Índice para July - August 2021 em SARIE

In die wêreld van skoonheid is daar ’n rite of passage wat elke vrou behoort te ervaar. Nee, nie ’n dosis Botox of ’n vinnige vuller nie, maar ’n bottel Chanel No. 5. My eerste ervaring van dié luukse was die klein botteltjie wat ’n spesiale plek in my ouma se handsak gehad het. Elke dan en wan het sy die vierkantige houer versigtig oopgemaak vir my om te ruik, en dan ’n druppeltjie aan my uitgestrekte polse getik. Vir ure het ek gesweef op ’n wolk van onbeskryflike geur. Soos ’n groot bos blomme, sou my ouma sê. Net daar, klein-klein, is my fassinasie met parfuum gebore. Dis dieselfde botteltjie wat vandag, dekades later, ’n uitsoekstaanplek op my parfuumrak het. En langs dit die groter, nou leë maar steeds…

UIT ONS LAND, MY LEWE . . . NOOIT UIT MY HART “Ma, ek gaan Amerika toe.” “Ma, ek het werk gekry in China.” “Ma, ek trou met ’n Fransman.” “Ma, ek trek Noorweë toe . . .” Die eerste gedagte wat by my as enkelma van vyf volwasse kinders opgekom het toe hulle een ná die ander aankondig dat hulle oorsee gaan werk: “Ag, dis tydelik, hulle sal terugkom.” Later dink mens: “Ek sal agterna trek.” En besoek hulle dan daar om te begin reëlings tref . . . familieherenig-visums, ouma-visums, toeriste-visums. Nog later sink die wete in dat jy jou lewe ver van hulle moet leer leef. Hoe doen jy dit? Jy huil eers goed. Dis soos ’n katarsis, hartseer oor ’n vergete era. Daardie dae is vir…

Dit was die gelukkigste dag van haar lewe. Om vir ’n “tweede” keer met haar Thomas te trou – die een wat uit die bloute weer oor haar pad gekom het, wat haar laat veilig voel en toelaat om weerloos te wees. Maar as sy terugdink, was daar talle oomblikke van groei en geluk. Die groot ou boom in haar ouerhuis se agterplaas was aktrise Christia Visser se speelplek. Daar kon sy vir ure swaai . . . pure kind. In ’n skuiling van takke gebou, dig sodat die lig net-net kon deurbreek, kon sy haar verbeelding vrye teuels gee, stories opmaak. En beter eindes gee. Een van hulle was van Barbie. “Ek het ’n storie op televisie gekyk waarin Barbie dans en skielik val. Almal het vir haar gelag…

Ons het oor min beheer, só het die ontwrigting van die afgelope jaar ons geleer. Iets wat Cato Bekker, aanbieder en vervaardiger van die kykNET-werklikheidsreeks Die Uitnodiging, ter harte neem. “Daar is net een ding waaroor ek werklik beheer het – en dit is myself. Ek kan nie bepaal hoe mense my hanteer nie, maar met ’n bietjie oefening wel hoe ek daarop reageer.” Die Uitnodiging is juis ’n platform vir dít waaroor ons in ’n mate beheer het, die herstel van ’n gebroke verhouding. “Verhoudings is kompleks. Mense maak foute, wat verskonings verg. Soms voel ons ons is reg – of ten minste meer reg as die ander party. Maar iets baie spesiaals gebeur as iemand vir ’n ander persoon jammer sê.” Vrede maak is dalk moeilik, maar die…

ONS WORD OMRING DEUR HELDE: Een uit 5 (20%) mense kwalifiseer as helde op grond van sosiale sielkundige Philip Zimbardo se definisie. Sowat 72% van mense meen hulle het al iemand gehelp in ’n gevaarlike situasie. Sowat 16% het die fluitjie geblaas ná ’n onreg. Sowat 6% het opofferings gemaak vir ’n vreemdeling of iemand wat nie familie is nie. Sowat 15% het opgestaan teen ’n onbillike gesagsfiguur. VRYWILLIGE WERK MAAK SAAK: ’n Derde van die “helde” in die steekproef het gereeld vrywilligerwerk gedoen, tot 59 uur ’n week. GESLAG MAAK SAAK: Meer mans as vroue het gemeld hulle het al heldhaftige dade gedoen. Dalk omdat vroue hul dade nie as heroïes beskou nie, maar as iets wat hulle vir ’n vriend of familielid moet doen, spekuleer Zimbardo. RAS MAAK…

