Índice para 22 January 2026 em Landbouweekblad

Stilte voor die storm . . . Adéle du Plessis het dié foto op Nuwejaarsdag in die Ermelo-omgewing in Mpumalanga geneem. ’n Tornado het die Breyten-, Chrissiesmeer-, Warburtonen Lothair-omgewing in dieselfde streek later die dag getref. Adéle se man, Lion, wat Agri Mpumalanga se president is, het gesê hulle het self nie skade gehad nie, maar hul bure en vriende wel. Dit voel vir hom of tornado’s ál meer voorkom. By Du Plessis Boerdery word met vee, mielies en sojabone op die plaas Kranspan geboer. Volgens Lion het Jantjie Randell, hul omgewing se “plaaslike reënmeter”, teen 9 Januarie reeds 392 mm vir die seisoen aangeteken, met tot 60 mm meer op ander plase. Lion het gesê die gesaaides wat nie deur storms en hael getref is nie, het toe grotendeels…

VOORGESTELDE wysigings aan die Nasionale Waterwet (Wet 36 van 1998) kan verreikende gevolge vir plaaswaardes inhou, sê kenners. Ingevolge die voorgestelde waterwysigingswetsontwerp sal boere nie meer waterregte onder mekaar kan koop, verkoop of permanent oordra nie, sê Gregory Smith, uitvoerende hoof van die Suid-Afrikaanse vereniging van watergebruikersverenigings (SAAFWUA). “Watergebruiksregte sal hul waarde as ekonomiese bate verloor, wat ’n regstreekse nadelige invloed op plaaswaardes en toegang tot finansiering sal hê, aangesien finansiële instellings hierdie regte tradisioneel as sekuriteit erken.” Janse Rabie, hoof van beleid en wetgewing by AgriSA, stel dit onomwonde: “ ’n Plaas sonder waterregte is in werklikheid onkoopbaar. Kopers kan nie sonder waterregte koop nie.” Daarby het boere vir waterregte betaal toe hulle hul plase gekoop het. Rabie sê as ’n boer se waterregte moet terugval na die staat…

VOLGENS Egon Zunckel van Zunckel Farms by Bergville in KwaZulu-Natal en Warden in die Vrystaat was die nat plantseisoen baie moeilik. Hy haal ’n Engelse spreekwoord aan om die verloop van die seisoen tot dusver te beskryf: “Sow in tears, reap in joy.” Volgens hom het dit broekskeur gegaan, veral in hul Vrystaatse lande by Warden, toe dit só baie gereën het en dit te nat was om te plant. “Ons is dankbaar dat ons nou wel ’n oes in die grond het.” Die optimale planttyd in Bergville is in November, veral in die eerste twee weke van dié maand. Toe kry hulle verlede jaar dubbeld die normale hoeveelheid reën vir November en die planters het tot twee weke lank stilgestaan. Die boerdery pas al langer as drie dekades geenbewerking…

Die Astral-groep het in Desember 2025 sy jaarresultate tot September 2025 bekend gemaak. Die maatskappy is een van die grootste geïntegreerde braaihoenderprodusente in Suid-Afrika en is op die JSE genoteer. Die groep se omset het met 10,4% gestyg tot R22,6 miljard en sy bedryfswins met 10,9% tot R1,247 miljard. Die dividend per aandeel het met 111,5% gestyg. Die totale bates is R9,3 miljard. Een van die groep se handelsmerke is die voermaatskappy Meadow Feeds, wat 1,4 miljoen ton veevoer per jaar vir Astral se gebruik produseer, asook veevoer deur agt fabrieke aan kliënte verskaf. ’n Deel van die besigheid is die ontwikkeling van braaihoenderteelmateriaal, die produksie van dagoudkuikens en die uitbroei van eiers vir eie gebruik, maar ook vir verskaffing aan kleiner, onafhanklike braaihoenderprodusente. Daar is ook broeiplase in Zambië,…

