Tabla de contenidos para 6 December 2019 en Vrouekeur

Dis nie verbasend dat die artikel op bl 26 “Tyd vir afskaal” hierdie week my aandag getrek het nie. Dis presies waar ek is – ek skaal af. Jy weet jy is op daardie punt as jy skilderye en meubels waaraan jy eens op ’n tyd verknog was vir jou kinders gee en dit wat hulle nie wil hê nie, verkoop jy. As jy in die kombuiskaste invlieg en als wat jy vir drie maande nie gebruik het nie, uitgooi. As jy jou boekrakke takel en net die boeke hou wat vir jou onmisbaar is. Hoe meer ek uitgooi, hoe meer wil ek uitgooi. Dis asof ek in die proses sommer ook van ’n klomp emosionele bagasie ontslae raak. Moet net vir geen oomblik dink ek sien dit as deel…

As mens na Chereé Strydom se plasings op sosiale media kyk, sou jy maklik kon dink sy en manlief, Wynand, is nog in die wittebroodsfase. Hulle reis saam, is nie skaam om mekaar te liefkoos nie en skryf graag mooi woorde oor die ander by hul foto’s. Maar dié is geen jong liefde nie. Die Strydoms is al byna ’n dekade getroud en hul meisiekinders, Taylor-Hope en Bella-Joy, is onderskeidelik nege en sewe jaar oud. Hul geheim om die liefdesvlam aan die brand te hou? “Om nog saam te kan lag!” antwoord Chereé. “Ons is regtig steeds pêlle. Ons gesels met mekaar oor alles, maar ek praat wel seker heelwat meer as hy,” spot sy. Hul huwelik bestaan egter nie net uit vriendskap nie. “Dis belangrik om steeds drukkies te…

Toe die fliek The Boy in the Plastic Bubble destyds gewys het, het dit mense se verbeelding aangegryp dat ’n kind van kleins af in ’n geïsoleerde plastiekeenheid moet leef om hom teen enige vorm van infeksie te beskerm. David Vetter, wie se lewe die fliek geïnspireer het, is sonder ’n werkende immuniteitstelsel gebore – ook bekend as ernstige gekombineerde immuniteitsgebrek (SCID). Die siekte word veroorsaak deur ’n defek op een van verskeie moontlike gene, en maak die lyer ontvanklik vir lewensgevaarlike siektes, bakterieë en fungi. Omdat David se broer aan dieselfde siekte dood is, het dokters hom met geboorte dadelik in ’n plastiekeenheid gesit om hom só teen moontlike infeksies te beskerm. Só het hy vir byna 13 jaar geleef. David is in 1984 oorlede ná ’n mislukte beenmurgoorplanting…

ALTERNATIEF VIR KOEIMELK As jy vir koeimelk allergies is, is kameelmelk ’n alternatief. Dit bevat meer vitamiene C, B6, yster, kalsium, magnesium en kalium, en het ’n groter proteïeninhoud as koeimelk. Dit het natuurlike antibiotika wat die melk vir langer vars hou. Kameelmelk verteer ook maklik. Dit smaak baie soos koeimelk, R220 vir 100 g. Beskikbaar by www.camelmilksaouthafrica.co.za of www.takealot.com BEENAF OP BOONTJIES Ontdek die nuwe geure van KOO Baked Beans. Jy kan nou jou smaakkliere met die Barbeque Flavoured Sauce of Chilli Wors Flavoured Sauce prikkel. Nog ’n toevoeging tot die reeks is die Black Beans in Flavoured Brine vol proteïene en die Black Beans in Mexican Style Sauce with Red Bell Peppers. Albei kan koud of warm, net so of in sop, slaaie of roerbraai geniet word. Van…

HOU DIE KRAFFIE SKOON Dis nie die lekkerste takie om ’n wynkraffie skoon te kry nie, maar Riedel Stainless Steel Decanter Cleaning Balls maak dit makliker. Gooi die kraffie halfvol water, gooi die balletjies in en skud liggies tot vlekke weg is. Dit is teen R179 by www.yuppiechef.com beskikbaar. Die eerste soen en die eerste glas wyn is die beste– Marty Rubin HART VAN SOWETO Scottish Leader en die kreatiewe agentskap I See A Different You (ISADY) het kragte saamgesnoer om die eksklusiewe Scottish Leader Soweto Heart bekend te stel. Hoewel Scottish Leader Soweto Heart in Skotland gemaak word, is dit belis deur Suid-Afrika geïnspireer. Die whisky is landwyd beskikbaar terwyl voorrade hou. Die voorgestelde handelsprys is R279. SPLINTERNUWE WYNGIDS Die Platter’s by Diners Club Suid-Afrikaanse Wyngids 2020 is onlangs…

