Índice para 13 July 2023 em Landbouweekblad

Sitrus Hannes de Waal, voorsitter van die Sitruskwekersvereniging van Suider-Afrika (SKV) sê Suid-Afrika se bedryf is verreweg die gevorderdste uitvoerbedryf ter wêreld. “Bykans 90% van sitrusproduksie word uitgevoer; geen ander land voer soveel van sy sitrus uit nie.” Volgens SKV-data was Suid-Afrika in 2021-’22 die tiende grootste produsent, met ’n totaal van 3,212 miljoen ton, teenoor China se 40,7 miljoen ton, Brasilië met 18,8 miljoen ton en Indië met 13,818 miljoen ton. Suid-Afrika is egter naas Spanje die grootste uitvoerder ter wêreld met ’n uitvoervolume van 2,624 miljoen ton. Die plaasli ke bedryf kry nie die tipe invoerbeskerming wat Amerika en Spanje geniet nie. Verder ly die bedryf onder verwaarloosde infrastruktuur en duur verskepingskoste. Sagte vrugte Talle onafhanklike studies het al getoon Suid-Afrika se produsente is van die bestes ter…

Geldbeplanning Die meeste boere se belange in die bedryfsmaatskappy en die plaasgrond word deur trust(s) besit. Die plaasgrond word direk in die naam van ’n trust geregistreer, of in die naam van ’n maatskappy met die onderliggende aandeelhouding van die maatskappy in die naam van die trust(s). Een van die hoofredes hiervoor is sodat die boer kan verseker dat die familieboerdery oor generasies kan oorleef. Indien trusts die bates van die familieboerdery besit, word geen boedelbelasting en kapitaalwinsbelasting betaal wanneer die bates na die volgende generasies oorgedra word nie. Indien hierdie belasting met elke generasie betaal moet word, sal die familieboerdery nie lank oorleef nie. Daarom is dit baie belangrik dat die boer seker maak sy trusts (wat dikwels al die onderliggende bates van die familieboerdery besit) kom al die…

Weidingsbestuur het ’n groot uitwerking op veldtoestand en die volhoubare gebruik van weidingsgebiede is boonop die belangrikste, goedkoopste bron van ruvoer. Frits van Oudtshoorn, weidingkundige en private raadgewer, het op die jaarkongres van die Herkouerveterinêre Vereniging van Suid-Afrika (Ruvasa) in Gauteng gesê ’n veeboer boer in werklikheid met gras, en diere is die fabriek wat die gras in vleis omsit. As hy dus vir sy veld sorg, het hy meer gras om meer diere aan te hou en meer geld te maak. Dit is hoekom veldbenutting, veral goeie, smaaklike gras se behoeftes, en rustye in aanmerking geneem moet word. Van Oudtshoorn het gewys op die waardevolle lesse wat mense uit ekologiese prosesse kan leer, soos wildmigrasie, wat ’n lae vlak van selektiewe beweiding, kort tydperke van vertrapping en lang tye…

Wie is jou mentor? Wyle Corwyn Botha en Piet Karsten van Karsten-boerdery. Albei was nogal dienaars van hul bedryf. Piet, spesifiek, het vir my gesê: “Dien jou bedryf en jou bedryf sal jou dien.” Ek onthou dit altyd. Watter waardevolle raad het jy al gekry? Dit gaan terug na my ouerhuis: Wees eerlik. Dit is iets waaroor my ouers baie erg was. Jy haal soveel ongemaklikheid en wantroue uit ’n stelsel as jy net ’n eerlike antwoord gee, al is dit nie ’n lekker antwoord nie. Ons het met 240 verskaffers aanlyn vergader om hulle op die hoogte te bring van sake by Die Koöperasie, en ek het vir hulle gesê moenie vir my vra wanneer ek jou gaan betaal nie, want ek kán jou nie nou binne terme betaal…

