Tabla de contenidos para Aug/Sep 2023 en Weg! Ry & Sleep

4X4-BESTEMMING Niemand kan die Baviaanskloof so akkuraat beskryf as sy eie boorlinge nie. Luister maar net na P.H. Nortjié se beskrywing in die openingsparagraaf van sy boek Die wildedruif val: “Faans is ’n puntenerige man wat sy huis en boerdery met ’n streng hand regeer. ’n Saak is vir hom óf reg óf verkeerd. Hoe kan dit dan ook anders hier in die Baviaanskloof tussen die Kouga- en die Winterhoekberg – in hierdie harde, ruwe wêreld met sy rotssteiltes en diep bergskeure, sy pendoring-, wildepruim- en turskvyruigtes en sy skroeiende somers en ysige winters – baie myle van die naaste dorp en spoorlyn?” Sit ’n paar dae opsy en ry saam met ons deur dié ruwe wêreld. Ons verken diep bergskeure en ry oor 6 bergpasse – en nie minder…

MY WIELE Al was hy iemand wat nie regtig hou van kamp met ’n tent óf wou sleep nie, het Jacques sy oplossing in ’n 2010 Fortuner V6 4.0 gevind. Hy het die voertuig – met sy geligte onderstel – in 2016 aangeskaf. Toe al was hy toegerus met ’n dubbelbatterystelsel en ekstra brandstoftenk. Daar het egter nog heelwat opgraderings op die Fortuner gewag, want Jacques was oorgehaal om die ryding oor tyd in ’n gespesialiseerde kampvoertuig te omskep. Jacques vertel. In die beginjare het ek ’n 1984 Sprite Sport-woonwa gesleep met onder meer ’n BMW 3-reeks en ’n ou Jeep XJ. Hierna het ons oorgeslaan na tente, op ’n tyd toe ek ’n Toyota RAV gery het. Ons het die kar vol kamptoerusting geprop en jy moes die deure…

Hoewel die Ford Ranger Toyota se Hilux behoorlik die stryd aansê wat verkope betref, weet almal dis allermins die geval wanneer ’n mens die Amerikaanse vervaardiger se Everest teen die immergewilde Fortuner opweeg. Dit is moontlik die rede vir Ford se besluit om grotendeels weg te breek van intreevlakmodelle en eerder te fokus op luukse aanbiedinge. Ja, daar ís ’n “intreevlakmodel” vir die Everest, maar dié XLT kos R896 300 en kan beswaarlik as basies beskryf word. Ford se mense het die 2.0 Sport-model by ons afgelewer, dalk omdat hulle weet ons hou van grondpad ry... én omdat die duurder 3.0 V6 Platinum-model se 21 duim-laeprofielbande nie so lekker sou werk nie. Wat is nuut? Buitelangs is dit opvallend hoeveel breër die ryding vertoon, en hy is inderdaad 3 cm…

WOONWATOETS Oop met die oester Wanneer jy jou staan kry en die remme is opgetrek, is jy gereed vir opslaan. Die Exclusive het nie hoekstutte nie, want deel van die las rus op die vloer wanneer dit oopgeslaan is. Die hele deksel van die Exclusive swaai 180º oop soos ’n oesterdop totdat dit weer parallel met die grond staan. Voor jy die deksel oopslaan, moet jy net eers skiet gee met die katrol wat by die koppelstuk staan. Die opgerolde band van die katrol is met ’n haak vas aan die vloer. Terloops, die katrol is van die soort wat ’n mens ook op sommige bootsleepwaens sien. Die eintlike gebruik van die katrol is om die vloer weer te lig wanneer jy klaar gekamp het. Met die dekselknippe los is…

Die een oomblik kondig JLR – die Britse vervaardiger se nuwe naam – met trots aan hy raak ontslae van die handelsnaam Land Rover, en oomblikke later stel die maatskappy se filiaal ewe trots ’n spesiale weergawe van sy Land Rover Defender bekend. Vir die hoeveelste keer word ’n “laaste weergawe” van die ou Defender onthul – nogmaals met ’n erfenistema – en hy staan hierdie keer bekend as die Land Rover Classic Defender Works V8 Islay Edition. Die voertuig is ’n huldiging aan Spencer Wilks, voormalige direkteur van die Rover-maatskappy en medestigter van Land Rover, asook die Skotse eiland Islay, waar die Land Rover-naam die lig gesien het. Islay is die suidelikste eiland van die Binne-Hebride, het ’n raps meer as ’n duisend voltydse inwoners en die vernaamste bedryf…