’N AKKEDIS wat vir meer as vyf dekades oënskynlik van die aarde af verdwyn het, is onlangs weer in die natuur opgespoor. Navorsers van die trust vir bedreigde natuurlewe (EWT) het die bloustert-sandveldakkedis (Nucras caesicaudata) vroeg in Desember 2025 tydens biodiversiteitsopnames in Mosambiek gevang en afgeneem. Die spesie is in 1972 vir die eerste keer beskryf op grond van monsters wat van 1966 tot 1971 versamel is. Destyds was dit bekend in die Gonarezhou Nasionale Park in die suidooste van Zimbabwe, die noordooste van die Krugerwildtuin en die Gazaland-vlakte in sentraal-Mosambiek. Sedertdien was daar geen bevestigde waarnemings nie. Die langdurige afwesigheid het daartoe gelei dat die spesie met “onvoldoende data” op die rooilys vir kritiek bedreigde spesies van die internasionale unie vir natuurbewaring ingesluit is, en as ’n “verlore” spesie…

Die Metzgers van Seeis in Namibië hou daarvan om voorbereid te wees – ook wat betref eenstemmigheid oor wie die leisels van dié boerderyvennootskap moet oorneem. Die vier aandeelhouers in die Kamabboerdery is Diethelm Metzger, sy vrou, Katja, hul seun, Nikolai, en hul skoondogter, Nikki, wat ’n boorling van Australië is. Die gewigtige gesprekke oor opvolging is reeds vyf jaar voor Diethelm se aftrede begin, en Nikki neem in 2027 amptelik die rol as voorsitter by haar skoonpa oor. Die boerdery is geleë op die plaas Neu-Otjisauona by Seeis, oos van die Namibiese hoofstad, Windhoek. Die boerdery sluit in die Kamab Simbra-stoetery met 700 koeie en ’n wildboerdery wat grootliks op trofeejag gemik is. Diethelm en Katja woon op Neu-Otjisauona, waar Diethelm se ouers, Dieter en Ulla, ook voor hul…

Van die produksie van mikrogroente tot die melk van groot kuddes is daar waarskynlik nie ’n enkele aspek van Suid-Afrika se geweldig diverse landbousektor waarvoor ’n moderne tegnologiese innovasie nie ontwikkel is nie. Kenners met wie Landbouweekblad gepraat het, sê ’n algemene doelwit van baie van die jongste en verwagte landboutegnologieë is om selfs groter presisie, beheer en doeltreffendheid moontlik te maak ‒ van besluitneming en produksie tot die oes van die plaas se eindprodukte. ’n Verskeidenheid van tersaaklike data uit vorige produksiesiklusse moet ingesamel en tegnologies ontleed word. Die inligting daaruit, tesame met tegnologiese voorspellings, moet die boer in staat stel om toenemend meer ingeligte besluite oor die volgende produksiesiklus te neem. Die ervare Danie Minnaar van Springboklaagte naby Kroonstad in die Vrystaat boer met mielies, sojabone, koring, skape…

Meer as 25% – sowat 1 607 100 ha – van Suid-Afrika se kommersiële kontantgewas- en veeboerderystelsels gebruik vandag een of meer bewaringslandboupraktyke. Presiese data is nie beskikbaar nie, maar ASSET Research, ’n nieregeringsorganisasie wat in omgewings- en hulpbronekonomie spesialiseer, meen goeie vordering is gemaak sedert die vorige amptelike syfers van 2014. Ondanks die vordering bly daar steeds belangrike beperkings. Dr. Hendrik Smith, navorser, koördineerder en fasiliteerder van die bewaringslandbouprogram by ASSET Research, wys op beduidende verskille op provinsiale vlak. “Die Wes-Kaap het die hoogste aanvaarding van bewaringslandbou teen 51% (804 866 ha) van die provinsie. Die aanvaarding van bewaringslandbou in Kwa-Zulu-Natal is 38% (62 957 ha) van die provinsie – ietwat laer as verwag.” Die verrassendste syfer is die Vrystaat, wat die grootste oppervlakte onder kontantgewas- en veestelsels in…

