Tabla de contenidos para 31 January 2020 en Vrouekeur

By Anne Marais se artikel “Klim jou Everest” op bl 24 vind ek aanklank. Niemand ontkom daaglikse, maar ook langdurige uitdagings nie. Ons almal moet elke dag ’n heuwel of ’n berg uitklim en soms staan ons aan die voet van ’n majestueuse berg wat onklimbaar lyk. Jare gelede, in 2004 om presies te wees, het ek letterlik en figuurlik aan die voet van ’n hoë berg gestaan wat ek moes uitklim. Twee van my drie broers is bergklimmers en saam met dié twee is ek Tafelberg uit. Hoogtevrees het ek nie, maar daardie dag het ek besef ek het “laagtevrees”. Ek kan vreesloos van ’n hoë plek afkyk, maar toe ek dié dag aan die begin van die klim teen die voet van die eerste steil krans staan en…

Toe ’n figuur op 22 Oktober laas jaar op Tjattas se bed gelê het, het kykers bespiegel: “Wie kan dit wees? Tog nie Emma nie!” En inderdaad was heelwat van hulle reg. Want ná vyf jaar ís Emma weer terug in 7de Laan. Terwyl ons in ’n restaurant vir omelette sit en wag, vertel Bertha geesdriftig van die nuwe laekoolhidraat-hoëvet-lewenstyl wat sy volg sedert sy en haar gesin verlede jaar aan die kykNET-reeks Slank deelgeneem het. Mens kan sien dat die dieet soos ’n bom vir haar werk. Sy het ’n hele paar kilogramme afgeskud en haar gesig gloei, maar dit wil voorkom asof die gloed nie net veldiep is nie ... Bertha het die Laan vyf jaar gelede as permanente aktrise vaarwel toegeroep om meer tyd saam met haar…

NÓG ’N VOORDEEL VAN KOFFIE Nuwe navorsing toon ’n verband tussen matige koffiegebruik en ’n verminderde risiko om metaboliese sindroom te ontwikkel. Dit word aan die polifenole in koffie toegeskryf en dit help glo vir mans én vroue. Dit help ook om gewig te verloor, nie te rook nie en genoeg oefening te kry. oase in die stad Stadsbewoners wat parke, sportgronde, woude, damme en tuine in ’n stad vir fisieke aktiwiteite, ontspanning en rustigheid gebruik, het minder stres en dit gee hulle verstandelik en fisiek ’n hupstoot. Groen gebiede word ook met beter luggehalte, koeler temperatuur en minder geraas verbind. HONDEJARE Ons kom al jare met die idee dat een mensejaar sewe hondejare is. Die slim mense reken ons het het dit nog altyd verkeerd bereken en dat agt…

HARLEY-DAVIDSON TRAP-TRAP MET ’N E-FIETS Nie almal hou van die geswoeg en gesweet van fietsry nie. Gelukkig is daar deesdae elektriese fietse met ’n ingeboude motortjie wat help om selfs die steilste bult uit te kom. Harley-Davidson is nie ’n naam wat mens met fietse assosieer nie, maar dit lyk asof hierdie geraasmakers ’n reeks stil, elektriese fietse gaan bekendstel. Nog nie veel is oor die reeks bekend nie, soos byvoorbeeld hoeveel kilometer jy uit die battery gaan kry voor dit weer gelaai moet word nie. Wat redelik seker is, is dat die e-fietse stylvol is, dat jou beursie bra plat gaan wees, en dat jy maar jou eie geraas moet maak as jy dié e-fiets trap. BOUBLOKKIE-VRIENDE REG VIR ’N KOFFIE Om met Lego te speel, hoef nie by…

