Innholdsfortegnelse for June 2015 i Idees

Toe ek nege jaar gelede my eerste hondjie gekry het, het ’n vriend gesê: ‘Jy wil net ’n hond hê sodat jy mooi hondebedjies kan koop.’ Hy was reg wat die hondebed betref – dit was pragtig en het perfek in my kamer gepas. Maar enigeen wat al ooit ’n baba-Scottie gesien het, sal weet dit was Sofie se oulike lyfie en spelerige lojaliteit wat my hart gesteel het. En selfs toe ek ’n jaar later verwoed met ’n baba-Zizou moes meeding oor wie top dog in die huis is, was sy hardkoppige streep presies die ding wat hom laat uitstaan het tussen sy ander boeties en sussies. Uiteindelik was dit die diere se oulikheid wat hulle so onweerstaanbaar gemaak het – al die mooi ekstras was net ’n bonus.…

TAFEL VOL PATRONE Die dae toe alles bymekaar moes pas is lankal verby! Onthou eerder die leuse ‘meer is meer’ as jy jou tafel vir ’n spesiale okkasie dek. Meng en pas die breekgoed om jou tafel interessant te laat lyk – dis ook ’n slim manier om eetstelle te gebruik wat nie meer volledig is nie. OUD EN NUUT Rangskik ou buighout- en vintage-stoele om ’n wit tafel en voeg moderne stoele by wat deur ouer vorms geïnspireer is. Dink nuut as dit by beligting kom: Maak jou eie ‘kandelaar’ deur ’n verskeidenheid moderne en retro-ligte saam te gebruik. • Verfkleur: Azure Sky 6 van Dulux. KIES ’N KLEUR Gebruik iets moois wat jy raakgeloop het as inspirasie vir jou kleurpalet. Ons het vlaggies as inspirasie gebruik vir ons…

Moeilikheidsgraad: Gemiddeld Tyd: Halfdag Jy benodig • ’n mooi warmfles • metaaldeksel (van ’n inmaakfles) • klein lampskermpie • wit en silwer spuitverf (opsioneel) • ryspapier • stewige karton • modge podge • handwerkkwas • epoksigom • ligpasstuk en gloeilamp • elektriese koord met skakelaar • kragboor Breek die binneste glasgedeelte van die warmfles uit, haal die prop af en soek ’n inmaakfles-deksel wat groot genoeg is om bo-op te pas. Maak eers die lampskerm: Trek die ou materiaal van die lampskermraam af en maak die raam deeglik skoon – ons het ons s’n ook met wit spuitverf oorgespuit. Trek een van die raam se panele op die karton na en knip dit uit om as ’n patroon te gebruik wat jy op die ryspapier kan oortrek. Laat ekstra toe…

SKEP DIE PRENTJIE Bring die hele familie byeen om ’n groot tafel en skep herinneringe wat julle sal bybly. Dek die tafel landelik en informeel met kraakvars linne en ’n mengelmoes van erdeware, porselein-items en messegoed. Inkorporeer verweerde hout-elemente om dit aards te hou. Los die blomme en pak ’n verskeidenheid kase en vars vrugte op borde in die middel van die tafel sodat almal ná ete kan peusel tussen die gesels deur. OUICHE LORRAINE Genoeg vir: 8 Bereidingstyd: 45 minute Baktyd: 45 minute Oondtemperatuur: 180 °C 5 velle filodeeg gesmelte botter, om oor die filo te verf aspersieslaai, om voor te sit (resep hiernaas) Vulsel 15 ml olyfolie 150 g streepspek, gekap 6 klein preie, punte afgesny 4 groot eiers 200 ml room 200 ml Bulgaarse jogurt 30 ml…

Bier kan ’n ryk, aardse geur aan ’n magdom geregte verleen – van brood en bredies tot die heerlikste nageregte. Die geur van die bier moet egter nooit die gereg oorheers nie – die idee is eerder om die bier te gebruik om die ander geure in die gereg uit te lig. Die alkohol kook weg – daarom kan jy al hierdie geregte met ’n geruste hart vir jou kinders voorsit. Ons het gewone lager-, pilsner- en swartbier (stout) gebruik wat jy by enige drankwinkel kan koop, maar jy kan gerus ook eksperimenteer met tuisgebroude of boetiekbiere vir opwindende nuwe geure. SEEKOS-PAELLA MET BIER Genoeg vir: 4 Bereidingstyd: 40 minute Gaarmaaktyd: omtrent 45 minute 20 ml suurlemoensap ’n paar draadjies saffraan 30 ml olyfolie 80 g chorizo, in skyfies gesny…

