Table of contents for 31 October 2024 in Landbouweekblad

KOBUS VISSER sê hy kan die dag nog goed onthou toe hy op 2 Januarie 1986 by die deure van die destydse Suid-Afrikaanse Landbou-unie (nou AgriSA) in Pretoria ingestap het. Hy het getwyfel of hy die regte besluit geneem het om Bloemfontein te verlaat, maar hy kan vandag onomwonde sê dit was een van die beste besluite wat hy in sy lewe geneem het. Visser tree einde Oktober af “ná ’n wonderlike tyd saam met wonderlike mense by AgriSA”. Hy is egter nie vir die landbou verlore nie. AgriSA het hom gekontrakteer om steeds met die AgriSecuritas-trustfonds, asook die administrasie van Agri Gauteng te help. Wat was vir jou ’n hoogtepunt? Een wat my bybly, is die gesprekke wat ons met oudpres. Nelson Mandela oor landelike veiligheid gehad het en…

DIE ontwikkeling van ’n La Niña-stelsel word sedert Mei vanjaar deur die El Niño Suidelike Ossilasie- (Enso) vooruitsig aangedui. Enso is die stelsel waarvolgens met see-oppervlaktemperature bepaal word of ’n La Niña- of ’n El Niño-stelsel besig is om te ontwikkel, en of die toestande neutraal is. Volgens die Australiese buro vir meteorologie se jongste verslag wat op 15 Oktober uitgereik is, geld die vooruitsig vir die ontwikkeling van ’n La Niña-stelsel steeds, hoewel van die modelle daarop dui dat die kans dat La Niña gaan voorkom, verswak. “ ’n La Niña-vooruitsig waarborg nie dat só ’n stelsel sal ontwikkel nie, en die kans dat ’n La Niña-gebeurtenis in die komende maande sal ontwikkel, het in vergelyking met meer onlangse vooruitsigte afgeneem,” sê die buro. Volgens die buro is die…

DRUK op die beleërde Land Bank neem toe nadat sowat 20 boerderye lenings van bykans R1 miljard wat na bewering aan die bank verskuldig is in dagvaardings, wat sedert einde September op die bank beteken word, in dispuut plaas. In hofstukke voor die Johannesburgse hooggeregshof word ernstige bewerings gemaak dat Land Bank nie locus standi (die bevoegdheid of reg) het om die boere te dagvaar nie. Geen behoorlike sessie van die regte het glo na Land Bank plaasgevind van die eise wat in die tussengangers (Unigro, Suidwes Landbou en Obaro) gesetel is nie. Die jongste verwikkelinge kom ná “teenstrydige” hofuitsprake oor Land Bank se verskyningsbevoegdheid in verskillende hofgedinge waarin sommige regters in Kimberley en Bloemfontein Land Bank se reg om uitstaande skuld van boere te eis, erken het. Appèlaansoeke is…

Die swak ekonomie van die afgelope jaar, wat veebedrywe laat swaarkry, en ’n besonder droë jaar met swak somergraanoeste het die landbou se inkomste geknyp, met basies geen groei nie. Die 2024-’25-jaar gaan ’n stadige herstel toon, wat hoofsaaklik sal afhang van die grootte van somergraanoeste en of die vleisbedryf met beter pryse gaan herstel. Die markkant is nog onder druk, maar ’n goeie somerreënseisoen sal help vir groter someroeste en ’n beter inkomste. Goedkoper voerkoste sal die veebedrywe ondersteun. Terselfdertyd is inflasie aan die daal. Volgens die departement van landbou het sekere insetpryse gedaal en produksiekoste in saaigebiede is effe laer danksy dalings in die prys van brandstof en kunsmis. Daarby het rentekoerse stadig laer begin neig. Die ekonomie het in die tweede kwartaal van 2024 met slegs 0,4%…

