Índice para 6 March 2025 em Landbouweekblad

‘Oesreddende’ reën Vir talle boere in Noordwes is daar weer hoop nadat “oesreddende reën” middel Februarie begin uitsak het. Een van die boere wat gedink het dis neusie verby vir van sy gewasse, is Evert Pretorius wat buite Stella boer. Hy het op 13 Februarie uit die bloute 104 mm gekry en teen 19 Februarie het sy reënval op 232 mm gestaan. Op dié foto is sy kinders, Jannie (7) en Elandrie (10), wat nét so bly was soos hul pa oor die dam water waarin hul mielies staan. “Jy weet mos wat hulle sê — ’n boer se bekommernisse word met reënwater opgelos,” het hy aan Suzanne Venter gesê. “Van ons ouer mielies wat al in die saad is, het begin vrek, en ek het moed opgegee met van…

Manie hoor by sy kollegas John Steenhuisen, minister van landbou, het ’n mediakonferensie gehou om misleidende inligting oor hom en sy departement op te klaar. Dié sessie is gereël om onder meer inligting op Sakeliga se webtuiste oor John en die departement se beleid oor swart ekonomiese bemagtiging in die landbou reg te stel. Hy’t toe ook die geleentheid gebruik om te sê hy hoor daar is boere wat glo dat hy wat John is ingevolge die nuwe Wet op die Bewaring en Ontwikkeling van Landbougrond sal kan besluit met wat ’n boer op sy of haar plaas mag boer. Die wet is op 27 Januarie bekragtig. Hy het verduidelik dat dié wet boere en landbougrond beskerm teen mynbou- en/of ontwikkelingsaansoeke wat belangrike landbougrond in die visier het. Dit hou…

’N BELANGRIKE gevolg van die regering se mislukking in die uitvoering van sy planne is dat die ontwikkeling en vestiging van swart boere ernstig in die wiele gery is en hulle, net soos in die tydperk voor 1994, steeds agterbly. Die oorsig oor die groei wat in die afgelope drie dekades in die landbou behaal is, is op 12 Februarie deur die buro vir voedsel- en landboubeleid (BFAP) met die samewerking van die buro vir ekonomiese navorsing aan die Universiteit Stellenbosch uitgereik. In die publikasie, getiteld Agriculture in South Africa in the Democratic Era: 1994-2024, word ’n ontleding van die landbousektor gedoen teen die agtergrond van die makroekonomiese en beleidsverskuiwings wat die sektor in dié tydperk beïnvloed het, asook hoe die verbruik, handel en produksie van landbouprodukte in dié tydperk…

Muskiete vlieg nie baie hoog nie – en bly meestal naby die grond om juis nie deur die wind weggevoer te word nie – maar soms kan hulle meer as 100 m in die lug opgelig en ver van hul basis gewaai word. Kai Kupferschmidt, Science se joernalis in Berlyn, Duitsland, skryf op Science.org dat muskiete en wind ’n belangrike rol in sommige siekte-uitbrekings in Afrika kan speel. Waar daar min wind is, vlieg die muskiete stadig en laag. Hulle vlieg hoogstens 1 tot 1,5 meter per sekonde, wat beteken dat hulle in hul leeftyd nie baie ver vlieg nie. Tovi Lehmann, ’n muskietekoloog aan die nasionale instituut vir allergie en aansteeklike siektes in die Amerikaanse deelstaat Maryland, skryf in ’n artikel oor muskiete in Mali, wat in 2019 in…

Slenkdalkoors veroorsaak nie net groot veeverliese nie, maar hou ook ’n ernstige bedreiging vir mense in en kan tot sterftes lei. Selfs jagters se gebruik om nuweling-jagters se gesig met bloed te besmeer en hulle te vra om rou lewer as ’n soort van inisiasie te eet, word bevraagteken omdat wild wat die siekte het, dan daardie mense kan aansteek. Met die vorige groot uitbreking van slenkdalkoors in 2010 het boere se verliese na raming sowat R2,253 miljard beloop. Dis benewens die grootskaalse indirekte skade weens genetiese en voortplantingsverliese. Dr. Faffa Malan, raadgewende kenner van veegesondheid van Pretoria, vra veeboere ernstig om oplettend te wees. Die toestande is gunstig vir ’n nuwe uitbreking vanweë goeie reën wat in baie dele geval het. Die Ano- phele-muskietspesie wat dié virussiekte na skape, bokke,…