Rubriek Grootvee Die Suid-Afrikaanse voerkraalbedryf bemark tot 80% van die beesvleis in Suid-Afrika. Voerkrale in Suid-Afrika kan tot 650 000 diere hanteer. Na gelang van ekonomiese en bestuurspraktyke kan die Suid-Afrikaanse voerkraalbedryf jaarliks altesaam 1,7 miljoen beeste vir slag voorsien. In Suid-Afrika wissel die grootte van voerkrale aansienlik. Daar is voerkrale met ’n kapasiteit van meer as 160 000 beeste, tot baie klein voerkrale wat boere self bestuur. Die groot voerkrale het deur die jaar beeste, maar daar is ook voerkrale wat beeste net seisoenaal voer. Min van die diere wat in groot kommersiële voerkrale gevoer word, word deur die voerkrale self geteel. Die voerkrale is dus hoofsaaklik afhanklik van vleisbeesboere wat speenkalwers voorsien. Dit is daarom belangrik dat hierdie speenkalfprodusente verstaan watter faktore die wins van ’n voerkraal bepaal.…

FokusTEGNOLOGIE Suid-Afrika het van die beste boere ter wêreld, maar dit is nie altyd maklik om in hierdie land te boer nie. Die moeilike omgewingstoestande speel ’n groot rol in die struikelblokke wat boere moet oorkom. Daarom is dit belangrik dat boere altyd die regte gewasse en kultivars kies wat die risiko’s in ag neem. Sorghum Bargrazer is seker die bekendste voersorghumkultivar in Barenbrug se reeks. Dié kultivar het ’n groot markaandeel en is gewild onder boere reg oor Suid-Afrika. Bargrazer is aangepas vir sanderige, klei- en leemgrond en die blaar:stingel-verhouding bied ’n gebalanseerde bron van ruvoer en lewer deurlopende hoë opbrengste met uitstekende voedingswaarde. Beeste kan op ’n planthoogte van ongeveer 75 cm begin wei en skape op ’n hoogte van 50 cm. Om goeie hergroei te verseker, moet…

Kos Lemoenstroop-teebroodjie Beslag ■ 3 ekstragroot eiers ■ Fyngerasperde skil van 1 groot lemoen ■ Fyngerasperde skil van 1 suurlemoen ■ 250 ml suiker ■ 125 ml olie ■ 30 ml suurlemoensap ■ 180 ml dik natuurlike jogurt ■ 5 ml bakpoeier ■ 2 ml koeksoda ■ 2 ml sout ■ 375 ml koekmeel Stroop ■ Sap en fyngerasperde skil van 1 groot lemoen ■ 60 ml suiker Voorverhit die oond tot 180 °C en smeer ’n middelslag-broodpan met olie. Voer met bakpapier uit en smeer weer, of bespuit met kleefwerende kossproei. Klits die eiers goed tot lig en donsig. Voeg die sitrusskil en suiker by en klits vir ongeveer 5 minute tot liggeel en dik. Voeg die olie, suurlemoensap en jogurt by en meng goed. Sif die bakpoeier, koeksoda,…

Sluitingsdatum: 3 Augustus 2023 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Pastagereg. Lees op bl. 88 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 89 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 3 Augustus 2023. Geen posstukke…

Grondpryse in die Wes-Kaap het in die 12 maande tot Mei vanjaar noemenswaardig herstel. Altesaam 50% van die distrikte toon gunstige prysneigings teenoor 33% in die vorige 12 maande. In die TABEL is ’n opsomming van grondtransaksies groter as 10 ha in die Wes-Kaap in die betrokke tydperk. Altesaam 570 ooreenkomste is gesluit en 238 445 ha is teen R5,444 miljard verhandel. Pryse het heelwat gestyg by Ceres (17,9%), Worcester (15,8%), Laingsburg (14,6%) en Beaufort-Wes (12,2%). Dit het skerp gedaal by George (-11%), Robertson (-11%) en Vanrhynsdorp (-11,2%). Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 38% (35%); 50-150 ha, 21% (26%); 150-300 ha, 13% (13%); 300-450 ha, 7% (6%); 450-600…

