Innholdsfortegnelse for May/June 2018 i Idees

Sommige maande is net wilder as ander en hierdie was een van hulle. In ’n roesemoes van jaareinde-belasting, reisreëlings, partytjiebeplanning en hierdie uitgawe wat moet drukkers toe, het die nuus dat ons e-pos vir ’n hele dag af gaan wees, my laat voel asof ek in ’n bus sonder remme by ’n afdraandpad afstorm. Geen beheer nie. Totdat ek diep asemgehaal en besef het hierdie onderbreking is presies waarvoor ek gewag het - ’n oomblik van stilte in die storm. En in die kosbare ure sonder e-posse wat inkom en beantwoord moet word, het ek meer uitgerig gekry as in die voorafgaande twee weke. Ek kon skryf met volle fokus, liasseer, regpak en elke item op my aftiklysie sistematies takel en afhandel. Die goed wat gestuur moes word, was almal…

(diana@ideasfactory.co.za) Handwerk & leefstyl Flower loom blooms - Haafner Linssen (Penguin Random House, R200) Dié boek leer jou hoe om afvalstukke hekelgare en wol in fabelagtige blommeversierings te verander wat jy op ’n magdom verskillende maniere kan gebruik. Blommeweefkuns - ook bekend as flower looming - is eenvoudig, vinnig en pret. Die boek bevat nie net gedetailleerde stappe om 30 soorte blomme te maak nie, maar ook tabelle en groot foto’s. Die blomme kan direk van die weefraam af gebruik word, of jy ka How to be a craftivist - Sarah Corbett (Unbound, R320) Dié boek word as ’n ‘manifes vir stille aktivisme’ beskryf: hoe om die ‘maak’-proses te gebruik om diepsinnig met kwessies om te gaan sodat jy dit positief kan verander, sonder ’n geraas of aggressie. Tussendeur stories…

Toe die pasgetroude reken-meesterpaartjie Liam en Julie Gallagher in die somer van 2004 hul huis in Kaapstad oppak om by ’n internasionale ouditeursfirma se kantoor in Zürich in te val, was dié gesinshuis beslis nie deel van hulle toekomsplanne nie. Maar ná twee jaar in Zürich, gevolg deur twee jaar in Kaapstad, het hulle op Zug geland. ‘Nie in my wildste drome het ek gedink ek sal eendag hier ’n huis hê of met ’n gesin begin nie,’ lag Julie, wat ons leer ken het toe sy jare gelede haar aanlyn-partytjiewinkel, In Good Company, begin het. ‘Dit het tien jaar geneem, maar deesdae kry ek dit reg om na Switserland as “huis” te verwys. Dalk het dit ook te doen met die feit dat ons nou troeteldiere het!’ Dit is…

JY BENODIG ♥ ‘Moeder’-ontwerp op die oorkantste bladsy ♥ raam met ’n kartonrugkant ♥ geborduurde skinkbordlap ♥ watteersel ♥ oordrukpapier (transfer paper) vir ligte materiaal…

MOEILIKHEIDSGRAAD: maklik TYD: hang af van lengte JY BENODIG ♥ Elle Crochet No 5-hekelgare in Off-white (105) (100 g is genoeg vir ’n 2 m-fraiingrand) LET WEL: Dubbele drade hekelgare word as een draad gebruik. Om dit eenvoudig te hou word ‘draad’ in die aanwysings gebruik wat dan eintlik ’n dubbeldraad gare is. Byvoorbeeld: Knoop die eerste halfslag met die draad aan die linkerkant. SO MAAK JY 1 Tel die aantal skulpe aan die onderrand van die gehekelde omranding. Knip vier 120 cm-lengtes gare vir elke skulp. Vou elke bondel van vier in die helfte en knoop elkeen deur die vier kettingsteeklusse in die middel van die skulp met ’n riemslag. 2 Ry 1: Met die vier drade (sien ‘Let wel’ hierbo) onderkant elke riemslag, knoop twee platknope. 3 Ry…