Aangeplante weidings op die Hoëveld is in baie gevalle ’n belangrike vertakking van gediversifiseerde boerderye, hoewel boere se benutting daarvan verskil. Elke boer se manier van weidingsbestuur is anders, en bepaal dan hoe hy sy insette wil bestuur om die hoogste netto boerdery-inkomste per hektaar te genereer. Om te verseker dat genoeg droëmateriaal van gehalte geproduseer word, verg ’n fyn balans tussen bemesting en die bestuur van optimale pH- en fosfaatvlakke in die grond, asook van elemente soos kalium, swael, kalsium, magnesium en stikstof. (Mikro-elemente is ook belangrik, maar word nie in dié artikel bespreek nie.) Weidings was histories gesproke die stiefkind wat onderhoud betref, maar boere gee al hoe meer aandag daaraan. Dit geld spesifiek vir bemesting om te verseker dat ’n topopbrengs van ’n goeie gehalte verkry word…

Die terugvoering van die groep boere wat die Escorts Kubota Xtreme TLB op Landbouweekblad se TLB vir ’n Boer-dag op die proef gestel het, was deurlopend gunstig. Hierdie werktuig, wat met ’n kragtige Kirloskar 4R1040TA-dieselenjin van 66,2 kW toegerus is, sal sy plek op die plaas dubbel en dwars vol staan. Kry vir jou ’n Kubota Terwyl werktuie vir grondverskuiwing en bouwerk oorwegend geel is, val die Kubota op met sy kenmerkende Kubota Bright Orange, die maatskappy se amptelike kleur. “Kubota se hoofkantoor is in Osaka in Japan, maar die maatskappy het meer as 30 fabrieke oor die wêreld heen. Sy vennootskap met Escorts, ’n Indiese maatskappy wat landbouwerktuie vervaardig, beteken dat die Xtreme nou in Indië gebou word en van daar wêreldwyd versprei word. “Boere kan dus weet dat…

Een van die gewildste produkte in Tal-Tec se reeks is die sirkel-drukkraal, ’n innoverende oplossing wat enige boer se beesboerdery kan verbeter. Hierdie drukkraal werk met ’n sirkelvormige beweging om die beeste op ’n natuurlike manier te lei. Dit verminder spanning by die diere, maak die werkproses gladder en veiliger, en minder werkers is nodig. Buigsame opsies Tal-Tec se drukgange is in 3 m-seksies beskikbaar en word met bo- en onderstutte versterk. Dit keer dat die beeste die drukgang kan omstoot, wat die veiligheid van die diere én die boer verbeter. Boere kan die drukgang volgens hul spesifieke behoeftes uitbrei deur eenvoudig bykomende seksies by te voeg, wat groot buigsaamheid bied. Vir boere wat funksionele en bekostigbare kraalkante benodig, bied Tal-Tec verskeie opsies om kampe te bou vir verskillende doeleindes,…

Om lusernhooi suksesvol onder besproeiing te verbou, is kultivarkeuse een van die grootste bepalende faktore. Barenbrug bied drie topklas-lusernkultivars, die saad verpil met Barenbrug se Yellow Jacket-tegnologie, vir moeitelose kultivarkeuse binne ’n spesifieke boerderystelsel. Hierdie kultivars is bekend om verbeterde langlewendheid, is wyd aangepas vir die meeste klimaatstoestande en bestuurstelsels, en bied uitstekende weerstand teen die meeste lusernsiektes en plae. Die sterk saailinge verseker beter vestiging. Al dié eienskappe dra by tot sterker plante en baie goeie produksie. Verpilde lusernsaad bied ’n plantgereed-oplossing en maak saadhantering minder arbeidsintensief, aangesien dit reeds met Rhizobium geïnokuleer is. Die Yellow Jacket-omhulsel is verryk met molibdeen, wat bydra tot stikstofbinding, asook Cruiser® White, ’n sistemiese insekdoder wat vir saadbehandeling by lusern geregistreer is. Geen kontakswamdoders of mikroplastiekdeeltjies is in die formulasie teenwoordig nie. Wat…

