Tabla de contenidos para 29 November 2019 en Vrouekeur

As kind op skool in die jare sewentig het menige onderwyser, dominee (ag, eintlik die samelewing waarin ek grootgeword het in die algemeen) gefrons oor enigiets wat anders was, maar dit meer dikwels veroordeel. As mense nie volgens die groep se reëls en regulasies gedink of gedoen het nie, was hulle verkeerd, soms selfs van die duiwel. Die Rooms-Katolieke Kerk, maar ook die AGS-kerk, was gevaarlik. Behoede jou as jy ’n kruisie om jou nek gedra het en van die mense in die AGS-kerk is as die “wederdopers” gepraat. Oor Oosterse gelowe is daar nie eens gepraat nie – joga, meditasie en wierook was gewoon uit die bose. Die drie susterskerke was die norm. Dit was die waarheid en die einde van die gesprek. Boonop mag mens ook nie teëgepraat…

Demi-Leigh Nel-Peters het Suid-Afrika vroeër vanjaar as beoordelaar vir Mej SA besoek. Dit was ’n besige paar dae vir haar en om by die propvol dagboek in te pas, is die Vrouekeur-voorbladfoto’s een weeksoggend baie vroeg in Johannesburg geskiet. Met die instap is dit duidelik sy is baie professioneel en tydens die shoot kan mens sien hoekom sy ’n internasionale model is. Terwyl die grimeerkunstenaar haar reeds mooi gesig grimeer, gesels ons oor haar lewe in New York, haar verloofde, en hoe ’n tipiese dag in haar lewe lyk. Die meeste van ons kan net daarvan droom om New York te besoek, maar dit is in hierdie wêreldstad waar Demi-Leigh nou al bykans twee jaar woon. “Ek geniet dit baie, maar ek moet eerlik wees, dit ís oorweldigend.” Sy sê…

KOOP DIT HIER: Aloha hair www.alohahair.co.za Bellabaci www.bellabaci.com Gary Rom www.garyrom.co.za Nimue www.nimueskin.com Sorbet www.sorbet.co.za The Body Shop www.thebodyshop.co.za Woolworths www.woolworths.co.za Yorba Organics www.yorba.com…

Vir Marissa Booyse was 2013 die slegste jaar van haar lewe. “Die liefde van my lewe is in Februarie 2013 met kanker gediagnoseer. Ek het tydens die chemo en bestraling hard saam met hom baklei.” ’n Facebook-plasing van haar gedurende Oktober vanjaar vertel hoe intens sy heengaan haar steeds raak: “Tomorrow marks six years, my love. Still miss you and love you as much as the first day you left.” Ongelukkig het 2013 vir haar nog slegter verloop, want op 4 Oktober dieselfde jaar het sy ’n ongeluk gehad wat haar lewe ingrypend verander het. Sy was op pad huis toe ná werk op haar motorfiets toe dit gebeur het. “’n Man in ’n bakkie het ’n U-draai voor my gemaak. Ek het reg in sy voordeur vasgery en die…

RATATOUILLE 4 porsies 1 groot ui, gekap5 ml (1 t) fyn knoffel5 ml (1t) herb de provence of gemengde kruie410 g (1 blik) Mediterreensgegeurde tamaties2 eiervrugte, in 0,5 cm-ringe gesny3 middelslag-murgpampoentjies, in ringe gesny1 rooi soetrissie, in 2 cm-blokke gesny3 tamaties, in ringe gesny3 tiemietakkies1 lourierblaar15 ml (1 e) olyfolie Stel oond op 180 C. 1 Braai ui, knoffel en kruie saam tot sag.2 Gooi blik tamaties by en laat kook tot verdik.3 Pak eiervrug, murgpampoentjie, soetrissie en tamatie op hopies.4 Skep uiemengsel in oondbak en pak groentehopies opeenvolgend daarin soos op foto.5 Giet olyfolie oor en bak vir 40 minute of tot groente sag is. UIETERT 4 porsies 400 g (1 rol) skilferkorsdeeg60 ml (¼ k) uiemarmelade3 rooi uie, in ringetjies gesny100 g (1 pakkie) groenolywe, ontpit1 heel knoffelknol60…