KYK HOE MOOI! Sit lekker versnaperinge vir jou gaste op hierdie mooi bord voor, R350. www.poetrystores.co.za STOOR EN VERTOON Stoor spesiale artikels in hierdie mooi houer. Nie net dien dit as stoorplek nie, maar dis op sigself ’n dekoratiewe artikel, R449. www.coricraft.co.za MAAK SKOONMAAK MAKLIK Dis so lekker om ’n vleisie te braai, maar die skoonmaak daarna is minder lekker. Laat Chemico Extreme Paste Cleen jou met hierdie takie help. Met dié skoonmaakmiddel en warm water sal jou rooster in ’n japtrap weer blink, R26,99. OU WEERGAWE, NUWE SMAAK Ons almal ken kapokaartappels, maar het jy dié fyngedrukte lekkerte al met soetpatats geproe? Probeer ’n slag Woolworths se Sweet Pototo Mash, ongeveer R54,99 vir 1 kg. www.woolworths.co.za…

Dit het met aksie begin en met aksie geëindig. Die een was alles net ´n storie, die ander was die naakte werklikheid. Ons was drie maats op laerskool. Was ons die vaalseuns? Ons was vir seker nie gespierde sportsterre nie, maar ook nou weer nie een ’n bleek boekvraat met dik brilglase en die haarsny van ’n bysterling nie. Oor Pieter het ek al hier geskryf, hoe ons in sy selfgeboude motorkar op die verkeerde tyd die onwelkome aandag van die polisie getrek het. En hoe hy vroeg ter siele is. Terwyl Pieter die avonturier van berge en paaie en oseane was, was Theo dit in sy verbeelding. Hy was die leser van aksieverhale en die kyker van vinnige flieks. Dan kom vertel hy Maandag vir ons by die skool…

Die Heuwels Fantasties bied hul bewonderaars twee splinternuwe somertreffers: Mejuffrou Sonneblom en Doin’ it Right. Dit is twee lekker, sorgvrye treffers wat die dansvloere behoorlik laat kraak! Die liedjie Doin` it right is DHF se eerste amptelike Engelse enkelsnit. Hunter Kennedy sê: “Om die een of ander rede was ons keen om ’n Engelse song op te neem. Doin` it right is ’n regte ‘gone clubbing banger’, dit laat my soos ’n wenner voel!” Die liedjie is vroeër vanjaar by Sunset Studios op Stellenbosch opgeneem. Die orkes het dit daarna vir hul vriend Pierre Pressure in Namibië gestuur. “Hy is baie vernuftig met die produksie van dansmusiek,” sê Fred den Hartog. “Ons hou baie van wat hy met die song gedoen het. Met Pierre Pressure agter die knoppies, het die…

EERS DIE TREFFER Die trefferplant is gewoonlik ’n hoë, opvallende fokusplant wat in die middel van die houer geplaas word. In dié samestelling het ons ’n Cordyline banksii ‘Electric Pink’ gebruik. Dié immergroen struik is polvormend en spog met skitterende maroen blare met intense pienk rande. Die blaarkleur versterk nader aan die basis. ‘Electric Pink’ groei in volle son tot halfskadu en word ongeveer 1,2 m hoog. VUL DAN IN ... Die vullerplant(e) is gewoonlik seisoenale blomstruikies of meerjariges wat om die middeleksemplaar geplant word. Ons het dié sonliewende vullerplante gekies: Argyranthemum Madeira ‘Crested Yellow’ is ’n kompakte, digte variëteit met vars groen varingagtige blare en suurlemoengeel magrietblomme. Al die plante in die Madeira-reeks magrietbosse is baie blomryk en maklik om in tuinbeddings sowel as houers te kweek. Hulle blom…

Dis nou eers elfuur. Die bitterste uur, dink Vera Marais. Dis nog ’n lang skof wat vanaand in hierdie hospitaal voorlê. Gewoonlik vlieg die eerste deel van die aand verby as sy nagskof werk, maar die oggendure lê altyd soos ’n berg voor haar. Tot vieruur wanneer die hospitaal begin wakker word. Maandagaande is gewoonlik die ergste, want dan was sy ’n week af, en nes sy in die ritme van ’n normale mens met normale ure kom, begin die nuwe skof weer. Sy kyk weer op haar horlosie, onderdruk ’n gaap en trek die pasiëntelys van die kindersaal nader. Daar is 24 name. ’n Verpleegster het nou-nou gesê dat die een baba wat hier lê, se hele gesin ’n paar dae gelede in ’n gru-ongeluk was. Arme kind. Daar…

• BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE en vir DEBIETORDEROPSIES• SMS die woorde ‘CAXTON VK’ na 47098 (R1,00 per SMS)• STUUR ’N FAKS na 086 670 4101 met jou besonderhede van hernuwing of intekening• SKRYF IN OP ONS WEBWERWE www.vrouekeur.co.za/www.magsathome.co.za• STUUR ’N E-POS na subs@magsathome.co.za.• POS ’N TJEK uitgemaak aan RamsayMe dia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450• Doen ’n ELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIPSIENOMMER of jou van en SELFOONNOMMER as verwysing met ’n elektroniese betaling of direkte deposito en faks dit met jou betalingsbewys…

HIPNOTISEUR ANDRE Andre The Hilarious Hypnotist is nog tot Sondag 23 Februarie by die Studioteater by Montecasino, Johannesburg, te sien. Hierdie vertoning vorm deel van sy afskeidstoer, aangesien hy binnekort na die buiteland vertrek. Andre kombineer sy komedie-en hipnose-talente in hierdie twee uur lange vertoning. Kaartjies kos R120 per persoon en is deur www.computicket.com beskikbaar ’N FEES BY NEDERBURG Die Nederburg-landgoed in die Paarl hou op 8 Februarie hul Harvest at Dusk-fees. Daar gaan verskeie oesaktiwiteite wees en gaste kan heerlik eet en drink terwyl hulle die musiek van die groep Kaleidoskoop geniet. Die aktiwiteite skop om 16:00 af en kaartjies kos R650 per persoon. Dis gratis vir 11-jariges en jonger en 12-tot 18-jariges betaal R200 per persoon. Vk Bespreek via www.webtickets.co.za ROCKY HORROR Die legendariese musiekextravaganza, Richard O’Brien se…

Marga Jonker is veral bekend as skrywer van ’n reeks gewilde tienerverhale waarin perde ’n sentrale rol speel. Wat baie mense dalk nié weet nie, is dat sy ook ’n onderwyseres by die Durbanville-voorbereidingskool is, en isiXhosa vir leerders van graad 1 tot 3 aanbied. Marga wou van laerskool af self baie graag ’n nuwe taal aanleer en toe sy onderwys begin studeer, was isiXhosa deel van die kurrikulum en sy het die kans dadelik aangegryp. Die aanleer van isiXhosa was en is steeds vir haar ’n avontuur, sê sy. Sy het eers ’n onderwysdiploma aan die Wellington-onderwyskollege en daarna ’n BA-graad met Xhosa en geskiedenis as hoofvakke aan die Universiteit van Stellenbosch verwerf. Sy kon dus vir poste by hoërskole of laerskole aansoek doen. “Ek het tot ná my…

AARTAPPELGNOCCHI 4 porsies 600 g kapokaartappels200 g koekmeel45 ml (3 e) botter, gesmelt2 eiers, geklits sout en peper 1 Meng alle bestanddele.2 Knie liggies tot sagte deeg vorm.3 Verdeel mengsel in kleiner gedeeltes.4 Bestrooi oppervlak met koekmeel en rol in slangetjie so dik soos jou wysvinger.5 Sny stukke van omtrent 2,5 tot 3 cm lank.6 Met jou duim of vurk druk stukkies teen oppervlakte om klein holte te vorm.7 Kook gnocchi in borrelende kookwater met sout in tot dit boontoe dryf, dreineer en spoel af. BOTTERSKORSIE-EN-KRUIE-GNOCCHI 4 porsies 500 g botterskorsie, gekook1 eier2 50 ml–500 ml (1 k–2 k) koekmeel sout en peper1 ui, gekap5 ml (1 t) fyn knoffel180 ml (¾ k) botter15 ml (1 e) salie, fyngekap15 ml (1 e) pietersielie, fyngekap15 ml (1 e) basiliekruid, fyngekap 1…

