter entiteite, soos finansiële instellings. Die prestasie van dié batebestuurders binne sulke groter groepe is grootliks onbenullig wat die groep se aandeelprestasie betref. Daar is egter ’n paar werklik onafhanklike genoteerde batebestuursmaatskappye wat kleinbeleggers gerus kan bekyk. Die tekort aan onafhanklike genoteerde opsies is nie verbasend as ’n mens na hul sakemodelle kyk nie; met in die algemeen min kapitaalbesteding en werknemers as die enigste ware koste. Daar is amper nooit ’n rede om kapitaal op die mark te verkry nie, al toon Sygnia se verkryging van DBX die nut daarvan in sekere gevalle. Sommige van die genoteerde onafhanklike batebestuurders is uit groter finansiële instellings ontknoop en het om verskeie redes genoteerd gebly, waaronder aansien…

Anchor Capital se denotering toon duidelik die probleme met die notering van ’n batebestuurder. Toe hy verlede jaar ’n aanbod aan aandeelhouers gedoen het, het die bestuur die swak waardasies genoem wat JSE-beleggers geneig is om aan kleinkapitalisasie-maatskappye te koppel. Vunani Beperk, wat min op die JSE verhandel word, kan van dieselfde probleem getuig. Nadat Anchor se aandeelprys ná sy notering in 2014 aanmerklik gestyg het – deels vanweë die sukses van sy vlagskipaandeelfonds – het die waardasie bestendig afgeneem tussen 2016 en verlede jaar, toe die denotering plaasgevind het. “Batebestuurders moet lank en hard dink oor die scenario waarin hulle kapitaal deur die beurs wil verkry. Anchor was ’n uitsondering, want hy het genoteer, ’n lekker tydperk van prestasie en groei beleef, en toe het groot aandeelhouers minderhede teen…

1. Geen armoede nie. Ekonomiese groei moet inklusief wees en volhoubare werk bied en gelykheid bevorder. 2. Geen hongersnood nie. Die voedsel- en landbousektor bied belangrike oplossings vir ontwikkeling en is belangrik vir die uitwissing van hongersnood en armoede. 3. Goeie gesondheid en welstand. Om ’n gesonde lewe te verseker en die welstand van almal op alle ouderdomme te bevorder, is noodsaaklik vir volhoubare ontwikkeling. 4. Gehalte-onderwys. Goeie opleiding is die grondslag vir die verbetering van mense se lewens en volhoubare ontwikkeling. 5. Geslagsgelykheid. Dit is nie net ’n basiese mensereg nie, maar die noodsaaklike grondslag vir ’n vreedsame, welvarende en volhoubare wêreld. 6. Skoon water en sanitasie. Skoon, toeganklike water vir almal is ’n noodsaaklike deel van die wêreld waarin ons wil leef. 7. Bekostigbare en skoon energie. Energie…

angloGold Ashanti het ’n vreemde agt maande agter die rug. Eers het Kelvin Dushnisky as uitvoerende hoof bedank − skaars twee jaar ná sy aanstelling. En toe bedank Sipho Pityana, maatskappyvoorsitter, sowat vier maande later. Absa se voormalige uitvoerende hoof, Maria Ramos, wat in 2019 op AngloGold se direksie aangestel is, het daarna die bestuur oorgeneem, maar geen permanente plaasvervanger is aan die uitvoerende kant van die onderneming vir Dushnisky gevind nie. Laasgenoemde se vertrek was deurspek met bespiegelings oor spanning tussen die direksie en die staatsbeheerde Openbare Beleggingskorporasie (OBK). Dushnisky het ’n bonus van $800 000 om hom by AngloGold aan te sluit, terugbetaal toe daar besef is dat hy met sy vertrek by sy vorige werkgewer, Barrick Gold, ’n bonus van $926 160 verdien het. AngloGold ontken dat…

