Tabla de contenidos para 12 July 2019 en Vrouekeur

Lank gelede, toe ek nog bitter min van die lewe geweet het, het ’n destydse kennis gesê sy is gelukkig geskei nadat sy ongelukkig getroud was. Twee artikels hierdie week is ter sprake: “Ons trou… wat nou?” en “Die stille mishandeling”. Albei takel kwessies in verhoudings en huwelike. Nie alle mense hoef te trou om in ’n permanente verhouding te wees nie – die toegewydheid in ’n verhouding het min met die instelling van die huwelik te make. Ek weet van huwelike wat vir die buitewêreld na sprokiesverhale lyk, maar in die binnekamer is dit ’n gans ander storie. Mamma en Pappa bly bymekaar ter wille van of ten spyte van ’n menigte faktore wat met liefde net mooi niks te make het nie. Ek weet ook van jare lange…

Morrison Boshoff is skraal en sy sagte bruin oë verbloem ’n ysere wil en deursettingsvermoë wat mense met respek vul. “Ek hoop om Kilimandjaro uit te klim. Kili was nog altyd op my wenslys.” Hy stap en sit kiertsregop, die gevolg van die rugstut wat hy dra. Morrison is op sesjarige ouderdom met neurofibromatose tipe I gediagnoseer. Dit is ’n genetiese afwyking wat deur die ontwikkeling van goedaardige tumors, of neurofibromas, wat in die weefsel rondom senuwees voorkom, gekenmerk word. Die siekte kan ook ander stelsels in die liggaam beënvloed. “My rug was erg geaffekteer, ek moes chirurgie ondergaan om verkromming daarvan te voorkom, want dit kon ook tot drukking op my hart en longe lei.” Sy ma, Sanette, vertel: “Met daardie eerste operasie toe hy ses jaar oud was,…

SLAAPKLERE & ONESIES JAPONNE SLAAPMASKERS & KOUSE PANTOFFELS KOOP DIT HIER Cape Union Mart www.capeunionmart.co.za Cotton On www.cottonon.com/ZA/ MrP www.mrp.com Typo www.cottonon.com/ZA/typo/ Woolworths www.woolworths.co.za…

BASTILLE-FEES Die Bastille-fees vind hierdie naweek, 13 en 14 Julie, op Franschhoek plaas. Hierdie gewilde fees met sy Franse karakter word weer by die geskiedkundige Hugenote-monument gehou. Verwag heerlike kos en wyn, ’n vatrolkompetisie en ander vermaak. Kaartjies vir die kos-en-wyn-markiestent kos R395 per persoon en sluit toegang, ’n komplimentêre proeglas en wynproekoepons in. Bykomende proekoepons kan op die fees gekoop word. Aangesien kaartjies beperk is, word voorafbespreking deur www.webtickets. co.za sterk aanbeveel. Kinders onder 18 kry gratis toegang. Vir meer inligting, besoek www.franschhoekbastille.co.za PAALDANSKONSERT A Feast of Flight se derde jaarlikse paaldansvertoning gee ’n kinkel aan die klassieke The Wizard of Oz met Doris and the Wizard of Oz. Hierdie extravaganza word in samewerking met instrukteurs en studente van verskeie dansstudio’s in Kaapstad aangebied. Die vertoning word op 26…

TOTSIENS KNOFFELASEM Garlict bevat onder meer pietersielie-saadolie wat ’n vars asem verseker. Al die bestanddele het gesondheidsvoordele soos om die bloed skoon te maak en die ontgifting van vrye radikale. Sluk twee kapsules nadat jy knoffel geëet het en jy is op die wenpad! R99,95 by Dis-Chem en sekere apteke. *Pryse onderhewig aan verandering HEMELS Die nuwe LINDT EXCELLENCE Raspberry Intense bied ’n delikate balans van die ryk, donkersjokolade en stukkies framboos. Bederf jou smaakkliere met hierdie lekkerte, ongeveer R44,95. www.lindt.co.za VERLIG SINUS Baie van ons sukkel met sinus. Allerguard™ Nasal Hygiene maak jou neus skoon, voorkom dehidrasie en gee verligting van ’n toe neus en inflammasie. Die bestanddele is natuurlik en is vir die hele gesin geskik. www.allerguard.co.za LEKKER HAPPIES Kinders is altyd op soek na iets om aan…

