Table of contents for 8/27/2020 in Finweek - Afrikaans

dis deesdae moeilik om goeie nuus te kry. Al het ons uiteindelik na inperkingvlak 2 oorgeskakel, is dit nog te vroeg om dit te vier. Terwyl dit ’n reddingstou bied aan sakeondernemings wat desperaat probeer oorleef, is dit virtalle anderte laat. En dis ’n feit dat Covid-19 nie gou sal weggaan nie, wat beteken dat die moontlikheid voortduurdat beperkings weer ingestel sal word. Daarby moet die werklikheid gevoeg word dat nog meer lewens verloor sal word. Bo en behalwe die onsekerheid oor hoe lank die wêreld aan die virus blootgestel sal bly, het die onsamehangende manierwaarop die regering die pandemie die afgelope vyf maande bestry het, Suid-Afrikaners mismoedig gelaat. Daarby is die ekonomiese swaarkry wat ons land sal beleef wanneer ons uiteindelik hier deurkom, eerlikwaar onmeetbaar. Dis daarom nie verbasend…

Die aandeelprys van die JSE se Orion Minerals het bykans verdubbel sedert die begin van Augustus, wat heel tydig is aangesien daar gemeen word dat die firma in die finale stadium is om die koper-sinkprojek op Prieska deur ekwiteit te finansier. Dit het gevolg op die toestaan van ’n mynboulisensie oor die res van Orion se Noord-Kaapse eiendom wat, volgens die uitvoerende hoof van die maatskappy, Errol Smart, sommer gou-gou toegestaan is en wat ’n bewys is dat wanneer dit saak maak, Suid-Afrika se mynbouregulerende omgewing ’n mag ten goede en nie frustrasie is nie. “My grootste vrees – die een ding wat my saans laat wakker lê het – is dat dit ses tot nege maande sou neem om die lisensie te kry,” het hy in ’n onderhoud met…

suid-Afrika se aanloklikheid as ’n bestemming vir buitelandse investering neem af, al bied die land as deel van die kontinentale vryhandelsooreenkoms vir Afrika (AfCFTA) fisieke toegang tot markte op die res van die vasteland. Laat staan nog om vervaardigde goedere aan Europese en Amerikaanse markte te voorsien. As die mees geïndustrialiseerde land op die vasteland – selfs al wankel vervaardiging onder swak regeringsbesluite en te midde van die wêreldwye gesondheidspandemie – behoort SA ’n voordelige markvir samesmeltings en verkrygings uit die buiteland te wees. Dis egter nie die geval nie. Die waarde van samesmeltings en verkrygings het in die eerste ses maande van vanjaar meer as gehalveer teenoor dieselfde tydperk verlede jaar – van $8,2 mjd. tot $3,3 mjd. Die waarde van samesmeltings en verkrygings het in die eerste ses…

Sasol se finansiële resultate vir die jaar geëindig 30 Junie wys die maatskappy het bates van R111,6 miljard afgeskryf, wat ’n verlies van R91,3 miljard teweeggebring het teenoor ’n wins van R6,1 miljard die vorige jaar. Die lang verwagte syfers oor Lake Charles, sy chemiese projek van $12,8 miljard, het in die tweede helfte van die boekjaar deurgekom. Dit het R100 miljoen bygedra tot die verdienste voor rente, belasting, depresiasie en amortisasie (ebitda) in die tweede helfte van die boekjaar, teenoor ’n verlies van R1,1 miljard in die eerste ses maande, luidens ’n verklaring wat Sasol se finansiële state vergesel het. “Die virus het ’n skielike daling in hulpbronpryse veroorsaak, die vraag na produkte onderdruk en algemene ekonomiese agteruitgang meegebring. Daarby is ons weens die onbestendige makro-omgewing aan kredietafgraderings onderwerp,”…

