Table of contents for 27 July 2023 in Landbouweekblad

Plaaslewe in die stad Laasnag het ons ’n paar keer wakker geword oor die geblaf van die buurt se honde. My man het paraat telkemale by die venster uitgeloer, maar niks gewaar wat moontlik gevaar kon wees nie. Vanoggend toe die son oor die horison kom, sien ons egter die rede daarvoor. Oorkant ons straat lyk dit soos plaas. Beeste lê oral op die sypaadjie. Aan die een kant sal ons plaaskinders dit seker altyd geniet, maar as ’n mens dieper dink, is dit ongehoord dat ’n trop beeste in die stad op jou sypaadjie slaap. Ek verkies egter om die mooi daarvan te geniet en terug te dink aan my grootwordtyd op die plaas. Ek was altyd bang vir die beeste. Hulle, wie “hulle” ookal is, het altyd gesê…

VEEDIEWE is nie die enigste misdadigers wat boere jaarliks duisende rande aan verlore ure en inkomste kos nie. Onwettige jag met honde het die afgelope jare ontaard in ’n hoogs georganiseerde “sport” waar jagters tienduisende rande aan honde bestee en weddenskappe en prysgeld honderde duisende rande per jagtog kan beloop. Boonop is dit selfs moeiliker om sulke jagters aan die pen te laat ry as veediewe omdat die strafregstelsel as ’t ware blind is vir die misdaad. Jakkals le Roux, voorsitter van Vrystaat Landbou se veiligheidskomiteee en veeboer by Wesselsbron, wys op talle haakplekke in die stryd teen dié misdaad. “As jy die jagters vang, op kameras of binne padreserwes, is die eerste probleem dat jy nie weet waar hulle gejag het nie, en sonder ’n klaer (in ’n strafsaak)…

SKERP verhogings in produksiekoste het só ’n groot hap uit die oes se winsgewendheid geneem dat baie somersaaiboere nie veel waarde aan die goeie opbrengste heg nie en eerder vrede maak daarmee dat dit “net nog ’n doodgewone jaar” was. Intussen beplan boere in die somersaaigebied hul aanplantings vir die seisoen wat voorlê. Maar wat staan hulle te doen om die uitwerking van hoë insetkoste én die vooruitsigte van ’n El Niño-stelsel te versag? Dit lyk asof insetkoste vir die huidige plantseisoen darem laer sal wees as die vorige seisoen. Veral kunsmispryse het internasionaal en plaaslik sterk dalende neigings getoon, sê Christiaan Vercueil, ekonoom van Graan SA. Van die totale produksiekoste word 30% tot 50% aan kunsmis bestee, na gelang van die soort gewas, dus bied die dalings heelwat verligting.…

Dr. Jasper Coetzee As een van die mees gerekende kleinvee-kenners in Suid-Afrika is dr. Jasper Coetzee as ’n reus op sy terrein beskou. Hy het ’n groot deel van sy lewe aan navorsing oor skaapvoeding gewy, met ’n vaste oortuiging dat boere baie groter doeltreffenheid uit hul diere kon ontsluit deur strategiese byvoeding. Hy het sy kennis gereeld aan mede-veekenners en boere oorgedra, en word vandag nog gereeld op boeredae aangehaal. Johan Botha, ’n gesoute skaapteler en eienaar van Oranjerivier Voere wat ’n intensiewe skaapstelsel by Prieska bedryf, het Jasper onlangs groot lof toegeswaai op ’n boeredag op Loxton vir sy hulp met voedingsdeurbrake in hul besigheid. Jasper het ook gereeld bydraes vir die rubriek Vra vir Faffa gelewer. Al daardie kennis en inligting is via Landbou.com steeds tot die…

RubriekSUIWEL Net die melkboere wat daarin slaag om die regte dinge op die regte manier te doen, sal kan oorleef. Dit vereis noukeurige bestuur van alle koste. Noukeurige bestuur beteken egter nie dat alle koste besnoei moet word nie. Wees veral versigtig met die besnoeiing van veranderlikes, soos voerkoste. Hoewel die aantal melkboere in Suid-Afrika oor die afgelope twee dekades skerp gedaal het, het melkproduksie tot 2018 jaarliks gemiddeld met 2,3% gestyg. In 1998 was daar 7 077 aktiewe melkboere wat altesaam 2 111 miljoen liter melk geproduseer het. Teen 2018 het die getal melkboere afgeneem tot 1 365, terwyl hul totale produksie tot 3 305 miljoen liter melk gestyg het. In 2022 het die aantal boere verder gedaal tot minder as 1 000. Boere moes uitbrei om met die…

