Tabla de contenidos para 2020 en Weg! Namibië

As ’n lekker projek soos Weg se Namibiëgids op jou lessenaar beland, gryp jy dit aan of jou omstandighede (twee kinders jonger as ses!) en hooigelaaide vurk dit toelaat of nie. Ek was al ’n paar keer in Namibië, maar het dié twee gidse saamgestel sonder om weer die land te besoek! Dis skandelik, maar dankie tog vir die hulp van Weg se joernaliste, vryskutskrywers en-fotograwe, lesers en Namibiërs.Toe dit tyd raak om dié gids te beplan, besluit ek, basta, vanjaar gaan ek self! Ouma en Oupa kry die nodige lysies vir die kinders en verlede jaar was ek toe sommer twéé keer in Namibië. In Junie stap ek en my man, Tobie, die Visrivierroete saam met vriende en in November besoek ek en Weg se fotoredakteur Shelley Christians, wat…

Ek trek af langs die B1-teerpad sowat 10 km anderkant Noordoewer en klim uit die kar. Dis warm, maar nie so warm soos by die grenspos langs die Oranjerivier nie. Daar was dit oondwarm. Hier is dit net vrekwarm. Rondom my lê los rotse soos groot albasters op die kaal landskap en ’n paar struike wat g’n dier wil vreet nie. Die vlakte strek ’n halfkilometer na die weste, en trek dan steil uit teen ’n klipperige rand wat soos ’n versteende draak lyk. Na die ooste, verby ’n telefoondraad, lê nog van dieselfde. Dis ’n harde, droë wêreld. ’n Mens raak nie met die eerste oogopslag verlief op Namibië nie. Dis nie soos Mauritius waar die wit strande en palmbome jou reeds uit die vliegtuigvenster betower nie. Nee, Namibië…

BEKOSTIGBAAR (Sien bl. 21.) Shaleen du Rand Hentiesbaai “In Nambië gaan kuier ek graag op Rosh Pinah, want dit is darem ’n bietjie warmer daar in die suide as hier by ons!” OASIS FOODSTALL, USAKOS Die Oasis Foodstall ís ware ’n oasis op die dorp Usakos. Nico en Desiree van Zyl verkoop elke denkbare ding wat jy in ’n padstal verwag: tuisgemaakte pasteie, olywe, mosbolle, koekies, plaaslike wyne, heuning… maar hulle roem hulle op hulle vleisprodukte. Hulle maak alles self: hamburgerpatties, boerewors, sosaties, biltong…! Waar? Langs die Shell op die B2 wes van Usakos. Oop Elke dag van 7 vm.-7 nm. ✆00 264 81 258 8351 SKEDELKUS EN HENTIESBAAI 1 St Nowhere Spa and Campsite Dis 110 km noord van Hentiesbaai en 7 km noord van Myl 108 en gewild…

Cameron Wilson Mede-eienaar, Nunda River Lodge (bl. 124), Kavangorivier “Ons het in 2006 begin bou en die lodge in 2008 geopen. Hier’s oorgenoeg toeriste om al die lodges en kampe langs die rivier te onderhou. Hier kom baie Europese besoekers – ten minste 90% van ons gaste is van Duitsland, Oostenryk of Switserland. “Dis ’n voorreg om teen die water te bly. Veral vir ’n Namibiër vir wie reën en riviere ’n skaars ding is. Die rivier verstom my elke dag, dis gedurig aan’t verander; met die watervlak wat styg en daal, styg en daal… As gaste instap, mik hulle reguit na die dek en sê: ‘Sjoe, kyk net hierdie uitsig!’ “Kyk, die plek het sy uitdagings, maar hulle is oorkombaar. Jy moet aanhou om bewaring op mense se hart…

