Tabla de contenidos para 2016 en Weg! Photography

Ek het onlangs my motorhuis skoongemaak en ’n boks ou skyfiefoto’s gekry. Die meeste was van ’n reis wat ek en my gesin jare gelede onderneem het Botswana toe. Daar in die oprit hou ek toe elke skyfie teen die lig en oombliklik is ek teruggevat: Ek kon die gebrul van die Land Rover hoor terwyl dit oor die lendelam stompe van die Third Bridge in Moremi ry; ek onthou daardie misoggende wat ons ouers ons uit die tente getrek het voor sonsopkoms en ons snoesig onder duvets agter in die motor gesit en gesoek het na diere; ek kon die beskuit proe wat ons in fleskoffie gedoop het; en sjoe, daai keer wat ’n yslike peul uit ’n worsboom geval en amper my pa harsingskudding gegee het! Dis wat…

Jy het die kompetisie Natuurlewefotograaf van die Jaar gewen. Het dit beïnvloed hoe jy werk? Die prys het gekom ná tien jaar van toegewyde fotografie en die tydsberekening was goed – my koffietafelboek, African Wildlife Exposed, het toe pas verskyn. Dit het binne ’n maand uitverkoop, deels te danke aan die kompetisie. Die toekenning het my fotografie na ’n internasionale gehoor geneem. En die belangrikste was dat dit vir my deure oopgemaak het na die redakteurs van gesaghebbende tydskrifte. Skielik het hulle my gevra om werk voor te lê – nie andersom nie! Maar ek is steeds dieselfde fotograaf wat – net soos al die ander – lewe vir daardie skaars oomblikke wanneer passie, voorbereiding en geluk mekaar ontmoet. My hoofdoelwit is steeds om soveel moontlik tyd in die bos…

Almal is gaande oor ’n sonsondergang, maar soms lyk die mooi kleure wat jy oor die Blyderiviercanyon sien, bra uitgewas wanneer jy later na die foto’s kyk. Hier is wat jy moet doen: Probeer en probeer weer. Jy het elke dag van jou lewe ’n geleentheid om ’n sonsondergangfoto te neem. En net omdat dit reën of oortrokke is, beteken nie dit kan nie mooi wees nie. Reënerige dae sorg soms juis vir die mooiste sonsondergange – die wolke bring kleur en drama tot die toneel. Draai om. Reg gelees, soms is ’n mens so besig om na die son te kyk dat jy vergeet om te kyk wat agter en rondom jou gebeur. Dalk is die wolke beter om af te neem, dalk verlig ’n pienk strook lig ’n…

Net soos Levi-jeans sal swart-wit foto’s nooit uit die mode gaan nie. Dit vang rou emosie in portretfoto’s vas soos wat kleur nooit sal kan nie en kan ’n gewone landskapfoto in iets spesiaals omskep. Dit kan ook goed ingespan word as die middaglig nie te waffers is nie. Moenie ’n middagslapie gaan vat nie – neem swart-wit! Waak teen toondoofheid. Swart-wit werk die beste met hope kontras tussen lig en skadu. Die toneel wat jy afneem, het dalk kontrasterende kleure, maar as daai kleure dieselfde toon het, gaan dit vaal lyk in swart-wit. Verander jou komposisie of kies ’n ander voorwerp. Voel. Let op patrone en teksture. ’n Buitengewone tekstuur kan ’n goeie foto maak. Lig is minder belangrik. Hier verwys lig na die goue lig wat foto’s laat…

Is jy ’n avontuur-, portret- of branderplankfotograaf? Maak dit regtig saak? Ek wou aanvanklik ’n branderplankfotograaf wees. Ek het al my tyd in die water deurgebring. Naderhand het ek ’n groter mark in ander sportsoorte gesien. Branderplankfotografie het min blootstelling en redaksionele spasie in Suid-Afrika gekry; ek moes ander goed ook doen om te oorleef. Dis nou 20 jaar later en ek sou myself seker ’n avontuur-, sport- en leefstylfotograaf noem. Hoe het jy ’n voet in die deur gekry en watter raad sal jy vir mense gee wat graag in jou voetspore wil volg? Neem foto’s van dit waarvan jy hou. Dís die belangrikste stukkie raad wat ek enigeen kan gee. Werk hard, gee jou beste. Baie mense dink fotograwe is permanent op vakansie, maar wat ons doen, verg…