Mark Twain het gesê mens kry die idee dat Mauritius eerste gemaak is en toe die hemel en dat die hemel soos Mauritius lyk. Ja, die woorde “spierwit strande, kristalhelder water, skemerkelkies terwyl die son sak” klink dalk soos ’n cliché, maar hierdie woorde herroep presies wat jy op Mauritius ervaar. Ek was ’n gas van Club Med op Mauritius en die bonus as mens na een van hul oorde gaan, is dat omtrent als by jou pakket ingesluit is. Jy kan eintlik jou beursie by die huis los (maar moet wel nie!). Van die vlugte na Mauritius, die vervoer van die lughawe na die oord, al jou etes (ontbyt, middagete, aandete, versnaperings), drankies (sekere duur drankies is vir jou eie rekening, maar dis net die regtig baie duur drank),…

ArtBewing, die kunstefees waarmee die verwoestende aardbewing gedenk is wat Tulbagh en omstreke in 1969 getref het, is einde September in dié Bolandse dorp aangebied. Ná 50 jaar is daar min sigbare aanduiding in die dorp van dié aardbewing wat destyds 6,3 op die Richterskaal gemeet het. Wat wel uit die fees geblyk het, is iets van die mens se vermoë om aan te gaan én die mens se onblusbare kreatiwiteit Op 29 September 1969, net ná 22:00, het dié aardbewing met Tulbagh as episentrum die Wes-Kaap geskud – die skok is so ver as Muizenberg gevoel. Volgens berigte het 11 mense omgekom en talle van die dorp se historiese geboue is in puin gelê. Dit was onder meer die skade aan geboue in die historiese Kerkstraat wat destyds in…

Wat is dan nou mooier as ’n lappie sonneblomme wat kopknikkend in ’n briesie staan? Gelukkig is sonneblomme maklik om te kweek en as jy ’n sonnige bedding het, kan jy gerus ’n paar saadjies in die grond druk. Sonneblomme (Helianthus spp) is inheems aan die Amerikas waar hulle eeue lank deel van mense se dieet was. Hulle is eers onlangs as ornamentele blomme begin plant. Kwekers het vinnig op die behoefte gereageer en daar is vandag ’n wonderlike verskeidenheid kultivars beskikbaar Sonneblomme is fantastiese plante vir beginnertuiniers en selfs kinders om te plant. Nie net groei dit sonder fiemies nie, dit bied vinnig resultate en het die dubbele beloning van mooi blomme en eetbare sade. As jy kinders het, kan julle selfs ’n kompetisie hou om te sien wie…

Deur XWORD.CO.ZA Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 41 woorde, goed 49 woorde, baie goed 58 woorde of meer, uitstekend OPLOSSING: Ietermago, agterom, groeite, moeërig, teorema, toeërig, geroei, geroem, getoer, groete, moerig, moetie, omgiet, oragie, teorie, trogee, argot, ergot, gemor, gemot, getoë, goeie, groei, groet, grote, imago, marog, metro, moete, moeti, omega, omgee, orgie, orige, ratio, regio, roete, troei, amor, emoe,…

■ BEL Magsathome by 087 405 2002 (plaaslik) of +27 (0)21 045 1809 (internasio naal) KREDIETKAARTBESONDERHEDE en vir DEBIETORDEROPSIES ■ SMS die woorde ‘CAXTON VK’ na 47098 (R1,00 per SMS) ■ STUUR ’N FAKS na 086 670 4101 met jou besonderhede van hernuwing of intekening ■ SKRYF IN OP ONS WEBWERWE www.vrouekeur.co.za/www.magsathome.co.za ■ STUUR ’N E-POS na subs@magsathome.co.za ■ POS ’N TJEK uitgemaak aan Magsathome Subs en stuur dit saam met ’n brief en jou besonder hede van hernuwing of inteke ning na: Vrouekeur-subskripsies, Vrypos CBO209, Posbus 596, Howard Place, 7450 ■ Doen ’n ELEKTRONIESE OORBETALING of betaal met ’n DIREKTE DEPOSITO Rekeningnaam: Magsathome Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIP SIE NOMMER of jou VAN en SELFOONNOMMER as verwysing met ’n elektroniese betaling…

“Ek wroeg nie, die lewe is te kort. Ek probeer om met humor ’n huppel in die stap te sit. Die lewe is ’n lang, onbekende pad. Ek hou van the road less travelled. In realiteit is ek steeds ’n outsider – die een wat van buite na binne kyk en wanneer ek tuis is, van binne na buite …” sê Anton Goosen, die Liedjieboer. Dié Suid-Afrikaanse musieklegende vier vanjaar 40 jaar in die musiekbedryf met ’n splinternuwe album, 40 jaar: Liedjieboer innie langpad: 1979–2019. Dié album bevat nuwe liedjies, onder meer Swart Water (Die vloek van Boontjieskraal), Skippetjie skommel en ’n Veer uit die Klein-Karoo. Daar is ook temaliedjies van rolprente en alternatiewe 1980-opnames van onder meer Boy van die Suburbs, Blommetjie gedenk aan my, Byeboerwa en Harlekyn. Die…

