Tabla de contenidos para 5 July 2019 en Vrouekeur

So ’n paar maade gelede kry ek ’n e-pos van Karen Adendorff, wat sedert 2013 deel van die vryskutspan vir Vrouekeur is. Dié lekker mens se hekelpatrone het deel van menige hekelaar se versamelings geword en haar hekelboeke pryk in ewe veel boekrakke. In Karen se e-pos kry ek goeie én slegte nuus. Die slegte nuus is dat sy vanaf hierdie maand nie meer deel van ons span kan wees nie. Die goeie nuus is dat haar man ’n aanstelling in Holland gekry het en die gesin reeds sak en pak in die verre land besig is om hul voete te vind en ’n nuwe lewe aan te pak. Karen, ons gaan jou mis, maar wens jou en jou geliefdes net die beste vir die toekoms toe. Dankie vir jou…

Dit was ’n paar maande gelede wat Willem Botha se vertoning op Aliwal-Noord die aand laat begin het. Só baie mense het kaartjies gekoop, dat daar eers plek gesoek moes word vir ’n klomp ekstra stoele in die saal. Agter die verhoog het Willem homself geknyp oor die feit dat al daardie mense daar was om hóm te sien sing. “Dit is vreemd om te dink ek is vir iemand dalk so famous soos Keith Urban is vir my! My brein kan ná al die jare nog nie sin daarvan maak dat mense geld betaal om mý te sien optree nie. “Daai aand was wonderlik en later het ek selfs foto’s van die vol saal vir my ouers gestuur,” onthou Willem laggend, steeds so ’n bietjie oorbluf. Want hoewel hy…

Toe Elana Barkhuizen, die laerskoolonderwyseres van Schweizer-Reneke, in Januarie vanjaar op WhatsApp ’n foto na ouers gestuur het van hul kinders se eerste skooldag, sou sy nie kon raai watter storm om haar kop sou losbars nie. Op die foto het swart leerders eenkant gesit en hul wit maats in ’n ander groep. Op die oog af het dit gelyk of dinge in dié klaskamer nie pluis is nie. Dit het later aan die lig gekom die swart leerders het in ’n groepie gesit omdat hulle nie Afrikaans verstaan nie en daar vir hulle getolk is. ’n Ouer wat glo oor ’n heel ander rede vir die skool kwaad was, het dié foto egter sonder daardie konteks vir mense gestuur wat nié lede van die klasgroep was nie. Foto’s van…

Elke asemteug is ’n voorreg vir dié 29-jarige vrou wat as baba van ses maande met sistiese fibrose gediagnoseer is. Sy is in Januarie dié jaar weer in die hospitaal opgeneem nadat haar liggaam die skenkerlonge wat sy in 2017 ontvang het, begin verwerp het. Haar hospitaalkamer lyk hoegenaamd nie soos dié van “gewone pasiënte” nie. Sy het dit getransformeer om meer soos haar eie te voel. “Ek het dit nou maar in my tweede huis verander. Hier’s ’n ketel, TV, my gunstelingprente teen die mure, my eie kos. Jy sou nie sê ek is in die hospitaal nie,” sê sy. Met ’n longfunksie van ongeveer 30% is NiQi voltyds op suurstof. Sy het ’n rare vorm van verwerping (Restrictive Chronic Lung Allograft Dysfunction of RCLAD) wat slegs 30% pasiënte…

Linda en Charlie Bloom, twee Amerikaanse psigoterapeute, gee die volgende wenke op www.psychologytoday.com: ■ Leef stadiger. Dit beteken om jou tyd te benut as jy iets doen en ten volle in die oomblik teenwoordig te wees. ■ Ontwikkel onderskeidingsvermoë en fokus op dit wat regtig belangrik en noodsaaklik is. ■ Fokus op huidige ervarings, eerder as simbole van wat jy nog wil hê. Onthou die gras is nie altyd groener aan die ander kant nie. ■ Wees tevrede daarmee om nie alles te hê nie. ■ Fokus op een ding op ’n slag en vermy dit om te veel dinge op een slag te wil doen. ■ Beoefen bewustheid en om ten volle teenwoordig en tevrede in die oomblik te wees. ■ Belê in verhoudings, eerder as om dinge te…