Ek het nog nooit van extreme sport gehou nie. ’n Groot inspuiting adrenalien is goed en wel, maar die lewe self is skrikwekkend genoeg om my op my tone te hou. Finansies, werksverpligtinge, spitsverkeer en ons landspolitiek gee my genoeg die horriepiep, dankie. Tot ’n rukkie gelede, toe ons weer by Danielle se pa op Plettenbergbaai gaan kuier het. Net ’n entjie van skoonpa se huis af is die Bloukransrivier in die Tsitsikamma. Kom rivier, bou mens brug. Meer spesifiek die Bloukransbrug, tuiste van die Guiness Book of World Records se hoogste reksprong ter wêreld. Watter mens by sy volle verstand sal kies om 216 m van ’n brug af te val met net ’n stukkie tou tussen lewe en dood? Beslis nie ék nie. Of so dog ek. Danielle…

Giorgio Vasari begin sy boek oor die lewe van die voorste skilders, beeldhouers en argitekte van die Renaissance (in Engels vertaal as The Lives of the Most Eminent Painters, Sculptors and Architects) met die eerste hoofstuk oor Cimabue, die man wat hy sê die grondslag van die skilderkuns in Italië gelê het. Cimabue, ook bekend as Cenni di Pepo, is in 1240 (so word aanvaar) in Florence gebore en is in 1302 in Pisa dood. Van sy vroeë lewe is min bekend en Vasari se inligting word allerweë met die spreekwoordelike knypie sout geneem. Wat wel aanvaar word, is Vasari se opmerking dat Cimabue ’n beduidende rol in die herlewing van die skilderkuns gespeel het. Ná die Middeleeue, wat teen so 1300 tot ’n einde gekom het, het die Renaissance…

Velhonger – ’n nuwe begrip vir my. Tog weet ons eintlik wat dit is, of ons dit al ’n naam gegee het of nie, of daarvan bewus was dat daar so iets is of nie. In ’n wêreld waar tegnologie ons lewens oorgeneem het, waar ons eerder vir mekaar ’n boodskap stuur as om mekaar fisiek te sien, raak ons al hoe minder aan mekaar. Wat doen hierdie gebrek aan aanraking aan ons? In Peter Collins, ’n Kanadese gevangene, se kort rolprent Fly in the Ointment vertel hy van sy verlange om net aan gevat te word. Hy vertel van lang tye wat hy in isolasie moes deurbring sonder enige menslike aanraking en watter hel dit letterlik was. Maar dis nie net gevangenes wat na aanraking smag nie – daar…

■ BEL Magsathome by 087 405 2002 (plaaslik)of +27 (0)21 045 1809 (internasio naal)KREDIETKAARTBESONDERHEDE envir DEBIETORDEROPSIES ■ SMS die woorde ‘CAXTON VK’ na 47098(R1,00 per SMS) ■ STUUR ’N FAKS na 086 670 4101 met joubesonderhede van hernuwingof intekening ■ SKRYF IN OP ONS WEBWERWE www.vrouekeur.co.za/ www.magsathome.co.za ■ STUUR ’N E-POS na subs@magsathome.co.za ■ POS ’N TJEK uitgemaak aan MagsathomeSubs en stuur dit saam met ’n brief en joubesonder hede van hernuwing of inteke ning na:Vrouekeur-subskripsies, Vrypos CBO209, Posbus596, Howard Place, 7450 ■ Doen ’n ELEKTRONIESE OORBETALING ofbetaal met ’n DIREKTE DEPOSITO Rekeningnaam: Magsathome Subs Bank: Nedbank Takkode: 12320900 Rekeningnommer: 1232073059BELANGRIK! Gebruik jou VAN enSUBSKRIP SIE NOMMER of jou VAN enSELFOONNOMMER as verwysing met ’nelektroniese betaling of direkte deposito en faksdit met jou betalingsbewys en posadres na 086670 4101/subs@magsathome.co.za…

