Table of contents for 10/8/2020 in Finweek - Afrikaans

’n Dokumentêre program oor die Romeinse Ryk waarna ek onlangs gekyk het, het my herinner waar die woord “mylpaal” vandaan kom. Een van die belangrikste elemente in die sukses van dié ryk, was die padverbindings wat na elke uithoek gebou is. Die Romeine het klippale genaamd “obeliske” al langs die paaie aangebring, gewoonlik om die myle af te merk. Mylpale, dus. Op 25 September vanjaar was dit in Suid-Afrika dag 183 van die staat van inperking weens Covid-19. Die amptelike sesmaandemerk. Naas dié “mylpaal” van die grendelstaat, het einde September ook die vierde kwartaal van dié annus horribilis ingelui – met hope data wat daagliks uitgereik word om die impak van die pandemie op ons ekonomie te illustreer. Namate inperkingsmaatreëls egter opgehef word en ons herstelkoers blykbaar op nagenoeg 90%…

tharisa, wat in Londen en Johannesburg genoteer is, is ’n maatskappy wat beleggers maklik miskyk, meen ’n Britse makelaarsfirma wat reken die Suid-Afrikaanse maatskappy se blootstelling aan die chroommark, asook sy platinumgroepmetale (PGM’e), plaas hom goed om oor die volgende twee jaar ’n styging in waarde te ervaar. Peter Mallin-Jones enTim Huff, ontleders vir die beleggingsbank Peel Hunt, sê Tharisa moet nog die voordeel van ’n volle jaar se PGM-pryse wys, sou die huidige hoë prysvlakke van veral palladium en rodium voortduur. Hou in gedagte dat die mandjieprys virTharisa se PGM-mengsel van $900 per ons vroeg in 2018 tot vandag se $2 300 per ons gestyg het. Trouens, Tharisa se toekomstige PGMbydrae tot inkomste kan die totale inkomstesyfer van chroom en PGM’e van onlangse jare ewenaar. Dit gee ’n mens…

blue Label Telecoms se inkomste het vir die jaar tot 31 Mei met 10% tot R21,1 miljard gedaal. Dit sluit grootmaat-aankope van elektrisiteit, lugtyd en ander vooruitbetaalde dienste deur klante uit. Die maatskappy het sy skuld tot R2,3 miljard van R3,2 miljard van ’n jaar gelede verlaag ná die verkoop van bates. Vooruitsig: Blue Label Telecoms het in November 2019 deur die weerstandslyn van sy langtermynbeertendens gebreek nadat hy aangekondig het dat hy 85% van sy belang in sy filiaal, Blue Label Mobile, vir R450 miljoen verkoop het. Ondanks sy rampspoedige belegging in Cell C, het die maatskappy se ander afdelings aansienlike opbrengste gelewer. Op die grafieke: Blue se aandeelprys verhandel sywaarts tussen 377c en 150c sedert November verlede jaar. Binne daardie konsolidasie het die aandeel ’n omgekeerde kopen-skouers gevorm,…

oudat die land na inperkingsvlak 1 beweeg het, lyk dit of Suid-Afrikaners weer asem skep en met hul lewens aangaan. Terwyl ons ons na die een virtuele vergadering na die ander haas, is daar talle voorspellings van “kantore se dood ná die nood”. Opnames toon dat die meeste kantoorwerkers dit verkies om van die huis af te werk – hoewel dit wil voorkom dat dit nie noodwendig die kantoor is wat ons wil vermy nie, maar eerder die daaglikse heen en weer gependel om by die werk te kom. Een sektor wat uit die inperkingsmaatreëls voordeel getrek het, is aanlyn inkopies en verwante afleweringsbe-drywighede – Amazon is besig met samesprekings om leë ruimtes in winkels in aflewerings-depots te verander. Dis verbasend dat dit in Suid-Afrika nog steeds hoogs winsgewend is…