Hier aan die Tuinroete, en ek glo enige ander plek, is dit so maklik om op ’n Sondag jou padkos te pak, in jou motor te klim en jou voertuig se neus oor die berg te steek en al die juweeltjies langs minder bekende paaie te ontdek. En met die brande verlede jaar in die Wes-Kaap het ek ook besef jy moet nooit besoeke uitstel nie. In vandag se gejaagde lewe ry mens so maklik van punt A na punt B sonder om al die juweeltjies op ’n verlate afdraaipad raak te sien. Ek het net weer besef van uitstel kom afstel, of dalk ’n brand wat alles in puin lê. Moenie haastig raak nie, draai af en ontdek die kosbare plekkies om jou. In Oktober verlede jaar het ’n…

Michelangelo se Pietà in Florence, ook genoem die Bandini Pietà, word tans in die openbaar gerestoureer. Die restourasie aan dié marmerbeeld, waaraan Michelangelo van 1547 tot 1555 gewerk het, word op ’n stellasie gedoen wat rondom die beeld gebou is waar dit in die Museo dell’Opera del Duomo staan. Volgens Timothy Verdon, die direkteur van die museum, is die oogmerk om die restourasie deel van die besoekers se ervaring te maak. Die publiek kry die geleentheid om die restoureerders aan die werk te sien en ook na ’n video oor die restourasieproses te kyk. Die Rijksmuseum in Amsterdam het onlangs dieselfde benadering met die restourering van Rembrandt se Nagwag gevolg. Vier figure word in dié Michelangelo-beeldegroep uitgebeeld: die liggaam van die gestorwe Christus, Nikodemus (moontlik Josef van Arimatea), Maria Magdalena…

ROLPRENTE UNDERWATER Met Kristen Stewart en Vincent Cassel Regisseur William Eubank Avontuurdrama Ai, Hollywood, waar is jul oorspronklikheid? Nie dat mens (letterlik!) in dié diepseerolprent kan neerdaal nie, want hierdie betrokke verspreiders wys selde voorvertonings van hul rolprente, daarom kan hierdie resensent net gis. Maar die storie klink nie so lewendig soos ’n lewende elektriese koord nie. Wetenskaplikes bevind hulle in ’n duikboot wanneer ’n aardbewing die see tref en die boot tot op die bodem van die oseaan val. (“Gaap, gaap!” sê julle seker.) Hoeveel ander soortgelyke rolprente was daar nie al nie? Maar hierdie een spog met die aktrise na wie Hollywood dikwels as “die lewende dooie” verwys, Kristen Stewart van Twilight-faam wat gereeld so verveeld met haar rolle lyk dat sy nie ’n emosie van ’n dag…

Moeilikheidsgraad: ⋆ As jy die 17 Januarieuitgawe misgeloop het, kry dit op www.vrouekeur.co.za As jy steke kan opstel, regs en aweregs kan brei en kan afeindig, kan jy brei. Ek stel voor jy stel 20 steke op en brei ’n paar sentimeter tot jy gemaklik voel en jy die spanning kan beheer. As jy bogenoemde steke geoefen het, kan jy die poppies of beertjie in die voorbeeld brei. Jy kan met 4-draad, dubbeldraad (DK) of Chunky-breidraad brei. Die poppies sal dan net verskillende groottes wees. Kies 5 kleure vir die skoene, broek, top, gesig en hare onderskeidelik. BREI AWEREGS (AW) 1 Hou die naald met die steke wat jy opgestel het in jou linkerhand en steek die naald in jou regterhand deur die eerste steek op die linkerkantste naald, maar…

