Tabla de contenidos para 2016 en Wegsleep Kampgids

Die vooruitsig van ’n vakansie maak jou soms só haastig om in die pad te val dat ’n paar noodsaaklike reëlings agterweë bly. Dié lysie behoort jou met ’n geruste hart te laat uitspan. BEGIN VROEGTYDIG Aan ’n paar dinge moet jy liefs voor die tyd aandag skenk. As daar amptelike dokumentasie ontbreek of ’n vreemde motoronderdeel moet uit ’n ander dorp bestel word, gaan jy dit nie sommer tjoef-tjaf in jou etensuur afhandel nie. Kry die papierwerk in orde Maak seker jou versekering en mediese dekking is in orde. ’n Mens wil nie langs die pad staan met ’n wrak en ’n gebreekte arm en dan nog boonop oor die telefoon met ’n operateur baklei nie. Voer die spaarvark vet Maak seker daar is genoeg geld in jou bankrekening…

Die mark vir tweedehandse woonwaens is spekvet en gesond. Gaan loer maar op webwerwe soos Gumtree en Carfind – hulle loop oor van aanbiedinge. ’n Mens is egter nie aldag seker waarvoor jy jou inlaat wanneer jy ’n woonwa by ’n vreemdeling koop nie. Ons het gaan aanklop by Pretoria-woonwaens, en Lourens Matthysen, werkswinkelbestuurder, het ons die slaggate gewys waarvoor jy moet oplet as jy ’n tweedehandse wa koop. 1 Die dop maak saak Let op na die algemene toestand van die wa se buitekant. Die buitenste laag van die meeste padwaens is van aluminium gemaak – hulle beskadig maklik en kan selfs induik as iemand die wa teen ’n tak skuur. Moet jou egter nie doodskrik as die wa ’n lelike krap het nie. Die meeste woonwaens se sypanele…

Padongelukke is ongelukkig ’n nare werklikheid: Volgens die Wêreldgesondheidsorganisasie sterf sowat ’n halfmiljoen mense wêreldwyd jaarliks aan malaria, maar meer as dubbel soveel verloor hulle lewe in padongelukke. Suid-Afrika vaar besonder sleg – ons het van die hoogste aantal padsterftes per 100 000 mense, en boonop toon ’n studie deur Discovery Insure jou kanse om in ’n botsing betrokke te wees is van die grootste wanneer jy die langpad vat op vakansie. VAKANSIEGANGERS LOOP DEUR In Discovery se studie word die gedrag vergelyk van motoriste wat oor vakansietye ver afstande aflê met dié wat elke dag in die stad bestuur. Bestuurders wat in vakansietye reis, is skynbaar ongeduldiger op die pad, want die aantal spoedoortredings neem dan met 26% toe. Meer mense is ook dan geneig om in die aand…

Hoe gemaak as daai koedoe stokstyf staan, ongeag hoe hard jy ankers gooi en toet? Óf jy gaan hom tref óf jy sal moet uitswaai. Ons almal weet seker darem hoe stadiger jy ry, hoe beter kan jy jou sleepkombinasie beheer, maar Francois en Marèt wys met ’n paar slim berekeninge hoe ’n stadiger sleepspoed ’n waarneembare verskil maak wanneer ’n bestuurder skielik sy sleepkombinasie se spoed moet verander en uitswaai. Vir die doel van die oefening gebruik ons ’n dubbelkajuitbakkie met ’n tarra van 1 900 kg, bagasie van 200 kg, twee insittendes van 100 kg elk, en ’n halfvol brandstoftenk van 40 kg (dus altesame 2 340 kg): In die eerste toets haak ons ’n sleepwaentjie sonder inloopremme en met ’n tarra van 360 kg en bagasie van…