Kliënte is soms nie eens bewus van onetiese optrede teenoor hulself en hul families nie omdat hulle nie reg gelei en geadviseer word nie. ’n Voorbeeld is ’n kliënt wat 20 jaar gelede ’n testament opgestel het, maar nie eens weet waar die oorspronklike testament is nie. Intussen is daar kinders gebore en bates bygekry wat regmatig vererf moet word. Soms was daar ’n egskeiding en die testament is nooit of nie betyds (binne drie maande ná die egskeiding) verander nie. Die eksvrou erf steeds die volle boedel, terwyl die nuwe gade en die kinders uit die tweede huwelik heeltemal onterf word. Fidusiêre instellings is gretig om kliënte se testamente teen ’n jaartarief by hulle te bewaar, maar volg selde met kliënte op om seker te maak dat hulle gereeld…

Ek dink en lees uiters baie oor boerdery, en natuurlik meestal oor beesboerdery. Ek is voortdurend besig om dít waarmee ons besig is, te bevraagteken om seker te maak dat waarmee ons tans werk, die beste vir nou en die toekoms is. Baie keer wonder ’n mens of jy jouself op hierdie manier moet blootstel, en dan kry jy nuwe energie as iemand vir jou dankie sê omdat jy hom laat dink. (Dankie, Sandré!) Ek lees tans ’n dun boekie van wyle Chip Hines (wat ons destyds ontmoet het by die Colorado-boer en sakeman Kit Pharo, stigter van die Pharo Cattle Co. en ’n pionier van die grootmaak van bulle op weiding) oor sy siening oor wat verkeerd is met beesboerdery in Amerika. ’n Mens kon baie leer by dié…

Wyn Jy beklemtoon, soos verlede jaar, dat Suid-Afrika tans die beste wyne in sy geskiedenis maak. Is dit oor die hele spektrum of net in sekere kategorieë? Dit is regtig waar dat Suid-Afrika tans die beste wyne aan die bopunt maak, maar ook by die onderste punt is Suid-Afrikaanse wyne baie selde ondrinkbaar. Nie alle lande kan dít sê nie. Basiese Suid-Afrikaanse Chenin blanc of Sauvignon blanc, of handelsmerke soos 4th Street, is nie onaangenaam nie en bied goeie waarde. Baie mense kan nie bekostig om duurder wyne te drink nie, en ons het goedkoper wyn net so nodig soos wat ons Columella (deur Eben Sadie) of Paul Sauer (deur Kanonkop) benodig, want die per capitaverbruik van wyn word steeds deur bier verdwerg. Ons moet die plaaslike bedryf uitbrei, nie…

Landboubiologiese middels verteenwoordig ’n diverse groep gewasbeskermings- en stimulantprodukte afkomstig van lewende organismes en natuurlike verbindings. Die handelsmerk Biologicals by FMC toon die maatskappy se strewe om wetenskapgesteunde biologiese oplossings aan boere te bied. Só help dit hulle om gewasse volhoubaar te bestuur, opbrengs te beskerm en weerstand te bestry. Biologiese oplossings kan gebruik word om die opname van voedingstowwe te verbeter en siektes en insekte te bekamp, terwyl opbrengsvoordele aansienlik verbeter word vir volhoubaarder boerderypraktyke. Sedert 2013 het FMC ’n wêreldklas- biologiese besigheid gevestig met biologiese produkte wat beskerming bied vir veelvuldige hoëwaardespesialiteitsgewasse en rygewasse in 50 lande. Die maatskappy het ’n reeks gedifferensieerde en gepatenteerde tegnologieë wat deur sy biologiese navorsingsafdeling ontwikkel is, asook deur die samewerking met derde partye. Volgens Ben Schoonwinkel, FMC se handelshoof vir Suid-Afrika,…

