Table of contents for September 2025 in Rooi Rose

Ons tema vandeesmaand is om weer te kan opstaan nadat jy platgeslaan is. Hoe kry 'n mens dit reg? Van opstaan gepraat … Net om op 'n koue wintersoggend uit die bed te moet opstaan, vat motivering, maar opstaan, moet jy opstaan. En dis presies hoe die lewe ook is – wat gaan gebeur as jy nooit by opstaan uitkom nie? Jou lewe gaan stilstaan. Met geen vooruitsigte nie. Daar is soveel uitsonderlike dinge wat met jou kan gebeur, as jy net daardie eerste tree neem en dit wat jou nie meer geval nie, laat gaan. Die tyd kom altyd wanneer jy weet nóú is die regte tyd om jouself af te stof en weer die lewe met positiwiteit aan te pak. En dit is 'n goeie gevoel! Hier is…

Die sangeres en liedjieskrywer Lira se lewe is op 'n laatmiddag in Maart 2022 hand-omkeer verander. Sy het pas in Duitsland aangekom en deur die strate gedrentel toe sy 'n beroerte gekry het. “Ek het glad nie besef iets is verkeerd totdat ek probeer praat het nie. Ek het 'n restaurant binnegestap, probeer praat, maar kon nie 'n woord uitkry nie. Ek was verward en het begin huil. Vyftien minute tevore het ek met iemand in 'n winkel gesels! Binne 'n oogwink het my lewe vir altyd verander. “Ek het eers 19 uur later toe ek in 'n hospitaal opgeneem is, gehoor ek het 'n beroerte gehad. Ek kon dit nie glo nie. Ek het dan normaal geloop, ek kon net nie praat nie!” Lira vertel dat vrees, hartseer en…

Hoe om rekmerke tydens swangerskap te voorkom HANNON BOTHMA Voorkomskenner en aanbieder van Glam Guru op kykNET BLY BEVOGTIG | Drink genoeg water om jou vel bevogtig en soepel te hou. 'n Goed bevogtigde vel is minder geneig om rekmerke te ontwikkel. BEVOGTIG GEREELD | Wend 'n ryk vogroom of olie op jou vel aan, veral op gedeeltes wat geneig is om uit te rek soos die maag, heupe, bors en dye. Soek na produkte wat bestanddele soos kakaobotter, galambotter, amandelolie, of vitamien E bevat. VOLG 'N GESONDE DIEET | Eet 'n gebalanseerde dieet ryk aan vitamiene en minerale, veral dié wat noodsaaklik is vir velgesondheid, soos vitamiene A, C, E en sink. Fokus op genoegsame vrugte, groente, maer proteïene en volgrane. OEFEN GEREELD | Neem deel aan matige oefeninge…

Sê koebaai vir vlekke Menstruasie het verskeie uitdagings, maar vlekke hoef nie een daarvan te wees nie. Bonnie Bio, 'n trots Suid-Afrikaanse onderneming, het pas 'n menstruele vlekverwyderaar bekendgestel, juis om hierdie algemene probleem op te los. Hierdie produk gaan daaroor om witgoed wit, helder klere helder en delikate klere delikaat en kleurveilig te hou en enige menstruele vlekke te verwyder. 'n Alles-in-eenen moeitelose oplossing Dit is verder ook veilig vir sensitiewe vel, en werk selfs op ou vlekke. Bonnie Bio Menstrual Stain Remover 135 ml R89,99, www.bonniebio.co.za Septembermaand is: ✤ Servikale KankerBewusmakingsmaand ✤ Die Nasionale Maand vir Dowe Mense ✤ Nasionale Mondgesondheidsmaand ✤ Sonneblomdag op 19 September ✤ Wêreldhartdag op 29 September Sorg vir jou mikrobioom Is jou derms die vermiste skakel na beter welstand? Jou derms doen meer…

