Innholdsfortegnelse for May/June 2017 i Idees

Wow! So frustrerend soos wat dit is om nie jou tydskrif op die rak te sien as jy weet dis tyd vir hom om daar te wees nie, net so ongelooflik lekker is dit om hom nié daar te sien nie omdat almal uitverkoop is! Veral nou met ons Swaan-uitgawe van Maart/April 2017, want dit was immers ons baba se eerste, versigtige treetjies die grootmenswêreld in. Op 6 Maart, ons eerste dag op die rak, het die grootheid van hierdie onderneming my die eerste keer getref, en dit was al byna vyfuur die middag voordat ek myself sover kon kry om te gaan kyk na die tydskrifrakke in my omgewing. En daar sit ons toe, pienk soos kan kom in sulke lekker hoë stapels. So slaan ek elke dag ’n…

onruetatin.com Susan Loomis kombineer haar joernalistieke agtergrond met haar liefde vir kos en die mense wat dit maak. Haar vele reise het haar toegerus met die kennis en waardering vir die magdom tradisies wat om kos wentel – van hoe dit gekweek en geoes word tot hoe dit berei word. Susan glo om oor kosmaak te leer gaan oor veel meer as net resepte en tegnieke. ‘Dis vir my wonderlik om die mense en gebruike agter die cuisines van die wêreld te leer ken en aan my lesers bekend te stel.’ livingstylecolour.com Theoda Solms Iles is ’n Suid-Afrikaner wat deesdae in Kent, Brittanje, woon saam met haar man, dogtertjie en troetelhond. Sy is passievol oor interieurs, kleure, blomme en honde en werk bedags as stilis wat dekorstories vir glanstydskrifte doen.…

SWITSERSE-STYL MUESLI MET APPEL EN BESSIES Met hierdie ontbyt kan jy die dag op ’n drafstap begin, want jy maak dit al die vorige dag en hou dit oornag in die yskas. Skep dit die volgende oggend in bakkies of in klein glasflesse en garneer dit mooi. Genoeg vir: 4-6 Bereidingstyd: 15 minute, plus yskastyd ♥ 100 g gerolde hawermout ♥ 340 ml appelsap ♥ 50 ml droë appelkose ♥ 50 ml gedroogde gojibessies ♥ 2 appels, klokhuise verwyder en gerasper ♥ 3 ml fyn kaneel ♥ 30 ml room ♥ heuning, om voor te sit ♥ 1 bakkie vars bessies van jou keuse, heel of in kleiner skyfies gesny ♥ ’n Hand vol geroosterde amandels, om voor te sit ♥ kaneelsuiker, om voor te sit 1 Meng die hawermout…

MAAK: 4 BEREIDINGSTYD: 1 uur, plus afkoeltyd BAKTYD: 20 minute OONDTEMPERATUUR: 180 ºC SPONSKOEK Jy moet 3 koeke bak, elkeen in ’n ander skakering van pienk. ♥ Vir elke koek moet jy 2 groot eiers en 200 g strooisuiker klits tot dit lig en donsig is. ♥ Sif 140 g koekmeel en 7,5 ml bakpoeier oor die eiermengsel en roer dit tot dit net-net ingemeng is. ♥ Voeg ’n paar druppels pienk koskleursel by 125 ml warm melk en voeg dit saam met 65 ml gesmelte botter by die eiermengsel. Roer dit goed deur. ♥ Giet die beslag in ’n vierkantige of ronde koekpan van sowat 24 cm wat gevoer en gesmeer is. ♥ Bak dit vir 17-20 minute in die verhitte oond of tot ’n toetspen wat jy in…

Stap jy deur Cleopatra se rustige plaasatmosfeer, weet jy nie waarop jy jou kamera eerste wil fokus nie. Buite is die ongelooflike natuurskoon van die Drakensberg en die seepgladde oppervlak van die meer langs die gastehuis, en binne is die kreatiewe aanslag van die eienaars oral te sien. Wat in die 1940’s, toe Richard se oupa die plaas gekoop het, die manne in die familie se eenvertrek-wegkomplek was, is ’n geslag later uitgebrei na ’n gesinshuis. En toe Richard dit later erf, het hy en Mouse, wat voorheen die boetiekhotel Granny Mouse Country House besit het, besluit om dit in ’n intieme gourmet-wegbreekplek te omskep. Ná ’n paar jaar oorsee waarin hulle die internasionale foodie-wêreld ontdek en verskeie kookkursusse gedoen het, wou veral Richard kos die hoofattraksie van die…