In Galasiërs 6:9 en 10 staan daar: “Kom ons hou aan om goed te doen. Dit is presies wat die Here wil hê ... Terwyl ons nog tyd oor het, moet ons elke geleentheid benut om goed te doen aan almal wat oor ons pad kom ...” Dis opvallend dat wanneer jy iets goeds vir iemand doen, dit ander inspireer om op hul beurt iets goeds aan ’n volgende persoon te doen. Dis goed om iets goeds aan ander te doen. Hoekom doen ons dit dan nie? In die Amerikaanse vloot het hulle, as deel van hul intense opleiding, ’n spesifieke hindernisbaan wat ’n persoon nie op sy/haar eie kan voltooi nie. Dit moet in spanverband gedoen word. Jy het geen keuse nie. Dis net hoe dit ontwerp is. Die…

Shelley Jacobsen is in haar 40’s en sy voel vasgevang. Sy huur die aantreklike 22-jarige Wayde Smith as ’n barista vir haar koffiewinkel. Hy laat haar jonk voel en Shelly wil net pret hê, maar sal dit als skadeloos bly? www.nb.co.za 3 lesers kan die boek wen. SMS SHelleY gevolg deur jou naam, van en adres voor 5 Februarie 2020 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxton-tydskrifte die reg om ander Caxton-tydskrif-aanbiedinge aan jou te bied.…

Charl-Johan Lingenfelder is die musikale regisseur van die Fugardteater in Kaapstad en het al in Parys, San Francisco, New York, Hongkong, Athene, Nieu-Seeland, China, Taiwan en Indonesië as komponis, musikale regisseur en skrywer gewerk, maar dis die fliek Kanarie, oor sy lewe as jong man in die weermag, wat die meeste lof ontlok. Charl-Johan is ook verantwoordelik vir die klankbaan van die fliek Griekwastad wat binnekort begin draai en vertolk die hoofrol in die vertoning Cabaret in die Fugartteater. Sy CV is indrukwekkend. Hy het al saam met teaterghoeroes soos die dramaturge Eve Ensler en Athol Fugard, musikante Vanessa Mae, Sibongile Khumalo en Loyiso Bala en choreograwe Gregory Maqoma en Veronica Paeper gewerk. Hy is al vir 15 Naledi-en agt Fleur du Cap-toekennings benoem. Hy was die musikale regisseur van…

WAT IS ’N SERUM? ’n Serum is ’n velbevogtiger sonder die romerigheid wat in gewone gesigsrome is. Serums is meer gekonsentreerd as vogrome en bevat aktiewe bestanddele en werk daarom dieper in jou vel. HOEKOM MOET EK DIT GEBRUIK? Dis gemaak om spesifieke velprobleme soos dehidrasie, pigmentasie, tekstuur en veroudering te behandel. Omdat dit aktiewe bestanddele bevat en meer gekonsentreerd as vogrome is, werk dit vinniger en doeltreffender as vogrome. HOE GEBRUIK EK DIT EN HOE LANK VOOR EK RESULTATE SIEN? Wend dit op ’n skoon gesig aan voor jy vogroom aansmeer. Resultate hang van die produk af. Moenie verwag om binne ’n week al ’n verskil te sien nie. Hoe langer jy die produk gebruik, hoe beter behoort die verskil te wees, maar jy behoort binne ’n maand ’n…

JANUARIE-WENBOEK Januariewenners wen Kristel Loots se boek Eendag is nou met die komplimente van Lapa Uitgewers. Jacomien se lewe bestaan daaruit dat sy haar man, ’n eiendomsagent, na begrafnisse vergesel om te netwerk en huise wat te koop mag wees, op te spoor. Dis een van die rare maniere waarop die nimlike JanKoos sy sake bedryf en goeie vrou wat sy is, ondersteun sy hom daarin. Maar Jacomien is moeg en verveeld met JanKoos en hul manier van lewe. Sy trek uit en gaan bly in ’n strandhuis. Haar lewe lank wag sy daarop om eendag waarlik gelukkig te wees, net om te besef dat eendag nie meer op háár wag nie. Om die kroon te span, is haar 20-jarige dogter begogel met haar filosofieprofessor en Jacomien se bekommernis hieroor…