Besoek landbou.com/veilings vir die jongste veilingsnuus Pryse op bulveilings is vanjaar onder druk weens die swak marktoestande wat lae produsentepryse oplewer. Die eerste bulveiling in die sentrale binneland van die Transgariep-telersgroep (Angus en Afrigus) het betreklik goed verloop. Bulle is vir gemiddeld R35 000 verkoop. Martiens le Roux van Môreson, Bethulie, wat saam met dr. M.A. du Toit (Koffiefontein) en Ian McLachlan (Hillside, Trompsburg) dié jaarlikse bulveiling aanbied, sê die eerste drie Angus-bulveilings in die suidelike streek het ook prysgewys gesukkel. “Dit is selfsugtig van stoettelers om op hoë pryse aan te dring in ’n mark waar kommersiële telers R1 500 tot R2 000 minder per speenkalf ontvang,” sê Le Roux. Twee van sy bulle is teen R35 000 stuk verkoop. Le Roux se duurste bul, MLR 20-0883, is vir…

DIE sakereddingspraktisyns vir die sukkelende suikermaatskappy Tongaat Hulett is baie krities oor die suikerbedryf se anachronistiese “winsdelingsmodel” waardeur die Suid-Afrikaanse Suikervereniging (SASV) die bedryf bestuur. Daardeur voeg die SASV die kollektiewe opbrengste van suikerverkope saam, en herversprei dit dan volgens ’n formule. Suikerrietkwekers kry 64% van dié geld en 36% gaan aan die meulenaars, verdeel op grond van hul aandeel in suikerproduksie. Namate die bedryf ál meer teenspoed begin optel het – suikerproduksie het met 25% gedaal en die aantal suikerrietboere het oor die afgelope 20 jaar met 60% afgeneem – het hierdie “herverspreidingsmeganisme” ál meer perverse uitkomste gebring. Waar ’n meulenaar meer as sy proporsionele plaaslike marktoewysing lewer, en dus ’n surplusverkoper is, moet hy aan die SASV ’n bedrag betaal vir dié oormaat suiker, wat dan herversprei word…

Nuusmaker DIVERSIFIKASIE en die verspreiding van risiko was juis Senwes se strategie om nie net volhoubaar te wees nie, maar ook te groei. Só ’n strategie duur egter jare om sukses te behaal, veral in die wisselvallige landbousektor. Dit was daarom voordelig vir Senwes dat Francois Strydom, uitvoerende hoof, en Danie Minnaar, voorsitter van die direksie, reeds onderskeidelik 13 jaar en 10 jaar in hul ampte is. Hul standpunt is dat jy nie die toekoms kan voorspel nie, maar jy kan dit probeer skep. Senwes het pas vir die tweede jaar agtereenvolgens ’n rekordomset en -wins behaal. Waaraan skryf jy dit toe? Dit is grootliks te danke aan ’n strategiese grondslag wat in 2010 gelê is om te diversifiseer. Ons het dié doelwit omskep in ’n strategie oor 10 tot…

Volgens data van die Rooivleisprodusente-organisasie het Suid-Afrika in 2022 altesaam 29 368 ton beesvleis uitgevoer, en 4 339 ton skaapvleis. Die grootste uitvoerbestemming was die Midde-Ooste. Koeweit het 4 129 ton ingevoer, die Verenigde Arabiese Emirate 3 033 ton en Jordanië 2 843 ton. Mosambiek en Lesotho was onderskeidelik vierde en vyfde, en het 2 797 ton en 2 536 ton ingevoer. Nederland was sesde met 1 818 ton en Brittanje agtste met 727 ton. China het net van Januarie tot April 2022 beesvleis uit Suid-Afrika ingevoer, maar in daardie kort tyd het hy 1 788 ton beesvleis ingevoer. As hy die hele jaar teen die gemiddeld van 2022 se eerste drie maande ingevoer het, sou sy totaal vir die jaar op 7 056 ton te staan gekom het. Invoer…