VROUTJIE WAT BREI Haar breiwerk is deel van die prentjie. MOEILIKHEIDSGRAAD: redelik maklik TYD: halfdag JY BENODIG ♥ illustrasie op bladsy 75♥ borduurraam met ’n buitedeursnee van 18,5 cm♥ 25 x 25 cm wit linne♥ 25 x 25 cm aanstryktussenvoering (Vilene)♥ swart masjiengare♥ oorskiet-dubbelbreidraad in die kleur van jou keuse (ons het MoYa DKkatoendraad in Dusty Pink gebruik)♥ 3,25 mm-breipenne♥ merkpen wat verdwyn♥ algemene naaldwerkbenodigdhede♥ blosser (opsioneel) SO MAAK JY 1 Stryk die aanstryktussenvoering aan die agterkant van die linne vas. 2 Teken die illustrasie op bladsy 75 met die merkpen op die linne oor en span die linne oor die borduurraam. 3 Gebruik ’n dubbeldraad swart masjiengare en borduur die buitelyne met agtersteke. 4 Kleur die wange met ’n bietjie blosser in, indien verkies. 5 Brei ‘n reghoekige strook…

KOEKKOEPEL Verander ’n diep vintage-koekblik in ’n aweregse koekkoepel deur ’n ornamentele deurknop op die basis vas te maak. MOEILIKHEIDSGRAAD: gemiddeld TYD: 20 minute JY BENODIG ♥ diep vintage-koekblik♥ mooi deurknop♥ koordlose boor met ’n betonboorpunt♥ liniaal♥ potlood Koekblikke van die Milnerton-vlooimark, Woodstock Vintage en Nerf-Af. NAALDWERKBLIK Gebruik ’n groot reghoekige vintage-koekblik as ’n naaldwerkkissie. Vul dit met allerhande mooi naaldwerkgoed – dit is ook ’n lieflike geskenk waarmee jy jou ma op Moedersdag kan verras. BLIKBLOM-STOELTJIES Gebruik mooi koekblikdeksels om houtkroegstoeltjies se sitplek te versier. Ons het ons s’n stewig op die sitplekke vasgemaak met gom en spykers. As die koekblikdeksel kleiner as die sitplek is, kan jy óf die sitplek effens kleiner as die deksel laat sny óf ’n nuwe houtsitplek volgens die grootte van die koekblikdeksel laat…

MOEILIKHEIDSGRAAD: redelik maklik TYD: 2 dae JY BENODIG ♥ borduurpatrone hieronder♥ 30 cm wit viskose-linne♥ 70 cm lint♥ 1 string elk DMC-borduurgare in Grys (646), Appelgroen (166), Mediumgroen (3052), Dowwe pienk (3727), Maroen (3721), Ougoud (370), Perske (353), Dieproom (842), Bruin (3860), Goud (422), Rooibruin (632) en Helderpienk (3712)♥ klein borduurraampie♥ merkpen wat verdwyn♥ algemene naaldwerkbenodigdhede SO MAAK JY 1 Gebruik die selfkante van die strook viskose as eindpunte vir die serp en stik die lint oor die rye gaatjies aan die kante. 2 Kap die lang sykante om en vou en stik ‘n smal soompie. Pars dit. 3 Gebruik jou merkpen om drie rye van vier sirkels elk, elk 5 cm in deursnee, op die eindpunte van die serp te teken. 4 Teken die patrone hieronder op die sirkels.…

Ons weet jou pa is waarskynlik jou grootste held, so waarom bederf jy hom nie op Vadersdag (17 Junie) met ’n Swiss Army-knipmes met al sy gunstelinggoed nie. Druk ons patrone uit (sien die adres hieronder) en sny die stukke uit. Pons ’n gaatjie in die linkerkant van al die stukke en ryg ’n goue tweebeenspeld deur die rooi een heel bo. Jy kan boodskappe op die agterkant skryf en elkeen in ’n ruilkoepon verander vir ’n sekere taak of guns wat jy vir jou pa sal doen. (’n Voorbeeld: Hierdie koepon kan ingeruil word vir ’n fliek van jou keuse of ’n sjokolade van jou keuse.) Jy kan ook die knipmes eenvoudig as ’n kaartjie gebruik met die koeponne as geskenk. Rond dit af deur die toedraaipapier vir die…