Moeilikheidsgraad: Maklik Tyd: 2 uur Neem ’n mooi digitale foto van jou troeteldier en druk dit in die verlangde grootte op gewone papier uit sodat jy ’n idee kan kry van hoe dit op die stoel gaan pas. Druk die foto dan in hierdie grootte op aanstryk-oordrukpapier uit. (Jy sal dit dalk oor meer as een vel oordrukpapier moet doen as jy die foto groot wil gebruik. Maak dan seker dat die twee dele perfek pas.) Knip die foto al om die buitelyn uit en stryk dit dan volgens die vervaardiger se aanwysings in posisie op die stoel vas. Probeer om nie die bekleedsel raak te stryk nie, veral as die materiaal nie hoë temperature kan weerstaan nie, of bedek die bekleedsel met ’n stuk materiaal om dit te beskerm.…

Moeilikheidsgraad: Moeilik Tyd: 2 dae Grootte Voorste deel (kopdeel): 160 x 180 mm Agterste deel (stertdeel): 145 x 100 mm Jy benodig worshondpatroon hieronder 22 mm-Supawood – drie 200 x 210 mm-stukke (kopdeel) – drie 200 x 140 mm-stukke (stertdeel) figuursaag met ’n lem skuurseëlaar universele onderlaag waterbasis-emaljeverf in die kleur van jou keuse waterbasis-vernis verfkwas, sponsrollertjies en verfbak 80-grint- en 220-grint-skuurpapier houtlym houtklampe So maak jy 1 Vergroot die patroon hieronder sodat die kopdeel op die drie stukke Supawood van 200 x 210mm sal pas en trek dit dan na. Trek die stertdeel na op elk van die 200 x 140 mm-stukke. 2 Gebruik die figuursaag om al die dele netjies uit te saag. 3 Wend houtlym tussen die drie dele van die kop aan en plak en klamp…

Moeilikheidsgraad: Maklik Tyd: 1 uur Ons het hierdie voëlhokkie by ’n vintage-mark gekoop en gedink dit sal ’n mooi lampskerm maak. Verwyder die bodem of boor ’n gat daardeur sodat jy die ligkoord daardeur kan ryg. Heg die ligpasstuk en maak die hokkie aan die plafon vas. Ons het vier koperhakies daarvoor gebruik. WENK Soek interessante gloeilampe. Hierdie moderne bolvormige lamp vorm ’n mooi kontras teen die outydse kou.…

In die middel van die jare tagtig het ’n diepe beswaardheid die Italiaanse kosskrywer Carlo Petrini beetgepak oor wat met sy land se beroemde koserfenis aan’t gebeur was: Plaaslike kleinhandelaars, bakkers en slagters kon eenvoudig nie meer meeding met die magdom moderne supermarkte wat soos paddastoele om elke hoek en draai opgeskiet het nie. Wat hom die héél meeste gepla het, was die beplande opening van ’n McDonald’s-tak in die hartjie van Rome. Vir Petrini het dit skielik gevoel of ’n sekere tradisionele lewenswyse bedreig word: Die eenvoudige, heilsame volkskos wat Italianers by ou tafeltjies in stokou trattorias geniet het, sou die knie moes buig voor ’n Amerikaanse kitskoskettingwinkelgroep. Net daar het hy die Slow Foodbeweging begin – ‘as teenvoeter vir kitskos en ’n kitslewe, die verdwyning van plaaslike kostradisies,…

Hande staan steeds vir niks verkeerd nie Hallo, al julle pragtige Idees-mensies! Ek het uiteindelik besluit om vir julle te skryf (waarmee ek nie baie goed is nie), maar wil uit my hart vir julle dankie sê vir die pragtige tydskrif. Dit is nou één item wat elke maand heel bo-aan my moet-koop-lysie geplaas word. Ek is so twee jaar of wat gelede gediagnoseer met verbrokkelende been in my hande en artritis in al my gewrigte, rug- en nekwerwels. Dit het my baie depressief gemaak omdat ek ’n enkelma van vier is wat ek deur skool gekry het en verder laat leer waar dit moontlik is. Daar was nie geld vir enige luukshede nie. Ek was bekommerd oor hoe ek vir myself gaan sorg as ek nie meer my hande…