CANON IXUS 160 Beroepsfotograwe en ernstige amateurs sal hulle neus optrek vir hierdie kamera, maar ons sluit dit met goeie rede in: Dis wonderlik vir kinders. Moedig hulle kreatiwiteit aan – en hou hulle besig op die agterste sitplek terwyl jy besig is met die langlense. Hoogtepunt Dis so maklik soos mik en druk (letterlik), maar daar is ook ’n hele paar speelse opsies wat die kleingoed sal beïndruk. Jy kan die effek van ’n visooglens naboots of jou foto’s soos miniatuur-skaalmodelle laat lyk. Dít pla As die kinders eers verslaaf is, gaan volgende jaar se Krismisboks jou dalk ’n bietjie meer uit die sak jaag... R895 by orms.co.za PANASONIC LUMIX TZ70 Hierdie kamera is uit en uit ’n reisgenoot en dit lewer goeie werk vir sy grootte. Dis nie…

Moes jy al ooit deur ’n skyfievertoning van ’n familielid se vakansiefoto’s sit waar elke foto op die geheuekaart net op ’n stokkie gelaai en in die TV geprop is? Vier uur later sukkel jy om jou oë oop te hou terwyl dié familielid jou sy 734ste swak beligte sonsondergangfoto wys. En julle is nog nie eens halfpad deur die vakansie nie! Die mens het maar ’n swak aandagspan, en dit word nóg korter te danke aan afleidings soos Facebook en Instagram. Jy moet leer hoe om deur jou foto’s te sif en net die bestes te kies. Dan moet jy leer hoe om die gekose foto’s te redigeer sodat mense na hulle asems snak (van bewondering) as dit jou beurt is om voor die TV- of rekenaarskerm te staan.…

Wanneer jy ’n fotograaf is, is jy deel van ’n gemeenskap mense. Baie van ons hou van foto’s neem: party is selfoonmik-en-drukkers, ander is ywerige amateurs met ernstige kameratoerusting. Ek is seker baie van julle behoort aan fotografieklubs waar jy jou werk deel met ander, en ook by medefotograwe kan leer. Fotografie is ’n stokperdjie waaruit jy mettertyd selfs ’n alternatiewe inkomste kan verdien, maar dis ook iets wat jy bloot kan beoefen wanneer jy wil ontspan. En as jy eers begin lief word vir fotografie, is dit nie ’n stokperdjie wat jy sommer laat staan nie (anders as daai roeimasjien wat jy by Verimark bestel het...). Fotografie bring jou nader aan jou medemens. Diegene van julle wat lief is vir portretfoto’s neem, sal weet jy moet ’n slag met…

Sam Reinders Redakteur: Neem Beter Foto’s Hierdie is eintlik ’n selfie! Dit was ’n Saterdagoggend op die Seepuntpromenade in Kaapstad en ek het aan die seekant van die getypoel gelê. Ek kon die hitte van die muur op my rug voel, en die kinders hoor gil wat seesterre in die poel probeer vang het. Pure geluk, en ’n oomblik om te onthou! Martinette Louw Teksredakteur My ma, Louise, het dié foto geneem op ons plaas naby Kenhardt in die Boesmanland waar my broer met dorpers boer. Dit is hoe gehaltetyd saam met my gesin lyk: ’n warm, stowwerige middag in die veld. Klein troppe wild hou op die plaas en ek was op soek na springbokke op die horison. Marijcke Dodds Teksredakteur Toe ek uiteindelik by Sossusvlei in Namibië aankom,…

Die PowerShot G3 X bied ’n kombinasie van Canon se eersteklas-optika, ’n veelsydige 25x- optiese zoemreeks, en handverstelbeheer op die vlak van ’n D-SLR. Dit gee jou dus die vryheid om nader aan jou voorwerpe te kom terwyl jy reis, verken en foto’s neem. Dis ideaal vir natuurfoto’s, of om al die besonderhede van ’n sportwedstryd vas te vang – die moethêkeuse vir kennerfotograwe wat foutlose resultate wil hê. Die PowerShot is ontwerp om by te bly by vinnige voorwerpe – dit kan voortdurend skiet teen 5,9 foto’s per sekonde om seker te maak jy kan al die aksie vasvang. Dit is dus perfek vir wanneer jy by ’n sportwedstryd is of wilde diere volg wat deur ’n woud hardloop. Jy kan van ’n afstand af die knoppie druk en…