Monitor voertuie se gebruik op jou foon Met die EziTrack-nasporingstelsel kan ’n boer te alle tye weet waar ál sy voertuie is, maar kry hy ook inligting waarmee hy die doeltreffendheid van sy bedrywighede kan verbeter. Die stelsel behels ’n nasporingtoestel, wat op Takealot of regstreeks by EziTrack gekoop kan word, wat die boer self kan installeer en dit dan koppel aan die EziTrack-toepassing op sy foon. Met die stelsel kan die boer die bewegings van sy bakkies, trekkers, vragmotors en motorfietse op sy foon, tablet of rekenaar monitor. Die sagteware skep daaglikse verslae met inligting wat deur die nasporingstoestel ingesamel word. Dit sluit onder meer in die plekke waar die voertuig was, aankoms- en vertrektye, die spoed waarteen gery is en brandstofverbruik. Die verslae word in verskillende formate saamgestel,…

GAUTENG CARLETONVILLE GRENS (31), 210 ha, aan Vergenoegd Landbou (Edms.) Bpk., van A.S. van Zyl en P.J. van Zyl, R7200000. JAGERSBOSCH (407), 34 ha, aan Zumbani Prop (Edms.) Bpk., van Better Beef Feedlot (Edms.) Bpk., R1 610 000. KOOKFONTEIN (545), 240 ha, aan Alfeco Prop Inv (Edms.) Bpk., van South Vereeniging Prop (Edms.) Bpk., R16 500 000. KWAZULU-NATAL LADYSMITH ZAND SPRUIT (1218), 162 ha, aan P.C.P.A. Kwamambane, van Mount Hilda Farm BK, R1545000. PIETERMARITZBURG CAMPERDOWN (1330), 29 ha, aan Four Start Inv-familietrust, van Camperdown Piggery (Edms.) Bpk., R4 490 000. LIMPOPO DENDRON GOOD HOPE (1072), 121 ha, aan Wonderwoud (Edms.) Bpk., van M. de Kock, R1 950 000. DERDEPOORT ERFDEEL (41), 382 ha, aan Krokodilnest 21-trust, van Wymer Inv (Edms.) Bpk., R3820000. GROBLERSDAL VLAKVLEI (18), 214 ha, aan Robala Gabotse…

VIR die meeste van sy bestaan het die staat die Land Bank ruim gesteun deur ’n aanvanklike kapitaaltoegif, jaarlikse toelaes van die parlement en staatsgewaarborgde langtermyn-skuldbriewe en verbande wat in kapitaalmarkte verkoop is. In 1980 was die bank se leningsboek, uitgedruk in 2022-waardes, R26 miljard werd, waarvan R8 miljard staatskapitaal was en R3,4 miljard reserwes, waarvan alles teen 0% geleen is. Die balans is op kapitaalmarkte verkry teen markverwante rentekoerse. Met dié kapitaalsamestelling was sy kapitaalkoste ver onder die prima koers. Selfs met die byvoeging van ’n rentekoersmarge om bedryfskoste te dek, kon die bank steeds aan boere leen teen onder die kommersiële prima uitleenkoers en op uiters gunstige voorwaardes (byvoorbeeld lenings met ’n looptyd van 25 tot 40 jaar). Kommersiële banke kon dit nie doen nie. Effektief het die…

GERBER & CO is in 2017 uit nood gebore toe Stefan en Francisce Gerber tydens die droogte moes planne maak om hul Namakwalandse skaapplaas van ondergang te red. Vandag is dit een van net drie maatskappye ter wêreld wat die hele waardeketting van sy wolprodukte beheer. Met hul suksesvolle bestuur van die Core Merino-handelsmerk het hulle die LA Group, eienaars van Polo Suid-Afrika, se oog gevang. Gerber & Co het onlangs ’n vennootskap met dié handelsmerk gesluit waaronder hul naspeurbare wol vir Polo-woltruie gebruik word. Hoekom het julle die onderneming begin? Ons het besef wanneer ons wol skeer, gaan 22% van ons wol se inkomste van ons plase weg en ons sien nooit werklik die waarde vir ons moeite om die wol en diere teen die natuur te beskerm nie.…

