Table of contents for 21 September 2023 in Landbouweekblad

IN ’N BLIK Die Gamtoos-besproeiingsraad het teen druktyd oorweeg om met regstappe die departement van water en sanitasie te dwing om duidelikheid te gee aan watergebruikers oor waterbeperkings wat steeds van krag is, al was die dam toe, teen 61%, op sy hoogste vlak in sewe jaar. Sitrus-, groente- en melkboere in die Gamtoosvallei is van die dam afhanklik vir besproeiing, en word steeds met 65% van hul watergebruik ingeperk. Landbouverbruikers sê modelle toon dit moet eerder 60% wees. Rienette Colesky, bestuurder van die Gamtoos-besproeiingsraad, sê sy kry geen antwoorde van die nasionale departement nie. Boonop was die huidige beperking teen druktyd nog nie in die Staatskoerant afgekondig nie. Die voorwaarde vir opheffing van die perke was voorheen dat die Algoa-stelsel (met die Mpofu- en Churchilldam) op 65% staan,…

DIE afgelope paar jaar se styging in stroperverkope het feitlik saamgeloop met stygings in oliesaad-aanplantings en -opbrengste. Dit is omdat die oestydperk vir oliesade veel kleiner is as vir graan. Graadprobleme ontstaan wanneer die bone vog kry, en die peule spring oop en sade val op die grond as die bone nie betyds geoes word nie. Stroperverkope het ook beduidend gestyg tydens vorige bloeitydperke vir sojaboonaanplantings en -opbrengste, wat grootliks saamgeval het met goeie reënseisoene. Aanplantings van sojabone het in 2010 ’n groot hupstoot gekry met beleggings in 2 miljoen ton se soja-parsvermoë wat die plaaslike vraag verhoog het, asook die groter beskikbaarheid van geneties gemodifiseerde kultivars wat danksy die tegnologieheffing goedgekeur kon word. Graan SA verwag dat sojaboonproduksie in die komende vyf jaar met 50% kan styg. In die…

NOORDWES is sedert Augustus ’n kruitvat vir veldbrande. ’n Oorvloed brandbare materiaal weens die afgelope La Niñaklimaatsiklus, politieke onrus en straffelose misdadigheid het saam met ’n warm en onstuimige lente die perfekte toestande vir wegholbrande geskep. Die brandtoestande begin soggens stil, maar smiddae styg temperature skerp, die humiditeit daal en ’n sogenoemde oorkruis-fenomeen – wanneer die temperatuur 30 ºC of hoër is, die humiditeit 30% of laer, en die windspoed 30 km/h of meer – maak die brandgevaar baie hoog. In sy voorlopige skadebepaling noem Agri Noordwes brandstigting word vermoed by brande wat 15 640 ha in die Groter Taung-gebied vernietig het en wat uit trustgronde van die Noord-Kaap versprei het, asook by brande in die distrikte Bloemhof, Delareyville, Ottosdal, Ventersdorp en Wolmaransstad. Minstens een perd, 72 beeste, 40 skape…

DAAR is ’n bietjie geluk by die ongeluk van die hael- en vloedskade wat appel- en peerboere hierdie seisoen gely het met dié dat die uitvoeroes aansienlik kleiner is. Dit gee die bedryf “asemhaalkans” in ’n mark wat nie oorvol is nie. Die vrugtebedryfsorganisasie Hortgro het onlangs sy uitvoerverwagtinge vir die huidige oesjaar aangepas. Hiervolgens gaan Suid-Afrika ’n geraamde 42,09 miljoen kartonhouers appels (12,5 kg elk) uitvoer, wat 7% minder is as verlede jaar. Vir pere is die afname ’n allemintige 17%, met sowat 17,561 miljoen kartonhouers wat na raming uitgevoer sal word. Suid-Afrika se grootste appelen peerproduksiestreke het einde verlede jaar erge haelstorms beleef. Die Langkloof het in Maart vanjaar wéér hael gehad, wat ’n impak gehad het op die gehalte en volume van pere. “Algeheel is dit meer…