Vir baie boere is hidrouliese probleme nie ongewoon nie – dit is die wagtyd, afstand na die naaste dorp en die onvoorsiene koste wat die grootste frustrasie veroorsaak. Volgens Johan Grobler, mede-eienaar en direkteur van Wuhlf, lê die werklike probleem nie by die pyp self nie, maar by die staantyd wat volg wanneer ’n werktuig onverwags tot stilstand kom. Dit is juis met dít in gedagte dat Wuhlf sy nuwe hidrouliese aanbod ontwikkel het. Hoewel hidrouliese pype en passtukke op die oog af nie drasties van mekaar verskil nie, is die klem by Wuhlf doelbewus eenvoudig: konsekwente, betroubare gehalte. “Daar is nie noodwendig ’n magdom eienskappe wat ons pype van ander onderskei nie,” sê Johan. “Dit gaan absoluut oor goeie gehalte.” Dieselfde beginsel geld passtukke en ander komponente. Volgens Johan…

Die Duitse landbouwerktuigvervaardiger Amazone se nuwe selfaangedrewe spuit is nou in Suid-Afrika beskikbaar. Die Amazone Pantera 4504HW+ is ’n veelsydige selfaangedrewe spuit gemik op hoëvolume- en hoëspoedwerk wat presisieboerdery in graanlande aanvul. SSK, met takke oral in die Suid-Kaap, het eksklusiewe regte om dié model in Suid-Afrika te verkoop. Armandt Horne, senior bestuurder vir meganisasie by SSK, sê die spuit het ’n tenkkapasiteit van 4 500 liter en kan tot 400 liter/min. teen enige druk spuit. Die spuit se roerkapasiteit is 120 liter/min. Hy sê buiten groter doeltreffendheid is die spuit ook ontwerp om die lewe vir die operateur so gemaklik moontlik te maak. “Die spuit het ’n selfskoonmaakstelsel vir intensiewe en vinnige skoonmaakprogramme. Sy spoorwydte kan uit die kajuit verstel word en dit het ook ’n hoogtebeheerfunksie en hidrouliese…

Die wenners van die aand. Van links is dr. Hendrik Smith (finalis vir Gauteng wat as die nasionale Landboukundige van die Jaar aangewys is), dr. Dirk Strydom (wat die toekenning vir nasionale Nuwe Toetreder tot Kommersiële Boerdery ontvang het namens Nkosana Mtimkulu, Noordwes-finalis wat die week voor die prysuitdelingsdinee oorlede is), Lindi Botha (voorsitter van Landbouskrywers SA) en Jan Grey (finalis vir Mpumalanga en Nasionale Boer van die Jaar). Die finaliste vir nasionale Boer van die Jaar. Van links is Dawie Maree (FNB), Janna du Randt (Noordwes-finalis), Lindi Botha (voorsitter van Landbouskrywers SA), Jan Grey (Mpumalangafinalis en Nasionale Boer van die Jaar), en Anton Viljoen (Wes-Kaapse finalis). Die finaliste vir Nuwe Toetreder tot Kommersiële Boerdery. Van links is Andries Wiese (Hollard, borg), Joseph Khahlelia (Vrystaatse finalis), Elize Gerda Beukes (Noord-Kaap),…

Vooruitsigte geensins goed vir graanboere Die artikel “Seisoen begin goed en boere is optimisties” (LBW, 8 Januarie 2026) het betrekking. Iewers het ek, en ek dink baie van my medegraanboere, hierdie “memo” gemis . . . En ek is nie ’n pessimis nie. Ek dink die meeste boere in Suid-Afrika is uiterste optimiste. Ons glo altyd die jaar wat kom, gaan ons beste nóg wees. Daarom bestel ons die saad en kunsmis, gooi diesel in die trekker, ghries alles en laat wiel land toe as dit planttyd is – al het ons die som op die spreivel gemaak, en hy klop nie . . . Die koringbedryf is in ’n krisis. Al jare lank. Die mieliebedryf is geensins agter nie. Soos die Engelsman sê: A special kind of stupid. Dít…

