Índice para 10 July 2025 em Landbouweekblad

Spore van sukkel Stropers en trekkers se spore lê op 16 Junie in ’n landery op DJ van der Linde se plaas in die distrik Vierfontein, wat omtrent halfpad tussen Orkney in Noordwes en Viljoenskroon in die Vrystaat geleë is. Ná ’n droë vroeë en middel-seisoen en toe swaar reën in Maart en April vanjaar het boere steeds plek-plek hul hande vol om somergraangewasse gestroop te kry. Party se stropers het middel Junie, meer as ses weke nadat baie reën weke lank oor die gebied uitgesak het, steeds vasgeval. “Ál ons boere moet ná vanjaar ’n sertifikaat in ’n gevorderde 4x4- (party tot 6x10-) en ’n uitsleepkursus kry,” sê DJ. In party van sy sojalanderye kon hy teen druktyd steeds nie stroop nie en trap meer as enkeldiepte in die…

Hoekom is groot dele van die platteland in Noordwes dikwels sonder krag? Die groot rede hiervoor is swak onderhoud en ’n gebrek aan instandhouding, asook ’n tekort aan voertuie en onderdele. Daar is byvoorbeeld voortdurend ’n tekort aan kabels en transformators. Die gewilligheid om te werk en bevoegdheid is ook ’n probleem. Naby Lichtenburg het ’n boer se werkers vir agt weke nie krag gehad nie. Toe Eskom uiteindelik uitkom, het dit net tien minute geduur en toe is die krag aan. Daar was dus nie onderdele nodig nie – hulle het bloot nie aandag aan die boer se klagte gegee nie. Swak kommunikasie sluit hierby aan. Foute word aangemeld op een van die Eskomstelsels, byvoorbeeld Alfred, via WhatsApp, en dan kom die klagtes nie altyd by die regte plaaslike…

Sedert John Rhys Evans in 1945 sy eerste Sussex-beeste aangekoop het – op aanbeveling van sy vriend dr. H.J. Orford – het drie geslagte van die Evans-familie van Viljoenskroon die Huntersvlei-stoetery met visie, passie en volgehoue verbetering opgebou. Agter elke suksesvolle stoetkudde staan ’n span mense. Huntersvlei bring hulde aan die bestuurders, veewagters, beeskundiges en eggenote wat die stoetery en ras deur die jare ondersteun en help ontwikkel het. Erfenis van bloedlyne Van die invloedrykste genetiese bydraers sluit in Brookeshall Thunderbolt III (aangekoop in 1951) en die legendariese Huntersvlei Nicholas II – gouebekerwenner van 1964. Vandag kan baie van Huntersvlei se diere na dié bulle teruggespoor word. Huntersvlei het ook teelmateriaal van ander toonaangewende plaaslike telers gebruik – onder meer Smartt-Syndicate, Shackleton, Avoca, Platdrif, Nugget, Bosworth en Brookeshall – asook…

OP die laaste wolveiling van die afgelope somerseisoen – terwyl die randwisselkoers van R17,71 tot R17,81 verstewig het – is ’n groot aanbod van 11 618 bale gelewer. Nogtans was die mededinging straf onder kopers vir goeie styl en langer lengtes. Luidens die Cape Woolsmarkverslag is wol van verskillende lengtes aangebied, met 67% van die aanbod wat uit wol van ’n fyner mikron bestaan het. Volhoubaar gesertifiseerde wol het 60,7% van die aanbod uitgemaak. Sowat 96% van die langerlengte-wolskeersels is verkoop. Die Merino-indeks was onveranderd op R173/kg, terwyl pryse vir gesertifiseerde wol met 0,3% tot R177/kg gestyg het. Die hoogste prys van R254/kg (skoon) is betaal vir ’n enkelbaal van 15,3 mikron. Isak Staats, hoofbestuurder van BKB, sê die wolmark het die afgelope seisoen redelik konstant gebly. “Wolpryse is ver…