GOU & MAKLIK Hoender-klubbroodjie Bier-en-biltongmuffins Murgpampoentjies in ’n bierbeslag Aspersieslaai Gehekelde hasiehoed Warmfles-lampie Appliek- en nekkussings Katbed in ’n tas Voëlhokkie-lampskerm Plank-badmat met découpage-blomme HANG UIT Sjokolade-en-peerpoeding Appelkrummelpoeding met amandels Koutjie-koek Maak ’n vertrek mooi Plak muurpapier OP JOU TYD Seekos-paella Varkvleispastei Quiche Lorraine Kleftiko Geroosterde eiervrugslaai Suurdeegplantjie Origami-hempspyskaart Vintage-donskombers Gehekelde kombers Hondestoel Kosbak op pote Papier-mâché-terriërtrofee Troeteldier-boekstaanders Worshond-speelding facebook.com/IdeesSA…

Jy benodig plank-badmat papier of materiaal met ’n blompatroon modge podge handwerkkwas growwe skuurpapier handwerkmes, snymat en staalliniaal vernis So maak jy 1 Kies papier of materiaal wat by jou badkamer pas en maak op A3-velle papier kleurfotostate daarvan. LET WEL Ons het ons badmat wit gekoop, maar jy kan dit enige kleur verf om by jou papier te pas. 2 Meet die breedte van die badmat se planke en sny die fotostate daarvolgens in stroke. 3 Verf modge podge oor die badmat en plak die stroke papier op die nat planke vas. Vryf dit met jou vingers glad sonder om die papier te trek en laat dit droog word. 4 Verf nog ’n laag modge podge oor wanneer die onderste laag droog is en maak seker dit is oral…

WEET JY VAN ’N OULIKE NUWE WINKELTJIE OF MOOI DEKOR- OF HANDWERKREEKS WAARVAN ONS OOK BEHOORT TE WEET? SKRYF VIR DALA EN ONS SAL DIT OORWEEG VIR DIÉ BLAD. NUUT VIR HERFS Naartjie se nuwe herfsreeks is op die rakke. Met temas soos Tribal Travel vir seuns en Electric Tribe vir meisies sal jou kind vir seker voor in die modekoor wees. • Besoek een van hul takke landwyd of koop aanlyn by naartjie.co.za. HEUNINGKOEKRAKKE Hierdie seskantige rakke van Leg Studios kan jy stapel soos jy wil om jou eie patroon te skep. As jy ekstra pakplek soek, kan jy nog rakke koop soos jou begroting dit toelaat. • Bel hulle by 021 447 0820, besoek die winkel in die Salt Circle Arcade, Albertweg 374, Soutrivier, Kaapstad, of hul webblad,…

Om ons derde Trommelskou te vier het ons besluit om dit vanjaar oor drie dae te hou! Kry dus gou ’n pen en maak seker jy ruim tyd in jou dagboek in om vanaf Vrydag 10 Julie tot Sondag 12 Julie 2015 by Simondium’s Country Lodge by ons aan te sluit. Nie net gaan ons al ons kreatiwiteit inspan om ons tydskrif vir ’n naweek ‘lewendig’ te maak nie; ons gaan ook sorg dat julle al jul gunsteling-goed sommer so direk uit die tydskrif kan koop. Van die kreatiewe entrepreneurs wie se werk en stories julle maand ná maand op ons blaaie sien en lees, sal ook daar wees. Jy sal ook die spanlede kan ontmoet en vir hulle vrae kan vra. As jou voete moeg en jou maag leeg…

Sit dit só voor • Lancewood se mediumvet-roomkaas is ryk en romerig en het ’n fluweeltekstuur. Probeer dit gerus met pere in stroop en ’n bietjie speserye: Dreineer ’n blik babapere. Sny die pere middeldeur en sny die klokhuisies uit. Verhit 30 ml botter, 50 ml strooisuiker, 30 ml heuning, 15 ml water, twee steranyse en 3 ml vinkelsade en laat dit vir vyf minute prut of tot die mengsel begin verdik. Voeg die pere by en laat dit vir nog ’n minuut prut. Laat dit afkoel en skep dit oor die roomkaas. • Gebruik Lancewood se ferm en geurige cheddarkaas of wit cheddarkaas om jou eie kaasstrooitjies of soutbeskuitjies te bak, of geniet dit op ’n kaasbord met vars vye of neut-broslekker. • Lancewood is die markleier* in sagte…