ROLPRENTE GRETA 6/10 Met Isabelle Huppert en Chloë Grace Moretz Regisseur Neil Jordan SIELKUNDIGE RILLER Mens soek vergeefs na ’n gepaste vertaling vir stalker. Bekruiper of teisteraar is tweede beste, want in hierdie grillerige fliek (waaruit vroue nie te goed afkom nie!) ontmoet ’n jong meisie ’n eensame ouer vrou (wie anders as Isabelle Huppert met daardie gevaarlike dooie glinstering in haar oë) wat haar begin agtervolg en teister. Hoekom? Aanvanklik is dit ’n pleidooi om eensames te help en ondersteun, maar dan maak die rolprent ’n regsomkeer en word dit behoorlik grieselrig en skokkend. Dit is ’n onewe fliek wat nog na identiteit soek, en goeie aktrises soms misbruik om skokwaarde aan gebeure te gee. Op die oppervlakte mag jy plek-plek onthuts gil, net om aan die einde te…

Joke Boerstra en haar dogter, Charlotte, woon hoog teen die hange van die Helderberg op Somerset-Wes met ongerepte uitsigte. Op ’n mooi dag wink Kaappunt en Gordonsbaai weerskante van die baai. Hulle deel hul huis met hul twee honde, Milan en Mae. Joke en Charlotte verdeel hul tyd tussen Suid-Afrika en hul tuisland, Holland. Joke het ’n baie groot tuin laat aanlê en jy kyk op die stoep oor die swembad, die groen tuin en blou see in die verte uit. “Die huis is modern en lig met ’n baie onderskeidende argitektuur. Ons wou die uitsigte en natuurlike lig so goed moontlik benut en natuurlik ook die groen tuin deel van ons leefruimtes maak,” vertel sy. Joke het die huis in 2013 gekoop en sê dit was vir haar erg…

Ons ouers het graag aanhalings gebruik om lewenslesse by ons tuis te bring of iets ’n verteerbare naam te gee. Dink maar aan vroeg ryp, vroeg vrot… Wanneer die grootmense onder mekaar gesels oor Elsie se tienermeisiekind wat rooi hakskene het, was dit in gedempte stemme en ’n lig van die wenkbrou. “Ja jong, vroeg ryp, vroeg vrot…” sal een sug, terwyl ’n ander vervolg met: “Die appel val ook nie juis ver van die boom nie.” Net omdat arme tannie Elsie graag die tuin in haar kortbroek natgooi en permanente oogomlyner het. Die ouer geslag was beslis minder verdraagsaam, maar effe meer diplomaties. “Meng jou met die semels, dan vreet die varke jou” was hul manier om te sê ek hou nie van jou vriende nie en “ledigheid is…

Ons inheemse wilde-irisse (Dietes sp.) is ’n gunsteling onder talle tuiniers en tuinontwerpers omdat hulle min onderhoud vra, waterwys is, maklik groei en vinnig vermeerder. Daar is ses spesies wilde-iris. Vyf daarvan is inheems: Dietes bicolor, D. butcheriana, D. flavida, D. grandiflora and D. iridioides. D. robinsoniana word slegs op die Lord Howe-eiland in die Tasmaniese See gevind. Hoewel almal heel gelukkig in ’n tuinomgewing groei, is slegs die geel wilde-iris (D. bicolor) en die groot wilde-iris (D. grandiflora) geredelik by tuinsentrums verkrygbaar. As jy ’n spesialis-inheemse kwekery in jou omgewing het, is dit die moeite werd om hulle te besoek om te sien of daar enige van die ander spesies is. Wilde-irisse is geharde plante wat in die meeste grondtoestande sal groei en as dit eers gevestig is, sal…

MOEILIKHEIDSGRAAD: ★ WAT HET JY NODIG? E lle Family Knit Chunky (50 g) in kleure van jou keuse2 balle in hoofkleur (blou)1 bal elk in drie ander kleure (geel, groen en pers)4,5 mm-en 5,5 mm-breinaalde5,5 mm-hekelnaaldSteekhouer MATE Dit pas honde met borsmaat van ongeveer 35(41; 44) cm Die lengte kan jy self bepaal WENKE ▶ Gebruik enige chunky-breidraad van jou keuse.▶ Brei die hele truitjie in een kleur.▶ Honde se bou verskil baie. Pas die lengte van die nek-en lyfgedeelte volgens jou hond aan.▶ Meet van die begin van die kraag af hoe lank jy die ruggedeelte wil hê. AFKORTINGS aw – aweregs; gl1 – glip 1 st; lb – langbene; RK – regte kant; r – regs; r2tes – regs 2 ste tesame; tgso – trek glipsteek oor AANWYSINGS…