LEMOEN-EN-SOJASOUSHOENDERFILETTE Marinade ■ 125 ml sojasous■ 45 ml olie■ 250 ml lemoensap■ 2 knoffelhuisies, fyngekap■ 10 ml gerasperde vars gemmer■ 10 ml fyngekapte vars roosmaryn■ 1 rooi brandrissie, fyngekap■ Sout en varsgemaalde swartpeper■ 1 kg hoenderborsfilette Meng al die bestanddele vir die marinade in ’n nie-metaalbak. Sit die hoenderborsfilette tussen twee velle plastiek en kap die vleis liggies platter met ’n rolstok of vleishamer. Pak die filette in ’n enkellaag in ’n niemetaalbak en giet die marinade oor. Bedek lugdig en verkoel vir 3-4 uur, maar verkieslik oornag. Laat die hoender kamertemperatuur bereik voor jy dit uit die marinade haal. Rooster die hoenderborsies onder ’n vuurwarm oondrooster tot amper gaar. Verhit intussen die marinade in ’n pan tot kookpunt. Skep die geroosterde hoenderfilette in die kokende marinade en prut tot…

GAUTENG CARLETONVILLE BRONKHORSTFONTEIN (566) 61 ha, aan Al Hudaa Farm (Edms.) Bpk., van K2013098366 (Edms.) Bpk., R1500000. VLAKPLAATS (160) 25 ha, aan Rosaly Inv (Edms.) Bpk., van C. Grundling, R4 000 000. PRETORIA BRANDBACH (471) 27 ha, aan G.J. Snyman en H.A. Snyman, van Prinsloo Cullinan Familieplaas BK, R1 370 000. DE WAGENDRIFT (417) 31 ha, aan Msebenzi-familietrust, van M. Msebenzi, R1 970000. ONDERSTEPOORT (266) 13 ha, aan B.N. Ntlhoro en L.T. Ntlhoro, van A.J. Jansen van Vuuren, R1 300 000. STRYDFONTEIN (306) 12 ha, aan PJ Magalies Farm (Edms.) Bpk., van J.J. Harris en S. Harris, R1500000. TIEGERPOORT (371) 10 ha, aan D. Kruger, van F.W. Rose en C.J. Steyl, R2 000 000. KWAZULU-NATAL HARDING ES (18532) 14 ha, aan JFK Poultry (Edms.) Bpk., van Greg Simpson-familietrust, R1050000. NEWCASTLE…

Anderkant die reënboog Nog nooit was ek só bly oor ’n rits kansellasies nie! ’n Klomp boere bel die oggend van Landbouweekblad se onlangse Vee-akademie op Nampo-park by Bothaville en laat weet: Jammer, dit het gereën, daar moet nóú geplant word. “Die ark is nou wawyd oop,” is hoe ’n pêl dit vanuit die kajuit van sy trekker beskryf. ’n Rapsie oor 200 mense daag toe wel deur al die geplantery en kalf- en lamtyd op vir wat uiteindelik ’n fantastiese, interessante dag sou wees met goeie, wyd uitlopende sprekers. Van voerkraaleienaars tot die manne met vrylopende beeste was daar. Topsjefs het kom vertel wat hulle in vleis soek, terwyl daar insigte gedeel is oor die enorme geleenthede in die informele mark, waar miljarde rande ongesiens bestee word. Dieetkundiges het…

TERWYL daar tans groot onsekerheid heers oor wat geword het van R492 miljoen wat in 2014 aan Onderstepoort Biologiese Produkte (OBP) gegee is om sy geriewe op te knap, word ’n losse beraming van die nuwe bedrag vir verbeterings op minstens R2 miljard geskat. Volgens Willie Aucamp, DALP en lid van die portefeuljekomitee vir landbou wat onlangs OBP en die Landbounavorsingsraad se geriewe in Pretoria besoek het, is die R2 miljard “glad nie ’n akkurate beraming nie. Dit is ’n skatting. “Dit klink of dit waarskynlik nóg meer kan kos.” Kort ná John Steenhuisen se aanstelling as minister van landbou in die regering van nasionale eenheid (RNE) het OBP volgens Aucamp ’n voorlegging aan die komitee gedoen en ’n baie rooskleurige prentjie geskets oor wat daar aangaan. In Augustus het…