As die armpie op jou woonwa se neuswiel nie vorentoe óf agtertoe wil draai nie – of die neuswiel wil nie bo bly wanneer jou woonwa aangehaak is nie – is die skroefdraad op die armpie poegaai. Só vervang jy hom. JY BENODIG • 1 staalbout van 14 x 250 mm • skroefdraadsnyer • hoekslyper • stewige klamp op jou werkbank •’n stuk ysterpyp • elektriese boor (opsioneel) • nommerplaatskroefies (opsioneel) SÓ MAAK JY 1 Maak seker jou woonwa of sleepwa se handrem is opgetrek en stut die A-raam op ’n domkrag (of haak die wa sommer aan jou sleepvoertuig). Die belangrikste is dat die gewig nie op die neuswiel rus nie. 2 Draai die neuswiel se slinger totdat die deel waaraan die wiel sit, loskom van die boonste deel…

’n Tent is soos die getroude lewe: As jy aandag en liefde gee, loop alles klopdisselboom, maar as jy dit afskeep, is buite slaap jou voorland. Woonwatente word steeds van seil gemaak – dieselfde materiaal as 20 jaar gelede. Maar vandag se seil is nie meer dieselfde as daai jare nie. Hedendaagse tentseile kan feitlik ’n leeftyd hou, maar dan moet jy mooi na hulle kyk – jou tent se lewensduur hang af van hoe jy dit oppas. PASOP VIR SEEP Die seilmateriaal word in die fabriek geseël, pas nadat dit geweef is. Die materiaal word in ’n bad gedompel met ’n wasagtige seëlmiddel en ’n spesiale middel wat dit teen muf beskerm. Die seëllaag is dus nie net bo-op die materiaal nie, maar word in die weefsel geabsorbeer. Gewone…

Wanneer jy die pad vat om te gaan kamp, is die laaste ding waaraan jy waarskynlik dink, veiligheid. Maar net soos die res van die wêreld is die kampterrein vol gevare – van goggas en gasbottels tot die son en die swembad. Wees altyd ingelig... en voorbereid! Ons gaan kamp om ’n bietjie te ontsnap van die werklikhede van ons alledaagse bestaan. Om net vir ’n paar dae waardevolle tyd saam met ons geliefdes deur te bring en terselfdetyd sommer ook van die mooiste dele van ons land te ervaar. En ja, al is jy supertrots op jou blinknuwe boswa, weet ons almal dit is nie jou kosbaarste besitting nie. Daardie eer (hoop ons) is jou gesin beskore. Maar hoe beskerm jy hulle – veral die kinders – wanneer julle…

As jy oor die grens gaan reis, maak betyds seker jy het die regte dokumente by jou. Dit sal sake vergamaklik as jy met moeilike buitelandse beamptes te doen kry. (En as ons van papiere praat, bedoel ons nie ’n pak R100-note nie. – Red.) Druk jou stempel af. Jy het nie ’n visum nodig vir enige van Suid-Afrika se buurlande nie, maar jou paspoort moet nog vir ses maande ná jou terugkeer geldig wees. Maak maar seker oor visumvereistes as jy verder noord ry. Liksens? Jou Suid-Afrikaanse rybewys is geldig in alle SAOG-lande . En waar’s die papiere? Jy moet te alle tye jou kar en woonwa se registrasiedokumente by jou hê. As jy nog afbetaal aan die voertuig of wa, moet die bank ’n toestemmingsbrief gee met ’n…

’n Reis op die langpad is net soveel lekkerder as jy voorbereid wegtrek na jou bestemming. Hier is ’n vinnige opknappingskursus waarin ons jou geheue verfris oor padtekens, padgebooie, GPS’e, bande en daai ou-ou tameletjie van die gewig wat jy op jou haak mag sit... As jy ’n motor bestuur, beteken dit jy het in een of ander stadium van jou lewe ’n rybewystoets afgelê wat vereis dat jy padtekens ken. Tog is daar ’n paar padtekens, reëls en inligtingsborde wat minder bekend is. As jy weet hoe om dié padtekens te lees, kan jy baie geld spaar en keer dat jy skade kry – en sommer ook ’n paar gesinsrusies op die langpad vryspring. DIS ’N MYLPAAL! Afstandsborde en rigtingwysers kom al ’n lang pad. Net meer as 2…