Roosterkoeke met biltong ✤ 6 porsies ROOSTERKOEK 1 kg (8 k) koekmeel 10 ml (2 t) sout 30 ml (2 e) suiker 10 g (1 pakkie) kitsgis 30 ml (2 e) olyfolie 750 ml (3 k) louwarm water ekstra koekmeel ekstra olie MAASKAASVULSEL 250 g (1 bakkie) roommaaskaas 80 ml (⅓ k) blatjang sout en peper 750 ml (3 k) cheddarkaas, gerasper 500 ml (2 k) biltong, dun gesny Sif koekmeel en sout saam in groot genoeg mengbak. Roer suiker en kitsgis by en roer weer deur. Roer olyfolie by louwarm water. Giet dit by meelmengsel. Werk water by meelmengsel met bottermes in. Dit moet sagte klouerige deeg wees. As nog water benodig word, kan nog louwarm water bygevoeg word. Strooi ekstra koekmeel op werksoppervlak en knie deeg vir ongeveer 5 minute. Die deeg moet glad en elasties wees. Smeer…

Die Toua-gesin – Mike, Annelize en hul twee dogters, Camilla (11) en Amore (9) – bly die afgelope vyf jaar in 'n groot huis in 'n weggesteekte landgoed in die Hemelen-Aarde-vallei buite Hermanus. Daar is ook drie honde, Bella (Yorkie), Stella (Australiese herdershond) en Bennie (Skotse terriër), twee katte (Nina en Matewis) en vyf hoenders. Annelize sê op hul erf is hul woonhuis en 'n losstaande kothuis met sy eie tuin en privaat ingang. Die huis se naam is Menuha, wat “plek van rus” beteken. Die kothuis is Daisy Cottage genoem. “Ons gebruik dit meestal vir kuiergaste en verhuur dit as vakansie-akkommodasie uit.” Hul huis het drie slaapkamers, twee volledige badkamers, 'n gastebadkamer, 'n braai/vuurherd, 'n TV-kamer, eetkamer, kombuis, swembad, groentetuin, buitebraai, pizza-oond en 'n buitekuiervertrek en buitestort. Daar is…

Om duikpakke te vervaardig, is wat 'n span van 17 vroue in Soutrivier, Kaapstad, sedert 1995 met 'n onwrikbare passie doen. By Coral Wetsuits ontwerp, knip en stik Elaine Mouton, die maatskappydirekteur, en haar span duikpakke vir kommersiële duikers, branderplankryers, visskieters, oopwaterswemmers, kinders en selfs die rolprentbedryf. Elaine is passievol oor vrouebemagtiging en haar span staan nie 'n tree agteruit vir die manswêreld waarin hulle hulself bevind nie. BEGINDAE In die jare negentig het Irene Morris van die Kaapse Vlakte en Elaine, oorspronklik van Skotland, albei in die kommersiële duikbedryf gewerk en mekaar ontmoet. Dié twee het dadelik die ander se sterk punte raakgesien, en ná onverwagse omwentelinge in die duikpakbedryf in die Kaap (wat die hele bedryf onkant gevang het) het hulle besluit om hul eie duikpakonderneming te begin.…

Ek wil graag hierdie somer 'n mooi grasperk hê. Gee my raad asseblief Voeding: Dien 'n lente-bemesting toe met 'n stikstofryke kunsmis soos Wonder 7:1:3. Dit help om die gras vinnig groen en sterk te maak. As jou grasperk swak lyk, kan jy ook 'n organiese voeding soos kompos of 'n ligte laag turfgrond gebruik om die grondtoestand te verbeter. Sny jou gras aan die begin van die lente net 'n bietjie korter as gewoonlik (maar nie té kort nie!). ‘n Lengte van ongeveer 4 cm is ideaal. As jy dit korter sny, kan die gras stres en onkruid laat oorneem, so hou dit 'n bietjie langer tot die groeiseisoen regtig aan die gang is. Jy moet nou mooi oplet vir klein peste wat in jou grasperk begin rondbeweeg. Grasdraertermiete…