GROEI in die landbousektor oor die afgelope 120 jaar is onlangs op AgriSA se Green Horizons-kongres in Kaapstad bespreek. Die organisasie vier vanjaar ook sy 120ste bestaansjaar. “Internasionale faktore is nou belangriker as wat dit 50 of selfs 30 jaar gelede was. Dit is tans die oorheersende faktor, maar dit is ook iets waaroor die plaaslike bedryf die minste beheer het. “Dit sluit in die wêreldekonomie, klimaatsverandering en die ontwikkeling van tegnologie,” het prof. Nick Vink, emeritus-professor van die departement landbou-ekonomie aan die Universiteit Stellenbosch, gesê. Vink het ’n ontleding van die bewegings in die bedryf oor die afgelope sowat 100 jaar gegee. Een van sy afleidings is dat die koste van intermediêre goedere in die sektor die koste van arbeid, die waarde van kapitaal (soos grond, infrastruktuurverbetering en vee)…

DAAR is twee dinge wat ’n boer se hart vinniger laat klop, sê dr. Werner Rossouw, direkteur en handelaar van Silostrat: “Die een is Minki van der Westhuizen en die ander een is La Niña – in geen spesifieke volgorde nie.” Só het hy grappenderwys op Silostrat se markvoorlegging by Nampo-park gesê in ’n voorlegging oor wat die vooruitsigte vir mielies in die komende maande en volgende jaar inhou. Met ’n verwagte La Niña en dus normale reënval vir die komende somerseisoen verwag Rossouw ’n goeie oes, met die mielieprys wat dan na uitvoerpariteit sal beweeg. La Niña-toestande kan egter onbestendigheid in die internasionale pryse veroorsaak. “Uitvoerpariteit staan ’n raps onder R3 000 per ton. Dít is jou as boer se risiko vir die komende seisoen. As ons niks doen…

Ná dekades van stygende landbouproduksie ly baie Suid-Afrikaners steeds honger en daar is volgehoue druk op voedselsekerheid, waarsku PwC-adviesdienste se afdeling wat hom op die landbou toespits. PwC kyk in ’n studie na nuwe benaderings en tegnologie wat Suid-Afrikaanse boerderye kan laat groei sonder om volhoubaarheid en bedryfsdoeltreffendheid in te boet. Andrew Dale, PwC se landbousakeleier in Afrika, sê die eerste groen revolusie het te midde van die wêreldwye depressie en hongersnood ná die Tweede Wêreldoorlog gevolg. “Die oplossing vir die agteruitgang in voedselsekerheid is in nuwe graankultivars wat hoër opbrengste gelewer het, bastersaad, nuwe kunsmis en plaagdoders, moderner bestuurstegnieke en die uitbreiding van besproeiingsinfrastruktuur gevind. Suid-Afrikaanse boere het aan die voorpunt van hierdie veranderinge gebly.” Nogtans is daar tot 20 miljoen mense plaaslik wat ’n gebrek aan voedselsekerheid het,…

Plantproduksie Du Roi is so deel van die Letsitelevallei as die Letabarivier, maar soos net die oortjies van ’n seekoei bo die water uitsteek, is die naambord en paar geboue wat jy in die verbyry op die R71 sien, net ’n klein deeltjie van sy suksesverhaal wat op innovasie, toewyding en ’n onwrikbare geloof in maatskappykultuur gebou is. Die Du Roi-laboratorium wat op dié landmerk-perseel gehuisves word, vier vanjaar sy 30ste bestaansjaar. Die laboratorium, wat in 1994 gestig is, spesialiseer in die produksie en verspreiding van die weefselkultuur van piesangplante en het oor die afgelope 30 jaar gegroei van ’n klein laboratorium in ’n plaasgeboutjie tot ’n bedryfsreus wat jaarliks miljoene piesangplante produseer en dit aan meer as 35 lande in Afrika en verder verskaf. Die beginjare Abs van Rooyen,…

