Tabla de contenidos para 27 December 2019 (combined with issue 51 - 20 December 2019) en Vrouekeur

Vir die Koen-gesin is dit heerlik om tydens Kersfees die kinders se opgewondenheid te beleef – van Kersboom versier tot tafel dek. “Die belangrikste vir ons is om ons kinders van kleintyd af te laat besef waaroor Kerstyd werklik gaan,” vertel die paartjie. “En al streef die meeste ouers daarna dat hul kinders Kersfees om die regte redes vier, bly ’n kind maar ’n kind. Daarom het ons besluit om hulle so lank in Kersvader te laat glo as wat hulle wil.” Pieter en Lotie beantwoord nog vrae: Hoe vier julle Kersfees en het julle enige spesiale tradisies of rituele op Kersdag? Kerstyd is vir ons nie net gesinstyd nie, maar ook familie- en vriendetyd. Die jaar gaan so vinnig verby en ons kom nie regtig by familie en vriende…

“Kersfees as kind was ’n groot ding, maar nie net die geskenke nie, dis die afwagting en mooi en warm fuzzy gevoel,” onthou die teatermaker Margit Meyer-Rödenbeck (49). Haar pa is Duits en Krismis was ’n gedoente. ’n Regte boom is eers op 24 Desember opgemaak. Die kinders mag nie gehelp het nie en hy het dit alleen versier – met die fynste, blinkste balletjies en figuurtjies en rêrige kersies. Ons wou so graag loer en eers as dit donker was en jy die klokkie hoor lui, kon jy instap en saam met die plaat Stille nag in Duits sing. Die meeste van hierdie Kersfeeste was baie spesiaal. Deesdae hou ons Kersfees by my huis – met baie meer mense as toe ek klein was, maar steeds met die boom…

KOOP DIT HIER: Charles + Lee www.charlesandlee.co.za Carrol Boyes www.carrolboyes.com/za Fenn www.fenncollection.co.za GHD www.ghdhair.com/za Le Creuset www.lecreuset.co.za MrP Home www.mrphome.com Old Khaki www.oldkhaki.co.za Pep Stores www.pepstores.com Poetry www.poetrystores.co.za Rowdy www.rowdybags.com The Body Shop www.thebodyshop.co.za Theranaka www.theranaka.co.za Sapmok www.sapmok.com Sexy Socks www.sexysockssa.com Woolworths www.woolworths.co.za Zemp www.zemp.co.za…

SKUIMPIES EN BESS IES IN ’N GLAS 8 glase 4 groot eiers se eierwitte125 ml (115 g) strooisuiker220 ml (115 g) versiersuiker2 pakke aarbeie2 houers kersies45 ml versiersuiker500 ml (2 k) room7,5 ml (½ e) vanieljegeursel30 ml (2 e) versiersuiker Voorverhit oond tot 110 °C en voer twee bakplate met waspapier uit. 1 Klits eierwitte tot sagtepuntstadium. Gooi strooisuiker geleidelik by en klits tot dik en glansend. 2 Sif versiersuiker oor en vou met metaallepel in. Skep beslag in spuitsak en spuit skuimpies op bakplaat. 3 Bak vir 1½ uur tot skuimpies droog is. Bêre in lugdigte houer. 4 Sny bessies in growwe stukke en gooi versiersuiker oor. Meng deur en bedek met kleefplastiek. 5 Klits room, vanieljegeursel en versiersuiker saam tot styf. 6 Om glase te pak Skep laag…

DESEMBER-WENBOEK Desember-wenners wen René van Zyl se boek Die Alfa-dokument (LAPA Uitgewers). Nadat die biljoenêr Nico Cohen, die stigter van ’n berugte internasionale geloofsorde, sterf, erf sy 20-jarige dogter, Michaela (’n sosiale vlinder), sy posisie. Die oorblywende direkteure, die Groot Ses, stuit vir niks om te sorg dat hulle in beheer bly nie – ook nie vir moord nie. Dit gaan ’n eks-taakmaglid kos om die rykmansdogter te help om die orde se geheime oop te vlek. Josh Young het sy eie redes waarom hy die maatskappy se onderduimshede wil ontmasker. Saam moet hulle die orde se geheime Alfa-dokument opspoor. Dis hul enigste kans om te wys watse onheilighede werklik agter die sukses van die Groot Ses skuil. Die soektog neem hulle op ’n gevaarlike ekspedisie regoor Europa. Die boek…