Nooit uit die mode Die Nederlandse trend-voorspeller Li Edelkoort het in haar 2018-vooruitskouing gesê moue gaan groot nuus wees – letterlik groot! ’n Gewone mou is iets van die verlede vir minstens die volgende paar jaar. Mode gaan ook beïnvloed word deur die detail wat in klere van vervloeë tye te sien was, soos met ons mooi krae en boordjies hier. Onthou dus hierdie projekte as jy jou kas in die mode wil hou. DRIELAAGKRAAG Dra hierdie los kraag by enige rok, hemp of trui waarby dit vir jou mooi lyk. MOEILIKHEIDSGRAAD: redelik maklik TYD: halfdag JY BENODIG ♥ patrone op bladsy 74 ♥ materiaal van jou keuse ♥ stywe aanstryktussenvoering ♥ bypassende masjiengare ♥ 1 knoop ♥ materiaalmerkpen SO STIK JY LET WEL: 1 cm-naattoelatings is ingesluit. 1 Gebruik…

MOEILIKHEIDSGRAAD: maklik TYD: halfdag JY BENodIg ♥ polimeerklei in die kleure van jou keuse ♥ riempies en/of kettinkies ♥ handwerkmeslem ♥ gladde keramiek- of glasteël ♥ sosatiestokkies Ons het ’n blokkie elk swart en wit klei vir ons projek gebruik. Sny ’n stuk van die wit klei af en knie dit tussen jou hande tot dit sag is. Werk op die gladde teël en rol die klei ’n rolletjie – die dikte gaan die grootte van jou krale bepaal – en sit dit eenkant neer. Sny ’n stuk van die swart klei af. Knie dit en rol dit in rolletjies van omtrent 1 mm dik. Sny dit met die handwerkmeslem in klein stukkies – dit moet amper soos koek-vermicelli lyk. Druk die swart stukkies liggies teen die wit rolletjie vas.…

MOEILIKHEIDSGRAAD: redelik maklik TYD: 1 dag GROOTTE Ons beer is 20 cm lank en 13 cm wyd, arms ingesluit. JY BENODIG ♥ beerpatroon op bladsy 90 ♥ 30 x 30 cm fluweelmateriaal (verkieslik stoffeerfluweel) ♥ bypassende masjiengare ♥ ’n verskeidenheid breidraad om die blomruiker te borduur. Ons het gebruik: – Cowgirlblues-dubbeldraad in Rain Forest, vir die vier groot blare – Quenti Alpaca (sport-dikte) in wit, vir die buitenste blomblare, en in ligblou, vir die binneste blomblare – Malabrigo Silkpaca in Mustard Yellow, vir die takke – Moya Lace Plume in Natural, vir die klein blommetjies – Elle Premier-4-draad in Rust, vir die blomkerns, en in swart, vir die gesigdetails ♥ 15 cm-borduurring ♥ borduurnaald ♥ poliësterspeelgoedstopsel ♥ wateroplosbare materiaalpen BELANGRIK: Toets die pen vooraf op die materiaal om seker te…

PATROONNOTAS * 3 ks vervang die eerste langbeen en tel as ’n steek. (Vir ’n heeltemal foutlose steek, probeer om die rondtes met ’n regop gekruiste langbeen te begin; kyk op die internet hoe dit gedoen word.) * Die been van die steek verwys na die skag of regop gedeelte van die steek. * Die patroon word van bo af ondertoe gehekel. * Die skouerstuk word eerste voltooi. Vir groter groottes, hekel omtrent nog 1 rondte (per grootte) aan die skouerstuk voordat met die lyf begin word. Pas die skouerstuk aan voordat jy met die lyf begin om seker te maak dit pas goed. * Die lyf het gereelde vermeerderings. Om te verseker die tuniek pas goed, pas dit gereeld tussendeur aan en hekel dan minder reguit rondtes tussen die vermeerderingsrondtes (byvoorbeeld…