BLOKRAAI 1 BLOKRAAI 2 BLOKRAAI 3 BLOKRAAI 4 ANTWOORDE Sudoku 1, 2 & 3 van bl 118 SUDOKU 1 MAKLIK SUDOKU 2 MEDIUM SUDOKU 3 MOEILIK Raaikettings 1 & 2 van bl 120 RAAIKETTING 1 Skuins na onder: 1. Ase; 2. Inlê; 3. Roset; 4. Binêr; 5. Edeem; 6. Ellie; 7. Sente; 8. Suur; 9. Sif. Skuins na bo: 1. Air; 10. Snob; 11. Elsie; 12. Eende; 13. Teëls; 14. Relês; 15. Minus; 16. Etui; 17. Erf. RAAIKETTING 2 Skuins na onder: 1. Alg; 2. Roer; 3. Kêrel; 4. Resep; 5. Gewig; 6. Sepie; 7. Reëls; 8. Trae; 9. Ene. Skuins na bo: 1. Ark; 10. Loer; 11. Gereg; 12. Reses; 13. Lewer; 14. Pipet; 15. Giere; 16. Elan; 17. See. BLOKRAAI 5 BLOKRAAI 6 LEIDRADE DWARS 1. Handelshuise (7) 4.…

Vandat ek kan onthou, het ek 'n heilige vrees vir alle vorms van kompetisie en loop ek wye draaie verby alle uitnodigings om mee te ding. Op laerskool was ek verplig om aan een of twee skoonheidskompetisies deel te neem, maar ek onthou hoe mislik dit gevoel het om nie eens in aanmerking te kom om 'n prinses te wees nie, laat staan nog die eerste plek te verower. Daar kan maar altyd net een wenner wees. En dan moet al die ander wat net so hard deelgeneem het en ure lank voorberei het, kliphard hande klap en saam met die wenner bly wees. Dit verg so baie inspanning om dan met blink ogies te glimlag en bly te wees, terwyl jy voel hoe jou mondhoekies afwaarts trek en hoe…

In 'n lowergroen vallei tussen Somerset-Wes en Stellenbosch, omring deur skilderagtige berge, lê die klein sendingdorpie Raithbay. Dis hier waar die aktrise Antoinette Louw rus vir die holte van haar voet gevind het. Sy verwelkom my kaalvoet by haar tuinhekkie. Langs haar is haar opgewonde “peetkind”, 'n bruin hondjie van onbekende herkoms. “Sy's dalk nie mooi nie, maar sy's dierbaar. Pippa is eintlik my buurman se hond. Sy't gisteraand 'n sleepover gehad, so ek het nou 'n timeshare-hond,” vertel Antoinette laggend. “Ná die einde van 'n lang verhouding, het ek eers twee jaar by my ouers gewoon. Ek het letterlik niks op my naam gehad nie. Ek's daar uit met 'n broodrooster, vier koppies, my skilderye en boeke. Dit was amazing om by my ouers te bly, hulle is my…

Skep lentevelde van geluk en onvergeetlike oomblikke waar jy ook al gaan met Isabella Garcia se Grace Eau de Parfum (R804, www.isabellagarcia.co.za). Hierdie elegante parfuum is 'n klassieke juweel vir die moderne vrou wat haar drome en passie ten volle uitleef. Grace se botoon van perske en nartjie word aangevul met hartnote van patsjoelie en jasmyn en vervolmaak met soet basisnote soos toffie en amber. Laat jou elegante en grasieuse aura 'n spoor van verwondering, dankbaarheid en onvoorwaardelike liefde met die wêreld om jou deel en jou lig helder laat skyn. Gebruik kode ‘grace‘ vir R100-afslag en bederf jouself!…