Maak 2016 die jaar van nuwe plekke ontdek. Prop die kinders in die motor, stof jou paddavoete af, pak jou verkyker in en laai jou kamerabatterye. En val dan in die pad saam met Mpafa Travel vir die reis van ’n leeftyd. Kamp saam onder die sterre, roei met ’n mokoro in die Okavangodelta, groet ’n karetskilpad, voel die sproei van die Victoriawaterval op jou gesig en nog baie meer... TRANS-BOTSWANA 11 dae / 10 nagte • 19-29 April • 28 Junie-8 Julie • 6-6 Augustus • 15-25 September RICHTERSVELD 10 dae / 9 nagte • 13-22 Augustus ZIMBABWE 12 dae / 11 nagte • 20-31 Julie RENOSTERS, RIWWE EN SEESKILPAAIE 9 dae / 8 nagte • 29 November-7 Desember TUINROETE, BAVIAANS TOT ADDO 7 dae / 6 nagte •…

Daai foto van Boet se eerste rugbywedstryd of die keer toe Sus eerste prys by die eisteddfod gekry het, is goud werd… en hier is hoe jy daai foto neem: Die oomblik tel. Om die regte oomblik vas te vang tel meer as sluiterspoed en die regte filter. Natuurlik moet jy die moeite doen om jou kamera te leer ken en te weet watter knoppie is vir wat, maar dis geen sonde om gou jou kamera op outomaties te stel as die regte oomblik hom voordoen nie. Daardie oomblikke is kosbaar: Wees altyd op die uitkyk en gereed daarvoor. Die regte hoek. Dié soort foto’s moet uit die kind se perspektief geneem word; kom dus op sy vlak. As jou knieë dit kan hou! Of skiet van bo af –…

Filters is stukke glas wat jy vooraan jou lens skroef. Jy kan dit gebruik om jou foto’s meer natuurlik te laat lyk of om spesiale effekte toe te pas. Dis die byvoeglike naamwoorde van fotografie: Korrekte gebruik kan jou foto’s meer interessant laat lyk, maar te veel gaan jou foto’s oordonder. Filters het verskillende pryse, en dit hang af van watter materiaal gebruik is – goeie gehalte glas is duurder. As jy ’n duur lens gebruik, maak dit nie sin om ’n filter van swak gehalte te gebruik nie. Die prys hang ook af van hoeveel beskermingslae op die glas is (meer lae verseker beter duidelikheid en minder weerkaatings), en die dikte van die metaalring om die glas (dunner is beter, want ’n dikker ring mag op die rand van…

As jy van die wenke in hierdie gids wil toepas, of jou fotografiese vaardighede verder wil slyp, kom saam vir ’n naweek van kameras en alles wat daarmee saamgaan in Dullstroom, die Drakensberg of Tulbagh. Sam Reinders wys jou hoe en jy kry omvattende kursusnotas. Sodra jy ’n idee het van wat elke knoppie op jou kamera doen, is dit tyd om vars lug te kry en in die veld te gaan oefen. Jy het ook nie ’n fênsie D-SLR nodig nie. Ons sal jou leer hoe om die meeste uit jou kamera te haal, maak nie saak of dit ’n mik-en-druk of ’n nuwer spieëllose model is nie. Ons hou die groep klein, wat beteken almal kry individuele aandag. En as die stof eers gaan lê het en jou…

NIKON D3300 Baie van ons lesers gebruik ’n D3100 of ’n D3200 – hierdie kamera se voorgangers. As jy ’n nuwe fotograaf is, kan jy saam met die D3300 groei. Dis gebruikersvriendelik en lewer foto’s van ’n goeie gehalte. Vir die nuwe model het Nikon die sensor opgradeer na 24.2-megaspikkels – dis ’n verwaterde weergawe van die sensor in die D7200. Jou foto’s sal skerper wees en die fynste details wys. Hoogtepunt Dit het spesiale effekte vir mense wat van daai soort dinge hou. Probeer gerus byvoorbeeld Pop: Dit verbeter die kleurversadiging (dis handig as jou foto’s effe vaal lyk). Dít pla Geen ingeboude Wi-Fi nie en dit vaar nie te goed in swak lig nie. R7 499 (net die kamera) by cameraland.co.za NIKON D7200 Die D7100 is ’n goeie…