DIE forum het in die 12 maande tot Junie vanjaar oor ’n wye front erkenning ontvang danksy sy lede se verteenwoordiging, die teenwoordigheid van kundiges, asook sy opbouende benadering, het Gerhard Schutte in sy voorsittersverslag op die jaarvergadering van die forum gesê. Volgens hom is die afgelope jaar goed gevorder om die provinsiale dieregesondheidsforums sterker te maak. Bek-en-klouseer Volgens Schutte sal die afgelope jaar onthou word vir die ernstige uitbrekings van bek-en-klouseer wat vanaf Junie verlede jaar by groot voerkrale voorgekom het. Dit is die eerste keer in die geskiedenis dat dit gebeur het. In die laaste helfte van die verslagperiode het dit egter begin lyk asof die uitbrekings gestabiliseer het in die meeste provinsies buiten KwaZulu-Natal. “Kwarantynmaatreëls is opgehef by sekere plekke waar daar uitbrekings was.” Afrika-varkpes In die…

Trustees moet van nou af voldoende aandag gee om saam met hul medetrustees te doen wat die wet vereis, veral nadat wysigings aan die Wet op die Beheer oor Trustgoed (Wet 57 van 1988) op 1 April vanjaar in werking getree het. Daar wag ’n boete van R10 miljoen of vyf jaar tronkstraf, of albei, op trustees as daar nie aan die nuwe wysigings voldoen word nie. Trustees was nog al die jare verantwoordelik vir alle doen en late van die trust, maar vele trustees het hulle nie juis gesteur aan hul doel en take nie. Alledaagse voldoening waaraan trustees van familietrusts moet aandag gee, is onder meer: ■ Lees die akte en alle skriftelike wysigings aan die akte. Vind uit as iets onduidelik is.■ Maak seker dat een van…

Rubriek VEEBESTUUR Vir die 2023-’24-seisoen word ’n super-El Niño-verskynsel voorspel. Daar was die afgelope 70 jaar vier sulke super-gebeurtenisse – in 1972-’73, 1982-’83, 1997-’98 en 2015-’16. Elkeen van hulle het saamgeval met algemene droogtetoestande oor Suider-Afrika (GRAFIEK). Voorts was elke daaropvolgende super-El Niño-verskynsel feller as die vorige. Tans dui die voorspelling daarop dat die komende verskynsel die hoogste indeks van almal sal bereik, naamlik 2,7 op die indeksskaal. Die doel van dié artikel is allermins om alarmisties te wees, maar om veeboere te help om hulself vroegtydig voor te berei as die voorspelling wel waar word. 5 DINGE OM NIE TE DOEN NIE ■ Moenie paniekerig raak nie. ■ Moenie sit en wag en niks doen nie. Sien die voorspelling tans as bloot dit, ’n voorspelling. Die verlede wys dat…

Tuinbou Sowat ’n dekade gelede is die eerste boorde geel kiwivrugte deur ’n hand vol ambisieuse pioniers reg oor Suid-Afrika aangeplant. Met sowat 350 hektaar geelkiwiboorde – en ’n moontlikheid om dit sesvoudig uit te brei – klink dit na min, maar dié gewas se hoë lisensiekoste word vinnig op die winsgewende uitvoermark verhaal. Nieu-Seeland, een van die wêreld se voorlopers in kiwiverbouing, het in 2020 met 430 000 ton uitvoervrugte nagenoeg NS$6,2 miljard (R73,6 miljard) verdien. En Suid-Afrika het talle plekke wat ideaal geleë is om ’n tydgleuf van Februarie tot einde Maart te vul voor Nieu-Seeland se belangrikste oes in April gepluk word. Kiwivrugte in Suid-Afrika het ’n veelbewoë geskiedenis nadat die groenkiwiaanplantings in die 1980’s grootliks ’n mislukking was. Die eerste paar jaar van geelkiwiproduksie was ook…