die benamings “Robinhooders” of “Robbing Traders” is van die jongste skeldname in finansiële markte vir aandeleverhandelaars wat daarvan beskuldig word dat hulle enige aandeel, selfs die bankrot Hertz, sommer honderdvoudig opjaag soos wat hulle almal in die aandeel inklim. Die belediging gee te kenne dat geen vaardigheid betrokke is nie en almal geld verloor. Dis egter nie waar óf billik nie. Die benaming kom van die uiters gewilde Amerikaanse verhandelings-app wat in Maart 2015 op die mark gekom het en kommissielose verhandeling bied. Deesdae is nulkommissieverhandeling algemener, met die grote Charles Schwab, E*Trade en Fidelity Investments wat dit almal sedert laat verlede jaar bied. In 2015 was dit egter ’n radikale gedagte en verhandelaars en beleggers het in groot getalle die Robinhood-app begin gebruik. Aan die einde van verlede jaar…

ankervooroordeel is wanneer ’n mens jou teen ’n enkele brokkie inligting vas staar om iets te beoordeel. Dis hoekom jy, in ’n onderhandeling oor prys, altyd moet sorg dat jy eerste ’n syfer noem – alle verdere onderhandelings is dan geanker in die syfer wat jy voorgestel het en wat natuurlik in jou guns neig. Die prys behoort laag te wees wanneer jy koop en hoog wanneer jy verkoop. Wat beleggers betref, kan die ankervooroordeel hul beoordeling negatief beïnvloed. Ek wil nou op aandeelprys konsentreer en iets wat ek ‘prysvooroordeel’ noem. Ons het meer as 100 aandele op die JSE wat meer as 30% laer as hul 12-maande hoogtepunte verhandel, met verskeie daarvan 80% onderkant dié hoogtepunte. ’n Belegger kan daarna kyk en besluit dit beteken ’n aandeel is goedkoop…

Volgens SFA Oxford trek waterstofaangedrewe batterye voordeel uit ’n chemiese proses genaamd elektrolise, wat elektrisiteit gebruik om water in waterstof en suurstof te verdeel. Die waterstof kan dan geberg en gebruik word om ’n brandstofsel, ’n statiese brandstofselstelsel, aan te dryf, of vir krag na ander toepassings, soos krag--tot-verhitting- en krag-tot-vloeistof-brandstof. Die enigste neweprodukte van die chemiese reaksie is elektrisiteit, hitte en water, en waterstofelektrolise kan daarom ’n belangrike rol in die verbetering van plaaslike luggehalte speel en help om aardverwarming te voorkom. Dis belangrik dat elektrolise die tegnologie is wat uiteindelik die lewering van krag aan brandstofselelektriese voertuie moontlik sal maak, maar dit sal waarskynlik eers as ’n energiebron dien voordat hulle in swaardiensvoertuie gebruik sal word en voordat hulle in passasiersvoertuie gewild sal raak. SFA Oxford sê: “Om…

Die tradisionele beursverhandelde fonds (ETF) dien as ’n beleggingsvoertuig wat aan beleggers regstreekse toegang bied tot ’n mandjie van sekuriteite soos aandele en effekte wat op die beurs verhandel – met die gerief daarvan om hulle as ’n enkele sekuriteit te verhandel in die vorm van ’n ETF wat ’n indeks navolg. In 2014 het FirstRand ’n Krugerrandinstrument genaamd die Krugerrand Custodial Certificate (KCC) geskep, genoteer en uitgereik. Na berig word, het dit die eerste instrument in Suid-Afrika geword wat deur ’n goue munt gerugsteun en te gelde gemaak kan word. Om in Krugerrande te belê, is aantreklik vir beleggers wat regstreeks in goud wil belê, hul portefeuljes teen die Amerikaanse dollar wil verskans of hul portefeulje verder wil diversifiseer. Dié soort belegging in goud is egter fisiek van aard…

Die pluimveebedryf voorsien 50 000 direkte werksgeleenthede en 130 000 in die algehele waardeketting. Sy jaarlikse omset bedra R48 miljard. Reeds voor die uitbreek van Covid-19 het invoer ongeveer 50 000 ton per maand beloop teenoor Astral Foods, SA se grootste pluimveeprodusent, se uitset van sowat 33 000 ton per maand. Astral produseer weekliks 5 miljoen braaikuikens vergeleke met die grootste Amerikaanse produsent se 45 miljoen per week. SA se maandelikse produksie bedra 135 000 ton teenoor Amerika se 300 000 ton per maand. SA is die vyfde grootste invoerder van Amerikaanse pluimveevleis en die derde grootste invoerder van pluimveevleis uit Brasilië (’n land met lae voerkoste en wat al jare lank by aansporings vir landbouproduksie baat). Sowat 47% van SA se kleinskaalse pluimveeprodusente het in 2019 ophou boer weens…