Julie-wenners wen ’n bloemlesing Jy maak my gelukkig deur LAPA Uitgewers. Dit is die tweede bloemlesing wat deur LAPA onder die vaandel “Jongliefde” uitgegee word. Soos die vorige bloemlesing, bevat hierdie een agt novelles. Skrywers soos Malene Breytenbach, Antoinette Venter en Madelie Human se verhale is daarin opgeneem. Die boek is by toonaangewende boekwinkels beskikbaar sowel as by www.lapa.co.za TERSIA SWART VAN BLOEMFONTEIN IS ONS WENNER VANDEESWEEK: Met die winter hier bly skurwe hakskene maar ’n probleem. Vir verligting, smeer skeerroom aan die hakskene. Plaas gelyke dele warm water en Listerine in ’n emmer of wasbak en week ’n handdoekie daarin. Terwyl die skeerroom nog op die hakskene is, draai die voete met die handdoek toe en laat dit daar vir ongeveer ’n halfuur. Gebruik nou die handdoek om die…

ROMERIGE VIS-ENSPINASIE-GEBAK 4 porsies 1 ui, gekap200 g (1 pak) jong spinasie8 stokvisfilette sonder vel SOUS160 ml (⅔ k) mayonnaise160 ml (⅔ k) suurroom5 ml (1 t) fyn knoffel45 ml (3 e) water250 ml (1 k) wit chedderkaas, gerasper10 ml (2 t) visspeserye Stel oond op 180 ˚C. 1 Braai ui in bietjie olie tot sag. Skep uit in oondbak.2 Pak spinasie op uie, gevolg deur vis.3 Sous Meng alles en bedek vis daarmee.4 Bak vir 30 minute of tot vis gaar is. PASTA MET SONGEDROOGDE TAMATIES EN SAMPIOENE 4 porsies 500 g (1 pak) linguine-pasta 1 ui, gekap5 00 g (2 pakkies) sampioene, gekap5 ml (1 t) fyn knoffel5 0 g (½ pakkie) songedroogde tamaties in olie250 ml (1 k)semisoet witwyn250 ml (1 k) hoenderaftreksel125 ml (½ k) room…

Dit is ’n stil, byna magiese oomblik toe ek vroegdag in die koel oggendbries op Seinheuwel staan en oor die Moederstad kyk. Die lewens van duisende inwoners uitgestippel in die greep van geskiedenis, kultuur en asemrowende skoonheid, lê teen die hange afgestrooi. Die lug ruik na fynbos, sout en see. Spierwit spookasemwolke hang uitgepluis en gewigloos teen die blouselblou hemel bokant die berg en gooi grougrys skadu’s oor die rotsvoue. Iewers daar onder lê Tafelbaai, omsoom deur die Atlantiese Oseaan. Volgens oorlewering is dit waar die liedjie Daar kom die Alibama sy ontstaan gehad het. Daar word beweer dat die inwoners destyds van hier af die slaweskepe die hawe kon sien binnekom. Dit is in hierdie oomblik dat ek besef wat my hart lankal weet: Ek wil nêrens anders woon…

Francois van Coke is lank nie meer net ’n rocker nie! Hy is nou ook ’n entrepreneur. En ’n miljoenêr! Wel, nog nie in note nie, maar wel met welslae in die sosiale media. Sy duet, Toe vind ek jou, met mederocker Karen Zoid, het onlangs agt miljoen kyke bereik. Dit het alles met die uitreiking van sy eerste solo-album op 8 April 2015 begin. En in ’n japtrap is dié Fokofpolisiekarster se loopbaan ingrypend verander. Dié enkelsnit was die eerste Suid-Afrikaanse én Afrikaanse enkelsnit en album wat tegelykertyd bo-aan iTunes se Top 40-treffersparade gepryk het. Die snit het platinumstatus bereik en was bo-aan talle radiostasies se trefferparades landwyd. Die musiekvideo is ook as die grootste Afrikaanse musiekvideo van 2015 aangewys. Al dié welslae maak dit vir hom moontlik om…

