Tabla de contenidos para 4 October 2019 en Vrouekeur

Wat kort jou kind vir die toekoms in die veranderende wêreld? vra Maretha Botes op bl 22 vir ’n paar kenners. Volgens hulle is dit belangrik dat ons kinders oor “sagte” vaardighede beskik om die toekoms selfstandig en suksesvol te navigeer. LR Knost is ’n Amerikaanse skrywer, feminis en aktivis vir sosiale geregtigheid en het ’n hele paar ouerskapboeke op haar kerfstok. Sy is onder meer bekend vir haar boek Two Thousand Kisses a Day: Gentle Parenting through the Ages and Stages. Om die woord “gentle” in ’n ouerskapkonteks te gebruik, trek dadelik my aandag. Ek is oortuig daarvan dat kinders wat gentle grootgemaak word, as volwassenes gentlemen and gentlewomen gaan wees en van gawe, sagte en bedaarde mense kan ons in hierdie wêreld of die wêreld wat wag nooit…

Saam met die lente in die lug het ’n nuwe seisoen ook in Melinda Bam se lewe aangebreek. Sy het onlangs 30 jaar oud geword en sy en manlief, Adriaan Bergh, is aan ’t planne optrek vir hul splinternuwe huis. Dié woning het beslis ook plek vir ’n babakamer, want Melinda erken ruiterlik sy raak broeis. “Ons het nog altyd geweet ons sal graag ’n gesin wil hê,” vertel dié borrelende skoonheidskoningin oor ’n vrugtedrankie in ’n restaurant in die hoofstad, waar sy ook woon. “Maar sedert ek en Adriaan in 2014 getroud is, het ons seker gemaak ons doen eers ’n klomp ander dinge wat dalk nie so maklik sal wees as ’n pienkvoet eers deel van die prentjie is nie!” En stilsit is allermins in haar woordeskat. Melinda…

Rugpyn kan verskeie oorsake hê en die meeste mense sal die een of ander tyd in hul lewe met rugpyn sukkel. Soms kan jy self iets doen om die pyn te verlig, maar soms sal jy by ’n dokter moet uitkom. Wanneer om dokter toe te gaan 1 Rugpyn wat jou skielik sonder enige oënskynlike rede beetpak.2 Rugpyn wat met ander simptome soos koors, maagkrampe, borspyn of moeilike asemhaling gepaardgaan.3 ’n Akute aanval van rugpyn wat langer as twee of drie dae duur sonder dat die pyn afneem.4 Chroniese pyn wat langer as twee weke aanhou.5 Rugpyn wat met jou been af na jou knie of voet versprei. VERSKILLENDE OO RSAKE VAN RUGPYN SPIERSPASMA As jy die spiere of weefsel rondom jou rugstring seermaak, kan die spiere daardie deel probeer…

OKTOBER-WENBOEK ’n Nuwe weergawe van die bekende Uit die Beek uit die pen van die bekroonde skrywer Barend Vos is tans beskikbaar. Die tekskeuse vir elke dag is op die Revised Common Lectionary gegrond en maak hierdie geliefde Bybelse dagboek soos altyd geskik vir persoonlike stiltetyd, vir huisgodsdiens en vir Bybelstudiegroepe. ANNE-MARIé VILJOEN VA N EXCELSIOR IS ONS WENNER VA NDEESWEEK: ▸Gekookte eiers dop makliker af as jy 1 t koeksoda by die water gooi voor jy die eiers kook.▸ Vryf asyn op die kapplank as jy uie kap. Dit voorkom dat jou oë traan.▸ Om ’n gebreekte gloeilamp te verwyder, is nogal moeilik. Sny ’n aartappel middeldeur en druk dit in die gebreekte glas om dit maklik te verwyder sonder dat jy jou hande sny.▸ Sny skuurpapier om ’n…

PLASTIEKVRY Sodastream Suid-Afrika het ’n pragtig ontwerpte bottel bekendgestel wat jy met jou kan saamdra. Dit vertoon die landskappe van Suid-Afrika en vang die oorwinnings van die verlede vas. Dié bottel pas op alle make van Sodastream-masjiene en dra ook by om plastiekverbruik te verminder, R246.99. www.sodastream.co.za VEELSYDIGE ARTISJOKKE Artisjokke is ’n eksotiese toevoeging tot ’n meze-bord, ’n wonderlike bestanddeel vir pizzas, alte heerlik wanneer dit by ’n romerige pasta ingemeng word of by ’n slaai gevoeg word. Op sy eie is ’n artisjok ook heerlik en laag in kalorieë. Probeer Staffords Artichokes wat van Spanje af ingevoer word teen R56,99 by winkels soos OK Foods, Checkers KZN, Food Lovers en ander. SPATVRY Hou jou werkoppervlak (en jouself) spatvry wanneer jy jou elektriese klitser aanskakel. Die spatdeksel van plastiek word…