Die drie stukke wat volg, bied ’n konteks vir die verandering en innovasie in die eiendomsektor oor afgelope 30 jaar. Peter Clark volg die verskuiwings in die toekenning van institusionele portefeuljes en hoekom beleggers dit moet heroorweeg. Ryan Eichstadt kyk na die transformerende impak van wetgewing rakende eiendomsbeleggingstrusts (reits) as ’n katalisator vir groei in die genoteerde-eiendomsektor. Laastens herinner Michael Arbuthnot ons dat ons eiendom dinamies gebruik en waardeer, en dat aktiewe bestuurders wat die oorgange deur verskillende marksiklusse raaksien, wenners sal wees. in die1990’s was die Suid-Afrikaanse eiendomsmark grotendeels regstreeks deurversekeringsmaatskappye en pensioenfondse besit en bestuur, terwyl die genoteerde mark destyds in sy kinderskoene was. Die afgelope 25 jaar het die genoteerde markegtergestyg van die besit van R1,5 miljard van Suid-Afrika se eiendomsbates in 1995 tot R320 miljard tans.…

dit is redelik om te dink dat dit neusie verby is met belegging in vaste eiendom. Die massiewe groei in Zoom (die videokonferensieverskaffer) se inkomste in sy jongste resultate sal kommerwekkend vir beleggers in eiendomsbeleggingstrusts (reits) wees as hulle kantoorblootstelling oorweeg. Daarbenewens gee die ineenstorting in Britse reits met ’n fokus op kleinhandel, soos Hammerson en Intu, beleggers goeie rede om te vrees dat aanlyn kleinhandel uiteindelik die einde van die sektor veroorsaak het. Hier in Suid-Afrika is die markpersepsie dat oorskakeling na aanlyn kleinhandel ’n groot risiko vir eienaars van kleinhandelgeboue sal wees. Dit is miskien nie vanselfsprekend nie, maar vir baie winkelsentrums in SA maakdit nog finansieel sin virtradisionele markte eerderas die beskikbare aanlyn kanale. Daar is steeds wesenlike risiko betrokke, maar ons glo die waardasies van sekere…

om te besluit of jy gaan koop of huur waar jy wil woon, is ’n belangrike keuse – veral vir die mense wat beplan om hul eerste eie woonplek te betrek. Kom ons neem die voorbeeld van twee jong professionele paartjies wat dit moet oorweeg om hul eerste eiendom te koop of nie. Veronderstel die twee paartjies werk in een van die land se stede en wil waarskynlik in die gewoel van Groenpunt in Kaapstad, Umhlanga Rocks in Durban, Bryanston in Johannesburg of Summerstrand in die Baai woon. Elk van dié woongebiede kan vir die elite voorsiening maak, maar ’n gemiddelde huurprys van nagenoeg R13 000 per maand vir’n eenvoudige tweeslaapkamer-wooneenheid is moontlik. Eiendomspryse per vierkante meter sal in dié gebiede drasties van mekaar verskil, maar vir ons voorbeeld volg…

sedert 1994 het dieSuid-Afrikaanse regering se nasionale behuisingsprogram na raming 3,4 miljoen wooneenhede voltooi en dit aan die gesinne met die laagste inkomste in die land oorhandig. Na raming is 2 miljoen van hierdie huise formeel in die aktekantoor geregistreer, en net minder as ’n derde van alle geregistreerde residensiële eiendomme in SA is nou subsidiebehuising. Vir huishoudings wat gelukkig genoeg was om ’n gesubsidieerde huis te kry, is dit waarskynlik die waardevolste bate wat hulle ooit sal besit. In die konteks van Covid-19 kan hierdie bate waardevolle ondersteuning aan huishoudings met lae inkomste bied, wat hul veerkragtigheid verbeteren beteropsies gee om op die krisis te reageer. Dit kan ook die sleutel wees om produktiwiteitsgroei en private belegging in ’n ekonomie ná Covid-19 teontsluit – iets wat ons broodnodig het.…

die groot tegnologie-aandele bly ondanks effense terugsakkings van onlangse hoogtepunte standvastig te midde van baie probleme. Internasionale tegnologiemaatskappy herstel vinniger van vanjaar se pandemie-ineenstorting as ná die markterugslag van 2009. Destyds was die herstel stadig en huiwerig. Die S&P 500 het eers vier jaar ná 2009 ’n nuwe hoogtepunt bereikomdat die omswaai ’n wye reeks aandele, waaronder groot tegnologie-aandele, geraak het. Vanjaar het die S&P 500 ná ses maande weer teen sy vorige hoogtepunt verhandel. Dit sit nou egter in wat party ontleders ’n gesonde regstelling noem. Al het die tegnologieryke saamgestelde Nasdaq-indeks sedert Maart se laagtepunte met 60% gestyg, kan vlae negatiwiteit veroorsaak dat die indeks tot laer vlakke terugsak. Die tegnologiemark is tans versigtig ingestel en afhanklik van die voortgesette bekendstelling van nuwe produkte en die voortsetting van…