Die Britse Turner-prys, ’n kunsprys wat deur die jare vir opwinding én opspraak gesorg het, word vanjaar vir die eerste keer in Turner Contemporary, die kunsmuseum in Margate, aan Engeland se suidooskus, aangebied. Margate is die plek waar die skilder JMW Turner (1775–1851) skoolgegaan het en waarheen hy later in sy lewe dikwels teruggekeer het. Die lug bokant Margate het hy byvoorbeeld as “the loveliest in all Europe” beskryf. Die vier kunstenaars wat vanjaar om die gesogte Turner-prys meeding, is Lawrence Abu Hamdan, Helen Cammock, Tai Shani en Oscar Murillo. Klank, meer as die visuele, kenmerk vanjaar heelwat van die werk. Abu Hamdan woon en werk in Beiroet en ondersoek in sy werk onder meer die manier waarop mense van verskillende rasse op grond van hul uitspraak van sekere woorde…

BALLITO-FEES Die Ballito Pro-branderplankkompetisie word van 27 Junie tot 7 Julie aangebied en die Ballito Pro-familiekosfees op 1 en 2 Julie. Dit vorm deel van ’n hele feesprogram wat onder meer marinebewaringspraatjies, ’n entrepreneursmark, ’n ekovriendelike mark en musiekvermaak insluit. Besoek www.theballitopro.com vir meer inligting DIE LINDEN-WINTERMARK Die Linden-wintermark word op Saterdag 13 Julie by die Botaniese Tuin, Emmarentia, gehou. Met meer as 160 stalletjies wat als van warm winterkos tot pragtige klere verkoop, sal daar iets vir almal wees. Dis ’n hondevriendelike mark en jou woef is welkom om saam tussen die stalletjies te snuffel. Die mark word van 09:00 tot 16:00 gehou en toegang kos R30 per persoon. Kinders gaan gratis in en pensioentrekkers betaal R15. Aanlyn kaartjies is by https://qkt.io/Rya672 beskikbaar CALEDON-WES SE WINTERMARK Die Caledon-Wes NG…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Wanneer jy iemand vra hoe dit gaan, kom die byna outomatiese antwoord: “Besig, dankie!” Dis die realiteit. Ons is almal besig. Die ergste is – ons het onsself so besig gemaak. Selfs wanneer ons nie regtig besig is nie, oorstimuleer ons onsself met sosiale media of die een of ander skerm voor ons oë. Daar is absoluut niks ontspannends of verfrissends daarin om doelloos rond te blaai en na die hoogtepunte van ander mense se lewe te kyk nie. Om dit te doen, wek eerder gevoelens van ontevredenheid oor jou eie lewe en selfs ’n bietjie jaloesie. Ons het onsself op hierdie hamsterwieletjie geplaas en dan neul ons oor die…

■ BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE en vir DEBIETORDEROPSIES ■ SMS die woorde ‘CAXTON VK’ na 47098 (R1,00 per SMS) ■ STUUR ’N FAKS na 086 670 4101 met jou besonderhede van hernuwing of intekening ■ SKRYF IN OP ONS WEBWERWE www.vrouekeur.co.za/ www.magsathome.co.za ■ STUUR ’N E-POS na subs@magsathome.co.za ■ POS ’N TJEK uitgemaak aan RamsayMeAFSLAG! dia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 ■ Doen ’n ELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 belangrik! Gebruik jou VAN en SUBSKRIPSIENOMMER of jou VAN en SELFOONNOMMER as verwysing met ’n elektroniese betaling of direkte…