Die Tjirpie-storie het in 2016 begin, toe die susters Anina Deetlefs en Cilna Katzke en hul goeie vriendin Gene Coetzer saamgespan het om ’n reeks van Anina se illustrasies van Suid-Afrikaanse voëlspesies in huishoudelike items te omskep. Anina is ’n kunstenaar wat tydens ’n sesjaar-verblyf in die buiteland haar hand aan binneversiering gewaag het. Terug in die Kaap saam met haar gesin en twee Skotse terriërs het sy besluit om meer kommersiële, kleiner olieverfwerke te skilder wat die pragtige fauna en flora van haar geboorteland uitbeeld. Mense was gek daarna en kort nadat sy dit ook begin skets het, is die eerste Tjirpiereeks gebore. Anina se suster Cilna, ’n vryskutballet- en kontemporêre danser met ’n ywerige belangstelling in ontwerp en die wete dat ’n dansloopbaan relatief kort kan wees, het…

Maak seker jy loop nie ’n enkele uitgawe van Idees mis nie! * TEKEN OP DIE DIGITALE TYDSK RIF IN VIR SLEGS R45 PER UITGAWE. * VIR NAVRAE OOR DIGITALE INTEKENINGE, BEL 087 741 3177 OF STUUR ’N E-POS AAN SUPPORT@MYSUBS.CO.ZA. * VIR ’N JAARLIKSE INTEKENING VAN R408 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* * TEKEN SÓ IN OP DIE GEDRUKTE TYDSKRIF: • SKAKEL 087 740 1025 VIR IDEES (MAANDAE TOT VRYDAE, 8 VM. TOT 4.30 NM.), Óf • SKAKEL 087 740 1027 VIR IDEAS. • ST UUR JOU NAAM & KO NTAKB ESO NDERHEDE PER E-POS AAN SUBS@IDEASFACTORY.CO.ZA.** • SMS ‘INTEKEN ID EES’ NA 33153. SMS ’E KOS R1 ELK.** TEKEN SÓ DIGITAAL IN 1 Gaan na www.mysubs.co.za en sluit aan OF meld…

Mei 1 Mei Werkersdag 13 Mei Moedersdag GAUTENG 24 April-5 Mei Die Suid-Oos-geskenkmark word by die Nederduitsch Hervormde kerk in Witbank aangebied. Handwerk, kuns, dekor, kos en drinkgoed is te koop. Soek ‘Geskenke Mark’ op Facebook vir meer inligting, of bel 082 512 9849. 25-29 April Wêreldklas mooigoed, alles met die hand gemaak, wag by Kamers/Makers wat tussen 9 vm. en 5 nm. by St David’s Marist in Sandton gehou word. Besoek kamersvol.com. 26 April-1 Mei en 4-6 Mei Gee jou oor aan die kos en kultuur van Portugal by die Lusito Land Festival in Alewynspoort - volksdanse, vermaak en heerlike kos is op die spyskaart. Meer inligting: lusitoassocation.org.za. 27-29 April Die Protea Cullifest vind plaas in Zonderwaterweg, Cullinan, ’n klipgooi buite Pretoria. Koop proteas, loer in by die magdom…

(@hanneskoegelenberg) @SWEET.LIONHEART Kaapstad Nikki Albertyn en Karmen de Reuck is mede-eienaars van LionHeart, ’n pâtisserie-ateljee in Woodstock wat spesialiseer in koeke en soetgebak. Van hulle kleurryke, kreatiewe skeppings pryk op hul Instagram-blad - en ons is behoorlik verlief. @SELFIEFELTIE Gauteng Selfiefeltie maak die oulikste snoesige viltdiertjies. Die vilt word hoofsaaklik van die wol van merino-skaap gemaak en met die hand gespin en gekleur. Dit is die perfekte geskenk vir jou kleinding - maar ook jou innerlike kind. @LEXIMIRE JACKSONVILLE, Florida, VSA Ons is altyd op soek na nuwe borduurtendense, en Lexi Mire se blomgeborduurde pette val netjies in hierdie klas. Elke pet word met ’n unieke blomontwerp geborduur. Die pette is met inspirasie op die koop toe op Etsy.com te kry.…