Kredietlewensversekering help klante om hul skuldlas te verminder wanneer onverwagte gesondheids-of inkomsteverwante gebeurtenisse plaasvind. Voorbeelde van tipiese gebeure wat deur kredietlewensversekeringspolisse gedek word, sluit in afsterwe, ongeskiktheid, kritieke siekte en afdanking. Dié versekering bied verligting mits die regte polis van krag is, sê Steven Barker, hoof van uitlening vir persoonlike en banksake by Standard Bank. “Dit is belangrik dat klante hul polisse en voorwaardes asook die beskerming wat hul polisse bied, verstaan om hulle te help om die regte besluite in hierdie moeilike tyd te neem.” In geval van dood, permanente ongeskiktheid of die opdoen van ’n kritieke siekte, word die uitstaande skuld gewoonlik ten volle deur die polis gedelg. In geval van tydelike ongeskiktheid, afdanking of verlies aan inkomste, kan die polis tot 12 maande in paaiemente betaal, sê…

Michael Jordaan @MichaelJordaan Ek het ’n grappie oor banke, maar dit interesseer niemand nie. Monica Scott @chantelmakuwa DieGautrain-bus sal jou om die aardbol vat voordat jy by jou bestemming is. Flick @Frediculous Die hoeveelheid geld wat hulle sê party kolleges sal verlooras hulle nie ’n voetbalseisoen het nie, wys jou hulle is nie regte kolleges nie. Hulle is voetbalprogramme wat terloops ’n bietjie klas gee. Mind of a Dad @TheMindOfADad As jy al ooit gewonder het of jy en jou huweliksmaat op dieselfde bladsy is, vou saam ’n groot kombers op. Jy sal gou uitvind. Yaaseen Barnes @Ya_a_seen_Him Ons gaan almal deur ’n baie moeilike tyd, maar niemand sê ’n woord oordie wesenlike probleem van hoe jy ’n wagwoord met die afstandbeheer insleutel nie. Jade Jackson @IAMJADEJACKSON “Wanneer Covid verby…

elke bedryf word deur Covid-19 geraak – godsdiens en die dienste wat dit bied is geen uitsondering nie. Kerke oor Suid-Afrika heen het tydens die inperkings gesluit; talle bly steeds gesluit en dienste word aanlyn gehou. Die hadj-pelgrimstog wat op 28 Julie begin het, het slegs 1 000 pelgrims gehad, vergeleke met 2,5 miljoen verlede jaar. Openbare viering van die Joodse Pasga is gekanselleer. Boeddhiste die wêreld oor het Vesakdag virtueel herdenk. Die finansiële implikasies van hierdie afwesigheid word nou duidelik. Skenkings kwyn en baie kerke is gedwing om hul uitreikprogramme te staak. Werknemers is verminder. Plekke wat van pelgrimstogte afhanklik is, is swaar getref. Die katedraal van Santiago de Compostela is ten duurste opgeknap in afwagting van die stormloop van Camino-pelgrims wat volgende jaar tydens die Heilige Jaar daarheen…

in 2015, het die gebrek aan krediet-oplossings vir die eienaars van spaza-winkels daartoe gelei dat twee bankiers, Siya Ntutela en Mdu Thabethe, besluit het om hierdie gaping te vul deur hul eie finansiëledienste-maatskappy, Zande Africa, te stig. “Die naam van die maatskappy is afgelei van ’n Nguni-woord wat beteken 'om te vermenigvuldig’ met verwysing na ons doelwit om die spazawinkel-ekonomie te ontsluit, wat spog met ’n jaarlikse inkomste van meer as R40 miljard,” sê Ntutela. Ons doelwit [is] om die spazawinkel-ekonomie te ontsluit, wat spog met ’n jaarlikse inkomste van meer as R40 miljard. Hul daaropvolgende ontleding het getoon dat voorsieningsprobleme selfs ’n groter uitdaging is as kontantbeperkings. “Die eienaars van spazawinkels moet minstens een keer’n weekóf hul winkels sluit óf iemand in diens neem om na die winkel om…