Om baie redes kan gips beskou word as ’n boer se beste vriend. Byna 40 voordele van die gebruik daarvan op grond is gedokumenteer, sê prof. Athur Wallace van die Universiteit van Kalifornië. Gips (CaSO4.2H2O) is ’n neutrale sout wat as ’n natuurlike mineraal in die grond voorkom, en dit word ook in verskeie nywerhede as ’n neweproduk geproduseer. In Suid-Afrika is nywerheidsgips hoofsaaklik ’n neweproduk van fosforsuur-, oftewel kunsmisproduksie. Hierdie produk staan ook bekend as fosforgips, en dit bevat gewoonlik van 0,3% tot 1,6% fosfor (P). Die voginhoud van fosforgips kan aansienlik wees (tot 30% water) en dit kan problematies wees in die hantering en verspreiding daarvan. Gips as ’n kunsmis Gips het beperkte oplosbaarheid (0,2%) en hou dus geen soutgevaar vir plante in wanneer dit teen redelike dosisse…

DIEREVOEDING Resep vir afronding van lammers Ek het my eie resep vir die afronding van lammers in ’n voerkraalstelsel ontwikkel. Ek het Zilmol (reg.nr. V16987, Wet 36 van 1947) gebruik, wat nuut is vir my. Ek is onseker of my resep veilig sal wees om te gebruik. Het jy ’n voorstel oor ’n resep wat ek kan gebruik? Hiermee my voorstel vir die afronding van lammers op ’n kafeteria-stelsel met die gebruik van Voermol Zilmol. Konsentraatmengsel: ■ 200 kg Voermol SS200.■ 50 kg Voermol Procon 33.■ 80 kg Voermol Zilmol.■ 20 kg soja-oliekoek.■ 650 kg mieliemeel. Voer ad lib teen sowat 1-1,3 kg per lam per dag. Verskaf daarmee saam garsspruite teen 2% van liggaamsgewig (ongeveer 700 g per lam per dag), asook lusernhooi ad lib (ongeveer 300-500 g per…

Hoekom is varke so ’n gesogte boerderyproduk? Ná my studie aan die Landboukollege Elsenburg het ek in Amerika op plase gaan werk en in Suid-Afrika verskeie internskappe gedoen. My pad het gekruis met ’n Australiër wat naby Botrivier met varke boer. Daar het ek geleer varke is die beste diere om mee te boer, veral as jy nie baie kapitaal het nie. Varke jong twee keer per jaar, dus speen jy elke ses maande agt kleintjies uit ’n sog. Agt! Ek het aanvanklik klein begin met tien speenvarke, en is een van die min boere wat met varke op weiding boer. My boerdery se naam is Khula, wat groei beteken, en my varkkudde het vinnig tot sowat 250 aangeteel. Hoe bestuur jy jou varke op die weidings? Hulle loop in…

In die vorige geselsie het ons ’n onderwerp aangeroer wat nog nie voltooi is nie. Ons het toe beloof om later verder daaroor te gesels. Dit het gegaan oor die verband tussen wetenskap en geloof. Ons het gesien hoe die twee denkskole ernstig met mekaar verskil. Hierdie verskil kan só drasties wees dat die een die ander heeltemal uitsluit. In die denkskool van die wetenskap wil daar glad nie geluister word na die sogenoemde “storie van geloof” nie. In die denkskool van die geloof word uitgesproke gesê: “Wetenskap, staan ’n bietjie terug. Wees veel meer beskeie. Geloof het kennis waarvan julle niks weet nie.” Van ’n huwelik tussen wetenskap en geloof kan daar nie sprake wees nie. En nou die vraag vir vandag: Is daar nie tog ’n ander hoek…