Frans Hattingh van die Koup by Merweville, sy gesin en werkers trek nog met hul vee soos die eerste mense in die ekstensiewe weigebiede: te voet met die diere tussen winter- en somerweiding, maar met ’n 21ste eeuse verskil. “Rusbanktrekkers” kan deesdae die trek op sosiale media meemaak en “kuiertrekkers” kan vir ’n paar dae by die trek kom aansluit en help, of net saamstap. Frans, sy vrou, Marisa, en hul seuns, Hannes en Gerhard, trek twee keer per jaar met hul skape – ’n afstand van 125 km tussen die plase Sandstraat in die Koup en De Randte by Matjiesfontein. Die trek dié keer, in November 2024, is van De Randte na Sandstraat vir somerweiding. Hoewel baie boere wat tussen die winter- en somergebiede trek, die vee met vragmotors…

Geel krag Landbouweekblad het op 11 Februarie ’n tweede opname van die TLB vir ’n boer-reeks gemaak. In dié nuwe reeks kry verskeie handelsmerke wat nie aan die eerste opname deelgeneem het nie, ’n kans om hul veeldoelige laaigrawe (TLB’s) te wys. Vyf deelnemers het die werktuie van handelsmerke soos JCB, Case Construction, CAT, Revaro, New Holland Construction en Sany getoets en hul indrukke gegee. Moet nie die reeks misloop nie – kyk Landbouweekliks elke Dinsdag om 18:00 op VIA (kanaal 147 op DStv). Lees ook op bl. 70 in hierdie uitgawe oor boere se ervaring met die Kubota TLB. Die reeks bied waardevolle insigte oor die beste TLB’s op die mark, hoe verskillende werktuie in die wêreld van landboubedrywighede presteer, en die struikelblokke wat boere daagliks in die veld…

OMNIA se proeflopie twee jaar gelede met ’n Transnet-trein wat vanaf Sasolburg via Musina en Bulawayo tot in Lusaka loop, het dit bewys. Die kunsmis is in Zimbabwe en Zambië aan die relevante spoorweë oorhandig. Dit was ’n “frustrerende” proses, maar treine is aansienlik doeltreffender as vragmotors. Die trein kon die kunsmis in minder as sewe dae na Zambië vervoer. Omdat doeaneklaring vooraf verkry is, is daar nie met opeenhopings by grensposte gesukkel nie, het Jacques de Villiers, uitvoerende hoof van vervaardiging, bedrywe en verskaffing by Omnia Holdings, op die Argus Fertilizer Africa-konferensie in Kaapstad gesê. “Dit hou soveel voordele vir die vervaardigers, logistieke organisasies en kliënte in.” Omdat die proeflopie samewerking met soveel owerhede in Suid-Afrika, Zimbabwe en Zambië vereis het, was “samewerking” die afgelope paar jaar De Villiers…

KLIMAATSVERANDERING kan daartoe lei dat boere in Brittanje teen 2080 nuwe gewasse, soos lemoene, kekerertjies en okra, kan verbou. Hoewel klimaatsverandering na verwagting moeiliker landboutoestande gaan veroorsaak, kan dit ook toestande skep om nuwe gewasse te verbou. Navorsing deur die sentrum vir ekologie en hidrologie in Brittanje en die East Angliauniversiteit toon dat gewasse wat gewoonlik in die warmer dele van die wêreld groei, sal as gevolg van klimaatsverandering ook op dié eiland aard. Luidens die sentrum se webwerf is die toekomstige aangepastheid van meer as 160 bestaande en nuwe voedselgewasse in verskillende dele van Brittanje onder verwarmingscenario’s van 2 °C en 4 °C hoër as voor die nywerheidsera ondersoek. Volgens dr. John Redhead, ’n ruimtelike ekoloog en hoofskrywer van die verslag, sal klimaatsverandering in Brittanje weens bevolkingsgroei met ’n…