Almal het dit al oorgekom, maar weet nie noodwendig hoekom dit so ’n skokkende ervaring is as jy jou elmboog stamp, hoekom jy hik, hoekom jou ooglid soms spring en hoekom jy gaap nie. Selfs wetenskaplikes kan dit nie altyd verklaar nie, dus is onderstaande slegs ’n paar oorsake. EINA TOG! Ek het my skokbeentjie/gottabeentjie/funny bone gestamp. Dis wat mense sê as hulle hul elmboog stamp en daai skok deur jou arm trek. Die interessantheid is dat dit glad nie ’n beentjie is nie en dis ook allermins snaaks. Dit ulnasenuwee loop van die nek af, langs die skouer en boarmspier verby, oor die elmboog, met die voorarm langs, deur die gewrig tot in die helfte van die ringvinger en die punt van die pinkie. Waar dit om die elmboog…

“Die huidige ekonomiese situasie en gedurige veranderinge in die werksplek en tegnologie beteken ons moet ons denke oor loopbaanbeplanning verander,” sê Theresa van den Berg, ’n opvoedkundige sielkundige “Jongmense moet met vaardighede soos selfontwikkeling toegerus wees en leer om kreatiewe loopbaankeuses- en-veranderinge te trotseer en beroepsaanpasbaar te wees. Wat belangrik is, is nie hoeveel jy gaan verdien of dat jy ’n ingenieur of dokter móét word omdat jy agt onderskeidings gekry het nie. Die konteks van jou lewensverhaal, aanpasbaarheid, waardebepaling, doelwitte, selfkennis en belangstellings gaan jou loopbaankonstruksie beïnvloed. “Dit is belangrik om positief te kyk na die veranderinge, vooruitgang en vermenigvuldiging van inligting wat ons huidig beleef. Dis belangrik dat jongmense die vaardigheid aanleer om geleenthede, nuwe produkte of dienste te kan identifiseer. “Mense wat voel hulle het die verkeerde…

BISCOTT 72 stukke 500 ml (250 g) bosbessies, gedroog20 ml (4 t) lemoensap1 000 ml (540 g) koekmeel250 ml (210 g) suiker10 ml (2 t) bakpoeier2,5 ml (½ t) sout125 ml (120 g) sagte botter250 ml (210 g) suiker10 ml (2 t) lemoenskil5 ml (1 t) vanieljegeursel4 groot eiers375 ml (185 g) pistasieneute, grofgekap Voorverhit oond tot 180 °C. Spuit bakplate met kleefwerende sproei en voer met waspapier uit 1 Meng bosbessies met lemoensap en verhit vir 45 sekondes in mikrogolf. Laat staan om af te koel. 2 Meng meel, suiker, bakpoeier en sout. Hou eenkant 3 Klop botter, suiker en lemoenskil drie minute tot lig en donsig. Gooi vanieljegeursel en eiers een op ’n slag by 4 Gooi droë bestanddele by bottermengsel en meng liggies. Gooi bessies en neute…

Dis ’n vriend wat konsert hou en en sy eerste kitaarmusiek bekendstel wat my op ’n heel onverwagse reis neem. Die titel snit van sy CD is Mahai – “dis eenvoudig net een van daai magical plekke”, sê hy voordat hy en sy groepie musikante stilweg en nadenkend wegval. Die kitare voer my mee na laatnagvure en baie stories. Tot in die vooroggend tokkel die note in my. Ek glo nie dis per toeval dat ons die volgende dag ’n oproep van totaal onverwante vriende ontvang nie: “Kom kamp saam met ons in die Drakensberge, die plek se naam is Mahai.” Sê weer? Mahai. En ek staan nog met gisteraand se konsert-CD in die hand toe ek antwoord: Ons is in! (Plus ek weet wat om vir jou vir jou…