#bakliefde Mareli SOETMIELIEWAFELS 18 wafels 500 ml (270 g) koekmeel7,5 ml (1½ t) bakpoeier5 ml (1 t) suiker2,5 ml (½ t) koeksoda sout en peper na smaak125 ml (½ k) soetmielies, gevries125 ml (½ k) kaas, fyngerasper15 ml (1 e) pietersielie, fyngekap2 groot eiers310 ml (1¼ k) karringmelk60 ml (¼ k) gesmelte botter Voorverhit wafelmaker 1 Meng meel, bakpoeier, suiker, koeksoda, sout en peper goed.2 Gooi soetmielies, kaas en pietersielie by en meng.3 Klits eiers, karringmelk en botter saam en meng met droë bestanddele.4 Skep lepelsvol beslag op wafelplaat en bak tot goudbruin en gaar.5 Sit met gebakte eier en slaai voor.…

Riana Nel se aanhangers moes twee jaar lank vir haar splinternuwe album, Sterker (Coleske), wag. Sedert sy as gospelkunstenaar met die alternatiewe album Oopmond gedebuteer het, het Riana met elke album daarna – onder meer die sekulêre albums Die moeite werd en Die regte tyd – ontwikkel. Haar vorige album, Jy sal weet, het vyf nommereentreffers opgelewer. Tussen haar ander treffende werk tel ’n rits duette – met André Swiegers (Blou), Bobby van Jaarsveld (Die liefde kom net eens in ’n leeftyd), Die Heuwels Fantasties (Doen net wat ons wil), Retief Burger (U’s my God) en Steve Hofmeyr (Skree). Sy is in 2013 met Cornel de Beer getroud en hulle het twee kinders, Tristian en Sebastiaan. Sy was ook ’n afrigter by die TVwerklikheidsreeks The Voice South Africa. Die talle…

Ná die drie CD’s van 2017, Live from Covent Garden, The Complete Recitals en Eternamente: The Verismo Album, het die Roemeense sopraan Angela Gheorghiu pas haar jongste CD uitgereik: Plaisir d’amour. Dié album met 23 snitte sluit seldsame, maar ook klassieke liedere in, ’n versameling wat Gheorghiu nog nie voorheen opgeneem het nie. Met Alexandra Dariescu agter die klavier neem Gheorghiu haar luisteraars op ’n reis deur die ekstase én dieptes van die liefde, reg oor die wêreld. Sy begin met twee Roemeense liedere, maak ’n draai in Frankryk aan die hand van Claude Debussy (“Nuits d’étoiles” en “Beau soir”) en Gabriel Fauré (“Après un rêve” en “Mandoline”) voordat sy twee liedere van die Russiese Sergei Rachmaninoff sing. Voordat sy met die Brasiliaan Heitor Villa-Lobos se “Melodia sentimental” en die…

Olivia Krouwkam, ’n prokureur by Krouwkam Prokureurs, woon in ’n lekker leefhuis op Worcester saam met haar honde, Frida en Diego. Olivia deel haar huis met ’n paar huismaats. Die huis se styl is ietwat gemeng: baie ou geverfde meubels met pragtige kleure. Antieke meubels is nuut gestoffeer en het ’n tweede lewe gekry en hier en daar word oudhede met ’n moderne element en retro afgewissel. Olivia se ouers het die huis gekoop en sy woon die afgelope drie jaar daar. Die huis is groot, met ’n heerlike swembad en groot grasperk en kuierplek buite, waar die honde hulself gate uit kan geniet. VERANDERINGS AANGEBRING Olivia vertel: “Ons het die kombuis verander, nuwe kaste, rakke en ’n wasbak ingebou, nuwe ligte in die huis installeer, vinielplakkers teen die mure…