IN Suid-Afrika word bitter- en soetlupiene hoofsaaklik vir veevoer en -weiding en grondverbetering gebruik, maar in Europa is soetlupiene ook ’n belangrike bron van proteïen vir mense. Die vraag na lupiene as menslike proteïenbron kan toeneem namate weerstand teen sojabone opbou weens dié gewas se assosiasie met die ontbossing van die Amasone in Brasilië. Die groot verskeidenheid wilde lupiene wat inheems aan Mediterreense gebiede is en droogte en ander ongunstige groeitoestande kan oorleef, word as ’n onderontginde proteïenbron beskou. Die kwessie is egter om die alkaloïede wat hulle ’n bitter smaak gee, te oorkom. Danksy die proses van chemiese mutagenese en ’n nuwe opsporingsinstrument kon navorsers van verskillende Europese universiteite en Australië onlangs ’n geen vir soetheid identifiseer. Luidens hul artikel in Science Advances, “The causal mutation leading to sweetness…

REEKS As plant, spuit en stroop die drie glansryke sussies van rygewasverbouing is, is grondbewerking die getroue, stil suster wat op die agtergrond die pad gelyk maak. Grondbewerking is nie so voor op die wa soos stroop, waar opbrengste direk in rande omgeskakel word, so optimisties soos plant, waar individuele sade deur hoogs gespesialiseerde planters net mooi reg en presies met die belofte van ’n groot oes neergesit word, of bespuiting se berekende aksies, waar ingewikkelde formulasies en slegs die regte druppelgroottes die beste ondersteuning en sorg aan die oes bied nie. Lank was grondbewerking die stowwerige voorplantgedagte waar ’n stuk yster vinnig deur ’n land gesleep is om ’n saadbedding te skep sodat die planter, spuiter en stroper die soort werk kan doen wat op menige Landbouweekblad-voorblad te sien…

Bakkie vir ’n boer Die boere is byna onkant betrap deur die D-Max se omvattende talente. So asof hulle vergeet het hoe diep Isuzu-bakkies se spore ná 43 jaar in die land lê. En dat van hul medeboere die D-Max (vroeër die “KB”) bo Suid-Afrika se “nasionale bakkie”, die Hilux, verkies. Dis die sewende geslag van die KB/D-Max en hulle kom uit Isuzu se aanleg in Gqeberha. Hulle verkoop flink; Isuzu het al 16 566 verkoop sedert dié geslag van die eentonbakkie se bekendstelling in April verlede jaar. Met sy besondere eienskappe het die D-Max puik vertoon in die Bakkie vir ’n boer-uitdaging. Die nuweling is nie in elke opsig nuut nie, maar dis nie van belang nie. Isuzu het dit wat behoue gebly het, met toewyding en sorg bygewerk.…

Elke boerdery se behoeftes is anders en hang af van die vee se spesifieke voerbehoeftes, beskikbare hektare en praktiese uitvoerbaarheid van die weidingsbestuur. Die somerseisoen is die beste tyd in Suid-Afrika om die veld optimaal te benut. Die veld voorsien egter nie altyd voeropsies van die beste gehalte nie, en moet dikwels aangevul word met aangeplante weiding. Barenbrug het talle oplossings vir spesifieke behoeftes binne sy somergewaspakket om optimale diereproduksie te verseker. Goeie, vroegtydige voerbeplanning met gewaskeuses vir jou behoeftes is die geheim vir uitstekende volhoubare weidings. Barsweet Barsweet is ’n eenjarige vlagskip-soetsorghumbaster (Sor-  ghum vulgare) van Barenbrug, geselekteer vir hoë biomassaproduksie (sien TABEL) wat dit uiters geskik maak vir hooiproduksie. Barsweet is ook die kuilvoerkoning onder die sorghums. Dit het ’n lang groeiseisoen, is baie smaaklik en dien ook…