1 Waarom het jy Suid-Afrika toe gekom? Ek het destyds in Hamburg, Duitsland, gewoon waar ek in die invoer/ uitvoer-afdeling van ’n groot modehandelsmerk gewerk het wat ook ’n kantoor in Kaapstad gehad het. Ek het die kantoor kom besoek en wou eenvoudig nie terugkeer nie. 2 Waarom het jy besluit om te bly? Ons Italianers hou van Suid-Afrika. Al die ruimte en vryheid hier is net ongelooflik. As jy in een van die Europese lande gaan woon, is daar die ongeskrewe reël dat jy by hulle gewoontes sal inval. Hier is almal net so vry om te wees wie hulle wil wees. Ek kon regtig blom hier en daarmee saam ook my kreatiwiteit. Dit was vir my soos ’n hergeboorte. Ek het omtrent dadelik begin werk aan ’n reeks juweliersware, wat…

* ONTHOU DIÉ WOORD: STIPPELWERK (stippling) ’n Tekentegniek waar klein kolletjies gebruik word om iets visueel uit te beeld; die tegniek om kolletjies te gebruik om skaduwees van lig tot donker te skep; om te verf, ets of teken deur klein stippels aan te bring met ’n kwas, pen of ander instrument. Sy sout werd Volgens ’n ou Europese bygeloof bring dit ongeluk as jy sout mors. Nog ’n bygeloof is dat jy sout oor jou linkerskouer moet gooi om bose kragte weg te hou.…

1 Voeg ’n knippie sout by kakaodrankies en sjokoladenageregte om die geur uit te bring. 2 Melk hou byna twee keer langer in die yskas as jy ’n knippie sout byvoeg sodra jy ’n nuwe bottel oopmaak. 3 Neutraliseer koffie wat te lank gestaan en bitter geword het deur ’n knippie sout by te voeg. 4 Sprinkel sout oor vleis een uur voordat jy dit gaarmaak, om die sappe vry te stel. 5 Sprinkel sout op ’n hoender 24 uur voordat jy dit rooster vir die geurigste, sappigste hoender. 6 Keer dat kaas muf deur dit toe te draai in ’n stuk kombuispapier wat met soutwater klam gemaak is. 7 Hou eiers wat hardgekook word heel en maak hulle makliker om af te dop deur ’n knippie sout by die kookwater…

SKRYF VIR ONS & WEN! Elize Botha, die skrywer van ons wenbrief in dié uitgawe, ontvang ’n ontwerpersparfuum om Moedersdag nog meer spesiaal te maak. Wenbrief AHA-OOMBLIK Ek is baie lief vir die handwerk van die informele sakemanne en -vroue wat dikwels so mooi langs die pad uitgestal word. Op ’n dag op pad huis toe van Pretoria af is daar ’n opgewondenheid in my motor. Saam met my in die motor is die draadman wat ek gekoop het. Die man is met moeite ingelaai. So swaar soos lood. ’n Mens kan sê hy is vol draadwerk. Hy is maar stil - praat niks, sit net by die venster en uitkyk. Ek besluit om hom ’n naam te gee: Dennis. Ewe skielik kry hy persoonlikheid en voel dit glad nie…

Al 26 letters van die alfabet is op die wit blokkies hieronder ingedeel, maar net 7 van hulle word gewys. Elke letter is in ‘ruiter- of perdeskuif’ (soos in skaak) van die vorige opeenvolgende letter geplaas. Kyk byvoorbeeld na die letter A wat ’n ‘ruiterbeweging’ weg is van die letter Z op die rooster. Die letter B moet dus ook ’n perdeskuif weg wees van A. Identifiseer die wit blokkie waarop B geplaas moet word en werk dan uit waar C en D moet wees. D moet ook ’n perdeskuif weg wees van E, wat wel op die rooster verskyn. Die donker blokkies mag glad nie gebruik word nie. Jy kan ook die regte posisie van die vermiste letters probeer aflei deur vorentoe of agteruit te werk met die ander letters…