sibanye-Stillwater, die goud-en platinumprodusent, het vroeër vandeesmaand in ’n handelsverklaring gesê dat hy nie ’n groot risiko van verdere bedryfsontwrigtings weens Covid-19 verwag nie. Die verklaring bevestig ’n toenemende verwagting dat SA se mynbousektor moontlik die ergste van die Covid-19-pandemie agter die rug het, waarvan die omvang terugwerkend in onlangse data van StatistiekSA getoon het dat mynbouproduksie vir Juniemaand jaar-tot-jaar met ongeveer 28% gedaal het. Volgens Henk Langenhoven, hoofekonoom van die Suid-Afrikaanse Mineraleraad, is die sektor besig om “terug te spring” gemeet aan die volume en waarde van uitvoere. Uitvoervolumes was inderdaad 28% hoër in Junie as in die ooreenstemmende tydperk verlede jaar. Die waarde van uitvoerverkope, wat tot ’n algehele laagtepunt in vier jaar gedaal het in die vyf weke ná die regering se streng inperking, het ook tot…

Wat sê die fondsbestuurders? LunarCapital se BCIWorldwide Flexible Fund se portefeulje is belê in plaaslike en internasionale genoteerde maatskappye wat aan die beleggingsbestuurders se beleggingskriteria voldoen, naamlik om ’n mededingende voordeel te bied deur die aanvaarding van innoverende tegnologie en sakepraktyke. Die iShares Nasdaq Biotechnology ETF, wat in Junie 2018 by die portefeulje gevoeg is en tans die fonds se grootste belegging is, wys hoe die beleggingskriteria gebruik word. Dié ETF bied blootstelling aan biotegnologie-en farmaseutiese aandele wat op die Nasdaq genoteer is. “Een van ons beleggingsbenaderings is dat mense langer lewe en dat tegnologievernuwing sal voortgaan om van die grootste probleme in die wêreld op te los. Namate mense ouer word, het hulle meer gesondheidsorg en medikasie nodig,” sê fondsbestuurder Sabir Munshi. Die ETF het teen ’n aantreklike waardasie…

exxaro, een van die grootste steenkoolverskaffers aan Eskom-kragstasies, het op 13 Augustus ’n inkomstestyging van 18% aangekondig deurdat die steenkoolvoume in die ses maande tot 30 Junie ’n rekordhoogtepunt bereik het. Die steenkoolvolumes het plaaslik met 3% en internasionaal met 39% toegeneem, volgens Exxaro. Sy wesensverdienste per aandeel het met 24% gedaal, hoofsaaklik vanweë R470 miljoen minder ekwiteitsverantwoorde verdienste uit sy belang in Sishen Iron Ore Company. Exxaro het ’n tussentydse dividend van R6,43 per aandeel verklaar – R2,21 minder as in die vegelykbare tydperk verlede jaar. Vooruitsigte: Exxaro het deur die weerstandtendenslyn (vet grys tendenslyn) verhandel en sy daaltendens laat vaar. Hy vorm ook ’n omgekeerde kop-enskouers-patroon – ’n positiewe omswaaipatroon. Op die grafieke: Exxaro vorm die finale skouer van die positiewe omswaaipatroon, met die horisontale neklyn op 14…

CONSOLIDATED INFRASTRUCTURE Kan val tot nul Consolidated InfrastructureGroup se aandeelprys is af tot 24c. Hierdie aandeel het in Oktober 2015 bo 3 500c verhandel, en dit dien as ’n waarskuwing dat die antwoord op die vraag “hoe laag kan hy gaan?” is altyd “nul”. NASPERS Teg-geveg tref JSE ook Die Amerikaanse president DonaldTrump het ’n uitvoerende bevel uitgereik wat monetêre transaksies metTikTok enWeChat verbied, maar hy het die inwerkingtreding van die bevel tot 20 September uitgestel. Beleggers was aanvanklikonsekerof die bevel naTencent ofWeChat verwys het, maar dit is later duidelik gemaak dat dit net op die mobieletoepassing betrekking het. Daar is ’n paar miljoenWeChat-gebruikers in Amerika, meestal Chinese burgers. Dit is dus nie ’n groot probleem vir WeChat nie, wat meer as ’n miljard aktiewe maandelikse gebruikers in China het.…

