Tabla de contenidos para Feb/Mar 2026 en Weg! Ry & Sleep

Ná vier jaar in die woonwabedryf het ELXV ’n vertoonlokaal in die Paarl in die Wes-Kaap oopgemaak. ELXV, oftewel Elite Luxury Off-Road Vehicles, tref sedert sy bekendstelling die oog met sy luukse boswoonwaens en sy unieke benadering tot boumateriale, onder meer die aluminiumonderstel waarop die waens by die vervaardigingsaanleg in die suide van Johannesburg gebou word. ELXV se waens, soos die Diep Spoor, Ng’ombe (met slaapplek vir 4) en twee Ghari-modelle (4.2 en 4.7) is nou op Kapenaars se voorstoep te kry en jy kan vir Celeste Botha bel as jy ’n afspraak wil maak om ’n draai by die vertoonlokaal te maak (Dinsdae tot Donderdae). Adres Trianglestraat 7, Paarl. Kontak ✆ 071 682 0924, 082 444 2850 of 084 550 2820 🖰 celeste@elxv.co.za *** ELXV Showroom 🌐 elxv.co.za…

Die Chinese vervaardiger BAIC het sy B30-model in November verlede jaar hier bekend gestel en terselfdertyd aangekondig hy het R11 miljard belê in sy Coega-aanleg in Gqeberha. Die aankondiging strook met die maatskappy se filosofie dat hy voertuie vervaardig in die lande waar hy verkoop. Wat het ons hier? Die B30 op hierdie foto’s is die topmodel, die Premium Adventure HEV AWD 1.5T Hybrid DHT AWD – omtrent ’n mond vol – maar daar is ook drie ander modelle wat slegs in die voorwiele aangedryf word, en twee van hulle kom sonder hibriede tegnologie klaar. Die drie modelle en hulle pryse is die intreevlak-Elite Adventure (R519 000), Premium Adventure (R549 900) en Elite Adventure HEV teen R639 900. Die eerste twee gebruik ’n 7 spoed-dubbelkoppelaarratkas (DCT) terwyl die twee hibriede…

Met elke avontuur het ons opnuut probeer vasstel waar die Duster se perk is. Ons het nie sukses hiermee behaal nie. Die eerste keer voor die stuur van die eerste Duster vergeet ’n mens nie maklik nie. ’n Mens kan seker nou maar erken dié ryding is destyds nie vreeslik ernstig opgeneem nie. Sommige mense het selfs gelag by die gedagte van dié nuweling wat probeer om ’n stukkie van Subaru se grondpadkoek te kry. Hy was goedkoop, amper belaglik bekostigbaar, en dit het ongetwyfeld in sy guns getel, maar ’n mens was vas oortuig die krake sou begin wys wanneer jy van die teerpad afklim en moeiliker paaie aandurf. Wel, toe nie. Die Duster het laaste gelag. Reg bo in die Bainskloofpas was daar destyds ’n uitdagende paadjie links…

Franschhoek, die pragtige Bolandse dorp wat genoem is na die 176 Franse Hugenote wat hulle in 1688 hier kom vestig het, is die vertrekpunt vir hierde roete. Jou eerste stilhouplek is die Hugenotemonument aan die bopunt van Hugenotestraat. Gaan kyk gerus; kaartjies kos R100 p.p. (R50 vir kinders) en dit gee jou toegang tot onder meer die monument, museum en ’n parfumerie. Verlaat die dorp met die Lambrechtspad (of dan die R45-streekpad) en bestyg die Hottentots-Hollandberg. Die Franschhoekpas is tussen 1823 en 1825 gebou deur 150 soldate van die Koninklike Afrikakorps onder bevel van maj. William Cuthbert Holloway. Dit was aanvanklik ’n grondpad en is eers in 1963 geteer. Die pad is deesdae in ’n uitstekende toestand ná onlangse opgraderings. Hou by een van vele uitkykpunte stil – die een…