Deur XWORD.CO.ZA Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 8 woorde, goed 11 woorde, baie goed 14 woorde of meer, uitstekend OPLOSSING: Aalwynsap, aanslyp, aalwyn, aanwys, sylaan, waslyn, aanyl, alwys, aslyn, nawys, anys, asyn, nayl, swyn Koderaai Elke syfer verteenwoordig ’n letter van die alfabet. Om mee weg te spring, is 3 (drie) letters klaar ingevul. Kyk nou of jy kan uitwerk…

■ BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE en vir DEBIETORDEROPSIES ■ SMS die woorde ‘CAXTON VK’ na 47098 (R1,00 per SMS) ■ STUUR ’N FAKS na 086 670 4101 met jou besonderhede van hernuwing of intekening ■ SKRYF IN OP ONS WEBWERWE www.vrouekeur.co.za/www.magsathome.co.za ■ STUUR ’N E-POS na subs@magsathome. co.za ■ POS ’N TJEK uitgemaak aan Ramsay Me-dia Subs en stuur dit saam met ’n brief en jou besonder hede van hernuwing of inteke ning na: Vrouekeur-subskripsies, Vrypos CBO209, Posbus 596, Howard Place, 7450 ■ Doen’n ELEKTRONIESE OORBETALING of betaal met’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIP SIE NOMMER of jou VAN en SELFOONNOMMER as verwysing met’n elektroniese betaling of…

Vivian Kleynhans se storie begin met haar grootwordjare op Paternoster. Dit was moeilike, maar lekker jare. Sy trou later met ’n man wat haar fisiek mishandel en nóg later vind sy ware liefde. Tussendeur word sy ma en takel sy die beroepswêreld. Vandag besit sy ’n maatskappy wat wyn wêreldwyd uitvoer. Maar wat het Vivian laat besluit om haar storie aan die wêreld te vertel? “Ek moes oor jare deur my seer werk en ek moes gló dat ek genees is,” sê Vivian. “Ek het ’n passie vir mense, vir families en vroue in die algemeen, vir ma’s wat dag ná dag sterk moet staan. Dis hulle wat huishoudings aan die gang moet hou en vir hul gesinne moet sorg. Die vrou is die een wat sterk moet wees, al…

Hy het alles gehad. Hy was hoofseun,’n sportheld wat ’n sportbeurs verwerf het, is gekeur om regte te gaan swot en aan meisies was daar geen tekort nie. Dit was ’n uitgemaakte saak dat Normie Eckard (nou 40) provinsiaal en dalk selfs nasionaal rugby sou speel. Toe gebeur die ondenkbare. ’n Fratsongeluk keer Normie se hele lewe binne sekondes onderstebo. Sedertdien kan hy nie meer loop nie, laat staan nog rugby speel – dít waarvoor hy geleef het. Maar 21 jaar later is hy byna nooit sonder ’n glimlag op sy gesig nie. Hierdie plaasseun wat sy lewe lank net buite Brits woon, groet my met ’n stewige druk. Sy voorarms is sterk en gespierd, hy is bruingebrand en hy ry in ’n bakkie. Tot vier jaar ná die ongeluk…

Glimlag, selfs al moet jy jouself dwing, en bedank die mense vir hul terugvoering. Jy kan vrae vra om seker te maak jy verstaan wat hulle van jou opgemerk het en hoe hulle daaroor dink. Weerstaan die versoeking om te verduidelik wat jy gedoen het. Luister net. Moet aanvanklik niks met die inligting doen nie – minstens vir 24 uur. Probeer om nie daaroor te broei of kwaad te word nie. Kry ’n goeie nag se rus. Slaap help jou om die emosionele reaksie van die terugvoering se inhoud te skei. Ná ’n goeie nagrus sal jy in staat wees om oor die kritiek te dink sonder om sleg te voel. Bepeins wat jy gehoor het. Is dit iets wat jy vantevore gehoor het? Dalk leer jy iets nuuts oor…