“Ons verkies te alle tye likiditeitsbuffers van meer as 10%. Ons beleid vir dividendgroei bevat ’n goeie riglyn van 67% herinvestering.” sedert 1994 is Suid-Afrika se voormalige landbou-koöperasies in moderne en, oor die algemeen, goed bestuurde landboumaatskappye omvorm. Trouens, hulle ondergaan steeds ’n proses van verdere konsolidasie, kapitaalvorming en waardeskepping vir aandeelhouers. Dis aan ’t gebeur teen die agtergrond van die ergste krisis en ontwrigting sedert dieTweedeWêreldoorlog wat vanjaar deur die koronavirus ontketen is. Voordat die fokus skuif na die herrangskikking van die veld waarop landboumaatskappye speel, is dit interessant om te let op die jongste ekonomiese aanwysers (sien kassie op bl. 43). Sake-speelveld Francois Strydom, die uitvoerende hoof van die landboumaatskappy Senwes, wys daarop dat die veld waarop die land se groot landboumaatskappye speel, toenemend aan die verander is.…

die meesteSuid-Afrikaners ervaartans ’n soort angs – wanneer spanningsdruk net nie ophou nie. Hoewel stres ’n positiewe energie is wat ’n mens soggens laat opspring en jou die heel dag lank aan die gang hou, flits die gevaarligte wanneer die stres in angs omsit. Die Covid-19-pandemie, langdurige fisieke inperking en stygende angsvlakke, het talle mense oor die randjie van angs tot in uitbranding gedruk. Die Wêreldgesondheidsorganisasie het uitbranding onlangs herklassifiseeras ’n beroepsverskynsel eerder as ’n mediese toestand. Dit het enorme gevolge vir die werkplek, sê Danie duToit, ’n geregistreerde bedryfsielkundige. “Uitbranding sal waarskynlik ’n beroepsiekte word wat deur werkverwante stres meegebring is. Werkgewers sal dus waarskynlik daarvoor verantwoordelik gehou word, soos met ’n ongeluk by die werk.” Die simptome waarna ’n mens op die uitkyk moet wees en wat ingryping…

Jack Appleby @JuiceboxCA As jy simptome google, wys dit jou watter siektes het die beste soekenjinoptimalisering. Michael Saylor @michael_saylor Niemand kan ’n pizza met hul aandele, effekte, eiendom, goud of afgeleide instrumente koop nie. Niemand gee om nie. #Bitcoin hoef nie ’n ruilmiddel te wees nie. Zlatan Ibrahimović @Ibra_official Ek het gister negatief vir Covid getoets en vandag positief. Hoegenaamd geen simptome nie. Covid het die moed om vir my uit te daag. Slegte idee. Zerohedge @zerohedge Beste bedrieglike uitvoerende hoofde: Kondig asseblief voortaan jul “verrassende” bedankings Vrydagaand aan, nie Maandag net voordat die aandelemark open nie. The Dad @thedad Ek sê vir my seun ons kan iets nie bekostig nie, en hy vra my hoekom ek nie meer geld het nie, en ek wou iets sê soos: “Jy, ou.…

isaac Newton, een van die invloedrykste wiskundiges van alle tye, het ’n fortuin verloor met die South Sea-borrel van 1720. Gevra hoekom hy met sy wiskundige vermoë nie kon voorsien die aandeel sou ineenstort nie, het hy na bewering geantwoord hy “kon die malheid van die mense nie bereken nie”. En wie kan hom verkwalik dat hy honderde of duisende of soms miljoene mense se oënskynlik irrasionele gedrag nie kon verstaan nie – die malheid van die menigtes, soos die joernalis Charles Mackay dit in sy topverkoper van 1841 oor finansiële borrels noem. Mackay se negentiende-eeuse vertolking van waarom borrels vorm, bly die verduideliking wat die meeste van ons sal gee om die skouspelagtige en oënskynlik onstuitbare styging van batepryse tydens ’n borrel te verklaar. Dink byvoorbeeld aan die internet-borrel…