’n Interessante tyd lei tot interessante keuses van aandele, en die een wat ons hier kies, is ’n casino-aandeel – Las Vegas Sands (LVS). Hy verhandel op die New Yorkaandelebeurs en besit van die mees ikoniese dobbeleiendomme ter wêreld – Las Vegas (ironies genoeg, vir net ’n klein persentasie van die maatskappy se totale inkomste verantwoordelik), Macao en Singapoer. LVS voorsien in die groot Chinese vraag na dobbelary. Las Vegas lewer minder as 10% van sy verdienste; die grootste deel van sy wins kom uit Asië. LVS word beskou as die “Ferrari” van casino-ondernemings, omdat hy nie net die mooiste hotelle in die bedryf het nie, maar omdat sy eiendomme ook in die wêreld se winsgewendste dobbelbestemmings is, naamlik Macao en Singapoer. Onder die mooiste hotelle is die Marina Bay…

hou die gebruikvan ’n drahandelstrategie voordele in in die omgewing van lae rentekoerse in Suid-Afrika? Al is só ’n strategie minder toepaslik as in die verlede, bestaan dit steeds en kan dit nie onderskat word nie. Drahandel is basies ’n verhandelingstrategie waar’n belegger geld teen ’n lae rentekoers leen om ’n belegging te koop wat ’n hoër opbrengskoers bied om ’n groter risikoaangepaste wins te maak. Dit word gewoonlik gedoen deur in ’n laerentekoers-geldeenheid te leen, die geleende bedrag om te skakel, en dit dan in ’n ander geldeenheid te belê. Die rede waarom drahandel voorkom, is omdat wêreldwye kapitaalvloei oor ’n tydperk hoër rentekoerse uitsnuffel, wat ondersteuning bied in die vorm van die vloei van buitelandse kapitaal na markte met sistemies hoër rentekoerse. Drahandel was ’n gewilde verhandelingstrategie ná…

die versnelde digitalisering wat Covid-19 weens inperkings en sosiale distansiëring meegebring het, sal die miljoene werksgeleenthede wat oral terwêreld verloor is in permanente werksverliese omskep, tensy die internasionale werksmag vinnig die nodige vaardighede verwerf om nuwe tegnologieë te hanteer. Die tegnologiereus Microsoft waarsku dis van wesenlike belang om dié oorgang te bewerkstellig ten einde te herstel van die ergste wêreldresessie in minstens agt dekades, wat 250 miljoen mense vanjaar werkloos kan laat. Die pandemie laat die kollig ongenaakbaarval op ’n wêreldwye vaardigheidsgaping, wat voor die pandemie reeds ál groter geword het, sê die maatskappy. “Krisisse kry dit reg om tendense wat reeds begin het, vinnigerte laat beweeg – die Covid-19-pandemie is duidelik geen uitsondering nie. Ons data toon dat digitale transformasie wat twee jaar se vordering werd is, in die…

dit was 2016 en die Olimpiese Somerspele in Rio de Janeiro was pas verby. Nic Dreyer en Ross Zondagh, medestigters van Veldskoen, was teleurgesteld in die Suid-Afrikaanse span se kleredrag en het gemeen dat dit “werklik meer verteenwoordigend moes wees van hoe ongelooflik SA is”, sê Dreyer. Velskoene, ’n enkelhoë vorm van die tjakkarstewel wat van sagte, maar sterk, ongebreide vel gemaak word, is genoem, maar die twee het gemeen dat ’n bietjie kleurgoed sou wees vir die tradisionele skoene. Dreyer het ’n vriend gevra om ’n rekenaarbeeld van ’n paar skoene met kleurryke sole en veters te maak, en hulle het “dadelik geweet hulle het iets beet”. Dreyer en Zondagh het Veldskoen Shoes (Edms.) Bpk. geregistreer wat in ’n kantoor van 9 m2 in Woodstock, Kaapstad, ingedruk was, en…