ROLPRENTE JOKER Met Robert De Niro en Joaquin Phoenix Regisseur Todd Phillips RILLER ’n Vinnige blik op die plakkaat en dit word gou duidelik dat hierdie swart komediedrama ’n aangeleerde smaak is. Die Joker is een van die mees berugte karakters in moderne rolprente en strokiesverhale. Heath Ledger het destyds kort ná sy dood postuum ’n Oscar vir sy vertolking van hierdie grieselgees in The Dark Knight (2008) gewen – een van die min skurke wat Batman getroef en byna oorwin het. Met sy grillerige bakkies en vreesaanjaende narregesig, om nie te praat van die opgeplakte grynslag nie, beduiwel hy baie helde, en natuurlik Batman se planne. Maar in hierdie weergawe behoort die hele rolprent aan hom. Dit verduidelik waar die Joker (sy regte naam is Arthur Fleck) vandaan kom.…

Die eerste sinne wat ek oor Azille Coetzee se In my vel skryf, lyk vir my heeltemal té emosioneel, té opgewonde, té lofprysend. Ek vee hulle liewers uit. ’n Resensent kan immers geloofwaardigheid inboet deur ’n ongebreidelde lofsang oor ’n debuutwerk te sing. Ek sukkel egter om my resensie op ’n ander manier te begin, want mens lees nie elke dag hierdie soort boek raak nie. Ek onthou dat ek ’n soortgelyke reaksie op Rian Malan se My Traitor’s Heart gehad het toe ek dit in 1990 gelees het. Malan se beskrywing van sy jeug in Suid-Afrika, sy vertrek na die VSA en uiteindelike besluit om na Suid-Afrika terug te keer, asook sy reis deur die bloedige geskiedenis van Suid-Afrika, het my destyds laat voel dat dit verpligte leesstof vir…

Ek het ’n verrassing vir jou,” sê Werner. Hy klink effens uitasem, soos wanneer hy op sy senuwees is. “Ontmoet my oor ’n halfuur by die walvis-stert-fontein.” Sandra sluit haar oë. Watse verrassing kan dit wees? Solank Werner haar net nie vra om te trou nie! Sy het die afgelope tyd agtergekom hy raak ernstiger oor haar, maar sy voel nie dieselfde nie. Sy weet sy behoort hul verhouding stop te sit voor hy te ernstig raak. Voor hy haar miskien vra om te trou. Want sy sal dit nie oor haar hart kan kry om nee te sê nie. “San … is jy nog daar?” Sy druk die foon stywer teen haar oor. “Ek is nog hier,” sê sy. “Goed, ek sien jou oor ’n halfuur daar.” Dalk moet…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). OPLOSSING: Ingenieur, geuier, neurie, reünie, ruïne, urien, urine, geur, gure, reeu, reun, ruie, ruig, rune, uier, unie Woordsoek Daar is 25 beesrasse in hierdie rooster, wat opgespoor moet word. Hulle kan horisontaal, diagonaal, vertikaal, onderstebo of agterstevoor gelees word en val soms oor mekaar. Kyk of jy almal kan kry.…

▪ BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE en vir DEBIETORDEROPSIES▪ SMS die woorde ‘CAXTON VK’ na 47098 (R1,00 per SMS)▪ STUUR ’N FAKS na 086 670 4101 met jou besonderhede van hernuwing of intekening▪ SKRYF IN OP ONS WEBWERWE www.vrouekeur.co.za www.magsathome.co.za▪ STUUR ’N E-POS na subs@magsathome.co.za▪ POS ’N TJEK uitgemaak aan RamsayMedia Subs en stuur dit saam met ’▪ brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450▪ Doen ’n ELEKTRONI ESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIPSIENOMMER of jou van en SELFOONNOMMER as verwysing met ’n elektroniese betaling of direkte deposito en faks dit met jou…