GROENTE: Aartappels, artisjokke, aspersies, beet, blaarkool, blaarslaai, blomkool, broccoli, brusselse spruite, ertjies, groenbone, jerusalemartisjokke, komkommers, kool, murgpampoentjies, pampoen, patats, preie, radyse, rape, sampioene, seldery, skorsies, soetrissies, spinasie, tamaties, uie, witwortels. VRUgTE: Appelliefies, appels, avokado’s, koejawels, lemmetjies, lemoene, nartjies, papajas, pere, piesangs, pomelo’s, pynappel, suurlemoene. BLOMME: Affodille, angeliere, aronskelke, asters, Barbertonse madeliefies, goueroede, gousblomme, Ierse klokkies, inkalelies, irisse, konfettibos, kreefkloue, krisante, leeubekkies, nerinas, Oosterse lelies, orgideë, papierblomme, pronkertjies, pronkridderspore, (sekere) protea- en fynbosspesies soos speldekussings, heide en erikas, ridderspore, rose, seehuls, sintjosefslelies, sonneblomme, stokrose, tulpe, veronicas.…

INSPIRASIE VIR AFRIKA Ashlee Lloyd is ’n jong industriële ontwerper van Kaapstad wat mal is oor tekstielstowwe en beligting. Sy skep graag funksionele stukke en haar ontwerpe word geïnspireer deur die ryk handwerkkultuur van Suider-Afrika en komplekse vorms in die natuur. Besoek haar webwerf, ashleeainsleylloyd.com, vir meer inligting oor dié beeldskone ligte, of stuur ’n e-pos na ashlee.lloyd.design@gmail.com. Ek bloog yowwer CHANEL COCO CODE BLUSH HARMONY (R720) IS DEEL VAN DIE MOOI, OPWINDENDE VERSAMELING GRIMERING DEUR CHANEL. ‘CODE’ VERWYS NA DIE SOGENAAMDE KODES WAT COCO CHANEL AS BASIS VIR HAAR ONTWERPE GEBRUIK HET. DAAR IS OOGSKADU, BLOSSER, LIP-LAK, ROMERIGE LIPPOTLODE EN NAELLAK IN HIERDIE NUWE REEKS WAT NOU OP DIE RAK IS. LIE WE MILLY ’n Onblusbare voorliefde vir washi-kleeflint en vintageblomme was die inspirasie vir dié nuwe skryfbehoeftereeks van…

Maak: omtrent 40 Bereidingstyd: 1 uur, plus yskastyd Baktyd: 8-12 minute Oondtemperatuur: 170 ºC ♥ 125 g (135 ml) sagte botter ♥ 70 g (80 ml) strooisuiker ♥ 1 groot eier ♥ 1 ml rooswater of vanielje-ekstrak ♥ 270 g (500 ml) koekmeel ♥ 1 ml bakpoeier ♥ versiersuiker, om oor te sif 1 Klop die botter en suiker saam tot dit lig is. Klop die eier en geursel of ekstrak by. Roer die meel, bakpoeier en ’n knypie sout by om ’n sagte deeg te vorm. Rol die deeg in ’n bol en draai dit toe in kleefplastiek. Verkoel dit vir ’n uur in die yskas. 2 Rol die deeg dun uit op ’n oppervlak wat liggies met meel bestrooi is. Gebruik ’n ronde koekiedrukker van 5 cm om…

Ons was verlede jaar nog besig om gastehuise met mooi dekor uit te soek vir ’n spesiale uitgawe toe ons eie TV-program, ’n Ster vir my bed, ons pad kruis en ons self gastehuise moes mooimaak. Skielik het ons met heel ander oë na dié plekke gekyk. Is daar genoeg sitplek, ’n plekkie vir jou tas, ’n spieël, en bedliggies aan elke kant van die bed? Want ja, jou plek moet mense inlok, maar bloot ’n mooi vertrek beteken nie jy gaan ’n ster bo jou voordeur kry nie. Dit is die detail wat tel. Hier is ’n paar voorbeelde en hulp vir enigeen wat heeltyds of deeltyds gaste wil ontvang – van die reëls om sterre van die SA Graderingsraad te kry tot idees van bestaande gastehuiseienaars om jou…