Daar is mededingende filosofieë oor motorfietsry, en die twee kampe wat die heel meeste van mekaar verskil, is die tegnofiele en die puriste. Eersgenoemde put genot uit moderne tegnologie terwyl laasgenoemde glo motorfietse moet eenvoudige masjiene wees met min elektroniese affêrings. BMW het ’n GS vir albei. Wat het ons hier? Die eerste GS wat BMW aan ons oorhandig het, was die R1300GS Adventure. Ons moes self die kolossale ryding by BMW se mediavloot gaan haal, want daar was niemand wat groot en sterk genoeg was om die motorfiets na ons toe te bring nie. (Volpunte vir fyn spog, Cyril. – Red.) Dit is ’n intimiderende motorfiets met ’n breë brandstoftenk tussen jou bene en ’n wye stuurstang waarmee ons die swaar motorfiets deur voorstedelike verkeersknope moes stoei. Ná ’n…

Jy moet altyd bande afblaas as jy grondpad ry; jy kan nie oor die weg kom sonder ’n ewenaarslot nie; en ’n kort asafstand is beter as ’n lang asafstand... Jy het seker al hierdie stellings gehoor en dalk self aan die debat deelgeneem. Daar is egter grys gebiede in elke standpunt, want min dinge is immers bloot net wit en swart. Ons bespreek vyf van die algemeenste opvattings wat deels of heeltemal onwaar is. Smal bande wen Voor ons dié bewering takel, is dit belangrik om te verstaan dat slegs ’n klein persentasie van jou band se omtrek aan die grond raak. Dit word die kontakkol of voetspoor genoem (in Engels “contact patch” of “footprint”). Smal bande het oor die algemeen ’n langer maar dunner voetspoor terwyl breë bande…

Daar is ’n rede hoekom my kinders nie weet wat die woord teëspoed beteken nie. Toe ek vra, waag net een van die drie tieners in my huis ’n mening: “Dit het iets te doen met hoe vinnig ’n ketel kook...” Voorvalle van meganiese teëspoed langs die pad is deesdae níks vergeleke met hoe dit jare terug was nie. Jy weet mos... In mý dae het ordentlike karre nog gebreek. Sedert die jare sewentig het motors vinnig meer betroubaar geword. Is dit toevallig dat die teëspoedkultuur gesneuwel het nét toe Japannese motors hulle stempel begin afdruk teen die groot ou Amerikaanse rygoed? Ek dink nie so nie. Toe Suid-Afrikaners besef die karre wat hulle “Jap Scrap” gedoop het, is eintlik heel betroubaar en lig op brandstof, verander die toneel heeltemal.…

Die Suid-Afrikaanse voertuigombouer Ulterio Motiv het onlangs twee van sy demonstrasiemodelle vir Ry & Sleep gewys. Die twee toetsvoertuie was ’n Ford Ranger 6x4 en ’n Toyota Land Cruiser 6x6. Die mense by die onderneming sê hulle wou ’n platform bied aan klante wat ’n bekwame ryding soek, soos kampeerders en nooddienstewerkers. Die derde as verdubbel die vragvermoë van ’n standaardvoertuig sodat jy ’n groter en swaarder ryhuismodule kan vasbout vir oorlandreise, of groter watertenks op brandweerwaens. Die ombouing wat die koppe die meeste laat draai het, was uiteraard die Land Cruiser 6x6. Deur ’n ekstra as aan te bring kon Ulterio Motiv daarin slaag om die Toyota Land Cruiser 70-reeks se BVM te verhoog tot 6 050 kg – ’n beduidende verbetering van 2 850 kg. Let wel, die…