NAWEEKBESTEMMING As jy gereeld in ons buurlande gaan kuier, weet jy maar te goed dat sake soms knor by die grenspos. Dit is niks vreemds om vir ’n uur of drie hier opgehou te word nie, en as jy boonop laat in die dag opdaag, is die kans beduidend dat jy eers teen donker weer op die pad gaan wees. Dit is juis daarom dat daar so baie oorslaapplekke naby ons grensposte is. Die wildplaas Kareespruit lê net buite Zeerust, langs die N4-roete na Botswana. Dis gerieflik naby die hoofpad en aan die buitewyke van die dorp; dus kan jy net hier intrek, oorslaap en die volgende oggend vroeg-vroeg by die Skilpadshekgrenspos, slegs 50 km weg, inklok. Kareespruit is egter nie net ’n gerieflike oornagplek nie. Van Gauteng af is…

LESERSTORIE Hulle kamp al baie lank met tente en het oor die jare al die toerusting vergaar wat ’n mens met hierdie leefstyl vereenselwig. Hulle het ook al elke denkbare slaapplan probeer: ’n verskeidenheid van tente, opblaasmatrasse, kampbeddens, skuimrubbermatrasse, duvets, slaapsakke… die lys het klaarblyklik nie einde nie. Dit was tyd vir ’n verandering, en daar was ’n idee – én genoeg tyd – om self iets te bou. Deon vertel. Ek het al voorheen ’n Venter in ’n veeldoelige sleepwa vir ons gesin van vyf omskep. Hy het fietsrakke, ’n kombuis, watertenks, jerrykan- en gassilinderhouers en ammunisiekiste gehad. Ons het oral met daardie sleepwa gereis en baie goeie diens uit hom gekry. Iewers in 2016 het die gedagte by my begin posvat om my eie wa te bou. Goeie…

Die jongste Grand Cherokee is in 2022 in Amerika bekend gestel en het in Mei vanjaar op eie bodem aangeland. Suid-Afrikaners kan kies uit drie afwerkingsvlakke: die Limited, Overland en Summit Reserve. Al drie is toegerus met Jeep se 3.6 Pentastar-V6-petrolenjin, maar ongelukkig is die brullende 5.7 Hemi V8 wat in Amerika beskikbaar is, ons nie beskore nie. Die Limited kry Jeep se Quadra-Trac-allewielaandrywing terwyl die Overland en die vlagskipmodel die beter Quadra-Track II-viertrekstelsel met laestrekratte kry. Iets wat ons laat kopkrap is dat die Limited 18 duim-wielvellings het terwyl die Overland – wat veronderstel is om die beter veldryvoertuig van die drie te wees – en die Summit Reserve onderskeidelik 20 duim- en 21 duim-vellings kry... Veldry-entoesiaste weet laeprofielbande hoort nie op 4x4-roetes nie. Wat is nuut? Vervaardigers neig…

KAMPBOFFIN Kletsbotte is rekenaarprogramme wat ontwerp is om ’n mens se antwoorde na te boots wanneer jy dit iets vra. Kunsmatige intelligensie (KI) is ’n tegnologie wat amper daagliks soveel ontwikkel dat ’n mens soms nie weet of jy met ’n mens of ’n blikbrein praat nie. Al is daar verskillende etiese menings hieroor, is daar blykbaar nie veel relevante wetgewing nie. Ons kan intussen ons eie mening vorm en met ’n bot gesels oor kamp in Suid-Afrika. Ons is mos gesoute kampeerders en kan self sien watter bydrae ’n slim rekenaarprogram tot ons wêreld kan voeg. Ons het op die ChatGPT-bot besluit. Op hulle webwerf stel hulle dit duidelik dat ChatGPT “onakkurate inligting oor mense, plekke of feite kan gee.” Hopelik is ons ingelig genoeg om deur die slimrekenaar…

KAMPBESTEMMING Hoedspruit is sinoniem met wildplase en-reservate, en die plaaslike owerheid is duidelik alte bewus hiervan. Op albei paaie wat soontoe loop – die R527 uit Ohrigstad se rigting en die R40 van Phalaborwa af – pryk welkomborde langs die pad met twee staalvlakvarke wat bo dit uittroon, byna soos ’n trofee teen ’n muur. Agterop die borde staan daar “Wildlife haven”. Op pad hierheen ry jy kilometers ver langs wildheinings, en dikwels sien jy diere sommer teen die pad: bosbokke, bobbejane, rooibokke én natuurlik die koddige vlakvarke. Daar’s ook bordjies wat motoriste waarsku teen olifante en seekoeie. In dié wêreld is maroelabome ook volop, en die soet reuk van die ryp vrugte is amper oorweldigend. Net ’n paar kilometer buite Hoedspruit, op die R527, saal ons af in die…