Clint Brink is ver verwyderd van die kykNET-sepie Binnelanders se plastiese chirurg, dr Steve Abrahams, wat in die verlede vir sy dwalende oog bekend was. Wanneer Clint se wederhelf, Steffi, ’n fiksheidsmodel, in die omtrek is, het hy net oë vir hierdie aantreklike vrou wat in 2015 die kroon as Mej Namibië gedra het. Waar Steffi en Clint ontspanne by Stark Studios oorkant my sit en gesels, kan jy onmiddellik die hegte band en wedersydse respek tussen hulle aanvoel. Die een oorskadu glad nie die ander nie, en elkeen gee die ander ’n regverdige spreekbeurt. Aanhangers van M-Net se werklikheidsprogram Survivor SA – Islands of Secrets sou in die verbystap beslis nie vir Steffi erken het nie. Weg is die skoon, sweterige gesiggie, vlegseltjies en poniesterte en die skrapse stranddrag…

KOOP DIT HIER Ackermans www.ackermans.co.za Forever New www.forevernew.co.za MrP www.mrp.com Old Khaki www.oldkhaki.co.za Poetry www.poetrystores.co.za Woolworths www.woolworths.co.za…

Tanya Blaauw van Windhoek was ná die dood van haar eerste maltesie in 2003 depressief, maar het die kuns van teddiebere maak ontdek. “My vriendin het gedink dit sal my aandag aflei en goed doen om iets te skep wat ek kan druk en soen soos wat ek met my hondjie gedoen het,” vertel sy. Tydens Megan Wallace van Pretoria se klas wat sy in Windhoek aangebied het, het die beermaakgogga Tanya gebyt, met permanente gevolge. “Ek was dadelik in ekstase oor die klas en het sommer twee teddiebeerpakkette geneem nog voordat die klas begin het. Iets het op daardie oomblik in my hart en siel gebeur!” Hierdie passievolle arktofiel het meer as 1 000 bere van oor die wêreld in haar versameling en daar is reeds meer as 800…

GOUD IN DIE MOND! Die Mundus Vini is ’n gesogte internasionale kompetisie van wyne van alle streke oor die wêreld. Die doel van dié kompetisie is om wyngehalte te bevorder en om erkenning aan wyne van uitnemendheid te gee. In die onlangse Mundus Vini Spring Tasting het De Grendel se rooiwyn, Rubaiyat,’n goue medalje opgeraap. Dié versnit bestaan uit 70% cabernet sauvignon, 25% petit verdot, 4% merlot en 1% cabernet franc. Rubaiyat is die Persiese woord vir kwatryn: ’n vers wat uit vier reëls bestaan. Dit weerspieël die vier verskillende komponente van die versnit. De Grendel Rubaiyat 2015 is by De Grendel se proekamer, aanlyn en by sekere boetiekwynwinkels teen ongeveer R350 beskikbaar. GOEIE TYE SENSE OF PLACE is ’n reeks beperkte hoeveelheid wyne wat beloof om die beste terroir…

BLOUBESSIE-KOLWYNTJIES 24 kolwyntjies125 ml (120 g) botter5 ml (1 t) vanieljegeursel250 ml (210 g) suiker5 ml (1 t) suurlemoenskil2 groot eiers125 ml (½ k) suurroom60 ml (¼ k) melk475 ml (250 g) koekmeel3,75 ml (¾ t) bakpoeier1,25 ml (¼ t) koeksoda1,25 ml (¼ t) sout1 houer (125 g) bloubessies VERSIERSEL 260 ml (250 g) botter625 ml (330 g) versiersuiker30 ml (2 e) melk2 blokke (170 g) witsjokolade bloubessies vir versiering Voorverhit oond tot 180 °C en voer kolwyntjiepanne met kolwyntjiepapiertjies uit. 1 Klop botter, vanieljegeursel, suiker en suurlemoenskil tot lig en donsig. 2 Gooi eiers een op ’n slag by en klop goed ná elke byvoeging. Voeg suurroom en melk by en klop goed. 3 Sif meel, bakpoeier, koeksoda en sout saam. Vou meelmengsel by beslag in. Gooi bloubessies by…

Klaarblyklik het ’n kraai eerder as ’n ooievaar my afgelewer. Of dalk het my juwelierspa ’n paar diamantgene saam met my dimpels ingeplant, want ek kan ’n blink ding nie weerstaan nie. My gesin kom dit vroeg agter en my sussies gee my reeds op laerskool die bynaam Bazaria: liefhebber van basaars en als wat skitter. Vanselfsprekend smag ek dus daarna om Indië toe te gaan en my in die malse lap, reënboogkleure en oordadig versierde tempels van my drome te gaan verlustig. Met ’n bietjie genade van bo en ’n onverwagse meevallertjie mik ons vliegtuig oplaas vroeër vanjaar na Delhi om die Golden Triangle aan te pak. Dis dalk ’n jammerlike cliché, maar ons besluit mens kan nie met jou eerste besoek die bekendste toeristebestemmings misloop nie. Ons reisplan…