DR. Frikkie Maré, uitvoerende hoof van die nasionale Rooivleisprodusente-organisasie (RPO), sê John Steenhuisen, minister van landbou, se ministeriële taakspan oor dieresiektes “gaan voort om vergaderings te hou en planne te ontwikkel wat nie met die veebedryf bespreek word nie”. Volgens Maré blyk dit dat gesprekke voortduur oor die hervatting van die invoer van bek-en-klouseerentstof van die Botswana-entstofinstituut, asook die moontlikheid om invoer van ander handelsmerke en ander tipes bek-en-klouseerentstof toe te laat. “Dit gebeur egter steeds sonder dat monsters van die jongste veldstamme van bek-en-klouseer na die Pirbrightinstituut (in Brittanje) gestuur word om die doeltreffendheid van die entstowwe te verseker.” Dié instituut is ’n verwysingslaboratorium vir ál die stamme van bek-en-klouseer (BKS) wêreldwyd. Die databasis word bygewerk gehou deurdat lande voortdurend monsters indien van hul jongste uitbrekings. Dr. David Gerber,…

SUID-AFRIKA se winterreëngebied het in 2025 ondergemiddelde reën ontvang, met dele van dié gebied wat baie droog was met die aanbreek van die somer. Die Tuinroete se reënseisoen kan gelykop verdeel word tussen die winter- en somermaande, met ’n neiging na effens meer somerreën, volgens Johan van den Berg, onafhanklike landbouweerkundige. “Baie ernstige droogtetoestande word ervaar by onder meer George, waar 2025 een van die vyf droogste jare sedert 1950 was. Dié droogtetoestande strek ook oor die suidelike en sentrale dele van die Oos-Kaap, waar dit baie droog is op plekke soos Nxuba en Jansenville.” Van den Berg sê die weergeskiedenis toon dat droogtejare agtereenvolgend voorkom, met ondergemiddelde reënval wat tydens verskeie jare gemeet word, hoewel dit nie elke jaar so ernstig is soos wat in 2025 die geval was…

Die planne raak min, maar boere sal doen wat hulle kan om aan te hou boer sodat hulle nog op die plaas is wanneer die koringprys weer verbeter. Hulle verwag ook dat al die ondoeltreffendhede en onbillike reëlings waaroor hulle nie beheer het nie, maar waarvoor hulle dikwels betaal, uitgeskakel sal word. Met die oes van 2025 in die silo’s en planttyd ’n paar maande in die toekoms, het boere ’n blaaskans en tyd om planne te beraam, maar hulle weet reeds dat daar min beweegruimte is. Anton Mouton van Eendekuil sê hulle het “deur die boekie gewerk”, maar daar is nie vars planne vir vanjaar nie. “Ons sal weer saai, ons kan niks anders doen nie. Maar ek is bekommerd oor ons hier op die rand van die koringgebied:…

Die verjaring al dan nie van waterrekeninge sal waarskynlik in die hof beslis word. Verskille hieroor bestaan teen die agtergrond dat die departement van water en sanitasie nie altyd gereeld rekeninge uitreik nie en rekeninge dikwels foute bevat. Janse Rabie, hoof van wetgewing en beleid by AgriSA, sê boere wat meen dat waterrekeninge van ouer as drie jaar nie meer invorderbaar is nie, beroep hulle op algemene verjaringsbeginsels. Daarteenoor hou die departement vol dat invordering steeds kan plaasvind. Gregory Smith, uitvoerende hoof van die Suid-Afrikaanse vereniging vir watergebruikersverenigings (SAAFWUA), sê dié opvatting onder boere het mettertyd posgevat, veral in omgewings waar rekeninge onreëlmatig uitgereik is en historiese skuld opgehoop het. “Boere grond dit hoofsaaklik op hul interpretasie van die Verjaringswet (Wet 68 van 1969), wat bepaal dat sekere skuld ná…