In die dinamiese wêreld van die moderne landbou is ’n bakkie wat naatloos by ’n verskeidenheid take aanpas, nie net ’n gerief nie, dit is ’n noodsaaklikheid. Die nuwe Ranger XL-enkelkajuit voldoen nie net aan hierdie vereiste nie; dit floreer daarin. As jou onwrikbare vennoot in die veld, lewer dit werkverrigting en ’n reeks kenmerke wat jou boerdery-ervaring na ’n heel nuwe vlak sal neem. Sterk genoeg vir ’n boer Die boerderylewe is onvoorspelbaar, maar die nuwe Ranger XL-enkelkajuit is ontwerp om in sulke toestande te presteer. Elke faset van sy ontwerp, van die robuuste raam tot die duursame laaibak, is gemaak om die toestande van enige landbou-omgewing te weerstaan. Hetsy jy ruwe terrein aanpak, ongelyke veld navigeer of ongunstige weer die hoof moet bied, die nuwe Ranger XL-enkelkajuit is…

In die huidige stram ekonomie maak Suid-Afrikaners toenemend staat op plantgebaseerde proteïen vir ’n gebalanseerde dieet. Dít bevoordeel droëboonboere wat die afgelope paar jaar self ’n opdraande stryd voer teen opbrengs- en winskwessies. Gerhard van der Burgh, datawetenskap-en-stelselintegrasiekundige by die buro vir voedsel- en landboubeleid (BFAP), het op die onlangse kongres van die droëboonprodusente-organisasie in KwaZulu-Natal gesê droëbone is ’n goedkoper keuse vir verbruikers om op terug te val om hul toenemend swakker rand te probeer rek. Dit geld veral die armste huishoudings. Luidens ’n opname van Statistieke SA oor lewensomstandighede in 2014-’15 het die armste helfte van landelike huishoudings sowat 2,3 keer meer per kop aan droëbone bestee as hul stedelike eweknieë. Tydens dié opname, wat in die onlangse BFAP-Baseline-verslag van 2023 aangehaal word, was droëbone die oorheersende peulgewas…

Maatskappy belê in vergroting van broeiery Quantum Foods het einde Mei sy gemoderniseerde en vergrote Hartiesbroeihuis amptelik geopen. Dit is deel van Quantum se Bellevue Chix en is naby Carletonville. Die broeiery se vermoë vir die plasing van bevrugte eiers om uit te broei, is met die helfte verhoog. Carien Kruger het die foto’s geneem. Goue beker-parade vir oulaas in PMB Die heel laaste parade van alle bekroonde vee is op die Royal-skou in Pietermaritzburg gehou. Angus Williamson, voorsitter van die skou se beesafdeling en van die KwaZulu-Natalse Rooivleisprodusente-organisasie, het in ’n toespraak gesê dit is die einde van ’n 172-jarige era en daar is “geen groot parade soos die Royal-skou se Goue bekerparade nie”. Die skou gaan voortaan by Hilton in KwaZulu-Natal gehou word. Dit sal in die toekoms…

Manie ’n Mens sou dink die onlangse vrywillige likwidasie van Zebediela Sitrus was die laaste spyker in die doodskis van dié eertydse bastion van Suid-Afrikaanse sitrusuitvoer. Maar, nee. Die landgoed waar tot 400 miljoen lemoene per jaar in die laat 1970’s geproduseer is, word nou nog stuk-stuk afgebrand ook. Niemand kan met sekerheid sê wie agter die brande sit nie, maar een ding is seker: Die kans raak baie skraal dat enige belegger die landgoed weer uit die as gaan probeer optel. Manie wil nou nie swartgallig wees nie, maar die storie van Zebediela Sitrus is waarskynlik die beste getuigskrif van die Suid-Afrikaanse regering se onbeholpenheid as dit by landbouproduksie, bestuur en bemarking vir volhoubaarheid kom. In 1978 is daar volgens Reader’s Digest “een lemoen vir elke agt mense op…

Internasionale handel MET die Brics-lande wat vanaf 1 Januarie 2024 ses nuwe volwaardige lede bykry – Argentinië, Egipte, Ethiopië, Iran, Saoedi-Arabië en die Verenigde Arabiese Emirate (VAE) – sal dié groepering volgens Luiz Inácio Lula da Silva, president van Brasilië, 37% van die wêreld se bruto binnelandse produk verteenwoordig, en 46% van die wêreldbevolking. Brasilië het kwaai voorbrand gemaak vir die vestiging van ’n Brics-geldeenheid. Enoch Godongwana, Suid-Afrika se minister van finansies, het egter ná die beraad benadruk hy steun nie ’n wegbeweeg van die dollar nie. Prof. André Jooste van die departement landbou-ekonomie aan die Universiteit Stellenbosch sê baie water sal in elk geval nog in die see moet loop voor ’n Brics-geldeenheid tot stand kom. “Daar is uiteenlopende politieke, ekonomiese en maatskaplike omstandighede onder die lidlande. Verskeie Afrika-leiers…

