Cara

Shwmae! Rhown groeso yn y rhifyn hwn i golofnydd newydd – y gomediwraig Mel Owen. Mae’n siŵr fod Mel yn wyneb ac yn llais cyfarwydd i sawl un ohonoch chi, ac mae’n prysur wneud enw iddi hi ei hun gyda’i ffordd ffraeth o weld y byd. Cafodd ei henwebu am wobr Llyfr y Flwyddyn eleni gyda’i chyfrol ffeithiol greadigol Oedolyn (ish!), ac rydyn ni’n lwcus iawn i’w chael i roi cipolwg ar weithio yn y byd comedi fel menyw. Croeso i’r tîm, Melanie! A ninnau’n dechrau paratoi ar gyfer cyfnod y Nadolig, mae pethau weithiau’n gallu mynd yn ormod, gan achosi straen, ac mae gennym ni ddwy erthygl Iechyd a Lles sy’n trafod iechyd meddwl da a chymorth yn sgil trawma. Sut ydych chi’n edrych ar ôl eich hunan ac…

“It’s a boy!!” “A BOY?!” Y peth cynta ’nes i yngan (tua deg gwaith… o’n i ar lot o ddrygs) pan ’nes i gyfarfod fy mab bach newydd sbon am y tro cynta. Barti bach, a’i geillie chwyddedig yn danglo yn llawen yn ’y ngwyneb i. Moment do’n i ’rioed wedi’i dychmygu. Wrth gwrs, o’n i’n gwbod bod e’n bosibiliad, ond do’dd ca’l bachgen bach erioed wedi bod yn y snapshots ’na o ’mywyd fel o’n i’n ei ddychmygu. Fi’n un o dair chwaer, chwiorydd yw’r unig beth fi’n gyfarwydd ag e. Wrth ddod i nabod a mynd ati i garu babi bach newydd sbon does affliw o ots beth yw eu rhywedd nhw, ac o’dd cwmpo mewn cariad gyda Barti yn anhygoel o hawdd a dim llai nag ewfforig,…

Dychmygwch: mae eich cartref yn adfail, eich cymuned wedi’i chwalu, a’ch plant yn deffro i sŵn seirenau, nid cân adar. Pan fyddwch chi’n cyrraedd man diogel o’r diwedd, nid elusen sydd ei hangen arnoch, ond yr hawl syml i deimlo’n ddynol eto. Dyma pam mae Cymru yn fwy na lleoliad daearyddol. Mae ein statws fel Cenedl Noddfa (Nation of Sanctuary) yn fynegiant o’n hunaniaeth – datganiad o ddynoliaeth, nid gelyniaeth. Mae gennym ymrwymiad i roi croeso a chefnogaeth i bobl sy’n ffoi rhag erledigaeth a rhyfel. Ond mae’r asgwrn cefn moesol hwn bellach dan ymosodiad sinigaidd, chwerw, wedi’i arfogi gan y rhai sy’n hyrwyddo ofn yn lle gobaith. Peth arswydus, ond cwbl ragweladwy, yw gweld plaid Reform yn ymosod ar y polisi hwn gyda gwybodaeth anghywir, beryglus. Ynghanol isetholiad Caerffili,…

Yn ystod y Rhyfel Oer, sef y cyfnod rhwng tua 1947 ac 1991 pan oedd tensiynau gwleidyddol ac ideolegol rhwng Unol Daleithiau America a’r Undeb Sofietaidd, roedd America Ladin yn cael ei hystyried yn iard gefn yr Unol Daleithiau. Roedd yr Unol Daleithiau yn ceisio atal lledaeniad comiwnyddiaeth a dylanwad Sofietaidd yn y rhanbarth, gan gefnogi llywodraethau neu filwriaethau cyfeillgar er mwyn diogelu ei buddiannau gwleidyddol ac economaidd ei hun. Heddiw, gallwn ddadlau bod sefyllfa debyg yn parhau, gan fod yr Unol Daleithiau yn ceisio amddiffyn ei dylanwad yn y rhanbarth rhag Rwsia a Tsieina, sy’n buddsoddi ac yn ffurfio partneriaethau strategol â gwledydd fel Venezuela, Ciwba, Brasil a’r Ariannin. Nid yw hyn yn wir i’r un graddau ym mhob gwlad yn Ne America, gan fod rhai ohonynt, megis El…

Ar ôl cael ei magu mewn cartref a oedd wedi’i siapio gan ofn, lle roedd distawrwydd yn uwch na geiriau a lle nad oedd croeso i emosiynau, fe wnaeth Catrin Jenkins, o Lanfihangel-ar-arth, ddysgu’n gynnar i aros yn fach ac yn dawel. Bellach yn fam i dri ei hun, mae hi wedi gwneud popeth o fewn ei gallu i greu cartref sy’n teimlo i’r gwrthwyneb: un agored, a llawn cariad. Wrth fagu ei phlant yn wahanol, nid yn unig y mae hi wedi torri’r cylch, mae hi hefyd wedi dod o hyd i ffordd yn ôl at y ferch fach yr oedd hi ar un adeg. atgofion cymysg Mae atgofion cynharaf Catrin o’i thad yn gymysglyd braidd. “Dwi’n cofio pan oedd e’n hollol hyfryd,” meddai hi – ei rhoi hi…

Y GORAU: Modrwy Edwardaidd Modrwy ddyweddïo Gemwaith Rhiannon Ticedi i weld y grŵp pop Steps! Roeddwn i mor ecseited!! Bocs gwinio (gan Siôn Corn pan o’n i’n 7 oed) Pabell Gwyliau yn Ffrainc (wrth y gŵr) Hwfyr newydd Y GWAETHAF: Bath salts Deodorant, deodorant a mwy o deodorant… ond falle mai hint fawr oedd o ’mod i eu hangen nhw! Sliperi… bob… blwyddyn Chopping board plastig gan fy ngŵr! Dyw e byth yn cael anghofio’r peth, a dyw e heb wneud yr un camgymeriad eto! Stôl wnïo Bocs o shortbread oedd efo dyddiad 3 blynedd cynt! Sebon ail-law Set o ganhwyllau roeddwn i wedi ei rhoi’n anrheg i’r un person y flwyddyn cynt Clorian! Bocs o byrffiwms trial size o Boots, Dolig 2016… efo ‘Best Before 1987’ arnynt!!!! Bocs pres…