1. Waaraan skryf jy Chanel No. 5 se sukses toe? No. 5 het ontstaan vanuit ’n weelderige en misterieuse samestelling van blomme wat mekaar komplementeer sonder dat ’n enkele een werklik herkenbaar is. Daarby was die manier waarop aldehiede gebruik is om die natuurlike bestanddele te aksentueer ongelooflik modern. Ek glo die langdurigheid van Chanel No. 5 kan toegeskryf word aan dié abstrakte eienskappe en die misterie rondom die note. 2. Wat sê No. 5 oor die vrou wat dit dra? Wat ons met geur uitdruk, kan nie in woorde omgesit word nie. No. 5 is ’n wonderlike kenmerk van jou persoonlikheid. Vroulikheid, elegansie, verfyndheid, diepte en ’n element van misterie is woorde wat by my opkom as ek aan die Chanel No. 5-vrou dink. 3. Hoe hou Chanel die…

Die strewe na volhoubare, gesonder en omgewingsvriendelike produkte en vervaardigingsmetodes onder handelsmerke en verbruikers is lankal nie meer net ’n tendens nie, maar ’n beweging; ’n leefstylbesluit wat hier is om te bly. Tog is dié ideaal nie ’n eenvoudige taak nie, gee Nicole Waso, plaaslike opleier vir die skoonheidshuis Lush in Suid-Afrika toe. “Daar is soveel aspekte wat ’n rol speel by die volhoubaarheid van ’n produk. Jy moet dink aan vrae soos: Hoe word elke afsonderlike bestanddeel aangeskaf en getoets? Word diereprodukte in die formule gebruik? Hoeveel water word tydens die vervaardiging gebruik? Is die verpakking maklik herwinbaar of herbruikbaar? En wat is die koolstofvoetspoor van die produk [hoe ver moet dit vervoer word ná vervaardiging]? Dit is om maar net ’n paar te noem.” Daarby is dit…

Ons eet met ons oë, sê hulle, maar ek verkies om my neus te volg. Baie mooi en visueel-stimulerende kos kan soms teleurstel, maar ’n fantastiese aroma lei jou selde na ’n brak brousel. Of jy dit weet of nie, skep al jou sintuie voortdurend verwagtinge van geur en smaak. Dit begin by verpakking, etikette en bemarking, en sluit ook aanwysers in wat inherent tot die produk is. Elke aroma en klank prikkel ’n smaakgeheue, en daarmee saam ’n verwagting. Lyk LEKKER Ons vermoë om ’n produk te ruik word deur verpakking gefnuik en daar’s nie juis sprake van klank wanneer produkte op ’n supermark se rak bekyk word nie. Wat ons sien, en vernaam ons waarneming van kleur, is gereeld die grootste geleier van inligting wat koskeuses beïnvloed. Sommige…

Sy het nog altyd toegelaat dat mense en dinge haar raak, roer, vorm. “Alles, ook die slegte. Dit temper my en smee my. Inherent is ek ’n sagmoedige mens, maar moenie met my mors nie . . .” Aktrise Rehane Abrahams is lief vir haar rol as die koudbloedige feeks Wendy Newman in kykNET se telenovelle Arendsvlei. “Wendy fassineer my. Sy dra baie pyn uit haar verlede saam, wat sy met ongenaakbaarheid toesmeer.” Maar in teenstelling met haar karakter, het Rehane geleer om haar in elke oomblik te verheug. “Nadat my werk as aktrise in die grendeltyd tot stilstand gedwing is, het ek besef ek leef my slegs op die verhoog en voor die kamera ten volle uit. My persoonlike lewe was ’n nagedagte. “Nou fokus ek daarop om my…