NUWE tegnologie wat dit moontlik maak om die DNS van lewende organismes in die lug, grond en water vas te vang en te ontleed, kan groot voordele tot gevolg hê vir die landbou, omgewingsbewaring en menslike gesondheid. Die ontleding van “omgewingsDNS”, die mikroskopiese deeltjies genetiese materiaal wat lewende organismes in die water, lug of grond uitskei of afwerp, bied ’n manier om vas te stel of spesifieke diere in ’n gebied voorkom, asook watter verskeidenheid diere en mikroorganismes in ’n gebied is. Dit kan help om habitats vir bedreigde diere te beskerm. Organismes wat siektes by mense, plante en diere kan veroorsaak, kan ook betyds waargeneem word. ’n Onlangse plaaslike voorbeeld van die ontleding en praktiese gebruik van omgewings-DNS – ook eDNS genoem – was toe die trust vir bedreigde…

Binne die beskermde omgewing van nethuise groei duisende bloubessiestruike in netjiese rye, swaar gelaai met nuwe vruggies, by Ralindo 40 Bloubessies buite Witrivier. Dit is egter nie die goeie reën vanjaar wat die bloubessies op hierdie plaas laat floreer nie, maar eerder die manier waarop arbeid, produksie en watertoediening bestuur word om saam met die klimaat die beste uit die kultivarkeuses te haal. Ralindo 40 Bloubessies is ’n familie-onderneming. Hennie Bekker, die hoofbestuurder en ’n landboukundige, het saam met sy skoonpa en die eienaar, Eugene Gouws, besluit om sy uitgebreide kennis in te span om ’n suksesvolle boerdery op die been te bring. “As konsultant by Omnia het ek baie ervaring opgedoen oor die bemesting van gewasse, van druiwe tot makadamias, sitrus en bessies,” sê Hennie. Saam met Hendré Ferreira,…

Volhoubare landbou in die Olifantsriviervallei met sy diverse boerderyvertakkings en landboubesighede word op 30 Julie op ’n konferensie bespreek wat boere en wetenskaplikes in die produktiewe vallei byeenbring om oor oplossings te praat. Kom luister na planne om probleme met die vernietigende tamatieblaarmyner (Tuta absoluta) te bowe te kom, aangebied deur Anna van der Merwe, ’n wetenskaplike en Laeveld Agrochem-franchisee. Leer meer oor hoe mikroorganismes in die grond tot voordeel van die landbou benut kan word in die voorlegging van Jared Prinsloo, tegniese beampte by Sporatec (US). Klimaatsake kom in die soeklig in die praatjie van prof. Stephanie Midgley van die Wes-Kaapse departement van landbou oor die vooruitsigte vir klimaat in die vallei. Boerepaneel vir saampraat en leer ’n Paar boere is genooi om deel te neem aan ’n paneelbespreking…

Die kommersiële private lugvaartbedryf, wat bedrywe soos toerisme, die landbou, natuurbewaring en brandbestryding ondersteun, is aan die vooraand van die brandseisoen op die randjie van ’n afgrond. Dit is te wyte aan die Suid-Afrikaanse Burgerlugvaartowerheid (BLO) se versuim om wetgewing oor enjinopknappingsmaatreëls bevredigend aan te pas. Die kwessie handel oor die herroeping van die lugvaartinligtingsomsendbrief (AIC) 18.19. Dit was ’n vrystelling en ’n alternatiewe metode van voldoening deur gereelde enjininspeksies om veilige en voortgesette lugwaardigheid te verseker. Die reguleerder vereis nou dat vliegtuie met enjins van ouer as 12 jaar opgeknap moet word voordat dit weer in diens geplaas kan word. Dit sluit vliegtuie en helikopters met Textron-Lycoming- en Teledyne Continental-enjins, en moontlik ander enjins in. Voorheen kon ’n vliegtuig of helikopter kommersieel vlieg met ’n enjin van ouer as…