Die gebruik van truspieëls is so deel van sleep as wat sonskyn van ’n seevakansie is. Dié manier van terugkyk speel ’n belangriker rol as wat dit op die oog af lyk. In jou dienspligdae het jy geleer om voor jou te kyk, want “die army sal agter jou kyk”, maar as jy ’n ton agter jou sleep teen enige spoed, is dit beter om die heeltyd self te weet wat voor én agter jou aangaan. As jy deesdae die K53-toets aflê, moet jy bontstaan en omtrent ná elke tweede bestuursbeweging die spieëls dophou. Met ’n groot woonwa of sleepding is jou truspieëltjie so te sê nutteloos, en jou syspieëls van min waarde sonder sleepspieëls. DIS ’N MOET Nuwe voertuie vandag moet aan ’n spesifieke standaard van die SABS voldoen…

Swak padoppervlakke of nukkerige dwarswinde kry gou die skuld wanneer jou wa begin swaai, maar dit is nie noodwendig die enigste redes nie. ’n Paar ander faktore speel dikwels ook ’n rol – faktore wat jy kan beheer. Al het jy alles al honderd keer tevore nagegaan, en al sleep jy al van die dae toe petrol nog R2 per liter was, kan jy dié 13 dinge maar gerus weer doen – elke keer voor jy sleep. Jy sal veiliger reis, en wanneer jy by die kampplek aankom, sal jy meer energie hê vir die tentopslanery. HAAK ’N PASMAAT Die belangrikste faktor is waarskynlik jou sleepkombinasie: Waarmee sleep jy en wat sleep jy daarmee? Die BVM – totale massa van die woonwa wanneer dit gelaai is – moet minder wees…

As jou woonwa houtvrot kry, is die ashoop nie noodwendig sy voorland nie – dit kán herstel word. Klein plekkies kan jy self regmaak, maar as die houtvrot oor ’n te groot deel versprei het, moet jy professionele hulp inroep. Die probleem begin gewoonlik by lasplekke. In die meeste gevalle is dit water wat inlek, veral by die rubberseëls en aluminiumstroke op jou wa se dak en om die vensters. Weens die son, wind en weer word die rubber mettertyd harder en seël dit naderhand nie meer dig nie. Water en vog kan nou deursypel. Die skroewe onder die seëls begin roes, wat ’n bietjie ruimte skep sodat water en vog kan insypel na die woonwa se raam en panele. Handvatsels is ook ’n plek waar vog deurkom, veral as…

Neem die regte gereedskap saam op vakansie en jy kan baie geld – en nerf-af kneukels – spaar. DIE BASIESE DINGE As jy langs die pad gaan staan sonder hierdie dinge, gaan jy pleinweg stupid voel. Wanneer die vonke spat Jy het nie ’n appy met ’n soldeerbout nodig vir alle herstelwerk nie. Party dinge kan jy self doen, sommer daar by jou staanplek. 1 SKROEWEDRAAIERS Het jy ’n skroef los? Om ’n skroefie met ’n muntstuk te probeer losdraai gaan net jou bloeddruk opjaag en tot kragwoorde lei. Pak ’n versameling skroewedraaiers in – plat sowel as sterpunt; klein en groot – of kry een van daardie stelletjies met ’n hef waarin jy verskillende punte kan druk. WegSleep sê: Black & Decker maak ’n herlaaibare skroewedraaier met genoeg punte…

Is jou noodhulpkissie oorvol met onnodige dinge, of kort jy ’n paar noodsaaklikhede? 1 PLEISTERS Soen dit beter... As jy wil hê ’n sny of skraap moet gou gesond word, plak dit toe met ’n pleister. Dit beskerm jou nie net teen infeksies nie, maar hou ook die wond klam, wat help om nuwe selle te laat groei. Die meeste pleisters is beskikbaar in ’n verskeidenheid van vorms en groottes. WegSleep sê: Oorweeg ook ’n pak-kie met SpongeBob SquarePants of die Little Mermaid op – dan gaan Sussie haar arm makliker stilhou. 2 GAASWATTE Gee eers ’n onderlaag Gaasmateriaal is losweg geweef met klein gaatjies, wat beteken dit sal waarskynlik minder aan ’n oop wond vasklou as gewone materiaalstowwe wat fyn geweef is. Sny ’n vierkant uit om skaafplekke te…