Die Addo-Olifantpark bestaan uit agt dele waarvan die hoofkampgebied die sterkste op toerisme fokus. Dié deel het 124 km se paaie – meestal grondpad – wat jy in jou eie voertuig mag ry. Sowat 2 km voor jy die Matyholwenihek naby die dorpie Colchester in die Oos-Kaap haal, waarsku ’n kennisgewing jou dat woonwaens, vragmotors en busse nie deur hierdie hek toegelaat word nie. Groot ryhuise en padwaens moet dus die park se hoofhek in die noorde gebruik. Jy mag egter wel ’n boswa of kleinerige 4x4-woonwa by dié hek inneem – presies hoe klein is nie duidelik nie. Skaars 4 km anderkant die hek is die Ndlovu-uitkykpunt waar jy (op eie risiko) uit jou voertuig mag klim. Die landskap om jou is redelik plat en dig bebos, en die…

HENGELOORD KRAALSKLOOF BRING DIE VRINNE Kraalskloof is ’n unieke kampplek net anderkant Worcester. Dis op ’n wingerdplaas geleë en gemik op groepe vriende wat graag saam kamp. Kampeerders kan kies tussen twee staanplekke: Kraalskloof Een of Twee. Hier is verskeie besproeiingsdamme op die plaas en die twee groepstaanplekke is afsonderlik langs die twee boonste damme ingerig. As jy hengel in gedagte het, saal af by die laer een: Kraalskloof Twee. Daar is swartbaars in die water, en solank jy die vis weer teruggooi, is jy welkom om te kyk of jy iets aan die lyn kry. Hier is ook ’n kano en reddingsbaadjies wat gaste mag gebruik. Die dam langs Kraalskloof Twee is in ’n boontjievorm en omtrent 180 m lank en 55 m breed. Die kampplek is aan die…

Ons was ses jaar gelede agter die stuurwiel van ’n Mahindra vir ’n sleeptoets, maar as ’n mens na die heel nuutste weergawe kyk, meet jy die verskil omtrent in ligjare. Destyds was die visoogdaktruspieëltjie in die XUV500 ’n slim teenvoeter vir blindekolle; nou sit ’n kamerabeeld reg voor jou in die paneel hand by. Verder is die 360º-rondomsigbeeld ’n groot verbetering op die eenoogtrukamera waarvan die lens boonop nie in die middel van die romp sit nie. Die paneel met sy konsentriese spoed- en toeremeter is vervang met ’n raakskerm wat oor meer as die helfte van die binneruim strek. Dit is eenvoudig ’n ander wêreld. Die ou 2,2 ℓ-dieselenjin het ook ses ratte gehad, maar sy 330 Nm kan nie armdruk teen die 2 ℓ-turbopetrolenjin se 380 Nm…

TOERUSTING Hier is 12 produkte waarmee jy en jou reismaat kan begin wanneer julle ’n kampkombuis wil aanmekaarslaan. Alles op hierdie blaaie is so klein as moontlik om pakplek te bespaar, maar nie só klein dat dit ’n storie raak om te gebruik nie. KRY DIE PRODUKTE HIER outdoorwarehouse.co. za capeunionmart.co. za campandclimb.co.za Pryse was teen druktyd korrek, maar dit verander soms vinnig. Besoek altyd eers ’n verskaffer se webblad om die jongste pryse te kry. Die afmetings van sommige produkte verskil van die vervaardiger se amptelike syfers – ons het ons eie maatband en skaal gebruik om die produkte te meet. LK’S-BRAAIBAK Bakgat Nie alle kampplekke het geboude braaigeriewe nie en dis boonop riskant en ongemaklik om op die grond te braai. Hierdie braaibak van vlekvrye staal staan 44…

Jare gelede het ek saam met my vier beste vriende op ’n motorfiets deur Namibië getoer. Pieter was op ’n Honda Africa Twin; Cobus op ’n BMW 1200 GS; Butch op ’n ouer 1150 GS; en my pasgetroude vrou, Suzaan, agter my rug op ons BMW 1200 Adventure. Ons het elkeen ons eie grille en talente gehad. Pieter was byvoorbeeld die groep se hakkelende nutsman; Cobus is stokdoof, maar dapper verby; Butch is oorversigtig, maar ook die slimste onder ons; Suzaan was die enigste vrou en ’n veldkenner sonder weerga, en dan was dit ek... Wel, aangesien ek die verteller is, mag ek my eienaardighede geheim hou! Ons motorfietstoer deur Namibië was beslis gebeurtenisvol en onvergeetlik. Bedags het ons lang ente in stilte in die saal deurgebring, dikwels ver uitmekaar…