gesin Soetsuur vark met pynappel en brandrissie Die eier-en-mielieblomlagie sorg vir ’n bros kors om elke blokkie varkvleis wat die soetsuur sous opslurp. As jy wil, kan jy groente van jou keuse roerbraai en by die gereg voeg om dit te rek en ekstra kleur te gee. Broccoli en soetrissies pas goed hierby. ■ 500 g varkfilet of varknek■ Sout en varsgemaalde swartpeper■ Olie, vir braai■ 2 eiers, geklits■ 180 ml mielieblom■ 4 grasuie, gesnipper■ 5 cm-stuk vars gemmer, geskil en in dun skyfies gesny■ 2 groot knoffelhuisies, geskil en in dun skyfies gesny■ 2 brandrissies, in fyn skyfies gesny■ ’n Halwe vars pynappel, skoongemaak, stronk verwyder en in blokkies gesny Soetsuur sous ■ 30 ml tamatiesous■ 15 ml heuning■ 30 ml elk sojasous, water en sjerrie■ 5 ml mielieblom…

Jy sê jy is dankbaar omdat die Here jou gebed verhoor het? Wel, dis ’n goeie begin as jy bereid is om jou dankbaarheid te verklaar. Maar is dit genoeg? Moet daar nie nog iets volg nie? Ek meen dat dit wel die geval behoort te wees. As jou dankbaarheid ook ’n waarmerk het, is dit soveel meer aanvaarbaar. Die vraag is nou: Is daar só ’n waarmerk? Inderdaad is daar een. Ons noem dit diensbaarheid. Dit moet gewillig, opreg en goed gemotiveer wees in jou eie gemoed. Jy wil nie met jou dankbaarheid iets verdien nie. Eerder wil jy daarmee getuig dat dit ’n geskenk is. Lukas, die evangelis, vertel die verhaal (Luk. 17:11-19) van die tien melaatses wat deur Jesus genees is nadat hulle in luide stem gepleit…

Die volgende ontleding van grondverkope in Suid-Afrika is van transaksies vir grond groter as 10 ha in Mpumalanga, die Noord-Kaap en Noordwes van Julie verlede jaar tot Junie vanjaar. In Mpumalanga was daar 366 transaksies in 6 distrikte. Dit het 77 943 ha teen R2,569 miljard behels. Die helfte van die distrikte toon gunstige prysneigings. Komatipoort, Acornhoek en Nelspruit se pryse het effens gedaal, terwyl dit by Bethal en Middelburg gestyg het. Altesaam 256 transaksies is in 20 distrikte in die Noord-Kaap gesluit. Dit het 527 725 ha teen R1,559 miljard behels. Pryse het skerp gedaal by Calvinia (-21,8%), Victoria-Wes (-20,1%), Richmond (-16,4%), Colesberg (-14,3%) en Hanover (-14,2%). In Noordwes was daar 822 transaksies in 14 distrikte waartydens 266 256 ha teen R5,334 miljard verhandel is. Daar was ’n verbetering…

Só help China SA mielies China, die wêreld se grootste invoerder van mielies, voer ál minder mielies van Amerika af in omdat daar goedkoper opsies elders is, en waarskynlik ook om politieke redes. In Januarie was invoer tot 70% laer as vroeëre gemiddeldes. Harry Murphy Cruise, ’n ekonoom en kenner oor China by Moody’s Analytics, het aan die BBC gesê behalwe vir goedkoper opsies probeer China sy invoermark diversifiseer ingeval die politieke spanning tussen China en Amerika verder versleg. Die feit dat China sedert Mei vir die eerste keer mielies vanaf Suid-Afrika invoer, bekommer ook Amerikaanse boere. Brasilië sal egter die meeste by die nuwe neiging baat vind danksy groter aanplantings en die voordeel van twee plantseisoene per jaar. Dis nie wat die etiket sê ’n Gehalte-opname van landbou-insette wat…

Tennis kan eenvoudig nie beter gespeel word as die skouspel wat die Serwiër Novak Djokovic en die Spanjaard Carlos Alcaraz in hul onlangse Wimbledon-eindstryd opgedis het nie. Soos twee swaargewigboksers wat ronde vir ronde mekaar vuisvoos slaan, was dit die jonger man se jeudigheid wat uiteindelik geseëvier het ná ’n titaniese vyfstelstryd van vier uur en 42 minute. Die tweede langste eindstryd nóg op Wimbledon. In enige stryd is daar ’n deurslaggewende oomblik wat alles beslis. Vir Carlos was dit vroeg in die laaste stel toe hy op Novak se afslaan deurbreek. Daarna was die berg vir die moeë oudstryder net té steil. ’n Bietjie soos die Springbokke toe hulle beheer verloor en 20-3 agter was teen rustyd. Daarna was die opdraande net te kwaai teen die aanslag van ’n…