MOEILIKHEIDSGRAAD: ⋆ ⋆ WAT HET JY NODIG? 3 balle ELLE PREMIER NATURAL COTTON DK (100 g) in Taupe4 mm-naalde4 mm-sirkelnaald merker AFKORTINGS aw = aweregsdon = draad om naaldgl1 = glip 1 stherh = herhaalpm = plaas merkerr = regsr2tes = regs 2 steke tesame GROOTTE 160 cm wyd en 60 cm van bo tot by punt AANWYSINGS Sjaal Stel 3 ste op. Ry 1: r. Ry 2: r1, (don, r1) 2 keer. Ry 3: r1, don, r3, don, r1. Ry 4: (r1, don, r2, don), pm, (r1, don, r2, don), r1. Ry 5: r1, don, r tot by merker, skuif merker, r tot laaste st, don, r1. Ry 6: r1, don, r tot by merker, don, skuif merker, r1, don, r tot laaste st, don, r1. Herh Ry 5…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria- Noord en is al 20+ jaar ’n predikant Ons staan op die drumpel van die maand van gee. Kerstyd is vir baie van ons sinoniem met gee. Ons is almal aansienlik vrygewiger in Desember. Kersfees herinner ons opnuut aan die grootste geskenk wat aan ons gegee is, naamlik dié van Immanuel – God met ons Maar hoe gee ons? Is daar altyd liefde in ons gee? Theodor Schnitzler, ’n priester van Keulen, het van ’n belewenis vertel wat hy kort ná die Tweede Wêreldoorlog gehad het. ’n Paar dae voor Kersfees het hy ’n oom in die ouetehuis besoek. Tydens sy besoek is ’n groot mandjie vol bederfies (sjokolade, neute, sigare, wyn, konjak, warm sokkies, ensovoorts) by…

Kwaaikofski is ’n privaat speurder. Hy het nou eenmaal die talent daarvoor. Hierdie omnibus bevat drie van Speurder Kwaaikofski se gewildste avonture vir beginnerlesers. Geskik vir ouderdomme ses tot nege. www.nb.co.za 3 lesers kan die boek wen. SMS KWAAIKOFSKI gevolg deur jou naam, van en adres voor 4 Desember 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

Louw Breytenbach (30) beskryf homself as ’n entrepreneur, akteur en skrywer met ’n ongelooflike voorliefde vir soetgoed, mooi harte en absolute eerlikheid. Baie sal hom dalk onthou vir sy rol in die realiteitsreeks Drama-mammas, wat vroeër vanjaar op VIA (DStv kanaal 147) uitgesaai is. Hy was ook ’n medevervaardiger van die reeks. “Dit was ’n aardige ervaring omdat nie alles altyd realiteit is nie, maar die storielyn moet gebou word en dus is daar maar ’n mate van karakter wat behou word,” vertel hy. “Ek sal vir seker weer so ’n reeks wil aanpak. Dit was groot pret, baie trane en baie leer – alles beslis die moeite werd!” Drama-mammas is egter maar net een van baie dinge op sy kerfstok. Sy biografie op sy webwerf, en die chronologiese lys…

NOVEMBER-WENBOEK ’n Nuwe weergawe van die bekende Uit die Beek uit die pen van die bekroonde skrywer Barend Vos is tans beskikbaar. Die tekskeuse vir elke dag is op die Revised Common Lectionary gegrond en maak hierdie geliefde Bybelse dagboek soos altyd geskik vir persoonlike stiltetyd, vir huisgodsdiens en vir Bybelstudiegroepe. Die boek word deur Lux Verbi uitgegee en is by toonaangewende boekwinkels en by www.nb.co.za beskikbaar ANGELIQUE GROBLER VAN BLOEMFONTEIN IS ONS WENNER VANDEESWEEK: ▶ Gooi ’n teelepel bruinsuiker in ’n bietjie asyn en drink dit om ’n gehik weg te vat ▶ Hier is ’n goeie wenk vir sonbrand: Gooi ’n koppie of twee appelasyn in badwater om die brand weg te vat ▶ As jou naels gevlek het, sny ’n suurlemoen in die helfte en druk jou…

AAN DIE GANG Futurelife se nuutste toevoeging, Energize, is ’n innoverende en gerieflike drinkbare maaltyd wat 60 ml poeier en 200 ml gesuiwerde water bevat. Ideaal vir wanneer jy op pad is en ’n vinnige maaltyd benodig. Skud en geniet. Ongeveer R6,99 by Shoprite, Checkers en Usave-supermarkte. KOFFIE IN STYL Hervul jou koffie by die werk of op pad in hierdie unieke bekers van Carrol Boyes. Deur koffie hieruit te drink, help jy ook om die omgewing skoon te hou van weggooibare koppies wat jy gewoonlik by koffiewinkels kry, R395. VIR DIE KLEINSPAN ’n Waterpistool (R39,99) of teestel (R79,99) is altyd gewild onder klein kindertjies. www.crazystore.co.za MAAK DRINK MAKLIK Leer jou peuter om uit ’n glas of beker te drink met die Grown Up Cup van Philips Avent. Die beker…