Moeilikheidsgraad: Gemiddeld Tyd: 2 uur Jy benodig • 2 ronde koeke (15 cm in deursnee) • 1 koepelvormige koek • botterversiersel • fondantversiersel in die kleur van jou keuse • wit fondantversiersel • CMC (dis nie noodsaaklik nie, maar dit maak dit makliker om met die fondant te werk) • klein fondantblommetjies (maak dit self of koop dit by ’n bakwinkel) • suikerpêrels of ander eetbare koekversierings • mielieblom • koekroller • koekstrykers • ronde koekiedrukker (of gebruik ’n klein glasie of deksel) • pizzasnyer (of ’n skerp handwerkmessie) • maatband • liniaal Stapel die koeke opmekaar met die koepelvormige koek bo-op die ander twee. Sny die rande gelyk sodat die koeke perfek in lyn is. Smeer ’n dun laag botterversiersel oor die koekstapel (van die koekkrummels sal loskom). Smeer…

Moilikheidsgraad: Gemiddeld Ty 2 : dea Ons het ons eie papierplekmatjies as inspirasie vir die projek gebruik. Die grootte van die plekmatjie was perfek en die bord op die foto net mooi groot genoeg om as ‘onderbord’ vir ons kosbak te dien. Ons het 22 mm-laaghout gebruik en dit volgens die grootte van die plekmatjie laat saag. Om die bak te stut het ons op die plek waar die bord gaan wees, ’n gat uitgesaag wat 15 mm kleiner as die kosbak is en toe 10 mm al om die rand van die gat met ’n verdiepboor laat verdiep sodat die bak binne die rand pas. Sny ’n ooreenstemmende gat in die plekmatjie. Skroef vir die ‘pote’ vier rakstutte onderaan die stuk laaghout vas en vul dan die gleuwe op…

Moeilikheidsgraad: Maklik Tyd: 2 dae Grootte Pas slegs een grootte, 2-3 jaar oud. Jy benodig • 2 x 50 g-bolle Elle Family Knitdubbeldraad in Light Grey kleur nr. 011 (mus en buitekant van ore) • 1 x 50 g-bol Elle Family Knitdubbeldraad in Fog kleur nr. 005 (binnekant van ore) • 3,5 mm- en 4 mm-hekelpenne • tapisserienaald • gekleurde merkers LET WEL Jy kan enige soortgelyke liggrys en donkergrys dubbeldraad gebruik. Onthou, sommige drade is dikker as ander en die binnekant van die ore is kleiner ontwerp as die buitekant van die ore om perfek te pas. Afkortings MUSSIE Hekel die mus in aaneenlopende rdtes van hlb en vermeer soos aangegee. Hekel 3 ks met ’n 4 mm-hekelpen. 1e rdte: Hekel 6 hlb in 3e ks van pen [6…

Die pragtige ou familieplaashuis op Clairvaux, Robertson, is ’n mengsel van oud en nuut. Tussen die statige ou familie-erfstukke is daar hier ’n goue bokkie en daar ’n renosteragterstewe met ’n plantjie in. Waarom sal Rial Visagie en Daniël Swanepoel dan nou nie hul bekende, speelse keramiek-stempel op hul blyplek afdruk nie? Seker so vyftig meter verder is die ou stoor/varkhok/trekkergarage nou ’n moderne werkwinkel met die allermooiste uitsig oor die vallei. Hier word Rial se ontwerpe sorgsaam deur die span werkers gegiet, geskuur en geglasuur – alles volgens die fyn uitgewerkte stelsels en skedules van Daniël, wat nie te lank gelede nie nog soortgelyke planne gemaak het om die modereekse van onder meer Guess en Nine West by ons uit te kry. Rial, ’n opgeleide maatskaplike werker, se passie…