Aktueel Uitvoer SUID-AFRIKA het volgens Agbiz verlede jaar nagenoeg 50%, of $12,8 miljard (ongeveer R243 miljard), van sy totale landbouproduksie uitgevoer. Hiervan was 19% na die Europese Unie (EU). Daar is egter vraagtekens oor hoe die volledige toepassing van die EU se Green Deal en Farm to Fork-strategie dié uitvoer kan raak. Rod Bell, uitvoerende hoof van CropLife Suid-Afrika, sê dié strategie is nie net op die EU self gemik nie, maar dat die handelsblok se handelsbeleid en samewerkingsmeganismes ’n “globale oorgang na volhoubare landbouvoedselstelsels ondersteun”. “Ek meen deur sy streeksen globale bedoelings met sy Farm to Fork-strategie is die EU eintlik doenig met verhoogde proteksionisme van Europese boere ten koste van die boere in lande waarvandaan die EU invoer. Soos met baie ander aspekte van die EU se burokrasie…

’N GEEN in varke se immuunstelsel is deurslaggewend vir die Afrika-varkpesvirus om binne varke te vermeerder en besmetting te veroorsaak. Dié bevinding is danksy Crispr-Cas9-tegnieke gemaak deur ’n span navorsers van die Friedrich-Loeffler-Institut (FLI), verbonde aan die Duitse regering, en die Roslin-instituut aan die Universiteit van Edinburg. Dit is ’n deurbraak in die studie van dié virus, want weinig is bekend oor faktore binne gasheerdiere wat die virus laat vermeerder en versprei. Crispr is ’n tegniek vir die redigering van DNS, en Cas9 ’n ensiem wat gebruik word om DNS te “knip”. Afrika-varkpes het al meer as 200 miljoen varke wêreldwyd laat vrek. Die siekte is dodelik vir wilde en plaasvarke, en daar is tans geen internasionaal goedgekeurde entstof of behandeling teen die siekte nie. Die Afrika-varkpesvirus het ’n groot…

Al 21 jaar lank boer WA de Klerk saam met sy pa, Willie, by Hendrina, tussen Middelburg en Bethal in Mpumalanga. Die Driefontein-boerdery is drieledig: Hulle boer met mielies, sojabone en beeste. Vir WA is boerdery eintlik ’n leefstyl. “Dit is nie meer my werk nie, dit is méér as my werk. Dit is eerder ’n stokperdjie.” Wat die mielies en sojabone betref, pas die De Klerks ’n wisselboustelsel toe. Dit komplementeer dié twee gewasse baie goed. Twee voordele van die wisselboustelsel is dat dit help om die lande skoon te kry en koste te bespaar. Die De Klerks is trots daarop dat die derde geslag nou op die plaas is wat “nét John Deere-werktuie gebruik”. WA brei uit: “Van my oupa se tyd, deur my pa se tyd tot…

FOKUS VEE Frikkie Kruger bedryf sy Bonsmara-stoetery as ’n holistiese wetenskap waarvolgens elke aspek van die boerdery noukeurig bestuur word. Frikkie, wat saam met sy seun, Philip, op nagenoeg 7 000 ha naby Boshof in die Vrystaat boer, se produserende koeikudde bestaan uit 600 vroulike diere. Benewens die onlangse aanwysing as Vleissentraal en SA Stamboek se Stoetkudde van die Jaar, is een van sy bulle ook vanjaar met ’n Elite-platinumeerbewys bekroon. Frikkie beskou dié eerbewyse as ’n bevestiging van die hoë teelwaarde van al die beeste op die plaas. “Die resep vir goeie stoetbestuur is om op die hoogte van die wetenskap en tegnologie te bly, asook die wisselende klimaatstoestande. Ken jou diere, wees toegewyd en geniet jou boerdery.” Kudde van kampioene Die strewe na vooruitgang blyk uit die rits…