Rubriek KORTOM ■ Vir plaaslike somergraanboere wat nog onverkoopte graan het, het die styging van ’n paar honderd rand per ton ’n verkoopgeleentheid gegee. ■ Internasionale markontleders verwag dat wêreldkoringpryse taamlik stabiel gaan bly of effe laer kan neig in die res van die jaar. ■ Die plaaslike koringprys beweeg sywaarts en word laag gehou deur die groot Russiese uitvoer en die feit dat Suid-Afrika koring van Rusland invoer. Daar is die afgelope tyd taamlik berig oor die El Niño-siklus wat vinnig ingetree het, met die verwagting dat Amerika ’n rekordmielieoes van sowat 388 miljoen ton sou behaal, wat internasionale graanpryse laer gedruk het. Daarteenoor is Rusland besig om ’n moontlike rekord van 46 miljoen ton koring uit te voer, meestal deur die Swartseekorridor, wat koringpryse onder druk hou. Plaaslik…

Kortliks ’N RELATIEF nuwe en gewilde boomkweektegniek om jong vrugtebome in sakke en potte te kweek pleks van direk in die grond, kry momentum in Suid-Afrika. Dit het oorgespoel van Kalifornië en Nederland, aangesien bome vinniger dra en wortelontwikkeling gestimuleer word. Nadat ZZ2 dit reeds met vrug in Limpopo by avokadobome toepas, is dit nou volskaals die praktyk by sy Cape Sweet Nursery-kwekery naby Ceres. Frederik Voigt, hortologiese produktespesialis by ZZ2, sê die saadjie is vyf jaar gelede geplant toe kommersiële kwekers nie genoeg gehalte-appelbome op die regte onderstamme kon voorsien nie. Ná eksperimente word hier vandag sowat 230 000 vrugteboompies per seisoen gekweek.Volgens Pieter Hugo le Roux, kwekerybestuurder, is die Cape Sweet Nursery in sy derde jaar om vrugtebome kommersieel só te kweek. Die kwekery is in 2019 gestig…

Rubriek LANDBOUSAKE Ek bly voortdurend soek na die uitkoms en draaipunte vir die toestand in Suid-Afrika. Daar is meer as genoeg ontleders en voorspellers wat die agteruitgang se paadjies uittrap sodat dit jong erosieslote vorm. Iewers – een wintersoggend – moet daar egter iets in die lug wees wat vir ons die lente aankondig. Dit kan iets kleins wees, soos die vars reuk van die peperboom wat agter my oupa se waenhuis gestaan het. Wat is daardie iets, en wat staan ons in die landbou te doen terwyl dit nog winter is? Ek het onlangs weer oor die storm op die see gelees waarin Paulus was. Vir 14 dae het hulle nie die son of die sterre gesien nie. Totaal verdwaal in ’n storm wat nie gelyk het of daar…

REEKSTEGNOLOGIE 360 1 Ingesteldheid. Maksimum produksie moet verander na doeltreffende produksie. Optimaliseer elke eenheid van produksie. Streef produksie-uitset per hektaar weiding, lewendehawe-eenheid, tyd en rand bestee na, soos ’n kalf:koeigewigsverhouding. 2 Benut tegnologie reg. Ondersoek alle tegnologie, maar gebruik net dit wat waarde toevoeg. Selfs eenvoudige tegnologie moet hersien en oorweeg word, soos KI. SenseHub se tegnologie om KI-besetting te verhoog, bespaar byvoorbeeld tyd en geld, maar het ’n bykomende voordeel omdat jy meer kalwers van die spesifieke KI-bul kry (beter teelmateriaal), wat weer die nageslag se waarde verhoog. 3 Gebruik van data. Data is goud werd, mits dit relevant en akkuraat is en vir besluitneming verwerk kan word. Sakboekies is nie voldoende nie; dit raak weg. Bêre data eerder op die wolk. ’n Rekenaar met goeie hardeware is nou…

Trots Suid-Afrikaans 4 Waar dit begin het Hendri: In die sitkamer met ma Susan, pa Erik en Pieter wat bymekaargekom en besluit het om iets tot stand te bring wat waarde tot die plaas sal voeg. Dit was altyd Ma se droom om ons plaasproduk met ander families te deel en om die verbruiker plaas toe te nooi om vleis te koop en die plaaservaring te kom beleef. Pieter: Dit was in die vroeë 1990’s toe ek na die familieplaas gekom het om te kom boer. Ek het gou besef ons sal iets moet doen om waarde tot ons bedryf te voeg en om besig te bly. Die mees vanselfsprekende was die vleisbedryf, aangesien ons met skaap en bees boer, en Ma bekend is met die vleisbedryf omdat haar pa…