“NATUURLIK SAL DAAR ALTYD SENTRALE BAN-KIERS WEES WAT.. . HUL GRONDWETLIKE VERANTWOORDELIKHEDE OOR DIE HOOF SIEN, MAAR NIE EK NIE.” —Lesetja Kganyago, president van die Suid-Afrikaanse Reserwebank, het die sentrale bank se reaksie op die ekonomiese afswaai in Suid-Afrika weens die koronavirus verdedig, te midde van toenemende versoeke deur politici en vakbondleiers om sy rentekoersverlagings te verdiep en meer staatseffekte te koop. Hy het aan die Financial Times gesê die rentekoers, tans die laagste in byna ’n halwe eeu, is nou in reële terme negatief teenoor waar inflasie na verwagting volgende jaar sal wees, wat die bank se “aansienlike” reaksie toon. “Mense gee my meer krediet as wat ek verdien. Ek lei nie die regering nie.” —Minister van samewerkende regering en tradisionele sake en voorsitter van die nasionale bevelsraad, dr.…

die Suid-Afrikaanse mynbedryf het onlangs voorgestel dat daar rede tot hoop is dat die regering positief sal reageer op hervormingsvoorstelle wat Business Leadership SA se B4SA aan hom voorgelê het. Roger Baxter, uitvoerende hoof van die SA Mineraleraad, wat die mynbousektor se skyfies bygedra het tot B4SA se voorlegging aan die regering, het gesê duidelike tekens van verbetering in die beleid sal moontlik binne ses maande gesien kan word. Byvoorbeeld, ’n voorstel om belegging in eksplorasie deur middel van belastingvoordele vir sogenoemde deurvloei-aandele ’n hupstoot te gee, kan moontlik ’n gunstige reaksie voor Oktober ontlok, het hy gesê. Ongelukkig blyk dit dat die “regeringsbeleid” nóg homogeen nóg sinchronies is. Terwyl die NasionaleTesourie die deurvloei-aandele as positief beskou, het hy die Konsepwysigingswet op Belastingwette in Julie ter tafel gelê wat junior…

nywerheidseiendom (fabrieke, logistiekpakhuise en verspreidingsentrums) was merendeels die geïgnoreerde sektor van die plaaslike eiendomsbeleggingsomgewing. Selfs Suid-Afrika se sektor vir genoteerde eiendom en eiendomsbeleggingstrusts het die aandag hoofsaaklik op kleinhandel-en kantoorbates gevestig. Volgens Bridge Fund Managers het net 18,3% van die FTSE-JSE seSAPY-indeks virgenoteerde eiendom teen 31 Julie vanjaar uit blootstelling aan die nywerheidsektor bestaan. Daarvan was 6,6% tradisionele nywerheid (hoofsaaklikvervaardiging) en 11,7% logistiek (pakhuisberging en verskuiwing van goedere). Die syfer vir die FTSE-JSE-indeks vir plaaslike eiendomsbeleggingstrusts is effens hoërop 23,5% – verdeel tussen 5,7% tradisioneel en 17,8% logistiek. Dis vanweë die bateklas se kleiner blootstelling ironies dat dit goedkoper is om nywerheidseiendom te besit en te bedryf as ander bateklasse. “Baie van die koste word aan die huurder deurgegee, en dis goedkoper per vierkante meter om te bou,” sê Steven…

Die regering het sy strategie virdie koronavirus se bekamping aangepas en die land tot vlak 2 van inperking geneem. Alkohol mag weer verkoop en op ’n perseel verbruik word. Dit behoort Distell baie te bevoordeel. Sy handelsverklaring virdie jaar geëindig Juniedui op wesensverdienste peraandeel (WVPA) van tussen 45% en 65% laer, omdat hy meer as twee maande se handelsinkomste met ’n relatief vaste kostegrondslag verloor het. Verkope sal vinnig herstel, hoewel verlore transaksies verlore sal bly. Verbruik behoort na normale vlakke terug te keer sodra die aanvanklike vlaag van verkope ná die opheffing van beperkings verby is. Die swakker rand sal uitvoere na Europa steun. Virdie boekjaartot einde Junie 2021 behoort Distell met gemak dieWVPA van 656c vir die 2019-boekjaarte kan herhaal, ná hy ’nWVPA van 548c virdie halfjaartot einde…