Droogtes is ’n nimmereindigende las vir die meeste Namibiese boere en dit verg hare op die tande, baie bloedsweet, groot durf en vernuftige boereplanne om staande te bly. Evert Burger slaag nie net die afgelope 44 jaar daarin om elke keer deur ’n droogte te kom nie, maar hy moet boonop teen roofdiere baklei wat al sowat 1 800 van sy beeste gevang het. (Lees “Leeujagter? Nee, hier kry balans voorkeur”, LBW, 20 Februarie 2025.) Dit het darem tot 18 Februarie 260 mm tot 302 mm oor verskillende dele van sy plaas gereën, maar dit beteken nie hy kan nou sy waaksaamheid verslap nie. Evert en sy vrou, Heleen, boer op Stillerus, 125 km noordwes van Outjo in die noorde van Namibië. Die plaas van 9 350 ha grens vir…

Hul vakansie in die Hantam-Karoo tydens blommetyd was die Van Niekerk-gesin se eerste kennismaking met dié deel van die Noord-Kaap. Celéste van Niekerk vertel tydens ’n besoek aan Nieuwoudtville sewe jaar gelede het sy haar man, Dawie, aangemoedig om ál verder te ry tot hulle uiteindelik op Loeriesfontein stilgehou het. “Dié wêreld het met my gepraat.” Sy het navraag gedoen oor eiendom, en met die nommers vir eiendomme in die hand is hulle vort op hul vakansietog. Ná hul vakansie het die Van Niekerks teruggekeer na Orania, waar hulle toe gewoon het. Tydens ’n internetsoektog het Celéste meer geleer oor die Noord-Kaap, die Boesmanland en die Hantam-Karoo. “In ’n stadium het ek my vinger op die rekenaarskerm gedruk en vir Dawie gesê hiér wil ek gaan bly. En ja, toe…

Blaarvoedings is veral waardevol in tye van stres vir ’n plant, soos tydens ’n droogte, koue toestande en wanneer hael voorkom, asook ná beweiding of wanneer hooi gesny is, het Lourens van Rensburg, verkoopsbestuurder van Elim Kunsmis, gesê. Lourens het Gert Kriek gehelp om aanplantings vir proewe op sy plaas Palmietfontein by Balfour te doen. Dit was deel van die program van die Balfour-boerevereniging om die boere oor presisie-hooiproduksie in te lig. “Wanneer ons na bemesting kyk, is dit nie net bemesting in die grond wat die deurslag gee nie, maar ’n bemestingspraktyk waarmee grondbemesting deur blaarvoeding aangevul word,” het Lourens gesê. Grondbemesting, waar elemente soos stikstof en kalium, asook fosfaat toegedien word, dien sy doel omdat hierdie produkte nie deur die blare opgeneem kan word nie. In stresvolle tye…

Die beste Hooidag nóg, is hoe Gert Kriek, voorsitter van die Balfour-boerevereniging se Hooidag, die onlangse byeenkoms wat jaarliks op die plaas Palmietfontein by Balfour aangebied word, opgesom het. Ondanks ’n reënbui die vorige nag en vrese dat nog reën die gebruiklike demonstrasies op die dag sou kortwiek, was daar sowat 1 300 besoekers. Vanjaar se Hooidag het ook met die meeste uitstallers nóg gespog. En ja, daar is gesny, ge- ted en gebaal. “Die Balfour-boerevereniging is sterk betrokke by die gemeenskap en waar daar nood heers. Dit is vir ons ’n voorreg om deur die grootste hooidag in Suid-Afrika ’n bydrae te kan lewer,” het Gert gesê. Die reën kon nie die geesdrif demp nie. “Al is dit nat, is dit vir ons lekker. Die reën is seën, want…