Koppie rustend op sy gevoude handjies lê die maand oue Bertus Vicus teen sy mamma se bors, knus in ’n babadrasak. Hy is ’n wonderwerkkleinding, gebore ná agt pogings oor ’n tydperk van agt jaar om deur in vitro-bevrugting (IVB) ’n baba te hê. Hy vier, sonder dat hy dit eens weet, sy eerste maand in die Table Bay-hotel in Kaapstad terwyl sy ouers, Elsjè van der Merwe en Louis van Niekerk, sy “storie” vertel. Klein Bertus is ’n “spanpoging”, sê die egpaar. Elsjè het al twintig jaar lank haar eie besigheid, Elsje Designs, waarvan die afgelope vyf jaar in ’n ateljee in Die Boord op Stellenbosch. Louis praktiseer sedert 2001 as ’n senior staatsadvokaat by die nasionale vervolgingsgesag (NVG) in Kaapstad. Dié twee weet van aanhou en uithou. Hulle…

JA, VIR ASEM Sterftes plaaslik weens asma is die vyfde hoogste ter wêreld – en ja, jy kán daarvan doodgaan, volgens dr. Marlin McKay, ’n geneesheer van Johannesburg. Hoewel asma nie genees kan word nie, is dit hoogs behandelbaar. Só doeltreffend, baie van sy pasiënte het hul simptome feitlik heeltemal baasgeraak. Maar jy kan jou asmapompie ook te veel gebruik en dis gevaarlik. Vra jou dokter vir die nuutste wêreldwye aanbevelings, die fokus van die #yesbreath-veldtog op sosiale media. NUUT OP DIE BOEKRAK Prof. Tim Noakes se “revolusie” stoom voort. Is jy reeds ’n bant-bekeerde (oftewel ’n volgeling van ’n lae-koolhidraat-hoë-vet-eetplan) sal die hoofstuk oor koslyste, maaltydbeplanning en resepte jou dalk nuwe inspirasie gee. Die grootste deel van die boek bestaan egter uit lofsange vir banting, ondersteun deur navorsing (niks…

Laramie , saamgestel deur Jeanette Ferreira (Minimal Press, R280) Eugène Marais is vanjaar 150 jaar gelede gebore en dié prosaskrywer, digter, dramaturg, natuurkundige, hipnoterapeut, regsman en joernalis word in die bundel gehuldig. In die voorwoord skryf Ferreira sy het soveel bydraes van digters, prosaskrywers, historici, regslui, sielkundiges, natuurwetenskaplikes en letterkundiges ontvang dat sy daaruit moes sif om ’n verantwoordbare bundel byeen te bring. Carel van der Merwe skryf hoe hy gefassineer geraak het met Marais nadat hy The Soul of the White Ant gelees het; dit het hom na Leon Rousseau se biografie Die groot verlange gelei. “Ek het daarna elke boek van Marais verslind waarop ek my hande kon lê, hetsy sy dierestudies, kortverhaalversamelings of digbundels. Alles wat ek gelees het, het my net nog meer beïndruk” –…

5 lesers kan elk Die uil in die ysbos deur Susan Coetzer (Human & Rousseau, R325) wen. Gracie-Jane Coetzee se eerste kleinkind, Joey, gee kort voordat die president die eerste inperking aankondig sy eerste asemteug. Dié 52-jarige skrywer en illustreerder van kinderboeke is nie juis ’n konvensionele ouma nie. Sy verkies die geselskap van Sad Sack, haar getroue ou dashond, bo enige ander verhouding in haar lewe. Saans wanneer die PTS haar tussen die mure van haar huis rondjaag en die gevoel van onheil soos ’n uil op die dak kom sit, dokter sy graag die obsessiewe simptome met ’n glasie wyn of twee . . . Lees die boekuittreksel op bl. 150. Nog 5 lesers kan elk Marinda se koskas deur Marinda Engelbrecht (Human & Rousseau, R250) wen. “Die…