MOEILIKHEIDSGRAAD: redelik maklik TYD: halfdag JY BENODIG ♥ vatlappatroon hiernaas♥ poppie-illustrasies hiernaas♥ 28 x 36 cm linnemateriaal♥ 14 x 18 cm dun watteersel♥ swart materiaalpen♥ merkpen wat verdwyn♥ algemene naaldwerkbenodigdhede♥ blosser (opsioneel) SO MAAK JY 1 Gebruik die patroon hiernaas om twee pante uit die linne en een pant uit die watteersel te knip. 2 Plaas die twee linnepante regte kante op mekaar op die watteersel en stik die kort, reguit sy toe. Vou dit oop en stik ’n houstiksel 0,5 cm vanaf die naat aan die linne-watteerselkant. 3 Vou die strook in die lengte toe met die regte kante op mekaar. Stik dit reg rondom toe, maar laat ‘n opening vir omdop. Dop dit deur die opening om en stik die opening toe. 4 Druk die dun sakkie binne-in…

HETTIE HAAS EN MAATS deur AGNIESZKA STRYCHARSKA So ’n maklike patroon vir ’n dierbare haas! Maak dit vir ’n meisietjie om mee te speel en haar kamer te versier. Jy kan dit ook vir jou volgende mark maak. MOEILIKHEIDSGRAAD: maklik TYD: 1½ dae (vir een haas) HAAS JY BENODIG ♥ patrone op bladsy 66♥ sjokoladebruin linnemateriaal♥ bypassende masjiengare♥ oorskietbreidraad in beige♥ poliësterspeelgoedstopsel♥ algemene naaldwerkbenodigdhede SO KNIP JY Gebruik die patrone op bladsy 66 en knip uit die linnemateriaal 2 x kop, 2 x lyf, 1 x ore (middelste gedeelte), 1 x onderkant, 4 x bene en 4 x arms. LET WEL: 1 cm-naattoelatings is by alle patroondele ingesluit. SO MAAK JY LET WEL: Al die dele moet so aan mekaar gewerk word dat die nate in die middel is soos…

TYDSKRIFRAK Al wat jy nodig het om hierdie oulike tydskrifrak te maak is ’n bietjie tyd en ’n paar borduurringe. MOEILIKHEIDSGRAAD: maklik TYD: halfuur, plus droogtyd JY BENO DIG ♥ 5-7 houtborduurringe (25 cm in deursnee)♥ 12-16 houtspasieerblokkies (25 x 1,5 cm breed)♥ ekstrasterk houtlym♥ verfkwas♥ klamp (opsioneel) WENK: Onthou om die lym net op die onderrand van die borduurringe te verf, en nie op die boonste spasieerblokkies nie. NOTA: Houtborduurringe is by die meeste materiaalwinkels te koop.…

Ons het soortgelyke raamterrariums op Pinterest gesien en Germarie gevra om ons te wys hoe om een te maak. Dit was vir ons net te oulik om te weerstaan. MOEILIKHEIDSGRAAD: maklik TYD: 1½ uur, plus droogtyd JY BENODIG ♥ fotorame (sien stap 1 hieronder) ♥ 8 plastiekhoekblokkies ♥ 3 x 10 mm-houtskroewe ♥ 6 staaldeurskarniere van 25 mm ♥ spuitverf (ons het Rust-Oleum Painter’s Touch Ultra Cover Paint + Primer in Meadow Green gebruik) ♥ elektriese boor met ’n 2,5 mm-houtboorpunt ♥ skroewedraaier…

GEBREIDE PONCHO MOEILIKHEIDSGRAAD: medium TYD: 3 dae GROOTTE Die poncho is lospassend en pas ’n gemiddelde grootte. Om dit groter oor die arms te maak, stel meer steke op, of minder om dit kleiner te maak. Of brei die stuk langer, wat dieselfde effek sal gee. JY BENODIG ♥ 2 x 100 g-bolle Cowgirlblues Aran Single in die kleur Coffee Bean♥ 3 x 25 g-bolle Cowgirlblues Kidsilk in die kleur Coffee Bean♥ 9 mm-breipenne (jy kan ’n sirkelpen óf reguit breipenne gebruik) AFKORTINGS aw – aweregsher – herhaalks – koussteekr – regsst(e) – steek(steke) SPANNING 10 x 10 cm = 11 steke en 16 rye, nie geblok nie en oor koussteek met Cowgirlblues Aran Single op 9 mm-breipenne. PATROONNOTAS • Dié patroon word as ’n plat stuk gebrei, wat dan…