MEUBELS • Hoe meer sterre jy verlang, hoe beter moet die gehalte van die meubels in die kamer wees. • Vir alle sterre moet daar langs elke slaapplek ’n tafeltjie of rak wees. • Vir vier of vyf sterre moet daar ook ’n lessenaar of spieëltafel wees met ’n stoel daarby. • En vir ’n vyfsterkamer moet jy sorg dat daar ’n gemaklike sitplek is vir elke gas wat in die kamer oorbly. ELEKTRIESE TOEBEHORE • Vir een en twee sterre moet daar ’n haardroër by ontvangs wees. Daar moet ook ’n afstandbeheerde kleur-TV met ’n paar kanale in elke kamer of op ’n sentrale plek wees. • Vir drie tot vyf sterre moet daar in elke kamer ’n haardroër wees. • Vir drie sterre in ’n huis met meer as vyf kamers…

Begin deur ’n speldekussing te maak wat in die teepot se deksel pas: Trek die binnekant van die deksel op karton na en knip dit uit. Jy sal dalk die karton effens moet sny sodat dit knus in die deksel pas, maar hou in gedagte dat jy nog materiaal ook gaan byvoeg. Gebruik ’n gomgeweer om ’n bol poliësterstopsel op die kartonsirkel te plak. Knip ’n stuk mooi lap wat effe groter as die karton is, trek dit redelik styf oor die stopsel en plak dit met jou gomgeweer aan die onderkant van die karton vas. Druk die speldekussing in die deksel. Voeg spelde en naalde by en vul die teepot dan verder met klein naaldwerkbenodigdhede soos ’n maatband, vingerhoed en borduurskêrtjie. BRON: ONS HET DIÉ IDEE GEKRY OP SADIESEASONGOODS.COM/SEWING-TO-A-TEA-THE-HIDDEN-PIN-CUSHION/…

MOEILIKHEIDSGRAAD: gevorderd TYD: halfdag JY bENOdIG ♥ mooi ou keramiekbord ♥ mosaïek-wieletjiestang (wheeled nipper) ♥ koperplakband (copper adhesive tape; by musiekinstrumentwinkels te koop, of bestel dit aanlyn) ♥ soldeeryster en -bout ♥ soldeersmeltmiddel (soldering flux) en breë kwassie ♥ voustokkie of poets-yster (burnisher) ♥ knyptang ♥ handwerkmes ♥ bloemiste-oase ♥ 2 klein metaalringetjies en ’n kettinkie Sny die mooi dele van die bord in stukkies wat groot genoeg is om hangertjies van te maak. Sny ’n dun strokie koperplakband wat reg rondom die keramiekstukkie sal pas. Sny dit breed genoeg sodat dit weerskante met 1 mm oor die rande sal steek. Plak dit al om die rande van die keramiekstukkie vas. Gebruik ’n voustokkie of poets-yster (of enige soortgelyke gladde, harde voorwerp) en vryf die oorsteekrandjies van die koperplakband alkant…

MOEILIKHEIDSGRAAD: maklik TYD: ’n halfuur JY BENODIG ♥ ’n ronde speldekussing (ek het ’n ou tamatiespeldekussing gebruik wat te kry is by die meeste materiaalwinkels) ♥ ’n klein bietjie Elle Premier-dubbeldraad in Rust en Vinnis Nikkim in Natural ♥ 3 mm-3,5 mm-hekelpen ♥ tapisserienaald ♥ steekmerker AFKORTINGS beg – begin gls – glipsteek kb – kortbeen ks – kettingsteek rdte – rondte st(e) – steek(steke) vlg – volgende SO HEKEL JY BASIS VAN SAMPIOEN Gebruik die steekmerker om die beg van elke rdte aan te dui. Met Natural, hekel ’n ketting wat dieselfde omtrek as jou speldekussing het, gls in eerste ks om ’n ring te vorm – wees versigtig dat jy nie die ketting draai wanneer jy die gls maak nie. RDTE 1: 1 ks, kb in elke ks…

