Rapport 4/26/2020

Die regering se gedetailleerde plan om Suid-Afrikaners in vyf fases terug te stuur werk toe, het gister kritiek uit alle oorde gekry omdat dit te kompleks is en te min doen om ’n dodelik siek ekonomie te red. Gister se aankondiging, wat nou ook ’n aandklokreël insluit wat dit onwettig maak om ná donker op straat te wees, volg teen die agtergrond van openbare steun vir die inperking wat dramaties begin afneem. Altesame 54% van respondente in ’n landwye, verteenwoordigende peiling wat Rapport en sy susterskoerant, City Press, die afgelope twee weke gedoen het, is gekant teen ’n verlenging van die inperking ná die einde van die maand. Dit is ’n dramatiese ommeswaai van die 87% van burgers wat die aanvanklike inperking (van 27 Maart tot 17 April) ondersteun het…

In Rapport en City Press se omvattende Covid-19-peiling, wat tussen 15 en 23 April deur Victory Research in ’n demografies verteenwoordigende respondentepoel gedoen is, is bevind dat daar ’n dramatiese daling in steun was vir ’n verlenging van die inperking ná 30 April. Terwyl amper nege uit tien mense die aanvanklike in-perking van drie weke sterk of matig sterk ondersteun het, duik die steun tot net meer as vier uit tien vir énige inperking ná 30 April. Dit is een van die regering se grootste uitdagings oor die volgende paar maande, met druk wat gaan opbou omdat mense voel dat die inperkingsmaatreëls te stadig verslap word.…

Die aankondiging dat bykans 40% van Suid-Afrikaners van 1 Mei weer mag werk; dat jy kan gaan draf sonder dat ’n polisieman jou agternasit; dat restaurante maaltye mag aflewer; en dat rokers tabak kan koop, is goeie nuus vir elkeen wie se salaris nie deur belastingbetalers betaal word nie en wat glo húlle moet self oor sulke goed kan besluit. Maar selfs die regulasies wat van krag is in vlak 4 maak van Suid-Afrika se inperking een van die strengste ter wêreld. Waarom? Die inperking is Donderdagaand in pres. Cyril Ramaphosa se toespraak aan die nasie onbepaald verleng, met ’n waarskuwing later deur dr. Nkosazana Dlamini-Zuma dat vlak 4 binne ’n oogwink weer tot vlak 5 verskerp kan word indien die getal nuwe gevalle van Covid-19 dit vereis. Maar dit…

Die opheffing gister van die omstrede verbod op die verkoop van warm kos gee restaurante kans om met wegneemetes darem ’n deel van hul verlore inkomste te herwin. Restaurante sal egter die kos moet aflewer – klante sal dit nie by die restaurant kan gaan haal nie. “Die ervaring elders in die wêreld het gewys dat dit die beste manier is om die beweging van mense te be-perk,” het Ebrahim Patel, minister van handel en nywerheid, gesê toe hy die maatreël bekend gemaak het. In die res van die kleinhandel kan boekwinkels en verskaffers van skryfbehoeftes weer aan die gang kom. Klerewinkels en tekstielwerkers kan heropen om warm klere vir die winter te vervaardig en verkoop. Hierbenewens sal die verskaffers van rekenaartoerusting, kantoortoerusting en selfone ook weer toegelaat word om…

Ebrahim Patel, minister van handel, nywerheid en mededinging, het gister geraam meer as 1,5 miljoen mense sal van 1 Mei kan terugkeer werk toe wanneer vlak 5-inperking deur die minder streng vlak 4 vervang word. In die vervaardigingsektor is daar geringe verligting aangesien net 20% van die totale arbeidsmag Vrydag weer mag begin werk. In sommige sektore, soos die motorbedryf, is dit 50% en in ander tot 100%. Suid-Afrika het verlede jaar motors en onderdele van R18,6 miljard uitgevoer. Volgens die Nasionale Vereniging van Motorvervaardigers het die verkope van nuwe voertuie in Suid-Afrika verlede maand met 29,7% afgeneem tot net 33 545 eenhede teenoor dieselfde tydperk verlede jaar. Vervaardigers van die volgende produkte sal weer ten volle kan werk: ■ papier en papierprodukte; Aandreël geld, en géén kuiers. ■ verpakking,…

Beweging Jy moet ’n masker dra Sifting by werk- en openbare plekke Higiëne & fisieke afstand Aandklokreël: 20:00 - 05:00 Vervaardiging 100%: vlak 4-produkte, insette en papier 100%: insette vir noodsaaklike dienste 100%: pretroleumsmelters, raffinaderye en oonde 50%: skryfbehoeftes, sement en boumateriaal 50%: motorvervaardiging, komponente ingesluit 50%: winterklere, beddegoed, verwarmingstoestelle 20%: Alle ander vervaardiging Noodsaaklike onderhoud om skade te voorkom en vir ’n ordelike uitfasering van die inperking Media Aanlyn dienste en regstreekse uitsending Koerante, uitsaaiwese Produksies vir plaaslike uitsending Inligting en kommunikasie Alle telekommunikasie, inligtings- en kommunikasietegnologie (ICT) ICT-toerusting en lugtyd Pos- en koerierdienste vir mediese produkte en vlak 4-dienste Mynbedrywighede 100%: steenkoolproduksie vir Eskom 100%: oopgroefmynbedrywighede 50%: ander mynbedrywighede Huishoudelike hulp Inwoonpersoneel en ondersteuning vir vlak 4-personeel Finansies en sakeondernemings Werk tuis indien moontlik Ondersteunende vlak 4-dienste (huur…