Marice Mercuur is ’n boorling van die klein Morawiese sendingstasie by Wupperthal naby Clanwilliam en haar dogtertjie, Gemma, het sowat vyf jaar gelede op ses maande met ekseem begin sukkel. Kommersiële seep het die uitslag vererger en medikasie deur dokters en dermatoloë voorgeskryf, het wel verligting gebring, maar sodra Marice die medikasie gestaak het, het die uitslag teruggekom. Marice het begin om ’n bad van rooibosteesakkies te trek, waarin sy die baba gebad het. “My ma het altyd gesê rooibostee is goed vir alles en hier is dit nou weer bewys.” Marice se ouers, Martin en Joyce Goes, is rooibosboere wat grond by die kerk huur. Joyce het altyd vir Marice gesê rooibos het geweldige gesondheidsvoordele en genesende eienskappe. “Ek het egter nie besef presies hoeveel goedheid daar in dié…

Sy daag net op vir sustervergaderings as daar koek is en terwyl haar man preek, sit sy bene uitgestrek op die pastorie se stoep met haar koffie en sigarette en doen Bybelstudie. “Ek is nie ’n tropdier nie,” verduidelik Erna onboetvaardig, strooihoed op die kop en in ’n helder kaftan geklee. Sy verdien ook nie juis haar brood op ’n konvensionele mannier nie. Sy is ’n redigeerder vir ’n Amerikaanse e-posuitgewer, wat boeke in die gayro-manse-genre uitgee. Sy dig en sy het onlangs haar lyf aktrise gehou. “Dié gay-romanse-genre se grootste leesmark is middeljarige vroue. “Dis ’n nismark en wêreldwyd aanlyn beskikbaar.” Om gayromanses beter te verstaan, doen sy heelwat navorsing. “Jy sal alles op my rekenaar moet uitwis as ek doodgaan,” vertel sy laggend. Sy draai haar kop na…

HOU MUSKIETE MET DIÉ PLANTE WEG LAVENTEL inhibeer ’n muskiet se vermoë om te kan ruik. Dit groei pragtig in Suid-Afrikaanse grond. SITROENGRAS is eintlik ’n plant! Dit produseer ’n sterk aroma wat omliggende geure verbloem en keer dat muskiete naby aan jou kom. Plant dit in ’n pot of in ’n tuinbedding. SUURLEMOENBALSEM (lemon balm) is ’n lid van die mentfamilie met ’n sterk suurlemoengeur sodra jy die blare kneus. Smeer die gekneusde blare aan jou vel as ’n afweermiddel. Dit kan selfs in tee, souse of nageregte gebruik word. BASILIEKRUID is nie net heerlik in kos nie, dis ook ’n uitstekende muskietafweermiddel. Dit gee ’n reuk af wat muskiete nie kan verdra nie. Hou sommer ’n klompie potte met basiliekruid op jou stoep! GOUSBLOMME (marigolds) bevat piretrum (pyrethrum),…

In 1979 het die Musiek-en-liriek-beweging ’n omwenteling in Afrikaanse musiek teweeggebring. Die klakkelose vertalings van woorde van Europese melodieë is met oorspronklike werk vervang. Dit is vier dekades later en twee musiek-ikone bied hul aanhangers nostalgiese versamelwaarde. ANTON GOOSEN SE LIEDJIEBOER INNIE LA NGPAD: 1979–2019 Anton Goosen het oor die 500 liedjies gekomponeer en 23 grensverskuiwende albums aan Suid-Afrikaanse musiek toegevoeg, onder meer Liedjieboer in die stad/city, Winde van verandering, Danzer, Bushrock (of a White Kaffir in Africa), ’n Vis innie bos, Lappiesland en Padkos. Sy jongste album is ’n oorsigtelike klankbeeld van sy loopbaan. Dit het alles in Maart 1979 begin met die uitreiking van die oorspronklike Kruidjie-roer my-nie, die temaliedjie uit die rolprent Pretoria, o Pretoria. Drie dae later het die SAUK se sensuurraad die lied verbied. ’n…