RAK JY BENODIG ♥ 3 lengtes (2,4 m elk) dennehoutplank van 19 x 94 mm, reg rondom geskaaf ♥ 1 lengte (1,2 m) dennehoutplank van 19 x 94 mm, reg rondom geskaaf ♥ 3 lengtes (1,8 m elk) dennehoutplank van 19 x 44 mm, reg rondom geskaaf ♥ 1 lengte (2,4 m) dennehoutplank van 19 x 44 mm, reg rondom geskaaf ♥ 1 lengte (1,2 m) gelamineerde wit rak- of dennehout van 19 x 380 mm ♥ 62 houtskroewe van 4 x 32 mm ♥ 2 houtskroewe van 4 x 75 mm ♥ houtvulstof en skraper ♥ 100-grint-skuurpapier ♥ boor met 3 mm-houtboorpunt ♥ verf geskik vir hout (ons het Prominent Paints se Ultrasheen-waterbasisverf in wit vir die raam en die buitekant van die rakke gebruik en Fired Earth-kalkverf in…

1 Waar kom jou liefde vir kos vandaan? Ek was nog altyd lief vir kosmaak. Ek het van jongs af gebak en vandat ek agt of nege jaar oud was vir my resepteboeke opgemaak met fotostate uit die biblioteek. Gelukkig het my ma my altyd in die kombuis toegelaat. Vir baie jare het ek net resepte gevolg, maar nou eksperimenteer ek baie meer. As ek my kan kry, is ek in die kombuis, besig om nuwe dinge te probeer. Kos is net ongelooflik. Elke ete moet ’n fees wees, of dit nou slaai vir werk of ’n vinnige toebroodjie is – maak dit mooi en geniet die oomblik. 2 Het jy ooit iets anders gedoen? Vir ’n baas gewerk? Toe ek klaar gestudeer het, is ek en ’n vriendin Londen…

V Ek kan nie meer bybly met e-pos- en sosialemedia-boodskappe nie. Help asseblief! A Met almal wat deesdae pal aanlyn is, kan jy onder druk voel om dadelik te reageer op boodskappe. Maar jy hoef nie. ♥ Moenie na e-posse kyk soos wat hulle inkom of jou foonskerm gedurig dophou nie. ♥ Beantwoord e-pos- en sosialemedia-boodskappe net dadelik as dit dringend is; skeduleer dit andersins vir ’n daaglikse ‘boodskap-uur’ – dit kan ook ’n halfuur soggens en ’n halfuur smiddae wees. ♥ Dringende e-posboodskappe behoort as ‘hoë prioriteit’ aangedui te word in die onderwerpveld. Gebruik egter jou diskresie, aangesien boodskappe dikwels as dringend gemerk word sonder dat dit regtig is. ♥ As dit werklik ’n noodgeval is, sal die persoon jou wel bel as jy nie reageer nie. ♥ En…

Hier is al die basiese toerusting wat jy nodig het om flatervrye koeke op te tower. KOEKBAKTOERUSTING BESKIKBAAR BY THE BAKER’S DEN (KOEBERGWEG 460, MONTAGUE GARDENS, KAAPSTAD; BAKERSDEN.CO.ZA) DEEgSNYER OF vERSIERSPATEL Met dié nuttige stukkie gereedskap kan jy koeke mooi versier. Dit help om versiersel ’n gladde, professionele afwerking te gee. KOEkSNYdRAAd Jy gebruik dít om delikate koeke in ewe dik lae sny. Die hoogte is verstelbaar en die draadlem sal ’n skoon, netjiese snit verseker. SIF Jy het ’n fyn metaalsif nodig om meel, versiersuiker en kakaopoeier te sif – dit word sterk aanbeveel wanneer jy koek bak. Die sifproses raak nie net ontslae van klonte nie, maar belug ook die bestanddele. (Jy kan ’n klein teesiffie gebruik om versiersuiker of kakaopoeier oor koeke te sif wat jy wil…

Teken op die digitalE tYdskRif in vir slegs R45 per uitgawe. • Vir navrae oor digitalE iNtEkENiNgE , bel 0861 697 827 of stuur ’n e-pos aan support@mysubs.co.za. Vir ’n jaaRliksE iNtEkENiNg van R408 ontvang jy al om die ander maand jou gEdRUktE eksemplaar van Idees. * Teken sÓ in op die gedrukte tydskrif: • Skakel 087 740 1025 vir IdEEs (Maandae tot Vrydae 8 vm. tot 5 nm.) óf • Skakel 087 740 1027 vir IdEas . • Stuur jou Naam & koNtakbEsoNdERHEdE per e-pos AAN subs@ideasfactory.co.za. ** • SMS ‘iNtEkEN idEEs’ na 33153 . SMS’e kos R1 elk. ** Teken só digitaal in Gaan na www.mysubs.co.za en sluit aan OF meld aan. 2 Gaan na die blad van die item wat jy wil koop en kies dit. 3…