Die tydsberekening van Harmony Gold se verklaring dat hy sy Afrikagroeistrategie gaan herskik, lyk interessant aangesien die standpunt van bestuurshoofde oral in die bedryf is dat hulle, wat samesmeltings en verkrygings betref, dinge ‘dophou, maar twyfel’. Dit is omdat die huidige goudprys kan beteken die mark het ’n hoogtepunt bereik, wat moontlike oornameteikens duur kan maak. Dit sal Harmony se onlangse prestasierekord ruïneer. Hy het Mponeng en Mine Waste Solutions by Anglo-Gold Ashanti vir ’n kontant-en inkomsteaandeel van $470 miljoen gekoop, wat op $83 per ekwivalente ons goudreserwe neerkom. Vergelyk dit met die $98 per ons reserwe wat Newmont Mining, ’n Amerikaanse maatskappy, vir Goldcorp en die $277 per ons wat die Chinese maatskappy Zijn vir Continental Gold betaal het. Luidens ’n verslag deur die konsultantmaatskappy McKinsey & Co is…

Van ’n vissery-onderneming hou ek: dit beteken goedkoop proteïene virverbruikers, terwyl vangskwotas ’n grag rondom die bedryf vorm. Die JSE het drie vissery-maatskappye, maar Premier Fishing het sedert sy notering drie jaargelede uitgesak en Oceana stel voortdurend teleur. Sea Harvest se onlangse resultate virdie ses maande tot einde Junie dui op sterk prestasie. Die pandemie het sy bedrywighede geknou, al het hy in die kategorie van ’n noodsaaklike diens geval. Covid-19 het hom tydens die verslagdoeningstydperk sowat R30 miljoen gekos. In die minder streng vlakke van die inperking, behoort dié koste te verminder en wins te verbeter. Selfs in die pandemie het bruto marges op sowat 33% gebly. Die maatskappy se akwakultuurafdeling ly steeds ’n verlies, maar behoort teen die boekjaareinde in Desemberdie beloofde wins te lewer. Nuwe vangskwotas word…

SAMEROEPER Anne Cabot-Alletzhauser Hoof van die Alexander Forbes-navorsingsinstituut REDAKSIONELE ADVIESKOMITEE Jonathan Brummer Beleggingskonsultant van RisCura Kelly de Kock Bedryfshoof van Old Mutual Wealth Trust Company Lindelwa Farisani Hoof van ekwiteitsverkope: Suid-Afrika by UBS Investment Bank Professor Evan Gilbert Medeprofessor by USB en navorsingsontleder by Momentum Investments Delphine Govender Beleggingshoof van Perpetua Investment Managers Craig Gradidge Uitvoerende direkteur van Gradidge Mahura Investments David Kop Uitvoerende direkteur van die Financial Planning Institute of Southern Africa Monika Kraushaar Beleggingsadviseur by Riscura Deslin Naidoo Stigter van NEBULA SI Nerina Visser ETF-strateeg en -adviseur Muitheri Wahome Kenner in die finansiëledienstesektor…

In 2013 is wetgewing ingestel wat ’n nuwe beleggingstruktuur vir genoteerde eiendom geskep het, naamlik ’n eiendomsbeleggingstrust (reit). Dit het eiendomseffektetrusts en eiendomsleningsaandele vervang. Dié struktuur het Suid-Afrika se genoteerde-eiendomsektor in lyn gebring met internasionale standaarde, en dus ’n internasionaal vergelykbare bateklas geskep. Reits bied ’n belastingdoeltreffende skema wat vir aandeelhouers aantreklik is. Op sy hoogtepunt, sowat drie jaar gelede, ná ’n bulmark van twee dekades, was SA se reitsektor se markkapitalisasie sowat R600 miljard, vergeleke met R100 miljard in 2006. Dis ’n saamgestelde jaarlikse groeikoers van byna 17,5%. Genoteerde eiendom is nog altyd beskou as ’n likiede, stabiele belegging met ‘n voorspelbare, groeiende inkomstestroom, tesame met potensiële kapitaalgroei. Die voorspelbare groei in huurinkomste wat deur SA reits behaal is, word gesteun deur die toename in die bestaande huurgeldstygings wat…