BorderX se nuwe Arte Edition skuur skouers met van die beste soortgelyke modelle in die land, en dit is danksy ’n besluit van die vervaardiger om raad van verskeie kenners in die bedryf in te win. Die Arte is die vyfde wa in BorderX se reeks en is oor die laaste 18 maande ontwikkel. Dit is ’n dubbelasmodel wat losweg op sy Expedition-boswoonwa* geskoei is. Vanwaar al die mense? Werner Pretorius, eienaar van BorderX, sê vir dié wa het hy die kundigheid van argitekte, skokbrekerspesialiste, kragkenners, gevestigde name in die ys-vrieskasbedryf, uitswaaidakkenners en selfs wifi- en internetboffins nadergehark en saam met sy eie vernuf ingespan. Sy doelwit was om die wa se kragtige vermoë met die fynste detail aan te vul. Wouter Erasmus en Johann le Roux van Arte Architects…

LETSATSI-LODGE, VANRHYNSDORP Met jou aankoms wag Letsatsi-lodge se vriendelike personeel jou in met die sleutels vir jou kombuis en badkamer en die aanwysings tot by jou staanplek. As jy dalk op pad hierheen besef het jy het nog iets nodig vir vanaand se braai, sal jy waarskynlik geholpe raak by die winkeltjie links van die kantoor, wat onder meer vleis, drank en ’n verskeidenheid lekkergoed verkoop. Die lodge het ook sy eie eetplek, die Red Ox-steakhouse. In die kampterrein is al 12 staanplekke identies met groen gras vir jou tent of wa, maar nr. 12 se badkamergebou lyk effens anders omdat daar ook ’n waskamer is. Die staanplekke is langs ses geboue wat drie-drie in gelid staan; ’n lae wit paaljiesheining skei jou staanplek van jou bure s’n. Hier is…

Ons het al op hierdie blaaie én in ons voorgangertitels volledig berig oor Die Van Stadens se kampwedervaringe in hulle 1981-model Sprite Sport. Verlede jaar was geen uitsondering nie. Dié slag het hulle ’n sirkelroete van die Kaap af oor die Kgalagadi na Punda Maria en weer terug deur die Drakensberg en Addo gereis. Soos voorheen ook soms die geval was, het Elmare (of Bossie, soos sy ook bekend staan) se suster, Annette Muller, en haar man, David (oftewel Orrie), weer saamgereis. Johan vertel. Op Sondag 21 Mei haak ons die Sprite met ons Isuzu KB300 en ry tot op Worcester, waar ons dié bakkie gaan los, want Orrie en Annette se Hilux gaan die wa op ons reis sleep. Ons kry al ons dinge agtermekaar, want môre val ons…

Die Land Rover Defender is ’n vakansievoertuig in die ware sin van die woord, want hy het pakplek soos min én hy is swaar genoeg om omtrent enige woonwa te sleep. ’n Mens kan sommer dadelik sien die Defender is ontwerp met woonwaslepers in gedagte, want buiten die sagteware in sy blikbrein is daar ook ander nuttige eienskappe om die lewe met ’n wa op die haak makliker te maak. Dinge soos die middelste truspieël wat deur jou bagasie kan “sien”, selfs al is dit tot teen die dak gepak; die agterdeur wat na die kant toe oopmaak pleks van boontoe; die verwyderbare stang; en die trukamera. Tyd om te haak Soos verskeie ander nuwe voertuie moet jy eers die 13-puntpasstuk in die Defender se harnas pas, anders gaan dit…

Die Klein-Karoo is waarskynlik die laaste plek waar ’n mens sal soek vir ’n kampplek met ’n waterpark, maar dit was voor die dae van Absolutely Wild. Die eienaars, PJ en Alice Verster, het die waterpark op hulle plaas tussen Barrydale en Ladismith gebou en 40 staanplekke rondom dit uitgelê. Die plaas van 1 400 ha is geleë langs die R62 tussen Barrydale en Ladismith en daar is ook glanskamp- en selfsorgverblyf beskikbaar. PJ is ’n groot rugbyliefhebber en het die staanplekke in die vorm van ’n rugbybal uitgelê. Elke staanplek is 15 x 10 m groot, en op tien van hulle het jy jou eie kombuis met ’n yskas en mikrogolfoond, én jou eie badkamer. (Onthou net om jou blou woonwaprop saam te bring.) Die gewone staanplekke het nie…