A Velocity of Being is ’n rare titel vir ’n kinderboek. Dit klink selfs vreemder wanneer dit in Afrikaans vertaal word (’n Snelheid van wees), maar dié pragtige Amerikaanse prenteboek is inderdaad ’n rare voorwerp. Nie net omdat dit ’n kinderboek is wat volwassenes ook bekoor nie. Baie van ons glo immers ’n goeie kinderboek behoort jong en ou lesers te behaag, anders is dit nie waarlik ’n goeie boek nie. Hierdie een is egter veel meer. Dis terselfdertyd ’n koffietafelspogboek, ’n saamleesboek en ’n alleenleesboek, ’n briefboek, ’n bundel, ’n loflied oor lees en ’n gids vir lesers van alle ouderdomme. Twee jong vroue van New York, Maria Popova en Claudia Bedrick, met ’n gedeelde passie vir lees, het agt jaar lank gewerk aan ’n versameling “Letters to a Young…

“Ek moes nooit eergister met Jak om die blok gaan stap het nie.” Só sê ek vir myself terwyl ek my handsak in die gang by die voordeur oopmaak om my motorsleutels te soek. Ek grawe verwoed deur die chaos in die sak: lipstiffie, sneesdoekies, naellakverwyderaar, die pil, tot ek uiteindelik kry waarna ek soek. Willie was reg, dink ek moedeloos, vroumense is netjieser as mans, behalwe wanneer dit by die inhoud van hul handsakke kom. “As ek nie met Jak gaan stap het nie, sou ek nog goeie herinneringe aan Kersfees kon koester. Dan sou dit nie nou gevoel het of hierdie jaar sedert 1 Januarie op heeltemal die verkeerde voet weggespring het nie.” Ek kyk oor my skouer. Deur die deuropening na die sitkamer staan die Kersboom nog.…

MOEILIKHEIDSGRAAD: WAT HET JY NODIG? Kies Kartopu Organica Prints vir die sirkel en ’n Organica in ’n effekleur van jou keuse as basiskleur om die vierkant te voltooi Vir die projek is 10 kleure Organica Prints gebruik Jy sal sowat vier sirkels en hul rande met 1 bal elk uitkry Elke vierkant is sowat 25 cm x 25 cm. Werk daarvolgens uit hoeveel balle jy sal nodig hê Vir hierdie kombers is altesaam sowat 24 balle gebruik 4 mm-naalde 4 mm-hekelnaald as jy dit aanmekaar wil hekel AFKORTINGS alt = alternatiewe aw = aweregs aw2tes = aweregs 2 steke tesame gl1 = glip 1 steek regsgewys herh = herhaal r = regs rVa = regs voor en agter in dieselfde steek ste = steke tgso = trek glipsteek oor GROOTTE…

Vir navrae navrae@xword.co.za Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Persoon wat gekwalifiseer is om ander te leer bestuur SMS jou antwoord, voorletters, van en dorp/stad voor of op 15 Januarie 2020 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. WEN R1 000!…

WOORDSPEL 49 Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 15 woorde, goed 18 woorde, baie goed 23 woorde of meer, uitstekend OPLOSSING: Provinsie, provisie, invries, visioen, invers, invoer, penvis, vernis, versin, visier, vispen, opvis, sover, veins, verso, visie, vries, vers, vier, vies, vise, voer, vors Woordsoek 26 van die VSA se 50 state is in hierdie rooster weggesteek. Hulle kan horisontaal, diagonaal,…

Maak nie saak waar jy Pedro Kruger teëkom nie, sy lewensblyheid en warmte is tasbaar. Hy glimlag hartlik en gee jou sy onverdeelde aandag. “Ek is ’n positiewe mens, ja,” bevestig hy waar ons in ’n koffiewinkel ontmoet. “Dis ’n besluit wat ek jare gelede al geneem het: Gee jou beste kant vir mense. “Life is good, work is good. As ek kyk wat daarbuite aangaan, voel ek so geweldig geseënd. Soos my werk met Reach for a Dream. Ek bied elke jaar ’n konsert vir hulle aan en het al die hartroerendste, maar ook pragtigste stories gehoor. “Ek was onlangs in Kimberley by die sesjarige Ané wat kanker het. Sy’s op tweejarige ouderdom gediagnoseer en is die grootste deel van haar lewe siek, maar is die oulikste, mooiste, slimste…