Wen Een leser kan 'n SKIN Willem Botha Beautygeskenkpak ter waarde van R2 700 wen. Dit sluit die volgende in: ✤ Ultimate Cleanser ✤ Advanced Serum ✤ Active Moisturiser ✤ Renewing ✤ Exfoliator ✤ Daily Protection Besoek www.rooirose.co.za en klik op die WEN-blokkie voor of op 25 September om vir die prys in aanmerking te kom *Slegs een inskrywing per persoon Met lente in die lug is my hart sommer ligter. Ek is nou maar net lief vir die somer, die son en al die nuwe blare wat die bome vul. Nog iets waarvan ek hou, is om in Namibië te gaan werk. Die mense gaan omtrent uit hul pad om jou te bederf. Ek't in Gobabis by die Braaifees gaan kuier. Daar was kunstenaars, stalletjies en een van…

Het 'n situasie of verhouding al vir jou na 'n doodloopstraat gevoel? Jy voel nie gemaklik nie, maar ook nie in staat om aan te beweeg of dit te verander nie. Jy is stuck, soos die Engelse sê. Niks wat jy doen of sê, maak regtig 'n verskil nie. Dr Julia Kukard, 'n eksistensiële psigoterapeut en leierskapafrigter van Kaapstad, is 'n kenner op die gebied van stuckness (soos wat sy dit noem) in ons persoonlike en werkslewe. “Soos baie navorsers het ek die onderwerp bestudeer wat mý die meeste gepla het,” sê sy skertsend. “In my lewe was daar verskeie doodloopstrate. “Wanneer mense hoor ek bestudeer stuckness, weet hulle intuïtief waarna dit verwys. Tog is daar insigte wat dit duideliker kan maak. “Het jy al daaraan gedink dat so 'n…

Vier kos en wyn ✤ 5-7 September | Durban-straatkosfees, The Pavillion, Durban, www.quicket.co.za ✤ 27 September | Unwined-kos-en-wyn-fees, Mbombela, www.un-wined.co.za  ✤ 27-28 September | Swartland-olyffees, Riebeek-Kasteel, www.swartlandtourism.co.za Anthonij Rupert se versnit in Bordeaux-styl Wyne in die Bordeaux-styl kom bymekaar in die Anthonij Rupert Optima 2021. Dis 'n versnit van cabernet sauvignon, merlot en cabernet franc uit wingerde van Franschhoek en Darling. Die wyn het donkerbessies, subtiele speserye en 'n tikkie mokka en tabak in die boeket met 'n mondgevoel van onder meer swartbessies en vrugtekoek. Die voorgestelde handelsprys is R270 per bottel en dis by die wynlandgoed en by handelaars beskikbaar. Meer inligting by www.rupertwines.com Spier se spogwyn Die Spier-wynlandgoed is baie trots op hul Spier 21 Gables Chenin Blanc 2022, wat 'n goue medalje by die Global Wine Masters gewen…

Wanneer laas was jy verveeld? Regtig verveeld met niks om te doen nie? Was dit toe jy dalk jou foon by die huis vergeet het of nie WiFi gehad het nie? Dis 'n feit dat ons selfone deesdae ons konstante bron van vermaak is. Die wag buite die kinders se skool, in 'n dokter se spreekkamer of selfs by Binnelandse Sake gaan baie vinniger verby as jy jou selfoon by jou het, want die een ding na die ander hou jou vasgenael. Die “vinnige” video op Instagram word later tien video's en die “vinnige” loer na Facebook verander gou in 'n halfuur of 'n uur. En dan praat ons nog nie eens van TikTok, Pinterest, YouTube, X, 'n duisternis speletjies, en inkopie-toeps nie. Daar is soveel afleidings op ons foon…

Jy is al langer as 30 jaar 'n joernalis, bekend as rubriekskrywer en het 'n tiental boektitels op jou kerfstok. Hoe én waar het jy begin skryf? Ek skryf al vandat ek 'n potlood kan vashou! Eers was dit opstelle, toe berigte vir die skoolkoerant en later gedigte elke keer as my hart gebreek is. Toe my huwelik weens huishoudelike geweld op die rotse beland het, het ek my weer tot die helende woord gewend. My eerste boek Sin, Sushi and Survival (2011) was 'n topverkoper, en die res is geskiedenis. Jy't eers in jou veertigerjare begin boeke skryf. Hoe het dit gebeur? Ná Sin, Sushi and Survival het die roman Still Standing gevolg. Toe my destydse verlowing verbrokkel, moes ek my jong kind en myself aan die lewe hou.…