Almal wat altyd sê hulle wil ’n boek skryf, maar het nie tyd daarvoor nie, kan gerus by Madelein Rust kom kers opsteek. Sedert haar debuutroman, Die 13de Kaart in Julie 2014 verskyn het, het sy dit reggekry om die mikpunt wat sy vir haarself gestel het – een gepubliseerde boek per jaar – te laat waar word. Sy het dit boonop ook reggekry om met haar debuutroman vir ’n ATKV-Woordveertjie vir spanningslektuur benoem te word. Vanjaar het daar nie net een nie, maar twee boeke uit die pen van hierdie knap misdaadskrywer verskyn. Die eerste een, Kanker schmanker!, het in Maart vanjaar verskyn. Dit is weliswaar nie misdaadfiksie soos haar ander boeke nie, maar ’n biografiese vertelling oor die manier waarop sy kanker oorwin het. Die tweede boek, Doodsengel,…

Enige WhatsApp-groep wat in ’n skoolkonteks (of in werksverband) opgestel word, behoort duidelike riglyne te hê waarvan almal op die groep bewus moet wees, sê Emma. Emma en Laura lig ’n paar punte uit wat by só ’n dokument ingesluit behoort te word: ■ Tree in die beste belang van jou kind op – sosiale media is nie die plek om jou mond uit te spoel nie. ■ Moenie die skool se naam beswadder nie. ■ Hou die inligting wat op die groep gedeel word, relevant. Die rondstuur van grappe (veral laatnag) is uit. ■ Gebruik die groep as ’n kommunikeerder – die doel is om skoolverwante kwessies te deel wat vir almal relevant is (hoe laat is die oueraand?). ■ Moenie foto’s van groepe kinders rondstuur tensy al die…

“Wanneer huweliksmaats nie meer respek vir mekaar of vir die instelling van ’n huwelik het nie, moet daar ernstig na die status van die huwelik gekyk word,” sê Mentalhelp.com se dr Allan Schwartz. Met drie dekades se ervaring in privaat praktyk het hy gevind dat baie mense in ongelukkige huwelike bly ter wille van hul kinders, hul geloofsoortuiging of omdat hulle bang is dat ’n egskeiding hul finansiële ondergang sal beteken. Dan is daar ook diegene wat verbete vasklou al word hulle ook mishandel, omdat hulle glo die mishandeling is beter as om verstoot of verwerp te word. “Dit is ’n baie ongesonde plek om jouself in te bevind.” Kobus stem saam. “As ’n persoon se veiligheid bedreig word, moet daar onmiddellik opgetree word. Vir situasies waarin huweliksmaats mekaar nie…

Klare Heston, ’n Amerikaanse maatskaplike werker, gee die volgende wenke: ▶ Neem jou vorige plasings in oënskou om vas te stel hoe dikwels jy dinge geplaas het. ▶ Hou tred met die tyd wat jy aanlyn deurbring. ▶ Erken dat jy verslaaf is. ▶ Dink na oor jou behoefte aan sosiale media. Is dit dalk omdat jy verveeld of eensaam is? Dan moet dit aangespreek word. ▶ Oorweeg terapie. Die Britse vryskutskrywer Phoebe Waller gee die volgende wenke op www.bustle.com: ▶ Sit jou kennisgewings af. ▶ Beperk jou kubertyd. ▶ Kry ’n nuwe stokperdjie. ▶ Bring meer tyd saam met geliefdes deur. ▶ Gebruik sosiale media slegs as ’n bederfie. ▶ Ontmoet mense in die regte lewe. ▶ Sluit jou sosiale-media-rekening of breek ten minste vir ’n paar weke weg.…

Nog iemand wat die gryswordproses heroorweeg het, is Elmarie Badenhorst (48), ’n onderwyseres van Warrenton. Dit was ’n terloopse opmerking wat haar twee keer laat dink het oor die impak wat haar grys hare op haar kinders kan hê. Sy vertel: “Ek het my oudste dogter, Zaricia, op 35 gehad. Op 40 het ek ’n miskraam gehad en besluit ons gaan nie nog kinders hê nie, maar toe kom daar ’n verrassing op 43: klein Daniël. Teen daardie tyd het ek al goed uitgegroei aan die grys. Toe Daniel begin groter raak, het ek en my man besluit om ’n seuntjie, Xander, in pleegsorg te neem. In daardie stadium was ek piekfyn met my grys hare. Ek is mos nie kwaad vir my ouderdom en oudword nie. My ouma Martha…