Die jaar 1973 was ’n grote vir die plaaslike wynbedryf, met die stigting van die Wyn van Oorsprong-stelsel, die landgoedwynkonsep én die geboorte van ikoniese handelsmerke, soos Kanonkop. Dit is ook die jaar waarin Günter Brözel, legendariese keldermeester by Nederburg, die eerste keer Nederburg Baronne aan die Suid-Afrikaanse mark bekend gestel het. Teen ’n gewone volume van 1,6 miljoen liter (meer as 2,1 miljoen bottels) per jaar hou dié geliefde wyn nie net die “ligte aan by Nederburg nie”, aldus Kate Jackson, Nederburg se hoofbestuurder, maar daar word gemiddeld bykans elke 15 sekondes een bottel daarvan in Suid-Afrika oopgemaak. Sowat 95% van Baronne word in Suid-Afrika verkoop en ’n bietjie in die res van Afrika. Só alombekend is dit dat mense op plekke soos Soweto nie vra vir rooiwyn nie,…

Baanbreker-driewiel Die Terra-Trac was een van die eerste werktuie wat die Duitse landboutoerustingvervaardiger Horsch bemark het met sy stigting in 1984. Dit is ontwerp om die maatskappy se eerste minimumbewerkingsplanter, die Seed-Exactor, te trek. Landbouweekblad kon dié gerestoureerde werktuig te siene kry tydens ’n onlangse besoek aan die maatskappy se internasionale hoofkwartier in Schwandorf in Beiere, Duitsland, ter viering van sy 39ste bestaansjaar. Vir veldwerk kon al drie 1 m-breë wiele aangedryf word teen ’n maksimum spoed van 15 km/h. Al was hy 7,3 m lank en 3,4 m hoog, kon die Terra-Trac én sy werktuig skerp draai omdat die voorwiel teen ’n hoek van 87 grade kon draai. Produksie is in 2002 stopgesit. Gee boere krag Die Landbou-energiefonds van R1,21 miljard is onlangs deur Thoko Didiza, minister van landbou,…

DIE heropening van Saoedi-Arabië en China se verbod op Suid-Afrikaanse rooivleis hou aansienlike potensiaal vir die plaaslike rooivleisbedryf in. Dié potensiaal strek veel wyer as net die uitvoerders. “Dit kan die groot katalisator vir uitvoer wees en kan 50% tot 60% van die pakkie volmaak van die 20%-styging wat ons wil sien,” sê Gerhard van den Burgh, programkoördineerder vir datawetenskap en stelselintegrering by die buro vir voedselen landboubeleid (BFAP). Dié hoër uitvoer is nodig om vraag te stimuleer en produsentepryse op volhoubaarder vlakke te bring. Van den Burgh beklemtoon egter dat, parallel met uitvoer, die konstante dryfveer daar moet wees vir kompartementalisering, dieregesondheid en naspeurbaarheid weens die risiko’s wat dit vir uitvoer inhou. “Eintlik is die bewyse van die regrukaksie reeds daar met die manier waarop die vorige uitbrekings van…

Wintergrane DIE Wes-Kaap verwag vanjaar meestal gemiddelde koring- en garsopbrengste, met ’n sterk moontlikheid van bogemiddelde oeste in sekere gebiede. Tog kan dit alles net gebeur as September koel is en dit nog een of twee keer reën. Johan Lusse, hoofbestuurder van graan- en landboudienste by Overberg Agri, sê daar is baie goeie potensiaal in die Overberg, met bogemiddelde potensiaal in die droër gebiede. In die natter weste is dit nog koud en nat en die gesaaides nog laat. Daar word weer ’n rekordkanola-oes verwag. Zander Spammer van Southern Oil Bpk. (Soill) op Swellendam sê hulle is meer optimisties as die nasionale oesskattingskomitee. Húl raming toon boere kan gemiddeld 1,9 t/ha op 128 000 ha oes, dus 243 200 ton. Soill het kapasiteit om die hele oes te verwerk. Vroeg…