Wenke ✤ Die top is met 4,5 mm-hekelper gehekel vir sagter eindproduk. Gebruik 4 mm-hekelpen as jy baie los hekel. ✤ 4 steke aan begin tel as dsl. ✤ Patroonsteek is veelvoud van 3 plus 2. Vermeerder met veel-voud van 3 steke as jy top langer wil hê en vermeerder rye vir wyer top. ✤ Gebruik enige patroonsteek van jou keuse wat herhaling van 3 steke is. ✤ Enige DK-hekeldraad van jou keuse. Die Nikkim is 100% katoen. Sien verpak-kingsmateriaal vir versorgingsinstruksies. Afkortings dsl - dubbelslag  ks - kettingsteek  kr-been - kruisbeen  lb - langbeen WAT HET JY NODIG HIERVOOR? ✤ 6 balle VINNIS COLOURS Nikkim (50 g) in Blue-Grey (100% katoen) of kleur van jou keuse ✤ 4,5 mm-hekelpen STEEKVERDUIDELIKING ✤ dsl – slaan draad 2 keer om pen,…

RAAIKETTING 1 LEIDRADE SKUINS NA ONDER Hoogste kaarte Blik Kokarde Tweedelig Watersug Albasterghoen Suid-Afrikaanse munte Nors My geheue is soos 'n … (ek kan niks onthou nie) SKUINS NA BO 1. Houding 10. Parvenu 11. Soort waadvoël 12. Swemvoëls 13. Vloerstene 14. Herleiers 15. Aftrekteken 16. Versierde houer 17. Standplaas RAAIKETTING 2 LEIDRADE SKUINS NA ONDER Wier Beweeg Ou Bakvoorskrif Weegmassa Strooisage Skryflyne Luierige 'n Sekere SKUINS NA BO 1. Noag se skip 10. Skelm kyk 11. Skottel 12. Rusperiode 13. Voorsien 14. Glasbuisie vir gebruik in laboratorium 15. Nukke 16. Glans 17. Oseaan ANTWOORDE Woordoku 1, 2 & 3 van bl 119 WOORDOKU 1 WOORDOKU 2 WOORDOKU 3…

Die aansluiting by die Vyftigplusser Singles’ Klub verlede maand het die wind uit my, Joyce en Santie se seile geneem. En ook 'n mededingende ondernemingsgees diep binne-in ons aangeblaas. Ek glo dis omdat Marie (die vaalste eendjie onder ons) ná die eerste bring-en-braaikuier saam met die spul eenlopendes – tot ons verbasing (en 'n titsel jaloesie) – die spogbuit Jan-Andre de Jager ingepalm het. Marie het die hele aand die pragdier se onverdeelde aandag gehad. En het dit steeds … Jan-Andre is 'n skatryk, geskeide ingenieur en bitterlik sag op die oog. Hy het nie 'n ons ekstra vet nie en net genoeg spiere op al die plekke wat saak maak. Die res van die enkellopende manlike kalante was nie juis iets om oor huis toe te skryf nie. Gaaf…

Met haar lang, blonde hare vasgebind, min grimering en swart toppie met bandjies, lyk Karlien van Jaarsveld soos enige ander ma wat 'n vriendin vir koffie kry voor die skoolklok lui. Dis ver verwyderd van die kunstenaar wat met haar blink uitrustings dit op die verhoë van ons land uitrock. Ons ontmoet by 'n restaurant in die ooste van Pretoria op pad na die kinders se skool sodat sy betyds kan wees om hulle ná ons gesprek op te laai. Karlien praat diep en eerlik. Sy draai nie doekies om oor haar geloof in God of haar liefde vir haar gesin en die donker waaruit sy al moes opstaan nie. Dit is dae ná haar boek se verskyning en ons gesprek draai heel eerste daardie kant toe. Die boek was…