die Suid-Afrikaanse genoteerdeeiendomsektor het vanjaar met 47,3% gedaal. Op sy swakste was hy 56% laer. Oor drie jaar het die sektor ’n geannualiseerde 23,8% verloor en swakker as effekte, kontant en aandele gevaar. Genoteerde eiendom het sedert 2018 agteruitgegaan. In daardie jaar het aantygings van wangedrag teen sommige maatskappye, kwessies oor korporatiewe bestuuren kapitaalstrukture aan die lig gebring. Ondanks die kwytskelding deur die owerhede, het die sektor nie belangstelling gelok nie, weens verdere kommer oor die fundamentele faktore. SA was reeds voorCovid-19 in ’n resessie, deels weens onbetroubare kragvoorsiening. Ondanks hoë werkloosheid, vinnig stygende munisipale koste en krimpende besteebare inkomste, het ontwikkelaars die aanbod opgestoot en huurgeld het met meeras inflasie toegeneem. Covid-19 het heelwat van die druk wat die sektor in die gesig staar, na vore gebring. Hoewel die…

op 18 September 2020 het Zach Pandl, ’n strateeg by Goldman Sachs, ’n verslag uitgereik waarin hy eerskomende November as ’n “November om te onthou” beskryf het. Amerikaanse kiesers sal op 3 November vir die 59ste maal na die stembus gaan om te kies wie hul president vir die volgende ampstermyn sal wees. Ek gaan beslis nie my tyd vandeesweek gebruik om te praat oor wie ek dink die verkiesing gaan wen nie, maar ek wil ’n paar kwellende vrae bespreek wat Pandl sê mense sal moet oorweeg asTrump se mededinger, Joe Biden, verkies word as die nuwe president van Amerika. Die verslag sê kortliks dat as Biden wen, dit waarskynlik sal lei tot ’n versnelling in die verswakking van die Amerikaanse dollar. Daar is drie belangrike redes hiervoor. Biden…

HYPROP Bate-waarde R4 miljard laer Hyprop se resultate virdie jaartot 30 Junie toon die devaluasie van sy eiendom met R4 miljard, wat bykans gelykstaande met sy huidige markkapitalisasie is. Die uitkerings aan aandeelhouers is verminder, maar die maatskappy bly binne sy skuldooreenkomste. In die algemeen is die resultate van eiendomsmaatskappye wat sover uitgereik is nie so sleg soos verwag nie, en die voetverkeeren huurbetalings het sedert die regering se streng inperking in April en Mei opmerklik verbeter. Dit bly egter ’n sektor waarvan ek meestal wegbly. Nuwe huurooreenkomste ondervind druk – sowel ten opsigte van die tariewe wat gehef word as – vermoed ek – om nuwe huurders te kry. Eiendomswaardes sal dalk nog daal, en dit plaas groter druk op sy lening-tot-waarde-maatstawwe. Twee positiewe tendense in die eiendomsektor is…

■ Die landbousektor het volgens Statistiek SA in die tweede kwartaal vanjaar met 15,1% gegroei en met 0,3 persentasiepunte die enigste positiewe bydrae tot die bruto binnelandse produk (BBP) gelewer.■ Dit het gevolg op die landbousektor se groei van 27,8% in die eerste kwartaal, aldus Wandile Sihlobo, hoofekonoom by die Landbousakekamer.■ Dié prestasie was te danke aan ’n toename in somergraan-, vrugte-en diereproduksie ná beter reënneerslae.■ ’n Swakker rand-dollar-wisselkoers help uitvoere aan.■ Die mielie-oes van 15,5 miljoen ton is die tweede grootste in SA se geskiedenis. Selfs in reële terme spog dit met die hoogste randwaarde ooit.■ Veeslagtings het vanweë die grendeltoestand in die land afgeneem, maar herstel word in die derde kwartaal verwag. Met die skryf hiervan het beesvleispryse steeds gestyg, terwyl skaapvleispryse sywaarts beweeg het, maar na verwagting…