My vriendin verloor haar verloofring. Sy begin naarstiglik soek. Sy keer die huis om. Sy kyk onder die yskas en die stoof. Niks. Sy soek in die vullisblik en die wasgoed. Haar bekommernis word ’n droefnis sonder einde, want daar is geen teken van haar ring nie. Sy weeklaag soos ’n vrou wat haar belangrikste sieraad, die pand van haar liefde, verloor het. Groot simpatie het ek met my vriendin, want ook ek ken daardie afgryslike, doodse gevoel van verlies. Die oomblik wanneer jy besef dat jy iets verloor het wat van ontsaglike waarde is. En nie noodwendig geldwaarde nie. Jou ring, die simbool van die liefde tussen jou en jou geliefde. Al is die diamantjie die kleinste sterretjie in die heelal. Soos die Bybelse vrou en haar eenvoudige penning.…

Stellenbosch. Oktober 1984. Groot grasperk tussen twee rye splinternuwe meenthuise. Ek: Haai! Wag vir my! Sy: As ek stilstaan, huil ek. Hardloop! Ek: Ek het jou naam vergeet, het nog met jou gepraat die keer toe jou kat weg was. Sy: Belinda vandag. Ander dae Felicity. Ek: Wat gebeur vandag? Sy: Ek is bietjie af. Ek het amper alles gedruip. Net Oë deurgekom. Ek: Oë? Sy: Ja, ek is baie goed met Oë, maar het Neus, Mond, Wange, Vel en Naels gedruip. Ek: Wat swot jy? Sy: Skoonheid. Dis ons wat die pienk kouse dra. Het jy gedink ek is ’n verpleegster? Ek: Nee, jou naels is te lank vir ’n hospitaal. Ek wou net saamstap, is jy op pad bakkery toe? Ek koop elke oggend klapperdoughnuts, ek en die…

KIM CLOETE Aktrise en TV-aanbieder Ek het geleer hoe sterk vroue is. Vroeg in die inperking het ek ’n meditasiegroep begin saam met vroue van verskillende kulture, ouderdomme en agtergronde oor die land heen. Ons het elke dag op dieselfde tyd gemediteer. Agterna het ek elke keer geïnspireer gevoel, weer hoopvol. Toe begin ek en ’n vriendin die Microcosmic Kitchen Movement. Daar is nou al sewe kombuise in die land waar vroue uit hul eie kombuis vir hul gemeenskap kos gee. Mense skenk geld en ons wys hulle presies hoe dit gebruik word. Daar was baie om oor te kla dié jaar, maar ek het ook gesien hoe goed mense kan wees. LYNELLE KENNED Aktrise, operasangeres en TV-aanbieder Vir my was die jaar op elke vlak ’n uitdagende maar nodige…

Devin Botes, ’n professionele fotograaf van Johannesburg, gee dié wenke om beter te lyk op Zoom: Maak seker jou kamera is op ooghoogte – jy kan jou skootrekenaar op ’n stapel boeke sit. “Dis nie net die vleiendste hoek nie, maar bevorder ook die gesprek en is meer natuurlik, eerder as wat jy op- of afkyk na mense.” Kyk na jou ligbron toe, sodat dit direk op jou gesig skyn. Natuurlike lig van ’n venster is mooi gedurende die dag en maklik om te benut. Lig van agter kan die prentjie verdof en jou gesig selfs vervorm. Sit sowat ’n armlengte weg van jou skerm se kamera. As jy te naby sit, word elke merkie sigbaar. Die afstand laat die lig ook toe om mooi op jou gesig te val…