Dit duur sewe tot 10 dae voordat jy jou eerste brood met jou suurdeegplantjie kan bak, maar die wag is uit en uit die moeite werd. Dié plantjie is gegrond op ’n resep van die Britse kosskrywer Hugh Fearnley-Whittingstall. Gebruik liefs steengemaalde meel, soos dié van Eureka Mills of Bio-Wheat. DAG 1 Gebruik ’n groot mengbak en meng 50 g volkoringmeel en 50 g witbroodmeel daarin. Meng dan omtrent 100 ml louwarm water daarby – die beslag moet soos dik verf wees. Klits dit goed, bedek die bak met kleefplastiek en laat dit op ’n warm plek rus (24-32 °C is ideaal). DAG 2 Jou suurdeegplantjie moet gereeld gevoer word. Klits nog 100 g meel en genoeg water by (jy hoef nou nie meer louwarm water te gebruik nie) sodat…

Skryf aan Ideesen stuur jou brief per e-pos aan ideesred@media24.com met ‘Jul idees’ in die onderwerpveld, of faks dit na 021 408 3046. Onthou asseblief om jou adres en telefoonnommers by te sit. Die skrywer van dié maand se wenbrief ontvang ’n Engelsruferhalssnoer ter waarde van R1 299. Dit is ’n kettinkie met ’n handgemaakte ronde hangertjie wat kan oopmaak sodat jy ’n klokkie daarin kan sit. Daar is 16 verskillende klokkies, en elkeen maak sy eie geluid en het sy eie betekenis. Vind jou naaste handelaar by engelsrufer@tregerbrands.co.za of by Engelsrufer op Facebook.…

Abode 072 261 3540 Accessorize 021 447 7718 Biggie Best 021 534 8662 Bronx 021 590 7000 Builders 0860 2840 533 Chair Crazy 011 791 6512, 021 465 9991 Dot’s Quilts 021 535 1233 Dulux 0860 330 111 Elsje Burger 083 442 1751 Exclusive Books 011 798 0000 Falke 021 951 2137 Gonsenhausers Fine Rugs 021 462 4819 Habits 021 671 7330 Imagenius 021 423 7870 In Good Company 079 041 8927 Jet 0860 113 639 Lulu Belle 012 346 6424, 021 671 5728 Marigold 021 422 5451 MeMeMe 021 424 0001 Ménagerie 021 446 0685 Mia Melange 076 122 2267 Mr Price Home 031 367 9304 My Wall Tattoos 021 802 4215 Peter Osborn Furniture 021 461 0623 Pick n Pay 0800 11 22 88 Plan B Vintage 082…

• MATERIAAL VIR KWILT EN KUSSINGS VAN DOT’S QUILTS. • WOL VIR GEHEKELDE KOMBERS VAN SAMIL. DONSKOMBERS Moeilikheidsgraad: Gemiddeld Tyd: 1 dag Jy benodig twee 163 x 111 cm-stukke bont materiaal bypassende kleur gare 1 kg poliësterstopsel wateroplosbare materiaalpen So maak jy LET WEL Alle naattoelatings is 1,5 cm. 1 Pars ’n soom wat 1,5 cm breed is aan die borand van albei panele in. Speld die twee panele aan mekaar vas met die regte kante teen mekaar en stik die twee syrande en die onderrand toe. Dop die oortreksel na die regte kant om en pars dit. 2 Sit nou die oortreksel op ’n plat oppervlak neer en merk vyf lyne, 18 cm uitmekaar, op die lengte af. Speld die twee lae aan mekaar vas en stik al met…

MET’N KNOOPTRUI Rok (R850) van Adam & Eve by Spree. Knooptrui (R379) van Zara. Halssnoer (R575) van Lulu Belle. Skoene (R139) van Jet. Sykouse (R125) van Falke. NET’N TITSEL Oorkantste bladsy: Dun oortrui (R1 299) van Habits. Uitklokromp (R690) van Doreen Southwood by MeMeMe. Leerstewels (R1 599) van Bronx. Haarbykomstigheid (R199) van Accessorize. BY STEWELS EN SYKOUSE Kies sykouse in dieselfde kleur as jou stewels sodat die fokus op jou rok bly. Tuniekrok (R759) van Zara. Handsak (R499) van Accessorize. Stewels (R749) van Bronx. Sykouse (R69,90) van Woolworths. Ring (R625) van Lulu Belle. ONDER’N JAS Top (R559) en romp (R559) van Zara. Jas (R690) van Doreen Southwood by MeMeMe. Sykouse (R125) van Falke. Soortgelyke stewels te kry by Pick n Pay.…