Produsente neem jaarliks voor die nuwe plantseisoen belangrike besluite wat die uitkoms van daardie seisoen gaan bepaal. Dikwels word dit op grond van persoonlike voorkeure, ’n gevoel of ervaring van die vorige seisoen geneem. “Produksiebesluite bepaal in ’n groot mate die seisoen se sukses. Met die regte besluite kan die produsent nie net ’n goeie opbrengs behaal nie, maar ook van die onvoorspelbare omgewingsfaktore versag. “Daarom is dit belangrik dat besluite op grond van inligting geneem word. Kennis oor die produk, die spesifieke landery waarop geplant gaan word en die verwagte omstandighede is belangrik,” sê Hendrik van Staden, besigheidshoof van Syngenta Saad vir Sub-Sahara-Afrika. Kies die regte produk “Die regte basterkeuse, gepaste bewerkingsmetodes, grondbestuur, bemesting, plantdatum en plaag- en siektebekamping kan opbrengste ’n hupstoot gee binne ’n bepaalde seisoen.” Met…

Die Ford Ranger het lankal reeds sy stempel op die boerebakkiemark afgedruk. Boere het onlangs die Ranger se bielie van ’n ouboet, die V6 Raptor, in Landbouweekblad se Dubbelkajuitbakkie vir ’n boer-reeks toetsbestuur en die manne kon nie anders as beïndruk te gewees het nie – Ford-man of nie. “Dié bakkie het ’n V6-petrolenjin van 3 liter met dubbele turbo. Dis ideaal vir boere wat ruwe terrein moet aandurf. “Sy krag en vermoë om moeilike terreine aan te durf, is ongeëwenaar,” sê Kaveer Soman Beni, produk-en-handelsmerkbestuurder vir Ranger en Everest in Suid-Afrika. Om te sê die Raptor het krag, is om dit ligtelik te stel. Die boere wat die bakkie getoets het, het woorde gebruik soos “monster”, “sprakeloos”, “in ’n ander klas” en selfs ’n paar woorde wat uitgebliep moes…

In ’n mark waar wynmakers vinnig moet aanpas by nuwe omstandighede, kan dit lotsbepalend wees vir wynkelders om suksesvol te wees op die Trofeewynskou. “Suid-Afrika se wynkopers weet dat ’n prys wat hier toegeken word, ’n waarborg van gehalte is. Daarom is dit gelykstaande aan die boerpot om een van die 40 goue toekennings te wen,” het Michael Fridjhon, skouvoorsitter, tydens vanjaar se toekenningsplegtigheid op Stellenbosch gesê. Benewens die wenner-wynkelders se verkope is daar verlede jaar binne enkele dae nadat die trofeewenners aangekondig is, sowat R2 miljoen se Trofeewynskou-wyn deur Port2Port, die aangewese wynkleinhandelaar, verkoop. “Die Trofeewynskou sorg vir meer verkope as enige ander kompetisie of wyngids,” meen Michael. Hagen Viljoen, keldermeester by die Zevenwacht-wynlandgoed by Kuilsrivier, wat vanjaar drie trofeë én die eerste Kampioenwynmaker van die Jaar-trofee gewen het,…

Manie sou dink nadat AfriForum se besoeke aan Amerika om Afrikaners se lot te bepleit, so effens in sy gesig ontplof het, daar nie verdere selfverkose verteenwoordigers sou wees wat dié pelgrimstog aandurf nie. AfriForum is onder meer deur die ANC daarvan beskuldig dat hy net groter verdeeldheid saai en met sy veldtog Suid-Afrika se internasionale beeld skade berokken, dat dié aksies grens aan verraad en dat dit onpatrioties is. Dit is sekerlik enige organisasie se reg om sy saak te stel, soos wat AfriForum gedoen het, maar Manie wonder tog of ’n besoek aan Amerika enigsins iets aan Suid-Afrika se beleid sal verander, of dalk net groter verdeeldheid in die land sal saai. Om by Amerika oor plaaslike beleid te gaan kla, is omtrent so doeltreffend soos om by…