OP DIE WYNKALENDER 4 JULIE Bordeaux 2015 vs SA 2015, Johannesburg 11-13 JULIE Tops at Spar-wynskou, Kaapstad 13 EN 14 JULIE Franschhoek Bastille-fees 13 JULIE Noble Vice, Johannesburg 17 JULIE Stellenbosch-soiree 25 JULIE 2009 Vintage Review, Johannesburg 25–27 JULIE Tops at Spar-wynskou, Port Elizabeth 26 JULIE Caroline’s Red Wine Review, Kaapstad 31 JULIE 2009 Vintage Review, Kaapstad Kry meer inligting oor hierdie geleenthede op www.topwinesa.co ’N BEKROONDE DESSERTWYN Nederburg het die Old Mutual-trofee vir die beste dessertwyn by die 2019 Old Mutual Trophy-wynskou verower. Die bekroonde wyn is die Nederburg The Winemasters Noble Late Harvest 2018. Hierdie oesjaar word van chenin blanc (56%), muscat de Frontignan (39%), sauvignon blanc (3%) en Gras? de Cotnari (2%) gemaak. Die wyn is ’n wenner saam met lewerpatee, pannekoeke en enige poeding, koek, pasteitjie…

WEES GESOND Boegoe is bekend vir sy vele gesondheidseienskappe, soos om van gifstowwe in die liggaam ontslae te raak. Dit help met spysvertering, beveg inflammasie en hou slegte bakterieë weg. Dis ook ideaal om verkoues in die winter weg te hou. Cape Kingdom Detox Tea het twee nuwe geure by hul bestaande boegoe-teereeks gevoeg: Detox Tea Buchu & Lemongrass en Detox Tea Buchu & Mint. Die bestanddele wat gebruik word, is organies, kafeïenvry en bevat geen kunsmatige kleur- of geurmiddels of suiker nie. Ongeveer R65,95 by Dis-Chem, Food Lovers Market en Wellness Warehouse. VINNIG & LEKKER Wanneer jy die dag nie lus is om kos vir die kinders te maak nie, sal hierdie klein Bella Vita gourmet pizzas goed te pas kom. Dis ’n Italiaanse fees met ’n krakerige ciabatta-kors…

ROLPRENTE SPIDER-MAN: FAR FROM HOME Met Tom Holland en Jake Gyllenhaal Regisseur Jon Watts STROKIESDRAMA Hy bly maar, melkbaardjie en al, een van die gewildste strokieshelde in die Marvel-heelal. Peter Parker, oftewel Spider-Man met die blou-en-rooi pakkie waarin hy darem nog soepel kan beweeg, is terug! Om teen geboue af te hang en oor strate te rol-en-tol om skurke op hoë dakke vas te trek, is sy kos. Maar dit is sy menslikheid, sy Trompie-bendeeienskappe, wat hom so deerniswekkend maak. Dit maak hom aantreklik dat hy homself nooit te ernstig opneem nie en die verantwoordelikheid van sy spesiale kragte respekteer sonder om grootkop te kry. Hy bly nog altyd ’n seun-man wat die wêreld van bose oorheersing red. In Avengers: Endgame het ons nie so baie van hom gesien nie,…

Bouwer Bosch en Lucinda Neethling het pas ’n splinternuwe EP – Waar die see die kus omhels – uitgereik. (EP staan vir extended play record – ’n musikale opname wat meer liedjies as net ’n enkelsnit bevat, maar gewoonlik nie as ’n volledige album kwalifiseer nie.) Die duo het onlangs op die jongste Straatligkinders-album saamgewerk en het besluit om daardie vars klank verder te ontwikkel. Die EP is oor die laaste twee maande in vier plekke, Johannesburg, Pretoria, George en Jeffreysbaai, geskryf en opgeneem. Die EP bevat die deurlopende tema van hoop en is oor die twee se lewenservaringe en belewenisse tot dusver geskryf. “Die lewe gooi mens soms heen en weer, en partykeer wen jy en partykeer verloor jy, maar daar is altyd hoop om jou deur moeilike tye…