IN SEISOEN Maak die meeste van die romerige plaaslike avokado’s wat nou in seisoen is. Maak 1-2 ryp avokado’s fyn, meng dit met gaar repe murgpampoentjie en rond dit af met geroosterde dennepitte en parmesaanskaafsels vir ’n heerlike laekoolhidraat-aandete. Eet gereeld avokado en verhoog só jou daaglikse inname van mono-onversadigde vette en belangrike voedingstowwe soos kalium, foliensuur en vitamien C – dit is nie net goed vir jou hart nie, maar ook ’n teenvoeter vir ‘slegte’ LDL-cholesterol. WYN MET ’N GEWETE Rhino Tears-wyne van die Mount Vernon-landgoed in Klapmuts samel geld in vir natuurbewaring. Probeer die Chenin Blanc of rooi versnit – albei kos sowat R55 per bottel en R15 van die inkomste word geskenk aan Unite Against Poaching vir projekte in SANParke. By groot drankwinkels te kry. PASTA PERFEK…

Sny jou papier in ’n reghoek van omtrent 15 x 30 cm. Vou die onderste derde opwaarts. Draai die papier anderkant toe om. Vou die papier in die lengte in die helfte. Vou dit weer oop en vou dan die regter- en linkerkant oor tot op die voulyn in die middel. Maak die ‘moue’. Vou die regterkantste onderste hoek uitwaarts om ’n driehoekige flappie te vorm. Vou die linkerkantste onderste hoek net so uitwaarts. Draai die papier om sodat die moue na bo wys. Vou die onderste rand met sowat 0,5 cm opwaarts. Draai die papier weer om en vou die twee onderste hoeke inwaarts om die ‘kraag’ te vorm. Vou die papier in die helfte en druk die moue onder die kraag in. Die hempie-spyskaart behoort nou só te…

Moeilikheidsgraad: Maklik Tyd: 2 dae Jy benodig ou tas materiaal vir die voering materiaal vir die los kussing poliësterstopsel modge podge handwerkkwas handwerkmes naaldwerkskêr maatband So maak jy 1 Was die tas met ’n suikerseepoplossing en laat dit droog word. Meet al die dele wat jy met materiaal wil voer en skryf die mates neer. 2 Trek die mates op die agterkant van jou materiaal oor en knip al die dele uit. Ons het een soort materiaal vir die tas se binnekant en ’n bypassende soort vir die deksel se binnekant gebruik. Jy kan soomtoelatings aanknip wat jy netjies kan invou soos jy die voering insit of wat jy agterna kan afknip indien verkies. Pas die materiaal en pars dit. WENK As jy dik materiaal gebruik, is dit beter om…

Moeilikheidsgraad: Gemiddeld Tyd: 2 dae PAPIER-MÂCHÉ-GOM Dié ‘gom’ is maklik en goedkoop om te maak, maar jy kan ook ’n mengsel van kouelym en water gebruik indien verkies. Jy benodig 1 liter water 250 ml meel tafelsout So maak jy 1 Gooi 750 ml van die water in ’n kastrol en verhit dit tot kookpunt. 2 Meng intussen die meel met die orige 250 ml water – roer die water stadig by sodat daar nie klonte vorm nie. 3 Roer nou die meelpasta by die kokende water – roer aanhoudend sodat dit nie aan die bodem vassit nie. Laat die meelpap ’n paar minute kook tot dit behoorlik klewerig is en haal dit dan van die plaat af. 4 Roer ’n paar teelepels sout by die meelpap (dit sal help…

WAT SÊ KIETS? V WAT PROBEER MY KAT MY VERTEL MET SY LIGGAAMTAAL? A Hier is ’n paar ‘aannames’ oor wat katte dink – dit is gegrond op die ‘tekens’ wat hulle gee en die gedrag wat gewoonlik daarop volg. OË ’n Kat wat stokstyf sit en stip na jou staar, kan vyandigheid suggereer, maar net so kan dit ’n ontspanne, spinnende kat se manier wees om jou te vra om hom te streel en aan hom aandag te gee. As jou kat se pupille skrefies is, is hy waarskynlik baie ontspanne, maar dit kan ook daarop dui dat hy ’n moontlike prooi gewaar het. Wanneer sy pupille groot, gitswart poele is in helder daglig, ervaar hy óf pyn óf hy is gereed om te veg of te vlug. Hoe…