Borde met versnaperinge bevat lankal nie meer net worsies, vleispasteitjies en gevulde eiers nie. Die neiging verskuif gaandeweg na gesonder smulhappies wat ook aantreklik lyk en sommer met die hand gevat en geëet kan word. Kleurvolle groente is ook op menige mens se inkopielys. Die groentesaadmaatskappy Starke Ayres het ’n groot verskeidenheid nuwe kultivars op ’n boeredag op sy proefperseel buite Kempton Park in Gauteng bekend gestel wat ook van hierdie smulhappie-groente ingesluit het. CG Smit, nasionale verkoopsbestuurder van die maatskappy, het aan Landbouweekblad vertel hoe die neigings verander en die kweek van nuwe tipes daarby aanpas. “Klein soetrissies van verskillende kleure raak ál gewilder as snoepgeregte tydens onthale. “Ons het nou drie van hierdie klein soetrissies in rooi, oranje en geel beskikbaar. Wortels is reeds in talle kleure verkrygbaar.…

Só sê ’n koejawelboer Billy en Juli Robertson van The Homestead naby Klein-Brakrivier is die enigste koejawelboere in die Suid-Kaap. Hulle het altesaam 83 ha koejawelboorde, waarvan 55 ha in produksie is. Hoe het julle koejawelboere geword? Billy se oupa Ernest was ’n direkteur van die Langeberg-inmaakfabriek, wat ’n fabriek op Mosselbaai gehad het. Hy is gevra om koejawels vir die inmaakbedryf te plant en hy het sy eerste koejawelbome teen 1930 geplant. Daardie bome dra vandag nog vrugte. Ons seun is ook nou op die plaas, wat hom die vierde geslag maak wat met koejawels boer. Hou oud kan koejawelbome dan word? Ek dink in die Wellington-Paarl-gebied is daar bome wat al ouer as honderd jaar is. As die bome té oud raak, dra hulle minder en die bome…

EK lees in 1 Korintiërs, hoofstuk 9:27: “Maar ek oefen my liggaam en bring dit onder beheer, sodat ek nie ander tot die stryd oproep en self nie kwalifiseer nie.” Ons moet die daad by die woord voeg wanneer dit by boerdery en die landbou kom. Ek het ’n baie diepsinnige verklaring daarvoor wat ek by ’n voormalige generaal-majoor van die Suid-Afrikaanse Weermag gehoor het. Hy het vir my gesê hul slagspreuk was: oefen hard, veg maklik. Dit is ook op die landbou van toepassing. As ons ons voorberei — of jy grond vir saai voorberei of veekuddes reg bestuur — sal die resultate kom as ons dit deeglik doen. As ons onsself egter nie dissiplineer nie, sal die stryd ongelukkig baie meer intens wees. Kom ons aanvaar dié goeie…

GAUTENG PRETORIA DE WAGENDRIFT (417), 21 ha, aan die nasionale regering van die Republiek van Suid-Afrika, van P.A. Lambrechts, R2844000. FIROLAZ (485), 22 ha, aan HJS Plant Transport (Edms.) Bpk., van NLH Prop (Edms.) Bpk. R1 780 000. HONINGNESTKRANS (269), 21 ha, aan S.E. Skosana en S. Skosana, van M. Janse van Rensburg, R2 495 000. TIEGERPOORT (371), 86 ha, aan Draaikrans Holdings (Edms.) Bpk., van J. Venter, R8400000. KWAZULU-NATAL PIETERMARITZBURG DALTON (2366), 354 ha, MOUNT ELIAS (1327), 162 ha, PADERBORN (1323), 40 ha, SAND SPRUIT (1920), 115 ha, SPITZKOP (1129), 100 ha, en SWEETWATERS (15197), 88 ha, aan M Estates (Edms.) Bpk., van RM Mark-familietrust, R51 755 000. HEBRON (914), 130 ha, aan FCL Farming BK, van Chiffon Estates (Edms.) Bpk., R10 350 430. LIMPOPO ALLDAYS CASSEL (206), 1…