40’s Wit stewels het in die Herfs/Winter 2020-’21-seisoen die loopplanke oorsee oorheers. Hier lyk dit treffend saam met skakerings van bruin in Missoni se reeks by die Milaanse Modeweek. Wit stewels rond aktrise Kerry Washington (44) se uitrusting stylvol af. 50’s  Die swart kniehoogte stewel bly ’n staatmaker saam met ’n rok en jas, wys Hermès in hul Herfs/Winter 2020-’21-vertoning in Parys. Aktrise Laura Dern (54) se swart kniehoogte stewels is sjiek en modern by haar bottelgroen uitrusting. 60’s  Klassieke enkelstewels by ’n maksirok is ’n wenkombinasie, ook vir ’n formele geleentheid – Celine se Herfs/Winter 2020-’21-reeks by die Paryse Modeweek. Aktrise Andie MacDowell (63) is ’n toonbeeld van elegansie in haar eenstuk, trenchjas en enkelstewels. 70’s  Pienk stewels lyk treffend by ’n klassieke swart-en-wit kombinasie in Jason Wu se…

‘Chanel No. 5 sê vir my dadelik wie aankom. Sodra ek die whimsical geur ruik, dan weet ek: Aha, my moeder is naby. Dit spreek vir my van ’n sterk vrou en dis ’n geur wat ek respekteer. En ek dink Coco het ’n groot rol daarin gespeel. Jan Hendrik van der Westhuizen, Michelinster-bekroonde sjef ‘Ek was 13 toe Chanel my die eerste keer bekoor het. ’n Program het op TV gewys, die advertensies het gevolg . . . en toe gebeur dit. Nicole Kidman hardloop verby flitsende kameras en spring in ’n geel taxi in . . . Van daardie dag af is ek kinderlik opgewonde oor ’n nuwe Chanel No. 5-veldtog. Die gesigte het gekom en gegaan. Elkeen het die parfuum op hul unieke manier verteenwoordig. En dís…

Floral Street Dié Britse reeks het pas in SA sy buiging gemaak. Buiten bestanddele wat eties verkry word, is die sjiek boks waarin elk van die 10 blomgeure verpak word, gemaak van herwinbare, bio-afbreekbare papierpulp. Die ink het ’n groente- of sojabasis. By Woolworths Urban Veda Dié interessante velsorgreeks is geskoei op Ayurvediese beginsels (’n vorm van holistiese geneeskunde) en die krag van aromaterapie. Daar’s ’n uitgebreide reeks vegetariese produkte vir elke veltipe, elk met ’n unieke mengsel van essensiële olies as geur en natuurlike aktiewe bestanddele. By Dis-Chem en urbanveda.co.za CATRICE Wanneer dit kom by volhoubare grimering, is CATRICE ’n voorloper. Dié nuwe onderlaag is veganisties en bevat hialuronsuur en waatlemoensaadolie om jou vel te voed en bevog, terwyl dit steeds ’n stralende matafwerking bied wat heeldag sal…

KONDENSMELK-EN-SPESERYROOMYS Ja, ek weet dis winter, maar soms is roomys ook lekker, al is dit koud! genoeg vir 6-8 385 g-blik kondensmelk 10 ml gemengde speserye 300 ml melk 12 spekulaaskoekies (Nederlandse speserykoekies) Plaas kondensmelk, speserye en melk in middelslagpot en roer oor lae hitte tot net onder kookpunt. Gooi in vlak vrieskasbestande bak en vries vir 3-4 uur. Roer met ’n vurk en smeer gelyk. Vries verder tot hard. Skep balle roomys in mooi glase van jou keuse en krummel koekies oor. Sit voor. SAGOPOEDING (bl. 97) Ek is mal oor sagopoeding. Die fluweeltekstuur in jou mond en die sagte meringue-wolk maak my net gelukkig. Die konfyt bo-op is ’n moet. genoeg vir 6-8 250 ml sago 1 liter melk 1 stuk pypkaneel 30 ml botter 4 eiers, geskei…