Net sodra sake in die beleërde suikerrietwaardeketting meer belowend lyk, duik ’n ander struikelblok op om die sprankie hoop te verdof. Dié struikelblokke kan ongelukkig net uit die weg geruim word deur Suid-Afrika se regeringsleiers en staatsowerhede, wat skynbaar geen politieke wil of sin van dringendheid het nie. Kenners meen 2025 was weer eens ’n wisselvallige jaar vir die suikerrietbedryf – van kwekers en meulenaars tot markte – wat op sowat R25 miljard gewaardeer word en na raming een miljoen mense se lewensbestaan raak. Hieronder is 27 000 kleinskaalse en 1 100 grootskaalse suikerrietkwekers. Landbouweekblad het met Sifiso Mhlaba, uitvoerende direkteur van die Suid-Afrikaanse Suikervereniging (SASV), dr. Siyabonga Madlala, uitvoerende voorsitter van die Suid-Afrikaanse boereontwikkelingsvereniging (Safda), en dr. Thomas Funke, uitvoerende hoof van die SA Suikerrietkwekersvereniging, oor die toedrag van…

Niks stuit ’n boer met ’n plan nie. Vir die Karooboer PF Theron, ’n groentesaad-en-skaapboer van die Dwars-in-die-Wegboerdery by Matjiesfontein, is planmaak tweede natuur. Een van sy planne was om ’n trekker se grondvryhoogte aansienlik te vergroot – tot veel hoër as wat ’n standaardtrekker kon bied – sodat hy makliker deur sy groentesaadlanderye kan beweeg. Dit maak dit moontlik om die 20% grondoppervlakte wat hy voorheen gebruik het vir trekkerpaaie om deur die landerye te ry, ook te benut vir aanplantings. Die trekker draai ook korter as standaardtrekkers. PF het op die internet na planne begin soek totdat hy die regte oplossing gevind het – ’n oplossing wat hy sommer self op die plaas kon toepas, sê hy. “ ’n Standaardtrekker se vryhoogte onder sy aste is sowat 40…

Powergreen, ’n ware wintertipe voerrog, bied ’n strategiese oplossing om veevoertekorte in die laatwinter en vroeë lente te oorkom. Sy aanpasbaarheid en produksiepotensiaal later in die jaar maak dit ’n ideale komponent in geïntegreerde voergewasstelsels, veral wanneer dit vir tussenverbouing met mielies gebruik word. Hoekom Powergreen? Die afronding van beeste en skape vereis voer wat deurlopend die nodige energie en proteïen lewer, terwyl rumenontwikkeling en raamgroei ondersteun word. Powergreen blink uit met breë blare en ’n hoë ruproteïeninhoud, en lewer ’n droëmateriaalopbrengs van goeie gehalte. Hierdie eienskappe verseker dat groeiende diere optimaal presteer, met minder afhanklikheid van duur konsentrate. Powergreen se vinnige stoelvermoë in die herfs, gekombineer met vroeë lentegroei, skep ’n betroubare voerbron tydens deurslaggewende oorgangstydperke. Dit is veral waardevol in kouer streke waar die voergaping in Augustus en…

Vertel meer oor die ontstaan van jul kruieboerdery. Die Delmas Fresh Herbs-konsep het in 2019 ontstaan en ons het amptelik in Augustus 2020 begin, danksy ’n geleentheid om vars grasuie na Duitsland uit te voer gedurende die Duitse winter, wat perfek saamval met ons Hoëveldse somer. Ons het die onderneming toe in vennootskap met Peter Grundhoefer van Duitsland begin. Ongelukkig het die covid-19-grendeltyd ons bedrywighede vertraag, maar ons was teen die einde van 2021 weer volstoom aan die gang. Grasuie was aanvanklik ons hoofproduk, aangevul deur ’n reeks kruie wat gewild is in die Duitse mark, soos komkommerkruid, kerwel en suring. Die plaaslike gunstelinge sluit in roosmaryn, ment, pietersielie, salie, tiemie, roket en babaspinasie. Ons het ook onlangs met babagroente begin, wat vyf verskillende kleure wortels en drie kleure beet…

Wolmark open klein, maar hoër NET 5 961 bale wol is op die eerste Suid-Afrikaanse wolveiling van die jaar aangebied. Al is die rand sterker teen die dollar, en hoewel Australiese wolveilings eers die week van 12 Januarie sou heropen, was pryse gunstig. Luidens Cape Wools se weeklikse markverslag was mededinging tussen kopers vir wol met volhoubare sertifisering goed. Dit het daartoe gelei dat 94,2% van die aanbod verkoop is. Hoewel die wolaanbod hoofsaaklik langlengte-, fynmikronwol was, was net 20,2% van die Merino-wol wat aangebied is, wol met volhoubare sertifisering. Op 7 Januarie is die hoogste prys van R258,58/kg (skoonwol), oftewel R175,50/kg (vetwol) vir ’n lot van drie bale van 17,4 mikronsterkte Merino-wol betaal. Die markaanwyser vir alle Merino-wol was aan die einde van die veiling 0,3% hoër op R212,57/kg,…