toe ekonomiese groei in 2009 in die nasleep van die wêreldwye resessie tot stilstand geknars het, het die mededinging om skaars hulpbronnetussen Suid-Afrikaners en immigrantetoegeneem en tot die weersin in laasgenoemde bygedra, wat dikwels daarvan beskuldig word dat hulle werksgeleenthede by plaaslike inwoners steel. Dié weersin lei tot sporadiese xenofobiese aanvalle, waarvan sommige noodlottig was en die verplasing van buitelanders tot gevolg gehad het. Dié aanvalle, wat in 2008, 2015 en verlede jaar voorgekom het, is algemener in arm gemeenskappe in plakkerskampe, townships en middestede. Dié gemeenskappe gaan dikwels onder ’n hoë werkloosheidskoers, armoede, misdaad, korrupsie en onbevoegde dienslewering gebuk. Die laaste maande het anti-immigrantsentiment egter weer sy lelike kop uitgesteek. Dié keer het dit na ander dele van die samelewing versprei wat nie normaalweg met xenofobie geassosieer word nie.…

die JSE-genoteerde Balwin Properties is welbekend met die ontwikkeling van groot deeltiteleiendomme. Mooikloof Mega City, sy volgende projek, is egterop buitengewone skaal. Die reusagtige inklusiewe behuisingsprojek ter waarde van sowat R44 miljard oos van Pretoria is dalkdie wêreld se grootste deeltitelontwikkeling en kan 50 000 wooneenhede hê. Op die vraag hoe seker hy is dat die syfer van 50 000 behaal sal word, antwoord Steve Brookes, uitvoerende hoof van Balwin Properties: “100%.” Mooikloof Mega City, ’n groenmodelontwikkeling wat die regering as ’n strategies ineengeskakelde projek ondersteun, is spesifiek vir die gaping in die behuisingsmark ontwikkel. Dit beteken behuisingsgeleenthede vir huishoudings wat ’n gesamentlike inkomste van tussen R3 501 en R18 000 verdien. Dié inkomsteverdieners verdien te veel om ’n gratis huis by die regering te kry, en te min om…

Transaction Capital (TCP) is ’n strategiese belegger in besighede met groot moontlikhede in kredietverhaling en verwante dienste. Van sy segmente is onder meerSATaxi enTransition Capital Risks Services (TCRS). SATaxi finansier, verkoop en herstel minibustaxi’s enTCRS is ’n skuldinvorderingsdiens wat vir byna die helfte vanTCP se verdienste verantwoordelik is. Sy hoofbelegging in Australië is Recoveriescorp, ’n professionele diens vir skuldaankope en -invordering. Transaction Capital het in Septemberaangekondig hy koop ’n 49,9%-aandeel in die motorhandelaar WeBuyCars.co.za vir R1,84 miljard. David Hurwitz, uitvoerende hoof, beskryf dit as ’n belegging wat toenemend waarde sal toevoeg en rente-inkomste op die maatskappy se ontplooide kapitaal sal omskep in hoër opbrengs deur bedryfsverdienste, watTransaction Capital se verdienstegroeikoers sal versnel. TCP het met die wêreldwye afverkoping weens Covid-19 buite sy primêre bultendens begin verhandel en op 890c per…

geleentheidskoste is ’n ekonomiese konsep wat beteken dat wanneer jy ’n besluit neem, jy van ’n alternatiewe een afsien. Daar is beperkte vermoë, geld en tyd. Jy besluit byvoorbeeld op ’n seevakansie, wat beteken dat jy nie berge toe kan gaan nie. Dis waar dat die berg steeds daar is, en jy kan volgende keer gaan. Maar wat ook al op die strand gebeur – of die son skyn en of die reën uitsak – is ’n keuse wat jy met die gepaardgaande voordele of slaggate gedoen het. In belegging staan die geleentheidskoste selfs nog sterker uit, want ons het werklik beperkte geld en kan nie alles koop nie. Dis waar dat ons sowel Standard Bank as FirstRand kan koop, en as ons wil ook Absa en Nedbank. Maar uiteindelik…

daar’s iets oor belegging in eiendom wat blykbaarons hartsnare roer: eiendom, behuising en jou tuiste. Daar is talle dimensies van eiendomsbelegging wat selfs die mees ervare batebestuurder kan dronkslaan. Om mee te begin, is beleggers reg om verwarte wees oor watter soort bate dit in werklikheid is. Is dit ’n soort ekwiteit, of ’n tipe effek? Is dit ’n diversifiseerder of hoogs gekorreleer met die een of ander bateklas? Is dit likied of illikied, onbestendig of stabiel? Verg dit hoë of lae instandhouding as belegging? Die antwoord is: dit hang af. Daar is ’n eiendomsverwante belegging vir elke permutasie hierbo genoem. Kom ons kry dus ’n bietjie meer insig hier in die fundamentele faktore en stel jou hopelik bekend aan sekere aspekte van belegging in eiendom, behuising of huise wat…