As jy jou rybewys gekry het in die dae toe hy nog in jou ID-boekie gepryk het, mag jy ’n woonwa sleep sonder enige ekstra papierwerk – jou ou kode 08-rybewys het in die nuwe stelsel ’n EB-rybewys geword. As jy jou rybewys ná 1998 gekry het (toe die nuwe kaartstelsel begin is) en jy haak niks groter as ’n bagasiewaentjie vir ekstra pakplek op die langpad of om Saterdae tuinvullis weg te ry nie, kan jy ook gerus wees. Die kode B-rybewys wat jy gekry het die dag toe jy uitpasseer het, is in die haak. As jy egter tans net ’n kode B-rybewys het en jy wil ’n woon- of boswa haak – trouens enigiets met ’n bruto voertuigmassa (BVM) van meer as 750 kg – dan is…

Hier is ’n paar belangrike punte wat jy in gedagte moet hou wanneer dit kom by die versekering van jou woonwa. AFSONDERLIK OF DEEL VAN JOU HUISHOUD? Besluit of jy ’n afsonderlike polis vir jou woonwa wil hê en of jy hom bloot by jou huishoudelike versekering wil insluit. Die meeste huishoudelike versekeringspolisse sal jou woonwa teen diefstal of skade dek – maar jy sal die inhoud moet spesifiseer en afsonderlik verseker. Dieselfde geld vir die tent. As jy jou sleepding afsonderlik verseker, word die premie nie verhoog as jy byvoorbeeld ’n eis instel teen jou huishoudelike versekering nie. As jou woonwa se versekering deel is van jou huis- of motorversekering, word dié koste ook telkens indirek verhoog wanneer die premie aangepas word – hetsy weens inflasie of ’n eis.…

Wat is die beste wanneer jy sleep: ’n handratkas of outomaties? En is daai storie waar dat jy nie in vyfde moet sleep nie? Jy weet mos: Daar’s ’n paar goue reëls vir praatjies om die kampvuur: Jy sê byvoorbeeld nie vir ’n man watter rugbyspan hy moet ondersteun nie en ook nie watter kar hy moet koop nie. En as jy hou van jou vriende (en jou voortande), dan roer jy ook nie die debat oor outomatiese ratkaste teenoor handratkaste aan nie – ook nie die kwessie van sleep in vyfde rat nie. DIE WRINGKRAGKURWE Sleep is nie net ’n kwessie van voet in die hoek sit om op dreef te kom nie. Nog voor jy in die kar spring, is dit eers tyd vir huiswerk: Kyk hoe lyk…

Party ouens spog hoe vinnig hulle met ’n woonwa aangehaak kan laat waai, maar as jy té vinnig sleep en dinge loop skeef, dan is daar perde. Dis gerieflik om nie soos ’n skilpad tot by jou vakansieplek aan te kruie nie, want dan staan jou kampplek vroegmiddag al, maar met ’n sleepding is dit beslis gevaarliker om teen 120 km/h te ry, veral wanneer jy skielik ’n skerp draai in die pad teëkom, vir ’n slaggat probeer uitswaai of moet ankers gooi. Die momentum van die woonwa wat jou kar in só ’n geval van agter af stoot – of dalk selfs na ’n kant toe pluk – kan rampspoedige gevolge hê. Geoff Elske, destydse hoofbestuurder van die AA, reken die veiligste sleepspoed is 90-100 km/h. Dit klink dalk…