CANON EOS M3 Hierdie baba-Canon het al die funksies van sy groter D-SLRnefies: ’n 24-megaspikkelsensor, redelike goeie outofokus, ’n kantelraakskerm en ingeboude Wi-Fi. Dis nie so retro soos die Olympus of die Fujifilm nie, maar die fieterjasielose baadjie maak ook nie die oë seer nie. En jy sal geld oorhê vir nog ’n lens. Hoogtepunt Vir die grootte, neem dit regtig goeie topgehaltevideo’s. Jy kan die fokus vasstel en jou voorwerp maklik volg. Dít pla Canon se spieëllose lensaanbieding is (nog) nie so uitgebreid nie – veral as dit kom by telefotolense vir diere- en voëlfotografie. As jy hou van foto’s neem in wildreservate, moet jy dalk jou geld in iets groter te belê soos ’n D-SLR. R7 399 (met ’n 18-55 mm-lens) by cameraland.co.za FUJIFILM X-T10 Hipsters sal mal…

Neem puik foto’s met ’n indrukwekkende 24,3 megaspikkel-beeldsensor EXPEED 4-beeldprosesseringsenjin en die vermoë om 1080/60p Full HD-films te skiet. Dit word gekombineer met die aanpasbaarheid en gerief van ’n LCD-skerm wat kan kantel en ’n ingeboude Wi-Fi-funksie. Dit beteken die Nikon D750 is ontwerp om jou kreatiewe drome te bewaarheid. As jy die kragtige AF-S NIKKOR 24-120 mm f/4G ED VR-telefotozoemlens daarby voeg, sal jy volraamvryheid en uitstekende beeld- en videogehalte hê ongeag die lensopening of velddiepte. As jy ’n ontdekker en ’n swerwer is, of as jy van nuwe avonture droom, is die Nikon D750 reg vir jou! TWEEJAARWAARBORG Nikon Suid-Afrika is trots daarop om ’n dienssentrum te hê wat deur ervare fotografie-tegnici bestuur word. GRATIS KAMERA-OPLEIDING Ons gratis opleidingskursusse is ontwerp sodat jy die potensiaal van jou Nikon-kamera…

Vir hierdie uitgawe van Neem Beter Foto’s het ons besluit om die beste foto’s te kies wat sedert 2005 in die portefeulje-afdelings van Weg en go! verskyn het. Dis reeds moeilik om elke maand se portefeulje te kies en om dus uit ’n dekade se puik foto’s te kies was bykans onmoontlik. Maar ons het volhard! En hier is die resultaat. Party foto’s is van lánk gelede, geneem op daai ou ding wat ’n mens film noem; ander sal jy herken as meer onlangs. Ons het al die dinge ingesluit waaroor ons lesers mal is: diere en hulle geveerde vriende, interessante gesigte, en foto’s wat onder die branders geneem is. Geniet die blaai! JOHN KENNY Wes-Ethiopië (Weg #96 Oktober 2012) John Kenny se portrette het ’n deurdringende intensiteit; dit trek…

’n Mooi kampvuurfoto staan altyd uit in enige vakansiealbum. Dis immers waar die beste stories vertel en herinneringe gebore word. Die probleem is egter dat jou oë en die kamera se ligmeter die toneel baie anders sien. Of die vlamme is mooi belig en klein Koos rooster in ’n donker kol sy malvalekker of Koos is mooi sigbaar en die vlamme is ’n groot, helder kol. Dis egter die minste van jou uitdagings: Jou lens gaan nie weet waar om te fokus nie en dan verskyn die flits en ruïneer alles… Maar hou moed – Hier is wat jy moet doen: Tydsberekening is alles. Die beste tyd vir ’n kampvuurfoto is eintlik voordat die son sak. Dan kan jy reg belig vir die vuur en die nabye omgewing. Maak dus…