Die album skop af met ’n kort nuusberig deur die veteraanuitsaaier Riaan Cruywagen: “In die nuus: rugby, die weer en Openbaring …” Die voormalige pastorieseun Francois Badenhorst – beter bekend as die Afrikaanse punkrocker, aanbieder van die Van Coke Show en The Voice SA-afrigter Francois van Coke – se derde solo-album, Dagdrome in Suburbia (VCK-Musiek), is sy beste nóg! Dit is 11 musikale fotoflitse van sy lewe – en die lewe om hom. Dit is ’n selfondersoekende album en ’n klankpalet van die realiteite van sy gisterwortels en sy huidige omstandighede – met selfs ’n bespiegelende toekomsblik. Verskeie regisseurs en liedjieskrywers het hieraan meegewerk en die resultaat is ’n spektrum van rockdissiplines. Daar is mokerrock, ritmerock en akoestiese rock. Francois het die album hoofsaaklik in samewerking met sy orkes, Die…

Van ’n eenvoudige Engelse volksliedjie met sy oorsprong so ver terug as 1580 het Ralph Vaughan Williams ’n klein orkestrale fantasie gemaak waarin hy die wese van Engelse musiek vasvang: sy Fantasia on Greensleeves van 1934. Hy is immers die man wat opgemerk het: “The art of music above all arts is the expression of the soul of the nation.” In dié fantasie van net minder as vier minute tower Vaughan Williams ’n klankprentjie van pastorale harmonie op – met liriese strykers en beskrywende fluitpassasies. “Fantasie” het in dié konteks inderdaad die betekenis van dagdroom, maar dit is ook ’n aanduiding van musiek wat op bestaande musiek geskoei is. Daar is mense wat meen Greensleeves is die werk van koning Henry XVIII, en dat hy dit vir Anne Boleyn sou…

NARSIS Ek vermoed dat my skoondogter ’n narsis is. Sy praat net oor haarself, lieg, is altyd die slagoffer, is baie manipulerend, maar kan ook uiters sjarmant wees en het duisende aanhangers op Facebook. Alles gaan oor haar en indien nie, sal sy dinge manipuleer om oor haar te gaan. Dit voel soms vir my asof sy ons gesin gaan verwoes met haar dubbele persoonlikheid. My seun praat nie oor haar selfgesentreerde gedrag nie en ek vermoed hy het tot ’n pantoffelregering ingestem. Is daar iets wat ek hieraan kan doen sonder om haar kwaad te maak? – Skoonma Selfs binne die konteks van terapie daag narsiste (jy kry die persoonlikheidstipe en ’n persoon wat sodanige trekke toon) selde vir terapie op aangesien hulle terapie as ’n swakheid beskou. Hulle…

Hierdie lieflike boekbevat nege dierestoriesvir voorlees ofselflees. Klassiekedierestories wordingesluit, onder meerDie lelike eendjie enDie drie varkies. www.nb.co.za 3 lesers kan die boek wen. SMSDIERE gevolg deur jou naam, vanen adres voor 11 Desember 2019na 48410. SMS’e kos R1,50 en is net virmense in SA. Geld word vir foutiewesleutelwoorde gehef en gratis SMS’egeld nie. Bepalings en voorwaardes: Deur vir hierdiekompetisie in te skryf, gee jy Caxtontydskriftedie reg om ander Caxton-tydskrifaanbiedingeaan jou te bied.…

Ons ontmoet in ’n koffiewinkel op Mosselbaai waar sy en haar gesin al jare lank vakansie hou. Carine Rous is ’n mooi vrou en in haar kortbroek en geblomde hemp lyk die 35-jarige aktrise terselfdertyd sjiek en jeugdig. Dis veral haar pragtige vel wat jou opval Maar eers wonder jy oor die seldsame van Rous. Sy, ’n nooi Van der Westhuizen, verduidelik dis te danke aan haar wederhelf van die afgelope dekade, Luke Rous. “Jy spreek dit uit soos house of mouse. Ek dink dis van Nederlandse afkoms, maar ek’s nie 100% seker nie. “Ek sien na ’n goeie rustyd uit – dit was ’n uitdagende paar jaar. Die bedryf gaan deur ’n moeilike tyd weens die ekonomie, maar ook probleme by die SABC wat vroeër meer werksgeleenthede gebied het.…