Moeilikheidsgraad: * * BENODIGDHEDE 2 x 100 g-stringe Quelea van Linda’s Treehouse, een bont en een semi-effe, of 2 x 100 g-stringe Kingfisher van Linda’s Treehouse, een bont en een semi-effe, of 4 x 50 g-balle Elle Baby 3-draad in twee kontrasterende kleure (2 balle van elk), of 2 x 100 g in kontrasterende kleure van enige hekeldraad wat ±400 m/100 g gee 4,50 mm-hekelpen 4,00 mm-hekelpen 3.50 mm-hekelpen AFKORTINGS EN STEEKVERDUIDELIKINGS beg – begin, dp – slaan draad oor pen, glb – gedraaide langbeen, ghs – geheime hegsteek, gs – glipsteek, lh – langbeenheuwel (1 lb, 2 ks, 1 lb) als in die vlg st of ks-sp, kb – kortbeen, kh – kortbeenheuwel (1 kb, 2 ks, 1 kb) als in die vlg st of ks-sp, kv – kortbeenvallei oor…

WEN! ’n Splinternuwe boek, Field Guide to Mushrooms and other Fungi of South Africa deur Gary B Goldman en Marieka Gryzenhout is ’n pragtig geïllustreerde gids wat met identifisering in hierdie veld sal help. Dit bevat 200 sampioene en ander fungi wat in Suid-Afrika gevind word en gee inligting oor hul anatomie en biologie en die belangrike rol wat hulle speel. Daar is selfs ’n paar heerlike sampioenresepte. Die boek is by toonaangewende boekwinkels beskikbaar. Meer inligting by www.penguinrandomhouse.co.za 3 lesers kan die boek wen. SMS SAMPIOEN gevolg deur jou naam, van en adres voor 10 Julie 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 9 woorde, goed 12 woorde, baie goed 15 woorde of meer, uitstekend OPLOSSING: Aanbouing, angina, iguana, ingaan, ganna, gonna, guano, nanag, ngana, nguni, nouga, agio, bang, buig, gaan Woordsoek Die name van 23 winkels in Suid-Afrika is in hierdie rooster weggesteek. Hulle kan horisontaal, diagonaal, vertikaal, onderstebo of agterstevoor gelees word en val soms oor…

Stefaans Coetzee is een van die Worcesterbomplanters. Hy is skuldig bevind aan moord vir die 1996-ontploffing waarin vier mense dood is. Hy is in 2015 op parool vrygelaat ná hy 18 jaar van sy 40-jaar-vonnis uitgedien het. Sedertdien het hy ’n boek oor sy lewe geskryf. www.nb.co.za 3 lesers kan die boek wen. SMS WOLF gevolg deur jou naam, van en adres voor 10 Julie na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

Hy is 1,75 m lank en elke sentimeter is in topklastoestand. Jy sien eers die bo-arms en bobene voordat jy die res aanskou, en die res is ook nie onaansienlik nie. Werner Coetser maak homself gemaklik in die leunstoel in die sitkamer by die Getroud met rugby-ateljees. Grys T-hemp, swart denim en swart-en-wit Puma-tekkies, bruingebrand met so ’n drie dae oue blouskimmelbaard – die man lýk mos na ’n sepiester. Hy vryf oor sy ken. “Dis Blitz se look,” verduidelik hy, “ek trim dit net nou en dan. Toe ek hier begin werk het, het ek mooi gevra dat ek dit so kan hou, want op 7de Laan het Bernard ’n skoon gesig gehad, ek moes elke dag skeer en my vel hou nie daarvan nie.” My oog val op…