Amazon is betrokke in onderhandelinge met die Simon Property Group, die wêreld se grootste winkelsentrumeienaar, oor die moontlike omskakeling van mislukte winkels in sentrums waaruit die verspreiding van goedere aan kliënte se huise gedoen kan word. Lord & Taylor se hoofafdelingswinkel in Manhattan in New York sal binnekort kantoorwerkers vir Amazon huisves. ’n Toeristebestemming in Hollywood word ook opgeknap teen ’n koste van $100 miljoen, wat die omskakeling van onderbenutte winkelruimtes in kantore insluit. Wêreldwyd veroorsaak ’n begeerte na ekstra ruimte, buigsame werk en lae verbandkoerse dat gesinne huise verder van stede af koop of huur. Milleniale wat ouer word, en laer belasting buite die stedelike gebiede, is verdere redes vir die begeerte om na die voorstede te trek. Dié faktore skep probleme vir eienaars van duur woonstelle, in skerp…

nonofo Kgoroeadira is ’n pas gekwalifiseerde aktuaris wat onlangs weergeesdriftig geword het oordie beleggingsbedryf weens ’n toevallige ontmoeting met ’n vriend uit haar hoërskooldae – Ludwig Magadla. Sy het altyd gedink dat hy “besonder slim” was, maar “te senuweeagtig” en dat hy “te veel uit goed aflei”. Die twee het ’n geleentheid gehad om weer kortliks met mekaar kontakte maak by die begrafnis van Ludwig se oom in Alexandra. Hy was ’n voormalige generaal in die PAC se Apla-militêre vleuel wat aan ’n Covid-19-verwante siekte oorlede is. Daar is min beter geleenthede om weer ’n vriendskap te hervat as die dood van ’n geliefde onder die omstandighede soos in Alexandra ervaar is: die huigelary van sosiale distansiëring in ’n stedelike konsentrasiekamp; die bewyse van die wegkalwing van fiskale bestuur deur…

net meer as ’n jaar gelede het ek oor negatiewe opbrengskoerse geskryf, nadat ek lank oor dié konsep kopgekrap het. My gevolgtrekking was dat ’n negatiewe opbrengs nie so ongewoon is nie. Goud lewer byvoorbeeld effektief ’n negatiewe opbrengs weens uitgawes met die berging en versekering daarvan. Ek het wel tot die slotsom gekom dat negatiewe opbrengste op die lange duur nie sin maak nie en verseker mettertyd na normaal sal terugkeer. Oor die eerste deel dink ek nog dieselfde, maar die terugkeer na normaal vat darem nou baie lank, om die minste te sê. Jerome Powell, voorsitter van die Amerikaanse Federale Reserweraad (Fed), het gesê die Fed gaan rentekoerse tot minstens 2023 op nul hou, terwyl die Bank van Engeland in sy jongste aankondiging gesê het hy ondersoek negatiewe…

daar kom nog geleenthede om geld te maak met goud en goudaandele, te oordeel na die uitsprake van Citigroup. Dié internasionale bankgroep voorspel dat die goudprys nog voordie einde van die jaarweer’n nuwe rekordvlak kan bereik. Dit het in Augustus ’n hoogtepunt gehaal, maar het sedertdien met sowat 10% teruggesak. Citigroup meen ongeveerdie middelpunt van die huidige opswaai word tans beleef. Die JSE se goudindeks het egter met sowat 25% verswak, wat bevestig dat spekulante, soos altyd wanneer goud beweeg, bedrywig by goudaandele is. Citigroup sê die nuwe hoogtepunt kan deels die gevolg wees van risiko’s wat verband hou met die Amerikaanse presidentsverkiesing. Die bank meen die onsekerheid wat met hierdie verkiesing gepaard gaan, word dalk nie ten volle deur die markte vir edelmetale begryp nie. Gewoonlik vaar die markte…