Grondtransaksies in drie noordelike provinsies toon ’n gemengde prentjie, met verskeie uitskieters en gebiede waar pryse gedaal het in die afgelope jaar tot Julie 2024. In Mpumalanga is 347 transaksies in ses distrikte aangeteken, met 87 546 ha wat teen ’n totale waarde van R2,273 miljard verhandel is. Grond groter as 600 ha en grond van 150 ha tot 450 ha toon ’n toename in verhandeling. Gunstige prysneigings is in 83% van die distrikte opgemerk, wat op groei in die grondmark dui. In die Noord-Kaap is 240 transaksies in 21 distrikte gesluit, met 597 465 ha wat teen altesaam R1,812 miljard verhandel is. Grond groter as 600 ha toon noemenswaardige toenames, terwyl gunstige prysneigings in 57% van die distrikte waargeneem is. Hopetown (18,7%) en Philipstown (13,5%) was die uitskieters. In…

’n Driejarige bul (DYS 211081) met sterk bene en rug, asook baie diepte het die hoogste prys van R145 000 op die agtste produksieveiling van Kandys Beefmasters van Johan Prinsloo behaal. Die koper was Henry Keyter van Marquard. Die veiling is op 9 Augustus op Johan se plaas, Brakfontein, by Theunissen gehou. Die gemiddelde prys van die bulle was R63 000. Die duurste lot dragtige verse het R26 000 elk behaal, en is deur die Successboerdery van die Paarl gekoop. Die gemiddelde prys van dragtige verse was R24 660. Dragtige koeie het gemiddeld R17 225 behaal en nie-dragtige verse R13 400. BKB Kroonstad en die Meerkat- aanlyn platform het die veiling aangebied. Jan Mostert was die afslaer. Besoek landbou.com/veilings vir die jongste veilingsnuus.…

KOMMER neem toe oor die laer damvlakke en die watertekorte in Gauteng, Suid-Afrika se ekonomiese hartland, terwyl daar ook vrese oor ’n groterwordende krisis vir die toekomstige beskikbaarheid van water en die gehalte daarvan is. Die vlak van die Vaaldam was op 14 Oktober 37% en ’n week tevore 39%, terwyl dit in die ooreenstemmende tydperk verlede jaar 77% was. Die gemiddelde stand van die damme in die Vrystaat is 76% teenoor byna 90% verlede jaar. ’n Kenner meen mense het gerus geraak oor die goeie reën die afgelope twee jaar en die voller damme, maar die moontlike droër seisoene wat tot aan die einde van die dekade voorspel word, kan op ’n krisis afstuur. Dit kom ná Rand Water se waarskuwing op 12 Oktober dat die wateropgaarvlakke in Gauteng…

“EK het nog altyd gesê wanneer die mense lei, sal die regering volg, en dit is wat op 29 Mei (stemdag) gebeur het. “Dit was ’n absolute wonderwerk: Nie ’n enkele skoot is afgevuur nie. Die ANC het aanvaar dat hy verloor het en die regering van nasionale eenheid is gevorm,” het die boer Kallie Schoeman gesê in ’n ministeriële gespreksessie wat Absa en die landbou-ontwikkelingsagentskap Agda oor transformasie in die sektor aangebied het. Schoeman is die uitvoerende hoof van die Schoeman Groep en ’n stigter en direksielid van Agda. Die feit dat byna 20 miljoen mense nie gestem het nie, is egter nie ’n goeie teken vir Suid-Afrika se demokrasie nie. “Ekonomiese groei is die suurstof van die demokrasie,” het Schoeman gesê. ‘Logiese’ gesprek nodig Volgens hom was die…

Brief uit die buiteland Groter en beter is dalk sinoniem met Amerika, maar dit geld ook enkele slaggate vir die horde Suid-Afrikaners wat op plase daar werk. Die 20-jarige Wessel de Lange, vierde geslag De Lange op die plaas Leliekrans tussen Calvinia en Middelpos in die Noord-Kaap, boer “eintlik” op die familieplaas saam met sy pa, Piet. In April vanjaar het Wessel die Leliekrans Meatmaster-stoetery verruil vir Dumas, ’n dorp net noord van Amarillo in die Amerikaanse deelstaat Texas. Sy pad daarheen was dalk “maklik”, maar daar is ’n paar dinge wat jy moet weet voor jy agter ’n reuse-werktuig se stuur inskuif, sê hy. Waar het jy skoolgegaan? Ek was in die Laerskool Calvinia, het in gr. 7 na die Laerskool Hugenote op Wellington geskuif en toe aan die…