STILIS ZEENAT KHAN STILISASSISTENT ALEXANDRA BENJAMIN FOTO'S GARETH VAN NELSON FOTOGRAAF-ASSISTENT LAUREN FREDERICKS HARE EN GRIMERING NICOLA LOOTS MODEL ALEXANDRA S/ ICE MODELS VIND HIERDIE ARTIKELS BY: AYANA www.ayana.co.za CAPE UNION MART (RARE EARTH) www.capeunionmart.co.za/c/brands-rareearth CHIMI www.chimi-online.com CRYSTAL BIRCH www.therealcrystalbirch.com/ COTTON ON https://cottonon.com/ZA/ FOREVER NEW www.forevernew.co.za/collections/new-in FOSCHINI www.bash.com/foschini H&M www.superbalist.com/brand/hm LUXOTTICA www.essilorluxottica.com/en/ WOOLWORTHS www.woolworths.co.za ZARA www.zara/com/za/…

1 | NUXE Hair Prodigieux Le Baume Intensive Repair Hair Mask R865, WWW.ORLEANSCOSMETICS.CO.ZA Ná die skadelike gevolge van die winter se droogte, is dit tyd om jou hare 'n hupstoot te gee. Die nuwe NUXE-haarmasker van die Hair Prodigieux-reeks, is 'n voedende formule wat jou hare kragtig herstel, versterk en teen verdere skade beskerm. Die botterige tekstuur is met galambotter en pantenol (pro-vitamien B5) verryk, en werk vinnig om droë hare gladder, sagter en sterker te maak. En dit sal nie NUXE wees as dit nie ook lekker ruik nie – met note van lemoenbloeisel, magnolia en vanielje laat dit hare vars en lieflik geurig ruik. 2 | essence Birthday Bomb Shiny Lip Gloss R34,95, CLICKS ‘n Speelse aanslag op lipglans, met 'n deursigtige melkerige tekstuur en fyn pienk glinsterdeeltjies…

Mens wil nie graag aan die dood dink nie, maar jy moet daarvoor voorsiening maak en daarom is 'n testament noodsaaklik. ‘n Eksekuteur moet vir die betrokke testament aangestel word. Dit is iemand wat verantwoordelik is vir al die administratiewe sake wat met die afhandeling van die boedel met afsterwe gepaardgaan. Dit sluit onder meer die aanmelding van die boedel by die Meester van die Hooggeregshof in. Die eksekuteur is ook verantwoordelik om alle ontvangbare bedrae in te vorder en alle uitstaande betalings te maak en om uiteindelik ook die finale verdelings van alle netto bates in die boedel te hanteer. Dit is algemene praktyk dat 'n prokureur as eksekuteur aangestel word, maar 'n familielid kan ook tesame met die prokureur aangestel word. Die bates van die oorledene gaan nie…

Van Hermanus, Stilfontein tot Potchefstroom, waar sy menslike bewegingskunde studeer het, en toe Maties, waar sy haar hoëronderwysdiploma voltooi het, het Chárlene McKenzie se lewenspaadjie haar vroeg reeds die land van hoek tot kant laat leer ken. Sy het drie jaar lank in Simonstad skoolgehou. Nadat sy en haar hoërskoolliefde, Brian McKenzie, getroud is, het hulle in Port Elizabeth (nou Gqeberha) gaan nesskop waar hulle die Aylesbury Frozen Yoghurt Parlour, 'n franchiseketting, gaan vestig het. “Reguit van die kansel af in die winkel in,” sê sy. “Geen wittebrood nie!” Hul volgende projek was die Steak & Ale in Bothalaan, Centurion, en dis uiteindelik hier waar Chárlene se liefde vir kuns, kultuur en Afrikaans werklik vlam gevat het. “Dit was in daardie stadium die tweede oudste kroeg in Centurion,” onthou Chárlene.…