dit ly geen twyfel nie dat mense nogal heelwat van mekaar verskil. ’n Goeie bewys hiervan kan gesien word as mense ’n padkaart moet gebruik of as hulle ’n boekrak of meubelstuk wat as ’n monteerstel gekoop word, aanmekaar moet sit. As daar meer as een persoon betrokke is, hou een gewoonlik die kaart of die instruksies, terwyl ’n tweede een dit probeer volg of uitwerk sonder enige hulp of inset van enigeen van die ander nie. Daar is baie beleggers wast dieselfde benadering gebruik as dit kom by hul persoonlike beleggings. Hulle verkies om nie enige riglyne te volg nie, bloot omdat dit lyk asof dit te ingewikkeld kan wees. Maar daar is baie eenvoudige riglyne wat beleggers kan volg, veral as hulle besig is om hul eie beleggingsportefeuljes…

in verskeie vorige uitgawes van finweek het ons ’n paar sleutelbegrippe rakende tegniese ontleding uitgelig en bespreek; ons het gekyk hoe dié begrippe nuttig kan wees wanneer besluite in verband met korttermynhandel geneem moet word. Onderwerpe wat ons reeds in vorige uitgawes by finweek onder die loep geneem het, sluit in neigings en bewegende gemiddeldes, risikobestuur en ook pryspatrone op langer termyn. Dit is ’n wyle sedert ons laas ’n paarvan hierdie opvoedkundige insigte met lesers gedeel het, maar ons begin vandeesweek weer. Ons gaan dié keer kyk na ’n begrip wat inderdaad heel eenvoudig is. Basies sal ons ons aandag net op ’n enkele en eenvoudige korttermynpatroon vestig. Dit is ’n patroon wat uiters nuttig kan wees as dit betyds raakgesien word en op die regte manier verhandel word.…

in belang van Suid-Afrika lewer plaaslike pluimveeprodusente ’n groot bydrae tot voedselsekerheid, vroeë kinderontwikkeling en die skep van broodnodige werksgeleenthede. Die plaaslike pluimveebedryf slag net minder as 20 miljoen braaikuikens per week. Maar reeds voor die uitbreek van Covid-19 het syfers getoon dat die groei in plaaslike produksie nie met die groeiende verbruikersvraag tred gehou het nie. Volgens ontledings is dié tekort in groei te wyte aan Amerika, Brasilië en sekere EU-lande se storting van oorskotproduksie op die plaaslike mark. Wêreldproduksie Amerika voer 40% van sy produksie uit. Só sê Izaak Breitenbach, hoofbestuurder van dieSA Pluimveevereniging (SAPA) se braaikuikenprodusente-organisasie. Voor die aanvang van die handelsoorlog tussen Amerika en China, het laasgenoemde vanweë sy proteïentekort weens vark-en voëlgriep baie Amerikaanse pluimveevleis ingevoer. “Weens dié handelsoorlog voorsien Brasilië nou in baie van…

nog voorCovid-19 is dieSuid-Afrikaanse verbruikerskredietmark reeds geteister deur die uitwerking van uitdagende ekonomiese toestande. Die algehele waarde van krediet virdie kwartaal geëindig Desember 2019 het met 1,66% tot R145,38 miljard toegeneem, volgens die Nasionale Kredietreguleerder se kwartaallikse verslag oor die verbruikerskredietmark. Die Trans Union-kredietburo sê die vraag na krediet het tot diep in die tweede kwartaal van 2020 voortgeduuren het begin toeneem na gelang verbruikers sowel as uitleners die uitwerking van Covid-19 (teen die einde van die eerste kwartaal) begin ervaar het. Syfers van die kredietburo se verbruikersinsigteverslag virdie eerste kwartaal het plat of negatiewe groei in alle produkkategorieë getoon, behalwe persoonlike banklenings, wat jaar-tot--jaar met 10,6% toegeneem het. Uitstaande saldo’s het oor al die belangrike verbruikersleenkategorieë gegroei, met nie-bank-persoonlike lenings wat jaar-tot-jaar met 17,2% toegeneem het. Hoewel wanbetalings meestal…