as deer een ding is wat Covid-19 gedoen het, dan was dit om die digitale omwenteling te lei. Suid-Afrikaanse maatskappye wat in finansiële tegnologie (finteg) spesialiseer, het gedy. Mama Money, ’n toepassing (toep) wat internasionale geldoorplasings vergemaklik, het in Februarie ’n toename in die volume van transaksies in 2020 van meer as 500% aangekondig. “Die pandemie het steen-en-sement-instellings aangepor om nuwe kanale en markte te ondersoek wat voorheen nie ’n prioriteit was nie, veral as dit kom by die voorsiening van finansiële dienste vir ondervoorsiene gemeenskappe,” sê die stigter, Mathieu Coquillon. Waar dit nie kon nie, het finteg-beginnermaatskappye soos Mama Money die leemte gevul. “Die grootste uitwerking waaroor ons opgewonde is, is hoe finteg die lewens van gemarginaliseerde en ondervoorsiene gemeenskappe sal verander om opwaartse mobiliteit te bewerkstellig. Koste en…

Barry Davison, ’n voormalige uitvoerende hoof van Amplats (Anglo American Platinum) het ’n strategie in die 1990’s aangekondig om produksie tot 3,2 miljoen onse per jaar op te stoot. Destyds was dit ’n besonder moedige plan wat miljarde rand in beleggings sou kos, maar wat uiteindelik as ooroptimisties bewys is. Die vraag het nie toegeneem soos hy en sy span destyds beplan het nie – veral nie met die gebruik van platinum in brandstofselle nie – en het gelei tot ’n tydperk van oorproduksie waartydens die platinumprys rampspoedig gedaal en vererger is deur die wêreldwye finansiële krisis van 2008. Vanaf ongeveer 2014 is myne gesluit en het mense hul werk verloor. Kom ons beweeg aan na die huidige uitvoerende hoof van Amplats, Natascha Viljoen, wat in Februarie tydens die groep…

Renergen* is ’n ontginner van helium en vloeibare aardgas wat plaaslik en in Australië genoteer en in die Vrystaat bedrywig is. Sy eerste produksiefase sal laat vanjaar aan die gang kom, met die veel groter tweede fase ’n paar jaar later. ’n Regte-uitgifte sal waarskynlik nodig wees om die tweede fase te finansier. Daar is ’n groot vraag na helium vir bedrywe soos vuurpyltegnologie, optiese vesel, boogsweising en mediese toerusting. Wêreldwyd het nuwe produksie in die heliumbedryf gestagneer en Amerika verander van deuntjie of dit ’n strategiese reserwe is of nie. Die vraag bly egter sterk. Vloeibare aardgas word as ’n groen alternatief vir diesel voorgehou, maar dis moeiliker om te verkoop omdat nuwe nywerheidsmasjinerie daarvoor nodig is. Ek hou daarvan dat die idee aantrekliker sal word en daartoe sal…

super Group, wat in 1986 gestig is, lewer vervoerlogistiek- en aanbodkettingbestuursdienste landwyd en het ook elders in Afrika ’n sterk teenwoordigheid. Hy is ook in Australië, Nieu-Seeland, Duitsland en Brittanje bedrywig. Die maatskappy se belangrikste bedryfsaktiwiteite is onder meer aanbodkettingbestuur, handelaarskappe en vlootbestuur. Super Group is sedert 1996 op die JSE genoteer. Aandeelprysgeskiedenis Super Group se aandeelprys het in ’n daaltendens teruggesak nadat hy in Februarie 2018 gesukkel het om deur weerstand by 4 610c per aandeel te breek. Dis verbasend dat die aandeelprys bly daal het selfs nadat die groep besluit het om R2,1 miljard in verskeie verkrygings te belê om toekomstige groei te verseker en hom minder afhanklik van die wisselvallige SA ekonomie en onstuimigheid op ontluikende markte te maak. Die maatskappy het gemik na geografiese diversiteit van…

die onlangse opskudding in aandelemarkte weens die oplewing van die Amerikaanse staatseffekte blyk ’n belangrike fokuspunt vir markte in die nabye toekoms te wees. Sterker ekonomiese data kan moontlik dié staatseffekte nog hoër laat styg. Opbrengste (of koerse) van staatseffekte word om baie redes deur beleggers gevolg. Die opbrengste word deur die Amerikaanse regering betaal as rente vir die leen van nuwe geld deur die verkoop van hierdie effekte. Amerikaanse staatseffekte is lenings aan dié land se regering. Looptye van effekte wissel van weke tot soveel as 30 jaar. Aangesien hierdie effekte deur die Amerikaanse regering gerugsteun word, word dit as ’n veiliger belegging as aandele beskou. Effektepryse en -opbrengste beweeg in teenoorgestelde rigtings – dalende pryse verhoog die opbrengste, terwyl stygende pryse die opbrengste verlaag. Die 10-jaar-opbrengs word as…