KALSIUM VIR JOU TUIN Maak eierdoppe fyn en werk dit in tuingrond in vir’s kalsiumhupstoot. Taai vleis Marineer taai beesvleis in rooiwyn voor jy dit gaarmaak. Vries dit As jy maalvleis vries, verdeel dit in vriessakkies en druk dit in vierkante plat. Dit sal nie net plek in die vrieskas spaar nie, maar dit boonop makliker maak om te ontvries. KERSWAS OP MEUBELS Verwyder kerswas van meubels deur met jou haardroër op die plek te blaas. Sodra die was sag word, verwyder die stukke en vee die res met ’n snesie of papierhanddoek. HOE MAAK MENS GIETYSTER SKOON? As jy klaar in ’n gietysterpot gekook het, verwyder die kos en spoel dit met warm water uit. Vee dit daarna met ’n papierhanddoekie uit en smeer dit met ’n titsel olie.…

WENK Die slaai is die volgende dag op sy lekkerste LAAT-STAAN-BROCCOLI-SLAAI 4 porsies 1 ui, gekap200 g (1 pakkie) spekstukkies400 g (1 pak) langsteelbroccoli100 g (1 pakkie) bosbessies100 g (1 pakkie) sonneblomsaad30 ml (2 e) sesamsaad250 ml (1 k) mayonnaise5 ml (1 t) Italiaanse kruiemengsel30 ml (2 e) stroop10 ml (2 t) asyn 1 Braai ui in bietjie olie tot gaar. 2 Gooi spek by en braai tot gaar. 3 Roer ui, spek, broccoli, bosbessies en sade bymekaar. 4 Meng mayonnaise, kruie, stroop en asyn goed en giet oor broccolimengsel. 5 Laat staan vir omtrent twee uur. BROCCOLI-EN-HOENDER-SOP 4 porsies 1 ui, gekap2 wortels, geskil en gerasper2 selderystokkies, fyngekap5 ml (1 t) fyn knoffel10 ml (2 t) gemengde kruie1 groot kop broccoli, in klein stukkies gebreek1,5 l (6 k) hoenderaftreksel3…

Ek en my man het op ’n avontuur na Rusland gegaan. Ons het gekies om dié groot land te besoek omdat dit so onbekend aan ons was, dit ’n ryk geskiedenis het en omdat Rusland in my man se liefdes vir vinnige motors (die Grand Prix in Sochi) en ver hardloop (die marathon in Moskou) kon voorsien. Suid-Afrikaners het tans nie visums nodig om Rusland te besoek nie en danksy die klein verskil tussen die rand en die roebel is dit heel bekostigbaar. Tog was daar ook uitdagings met die toer. Die eerste uitdaging was kommunikasie. Rusland gebruik die Cirilliese alfabet wat bestaan uit 33 letters: 10 klinkers, 21 medeklinkers en 2 klanke (hard en sag) wat nie uitgespreek word nie. Van die letters lyk en klink soos die Latynse…

Die meester van kleur, so het Titiaan, as Tiziano Vecelli (c1488–1576) gebore, in Venesië bekendgestaan. Geen wonder dat Tintoretto se pa, ’n man wat met kleurstowwe gewerk het, besluit het sy jong en talentvolle seun moet by Titiaan les neem. In die 16de eeu was Venesië aan die voorpunt van die tekstielbedryf en ook die poort waardeur waardevolle pigment soos lapis lazuli Europa uit die Ooste binnegekom het. Van jongs af het Titiaan met pigment en olie geëksperimenteer en met sy baanbrekerswerk vir hom die bynaam “prins van skilders” verwerf. Sy nalatenskap het ’n magdom skilders geïnspireer, en doen dit steeds. Soos wat Michelangelo in Firenze as die meester van vormge wing bekend gestaan het, was Titiaan in Venesië die meester van kleurgebruik. Vir die Florentynse aanvoeling was lynwerk die…

Kaptein Barend Bezuidenhout werk al langer as ’n week aan die saak van GS Smit, ’n skatryk sakeman wat soos mis voor die môreson verdwyn het. Die vermiste sakeman is die eienaar van ’n rits reisagentskappe oor die land – selfs ’n paar takke oorsee. Smit was op pad van Johannesburg na Kaapstad. Barend sit die saak in sy kantoor en bepeins. Daar is feitlik geen leidrade nie. Die een oomblik klim die man van die vliegtuig af en skielik is hy net weg. Hy kry later die dag ’n oproep. “Smit is nie weg nie,” sê die beller, sonder om homself bekend te stel, “hy is dood. Ek glo ek weet waar julle sy liggaam sal kry.” Barend sug. Hy ken dié soort oproep baie goed. “Wil jy geld…