As jy jou kreatiewe projekte kombineer met die moderne gier om aandagtig te leef, oftewel mindfulness, het jy die perfekte resep vir ’n ongelooflike vorm van terapie. Só fokus jy net op die hier en nou, die tasbaarheid van die wol, klei of verf in jou hande. Hannah Burgess vat dit só saam in haar artikel ‘Crafting a way to mindfulness’ op craftiosity.co.uk, Britse aanlynverskaffer van handwerkmateriaal: ‘Mindfulness gaan daaroor dat ons ons sintuie gebruik en geniet en ervaar omdat dit altyd in die oomblik teenwoordig is. Dís wat van handwerk so ’n wonderlike manier maak om mindfulness te bereik. Wanneer jy iets prettigs doen, is mindfulness die natuurlike gevolg sonder dat jy dit doelbewus probeer bereik! Dit gaan alles oor die tasbaarheid en fisieke aspekte van handwerk wat jou…

Dis herfs, hier op die randjie van winter, en ons almal wil in ons huis wees. Ons dae is korter en die lug het ’n byt. In hierdie tyd raak ek altyd nostalgies oor ons kindertydplaas in die Kalahari. Daar waar tyd en die natuur ’n ritme van leef om ’n mens weef soos geen ander plek nie. Die kleure en teksture van my nuwe vertrek-omtowering is geïnspireer deur die behoefte aan rus, aan kalmte en om weer in kontak te kom met die natuur wat so pragtig verkleur om ons. Kleur loop hand aan hand met emosie, dus wou ek met winterwit skakerings en aardse klip- en graskleure gestalte gee aan my gevoel van Kalahari-nostalgie. Ek wil speel met teksture en kleure wat my laat dink aan optelhout en…

SKRYF VIR ONS & WEN! Die skrywer van ons wenbrief, Maretha Booyens, ontvang ’n Celltonegeskenkpak ter waarde van R1 000. Celltone Gel bevat gekonsentreerde vlakke van slakjel, wat die voorkoms van letsels, merke en plooie verminder. Vir ’n daaglikse spabehandeling in jou eie huis is daar Celltone se sesstap- velsorgroetine, terwyl Celltone Tissue Oil aktiewe bestanddele vir optimale velhidrasie bevat. Besoek celltone.co.za vir meer inligting. Idees verjaar! Ons het hope briewe ontvang van lesers wat ons gelukwens met ons verjaardag en dit graag saam met ons wil vier. Hier is ’n paar. * Van kleins af hou ek van mooigoed, ougoed, hougoed en blomgoed. Altyd aan die tafel dek, blomme rangskik, kamer skuif, versier. Idees was in ons huis vandat ek kan onthou – kleurvolle bladsye vol inspirasie wat my…

raaisel Rob Br adfield oplossing op bladsy 8 Die ‘Mazique’-weergawe. Al 26 letters van die alfabet is op die blokkies hieronder ingedeel, maar net 7 van hulle word gewys. Elke letter is in ‘ruiter’- of ‘perde’- skuif (soos in skaak) van die vorige opeenvolgende letter geplaas. Kyk byvoorbeeld na die letter A wat ‘n ‘ruiterbeweging’ weg is van die letter Z op die rooster. Die letter B moet dus ook ‘n perdeskuif weg wees van A. Identifiseer die wit blokkie waarop B geplaas moet word en werk dan uit waar C en dan D moet wees. D moet ook ‘n perdeskuif weg wees van E, wat wel op die rooster verskyn. Die gekleurde blokkies mag glad nie gebruik word nie. Jy kan ook die regte posisie van die vermiste letters…

Kruie: Grasuie, knoffelgrasuie, lourierblare, marjolein, ment, origanum, pietersielie, roket, roosmaryn, sitroengras, tiemie, vinkel. Groente: Aartappels, artisjokke, aspersies, beet, blaarslaai, blomkool, broccoli, brusselse spruite, ertjies, groenbone, jerusalemartisjokke, komkommers, kool, krulkool, lemoenpampoentjies, murgpampoentjies, pampoen, patats, preie, radyse, rape, sampioene, soetrissies, spinasie, tamaties, uie, witwortels, wortels. Vrugte: Appelliefies, appels, avokado’s, koejawels, lemmetjies, nartjies, papajas, pere, piesangs, pomelo’s, pynappels, suurlemoene. Blomme: Affodille, angeliere, aronskelke, asters, barbertonse madeliefies, goueroede, gousblomme, Ierse klokkies, inkalelies, irisse, kangaroepote, konfettiblomme, kreefkloue, krisante, leeubekkies, nerinas, Oosterse lelies, orgideë, papierblomme, pronkertjies, pronkridderspore, (sekere) protea- en fynbosspesies (insluitend speldekussings, heide en erikas), ridderspore, rose, seehuls, sintjanskruid, sintjosefslelies, soetemaling, sonneblomme, strelitzias, tjienkerientjees, tulpe, veronicas, vilette.…