Milo-hawermoutkoekies 16 koekies 130 ml (125 g) botter1 groot eier125 ml (65 g) koekmeel125 ml (65 g) bruismeel125 ml (65 g) Milo250 ml (85 g) hawermout160 ml (150 g) klam bruinsuiker160 ml (65 g) fyn klapper Voorverhit oond tot 170 °C, spuit vierkantige koekpan van 20 cm x 20 cm met kleefwerende sproei en sprinkel met meel. 1 Smelt botter en laat effe afkoel. Gooi eier by en meng goed.2 Meng koekmeel, bruismeel, Milo, hawermout, suiker en klapper. Werk dit met die hand deur om al die suikerklonte fyn te breek. Gooi bottermengsel by en roer tot deeg vorm.3 Skep beslag in koekpan en druk netjies vas. Bak vir 15 minute tot gaar. Haal pan uit oond en laat afkoel. Sny in 16 netjiese blokke.4 Stoor in lugdigte houer. WENK…

Wanneer mens aan die ou Boere generaals soos generaal De Wet en generaal De la Rey dink, kom beelde van dapperheid, bittereinders en beginselvastheid op. Hierdie mense word as “regte” helde beskou uit ’n tyd vóórdat mense met behulp van die media vir hulself loopbane as glanspersoonlikhede (celebrities) kon skep. Sulke helde het geleef in ’n tyd van eerlike, harde werk, voor fopnuus, voordat loopbane deur slim gebruik van die media, van twitter en instagram opgebou kon word. Reg? Moenie glo nie. Carel van der Merwe se jongste biografie Kansvatter. Die rustelose lewe van Ben Viljoen dui aan hoe ten minste een Boeregeneraal ’n loopbaan vir homself gebou het deur die media van sy tyd te benut. Op berekende wyse het Ben Viljoen sy vaardighede as joernalis en sy welsprekendheid…

Bordallo Pinheiro www.bordallopinheiro.com Le Creuset www.lecreuset.co.za MrP home www.mrphome.com Sheet Street www.sheetstreet.com Woolworths www.woolworths.co.za…

“Hallo, my lief! Wil maar net sê ek dink aan jou vandag en … maak asseblief seker jy is vanaand betyds vir die partytjie, dat jou hare netjies is. En onthou in hemelsnaam om die koek te gaan oplaai. O ja, jy is baie handsome en stuur sommer ’n voice note terug om te bevestig dat alles reg is, want ek is net bang jy vergeet al weer. Ek’s bietjie nervous oor die party. Anyway. Mwah!” Kobus Nienaber luister na sy vrou se stemboodskap terwyl hy sy klaskamerdeur oopstoot. Binne tien minute strompel daar ’n klomp graad 12’s oor die drumpel wat nie ’n flenter kan omgee oor Afrikaans as vaktaal nie. Soos gewoonlik is die frase “Tjip en Dip” op die swartbord geskryf. Elke dag, reeds ’n jaar lank, begroet…

KIES TUSSEN TWEE MANS My eksman het my gelos en ek was gebroke. Ek is toe halsoorkop met ’n ander man getroud wat baie goed vir my is, maar my hart trek steeds met ’n punt na my eks toe, wat die liefde van my lewe is. Dis nou drie maande ná my tweede huweliksbevestiging en my eksman besef ook hy het ’n groot fout gemaak en dat ons bymekaar hoort. My hart vertel my ek moet hom terugneem, maar my verstand sê ek moet my tweede man hou. Wat doen ek? – Onseker Mens sal altyd daardie eerste liefde koester – dit word as normaal beskou. Daar moes sekerlik redes tot die egskeiding gewees het. Bly eerder by jou huidige man en fokus jou energie en liefde op jul…

WOORDSPEL 4 Deur XWord.co.za TEIKEN Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 09 woorde, goed 11 woorde, baie goed 14 woorde of meer, uitstekend OPLOSSING: Dadelpalm, almal, ampel, lamel, lamlê, llama, malle, dame, damp, demp, lama, maal, meld, palm Koderaai Elke syfer verteenwoordig ’n letter van die alfabet. Om mee weg te spring, is 3 (drie) letters klaar ingevul. Kyk nou of jy…