Vilko (Villiersdorp Koöperasie) is ’n primêre landboukoöperasie met sy hoofkantoor op Villiersdorp, Wes-Kaap. Die bedieningsgebied strek vanaf Ceres in die Witzenberg tot Greyton in die Overberg, met verskeie handelstakke. Vilko is sentraal geposisioneer in die vrugteproduksiestreek, veral wat appels betref. Die lede van die koöperasie het lank gelede besluit om te bly voortbestaan in die koöperatiewe besigheidsvorm, wat die beste vir sy lede is, en die koöperasie is heel suksesvol. Een van die eienskappe is dat Vilko, anders as baie ander ondernemings, toegespits bly op sy besigheid en veral konsentreer op verpakkingsmateriaal en ander insette vir die vrugte-uitvoerbedryf, veral appels. Die koöperasie het in 1922 sy ontstaan gehad as die Villiersdorp Moskonfyt en Vrugte Koöperasie Beperk, en was toegespits op druiwekonfyt, oftewel moskonfyt. Die oorspronklike gebou is nog in gebruik…

Kortliks VOLHOUBAARHEID en ekonomie by skaapboerdery is nie noodwendig in harmonie nie. Alles draai daarom om wins uit die skape te maak, maar boere moet ook besef daar is ’n plafon. Só het André Fourie van Anker Agri Adviseurs op Bredasdorp gesê op Overberg Agri se herkouersdag op die Roodebloem-proefplaas naby Caledon. Verskeie aspekte speel ’n rol in skaapboerdery, waarvan drakrag, weidingsbestuur en arbeid enkeles is. “Diesel- en kragvoerpryse het sedert 2000 met 700% gestyg, terwyl skaap-, vleis- en wolpryse nie soveel gestyg het nie.” Fourie het oor die ekonomiese aspekte van skaapboerdery gepraat. “Suksesvolle boere móét elke dag aandag aan hul skape gee. As ’n boer voel hy maak nie genoeg wins uit sy skape nie, moet hy opnuut na basiese beginsels gaan kyk. As ’n plan werk, hou…

Kleinvee Soms is ’n eenvoudige boeresom nodig om sentiment met sy wortels – en regmatige plek – in ’n vorige era, te ontwortel. Waar die voer van wolooie in die vorige droogte die Kasteel-boerdery R780 per ooi per jaar uit die sak gejaag het, het nie-wolooie die Wieses hoogstens R28/ooi gekos. En hoewel daar heelwat veranderlikes is wat nog in dié berekening ingebring moet word, het die groot droogte van 2014 tot 2021 die besluit beklink om meer met vetstertskape te begin boer. Die Kasteel-boerdery se oorsprong was toe Hentie Wiese se pa, oupa Dries, in die laat 1940’s in die distrik Loxton ingetrek en grond gekoop het. Toe het die boerdery grootliks uit wolboerdery, met Merino’s die aangewese ras, bestaan. Hentie, wat in 1938 gebore is en ’n groot…

Weeg en verpak aartappels maklik en in ’n japtrap Uniekum se nuwe Weigh Buddy 2.0 is gemik op die vinnige, maar steeds akkurate weeg en verpakking van aartappels. Die hoofvoerband vul die sak vinnig tot naby die gewenste gewig en die aanvulband voltooi die proses. Die operateur kan besluit of die Weigh Buddy outomaties tussen ’n gevulde en leë sak moet roteer, en of rotasie volgens sy instruksie moet plaasvind. Die nuwe ontwerp skakel ook onnodige beskadiging van aartappels in die pakproses uit. Prys: Vanaf R212 750 Navrae: 021 981 3516; e-pos: info@uniekum.co.za; web: www.uniekum.co.za Outostuurstelsel vir trekkers Die Amerikaanse maatskappy Raven beskryf sy nuwe DirecSteer- elektriese outo- en handbestuurstelsel vir trekkers en ander selfaangedrewe landboutoerusting as eenvoudig en veilig. Die DirecSteer-stelsel kan maklik op alle groot landboutoerusting-handelsmerke geïnstalleer word…