Rasper-bêreplek Met ’n nuwe bodem raak ’n ou rasper ’n unieke bêreplek – boonop met hope karakter. Meet die opening aan die bokant van die rasper (die kant met die handvatsel) en sny volgens dié mate ’n vierkant uit ’n vel balsahout. Plak die houtvierkant met handwerkgom aan die binnekant van die rasper vas sodat dit op die metaalrand rus en die opening toemaak. Hang die rasper-rakkie teen ’n muur op en bêre jou kombuis- of handwerkgoed daarin. Vier Moedersdag met al daardie spesiale familiegunstelinge wat jy uit jou kinderjare onthou. Hier is ’n paar van ons geliefkoosde resepte. VISFRIKKADELLE Op weeksaande was daar gereeld frikkadelle op die spyskaart – soms met beesmaalvleis gemaak, ander kere met vis wat my pa gevang het. Frikkadelle is heerlike padkos wat altyd ingepak…

JY BENODIG ♥ botterversiersel (resep hieronder) ♥ blomversierstokkies (of gebruik die basis van ’n wynglas) ♥ spuitsakke ♥ blomblaar-versierspuitstuk ♥ nr. 1- ronde versierspuitstuk ♥ jelkoskleursel ♥ kakaopoeier ♥ waspapiervierkante BOTTERVERSIERSEL ♥ 200 g botter of wit margarien ♥ viooltjiepers koskleursel ♥ 400 g gesifte versiersuiker ♥ kookwater Klits die botter tot dit net-net romerig is. Meng ’n klein bietjie viooltjiepers koskleursel by om die geel botterkleur te neutraliseer. Voeg die versiersuiker in twee hoeveelhede by – roer dit met ’n groot lepel by sodat jy nie lug byklits nie. Voeg nou kookwater by, net ’n klein bietjie op ’n slag, om ’n ferm maar smeerbare versiersel te vorm. Smeer die versiersel teen die binnekant van die bak om van lugborrels ontslae te raak. Skep ’n bietjie versiersel in ’n…

SPELDEKUSS INGRINGE MOEILIKHEIDSGRAAD: redelik maklik TYD: halfuur per ring JY BENODIG (per ring) ♥ blomborduurpatrone op bladsy 70♥ viltkraal van ongeveer 2 cm in deursnee♥ ring met ’n gaatjiebasis♥ oorskietstukkies borduurgare♥ saadkraletjies (opsioneel)♥ algemene naaldwerkbenodigdhede SO MAAK JY 1 Borduur die blompatroon van jou keuse op die viltkraal met borduurgare. Gebruik agtersteke, Franse knopies en madeliefiesteke vir die borduurwerk. 2 Werk die saadkraletjies vas volgens die patroon of na willekeur. 3 Werk die viltkraal aan die ringbasis vas. OMGEHEKELDE MAATBANDOORTREKSEL MOEILIKHEIDSGRAAD: redelik maklik TYD: 2½ uur JY BENODIG ♥ 1 x 50 g-bol Vinnis Nikkim 100%-katoendraad DK elk in Purple Pink, White, Slate en Stone (of die kleure van jou keuse)♥ 3 mm-hekelpen♥ naald met ’n groot oog♥ algemene naaldwerkbenodigdhede HEKELAFKORTINGS beg – begindies – dieselfdegs – glipsteekh/af – heg…