Adele Joynt Andrea Morgan Angie da Silva Barbara Massey Candice Starke Carien Eloff Carlé Dehning Colin Bousfield Ed O’Riley Elize Pieterse Gerda Cerff Jaclyn Venter Jakolien Vlok Julie Gallagher Juliette Illingworth-Meintjies Karin Fraser Kate Haupt Kathrin Knetsch Kelly Fletcher Lauren Potgieter Leonie Viljoen Lorraine Santos Louise Read Lourika van Rooyen Lynelle Breedt Lynzelle Maritz Malinda Jordaan Nadine Swartz Raffaella Williams Rea Agostini Robert Hart Sera Holland Simone du Plessis Tharina Naude Tiffany Sosa…

OONDGEROOSTERDE BLATJANGHOENDERMET KANEL-PAMPOENSKYWE GENOEG VIR: 4-6 BEREIDINGSTYD: 20 minute GAARMAAKTYD: 30 minute OONDTEMPERATUUR: 200 ºC ♥ 6 Grain Field IQF-hoenderborsfilette (IQF is kitsbevrore individuele porsies) ♥ 150 ml perske- of appelkoosblatjang ♥ 150 ml suurroom of crème fraîche ♥ 5 ml worcestersous ♥ 15 ml vars suurlemoensap ♥ 500 g pampoen, in wiggies gesny ♥ olyfolie ♥ 2 kaneelstokkies ♥ 5 ml fyn kaneel ♥ 15 ml suiker ♥ 4 sprietuie, fyngesny ♥ vars koljanderblare of mikrokruie, vir garnering 1 Verhit die oond tot 200 ºC. Meng die blatjang, suurroom of crème fraîche, worcestersous en suurlemoensap. 2 Plaas die hoenderfilette in ’n bak, skep die sous oor en hou dit eenkant. 3 PAMPOEN Sit die pampoenwiggies in ’n oondroosterpan, drup olyfolie oor en meng dit deur om die pampoen oraloor te bedek. Voeg die kaneelstokkies…

Peperduur dermaseutiese, kosmeseutiese en sogenaamde doctor’s brands is al lank gesog in die velsorgbedryf. Dit is te begrype dat verbruikers ontvanklik is vir ’n produk wat geformuleer en ontwikkel is deur ’n dermatoloog, plastiese chirurg, kosmetiese dokter, farmaseutikus of biotegnikus wat alles weet van die wetenskap van die vel. Suid-Afrika staan nie terug op hierdie gebied nie. Ons het imponerende trots Suid-Afrikaanse velsorgreekse wat deur ons eie eksperts op eie bodem geformuleer is. BIOMEDICAL EMPORIUM DIE STIGTER: Dr. Judey Pretorius is ’n medestigterslid. Sy is ’n biochemikus en produkontwikkelingspesialis. Haar spesialiteit is wondheling, regenerasiemedisyne en selterapie. Sy help nuwe toerusting ontwikkel en haar ontdekkings het gelei tot innoverende behandelings vir die herstel van wonde en chirurgiese snye. Haar laboratorium is in Pretoria. Dr. Pretorius span die jongste wetenskap in om…

HANGENDE TUIN Groot vintage-styl jellievorms is ideaal om ’n mooi planthouer vir delikate blomme te maak. MOEILIKHEIDSGRAAD: redelik moeilik TYD: 2 uur JY BENOdIg ♥ 1 groot jellievorm ♥ 1 middelslag-jellievorm ♥ 4 stukke ketting van 30 cm elk ♥ 9 klein metaalringetjies ♥ tang, hamer en groot spyker ♥ mos- of klapperhaarvoering vir hangmandjies ♥ potgrond ♥ plante van jou keuse SO MAAK jY 1 Gebruik die hamer en spyker om vier gaatjies ewe ver van mekaar in die borand van albei jellievorms te slaan. Slaan ook ’n paar dreineringsgate in die basis van elke vorm. 2 Ryg ’n metaalringetjie deur elke gaatjie. Haak die een punt van elke lengte ketting deur ’n aparte ringetjie in die borand van die groter jellievorm. Bring die los punte van die kettings bymekaar…