“Ons doen tuisonderrig en een van die dinge wat Mamma ons leer, is entrepreneurskap. Werk is nie meer vrylik beskikbaar nie en ons moet leer om werkskeppers te wees om die probleem op te los,” sê die 11-jarige sakeman Durandt Malan. “Ek het begin deur saadjies te plant en ’n kwekery op ons plaas te vestig. Die kwekery se naam is Durandts Little Garden Centre. Ek het baie pakkies blomme-, groente- en kruiesaad op Langebaan gekoop. Ek was baie opgewonde. Die hele koffietafel was vol saadpakkies.” Maar dis nie waar die entrepreneur se inspirasie opgehou het nie. Durandt’s Heirloom Seeds is tans sy grootste onderneming. “Dit is my aanlyn webwinkel waar ek meer as 850 variëteite groente- en vrugtesade verkoop.” “Erfsade is saad wat nie gemanipuleer is nie en word…

GROENTE? NEE DANKIE! As jy nie van sekere groentes hou nie, kan dit dalk in jou gene wees. As jy twee weergawes van die “slegte smaak”-geen gekry het, sal kos soos broccoli en Brusselse spruite ekstra bitter smaak. Dit kan ook koffie, donkersjokolade en bier insluit. In die oertyd kon dit voorkom het dat jy giftige kos eet. Vroue en beroerte Vroue se kanse om ’n beroerte te oorleef is groter as mans s’n, maar hul lewensgehalte is agterna swakker as mans s’n wat beroerte oorleef het. KEER DAAI WARM GLOEDE As jy jou gewig op ’n gesonde vlak hou en ophou rook voor jy 40 jaar oud is, sal jy nie so onder die warm gloede ly teen die tyd dat jy jou menopouse bereik nie. Navorsers het bevind…

GEBAKTE KAPOKAARTAPPELS R7 PER PORSIE! 8 porsies 3 kg aartappelsknypie neutmuskaatsout en peper125 ml (½ k) room4 eiers, geklits125 ml (½ k) witkaas, gerasper125 ml (½ k) mozzarella, gerasper Stel oond op 180 °C. 1 Skil aartappels en sny in kleiner blokke. 2 Kook aartappels tot baie sag en dreineer. Druk met aartappeldrukker fyn. 3 Roer neut, sout, peper, room en eiers by. 4 Roer slegs helfte van kase by. Bere ander vir bo-op. 5 Skep in oondbak en sprinkel laaste kaas bo-oor. 6 Bak vir 30 minute of tot goud-bruin. KERSFEESVLEISRING R28 PER PORSIE! 8 porsies 1 ui, gekap5 ml (1 t) fyn knoffel1 rooi soetrissie, fyngekap1 groen soetrissie, fyngekap1,5 kg maalvleis125 ml (½ k) sagte broodkrummels2 eiers30 ml (2 e) rooivleissout400 g (2 pakke) spekrepies200 g (1 houer)…

Dit was vier en ’n half dekades van hard werk, innoverend dink en vasbyt in soms baie hartseer omstandighede, maar elke keer wanneer ’n kind bo sy omstandighede uitgestyg het, was dit vir Hermanus Mouwers (64) bevestiging dat hy hom in die regte werk en op die regte plek bevind. Hy verlaat nou die onderwysberoep – 43 jaar nadat hy sy loopbaan by Uitsig Primêr begin het net ’n jaar nadat dit gestig is en 19 jaar nadat hy hoof geword het. As daar enigiemand is wat die omstandighede hier verstaan, is dit Hermanus. Om dit as ’n agtergeblewe skool te beskryf, skets nog nie die volle prentjie nie. Ry jy die gebied binne, is dit asof ’n gevoel van hopeloosheid jou wil-wil oorweldig. Hier naby Parow in die noordelike…

Block ’n Chisel www.blockandchisel.co.za Le Creuset www.lecreuset.co.za MrP Home www.mrphome.com NetDecor www.netdecor.co.za Volpes www.volpes.co.za Woolworths www.woolworths.co.za…