KARAN Beef het sy kliënte einde Junie per brief van dié nuwe vereiste in kennis gestel. Groot verwarring het geheers nadat dit uitgelek en versprei is asof dit van die RMIS kom. Henk Groenewald, Karan Beef se algemene bestuurder, sê hulle is omgekrap dat iemand dié brief laat uitlek en op WhatsApp en sosiale media versprei het asof dit ’n boodskap vanaf die RMIS is. “Ons het dié besluit geneem en dit aan ons kliënte gestuur. Dit kom nie van die RMIS af nie! “Êrens moet iemand iets begin doen. Hoe lank wil ons net bly praat oor naspeurbaarheid? Die RMIS het baie werk gedoen en ’n goeie stelsel daargestel, maar dit word nie baie gebruik nie. Ons moet gebruik wat beskikbaar is om ons bedryf te bevorder en veilig…

MET die een oog op die moeilike strooptoestande in Suid-Afrika is die ander een op Amerika se plantseisoen. Hoewel die kanse swak is dat ’n seisoen hom in die volgende jaar herhaal, dui weermodelle en -vooruitsigte tans daarop dat die stand van die El Niño Suidelike Ossilasie (Enso) dieselfde is as wat in die 2024-’25-seisoen voorgekom het. Volgens die onafhanklike landbouweerkundige Johan van den Berg, is daar tans aanduidings dat die see-oppervlaktemperature weer na neutraal tot swak La Niña-neigend kan neig, net soos verlede jaar. “Die kanse dat ’n El Niño-stelsel gaan voorkom, is ongeveer 10%, wat dus beteken dat daar ’n byna 90% waarskynlikheid vir neutrale tot La Niña-neigende toestande is.” Die reënvalvooruitsig dui op min reën, veral in die winter, lente en eerste deel van die somer van…

INGEVOLGE die ooreenkoms onderneem die plaaslike bedryf om nie meer geografiese indikators (GI’s) soos “port” en “sjerrie” te gebruik om sy produkte te beskryf nie. Die wyn-en-spiritualieëfonds is op Donderdag 19 Junie op Franschhoek van stapel gestuur. Swart plaaswerkers, swart eienaars van wynhandelsmerke en swart plaaseienaars is die regstreekse begunstigdes. Sterk klem sal ook op die bemagtiging van vroue gelê word. “Die doel is opleiding en vaardigheidsontwikkeling en om gelyke toegang tot grond te bewerkstellig, maatskaplik-ekonomiese ontwikkeling te bevorder en toegang tot plaaslike en internasionale markte uit te brei,” het Kwena Komape, adjunk-direkteur-generaal van die departement van landbou, gesê. Die EU en Suid-Afrika het destyds ingevolge die ooreenkoms vir handel, ontwikkeling en samewerking, wat sedert 2000 van krag is, ook ’n ooreenkoms gesluit. Dit is van 2002 af gereed en…

Dit begin gewoonlik by ’n stuk gelamineerde plastiek wat aan ’n heiningdraad wapper. As jy gelukkig is, sien jy dit raak en reageer op die advertensie wat jou inlig daar’s mense wat in jou omgewing wil myn. In ons geval was dit ’n aankondiging dat iemand vir kalk op ’n plaas in die Windsor-area naby Riversdal wil prospekteer. Die volgende dag stel ons vas die aansoek is deur twee Riversdalse boere, Pieter van Wyk en Gideon van Eden, geregistreer onder die naam Windsor Kalk. Hul permitaansoek word gedryf deur die maatskappy Milnex, met sy hoofkantoor in Potchefstroom. Binne dae word ons, soos soveel ander boere, ingesuig in ’n verstommende en uitgerekte stryd waartydens jy gebombardeer word met wavragte dokumente, tabelle en impakstudie-gonswoorde. Jy het nie ’n keuse nie, jy moet…

STIKSTOFKUNSMIS is noodsaaklik vir landbouproduksie, maar in oormaat kan dit mense se gesondheid en die omgewing beïnvloed. Die gebruik van stikstofbemesting in die landbou kan stuifmeelallergieë, wat hooikoors insluit, vererger, luidens navorsing wat onlangs in The Lancet gepubliseer is. Die navorsers het stikstofverrykte weiveld met normale weiveld in Hageland, België, vergelyk, en bevind dat stikstokverrykte gebiede ses keer meer stuifmeel geproduseer het vergeleke met onbemeste gebiede. Volgens die basofiel-aktiveringstoets, wat gebruik word om allergieë te diagnoseer, is die allergiese potensiaal van die stuifmeel van die bemeste gebiede vyf keer hoër as dié van onbemeste gebiede, berig The Telegraph oor die navorsing. Meer allergieë wêreldwyd Navorsers sê hierdie bevindinge kan gekoppel word aan die stygende voorkoms van stuifmeelallergieë wêreldwyd. Talle mense loop deur onder stuifmeelallergieë soos hooikoors, asma en konjunktivitis (inflammasie…