MOEILIKHEIDSGRAAD: gemiddeld TYD: 1 dag JY BENOdIG ♥ ongesoldeerde metaalringetjies (sien die nota op die oorkantste bladsy) ♥ metaal-armbandknip ♥ dun draad ♥ 2 skerpneus-juwelierstangetjies ♥ draadknipper Begin jou armband string deur twee toe ringetjies aan ’n stukkie draad vas te maak. Hou die ringe aan die draad vas en haak twee oop ringe aan die twee toe ringe vas. Maak die oop ringe toe en maak dit ook aan ’n stukkie draad vas. Dit sal nou só lyk. Bring nou die twee stukkies draad na mekaar toe en draai dit aan mekaar vas. Die vier ringe sal teen mekaar lê soos op die foto met die eerste twee wat effens ondertoe hang. Hou die draad net so en haak ’n oop ring tussen die twee onderste ringe deur sodat…

MOEILIKHEIDSGRAAD: redelik maklik TYD: 5 dae-1 week BOHEMSE TUNIEK GROOTTE Die patroon is geskryf vir grootte 34 (87 cm), maar sluit volledige aanwysings in oor hoe om aanpassings vir groter groottes te maak. Vir groter groottes moet jy onthou om meer breidraad in die hoofkleur te koop; omtrent 1 bol ekstra per grootte behoort genoeg te wees. Borsmaat 34/87 cm Lengte tot by skouer 80 cm Moulengte 31 cm JY BENODIG ♥ Nurturing Fibres Eko-katoen: – 9 bolle van 50 g/125 m in Cobblestone – 1 bol van 50 g/125 m elk in Charcoal, Ruby Pink, Watershed, Lavender, Sweet Pea en Pear ♥ 4 mm-hekelpen ♥ tapisserienaald SPANNING 14 ste x 10 rye = 10 x 10 cm oor lb met ’n 4 mm-hekelpen. AFKORTINGS beg – begin gls – glipsteek…

Vir my gaan herwinning oor amper enigiets onder die son. Moenie vassteek by meubels, messegoed en breekware nie – gebruik al daardie los goeters wat hulle verskyning maak as jy die slag grootskaals opruim of dalk verhuis. Hierdie projekte maak gebruik van al die ‘klein jakkalsies’ wat andersins op die herwinningshoop sou beland. – Almie Louis TAFEL-BOEKSAK Kikker ’n tweedehandse tafel op en skep terselfdertyd slim pakplek. HERWINdE ITEmS ♥ ou tafel ♥ ou viniel- of goiingsak JY BENOdIG OOk ♥ wit akrielverf (of gebruik enige kleur van jou keuse) ♥ verfkwas en sponsroller ♥ wit isoleerband ♥ kramgeweer en kramme ♥ fyn skuurpapier ♥ skerp skêr SO mAAk jY 1 Ons tafel was in ’n goeie toestand – ons moes dit net behoorlik afskuur om van die vernislaag ontslae te raak.…

V Hoe gebruik ’n mens die verskillende masjienvoetjies vir dekoratiewe koordwerk op lap? A Hanlie Snyman van Bernina verduidelik lapkoordwerk (couching) kan insluit sirkels, strepe, ruite, krulwerk óf aksente op appliekwerk – alles wat jou hart begeer om oppervlaktekstuur aan kreatiewe naaldwerkprojekte te verleen. Só kan jy die verskillende masjienvoetjies gebruik. VOET MET TWEE GROEWE AAN dIE ONdERKANT: Hierdie voetjies, wat in verskillende groottes beskikbaar is, laat jou toe om twee koorde tegelykertyd langs mekaar vas te werk. ’n Voorbeeld van ’n voet met effens kleiner dubbelgroewe. VRYLOPENdE vOET (free-motion couching foot): Hierdie is ’n wonderlike voet vir kreatiewe koordwerk. Gebruik dit vir weefwerk, om mooi randjies om appliekwerk aan te bring, en kurwes en vorms soos spirale of vere te maak. Dit het ’n ronde sool wat moeiteloos oor lap…