Skaaphonde Die wind was sleg en die skape was befoeterd. Boonop was sy nie seker of haar skaaphond Tess haar bevele bo die gesuis van die wind kon hoor nie. Maar Ragni Pretorius (78) van Coligny en Tess het mekaar op vanjaar se nasionale skaaphondkampioenskapsbyeenkoms op Witsand in die Wes-Kaap in die oë gekyk – en presies geweet wat hulle moes doen. Aan die ander kant van die baan het Ragni so hard as moontlik haar instruksies bo die wind aan Tess geskree, en dié dinamiese swart-en-wit skaaphond het na elke bevel van haar ounooi geluister terwyl sy met 20 skape in die kompetisie se eindronde gewerk het. Wanneer Ragni een keer fluit, swenk sy links; twee keer, dan skiet sy regs. En met elke bevel het Tess gedoen wat…

Sluitingsdatum: 14 November 2024 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: Eet dit as hoofgereg of as lekkernye Lees op bl. 90 hoe dit werk. WEN BOEREPLAAS-BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 91 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 14…

BKB het op 14 Augustus ’n baie goeie produksieveiling vir Cobus en Charles Church op hul plaas Leeuwkop by Rouxville gehou. Die hoogste prys vir ’n ram is betaal vir lot 9, wat vir R28 000 aan Norval Boerdery (Edms.) Bpk. van Adelaide verkoop is. Die gemiddelde prys vir die stoetramme was R9 312,50. Dragtige kudde-ooie is vir gemiddeld R3 000 verkoop en dragtige stoetooie vir gemiddeld R3 495,45. Al die diere wat te koop aangebied is, is verkoop. JP Marais was die afslaer.…

BYEENKOMSTE 31 OKTOBER: Simposium: Vereniging van veevoervervaardigers (Afma). Diamondouditorium, WNNR- internasionale konferensiesentrum, Pretoria. Bee Oelofsen, 012 663 9097/3282, events@afma.co.za 6 NOVEMBER: Subtropbemarkingsimposium. Anewoord, Witrivier. Lizette de Wet, 015 307 3676/7, e-pos: lizette@subtrop.co.za 18-20 NOVEMBER: African Agri-belegging-indaba. Aangebied deur die Wes-Kaapse regering. Kaapstadse Internasionale Konferensiesentrum. Web: agri-indaba.com 20-21 NOVEMBER: Devac Agrinvest-beraad. Southern Sun Cape Sun, Kaapstad. Web: agrinvestafrica.com 20-21 FEBRUARIE 2025: African Farming-imbizo, Pretoria. Apollo Bomvana, 067 217 0190, apollo.bomvana@media24.com FEESTE, EKSPO’S 24-26 OKTOBER: Langkloofbloeiselfees, Joubertina. Tel. 042 273 1056. 25-27 OKTOBER: Robertson Wine on the River-fees. Viljoensdrift-wynlandgoed, Robertson. Web: robertsonwinevalley.com 30 OKTOBER-1 NOVEMBER: Standard Bank WineX. Sandton-konferensiesentrum. Web: winex.co.za 1-3 NOVEMBER: Die SA-bakkiefees, Sondela-natuurreservaat, Bela-Bela. Navrae: 072 487 0000 (kantoorure), e-pos: accounts@ekspo.co.za, aanlyn besprekings: www.ekspo.co.za 2 NOVEMBER: Perdebergfamiliefees 2024. Perdeberg-kelder, Paarl. Web: perdeberg.co.za; kaartjies op webtickets.co.za 14-16 NOVEMBER: Iona-kersieoes-fees. Ionia-kersieplaas, Strathavon (tussen Fouriesburg…