die einde van die Covid-19-pandemie is nog nie in sig nie en mense begin reeds spekuleer oor wat die volgende groot risiko vir die beleggingswêreld gaan wees. Een so ’n risiko moet die bekommernis rondom inflasie wees, wat wêreldwyd kan hand uitruk vanweë die toename in geldvoorraad weens ’n reeks stimuluspakkette. In plaas daarvan om die potensiële impak te bespreek as Amerikaanse inflasie-risiko’s soos in die 1970’s buite beheer raak, wil ek kyk of daar ’n korrelasie tussen dié inflasiegroei en die opbrengste van edelmetale is. Indien wel, wat sou dit vir Suid-Afrika beteken? As ons die jaarlikse groei van een van die bekendste edelmetale- indekse, die S&P GSCI-edelmetaalindeks, relatief plaas teenoor die jaarlikse Amerikaanse inflasiegroei (VPI), is daar min twyfel dat hierdie twee statisties hand aan hand stap. Trouens,…

Quilter, wat in 2018 uit Old Mutual se internasionale afdeling ontknoop en hergeposisioneer is om by ’n filiaal in te skakel, is streng gesproke nie ’n batebestuurder nie. Quilter bied soos die entiteite bekend as gekoppelde beleggingsdiensverskaffers (Lisps) in SA, beleggingsplatforms en multibestuurderoplossings aan finansiële adviseurs in Brittanje. “Quilter se sakemodel het verander en wegbeweeg van aandeleseleksie en die onderneming het verlede jaar sy laaste enkel-strategie batebestuurskomponent verkoop,” sê Jean Pierre Verster, uitvoerende hoof van Protea Capital Management. “Die sakemodel lyk sover goed vanweë regulatoriese veranderinge in Brittanje.” David Talpert, spesialis-finansiële ontleder by Avior Capital Markets, sê Quilter is op die JSE genoteer al het hulle nie werksaamhede in SA nie en die maatskappy bied ’n interessante alternatief vir die tradisionele batebestuursomgewing. “Die maatskappy het koste besnoei en het blykbaar…

Die gebrek aan ’n enkele stel maatstawwe om impakbelegging, insluitende ESG-uitkomste, te meet, was vir die beleggingsbedryf van die begin af ’n probleem. Deesdae begin batebestuurders meer saamstem as hulle die impak van hul beleggings moet meet. “Plaaslike fondsbestuurders het gestandaardiseerde maatstawwe begin gebruik om die impak van hul beleggings te meet, te bestuur en daaroor verslag te doen,” sê Angelique Kalam, bestuurder vir volhoubare beleggingspraktyke, en Rirhandzu Sithole, ’n impakbeleggingsontleder by Futuregrowth Asset Management. “Om deursigtigheid en vergelykbaarheid te verseker, het fondsbestuurders internasionale standaarde aanvaar, waarvan die gewildste die doelwitte vir volhoubare ontwikkeling en die Global Impact Investing Network (GIIN) is.” Hulle sê die aanvaarding van internasionale standaarde het plaaslike fondsbestuurders aangespoor om te bepaal “hoe sukses lyk” en hoe dit gemeet kan word deur ’n stel doelwitte te…

daar bestaan nie meer enige twyfel dat Suid-Afrika (SA) se arbeidsmark gebuk gaan onder ’n chroniese tekort aan kritieke vaardighede wat enige vooruitsigte smoor dat ons land tot ’n vinniggroeiende middelinkomste-ekonomie kan ontwikkel nie. SA is ook die tuiste van waarskynlik die wêreld se militantste arbeidsmag, wat beleggers en kapitaliste altyd bekommer. Net die hardnekkigste kapitalis hou dit hier uit. Die ander vertrek om beter beleggingsopbrengste elders te soek, waar arbeid rustiger en goedkoper is. Die skaarste aan kritieke vaardighede en ons stakingsbehepte arbeidsmag word dikwels deur beleggers en finansiële kenners uitgewys as van die grootste bydraers tot SA se swak ekonomiese groei. Die regering het sedert die ineenstorting van die Amerikaanse huismark in 2008, wat die wêreldekonomie in ’n resessie gedompel het, nog geen beleidsmiddel gevind vir ons probleme…