Deur XWord Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Begeleidster en beskermster, in die openbaar, van ‘n jong dame deur ‘n ouer dame SMS jou antwoord, voorletters, van en dorp/stad voor of op 31 Julie 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Demi Lee Moore se lewe het handomkeer verander sedert sy in November verlede jaar Die kontrak gewen het. Wie en wat sy is, sal egter nooit verander nie. Daaroor voel die 29-jarige sangeres met die engelstem sterk. “Ek wil altyd nederig bly, en ek weet ek sal, al behaal ek sukses. Dit gaan nie vir my oor die roem en die mooi lyk nie. Wanneer ek op die verhoog stap en my persoonlike stories deel, wil ek ander moed gee. Ek is dieselfde mens hier op my bank by die huis as op die verhoog, of wanneer ek by my platemaatskappy, Coleske Artists, instap.” Sy is die heel naaste aan haar ma, Marlene Hoffmann, haar ousus, Aimee Ackers, en haar kêrel, Barthlo Visagie. Sy het ná uitmergelende persoonlike krisisse haar…

In 2016 het Jaco en Yolandé le Roux besluit om Australië toe te emigreer en met die aansoekproses begin. Ongeveer twee maande nadat hulle met die proses begin het, het hulle vir Danica (toe ses jaar) en Diané (toe drie jaar) ingelig sodat hulle saam met hul ouers deel van die res van die proses kon wees. “Ons het vir hulle vertel dat ons na Australië gaan verhuis. Hulle was aanvanklik baie opgewonde, maar het baie vrae gehad: Waar gaan ons bly? Waar is Australië? Kan ons honde saamgaan? Wanneer gaan Pappa en Mamma weer werk en waar? Gaan ons ’n kamer moet deel en waar gaan ons beddens kry om op te slaap? Hulle wou ook weet van hul nuwe skool en of hul maatjies daar gaan wees.” Die…

Julie-wenners wen ’n bloemlesing Jy maak my gelukkig deur LAPA Uitgewers. Dit is die tweede bloemlesing wat deur LAPA onder die vaandel “Jongliefde” uitgegee word. Soos die vorige bloemlesing, bevat hierdie een agt novelles. Skrywers soos Malene Breytenbach, Antoinette Venter en Madelie Human se verhale is daarin opgeneem. Die boek is by toonaangewende boekwinkels beskikbaar sowel as by www.lapa.co.za JANNIE KEMP VAN DESPATCH IS ONS WENNER: ▶ Neem ’n leë 2 l-koeldrankbottel en boor met ’n baie dun boortjie so vyf gaatjies in die proppie en siedaar, ’n lekker drukbare gieter.▶ As jy ’n leë bottel wil hou en dit het ’n taai etiket, kan jy dit met terpentyn verwyder.▶ Gooi stukkies oorskietseep in ’n lemoensakkie en gebruik dit om growwe en harde oppervlaktes mee skoon te was. Het jy ’n…

#bakliefde Marel i SUURLEMOEN-MADEIRABROOD 1 brood 125 ml (120 g) botter250 ml (295 g) suiker15 ml (1 e) suurlemoensap10 ml (2 t) suurlemoenskil10 ml (2 t) vanieljegeursel3 groot eiers80 ml (⅓ k) suurroom375 ml (200 g) koekmeel1,25 ml (¼ t) sout1,25 ml (¼ t) bakpoeier1,25 ml (¼ t) koeksoda GLASUURSEL 125 ml (70 g) versiersuiker15 ml (1 e) suurlemoensap Voorverhit oond tot 165 °C. Spuit klein broodpan met kleefwerende sproei en sprinkel met koekmeel. 1 Klop botter, suiker, suurlemoensap, suurlemoenskil en vanieljegeursel tot lig en donsig. Gooi eiers een op ’n slag by en klop ná elke byvoeging. Gooi suurroom by en meng goed. 2 Sif meel, sout, bakpoeier en koeksoda saam. 3 Vou meelmengsel by beslag in en meng goed. 4 Skep beslag in broodpan en bak vir 60…