Die kurators van Rembrandt’s Light, ’n uitstalling van dié 17de eeuse meester van die Nederlandse Goue Eeu in die Dulwich Picture Gallery in Londen, voer aan as Rembrandt vandag, met al die hedendaagse tegnologie tot sy beskikking, gelewe het, sou hy ’n kinematograaf gewees het. Dié uitstalling wat met die herdenking van Rembrandt se sterfjaar, 350 jaar gelede, saamval, span 35 van sy bekendste skilderye, etse en tekeninge in. Dit kom uit versamelings soos dié van die Louvre, die Rijksmuseum en die National Gallery of Art in Washington en die kollig val op Rembrandt se gebruik van lig om deur sy kuns stories te vertel. Vir dié doel is die dienste van Peter Suschitzky bekom, die bekroonde kinematograaf van onder meer flieks soos Star Wars: The Empire Strikes Back om…

ROLPRENTE STAR WARS: EPISODE 1X, THE RISE OF SKYWALKER Met Daisy Ridley en Carrie Fisher Regisseur JJ Abrams WETENSKAPSFIKSIE As jy nog nie plek vir hierdie “laaste hoofstuk” in die Star Warssage bespreek het nie, is dit dalk te laat. Rolprentprofete verwag dit gaan die grootste rolprent van alle tye wees waarin die reeks, wat in 1977 afgeskop het, gaan eindig. Maar ver synde dit van Hollywood om die ster wat goud uitskiet, te vernietig. Daar kom nog neweprodukte (spin-offs). In hierdie drama moet die rebelle vir oulaas teen die First Order veg om die heelal te red, en Carrie Fisher is met behulp van spesiale effekte nadoods te sien. Wees gereed vir titaniese gevegte met troebadoer-stervegters, mooi meisies met ligswaarde, oulike robotte wat in psigedeliese tale snater, en lopende…

Verlede week het ek, na aanleiding van lesers se navrae, ’n lysie van “moet-lees-boeke” saamgestel. Die idee hieragter is dat eietydse romans eintlik deel van ’n tradisie is; dat daar sekere konvensies is waaraan skrywers meedoen, wat hulle benut en verbreek. Hoe beter mens die konvensies, die hele tradisie ken, hoe meer put mens ook uit ander, nuwer boeke. Hierdie week val die fokus op skrywers uit Afrika (Suid-Afrikaanse skrywers uitgesonder). As wit Afrikaanssprekende kind wat in die 1960’s en 1970’s in Suid-Afrika grootgeword het, is ek aan ’n Europese blik op die wêreld blootgestel. Op skool en later op universiteit is literatuur uit Europa vir ons voorgeskryf. In die geskiedenisklas het ons benewens Suid-Afrikaanse geskiedenis (wat op die VOC, die Groot Trek en die Anglo-Boereoorlog gefokus het) hoofsaaklik Europese…

Kook ‘ver, ver weg’ Le Creuset se ikoniese gietysterkookware het geen bekendstelling nodig nie, en vir vele geeks sal die Star Wars x Le Creuset Collection dalk net ’n nuwe kookobsessie kan opdis. Persoonlik het ek nooit gedog ek gaan ’n R2-D2 Mini Cocotte sien nie, nog minder ’n Death Star Trivet, maar my twee gunstelinge bly die Darth Vader-kasserol (in swart natuurlik), en die tong-in-die-kies Han Solo Carbonite Signature Roaster. Die pryse (R5 749 vir die kasserol, R6 549 vir die roaster) mag dalk hoog wees, maar ten minste hoef jy nie ’n sterrestelsel ver, ver weg hiervoor te besoek nie. Die Star Wars-reeks is aanlyn by Yuppiechef of by Le Creuset-winkels beskikbaar. DESERT ISLAND Google, wat verantwoordelik is vir die Android-slimfoonbedryfstelsel, doen nogal moeite met wat hulle digitale…

BENODIG EKSTRA INKOMSTE Ek is ’n student en benodig sakgeld. Ek het wel ’n swakbetalende pos by ’n klerewinkel gekry, maar moet vir meer voorsiening maak. Dis moeilik om ’n voltydse werk te kry en nog iets anders te doen. Ons woon op Potchefstroom waar daar baie studente is wat vinnig enige vakansieposte opraap. My ouers het dit nie breed nie en ek werk hard om nie ’n vak te sleep nie. Ek wil net nie in ’n kroeg gaan werk nie, want ek weet nie hoe om dronk en luidrugtige mense te hanteer nie. – Arm student Dit is wonderlik om te weet dat daar nog studente is wat hul sente omdraai om ’n suksesvolle loopbaan te bou. Een voorstel is om na diere en huise om te sien…