BELOWENDE produksietoestande sal vanjaar nie genoeg wees om die finansiële druk wat lae graanpryse en stygende insetkoste op boere plaas, te troef nie. Hoewel die somergraangebiede in groot dele van Suid-Afrika redelike tot goeie plantestand toon, waarsku Graan SA dat die werklike krisis dié seisoen nie net op die lande lê nie, maar in die “harde ekonomiese werklikheid” van graanproduksie. “Daar is plekke waar die gewasse belowend lyk, maar boere weet ’n mooi land waar die som nie klop nie, is nie ’n volhoubare land nie,” sê Richard Krige, voorsitter van Graan SA. Hy sê boere ervaar toenemende spanning weens ’n kombinasie van lae graanpryse, skerp stygende insetkoste, buitensporige meganisasie-uitgawes en die bykomende koste van oorplantings ná versuip- en standskade. In verskeie somergraanstreke het aanhoudende reënval en vol watertafels tot…

Die Daily Maverick se omstrede toekenning van Dirtbag of the Year vir 2025 aan John Steenhuisen, minister van landbou, het teenstrydige menings ontlok. Daar word onder meer gesê dat dit ’n belangrike en noodsaaklike debat tot ’n beswaddering en moddergooiery verlaag het. Die rede vir die toekenning was glo Steenhuisen se bydrae daartoe dat dr. Dion George as minister van bosbou, visserye en die omgewing deur Willie Aucamp vervang is, wat allerweë gesien word as iemand met ’n baie meer toegeeflike siening oor kwessies soos wildteling, jag en wildboerdery. Soos Manie dit sien, is dit ’n twis tussen diegene wat hulle net vir idilliese omgewingsbewaring wil beywer, soos wat die internasionale omgewingsbewustes dit sien, en aan die ander kant diegene wat die werklikhede van Suid-Afrika in ag wil neem en…

Die Melkprodusente-organisasie (MPO) sê hy begin vanjaar nóg meer onseker as einde verlede jaar oor die stand van sake wat bek-en-klouseer (BKS) en die entstof betref. Hy het sy lede ingelig dat hy regstappe oorweeg, berig Alani Janeke. DIE MPO het sy regspan opdrag gegee om ’n hooggeregshofaansoek voor te berei vir ’n bevel om die regering te dwing om gepaste maatreëls oor die BKS-uitbrekings in te stel. Dít kom nadat die MPO op 8 en 11 Desember prokureursbriewe gestuur het aan die direkteur van dieregesondheid, die minister van landbou en die direkteur-generaal van landbou om sekere stappe ten opsigte van die BKS-situasie in Suid-Afrika te versoek. Luidens ’n brief wat hy op 8 Januarie vanjaar aan sy lede gestuur het, sê die MPO sy regspan het oor etlike maande…

NÁ onlangse voorvalle in Gauteng waartydens weerlig verskeie slagoffers geëis het, waarsku die Suid-Afrikaanse weerdiens mense, veral landelike inwoners, om uiters versigtig te wees. Op 3 Januarie is 40 mense op die dorpie Majaneng naby Hammanskraal in Gauteng deur weerlig getref. Die weerdiens sê op dié dag is van 12:00 tot 22:00 altesame 1 830 weerligstrale aangeteken in ’n radius van 20 km van Majaneng. Volgens die weerdiens is daar dieselfde dag in Noordwes twee mense dood en ongeveer 150 beseer weens weerlig. Volgens inligting aanlyn kan ’n elektriese stroom van minder as 1 ampère ernstige skade en selfs die dood veroorsaak. Die weerdiens sê die weerligstrale in die omgewing van Majaneng was gemiddeld 13 730 ampère. Die weerdiens sê hoewel die meeste weerlig van Oktober tot Maart in die…