Eers is haar dogter met gehoorgestremdheid gediagnoseer. Toe kry haar laatlamseun in haar vierde swangerskapsmaand ’n beroerte in die baarmoeder en word as hemipleeg gebore. Later is bevind dat hy op die outismespektrum is. Dit was egter nog nie die einde van Elminie Barwise (54) se reuse-uitdagings nie. Vyf jaar later word haar kleindogter gebore en ook sý word met outisme gediagnoseer. Boonop kry die kind later ’n aggressiewe vorm van leukemie wat na haar brein toe versprei. Hoe hou ’n ma- en oumahart dit? Elminie vra nie vrae nie. Sy hanteer net dit wat oor haar pad kom. Elminie, wat tans op kontrak by die SA Leër in Erasmuskloof werk, vertel dat haar dogter, Ané, as baba op haar kop probeer kruip het. Op ’n dag het sy ook…

Bad of stort in louwarm water ’n Warm bad of stort is heerlik in die winter, maar dit kan jou vel van sy natuurlike olies ontneem en uitdroog. Was met louwarm water vir korter tydperke (veral jou gesig en hande). Gooi ’n paar druppels essensiële olie in jou badwater. LIPPE BEVOGTIG JOU VEL Smeer direk ná jy gebad of gestort het ’n lyfroom of -botter aan om vog vir langer in die vel behoue te laat bly. HARE Belê in ’n lugbevogtiger Gedurende die winter is die lug binne en buite jou huis veel droër. Verwarmers droog die lug nog meer uit. ’n Lugbevogtiger sal vog terug in ’n vertrek sit en keer dat jou vel uitdroog. Gebruik die regte bevogtiger Kies ’n bevogtiger met natuurlike bestanddele. ’n Oliebasis-bevogtiger word…

MOOI MATTE Meng louwarm water met ’n handvol sout en 60 ml asyn. Borsel die matte met die mengsel. SKOON KEPSE Gewoonlik moet mens maar pette in ’n wasbak skrop, maar jy kan dit wel masjienwas – in ’n skottelgoedmasjien. Smeer koeksoda op vlekke, spuit dit met asyn en sit dit op die boonste rak van die skottelgoedmasjien. PLAK WEER? As daar maskeerband of kleeflint is wat nie meer wil plak nie, kan jy probeer om dit vir so tien sekondes in die mikrogolfoond te sit om dit weer te laat plak. DEEG WAT RYS Sit ’n stuk kleefplastiek oor die deeg om só te keer dat ’n harde laag vorm. ’N KOPPIE VIR JOU? Koffiemoer kan nare reuke absorbeer. Gebruik ’n ou botterbakkie, steek die deksel vol gate en…

SOUTKAASKOEK 1 kaaskoek 90 ml (90 g) botter430 ml (1 ⅓ k) broodkrummels1 25 ml (½ k) parmesaankaas, fyngerasper30 ml (2 e) olyfolie250 ml (1 k) uie, fyngekap1 rooi soetrissie, in klein blokkies gesny1 000 g (4 k) sampioene, kleiner gesny3 houers (690 g) volroommaaskaas5 ml (1 t) sout5 ml (1 t) swartpeper, gemaal125 ml (½ k) suurroom4 groot eiers1 2 repe (140 g) spek, gebraai en fyngesny250 ml (180 g) fetakaas, gekrummel15 ml (1 e) pietersielie, fyngekap Voorverhit oond tot 175 °C en spuit ’n ronde 23 cm-ringpan met kleefwerende sproei. 1 Smelt botter en meng broodkrummels en parmesaankaas daarby. Druk mengsel in bodem van pan vas. Bak vir sewe minute, haal uit oond en laat afkoel. 2 Verhit olyfolie en braai uie, soetrissie en sampioene tot meeste vog…

Ek word hierdie week 35. Sowaar. Wanneer die horlosie op 9 Julie verby middernag tik, kan julle maar “veels geluk, liewe maatjie” begin sing, want dan is ek – altemit meer volgens my eie begrip as die wêreld s’n – uiteindelik ’n gróót-grootmens. Natuurlik was my 18de verjaardag ook ’n mylpaal, en op 21 het ek soos ’n kaatjie van die baan gevoel. Sommige van julle was reeds op 25 lankal getroud met ’n bakseltjie of twee uit die oond, en ander mense skud weer klokslag op 30 jaar die laaste babapoeier van hul voete af. Ek het ’n paar vriende wat saam met hul matrieksertifikaat ’n skeut soberheid ontvang het, en die res het skynbaar totale volwassenheid dieselfde dag as hul grade behaal. Nie ek nie. Die afgelope jaar…