Duisende studente het in Desember Mahindra se Fusion Fest by die Universiteit van Kaapstad en van KwaZulu-Natal in bygewoon. Studente is vermaak met ’n musiekoptrede deur Zee Nxumalo en die glanspersoonlikhede Kyeezi, Ryle Rene De Morny, Neevan Ferris, Kelly Kikx en Missy Roberts. Buiten die musiek was daar ook modeparades, kunsuitstallings en ’n graffitivertoning by albei universiteite, en studente is genooi om in te skryf vir ’n lootjietrekking waarin een gelukkige wenner sal wegry met ’n blinknuwe Mahindra XUV 3XO. Die Fusion Fest sluit op 7 Maart vanjaar af by ’n glansbyeenkoms in die SunBet-arena in Pretoria. Prys Kaartjies kos R300-R950 afhangend van sitplekke. Kontak 🌐 ticketmaster.co.za 🌐 mahindra.co.za…

KRAFTED KAMPERS CANYON 01 Dertig jaar lank het Stephan Theron sy brood en botter as industriële ontwerper in die vervaardigingsbedryf verdien, en die laaste vyf jaar het hy daarvan gedroom om sy eie wa te bou, iets wat uiteindelik gelei het tot die Canyon 01. Die voordeel van kleiner waens soos dié is voor die hand liggend. Hy slaan in ’n kits op, jy het nie ’n sleeprybewys nodig as hy 750 kg of minder weeg nie, en solank die wa met inloopremme toegerus is, kan jy hom met selfs die kleinste ryding sleep. Die Canyon voldoen aan al drie dié vereistes. Volgens Anna Jacobs van Krafted Kampers het hulle die Suzuki Jimny in gedagte gehad toe hulle op die wa se gewig besluit het. Unieke eienskappe As jy in…

Hoekom gebeur hierdie migrasies? Migrasies is ’n hupstoot vir genetiese sukses, toegang tot ryk voedselbronne en ondersteun ook saadverspreiding en die oordrag van biomassa. Hierdie dieremigrasies is dus uiters noodsaaklik vir die lewensiklus in die natuur. Dit gebeur elke jaar reg oor Suider-Afrika en sorg nie net vir onvergeetlike foto-oomblikke nie, maar laat jou een voel met die natuur. Om te ervaar hoe die diere in hulle massas hulle instinkte volg, hoort op elke reislysie. Watter betekenisvolle migrasies is hier in Suider-Afrika? Wildebees- and sebramigrasies kom voor in plekke soos Zambië se Liuwavlakte, Botswana se Nxaipan- en Makgadikgadi -nasionale park. Die klein lappies bosveld in die Kasanka-nasionale park sorg egter vir ’n ander verskynsel – die migrasie van vrugtevlermuise. Vertel ons meer oor die vlermuise? Die vrugtevlermuismigrasie in die Kasanka…

SIMONSKLOOF Troeteldiervoorwaardes Jy betaal ekstra vir jou brakkie en jy moet hom te alle tye beheer. Was ons al hier? Nee. Kampplek 8 afgebakende bosstaanplekke (met fonteinwater) wat op grond of gras om ’n 300 jaar oue eikeboom uitgelê is. Ablusiegeriewe 3 gemeenskaplike storte (met gasgeisers) en kompostoilette. Aankoms- en vertrektyd 14:00 en 10:00, maar dit word nie streng toegepas nie. Kontak ✆ 023 614 1895 of $$$ 081 270 7790 🖰 info@simonskloof.com 🌐 simonskloof.com Naaste dorp Montagu 50 km. Hoe lyk die pad? 10 km mooi grondpad, maar padwaens word nie toegelaat nie. GPS S33.616713 E19.728351 LAKE PLEASANT Troeteldiervoorwaardes Jou skoothondjie kan kom behalwe in die Desembervakansie. Was ons al hier? Ja, Maart 2014 (WegSleep #64). Kampplek ’n Skaduryke kampplek met 55 staanplekke op gras. Die losstaande braaiers het ingeboude…