Chris vertel dat hy dit sy missie gemaak het om hierdie juweel te vind. Weekliks was hy op al wat ’n eiendomswebtuiste is totdat hy hierdie huis met 52 trappies wat daarheen lei, en die allermooiste 360°-uitsig oor see en berg, naby die fontein in St. James opgespoor het. Hier voel ’n naweek of ’n paar dae asof jy in Europa kuier. Almal ken mekaar en groet en gesels as hulle vars water by die fontein gaan haal. Huisrestourasie is vir Chris en Dané niks nuuts nie. Hulle het immers hul pragtige plaashuis en trouvenue se bou en restourasie met groot sukses aangepak (johannesdal.co.za). Die St. James-bouterrein was wel uiters moeilik (dink jou in om sakke sement en stene 52 trappe uit te dra), maar niks het hulle afgeskrik nie.…

Hidden Karoo Patricia Kramer en Alain Proust (Struik Lifestyle, R490) Die Karoo is seker een van ons land se mees onderskatte streke. Reisigers op pad Kaap toe jaag dikwels so vinnig moontlik daardeur. Dié pragboek laat jou twee keer dink oor wat die Karoo jou bied. Kramer gee ’n beknopte geskiedenis van die sosiologiese, ekonomiese en kulturele belangrikheid van die streek. Proust se foto’s is eenvoudig asembenemend. Bekende toeristedorpe, waaronder Prins Albert en Matjiesfontein, word bekyk, maar ook die klein juwele. Daar’s die volstruispaleise van Oudtshoorn, verskeie argitektoniese kerke, die unieke korbeelhuise asook die Uilhuis op Nieu-Bethesda en die Fred Turner-museum met sy 27 windpompe op Loeriesfontein. Die hoogtepunt vir my is kunstenaar Willem Boshoff se rooibaksteenmuur met woorde, “Word Woes”, by die Modern Art Project op Richmond. Die 390…

Coetzer vertel dit sou vir haar moeilik gewees het om nié haar jongste roman, Die uil in die ysbos, in die grendeltyd te anker nie, juis omdat dit die vonk was wat haar hart as skrywer oopgemaak het. “Ek was weer in staat om te connect met my eie emosies en om gehoor te gee aan ouma Gracie [die hoofkarakter] se reis. Ek glo daar was ’n tyd voor die wêreldwye pandemie. Alles is nou anders. Almal se lewe het op een of ander manier verander.” Sy kon verlede jaar geen geleenthede aanbied om ’n inkomste te verdien nie en kon die pandemie nie ignoreer terwyl dit haar as mens so diep geraak het nie. “Vir my hoofkarakter was die inperking óók die katalisator om haar lewe te bekyk, om…

Dis die eerste keer dat ek in ’n verhouding is waar iemand my só laat voel – veilig, en veilig om myself te weesSuzette oor Mark Jare gelede het Suzette van der Merwe altyd verby ’n huis in Dainfern Valley in Johannesburg gery op pad om haar kinders by die skool te gaan aflaai en vir hulle gesê: “Dís my droomhuis dié.” Min het sy toe geweet dit behoort aan die toekomstige man van haar drome, Nieu-Seelander Mark Weston, met wie sy in Desember 2019 getroud is. En nou woon sy in dié ruim oopplanhuis met sy houtvloere en wye stoep. Haar Mej. Suid-Afrika-serp hang in ’n raam teen die muur van die trap na die tweede vlak, ’n foto van haar en Madiba langsaan. Reekse geraamde familiefoto’s, swart-wit foto’s…

Marguerite gesels Jy is sedert 2016 in die bedryf – een wat dikwels meer “nee” sê as “ja”. Hoe het jy geleer om dié verwerping op ’n gesonde manier te hanteer sodat dit nie jou selfbeeld afbreek nie? Dit het baie met my ouers, Deon en Anina, te make. Ek was vyftien toe ek by die Kaapse agentskap APM aangesluit het. Castings en oudisies het gevolg, waar die mooiste mense op aarde was, en ek het byna net “nee” gehoor. Dan sou my ma-hulle my altyd opbeur, lekker laat lag en net aanhou sê: “Sussie, dit maak nie saak nie.” Ek het nooit druk van hulle of van my agentskap ervaar nie, wat die teleurstelling baie vergemaklik het. Die hele proses was net lekker – ons het immers uitstappies van…