Die portret van ’n vrou met ’n fopnerts oor die skouers is onlangs as die wenportret in vanjaar se Britse BP-portretkompetisie aangewys. Die skilder, Charlie Schaffer, het met dié sege prysgeld van net minder as R650 000 verdien. Die kompetisie is vanjaar vir die 40ste keer aangebied en met ’n totale borgskap van net meer as R1,3 miljoen is die oogmerk om portretkuns te bevorder en kunstenaars aan te moedig om hul vaardighede in dié genre te ontwikkel. Soveel as 2 538 inskrywings uit 84 lande is vanjaar ontvang. Maar die portretkompetisie wat in en deur Londen se National Portrait Gallery aangebied word, het vanjaar ook die meeste kritiek nóg ontlok: spesifiek oor die borgskap van BP, die brandstofmaatskappy wat die kompetisie 30 jaar lank al borg. Korporasies wat die…

MOEILIKHEIDSGRAAD: ★★★ SPESIALE NOTAS Dit is nie werklik ’n patroon nie. Dis ’n metode. ’n Resep. ’n Resep waarmee jy vir jouself ’n somertoppie van enige hekeldraad kan maak. Siende dat dit ’n resep is, noem ons dit sommer Nigella se somertoppie. BENODIGDHEDE Hekeldraad Hekelpenne geskik vir die hekeldraad AFKORTINGS ks – kettingsteek; kb – kortbeen; lb – langbeen; hlb – halflangbeen; st – steek; sxso – slaan x aantal steke oor MATES Mate 1 Meet van mousoom tot mousoom; dis die lengte van jou aanvangsketting. Mate 2 Meet van jou skouer tot waar die mou moet eindig, gewoonlik waar jou bra onder jou arm begin. Mate 3 Die lengte vanaf jou skouer, so lank as wat jy die top wil hê. Mate 4 Die lengte van die naat van…

Vir navrae navrae@xword.co.za Besoek www.xword.co.za WEN R1000!…

Helena Hugo is ’n immergewilde skrywer van liefdesverhale. Hier word twee lekkerleesverhale saam verpak: Liefde met gevoel en Veldpad van verlange. www.nb.co.za 3 lesers kan die boek wen. SMS HELE NA gevolg deur jou naam, van en adres voor 9 Oktober 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

Met die eerste oogopslag sal jy nooit raai dat Craig Morris een van die snaaksste mense ter plaatse is nie. Fris en vriendelik, ’n netjiese volbaard, pet op die kop, intelligente blou oë. Wanneer dié supernar op die verhoog verskyn, transformeer hy in uiteenlopende karakters, altyd met ’n stewige skeut humor en hoë-oktaanenergie. Dan blyk dit eers hoe sterk, plooibaar en atleties hy is – in staat tot ’n verbysterende aantal sirkusagtige toertjies. Al lyk hy nie soos die tipiese lenige danser nie, is hy al as die beste eietydse danser in die land aangewys. Craig het onder die mentorskap van prof Gary Gordon en Andrew Buckland sy vaardighede aan Rhodesuniversiteit geslyp, waar hy drama en bewegingskuns studeer het. In 2018 is hy vir ’n Nalediprys as beste akteur in…

HOENDER-EN-GROENTE-GEBAK 4 porsies 500 g klein aartappels gewas5 murgpampoentjies, in 2 cm-ringe gesny300 g (1 pakkie) worteltjies2 uie, in agtstes gesny8 hoenderdye80 ml (⅓ k) olyfolie15 ml (1 e) hoenderspeserye350 g (1 pakkie) stingeltamaties Stel oond op 180 °C. 1 Sit groente in oondbak. Geur met sout en peper. 2 Smeer hoenderdye met olie en speserymengsel en voeg by. 3 Bak vir 40–60 minute of tot hoender gaar is. 4 Pak tamaties laaste 15 minute by gebak. GEROOSTERDE BOTTERSKORSIEPASTA 4 porsies 600 g (1 pak) botterskorsies, in klein blok gesny15 ml (1 e) olie5 ml (1 t) groentespe-serye500 g (1 pak) skulpiepasta1 ui gekap5 ml (1 t) fyn knoffel125 ml (½ k) witwyn250 ml (1 k) room100 g (1 pakkie) baba-spinasie2 sirkels fetakaas, gekrummel Stel oond op 180 °C. 1…