ROLPRENTE DOCTOR SLEEP Met Rebecca Ferguson en Jacob Tremblay Regisseur Mike Flanagan RILLER Laat ons een ding duidelik verstaan: daar sal nooit weer ’n riller soos The Shining wees nie, en dit sê ek onomwonde sonder dat ek hierdie rolprent gesien het. Daardie grieselroman deur Stephen King, wat Stanley Kubrick in ’n meesterlike bangmaakprent omskep het, het nou ’n vervolg gekry, maar dit is ondenkbaar vir The Shining-bewonderaars dat daardie meesterstuk oortref sal kan word. Tog moet elke rolprent seker ’n kans gegun word. Die storie word voortgesit jare nadat die oorblywende Torrance-gesin destyds in die vroeë jare tagtig uit die spokerige Overlook Hotel gevlug het. Die seuntjie, nou die volwasse Dan Torrance (Ewan McGregor), ontmoet ’n dogtertjie wat oor dieselfde kragte as hy beskik om in die geestewêreld in…

Miguel de Cervantes se Don Quixote (in twee dele gepubliseer in 1607 en 1615) is een van die beroemdste romans wat ooit geskryf is. Dit word dikwels as die eerste “moderne” roman beskou en Cervantes word soos Shakespeare as ’n hoeksteen van die Westerse literatuur beskou. Aan die begin van die 17de eeu was die Europese wêreld vinnig aan die verander. Toenemend losgemaak van Middeleeuse denke, het ’n nuwe orde aangebreek waarin die absolute gesag van kerk en konings toenemend uitgedaag is. Die geloof in ’n vaste wêreldorde en ewige waarhede was stadig aan die verkrummel en moes plek maak vir vertroue op rasionaliteit en aanvaarding van verantwoordelikheid vir ’n mens se eie lot, eerder as wat dit aan gode of tradisie oorgelaat is. Toe Cervantes se beroemde ridder, Don…

KERSMARK OP MOSSELBAAI Die 15de Mosselbaai Kers-Kunsmark vind van 17 tot 19 Desember in die Mosselbaai-Suid NG Kerksaal plaas en is elke dag van 08:00–18:00 oop. Dié gewilde mark beloof om weer eens ’n paradys van unieke handgemaakte geskenke en produkte teen winskooppryse te wees. Heerlike eet-en drinkgoed asook middagetes, lekkernye, en meer sal te koop wees. Vind meer uit by 082 224 3865 GABRIËLSKLOOF SE MARK Gabriëlskloof-landgoed buite Botrivier bied van 13 tot 15 Desember die Favourite Things-mark aan. Hierdie gewilde geleentheid by die Overbergse Wynkelder bied unieke uitstallers wat allerlei produkte verkoop – van leerprodukte tot keramiekware. Besoek die Gabriëlskloof Facebook-blad vir meer inligting. Bel 028 284 9865 of stuur ’n e-pos na info@gabrielskloof.co.za DIE LINDEN-MARK Die Linden-mark word hierdie naweek (30 November en 1 Desember) by die…

VROU EN KOOPMANIE My vrou kan nie ophou koop nie. Sy het al ons kredietkaarte uitgeput en maak skuld om ander skuld te betaal. Ons het reeds ons tweede kar verloor. Moet ek van haar skei, want sy het my finansieel vernietig? Dis asof dit ’n manie by haar is om te koop. Boonop koop sy snert wat ons nie nodig het nie. Wanneer ek raas, kry sy haarself baie jammer. – Raadop Daar kan verskeie redes wees waarom jou vrou so koop. Koopgieriges ervaar dikwels ’n sensasie van meerderwaardigheid en verhewenheid wanneer hulle koop. Baie gaan gee selfs die gekoopte goedere die volgende dag terug. Ontneem haar van alle kaarte. Daar is ook ’n verband tussen obsessief-kompulsiewe gedrag en ’n koopmanie. Jou vrou het dringend sielkundige hulp nodig. Jy…