Bednar se Swifter SO_Freeks, wat van 4 m tot 8 m wyd werk, doen tot agt bewerkings op een slag, wat ’n uitsonderlik egalige en fyn, dog ferm saadbedding tot gevolg het. Dit beteken dat saad reg oor die wydte van die planter op dieselfde diepte geplaas kan word, ’n voorvereiste vir eweredige ontkieming en ’n hoër opbrengs. Anders as skottelwerktuie bied die Swifter ’n vlak bewerking (tot 12 cm diep) sodat grondvog beter behoue bly. ’n Hoër werkspoed van tot 15 km/h beteken dat planttye optimaal benut kan word. Eers word verdigte trekkerspore uitgewis deur ’n ry verstelbare tande, waarna ’n hidroulies verstelbare roller (crushbar) die grond gelyk maak en ’n pyproller groter kluite opbreek. Dan volg twee of drie rye tande met vlerkskaartjies wat vibreer en die grond…

Vir die langasem-skaapskeerder Tienie du Plessis was dit nie genoeg om verlede jaar die Suid-Afrikaanse solo-rekord vir mans in sy Merino-ooiskeerpoging op te stel nie. Ook nie die skeerpoging wat hy kort daarna saam met Marius Klopper aangedurf het toe hulle 1 011 lammers binne agt uur geskeer het nie. Tienie het nou ’n groter doelwit in sy visier: Om die amptelike nasionale rekordhouer vir skaapskeer oor 24 uur te word. Om dít reg te kry, sal hy sy fiksheidsvlakke tot op die uiterste beproef. Daarom bring hy elke dag ure in die gimnasium deur, waar hy gewigs- en aërobiese oefeninge doen. “Ek doen alles wat ek moontlik kan om my kardiovaskulêre vlakke te verbeter en my liggaam sterker te maak. Hoe sterker ek is, hoe meer sal ek op…

Waar is jy gebore en het jy grootgeword? Ek is op Aliwal-Noord gebore en het op ’n skaap-en-beesplaas, Karnmelkspruit, by Lady Grey in die Oos-Kaap grootgeword. Hoe het jy in die afslaersbedryf beland en hoe het jou pad tot op die rostrum verloop? Ek het eendag ’n veiling bygewoon waar die afslaer my beïndruk het. Daarna het ek in die bakkie begin oefen om op te veil en elke keer as ek verby ’n telefoonpaal gery het, het ek ’n bod toegeslaan. Ek het fondsinsamelingveilings begin doen, soos die Lady Grey Royal MacNab. Horn Kumm Fouché Prokureurs het my toe genader om hul huisveilings te behartig. ’n Groot deurbraak was toe Tjaart Steenekamp, ’n stoetteler van Dormer-skape, my op die MacNab-veiling raakgesien en gesê het hy gaan my help om…

HOEWEL die Suid-Afrikaanse landbou se bruto waarde sedert 1993 meer as verdubbel het, is sy bydrae tot die land se ekonomie nou omtrent dieselfde as 30 jaar gelede. Indien dié oënskynlike stagnasie ontleed word, soos wat die buro vir voedsel- en landboubeleid (BFAP) in ’n verslag doen, is die onverwagte slotsom dat die sektor buitengewoon veerkragtig is. BFAP se oorsig oor die groei wat oor die afgelope drie dekades in die landbou behaal is, toon dat die sektor se bydrae tot die ekonomie in 1993 bo 2,5% was. Die GRAFIEK toon hoe dit daarna hoofsaaklik begin afneem het en teen 2007 ’n laagtepunt van sowat 1,8% bereik het. Die oorsaak hiervan was dat die nasionale ekonomie relatief vinnig gegroei het. Sedert 2007 het die landbou se bydrae tot die ekonomie…

AgriSEB: Handhaaf Steenhuisen sy voorganger se beleid? Ná skakeling oor verskeie maande het John Steenhuisen, minister van landbou en DA-leier, onlangs uiteindelik ’n mediakonferensie gehou. Hy het egter ’n gulde geleentheid verspeel om Sakeliga en ander se dwingende vraag te beantwoord: Sal hy die departement van landbou se bestaande beleid oor swart ekonomiese bemagtiging in die landbou (AgriSEB) handhaaf, of sal hy dit terugtrek en ’n nuwe, opbouende visie vir sy departement nastreef? Die departement se Agri-SEB-beleid is ’n staande interne beleid om SEB-vereistes uit te brei met die uitdruklike doel om SEB verpligtend in die landbou te maak. Pleks daarvan om dinge op te klaar, het Steenhuisen maniere probeer vind om die voortsetting van sy voorgangers se rasgebaseerde statutêre “transformasie”-heffings, soos uiteengesit in sy departement se SEB-beleid, te verdedig.…