MOEILIKHEIDSGRAAD: gemiddeld TYD: ’n naweek, droogtyd ingesluit JY BENODIG ♥ diagram op bladsy 80♥ koperwaterpyp (deel 1)– 15 mm x 3 000 mm (L)♥ koperpyp-koppelstukke– 4 x 15 mm-T-koppelstukke (deel 2)– 4 x 15 mm-90-grade-koppelstukke (deel 3)♥ 4 x 15 mm-koperpypentdoppies (deel 4)♥ 4 x 15 mm-klinknaelkoppe van antieke geelkoper no. 7050 (deel 5)♥ glastafelblad (deel 6)– 400 mm deursnee x 6 mm dikte♥ kitsklewende staal-epoksilym♥ 750 ml lakverdunner♥ kleurlose silikonrubberverseëlaar♥ 600-grint- waterdigte skuurpapier (of staalwol)♥ maskeerband♥ kaasdoeklap GEREEDSKAP ♥ handboor♥ 4 mm-boorpunt♥ 3-30 mm-pypsnyer SO MAAK JY TAFELBASIS 1 Sny die koperpyp-komponente (1) volgens die mates wat in die diagram op bladsy 80 gegee word. 2 Skuur die ente van die koperpyp en die binne-oppervlakke van die koppelstukke en entdoppies skoon met skuurpapier of staalwol (2, 3 en 4).…

VILTBLOMME MOEILIKHEIDSGRAAD: redelik maklik; jy het net ’n bietjie geduld nodig TYD: 1 dag (vir al drie blomme) JY BEN ODIG ♥ blomblaar- en blaarpatrone op bladsy 90 ♥ velle vilt in geel, groen en pienk (of die kleure van jou keuse) ♥ geel masjiengare ♥ liggroen borduurgare ♥ materiaalgom ♥ algemene naaldwerkbenodigdhede WENK: Oppas vir te veel gom, want dit kan morsig raak. Maak jou hand bak om die blomblare in plek te hou totdat die gom droog is.…

Die vraag na ’n jeugdige voorkoms groei daagliks, en parallel daarmee die spyskaart van verjongingsbehandelings. Die keuse is wyd, en daarom moet sowel pasiënte as dokters hulle vergewis van presies wat beskikbaar is, wat om te verwag en wat om te vermy. Die jongste riglyn is: verjonging, nie verwronging nie. Vermy ’n opsigtelike, dramatiese of groteske verandering ten alle koste, waarsku dr. Alistair McAlpine van Genop Healthcare, verskaffer van Ellansé-vullers en die nie-chirurgiese gesigsontrimpeling Silhouette Soft. Volgens dr. Ishaan Ramkisson, KwaZulu-Natalse dermatoloog en estetiese praktisyn asook mentor vir Galderma (die verskaffer van Restylane-vullers), vereis vroue deesdae ’n natuurlike uitkoms ná ’n prosedure. ’n Abnormale of ooglopende verandering is uit. Die mes skuif toenemend eenkant toe. Nie-chirurgiese prosedures word die norm vir verjonging soos wat die tegnologie vernuwe en verbeter om…

Hoe gereeld het jy al gedink ‘as ek net die kinders deur die skool kan kry’, of ‘as ek net eers die huis afbetaal het’, of ‘as ek net die regte persoon kan ontmoet’? En as jy jou oë uitvee, is dit vyf jaar later en wag jy nog steeds. Sosiale media help ook nie juis nie. Met platforms soos Pinterest en Instagram kan ons vir ure lank met begerige oë kyk na die mooiste hoekies van ander mense se lewe en droom oor die dag wat dit ons s’n is. En so nooi jy nie gaste oor voordat die eetkamer oorgeverf is nie. Of voor die voortuin perfek is of voor jy vyf kilogram afgeskud het nie. Altyd nog ’n mikpunt op ons aftiklysie wat ons daarvan weerhou om…

Ek het gereeld Idees gekoop en kon nie wag vir die volgende uitgawe nie. Maar toe die kinders universiteit toe is, moes ek fyn sny. Soms moes ek maande aanmekaar sop eet. Nie dat ek spyt is nie, maar ek het verlang na my tydskrif propvol idees. Hoewel ek nie noodwendig kon mooimaak soos ek graag wou nie, kon ek droom en beplan vir eendag... So takel ek toe die vakansie my stapel Idees. Ek haal prente uit, lamineer dit en plak dit met mooi kleeflint vas. Sommige vir my woonstel en ander vir my klaskamer. Die resepte word geliasseer en ek beplan twee etes vir die nuwe maand... iets anders as die gewone. Die dogters is al 21 en 22, so Ma bêre die mooi idees vir troues. Ek…