Om op so ’n jong ouderdom reeds wyn onder haar eie naam te maak, het nie sommer oornag vir Léze Herholdt gebeur nie. Dit het harde werk en opofferings gekos om daar te kom, maar daar was ook hulp van mentors, vriende en kontakte. Sy het op ’n graan-, wingerd- en veeplaas by Philadelphia grootgeword en wou van jongs af ’n wynmaker word. Nadat sy die rolprent A Good Year gesien het, was dit haar ideaal om in Frankryk wyn te maak. Hoewel Léze hierdie ideaal verwesenlik het, is sy deesdae eers weer betrokke by elke stap om wyn van Sémillon-druiwe van Franschhoek en Grenache noir van Piekenierskloof in die bottel te kry. Sy het op dié kultivars besluit en wingerde gevind wat druiwe produseer van die gehalte en deur…

Die gebrek aan betroubare internet in landelike Suid-Afrika belemmer al jare lank die volle benutting van slimboerdery-tegnologie. As Starlink, Elon Musk se satellietgegronde internetdiens, wel uiteindelik plaaslik beskikbaar raak, kan dié struikelblok dalk iets van die verlede wees. Boere en tegnologiekenners weeg egter die voor- en nadele van die stelsel sorgvuldig op, en die konsensus is: Starlink kán ’n groot verskil maak, mits dit reg verstaan en gebruik word. Die gebruik van slimboerdery-tegnologie – van outomatiese stuur tot afstandbeheerde besproeiing – berus toenemend op internetverbinding. Hoewel die toerusting self dikwels sonder internet funksioneer, vereis dit ondersteunende platforms, soos wolkgegronde data-ontleding, masjiendiagnostiek en aanlyn monitering, wat betroubare hoëspoedverbinding verg. Lieb Venter, besturende direkteur van FarmVision, sê Starlink se betroubare, koordlose hoëspoed-internet kan boere help om die volle voordeel uit wolkgegronde platforms…

’n Bakkie is nie net ’n voertuig nie – dit is ’n verlengstuk van die lewe wat jy lei. Die Ford Ranger pas perfek by ’n besige lewenswyse: robuus genoeg vir harde werk, gesofistikeerd genoeg om hedendaagse struikelblokke te oorkom en avontuurlustig genoeg om grense te verskuif. Of jy aan ’n droom bou of net daagliks jou kant bring – die Ford Ranger is gereed vir die taak. Slim ontwerp vir slim werk Die Ford Ranger is veel meer as krag op papier. Dit is doelgerig ontwerp vir mense wat resultate wil behaal in hul werk. Dié bakkie spreek tot die boer, die bouer en die baanbreker – met modelle wat by verskillende behoeftes en lewenstyle pas. Bousteen van jou besigheid Die Ranger XL is die ideale vennoot vir kleinsake-eienaars…

As sowat 90% van alle ysterertsreserwes in Europa in Skandinawië te vinde is, met yster- en staalnywerhede eeue gelede reeds gevestig en met ’n landbousektor as ’n belangrike deel van die ekonomie, is dit nie vreemd dat landboutrekkers al meer as ’n eeu gelede daar vervaardig is nie. Die Valtra-trekkers uit Finland wat tans in Suid-Afrika verkoop word, het ’n indrukwekkende stamboek wat teruggespeur kan word na die stigting van twee Sweedse maatskappye, Bolinder en Munktell, byna twee eeue gelede. Dié twee het in 1932 saamgesmelt om Bolinder-Munktell te vorm. Een van hul uitvoerprodukte was trekkers. Volvo het gedurende die Tweede Wêreldoorlog met die samewerking van B-M reeds ’n trekkerreeks op die mark gehad, maar dit was nog nie ’n “wen-trekker” nie en hy wou na alle waarskynlikheid ’n “beter”…