Kenners raai mense aan om inkomsteversekering uit te neem sodra hulle die arbeidsmark betree. Hoewel ’n kontantbedrag inderdaad nuttig is om vir jou onmiddellike behoeftes soos aanpassings aan jou huis of motor of vir jou kinders se toekomstige studies te betaal, is dit ook nodig om jou toekomstige verdienstes, bevordering, loopbaanskuiwe en groei in beleggings sowel as inflasie in berekening te bring. Onthou ook dat sou jy byvoorbeeld ’n parapleeg word en jy nog jare lank kan leef, ’n kontantbedrag dalk nie voldoende sal wees nie. Dit is waarom kenners ongeskiktheidsversekering sowel as ’n inkomstebeskermer aanbeveel. Met ’n maandelikse inkomste is daar ook minder kans om voor die versoeking te swig om jou kontantbedrag roekeloos te gebruik. Hou tred met jou salaris en inflasie deur seker te maak jou paaiemente…

KOOP DIT HIER Bacon Bikinis www.baconbikinis.com BeanBagTheBrand www.beanbagthebrand.com Bikini Love www.onlinebikinishop.co.za Granadilla www.granadillaswim.com MrP www.mrp.co.za Woolworths www.woolworths.co.za…

BLOMKOOLSLAAI 4 porsies 1 groot blomkool30 ml (2 e) olyfolie15 ml (1 e) groentespeserye2 00 g (1 pakkie) spek, in stukkiesgesny en gebraai3 selderystokkies, gekap3 sprietuie, gekap3 groot agurkies, gekap125 ml (½ k) mayonnaise Stel oond op 180? C 1 Breek blomkool in stukkies, bedruip met olie en geur met groentes peserye. 2 Bak blomkool vir 20–30 minute of tot sag. Laat afkoel. 3 Meng blomkool, spek, seldery, sprie tuie, agurkies en mayonnaise. WENK Die slaai kan tot twee dae in die yskas gebêre word RYSSLAA 4 porsies 500 ml (2 k) rys1? (4 k) groente-aftreksel1 rooi ui, fyngekerf1 rooi soetrissie, fyngekap1 groen soetrissie, fyngekap410 g (1 blikkie) pitmielies, gedreineer400 g (1 blikkie) rooibone, gedreineer3 sprietuie, gekap15 g (1 pakkie) vars koljander160 ml (⅔ k) koljander-en-lemmetjieslaaisous 1 Kook rys in…

DESEMBERWENBOEK Desemberwenners wen René van Zyl se boek Die Alfadokument (LAPA Uitgewers). Nadat die biljoenêr Nico Cohen, die stigter van ’n berugte internasionale geloofsorde, sterf, erf sy 20-jarige dogter, Michaela (’n sosiale vlinder), sy posisie. Die oorblywende direkteure van die orde, die Groot Ses, stuit vir niks om te sorg dat hulle in beheer bly nie – ook nie vir moord nie. Dit gaan ’n eks-taakmaglid kos om die rykmansdogter te help om die orde se geheime oop te vlek. Josh Young het sy eie redes waarom hy die maatskappy se onderduimshede wil ontmasker. Saam moet hulle die orde se geheime Alfa-dokument opspoor. Dis hul enigste kans om te wys watse onheilighede werklik agter die sukses van die Groot Ses skuil. Die soektog neem hulle op ’n gevaarlike ekspedisie regoor…

ROLPRENTE 21 BRIDGES Met Chadwick Boseman en Sienna Miller Regisseur Brian Kirk AKSIE-AVONTUUR Die fliek-Kersboom word hiermee amptelik opgerig! En die eerste blink Kersbal, wat sommer heel bo pryk, is ’n aksie-avontuurdrama waarin ’n hele stad tot stilstand kom. En wie anders as Hollywood sal met so ’n vergesogte idee vorendag kom en boonop daarmee wegkom! Twee New Yorkse polisiemanne word vermoor. ’n Speurder met baie bagasie uit die verlede, Black Panther se aantreklike spierpaleis Chadwick Boseman, besef daar is ’n vrot appel in die polisievrugteboord en hy moet hom/hulle uitruik. Maar die kersie op die Kersfeesvrugtekoek is dat die hele Manhattan beleër word en al 21 brûe na die middestad gesluit word in ’n poging om die skuldige(s) vas te trek. Hoe gaan dit Kersinkopies beïnvloed? Volgens die lokprent…