“Ons mense het ’n geweldige kapasiteit vir blydskap wat ons toelaat om onder die swaarste omstandighede iets te vind om oor te lag,” sê Jerome Rex (38). Sy album, Al Jerome, is vanjaar met ’n Ghoema-toekenning vir die beste Afrikaanse hip-hop-album bekroon. “Uit blydskap spruit menslikheid; daardie vermoë om mekaar met deernis te behandel en nie net bloot die lewe vanuit ’n oor-lewingsperspektief te benader nie. Wanneer ons na meer as ons eie belange omsien, verander dit ons harte en ontdek ons dat die lewe om meer as net onsself draai.” Jerome, wat in Kaapstad in die skadu van Tafelberg gebore is, sy kinderjare in Elsiesrivier op die Kaapse Vlakte deurgebring het en daarna in Kuilsrivier grootgeword het, waar hy steeds woon, het ’n kwalifikasie in opleiding en ontwikkeling en…

OESTERS EN VONKEL WYN Lus vir oesters en vonkelwyn? Die Grande Provence-landgoed buite Franschhoek bied hierdie wenkombinasie elke dag van 17:00 tot 18:00 aan. Oesters kos in hierdie uur slegs R10 elk. Die landgoed se gewilde vonkelwyn-en-oester-proe is heeldag teen R180 per persoon beskikbaar. Bel 021 876 8600 of stuur ’n e-pos na reservations@grandeprovence.co.za SCROOGE OP DIE VERHOOG Die bekende Charles Dickensverhaal A Christmas Carol is tans op die planke by Montecasino. Hierdie vertoning met Jason Ralp as Scrooge is nog tot 5 Januarie by die Pieter Toerienstudioteater te sien. Besoek www.montecasino.co.za of 011 510 7000 FEES JOLYT IN SANDTON Sandton City bied spesiaal vir die feestyd Nutcracker’s Winter Circus Parade of The Animals aan. Dit kan nog tot 5 Januarie in ’n groot sirkustent in die winkelsentrum gesien word.…

Lente Roode is ’n legende in plaaslike en internasionale bewaringskringe en sy is ewe tuis in die Afrika-bos as in Europa. Die Hoedspruit Endangered Species Centre (HESC) wat Lente aanvanklik in 1989 as ’n jagluiperdteelprojek tot stand gebring het, is vandag toonaangewend op die gebied van die bewaring en rehabilitasie van ’n verskeidenheid skaars en bedreigde wildspesies. Die sentrum is wêreldwyd bekend en word selfs deur lede van die Britse koningshuis ondersteun. Ek het die voorreg om met Lente in die blommetjiesitkamer van haar elegante huis in Pretoria oor ’n gedeelde passie te gesels. Ons is albei hartstogtelik teen die onwettige jag van renosters gekant. “Ek kyk gisteraand die volmaan so,” sê sy peinsend, “en ek kan maar net bid.” ’n Jagtersmaan. Dié het ek self gesien. Renosterstropers hou van…

Soete Kersfees Cadbury se Kerslekkertes is weer op die rakke. Daar is die heerlike Dream-coated Whispers Snowballs asook ’n stel van vier Kersfeesballetjies, gevul met happiegrootte sjokolades (Dairy Milk, Bubbly, Hazelnut & Flake). Die balletjies kan ook as versierings op jou Kersboom dien. By die meeste supermarkte teen R49,99 elk beskikbaar. *Pryse onderhewig aan verandering Vir warm dae Slaan die hitte hok met ’n yskoue Fitch & Leedes Grapefruit Tonic. Dit is die perfekte drankie saam met jenewer, vodka of tequila. Bedien dit met ’n skyfie pomelo, ’n takkie tiemie, bessies en mentblare. Beskikbaar in pragtige glasbotteltjies teen ongeveer R55 vir ’n pak van ses. Gesond en lekker Rugani spog met twee nuwe geure in hul reeks van groente- en vrugtesappe: 100% Turmeric Infused Carrot Juice en Zobo Infused Beetroot…