Opname wys landbou groei stewig DIE totale inkomste van die plaaslike landboubedryf in 2023 was R491,7 miljard, wat dui op ’n toename van 6,8% per jaar vergeleke met die inkomste van R332 miljard wat in 2017 in ’n sensus van die kommersiële landbou gemeet is. Die 2023-opname deur Statistieke SA, wat pas bekend gemaak is, was die eerste grootskaalse opname sedert 2017. Die grootste bydraer tot die inkomste was lewende hawe met R186,1 miljard (37,8%), gevolg deur gemengde boerdery met R115,9 miljard (23,6%) en tuinbou met R103,5 miljard (21%). Die provinsie wat die meeste tot die totale inkomste bygedra het, was die Wes-Kaap (R100,9 miljard), gevolg deur die Vrystaat (R80,2 miljard), Gauteng (R55,5 miljard), Mpumalanga (R52,2 miljard) en Noordwes (R52,2 miljard). Volgens die opname was die totale aantal werknemers in…

GRAANBOERE se stryd met die 2024-’25-somerseisoen het nou verskuif na silo’s en die mieliemark. Dié seisoen het begin met uiters moeilike toestande toe reën in die eerste helfte skraps was en baie droë toestande veroorsaak het dat veral vroeë aanplantings swaargekry het, of dat daar oorgeplant moes word. Dit is opgevolg deur baie nat toestande, veral in Maart en April, wyd in die somergraanstreek. Dié toestande het daartoe bygedra dat meer graad 2- en graad 3-witmielies tans aan die silo’s gelewer word. Dit plaas druk op die mark vir geelmielies, veral wat graad 2 en graad 3 betref. Gevolglik sukkel verkopers om ’n mark vir graad 2-en graad 3-geelmielies te kry of om pryse vir boere vas te maak. Boere met wie Landbouweekblad gepraat het, sê ná twee moeilike oesjare…

DIE regering se begrotingstekort het ’n wye impak op die land. Een van die gevolge daarvan is dat die begroting wat vir die spanne van Werk met Vuur (WoF) beskikbaar is, vanjaar met 17% besnoei is. As gevolg hiervan is verskeie werknemers van WoF afgelê. Minder spanne én minder hulpbronne sal dus vanjaar beskikbaar wees om brande te beveg. Saam met ruie plantegroei, veral nadat swaar reën laat in die somer wyd oor die somerreënstreek geval het, skep dit ’n resep vir ’n moontlik erge brandseisoen. “Dit gaan beslis ’n interessante brandseisoen wees,” meen Johann (Savage) Breytenbach, bestuurder van die Vrystaatse sambreelbrandbeskermingsvereniging (VSSBBV). Simon Thomas, hoofbestuurder van die KwaZulu-Natalse brandbeskermingsvereniging (KZNBBV), sê hulle is veral bekommerd oor die impak wat die afwesigheid van ’n helikopter om brande in dié provinsie…

Sekere lande in Afrika suid van die Sahara kan selfvoorsienend ten opsigte van stapelvoedselgrane wees deur opbrengste te verhoog of groter oppervlaktes te beplant. Hierdie optimistiese verwagting volg nadat selfvoorsienendheid van 2010 tot 2020 verbeter het, al het die bevolking van die streek met 29% toegeneem. Na verwagting sal meer as die helfte van die toename in die wêreldbevolking in Afrika suid van die Sahara wees, en die vraag na voedsel sal tot 2050 verdubbel in lande soos Burkina Faso, Ghana, Mali, Niger, Nigerië, Ethiopië, Kenia, Tanzanië, Uganda en Zambië. Martin van Ittersum van die Universiteit van Wageningen in Nederland en ander navorsers van universiteite in Europa, Afrika en China het bevind dat groter produksie van graan, en selfs selfvoorsienendheid, teen 2050 moontlik is omdat groter gebiede reeds beplant word…