BOEREDAE 21 JULIE: Inligtingsdag, Wildlife Ranching Namibia. Droombos, Windhoek. Sprekers sluit in dr. Morné de la Rey, Richard York, dr. Ulf Tubbesing en Axel Cramer. Caren Winckler, 081 211 7252; wildliferanchingnamibia@gmail.com 26 JULIE: Eerste herlewingslandboukonferensie vir die Suid-Kaap aangebied deur Landbouweekblad en die Wes-Kaapse departement van landbou. Outeniquanavorsingsplaas, George. Kaartjies: shorturl.at/ant89 1-2 AUGUSTUS: 11de Jack Human Bewaringslandbouweek, aangebied deur Bewaringslandbou Wes-Kaap en Landbouweekblad. ’n Internasionale landboukundige en grondwetenskaplike, van die beste plaaslike navorsers, ’n vooraanstaande boer en twee jong wetenskaplikes gaan hul kennis uitruil. Program: bit.ly/BLWKProgram2023. Kaartjies: qkt.io/CAWC2023 23 AUGUSTUS: SSK-wintergraandag, Riversdal. Prof. Francois Durand gaan praat oor hoe weerpatrone besig is om te verander, veral in die Suid- en Wes-Kaap. Gerdus Steyn, 082 521 4515. KONGRESSE 2-3 AUGUSTUS: Vrystaat Landbou. Bloemfontein. Navrae: elana@vslandbou.co.za of cynthia@vslandbou.co.za 29-30 AUGUSTUS: Nasionale mielie-en-sojaboonkongres,…

Water vir die somer Rekord-graanoes het angel in die stert Die vyfde oesskatting van die somergraanseisoen dui op die naasgrootste mielie-oes ooit, teen 16,35 miljoen ton. Dié optimistiese syfer verbloem egter groot onsekerheid oor winsgewendheid, en ook skade op plekke. BP Greyling van Wakkerstroom, Mpumalanga, sê boere het in planttyd 100% méér vir kunsmis betaal as gewoonlik, en die groot oes plaas druk op die mielieprys. Op die oostelike Hoëveld was mielieplante vatbaar vir swamsiektes, daar was ’n midsomerdroogte en toe ’n winderige herfs wat nóg skade aangerig het. In die Vrystaat was boere se opbrengste in die algemeen effens beter as verwag. In Noordwes is opbrengste ook goed en van hoë gehalte. D-dag vir hoender al hoe nader Die moratorium van 12 maande rakende teenstortingstariewe op ingevoerde hoendervleis kom…

Die gemoedstoestand in die landbou bly maar swak. Sakevertroue volgens Agbiz se bekende indeks is nou vir die derde kwartaal agtereenvolgens op moedverloor se vlakte, ver onder die neutrale 50-puntvlak. Die plek waar dit in 2020 was toe ongekende covid-19-inperkings die ekonomie amper doodgewurg het. Deurmekaar wêreldpolitiek, die onlangse raskwotas vir watertoewysigings, beurtkrag, rentekoersverhogings, slegte paaie en Suid-Afrika se vrot munisipaliteite was van die grootste bekommernisse wat genoem is. Wat die meeste van ons natuurlik werklik onderkry, is nie noodwendig die omvang van die probleme nie, maar eerder ons oënskynlike onvermoë om enigiets daadwerkliks daaraan te doen. Want geen van hierdie probleme behoort onoorkombaar te wees nie. Vat werkloosheid. Net onder 33% van ons land se mense sit by die huis, en dit is seker nog veel meer as dit.…

Sakeleier Daar is nie tyd om “soos ’n leeu op ’n bloedkol te staan en brul nie” – sy taak is nou om die besigheid om te draai en te keer dat boere ’n kosbare instelling verloor, sê Jannie Louw, wat “toe die bomme om hulle bars”, moes inspring as waarnemende hoof van een van die laaste ware landboukoöperasies in Suid-Afrika. Ná Henk Agenbach en Willie Goussard, onderskeidelik uitvoerende hoof en administrasiehoof by Die Koöperasie op Humansdorp, uit die bloute in Desember 2022 bedank het, is daar wyd gegis oor die redes daarvoor. Net sowat 15 jaar ná ’n groot bedrogskandaal by Die Koöperasie is die ergste dadelik vermoed, maar die onderneming het gou die versekering gegee dat geen diefstal of geldverduistering plaasgevind het nie. “Daar was egter ongerymdhede met…