So beeldskoon sy was al op 25 Vogue- voorblaaie. Haar stem goud soos Sinatra s’n, sê medemusikant Chris Martin. Een wat Rihanna al 13 Amerikaanse Musiektoekennings, 9 Grammys en 7 MTV Video Music-toekennings besorg het sedert haar 2007-treffer “Umbrella”. Maar haar pad na sukses was nie maklik nie. Gebore as Robyn Rihanna Fenty op Barbados het sy arm grootgeword, met ’n dwelmverslaafde pa wat haar ma mishandel het. In 2009 was syself in ’n mediastorm toe sy deur haar destydse kêrel, rapper Chris Brown, aangerand is. Maar sy het aanbeweeg: Met ’n eie skoonheidsreeks, Fenty, in 2017, in 2018 haar onderklerereeks, Savage X Fenty, ’n rol in die Hollywood-lokettreffer Ocean’s 8 . . . Verlede jaar is sy deur Forbes aangewys as een van die 100 invloedrykste vroue ter wêreld,…

Toe Gabrielle “Coco” Chanel in 1921 haar eerste parfuum bekend gestel het, het niemand gedink dat Chanel No. 5 die geur van die eeu sal word nie. ’n Parfuum wat 100 jaar later steeds wêreldwyd ’n topverkoper is, waarvan die samestelling byna onveranderd gebly het en ’n bottel elke 30 sekondes verkoop word. Verweef in ’n bottel Chanel No. 5 is ’n tapisserie van stories, van goeie en minder goeie tye, maar dit bly steeds ’n baken van luuksheid en moderniteit. Iets om te koester soos ’n stukkie goud. Dalk is dit waarin die geheim van No. 5 se langlewendheid skuil? In elke herinnering en koestering; ’n gemeenskaplike fassinasie met ’n droomgeur oor generasies heen. Dít maak Chanel No. 5 ook ’n geur vir die toekoms. CHANEL SE VISIE Chanel…

1921 Gabrielle “Coco” Chanel stel haar eerste fyngeur, Chanel No. 5 Parfum, bekend 1924 ’n Ligter Eau de Toiletteweergawe, ook geskep deur Ernest Beaux, sien die lig en No. 5 begin internasionale aanhang kry, veral in Amerika 1929 Slegs agt jaar nadat dit geskep is, word Chanel No. 5 die wêreld se topverkoper-parfuum 1937 ’n Foto van Coco, afgeneem in haar woonstel in Parys, verskyn in ’n advertensie (regs middel) vir die modehuis en parfuum 1945 Ná die Tweede Wêreldoorlog staan soldate in rye buite die Chanel-boetiek in Parys om ’n bottel Chanel No. 5 te koop as geskenk vir hul geliefde in hul tuisland 1952 Toe ’n joernalis haar vra waarin sy slaap, verklap Marilyn Monroe (regs onder) dat sy slegs vyf druppels Chanel No. 5 bed toe dra…

Hoera VIR OLYFOLIE! Nie net is dit goed vir jou gesondheid nie, olyfolie is ook ’n uitstekende bevogtiger. Daarom het die Mardouw-olyflandgoed buite Swellendam in die Wes-Kaap spesiaal hul Mardouw Extra Virgin Olive Oil Skin Care-olie (R240 vir 250 ml) bekend gestel. Dit bevat slegs olyf- en lemoenskilolie en is ’n heerlike bederf vir jou droë winterlyf. By Pick n Pay en Faithful to Nature MOOIER MET MODDER Dié bederfstelletjie bevat drie verskillende kleipoeiers wat jy by die bykomende reiniger kan meng vir ekstra afskilfering, of by die masker vir ’n heerlike modderbehandeling wat detoks – Kalahari Pow[d]er Clays & Mud Treatment Set (R700) MONICA HOU VAN As jy tot nou toe effens skrikkerig was om ’n mikronaaldbehandeling (waar ’n toestel met fyn naaldjies oor jou vel beweeg word) te…