DIE landbou en plattelandse dorpe is onlosmaaklik deel van mekaar. Selfs al woon boere en plaaswerkers nie op die dorp nie, is hulle afhanklik van ’n sakesentrum in hul nabye omgewing. Daarom is boere nie onaangeraak deur wat in hul plaaslike munisipaliteit aangaan nie. Luidens die jongste verslag van die ouditeur-generaal het net 38 uit 257 plaaslike munisipaliteite ’n skoon oudit gekry, wat wys hoe groot die verval is. Daar is egter ’n beweging aan die gang om dorpe mooier en skoner te maak, wat ook beter paaie en selfs beter verhoudings tussen wit en swart mense tot gevolg het. Op Senekal het spesifieke gebeure die omwenteling gebring, terwyl genoeg is genoeg op Kroonstad en Frankfort oorgegaan het tot aksie. Dié plattelandse dorpe het ander aangesteek om moue op te…

KORTOM ■ Bevolkingsgroei sal na verwagting die grootste aandrywer in die vraag na voedsel wees in die volgende dekade.■ Wisselkoersveranderinge in veral Afrika suid van die Sahara kan voedselpryse in plaaslike geldeenhede aansienlik laat styg.■ Die verbruik van vleis op ’n per capita-grondslag wêreldwyd sal na verwagting met 2% per jaar groei, hoofsaaklik in laeen middelinkomstelande. Die Voedsel-en-landbou-organisasie van die Verenigde Nasies en OESO (Organisasie vir Ekonomiese Samewerking en Ontwikkeling) stel jaarliks ’n deeglik nagevorste verslag beskikbaar met vooruitsigte vir die wêreldvoedselmarkte in die volgende tien jaar. Die jongste vooruitskouing is vir die tydperk tot 2033. Suid-Afrika is regstreeks gekoppel aan die wêreldmark omdat 50% van die plaaslike landbouverdienste van uitvoer kom. Aandrywers van die wêreldmark vir voedsel in die volgende dekade is daarom ook op die Suid-Afrikaanse landbou van…

Rugbywêreldbeker 2023 Volgens die oud-Bok-senter Hennie le Roux is daar vanjaar ’n paar sterk spanne wat as Wêreldbekerwenner in Frankryk gekroon kan word. “Vir my is die vier sterk spanne Ierland, Frankryk, Suid-Afrika en Nieu-Seeland, en ek glo een van hulle sal die wenspan wees. Die Springbokke is in ’n taai groep. Hulle moet goed bestuur word sodat die beste spelers op die regte tyd speel.” Hy sê die Springbokke moet nooit afgeskryf word nie. “As die Springbokke bymekaarkom en besluit hulle gaan vandag iets spesiaals doen, dan het hulle die vermoë om dit te doen. Die vraag is net of hulle dit herhaaldelik kan doen.” Die Bokke is volgens hom dalk nie so konstant soos die All Blacks nie, maar kan ’n spelpatroon volg wat dit vir teenstanders moeilik…

Omdat daar altyd tred gehou moet word met vernuwing en ontwikkeling in markte, het Kuda Insurance & Forex Services sy produk vir vee hersien, sê Wehann Smith, uitvoerende hoof van Kuda. Dié onderneming, met sy hoofkantoor in Kaapstad, doen landwyd nismarkversekering vir wild, resiesperde, lewende hawe en sportperde, asook algemene korttermynversekering, veilingsdekkingversekering en uit- en invoerversekering vir wild en lewende hawe. Landbouweekblad het met Smith en Duppies Fourie, produkbestuurder vir wild- en veeversekering, gepraat oor hierdie nismarkproduk wat aangepas is om in elke boer en teler se persoonlike situasie en versekeringsbehoeftes te voorsien. “Boere se eiesoortige versekeringsbehoeftes word in ag geneem vir elkeen se omstandighede, en die versekering word daarvolgens saamgestel. Só word gekyk na moontlike dieresiektes wat in die spesifieke deel van Suid-Afrika voorkom, asook ander aspekte wat nie…