REDAKTEUR WEG NAMIBIË 2020 ESMA MARNEWICK KUNSHOOF LYNNE FRASER UITLEGKUNSTENAAR ASHWELL PRINS TEKSREDAKTEUR VANIA JOOSTE FOTOREDAKTEUR SHELLEY CHRISTIANS JOERNALISTE TOAST COETZER, SOPHIA VAN TAAK, KYRA TARR INTERNSTUDENT ANKE VAN DER MERWE KAARTE FRANÇOIS HAASBROEK REDAKTEUR: WEG PIERRE STEYN HOOF: MEDIA24 ISHMET DAVIDSON HOOF: MEDIA24: DRUKMEDIA RIKA SWART HOOFBESTUURDER: LEEFSTYL MINETTE FERREIRA HOOFBEMARKINGSBESTUURDER: LEEFSTYL NERISA COETZEE PRODUKSIEBESTUURDER KERRY NASH FINANSIËLE BESTUURDER JAMEELAH CONWAY MEDIA24 LIFESTYLE CREATE STUDIO KUNSDIREKTEUR MICHAEL DE BEER ✆021 406 3512 KOMMERSIËLE BESTURENDE REDAKTEUR GERDA ENGELBRECHT ✆021 406 2217 ADVERTENSIES SAKEBESTUURDER – VERKOPE DANIE NELL danie.nell@media24.com ADVERTENSIEVERKOPE JOHANNESBURG JEANINE KRUGER ✆082 342 2299; jeanine.kruger@media24.com LIZEL PAUW ✆082 876 8189; lizel.kok@media24.com SHARLENE SMITH ✆083 583 1604; sharlene.smith@media24.com THEA THOMAS ✆078 450 7771; tthomas@media24.com KAAPSTAD NICK FITZELL✆ 071 430 6311; nick.fitzell@media24.com SANETHA MEINTJIES ✆084 416 5797; sanetha.meintjies@media24.com HANNES BURGER ✆076…

Só werk ons akkommodasiegids PRYSE Die inskrywings is ’n aanduiding van die soort akkommodasie beskikbaar, sowel as die prysklas. Hoewel alle pryse ten tyde publikasie op datum was, kan dit onverwags verander – raadpleeg blyplekke liefs vooraf direk om seker te maak of pryse nie dalk gestyg het nie. Pryse styg dikwels ná 1 Julie (soos Namibia Wildlife Resorts s’n) of 1 November; maak dus seker. Onthou, die gids verskyn elke jaar, moet dus nie met ’n 2012-Namibiëgids by ’n blyplek opdaag en aandring op daai prys nie. VRA VIR AFSLAG. Noem dat jy ’n Suid-Afrikaner is wanneer jy bespreek – SAOG-burgers kry dikwels afslag (van die pryse in die gids sluit reeds die afslag in). Vra ook oor spesiale aanbiedinge, buiteseisoenpryse en afslag vir kinders. KINDERS Ons het nie…

BEKOSTIGBAAR (Sien bl. 21.) “Ek is hier gebore, ’n regte Buchter! Dis vir my baie lekker om in die vakansietyd op die familieplaas buite Keetmanshoop te kuier. Die hele familie kom daar bymekaar, van Walvisbaai, Swakopmund en Oranjemund.” (Lüderitz se naam was eers Lüderitzbucht. – Red.) HELMERINGHAUSEN EN TIRASBERG 1 Namtib-biosfeerreservaat Die D707 is bekend as die grondpad met die mooiste uitsigte in Namibië. Dis dus reeds iets besonders net om tot by die ingang van dié reservaat in die Tirasberg te ry. Die Little Hunter’s Rest-kampterrein is 3 km van die lodge en ontvangs. Jy kamp in die middel van ’n amfiteater met manjifieke berge. Kamp: R170 p.p. (geen krag, braaiplekke, warm storte). Lodgekamers vanaf R1 329 p.p. wat deel, met ontbyt en aandete. Middagete ook beskikbaar. Bespreek vooraf.…

1 Word verras deur die Ugabterras Die landskap langs die C39 tussen Outjo en Khorixas kan saai raak, maar draai af op die D2743. Eers sien jy net mopanies tot op die gesigseinder, maar dan kom jy om ’n draai en plek-plek rys ’n tafelbergie voor jou uit. Dis die Ugabterrasse. Die Vingerklip (foto) is ’n enkele rotsvinger wat op een van dié kleiner uitstulpings balanseer. Sit op die stoep van die Ugab Terrace Lodge (bl. 122) vir ’n mooi uitsig of stap tot by die Vingerklip van die Vingerklip Lodge af (bl. 122). Dis ongeveer 2 km se stap tot by die basis, en dan volg ’n geklouter en gegly tot bo, maar dis die 360°-uitsig en Instagram-storie werd. – Esma Marnewick 2 Bekyk Twyfelfontein se rotsgravure As jy…