MARZANNE HOU VAN Elke dag kan n melktertdag wees met Gudgu se melktertstroop. Geur jou koffie, latte of melkskommel met die stroop vir ’n slukkie nostalgie. Dis ook heerlik oor roomys, poeding en in mengeldrankies. Die beste van als is, dis suikervry. R69,95 vir ’n 250 ml-bottel by gudgu. co.za HEERLIK melkerig Smeg se retrostyl melkskuimmaker is die perfekte toevoeging tot jou kombuis as jy lief is vir melkerige drankies soos ’n latte en ’n cappuccino. Dit is losstaande met verskeie funksies vir elke smaak – dit kan melk warm of koud skuim, minder of meer skuimerig maak, en selfs sjokolade smelt vir sjokoladedrankies. R3 399 by uitsoek-kombuiswinkels PATROONGEBAK Hierdie Bundtpan van Kitchen Inspire is ideaal om patroonkoeke en -poedings mee te maak. Die pan is van kleefvrye silikoon, sodat…

A Aldo 010 300 6888, aldoshoes.co.za Asatsi asatsi.com B Block & Chisel 010 593 9308, 011 442 0809, 021 712 5193, blockandchisel.co.za Blossom Cape Town blossomcapetown.com byCARA bycara.co.za C Country Road 086 002 2002, woolworths.co.za D Down to Earth Jewellery 083 641 4141 E ERRE 084 588 1501, erre-fashion.com Eurolux 021 528 8400, eurolux.co.za Europa Art 011 455 0917, europaart.co.za H Haus by Hertex 021 914 3390, 086 043 7839, hertexhaus.co.za Hemp Love 079 466 8444, 083 611 3070, hemplove.co.za Hugo Flear hugoflear.com I Ida-Elsjé 021 424 1101, idaelsje.com Italtile Retail 010 271 2272, italtile.co.za J Judith Atelier 082 450 4217, judithatelier.co.za K Kat van Duinen 076 939 4343, katvanduinen.com L Lara Klawikowski 082 573 6700, laraklawikowski.com Love Shouts loveshouts.co.za M Mango shop.mango.com Mantua 083 390 7450, mantua.co.za Masch 081…

Jy skryf jy is die vierde dogter in ’n Indiese gesin. “Boys, as we know, are the pride and joy of a family [. . .] They can do no wrong” – bl. 7. Voel jy dié siening is onregverdig? Ek skryf vanuit my eie gemeenskap se perspektief, maar ek dink dieselfde gebeur in baie ander kulture. Daar word na seuns gekyk as superieur, so dis moeilik om nie gefrustreerd te voel nie. Vroue doen al die werk, maar kry bitter min erkenning. En dit gebeur omdat ons in ’n patriargale kultuur lewe en aanhou om die kultuur voort te sit. Jy skryf ’n gebroke hart het die koers van jou lewe verander? Dit was die eerste keer dat ek deur so iets is en dit het my na ’n…

JJ het nog steeds nie van hom laat hoor nie. Die slaap ontwyk haar. Weer. Steeds. Verlange hou haar dié keer wakker. Goed wat weggeneem is. Goed wat sy mis. Waar sal sy begin? Gracie skink ’n glas rooiwyn en stap met die bottel terug na haar studeerkamer. Sy skuif voor haar rekenaar in en maak ’n nuwe Worddokument oop. Verlore Goedere, tik sy bo-aan die wit digitale blad op die skerm. Dalk maar by tiekiebokse begin. Tiekiebokse en die muntstukke in haar sweterige handpalm. Stemme wat mekaar probeer vind oor die krakerige lyne. Die klank van nog ’n geldstukkie wat in die agtergrond weerklink om die geselsie met Ouma Sarah so lank as moontlik uit te rek. Musiek. Sy mis plate. Outydse LP’s en seven-inch singles. Sy en haar…