AFGRI Retail se aanlyn platform is 14 maande gelede begin ontwikkel. Kundiges in AFGRI is betrek om die platform aan die publiek beskikbaar te stel – boonop in die maatskappy se 100ste bestaansjaar. Die uitgebreide produkreeks van 12 000 lyne konsentreer op boere, asook op die breër publiek reg oor Suid-Afrika. Vir boere het AFGRI Retail dit gerieflik gemaak om enige tyd van die dag in te skakel op hul eAccounts wat maklike toegang bied aan diegene wat reeds geregistreer is. Produkte Die produkreekse waarop AFGRI Retail aanlyn konsentreer, sluit in dieregesondheid en -voeding, olie en smeermiddels, huishoudelike en skoonmaakprodukte, hardeware, tuinbou- en chemiese middels, kraggereedskap, besproeiingsen hegtingsprodukte, klerasie en buitelewetoerusting. Hierdie platform is veilig, gerieflik en gebruikersvriendelik, en verskaf meer inligting oor elke produk se spesifikasies. Elke produk wat…

Die skade wat snywurms in ’n mielieland kan aanrig, is een van ’n mielieprodusent se ergste nagmerries. In uiterste gevalle kan saailinge só verwoes word dat hele lande oorgeplant moet word. Dit het ’n regstreekse koste-implikasie, maar die opbrengspotensiaal wat in die proses prysgegee word, is die eintlike skade. Vroeë aanplantings het die beste opbrengspotensiaal en die vier of meer weke wat met oorplant verlore gaan, skep ’n agterstand wat moeilik ingehaal word. Snywurms kom seisoenaal voor en hul lewensiklus val saam met mielieplanttyd wat tradisioneel in Oktober is, ná die eerste reën. In sommige seisoene is die druk erger as in ander, en die druk verskil ook van streek tot streek. Die praktyke waarmee snywurms bekamp kan word, bly egter dieselfde. Om snywurmbevolkings in toom te hou, moet produsente…

Trekkerstories Die eerste werklik suksesvolle trekkers met binnebrandenjins wat aan die begin van die twintigste eeu op ’n redelik groot skaal vervaardig en verkoop is, was die sogenoemde prêrietrekkers. Soos die generiese naam aandui, is dit ontwerp en gebou vir gebruik op die Amerikaanse en Kanadese prêries. Daardie trekkers was baie sterk, baie groot en baie duur, en dit was nie wat die deursnee-Amerikaanse boer verlang het nie. Die duisende boere wat reg oor Amerika op kleinerige plase met spanne perde en muile voedsel, katoen en tabak verbou het, se ideale trekker was veel kleiner. Henry Ford se Fordson F wat in 1917 op die mark gekom het, en waarvan ’n driekwartmiljoen eenhede oor die volgende elf jaar verkoop sou word, het baie boere tevrede gestel, maar nie almal nie.…

Kampioene op Vryburg Verskeie beesras- en kleinveekampioene is aangewys op die Vryburg-skou wat op 19 en 20 April gehou is. Die interrasafdeling is beoordeel deur Heinrich Bruwer. In die kleinveeafdeling is 312 bokke deur 17 telers vertoon, met Jacques Pretorius as beoordelaar. Noord-Kaapse Simmentaler-kampioene 1 Senior en grootkampioenbul, Nawina Toekman IP 19 1. Eienaar: Paul Maas-familietrust (083 655 3602), Nawina-stoetery, Wesselsbron. Hanteerder: Chrisjan Mepeko. 2 Senior, groot en opperste kampioenkoei, Leeupoort Orauka PN 13 25. Eienaar: Martiens de Jager (083 454 1994), Gullen-stoetery, Rustenburg. Hanteerder: Felix Moussa. 3 Junior en reserwegrootkampioenkoei, Gullen Sarra MAD 20 108. Eienaar: Martiens de Jager, Gullen-stoetery, Rustenburg. Hanteerder: Justin Chiwaya. 4 Kalf- en junior kampioenbul, Gullen Pretoria MAD 22 17. Eienaar: Martiens de Jager, Gullen-stoetery, Rustenburg. Hanteerder: Gert Motsumi. Rooi Angus-kampioene 5 Senior en grootkampioenbul…