Met 313 bladsye is Die verevrou verreweg Jan van Tonder se dikste boek tot dusver. Sy bekendste roman, Roepman, tel onder die beste grootwordromans uit die afgelope klompie jare. Dit was ’n subtiele dog ontstellende verhaal oor die verlies van onskuld. Aan die begin van Roepman wil die jong Timo by sy ouma weet wat “onskuld” is. Sy ouma antwoord dat dit iets is wat mens nie weet jy het nie, totdat jy dit verloor. Hierop wil Timo weet wat dit mens dan help om in die eerste plek onskuld te hê. Die verevrou gaan weer oor mense se verlies van onskuld. Soos in Die kind, gaan die verhaal ook oor liefdesverhoudings. Maar Die verevrou is meer ambisieus as die vorige romans en eintlik word twee afsonderlike verhale oor die…

Henri en Rina van der Walt woon die afgelope 17 jaar in ’n gevestigde woonstelblok op die gesogte Melkbaai in die Strand buite Kaapstad, maar niks aan hul tuiste van 225 vierkante meter voel soos ’n tradisionele woonstel nie. Hulle is op die boonste verdieping en geniet uitsigte rondom – aan die een kant is die blou branders van Valsbaai en aan die ander kant die wingerde en berge van die Helderberg. Die woonstel het ook ’n dubbelmotorhuis en ’n kamer met ’n badkamer op die grondverdieping. Die feit dat daar net twee slaapkamers is, het die Van der Walts uitstekend gepas. Henri is ’n ingenieur en Rina het voltyds liefdadigheidswerk gedoen. Henri en Rina beskryf hul woonstel se styl as “die Suid-Afrikaanse idee van koloniaal-Amerikaans” en sê die sentrale…

Evelyn Daniels trek die slaapkamerdeur saggies agter haar toe. Sy stap in die gang af. In die kombuis is dit stil. Alles blink en is opgeruim. Dis vreemd, dink Evelyn. Waar is Rachel dan? Evelyn loer by die sitkamer in. Die TV is af en blêr nie oudergewoonte die laatmiddag-sepies uit nie. Werk sy dalk nagskof? Sy het niks gesê nie. Hulle sien mekaar deesdae so min, met dié dat Rachel langer ure werk. In die agtertuin kry sy vir Rachel, besig om die laaste herfsblare heftig bymekaar te hark. “Rachel!” raas Evelyn. Die meisiekind moet omgekrap wees. Sy werk nooit in die tuin nie. Dis Evelyn se plek. “Die stof …” Evelyn beduie vies na haar groentetuin. Rachel kyk vinnig op, maar hark dan weer verder. “Sorry, Ma,” mompel…

MAN WEIER VERDERE TERAPIE Ek (36) en my man (41) het aanvanklik vir terapie gegaan omdat hy baie danig met sy persoonlike assistent was en ek kapsie teen die tipe verhouding gemaak het. Ek dink nie dis toepaslik om ná nege saans vir jou baas onder-die-beltfoto’s, video’s en boodskappies met liefdesoentjies te stuur nie. Volgens hom is die terapie ’n mors van tyd en geld. Ons het net begin vordering maak toe hy laat weet hy wil nie meer nie. Hoe nou gemaak? – Raadop Ek vind die skielike staking van terapie suspisieus en kan nie help om te wonder wat die veranderde mening veroorsaak het nie. Die verhouding met die assistent is ongesond en pas nie by die gedrag van ’n leier nie aangesien daar geen grense is nie…

Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Godsdiensoefening en kerklike fees waarop brood en wyn ter herdenking van die kruisdood van Christus gebruik word SMS jou antwoord, voorletters, van en dorp/stad voor of op 24 Julie 2019 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…