Indringerbosse verdring nie net gras nie, dit kniehalter ook ’n veeboer se vordering. Die uitroei van sulke bosse is noodsaaklik, maar daarna moet sinvolle wisselweiding met die regte soort diere volg. Willie Storm van Olifantshoek het hierdie strategie begin volg, in die proses waardevolle riglyne ontwikkel en sy veld die afgelope 36 jaar sodanig verbeter dat die drakrag al baie gestyg het. In sommige dele waar hy aan die begin net een bees op 21 hektaar kon aanhou, is die drakrag nou al een grootvee-eenheid (GVE) op 5 hektaar. Iets moes gedoen word ... Willie vertel sy pa was ’n goeie skepper van infrastruktuur, maar was nie baie weidingsgeoriënteerd nie. Soms het die vee te lank in een kamp gewei. “Ek het besef ek moet iets aan die weiding doen…

Die kernvraag bly: Hoe kan die landbou opbrengste en gehalte maksimaliseer met minder water? Die antwoord is onder ons voete: Deur te verstaan hoe water deur grond beweeg, kan besproeiing doeltreffend beplan word om optimale plantprestasie te verseker. Ken die grond Elke grondsoort het spesifieke eienskappe wat waterbeweging beïnvloed. Met drupbesproeiing word water op een punt by elke drupper toegedien en ’n benatte sone vorm onder die drupper. Die grond se fisieke eienskappe, saam met die drupper se vloeitempo, bepaal die grootte en vorm van hierdie sone en hoe die water in die grond versprei. Wortels het suurstof nodig. Daar moet ’n balans wees tussen lug en water in die grondporieë. Wanneer water in die grond indring, verdring dit die lug. Met drupbesproeiing skep dit ’n suurstofgradiënt in die wortelsone.…

1 Grootkampioen-Brahman-bul, HLB 2231. Eienaar: Hoër Landbouskool Boland-stoetery (021 869 8143), Paarl. Van links is David Lombaard (hanteerder) en Miles Dicke (senior beoordelaar). 2 Junior kampioen vroulike Hereford en junior opperste kampioen Hereford, BMH 220118. Eienaar: Bertus Mong (082 947 0701), PP Mong-trust, Villiersdorp. Van links is JC en Anton Swart van JC Butchery (borg), Fachulyn Kotze (kuddebestuurder) en Pablo Mabhojala (hanteerder). 3 Rooi Angus-kampioenbulkalf en opperste kampioen-bulkalf, SCJ 230105. Eienaar: Seymour Currie, Joyce’s Angus-stoetery, Malmesbury. Van links is Sandra van Wyk van Spitskop Stene (borg), Leeroy Afrikaner (hanteerder) en Seymour Currie (eienaar). 4 Senior en grootkampioen-Hereford-bul en senior opperste kampioenbul, DVB 210045. Eienaar: Danie van Breda (082 850 6101), Ja-Niel-Hereford-stoetery, Riebeek-Kasteel. Van links is Dries de Villiers (kuddebestuurder), Pieter van Wyk van Spitskop Stene (borg en voorsitter van die…

Rekords spat op Royal Genetics-veiling DIE deelname van ’n bou-entrepreneur van Mbombela aan die tweede produksieveiling van Royal Genetics by Modimolle het vir opslae en rekordpryse gesorg. Lenon Nkosi het nie net rekordpryse vir ’n Savanna-ram en -ooi betaal nie, maar sy bydrae was meer as ’n derde van die omset van sowat R3,5 miljoen. Danie Strauss, afslaer op die veiling wat op 7 Junie by Castle de Wildt gehou is, sê die hoë vraag na gehalte-vleisbokke het duidelik op die veiling geblyk. Die rekordprys vir ’n Savanna-ram is nou R400 000, en ses Savanna-ooie het die vorige rekord vir ’n ooi van dié ras oortref. Die ram was die reserwe-tweetandkampioen op die afgelope Boerbokkampioen- skapsbyeenkoms tydens die Bloemskou. Die verkopers van die ram is Andrew Roberts en Ju-Mari Pretorius…