As jou gewoontes nie in lyn met jou drome is nie, moet jy óf jou gewoontes óf jou drome verander, verklaar John Maxwell, skrywer en motiveringspreker. Die meeste van ons droom van ’n gelukkige verhoudingslewe, maar wat as jóú slegte gewoontes die vyand in jou verhouding raak? Die goeie nuus is dat slegte gewoontes verbreek kan word, al is dit soms makliker gesê as gedaan. Bryant McGill, ’n sosiale entrepreneur en skrywer van Simple Reminders, sê die geheim is om vir iets of iemand liewer as vir die gewoonte te wees. Enige gewoonte het drie dele: ’n sneller, ’n roetine en ’n beloning, verduidelik Elliot Berkman, die direkteur van die Universiteit van Oregon se neurowetenskapslaboratorium. As jy weet wat die sneller is, kan jy dit vermy. ’n Verandering in roetine…

As daar nie vroue was nie, weet ek nie. Die wêreld sou in ligte laaie gestaan het. ’n Verskroeide aarde soos die niemandsland tussen die stellings van die Duitsers en Geallieerdes in Vlaandere in 1918. ’n Hel op aarde, ’n samelewing terneergedruk deur hebsug en eersug, aggressie en onverdraagsaamheid. Ek vra my saggeaarde broeders om verskoning. Ek weet. Daar is goeie mans, mans wat verstaan dat ware krag in goedheid en bedaardheid uitdrukking vind. In die sagte antwoord, die genadige reaksie. Maar in my ervaring was dit vroue wat dinge eintlik bymekaargehou het. Wat moue oprol as moles opgeruim moet word. Wat beessterk staan terwyl ander onder druk verkrummel. Wat hulp vra, pad vra, hande vat wanneer daar nood is. Wat die kinders, almal, soos in die mooi reël van…

Ons staan vroegmiddag in die ry op die lughawe om aan boord te gaan toe die Nuwejaarswense van my niggie in Melbourne, Australië, kom. Hul vrolike gesigte met glasies in hul hande, hul lywe bruingebrand van die somervakansie se ure by die see. Daar is nog nege uur van die jaar vir ons oor, maar hul sjampanjebottels is al leeg. Vir ons is Oujaarsaand op ’n vliegtuig Portugal toe. Ons wou van ons eie oorvol strande met hopeloos te veel mense wegkom en het gehoop dis stiller in die winter in Portugal. Iewers oor die Afrika-vasteland gee my lyf oor: die skerp sitplekgordel wat uit die effens gehawende vliegtuigsitplek in my heup boor, vervaag soos die slaap my oorval. Die botteltjie Portugese rooiwyn saam met my broodrolletjie het ook tot…

“Ek sou dalk ’n bietjie langer wou wees, maar andersins dink ek ek is in dié stadium so na aan perfek as wat ek kan wees. Vir my ouderdom is ek ’n groot en sterk seun,” sê die groenoogsangertjie Colin Scott Engelbrecht. Scott beteken “little warrior”. Hy is inderdaad ’n vegtertjie wat ’n kindersiekte oorwin het én die aanslag van boelies moes trotseer. Scott is die tweede oudste van vier boeties wat saam met hul pa, ’n sakeman, en ma, ’n perde-veearts, op ’n kleinhoewe in die suide van Johannesburg woon. Scott se debuutalbum is vroeër vanjaar uitgereik. Hy sing soos ’n nagtegaal en is slaggereed om met sy kinderskoene diep spore in die Suid-Afrikaanse musiekbedryf te trap. Scott het sangonderrig by die Russiese operasangeres Yulia Patrascoiu gekry. Deesdae doen…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Een Kersfees het ’n oupa by sy kleinkind gekuier. Toe hy in die gesinskamer instap, het hy die kleuter in sy speelhokkie sien staan en huil. Sy gesiggie was rooi gehuil. Toe klein Tommy sy oupa sien, het sy gesiggie opgehelder en hy het sy armpies vir hulp uitgesteek en by sy oupa gepleit: “Uittel, Oupa, uittel.” Watter oupa sou so ’n pleidooi kon weerstaan? Hy het oorgestap en afgebuk om die klein mannetjie uit sy gevangenskap te red. Net op daardie oomblik het Tommy se ma ingestap en kwaai gepraat: “Tommy, jy weet beter. Jy word gestraf. Los hom net daar, Pa!” Met dié het sy uit die kamer…