1 Vergaap jou aan die Visriviercanyon ’n Mens kan eenvoudig nie uitgekyk raak aan die Visriviercanyon nie. Hier’s drie uitkykpunte waar jy kan oe en aa, sowat 10 km van die Hobas-ruskamp af. Meld by ontvangs aan om die parktarief (R60 p.p.; R10 per voertuig) te betaal. Kom vroeg – of laat – vir mooi lig. Die hek is oop van sonsopkoms tot sonsondergang. Dié staproete (sowat 85 km) is die heel beste manier om die Visriviercanyon te beleef. Dis ’n wildernisroete, wat beteken jy slaap nie in hutte nie en dra áls saam wat jy nodig het. Dit kos R500 p.p. plus ’n eenmalige R60-parktarief. Die roete is oop tussen 1 Mei en 15 September. Wil jy oorslaap? Hier’s kampplek en Bush Chalets in die Hobas-ruskamp – sien bl.…

1 Vaar tussen dolfyne by Walvisbaai Vir ’n land met só ’n lang kuslyn is daar verbasend min plekke waar jy op bootvaarte kan gaan. Verskeie operateurs vertrek wel uit Walvisbaai se hawe – die toere is meestal in die oggend. Laramon Tours (laramontours.com) se Dolphin Cruise (9 vm.-12.30 nm.) kos R850 p.p. (R425 vir kinders jonger as 12). Aan boord teug jy aan vonkelwyn en sluk vars oesters. Jy sien dalk dolfyne of selfs ’n walvis as jy gelukkig is. Daarby sien jy die vuurtoring en robkolonie by Pelikaanpunt en pelikane kom bedel langs die boot vir ’n happie. Mola Mola (mola-namibia.com) se Marine Dolphin Cruise is soortgelyk en kos R890 p.p. en R550 vir kinders 4-12 jaar oud. Catamaran Charters (namibiancharters.com) bied ook vaarte in die baai –…

1 Stap deur die dorp Die meeste van die beste besienswaardighede is stapafstand van mekaar af. Verkyk jou aan die Duitse koloniale argitektuur wat mooi behoue gebly het in die imposante Hohenzollernhaus (wees op die uitkyk vir die beeld van Atlas op die gewel) op die hoek van Tobias Hainyekostraat en Libertina Amathila-laan tot die Woermannhaus met sy Damara-toring in Bismarckstraat. Van dié toring af het jy ’n uitsig oor die dorp, die see en die woestyn. Stap in die rigting van Die Mole (die hawehoof), verby die Kaiserliches Bezirksgericht (deesdae bekend as die Staatshuis) tot by die Swakopmund-vuurtoring wat al sedert 1903 skepe langs die Skedelkus waarsku. Kry ’n dorpskaart by die toerismekantoor (Tobias Hainyekostraat 1; ✆00 264 81 155 4000; swakopinfo.com). 2 Eet ’n Ma se Ontbyt Sekerlik…

BEKOSTIGBAAR (Sien bl. 21.) SPAAR IN DIE SOMER Verskeie lodges en kampe in die noorde van Namibië bied groot afslag aan buite seisoen – gewoonlik in die warm, nat maande van Januarie tot Maart. Weena van Tonder Outjo “Ons familie gaan kuier graag in die Kaokoveld, Damaraland of die Richtersveld. Die natuur is wat dit spesiaal maak.” GEMEENSKAPSKAMPE Die Kaokoveld en Damaraland het baie gemeenskapskampe. Jy kry hulle nie maklik op die foon in die hande nie, maar jy kan bloot opdaag, inry en aanmeld – iemand sal jou weldra help. KAOKOVELD EN KUNENERIVIER 1 Epupa Falls Lodge Dis 200 km noord van Opuwo op die oewer van die Kunenerivier. Die lodge het ’n houtdek waar jy met ’n koue Savanna kan sit. Kamp: R200 p.p. (6 mense per staanplek;…