LANDBOU-ORGANISASIES krap kop oor watter vleis- en melkprodukte moontlik van BTW vrygestel kan word indien vanjaar se begroting, soos dit tans geskryf staan, wel deurgevoer gaan word. Die rooivleisbedryf was verras om te hoor dat skaapvleis as een van die BTW-vrye produkte aangedui is in die begrotingsrede voor dit op 19 Februarie ter elfder ure onttrek is. Die bedryf het verlede jaar saam met verskeie ander belanghebbendes in die lewendehawe-bedryf briewe aan die regering gestuur oor die uitsluiting van vleisprodukte van BTW. “Die regering het ontvangs erken, maar ons het niks verder gehoor nie. Ons verneem nou dat vleisprodukte, soos skaapen beesvleis, in die begroting genoem is,” sê Frikkie Maré, uitvoerende hoof van die Rooivleisprodusente-organisasie. Die lewendehawe-bedryf het die regering gevra om goedkoop- en/of afvalprodukte vir alle vleisprodukte op die…

Die monetêre beleidskomitee van die Reserwebank het einde Januarie aangekondig dat die repokoers met 0,25% punte verlaag gaan word. In sy mediaverklaring het hy ’n aantal redes aangevoer waarom hy versigtig en konserwatief te werk wil gaan, hoofsaaklik vanweë die indruk van internasionale risiko’s. Die mandaat van die Reserwebank word saamgevat in artikel 224 van die Grondwet: Die hoofdoelwit van die SA Reserwebank is om die waarde van die rand met volhoubare ekonomiese groei te balanseer. Die bank gebruik die rentekoers om die waarde van die rand te beskerm deur inflasie laag en stabiel te hou. Daarvoor is ’n inflasieteikenband van 3-6% vasgestel, maar sy eie interpretasie is om dit so na as moontlik aan 4,5% te hou. Die feit is dat die inflasiekoers die afgelope twee tot drie maande…

“KYK na jou koeie, dink daaroor, en tree dan op waar nodig. ’n Gesonde koei sal jou oor en oor met goeie melkproduksie en langlewendheid terugbetaal,” het dr. Joep Driessen, veearts van Nederland en eienaar van CowSignals, op ’n diereproduksieseminaar en suiwelinligtingsdag op Malmesbury gesê. Die diereproduksie-envoedingsmaatskappy Octavoscene het dié onlangse seminaar aangebied. Driessen spits hom toe op die gesondheid en gemak van koeie, en het verskeie toestelle en hulpmiddels daarvoor ontwikkel. Hy het gesê om te sorg dat koeie tevrede en gesond bly en terselfdertyd ’n wins maak, is ’n voortdurende balanseertoertjie. “Basiese dinge, soos voer, water, lig, lug, rus en ruimte, maak die kern van koeie se gesondheid uit. “Dis eintlik waarom koeigesondheid draai, en dit word nie altyd heeltemal deur alle boere besef nie.” In Nederland is…

Hy aanvaar niks as vanselfsprekend nie. Kruisteling met van Suider-Afrika se beste vleis- en dubbeldoelbeeste in verskillende kombinasies het gelei tot die bees waarmee Llewellyn Angus van Arlington in die Oos-Vrystaat tevrede is. Hy noem dié bees Wisp Will Reds na aanleiding van sy woonplaas, Whispering Willows, en sy Simmentaler-stoetery en voormalige Simbra-stoetery met die voorvoegsel Wisp Will wat oor dekades heen ’n huishoudelike naam geword het. Llewellyn het dié nuwe rigting ingeslaan deur al sy Simbras van 2020 tot 2023 te deregistreer om eerder sy eie tipe rooi vleisbees te teel wat baie vrugbaar en aangepas is. Die boerdery het die Simmentaler-stoetery behou. Llewellyn en sy seun, Gareth, boer ook met Merino-skape en wild, en het ’n saaiboerdery. Die vee word op ’n semi-intensiewe grondslag op aangeplante smutsvingergras en…