Silhoeëtte is ’n maklike manier om iets nuuts tot jou vakansiealbum te voeg. Probeer van dié wenke… Kies ’n sterk voorwerp. ’n Mens, ’n boom, ’n kameelperd... enigiets kan werk solank die vorm herkenbaar is. Kleur, tekstuur en patroon gaan nie hier help om die voorwerp te identifiseer nie. Hou jou lyf model! As jou voorwerp nie ’n mens is nie, gaan gesigsuitdrukking nie veel help nie. Laat jou voorwerp so staan dat jy sy/ haar vorm duidelik kan sien. Laat die persoon in die lug spring of arms waai, maar wees tog versigtig dat die vorm steeds herkenbaar is. Daar moet ook genoeg spasie tussen twee vorms wees. Daarby is klere belangrik, want dis al manier hoe jy ’n man van ’n vrou gaan onderskei (los klere gaan die…

Kan foto’s mense se idees oor bewaring verander? ’n Foto is net so goed soos die storie daaragter. As ’n foto ’n kragtige boodskap kan vasvang en mense die boodskap laat verstaan, kan fotografie mense laat omgee. En verandering kan kom sodra genoeg mense begin omgee oor ’n kwessie en saamwerk om ’n verskil te maak. Ek het onlangs tyd in die Oos-Kaap deurgebring om foto’s te neem van Hope, ’n renoster wat haar horing verloor het in ’n stropingsaanval. Sy het die aanval oorleef en was baie dapper deur ure en ure se pynlike operasies. Foto’s laat mense die werklikheid van stroping sien, en dan besef ons almal moet die mensdom se probleme help oplos. Jy fokus nie net op die diere nie, jy vertel ook die stories van…

CANON POWERSHOT SX60 HS Hierdie kamera se lens beïndruk aan albei kante. Die 65x- optiese zoem is vir watergatfoto’s en dan kan jy dit verstel na die ekwivalent van ’n 21 mm-wyehoeklens wanneer daai bul doodluiters na jou kar toe aangestap kom... Hoogtepunt Canon het die SX60 makliker gemaak om vas te hou. Jy kan ook ’n bykomende flits daarop pas – definitief die pitte werd as jy gereeld foto’s binne neem. Dít pla Dit sukkel om fokus te hou wannneer jy op jou voorwerp ingezoem het. Dis glo ’n algemene probleem by zoem-oorbruggingskameras. R5 695 by orms.co.za NIKON COOLPIX P900 Jy kan die man op die maan afneem met die P900 se ongelooflike 83.3xoptiese zoemlens. Die lens en die “Burst”-modus wat 7 raampies per sekonde neem maak dit ’n…

Wat was eerste: jou liefde vir die natuur of jou liefde vir fotografie? Die twee loop al hand aan hand sedert ek ’n laaitie was. Ek blameer my pa! Hy het al sy vrye tyd deurgebring deur foto’s van natuurlewe te neem. As hy nie buite in die veld was nie, het hy die volgende groot uitstappie saam met sy twee seuns beplan. My eerste kamera was een van my pa se oues wat ’n mens nie eens meer kan koop nie. Fotografie was nooit vir ons ’n stokperdjie nie. Dit was ’n leefwyse. Jy neem natuurlewe en landskappe ewe goed af. Kies jy vooraf watter soort foto’s jy gaan neem of berei jy jou voor vir al twee? Ek het gewoonlik drie kameras by my wanneer ek reis, elkeen…

1 Beligting Skuif die merkertjie regs of links om ’n onder- of oorverligte foto reg te dokter. Hou die grafiek boaan dop. Dit word ’n histogram genoem en gee ’n visuele uitbeelding van die foto se toonbalans. Die skaduwees is die pieke op die linkerkant; die hoogtepunte is die pieke op die regterkant. Die ideaal is dat die grafiek aan al twee kante aan die vertikale asse raak. Op dié manier is jou skaduwees diep en ryk en jou hoogtepunte helder en opvallend. 2 Kontras Om hierdie skuiwer te beweeg vermeerder of verminder die toonverskeidenheid tussen die ligte en donker elemente in jou raampie. In die algemeen is ’n vermeerdering in kontras goed vir die meeste foto’s, maar moet dit nie oordoen nie, want jou foto sal onnatuurlik begin lyk.…