Die Melkprodusente-organisasie (MPO) gaan hard baklei dat van die geld wat voorheen deur die melkheffing na die Suid-Afrikaanse Melkprosesseringsorganisasie (Sampro) gegaan het, vanjaar gebruik word om entstowwe teen bek-en-klouseer te koop om die siekte hok te slaan, sê Fanie Ferreira, uitvoerende hoof van die MPO. Die koste van die siekte is vernietigend vir ’n melkboer, en beloop R5 500 tot R6 000 per koei. Vir ’n melkeenheid met 1 000 koeie kos dit die boer dus R5 miljoen tot R6 miljoen in die eerste ses weke. “Ons is regtig bekommerd oor die jongste uitbrekings in die Oos-Kaap,” het Ferreira vroeg vandeesmaand gesê. “Van hierdie uitbrekings is nie baie ver van melkkuddes nie.” Kommer heers veral oor die omgewings van Kookhuis, Nxuba (Cradock) en Alexandria. Entstofprobleme Ferreira is ook bekommerd oor…

Net soos sy name, Willem Abraham (WA) de Klerk, van sy oupa en sy pa na hom oorgedra is, is die plaas Benderag buite Ugie in die Oos-Kaap deur geslagte heen oorgedra. Die volgende Willem Abraham, wat tans op die skoolbanke van die Hoër Landbouskool Marlow sit, sal waarskynlik die boerdery na die volgende geslag neem. “Daar is min mense wat dieselfde voorreg as ek het. Ek het anderdag 50 geword en bly al my hele lewe lank hier. Daar was nooit ’n rondtrekkery nie. Dit is waar ek grootgeword het, dit is wat ek ken en dit is waar ek wil wees,” sê Willem. Hy is ook baie dankbaar vir sy pa, wat op 84 steeds by die boerdery betrokke is. “Hy is baie lief vir die vee en…

Veilige drinkwater vir afgeleë gebiede Die innoverende Rubicon Micro-watersuiweringsoplossing van Ezemvelo Eco Solutions maak veilige drinkwater nou beskikbaar vir mense in afgeleë gebiede waar watergehalte ’n probleem is. Hierdie omgewingsvriendelike, chloorvrye waterontsmettingsmiddel roei tot 99,9% van gevaarlike mikro-organismes soos E. coli, cholera en salmonella uit, sonder om skadelike neweprodukte te vorm. Elke 3,5 g-sakkie suiwer tot 25 liter besoedelde water en is reukloos, smaakloos en nie-giftig. Die produk is deur die Wêreldgesondheidsorganisasie en die Suid-Afrikaanse departement van gesondheid goedgekeur vir menslike gebruik. Omdat water danksy die produk nie gekook hoef te word nie, verminder dit boonop energieverbruik. Nog ’n omgewingsvriendelike produk, Rubi-Floc, gebruik elektriese aantrekkingskrag om al die klein vuilighede in water in groot hompe bymekaar te trek, wat dan maklik uitgefiltreer kan word of na die bodem kan sak.…

Die beste eienskappe van die bande van ses verskillende vervaardigers is in Landbouweekblad se Bande-reeks getoets. Nardus Eksteen, nasionale verkoopsbestuurder van Apollo Tyres, sê die Apollo Apterra AT2 265/60 R18-band wat dié dag getoets is, bied veiligheid op die pad en ’n stewige greep onder enige omstandighede. “Dit is ’n band met ’n drielaag-sywand en ’n binnestruktuur onder die loopvlak en sywand wat uit drie versterkingslae bestaan. Die veelrigting-blokpatroon bied puik vastrap in alle omstandighede en danksy die sywand se ontwerp kan die band in sanderige toestande met gerustheid tot laag afgeblaas word. Ons het ’n beproefde rubbersamestelling in die band geïntegreer, wat beteken dat sy werksduur werklik fenomenaal is.” Nardus sê die blokpatroon op die loopvlak is ook ontwerp om beter waterverplasing te bied om groter veiligheid in nat…