Steelhou deur Riaan Marshall. Uitgewer: Naledi. Prys: R200 Eddie Blignaut word in die werkersklas-woonbuurt Randgate groot as die seun van ’n hardwerkende ma, maar ’n dronklap-pa. Van jongs af, onder die slaghuis-eienaar Oom Ig se leiding, ontpop hy as talentvolle bokser wat uiteindelik as ’n wêreldkampioen seëvier. Terwyl die arm bakoorseun opgang maak as sport- en sakeman, is daar telkens ’n paar amperse uitklophoue wat die lewe bring. Daar is die vrou vir wie hy so lief is, maar wat duidelik net in sy geld belang stel, en die probleme wanneer hy finansiële druk beleef. Dan begin die misstappe van sy jong dae hom ook inhaal. Eddie kom agter wat dit verg om werklik terug te veg as die eise van die lewe – en die afguns van ander –…

Sluitingsdatum: 17 Augustus 2023 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: Staproete in Suid-Afrika. Lees op bl. 90 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 91 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 17 Augustus 2023. Geen…

Hoe het jy in die afslaersbedryf beland? Ek het op ’n plaas grootgeword en is een van vyf broers. My pa het op ’n vroeë ouderdom sy testament aan ons openbaar (waaroor ek baie dankbaar was) en ek het geweet ek moet ’n ander plan beraam om werk te kry. Ek het ’n baie goeie mentor gehad op skool, my skoolhoof, en ek was geinspireer en gemotiveer om onderwys te gaan studeer. Ná vier jaar het ek die graad BEd aan die Universiteit van die Vrystaat ontvang en het ek begin skoolhou. Ná so byna twee jaar in die beroep het my hart bly terugverlang na boerdery. Ek het toe aansoek gedoen by CMW om ’n bemarkerspos. Ek het in Oktober 2012 by CMW begin werk. In die bedryf het…

Besoek landbou.com/veilings vir die jongste veilingsnuus Die hoogste prys nóg vir ’n bees in Suid-Afrika is op die 25ste produksieveiling van Up George-Bonsmara van Derek Ralfe en sy vrou, Tutu, by Wasbank in KwaZulu-Natal betaal. Christoff Smit van die Sebadja-Bonsmara-stoetery, Marble Hall, was bereid om R4,4 miljoen vir die Bonsmara-bul LAR 19-0373 te betaal. Volgens Smit het hy en sy medetelers van Sebadja besluit om soveel vir die bul te betaal aangesien dit die regte tipe vir hul kudde is. Die bul se vaar, LFR 15-0032, kom uit die Bosveld-lyne van Leon Riekert se kudde en dié kombinasie met die LAR-teelmateriaal maak die bul besonders. Die bul se uitmuntende bouvorm, met veral ’n baie sterk kop met uitstekende breedte, is wat hulle in die Sebadja-kudde hoog ag. Die bul is…

BOEREDAE 26 JULIE: Eerste herlewingslandboukonferensie vir die Suid-Kaap aangebied deur Landbouweekblad en die Wes-Kaapse departement van landbou. Outeniquanavorsingsplaas, George. Kaartjies: shorturl.at/ant89 1-2 AUGUSTUS: 11de Jack Human Bewaringslandbouweek, aangebied deur Bewaringslandbou Wes-Kaap en Landbouweekblad. ’n Internasionale landboukundige en grondwetenskaplike, van die beste plaaslike navorsers, ’n vooraanstaande boer en twee jong wetenskaplikes gaan hul kennis uitruil. Program: bit.ly/BLWKProgram2023. Kaartjies: qkt.io/CAWC2023 23 AUGUSTUS: SSK-wintergraandag, Riversdal. Prof. Francois Durand gaan praat oor hoe weerpatrone besig is om te verander, veral in die Wes-Kaap. Gerdus Steyn, 082 521 4515. KONGRESSE 2-3 AUGUSTUS: Vrystaat Landbou. Bloemfontein. Navrae: elana@vslandbou.co.za of cynthia@vslandbou.co.za 29-30 AUGUSTUS: Nasionale mielie-en-sojaboonkongres, Sun Park-sentrum, Sun City. Die hoofspreker is Randy Dowdy, wêreldrekordhouer vir sojaboonopbrengs onder besproeiing. Vermaak deur Ricus Nel en Pietman Geldenhuys. Elim, 012 252 4455, e-pos: info@elimfertiliser.co.za 30-31 AUGUSTUS: 29ste konferensie en…