die maatskappy SES, verskaffer van oplossings vir konnektiwiteit, gaan teen einde vanjaar ’n satelliet-kommunikasiestelsel genaamd O3b mPower in werking stel om konnektiwiteit in afgeleë gebiede in Afrika en die selfoonbedrywe ’n groot hupstoot te gee. Daniel Schapiro, verkoopsdirekteur van SESnetwerke in Afrika, sê die maatskappy het in 2013 sy eerste O3b-oplossing, wat op medium-wentelbaan- satellietkommunikasie gegrond is, bekendgestel. Die naam O3b is ’n weerspieëling van die maatskappy se begeerte om konnektiwiteit na 3 miljard mense te bring, wat in daardie stadium nie toegang daartoe gehad het nie. “O3b mPower sal dit ’n stap verder neem deur dit vir gebruikers moontlik te maak om die hoogste vlak van kommunikasie te geniet wat op enige plek ter wêreld moontlik is. Met die enorme reikwydte daarvan, tussen 50° N en 50° S, kan…

African Rainbow Minerals (ARM) het belange in ’n wye reeks myne, waaronder platinum, ystererts, steenkool, koper en goud. ARM en Xstrata se Goedgevonden-myn naby Witbank lewer 6,7 miljoen ton steenkool per jaar. ARM besit 20% van Harmony Gold, die 12de grootste goudmynmaatskappy ter wêreld, met drie mynboubedrywighede in SA. ARM se tussentydse resultate tot 31 Desember, uitgereik op 3 Maart, toon danksy hoër kommoditeitspryse ’n groot styging van 134% in die tussentydse wesensverdienste. Die styging is tot ’n rekord van R5,04 miljard vergeleke met R2,17 miljard in die oorenstemmende tydperk. Die maatskappy het sy uitkering aan aandeelhouers verdubbel en ’n tussentydse dividend van R10 per aandeel verklaar. Hoewel die Covid-19-pandemie se uitwerking op ARM gering was, het sy wesensverdienste in die steenkoolafdeling geval weens laer pryse vir termiese steenkool en…

tito Mboweni, minister van finansies, het ’n ordentlike begroting voorgelê. Soos altyd sal die uitvoering daarvan uiteindelik die deurslag gee, veral aangesien party aannames (veral oor toekomstige ekonomiese groei) optimisties lyk. Die goeie nuus is dat die minister die belastingkerf vir persoonlike inkomstebelasting met 5% verhoog het (wat ons effens voor inflasie hou) en aangekondig het dat die inkomstebelastingkoers vir maatskappye vanaf 1 April aanstaande jaar met ’n persentasiepunt verlaag word. Dit geld dus vir opgawes wat ná April 2023 ingedien word. Ek wil egter fokus op hoe die begroting ons beleggings beïnvloed. Eerstens is daar die jaarlikse perk vir belastingvrye bydraes wat onveranderd bly met ’n perk van R36 000 per jaar en R500 000 oor ’n leeftyd. Laasgenoemde is nie nou iets om oor te bekommer nie, want…

’nOu verskynsel het wêreldmarkte weer op hol. Ná byna vier dekades van lae inflasie het die toonaangewende Amerikaanse 10-jaarstaatseffek van ’n laagtepunt van 0,6% in 2020 tot 1,6% opgeskiet te midde van kommer dat ekonomiese herstel in Amerika ná die pandemie, gepaardgaande met hoër verbruikersbesteding en stygende oliepryse, ’n merkbare styging in verbruikersinflasie kan meebring. Inflasie het effens toegeneem in die ontwikkelde wêreld, maar bly laag teen historiese standaarde gemeet. Hoër effekteopbrengste in ’n mark wat voorheen veilige toevlugte opgesoek het, dui op ’n aanpassing by hoër pryse in die ekonomie. Vir die gewoonlik bedaarde effektemark is hoër inflasie ’n negatiewe faktor. Beleggers wil vergoed word vir verliese ervaar, want stygende inflasie het reële verliese tot gevolg. ’n Afverkoping in die effektemark is gewoonlik voordelig vir aandele, want dit voorsien…