Koeksisters ✤ Ongeveer 24 koeksisters STROOP 2,5 kg (10 k) suiker 1,5 (6 k) water 5 ml (1 t) kremetart (cream of tarter) 5 ml (1 t) wynsteensuur (tartaric acid) DEEG 750 ml (3 k) koekmeel 20 ml (4 t) bakpoeier 2 ml (¼ t) sout 30 ml (2 e) botter 1 eier 250 ml (1 k) amazi 1 ℓ olie om te diepvetbraai STROOP Gooi suiker en water saam in kastrol. Verhit oor matige hitte totdat suiker opgelos is. Roer gereeld. Wanneer suiker heeltemal opgelos en goed warm is, kan kremetart en wynsteensuur bygeroer word. Laat vir 5 minute sonder deksel kook. Moenie roer nie. Haal kastrol van stoofplaat af en laat heeltemal afkoel. Plaas stroop in yskas, verkieslik oornag. DEEG Sif meel, bakpoeier en sout saam in mengbak. Vryf botter by meel in totdat dit soos broodkrummels…

BEKENDES EN BLOMME ONS VOORBLADSTER Ons voorbladster hierdie maand, Karlien van Jaarsveld, sê sy is glad nie 'n tuinier nie. “Ek droom wel van my eie kweekhuis met organiese groente en vrugte. “Ek het al saam met die kinders probeer plant. Die uie en die tamaties het mooi gegroei, maar ek weet te min om dit in stand te hou. Ek dink altyd dit is nogal spesiaal om 'n tuinier te wees, omdat Maria die eerste een was wat die opgestane Jesus ontmoet het, maar Hom toe met 'n tuinier verwar het. In Johannes 20:15 sê Jesus vir haar: ‘Vrou, waarom ween jy? Wie soek jy?’ Sy het gedink dat dit die tuinier was en antwoord hom: ‘Meneer, as u Hom weggedra het, sê vir my waar u Hom neergelê…

✤ Leo Woodall, wat vroueharte in Bridget Jones: Mad About the Boy as haar minnaar laat smelt het, is nou by Sirens se Meghann Fahy betrokke. Meghann het ook groot aandag in The White Lotus asook die riller Drop getrek. ✤ Olivia Colman, wat die moesiemondjie-slagoffer in Wicked Little Letters speel, is daarvoor bekend dat sy 'n vuil mond gedurende onderhoude het. Van haar antwoorde moet dikwels uitgebliep word! ✤ Mike White, die skepper van die White Lotus-reeks, het verduidelik dat hy nie met die komponis van die drie openingstemas oor die weg gekom het nie. Cristobal Tapia de Veer het inderdaad bevestig dat daar koppe gestamp is, en hy nie die vierde reeks se musiek sal komponeer nie.…

VEEARTS BEANTWOORD VRAE JEUKERIGE VEL Wat moet ek van allergieë by honde weet? Allergieë is een van die algemeenste redes waarom honde veearts toe gebring word. Allergieë gebeur wanneer 'n hond se immuunstelsel oorreageer as dit aan 'n allergeen blootgestel word. Een van die algemeenste allergene in honde en katte is vlooie. 'n Vlooi-allergie word gediagnoseer gegrond op die kliniese simptome (rooi, jeukerige, skilferige vel om die stert en agterbene) en die feit dat die hond nie op enige vlooivoorkomende medikasie is nie. Kosallergieë kan net met 'n elimineringsdieet gediagnoseer word. Tydens so 'n dieetproef word die hond vir agt weke op 'n baie spesifieke dieet gesit. ‘n Omgewingsallergie of “atopie” is wanneer 'n hond se immuunstelsel oorreageer op 'n omgewingsallergeen, soos stuifmeel en gras. Simptome van omgewingsallergieë is dus…