Die afgelope paar jaar beywer Sogrape Vinhos, ’n Portugese wynmaatskappy wat in Portugal, Spanje, Argentinië, Chili en Nieu-Seeland boer, hom daarvoor om druiwe omgewingsvriendeliker te produseer. “Hierdie benadering lei tot goeie besigheid,” het António Graça, hoof van navorsing en ontwikkeling by dié maatskappy, op Vinpro se boeredag op Goudini gesê. Sogrape Vinhos, wat in 1942 gestig is, was in die 1970’s wyd bekend om sy Mateus Rosé, en op die hoogtepunt daarvan is sowat 70 miljoen bottels per jaar verkoop is. Teen die 1980’s het die wyn se gewildheid getaan en sedertdien moes Sogrape “fiks” raak om by veranderende omstandighede aan te pas. Hulle het in die 1980’s begin diversifiseer om ook ander wyne te maak, en teen 1990 het hulle in Argentinië en later ook Chili, Spanje en Nieu-Seeland…

In enige boerdery-onderneming is doeltreffende beplanning iets wat ’n mens ver kan bring. “Beplanning skep gemoedsrus en maak ingeligte besluite moontlik – iets wat in hedendaagse boerdery ononderhandelbaar is.” Aan die woord is Franco le Roux, hoofbestuurder van Klipdale Boerdery by Napier in die Overberg. “Daar is heelwat bestuursprogramme beskikbaar, maar die meeste het ’n rekenkundige onderbou. Ek het gevind dié programme is nie so doeltreffend as jy vinnig ingeligte besluite moet neem nie.” Dié model het hom die eerste prys besorg in Landbouweekblad, Omnia en Graan SA se boereplankompetisie op Nampo Kaap in die kategorie vir masjinerie, werktuie en landboutoerusting. ‘Kry jou grondslag reg’ Die model maak dit moontlik om aan elke aspek van graanboerdery aandag te gee, sê Franco. “Dit is nie ’n rekeningkundige model nie, maar 100%…

Ter viering van 50 jaar se voortdurende ontwikkeling en innovasie is New Holland se CR-stropers toegerus met die nuutste tegnologie vir voortreflike kraglewering, werkverrigting en opbrengsgehalte. Materiaalinvoer word bevorder met Dynamic Feed Roll™ (DFR), wat konstante materiaalvloei na die TwinPitch Rotors™ verseker. ’n Kragbesparing van 5,2 kW en ’n kapasiteitsverhoging van tot 10% word bewerkstellig. Met die reguit en egalige vloei van materiaal deur die Twin-Pitch Rotors™ word die skoonmaakoppervlak eweredig gelaai vir optimale gewasen materiaalskeiding. DFR verseker ’n lineêre spoedaanpassing tussen die werkende modules om selfs groen en nat materiaal uitstekend te verwerk. Dit beteken boere kan vroeër in die oggend en later in die aand stroop. Die diepgesnyde spane van die DFR-stelsel beskerm ook die gewasvloeikomponente teen klippe. Belangrike voordele Die TwinPitch Rotors™-stelsel bied twee belangrike voordele: ■…

Konfetti val toe buffelbul vir R22 m. verkoop DIE manjifieke buffelbul Magic het die kollig gesteel op die tweejaarlikse wildveiling van Piet du Toit Wildbedryf wat op 15 Februarie op Du Toit se plaas, Hoogenbomen, by Lindleyspoort naby Rustenburg gehou is. Die bul het die hoogste prys van R22 miljoen behaal op dié veiling waarop honderde stuks wild opgeveil is. Die baie goeie pryse wat behaal is, bewys dat daar weer lewe in die wildbedryf is, veral vir uitsonderlike teeldiere. Goeie pryse is ook vir jagwild betaal. Die omset van die veiling, wat deur Wildswinkel gehou is, was R82 miljoen. Waltco Group Game Breeders het die buffelbul verkoop. Die bul, wat uit die bul Thabazimbi en die koei Red 02 geteel is, is 8 jaar en 10 maande oud. Sy…