Ons taxibestuurder in Goa, Indië, gesels graag en jaag teen ’n hengse spoed. Die klein beeldjie van die Hindoe- god, Ganesj, op sy paneelbord bly in jou gesigsveld as jy deur die voorruit na die lewe buite staar. Ons gee ons aan die baldadige kleurespel buite ons taxivenster oor, ons sawwe lywe en branderige oë van te ongemaklik, te regop, vir te veel ure sit, begin sy tol eis. Ek lag vir sommige van die ondernemings se name langs die pad soos Noo pain, noo gain, Whealer deeler en Tyre puncher. Die gebied het ’n ryk Portugese geskiedenis en die meeste van die reusevillas langs die pad dateer uit die koloniale tyd en is meer as 200 jaar oud. Ons ry na aan ’n reusetrok voor ons, waarop “Blow OK…

Die Oppinoot-lessenaar kreun bevredigend onder ’n stapel nuwe albums deur van die land se beste en gewildste kunstenaars én ’n rits nuwelinge. Ons luister vandeesmaand daarna. Laat die musiek begin speel … LUISTER, NOOI BOK VAN BLERK Bok van Blerk se welslae en gewildheid is veral gesetel in die onwrikbare wete dat hy soos geen ander sanger klink nie. Sy stem en aanslag is eiesoortig. Sy nuwe album, Hoor ons! (Coleske Artists), is moontlik sy beste nóg. Die skrywers Johan Oberholzer, Pietman Geldenhuys, Jaco Mans, Johan Vorster en Herman Kleinhans het saam met Bok aan dié album geskryf. Sedert Bok hom in 2006 as ’n patriotsanger van formaat met sy reusetreffer De La Rey onderskei het, het talle trefferalbums gevolg en dit het hom verskeie toekennings besorg. Daarna het die…

So ’n paar weke gelede het Le Six, die groep wat ses Franse komponiste kort ná die Eerste Wêreldoorlog gevorm het, ter sprake gekom in die rubriek oor Francis Poulenc. Een van die ses lede was Germaine Tailleferre, die enigste vrou in die groep. Die kortstondige roem van Le Six – die lede van die groep het vroeg in die 1920’s elkeen hul eie koers ingeslaan – was meteen ook dié van Tailleferre. Ná ’n vroeë loopbaan wat veel belofte ingehou het, het sy uit die openbare oog verdwyn en nooit weer die statuur herwin wat sy as jong vrou in haar 20’s gehad het nie. Een van die redes wat hiervoor aangegee word, is dat sy nie haar eie werk ywerig bevorder het nie. Hoewel sy later rumatiek in…

BEKOMMERD OOR DOGTER My dogter het pas ’n vonnis vir twee jaar weens diefstal uitgedien. Sy was altyd heteroseksueel en die mans was mal oor haar. Nadat sy uit die tronk gekom het, het sy aangekondig dat sy gay is. Sy het ’n vriendin daar binne ontmoet wat na haar omgesien het en dit het in ’n verhouding ontwikkel. Ek dink nie sy is gay nie. Hoe moet ek dit hanteer? – Bekommerde ma (brief verkort) Jou dogter het dalk ’n misplaaste identiteit oor haar seksualiteit weens die feit dat daar iemand in die gevangenis was wat as ’n sterk en beskermende rolmodel vir haar opgetree het. Om haar nou te oortuig dat sy heteroseksueel is, gaan fataal wees aangesien sy haar vriendin se kant gaan kies en ’n rebelse…

Ons almal maak foute. Ten minste is ons in goeie geselskap wanneer ons foute maak. Petrus, een van Jesus se gunstelingdissipels, het baie foute gemaak en steeds het die Here hom bly liefhê, foute en al. Dis vir my bemoedigend. In Rom 7:19 sê hy: “Die goeie wat ek wil doen, doen ek nie, maar die slegte wat ek nie wil doen nie, dit doen ek.” Ons almal sukkel hiermee. Wat ons behoort te doen, is om uit ons foute te leer. Foute is van die belangrikste dinge wat met ons kan gebeur. In plaas daarvan dat ons vrees om foute te maak, moet ons eerder dink hoe ons uit ons foute kan leer. Thomas Edison was bekend vir sy geduld met sy eie mislukkings. Ná omtrent 900 mislukkings het…