Soms kan ’n roman ’n stad só goed vasvang dat dit by mens die begeerte wek om die stad te besoek of dwing om anders na ’n bekende stad te kyk. Dink maar aan Harry Kalmer of Ivan Vladislavic se romans oor Johannesburg of Orhan Pamuk s’n oor Istanbul. Die Nederlandse skrywer Ilja Leonard Pfeijffer se roman Die mooiste meisie van Genua vang dié Italiaanse stad op onvergeetlike wyse vas. Talle mense stroom na Genua in die hoop om daar geluk te vind. Genua is, as hawestad in die suide van Europa, ’n plek waar baie vlugtelinge uit Afrika met die hoop op ’n beter lewe beland, maar die karakters in dié roman sluit mense op alle vlakke van die samelewing in: ’n ryk man wat op avontuurlike manier sy…

“Wat ek in hierdie stadium nodig het, is ryk vriende wat nie skaam is om vir my geld te leen nie.” Verwey grinnik bitter vir die kroegman en sit sy bierbottel dan net té hard op die houtblad neer. “Probleme?” vra die man langs hom. Hare netjies agteroor gekam. Donker snyerspak. Duur naskeermiddel. Die toonbeeld van sukses. Verwey voel hoe die vreemdeling hom takseer en skuif reg op die kroegstoeltjie. Hy kan mos nie sommer sy persoonlike sake hier aan die man sit en uitblaker nie, hy het ook sy trots, al is hy net ’n bouer. Maar hy wil ook nie kortaf en ongeskik klink nie, dis nie in sy aard nie. “Ag, die gewone, Meneer,” antwoord hy ongeërg. “My vrou gee vinniger geld uit as wat ek dit…

APPELKOOSFEES 2019 Die vierde Appelkoosfees vind op 16 Desember op Prince Alfred Hamlet op die prentjiemooi Elandsrivier-boerdery plaas. Ervaar ’n trekkerrit op ’n kratwaentjie en pluk appelkose in die vrugteboorde of ontspan op ’n piekniekkombers onder die bome. Daar sal heerlike eet- en drinkgoed wees en vermaak vir jonk en oud. Die opbrengs gaan aan die Vyeboom-dagsorg wat na kinders van die plaasgemeenskap omsien. Feeskaartjies is by www.quicket.co.za beskikbaar. Vind meer uit by 082 446 6329 KIRSTENBOSCH SE SOMERKONSERTE Kirstenbosch Botaniese Tuin in Nuweland, Kaapstad, se gewilde Somerkonserte, in samewerking met Old Mutual, het onlangs afgeskop. Die volgende optredes is Watershed op 8 Desember, Kersmusiek op 12, 13, 14 en 15 Desember, Shekinah en Unathi op 22 Desember en Goldfish op 29 Desember. Kaartjiepryse wissel. Bespreek via www.webtickets.co.za en besoek…

PLANTE WAT MUSKIETE AFWEER Muskiete is glo nie mal oor die volgende plante se geur nie. Dis dus ’n goeie idee om hulle in en om die huis te hou: laventel, sitroenkruid, sitronella, basiliekruid, magrietjies Besoek www.lifeisagarden.co.za Maak tuin asof jy vir altyd gaan leef– William Kent GEE DIE GRAS KOS Desember is baie warm en daarom is messtof vir die grasperk baie belangrik. Gebruik ’n messtof wat ryk aan stikstof is. Maak die grasperk goed nat nadat jy kos gegee het. HET JY GEWEET? As mens gereeld eierdoppe by tuingrond voeg, sal die gehalte daarvan mettertyd verbeter. Maak eierdoppe fyn, meng dit met water en meng dit dan in die grond in. BESKERM DIE PLANTE Dis nou ’n goeie tyd om aarbeie te spuit om hulle teen slakke te…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 22 woorde, goed 29 woorde, baie goed 34 woorde of meer, uitstekend OPLOSSING: Sabotasie, isobaat, taaibos, abasie, abiose, basies, besaai, soebat, abses, absis, asbes, asbos, basis, basta, batis, batos, beits, besit, betas, biota, boeta, taboe, baai, baas, baat, baie, bate, beta, bies, bits, boei, boet, bose, bots Woordsoek Daar is 28 plekke in Afrika (lande,…

Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Daad wat van dapperheid en onverskrokke optrede getuig SMS jou antwoord, voorletters, van en dorp/stad voor of op 25 Desember 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…