Die sangeres Jauni M woon op Parys in die Vrystaat. Sy is uiters genreveelsydig. Sy put haar inspirasie uit die lewe en haar gesin, haar man, Isak, en hul dogtertjie, May-Lee. Dit het vyf jaar geneem om dié kontemporêre album met 12 snitte in die style pop, rock (Perfekte misdaad en Verlang) en country (Niemand anders en Soen my) te voltooi. Jauni M se stem tref onmiddellik: kleurryk sterk, soms rokerig parmantig en dan weer sexy boeiend. Die toonvenstersnitte is, naas die uitbundige titelsnit Niemand anders, die Engelse werk; One Step en veral This is it. Dié byderwetse countryrocksnitte is uiters radiovriendelik en ontgin Jauni M se vokale krag. Tussen die mooiste ballades is die snit Kans van ’n leeftyd, Sterre en Keuses, met ’n jazzerige geur. Daar is ook…

Bantubonke, die hoofkarakter in Nthikeng Mohlele se jongste roman, Illumination, is ’n jazzmusikant. Hy leef vir sy kuns en kan op ’n baie suksesvolle loopbaan as trompetspeler, komponis en leier van ’n jazzorkes terugkyk. Die sukses en die roem wat daarmee saamgegaan het, is egter aan die kwyn. Ná ’n gasontploffing is sy mond sodanig beseer dat hy nie meer sy kuns soos voorheen kan beoefen nie. Sy verhouding met sy vrou, sy vriende en medemusikante is ook op die afdraande pad. Vir Bantubonke is uitdrukking deur musiek al wat saak maak. Hy leef daarvoor om sy beste vorige musikale pogings te oortref. Kuns maak die lewe vir hom die moeite werd. Die roman begin met die stelling dat die lewe nie so merkwaardig is as wat die meeste mense…

Sweetdruppels pêrel teen kaptein Johan Breytenbach se voorkop toe hy by die Abeid Amani Karume Internasionale Lughawe uitstap en sy das loswikkel. ’n Pendelbussie staan gereed om hom na die hotel in Zanzibarstad te neem. Zanzibar is nie op sy standaardroete nie – hy vlieg gewoonlik na Europa, maar het sy vakansie onderbreek om in te staan vir ’n kollega wat onverwags siek geword het. ’n Wegbreek na ’n eksotiese spesery-eiland is net wat die kopdokter voorgestel het. Hy word voor die Emerson Spice Hotel in die hartjie van Klipdorp afgelaai. “Wow,” prewel hy toe hy binnestap en deur hoë plafonne, kleurryke mure en gebrandskilderde vensters verwelkom word. Die pers, rooi en diepgroen kleurskema van sy kamer is poësie in ’n vreemde taal. ’n Tradisionele Zanzibari-bed met muskietnette lok hom…

KINDERTRAUMA MANIFESTEER JARE LATER Ek (47) het eers onlangs tot die skokkende besef gekom dat ek as kind erg deur my ouers mishandel is (fisiek, emosioneel en seksueel). Dit was ’n boek wat ek gelees het wat die herhinnering laat terugkom het. Ek het dae lank gehuil en weet nie wat om daarmee te doen of na wie om te gaan nie. Albei my ouers is oorlede en nou maak so baie van hul gedrag oor al die jare vir my sin. Help, asseblief. – Ontnugter Die aktivering van ou trauma jare later is nie vreemd nie. Jy beskryf gekompliseerde trauma wat deur ’n spesialis in die veld hanteer behoort te word. Jou brein het die trauma jare lank baie ver weggebêre en nou het iets in die boek die…

Soos mens ouer word, begin jou geheue vervaag. Ek vind dit moeiliker om sekere dinge uit my kinderdae te onthou. Maar sekere dinge sal blywend wees. Tennis speel saam met my maatjies in die straat. In die lukwartboom sit en lukwarte eet. Deur die sproeiers hardloop omdat nie een van ons ’n swembad gehad het nie. Desember-vakansies by Plettenbergbaai. Kaartspeel om die kombuistafel saam met my pa wanneer hy in die middae van die werk af kom. In die bure se boomhuis slaap. Dis van my mooiste herinneringe. Ek onthou ook dat ons gereeld kerk toe gegaan het. Ek het nou nog my eerste Bybelkennis-toetsie. So ewe 10 uit 10, al het ek gesê die tweede plaag was “parras”. Ek kan onthou hoe my pa in die aande by my…

Vrouekeur is jou keuse elke week en in vandag se vinnige tye is innovering iets wat almal se lewe kan verbeter. Nuwe idees; om met die jongste dinge tred te hou. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het hande gevat om dit makliker as ooit te maak om jou Vrouekeur elke week te kry. Hoe? So eenvoudig soos een, twee, drie: Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolies kan afhaal. Dis gerieflik en spaar jou tyd, en jy kry boonop al…