As jy ’n woonwa besit, is dit nie bloot ’n kwessie van aanhaak, sleep en potjiekos maak nie. Nes jou kar het jou wa ook af en toe ’n bietjie aandag nodig, en wanneer hy in die winter ’n blaaskans kry, moet jy sorg dat hy lekker knus en veilig slaap. As jou woonwa, boswoonwa of sleepwa ’n paar maande onder die afdak gestaan het, is daar dalk skielik ’n klomp dinge wat nie meer so lekker werk nie. Dan moet jy kies: Óf jy hoes ’n klomp geld vir ’n diens óf jy doen dit self. ’n Wa wat nie behoorlik onderhou word nie, gaan jou baie uit die sak jaag. Gelukkig is dit maklik – en relatief goedkoop – om jou eie wa te diens en onderhou: Die…

Jou woonwa se remskoene is net so belangrik soos dié van jou sleepvoertuig. Daarom is dit belangrik dat jy dit gereeld nagaan – en nee, dit gaan jou nie ’n dag lank besig hou nie. As ’n reël hou ’n woonwa se remskoene omtrent ’n ewigheid, maar dit beteken nie jy kan net aanhou sleep en glo die remme werk nog behoorlik nie. Die woonwa se remskoene hoef dalk nie so dikwels soos jou kar s’n te werk nie, maar wanneer jy hulle wel nodig het, is dit noodsaaklik dat hulle rég werk. 1 Stofdoppie 2 Kroonmoer en los wasser 3 Wieldrom 4 Remkoppelstuk 5 Remskoen 6 Trekveer 7 As 8 Veer 9 Veerwasser 10 Remkabel 11 Remstelmoer 12 Dromplaat As jy byvoorbeeld ’n gemiddelde woonwa met ’n BVM van…

Nie alle batterye is gelyk geskape nie Daar’s die “gewone” battery en dan is daar die battery met ’n indrukwekkende naam: Diepsiklusbattery. Dís wat jy behoort te weet oor só ’n battery. DIE NAELLOPER ’n Gewone loodsuurmotorbattery is ontwerp om ’n sterk stroom vir ’n kort tydjie te lewer – om byvoorbeeld die motorenjin aan die loop te kry wanneer jy die sleutel in die aansitter draai. Die kraglewering is soos dié van ’n Mc-Donald’s-burger: Vinnige energie, maar dit hou nie lank nie. Sodra die enjin aan die gang is, verskaf jou voertuig se alternator die elektriese krag wat nodig is vir die ruitveërs, lugreëling en dies meer. So ’n battery kos tussen R400 en R3 100 en behoort vir ongeveer vyf jaar te hou as jy dit reg geruik.…

Gasreëlaars is só deel van ’n mens se kamptoerusting dat jy nie eens ’n oog knip daaroor nie. Die meeste kampgasstowe en gasyskaste het een: Dit is ’n ronde affêre, net-net kleiner as jou handpalm. Dit lyk amper soos twee pierinkies met die bak kante na mekaar – met ’n gaspyp aan weerskante. En dié pype verbind jou gasbottel met die gastoestel. ’n Reëlaar pas gewoonlik direk op die gasbottel, maar jy kry ook een wat ’n ent weg sit. Gasreëlaars word lankal nie meer in Suid-Afrika gemaak nie. Dié wat jy vandag op die winkelrak sien – daar is omtrent agt handelsmerke – kom van Europa of China. Elkeen van dié ingevoerde reëlaars moet deur die owerheid goedgekeur word voordat dit hier verkoop mag word. Kobus Voigt is die…

Brandblussers is soos die vullislorrie: ’n Mens neem nie eintlik kennis van hulle nie, maar die dag as daar nié een is nie, is jy kniediep in die gemors. Almal weet mos daar’s ’n omgekeerde verhouding tussen hoe lank ’n mens sukkel om ’n sakkie nat hout aan die brand te kry en hoe vinnig iets in jou kampplek per ongeluk vlam vat. Dan is dit nie die tyd om te wonder waar jy die brandblusser ingepak het nie. En wanneer jy hom wel in die hande kry, beter hy werk, want niemand gaan dik van die lag wees as jou wa in ligte laaie staan terwyl jy probeer uitpluis hoe om die skuim te laat spat nie. Die Verkeerswet is duidelik wanneer dit kom by brandblussers en woonwaens: ’n…