Jongboer Hy kan van ’n sokkie stop tot ’n kar bou, en as hy iets nie weet nie, sal hy leer hoe om dit te doen. “Ek wíl alles kan doen,” sê Christi van den Heever (38) ’n week nadat hy ’n tien jaar lange droom bewaarheid het om as Wes-Kaapse Jongboer van die Jaar aangewys te word. Vir dié dinamiese boer, wat een van die voorste sagtevrugteplase in Suid-Afrika en die kroonjuweel in Graaff Fruit se stal bestuur, is niks te veel gevra nie. Dit was sy meteoriese opgang op Graaff Fruit se plaas Romansrivier by Wolseley, waar hy die aanplantings binne tien jaar van 12 ha tot 150 ha uitgebou het, wat hom in 2018 op Rietfontein laat beland het. Sy werkgewer, Robert Graaff, het geweet hy is…

Data die nuwe kosbare valuta Data in die regte formaat en hande kan kleinveeboere, hetsy wol of haar of vleis, se bestuur aansienlik meer vaartbelyn maak — en groter wins kom vanself. Hannelet Jordaan is al twee jaar kleinveedata-ontleder by BKB. Onverwerkte data is nie veel werd nie, maar die oomblik dat dit in inligting omskep word, het dit waarde. Verwerkte data kan help met besluitneming, onder meer om passasierdiere te identifiseer. Besluitneming en aksies wissel van boer tot boer, maar die kern is dat ’n ooi nie minder kan inbring as wat dit kos om haar te onderhou nie. Dié verliesmakende ooi moet uitgeken en verwyder word. “Baie van ons voorvaders se stellings word nou deur data en inligting bewys, of weerlê. Dit is belangrik dat die toepassing van…

Kamerastelsel verfyn skoffelwerk Die nuwe IC-Light+-kamerastelsel van Lemken maak dit makliker vir sy Steketee-skoffelreeks om gewasse met ’n groot hoeveelheid blou in die blare uit te ken. Dit bied verskeie voordele vir meganiese onkruidbestryding, veral in die verbouing van uie, broccoli en rooikool. Die oorspronklike IC-Light vang die RGB-spektrum op en onderskei tussen skakerings van rooi en groen. Die nuwe stelsel kan buiten die naby-infrarooi spektrum ook skakerings van blou sien. Só kan baie jong plante, of plante met ’n fyn struktuur, beter geïdentifiseer en waargeneem word. Die IC-Light+-kamera word beheer deur die IC-Light-terminaal en laat bewerking van so na as 2 cm aan gewasse toe teen ’n spoed van sowat 15 km/h. Die kamera neem tot vyf rye plante op ’n slag waar en beheer die stuur van die…

Die afgelope weke is ek weer herinner hoe lank dit geduur het om katedrale in Europa te bou. Of dit nou die St. Pietersbasilika in die Vatikaan is (dit het 120 jaar geduur om te bou), of St. Paulus in Londen (tien jaar langer), die projek het generasies van ontwerpers, vakmanne en werkers betrek. Voeg hierby dat die lewensverwagting destyds heelwat korter as vandag was, dan besef jy dat die meeste werkers terdeë daarvan bewus was dat hulle nooit die eindproduk sou ervaar nie en nog minder ’n erediens in die katedraal sou bywoon. Inteendeel, die ontwerpers, vakmanne en werkers het geweet dat hul kinders ook nie die voltooide katedraal sou kon ervaar nie. Hierdie “katedraalbouer-ingesteldheid” is wat vereis word as familielede se doel is om ’n volhoubare familiebesigheid op…

Skou Vlaam- en Friesperde Hackney-ponies SA Hackneys Walliese ponies…