maartmaand het ’n tradisionele plek in die beleggingsgemeenskap; dit is wanneer Warren Buffett sy brief aan aandeelhouers publiseer. (Jy sal die brief by berkshirehathaway.com vind.) Dis vir my altyd iets goeds om te lees en maak my dikwels ’n slimmer belegger nadat ek dit gelees het. Vanjaar begin hy sy brief weereens met kritiek oor die algemeen aanvaarde rekeningkundige praktyk (GAAP) wat in Amerika gebruik word. GAAP toon dat Berkshire verdienste van $42,5 miljard in 2020 gehad het. Tog, soos Buffett uitwys, is hierdie syfer verkeerd, want die werklike (bedryfs-)verdienstesyfer is $21,9 miljard. Die verskil is bygevoegde kapitaalwins van aandele wat verkoop is en $26,7 miljard in kapitaalwins van aandele wat steeds besit word (daar is ook ’n negatiewe afwaartse waardering). GAAP toon dat Berkshire verdienste van $42,5 miljard in…

Genoteerde batebestuurders moet die soet en die suur van die lewe aanvaar: Invloei en uitvloei kan wispelturig wees; aandeelhouers kan opvlieënd wees oor bonusse wat aan bestuurders betaal is; en die streng bepalings vir voldoening aan noteringsvoorwaardes is nie noodwendig die voorgrondposisie in die mark werd wat ’n notering meebring nie. Hubert Lam en Philip Middleton, ontleders by BoA, sê in ’n verslag getiteld “European Asset Management Year Ahead 2021: Finding the Next Leg of Growth” hulle verwag die volgende sleuteltendense in batebestuur: Strukturele groei in private bates en passief bestuurde produkte, terwyl lae rentekoerse voortduur, sikliese rotasie na waarde en ontluikendemark-fondse en groter kapitaaltoewysing deur batebestuurders namate verdienste verbeter, insluitend deur dividenduitkerings en aandeelterugkope. Watter genoteerde batebestuurders het in dié omstandighede die beste kans om in die volgende drie…

die mark vir bates met ’n fokus op positiewe omgewings-, maatskaplike en bestuursuitkomste (ESG-uitkomste) vir kleinhandelbeleggers in Suid-Afrika is klein. Te midde van die wêreldwye institusioneel-geleide toename in hierdie sogenaamde ESG-beleggingsinstrumente, is daar steeds probleme, soos die behoefte aan ’n enkele standaardmetingskode, sowel as die plaaslike bekendstelling van toepaslike kleinhandelsprodukte. SA pensioenfondse neem al hoe meer ESGuitkomste in hul beleggingsmandate op. Dié uitkomste sluit omgewingskwessies in, sowel as maatskaplike probleme, soos onder meer armoede en etiese sakepraktyke. Vir iemand wat egter sy portefeulje deur middel van ’n makelaar wil aanpas om ESG-resultate te hanteer, is dit ’n uiters moeilike taak. Die reeks produkte en bates in SA wat vir dié doel beskikbaar is, is baie beperk. “Daar is eintlik nogal ’n baie klein keuse van geskikte produkte vir klein beleggers,”…

Oud-keiser hét klere Die Zoeloe-woord vir dié uitgawe is um’swenko. Um’swenko is spoggerige klere – jou beste klere. Die grondwoord is die Engelse “swanky”. As Suid-Afrikaners bestee ons baie geld aan um’swenko. Dit laat ons goed voel om goed te lyk, want die lewe is swaar. Ons trek ons verskillende uitrustings van um’swenko aan om ons te verbeel als gaan goed. Die afgelope klompie weke het die sorgvryste man in die land (oudpresident Jacob Gedleyihlekisa Zuma, ook uBaba genoem) vir Julius Malema, minister Bheki Cele van die polisie en die hip-hop-ster Cassper Nyovest aan huis gehad. Dit was by verskillende geleenthede, maar die man van die dag het vir elke besoek dieselfde uitrusting gedra. Gaan aanlyn en kyk self as jy my nie glo of dit nie geweet het nie.…