Tabla de contenidos para Mar/Apr 2026 en SARIE

Is dit 2026, of 2016? Hoe dan nou? Want op sosiale media skree dit: 2026 is die nuwe 2016! Bekendes en nie-bekendes gesels oor skinny jeans, millennium-pienk en Kylie Jenner se grimering tóé. Ou foto’s en video’s word opgediep, nuwes word geplaas met grein-filters wat herinner aan ’n dekade gelede. Nostalgie seëvier. ’n Verlange na die “goeie ou dae” wat makliker en gelukkiger blyk te wees, sê sielkundiges. Wat onthou ek van 2016? Skinny jeans beslis, en pofbaadjies. Sedertdien is daar vir daai baadjies net geen omdraai nie. Ek dink verder, google en kyk wat sê KI, en stadig kom die onthou. “Da’ vat hy!” Ja-a, dit was die jaar van Lianie May en Jay se treffer. As daar ooit ’n rugbyliedjie was, is dit hierdie. Net soos “Kaptein”. Van…

SARIE-STERBRIEF Vakansie-blues Ons is terug by die huis. Ons gras is geel en droog en ons word deur hartseer, verlepte plante verwelkom. Ná sewe ure in die kar voel en lyk ons almal soos daai plante. Vir ’n oomblik dink ek aan die lekker glasie droë rosé waaraan ek ’n dag terug nog salig gesit en teug het. Met oumas en oupas wat saam in die boomhuis of by die glyplank speel en ek wat ’n boek kon lê en lees. Dis ’n groot aanpassing om terug te wees. Die vrieskas is leeg en my kinders verstaan nie hoekom daar nie ’n onbeperkte hoeveelheid ysies geëet mag word nie. Almal haat skielik gewone hawermoutpap en huil oor Froot Loops wat daar nie is nie. Naps is iets van die verlede…

JO ROETS se ragfyn kuns wat sy uit papierdun lugdroogklei skep, pryk wêreldwyd in kunsgalerye en kunsversamelaars se huise en sy het al verskeie toekennings daarvoor gekry. Nou is die vervulling van ’n jare lange droom om die draai en 222 wensbene het dit help realiseer. “My loopbaan het ná my opleiding in kunsregie en -produksieontwerp in die filmbedryf afgeskop, waarna ek vir veertien jaar by CityVarsity se kunsdepartement klas gegee het. Einde 2017 het ek bedank om voltyds as kunstenaar te werk. Ek moes strategies dink hoe ek dié storie gaan aanpak om op 39 as onbekende kunstenaar met iets unieks die kunswêreld te betree. Toe onthou ek van ’n trougeskenk wat ek vir ’n vriend gemaak het. “Vir klei het ek nog altyd ’n liefde gehad. Een van…

V Waar kom jou groot liefde vir mode en ontwerp vandaan? A Ek was altyd omring deur materiaal en patrone omdat my ma, Marie, die mooiste trourokke vir haar kliënte gemaak het. Sy het by die Suid-Afrikaanse ambassade in Mafikeng in die destydse tuisland Bophuthatswana gewerk, maar steeds naaldwerk gedoen vir ’n ekstra inkomste. Ek het baie by haar geleer, juis omdat ek altyd die patrone moes uitsny en opvou en bêre – daardie tyd was die patrone sulke dun sneespapier en jy moes dit presies reg vou, anders pas dit nie terug in die sakkie nie. Ek is my ma ewig dankbaar vir dié patroon-“trauma”! [Lag.] Ons honde was my modelle, hulle het altyd in my fiets se mandjie opgeëindig met die nuutste Anel Botha-skepping aan, gemaak van my…

KIES EN KEUR UIT ONS EIE Van bonkig en aards tot modern en delikaat, plaaslik ontwerpte juweliersware is net so kleurvol soos ons reënboognasie. Kenmerkend van die ateljee Pichulik se ontwerpe is die gebruik van tou en halfedelstene in treffende stukke. Bruin touhalssnoer met koperdetail en stene van tieroog, aventurien en jade (R1 350) en swart touhalssnoer met koperdetail en boomagaatstene (R1 100), albei van Pichulik. Koopgids op bl. 141…

1. Hier is ’n weelderige verjongingskuur vi jou lippe! Vanielje- en Swertia-ekstrak sowel as kragtige peptiede in Chanel se Sublimage L’Extrait Huile Lèvres (R6 345) voed jou lippe vir ’n sagter, plomper voorkoms. Swertia is ’n genus van kruiespesies wat in tradisionele Indiese geneeskunde vir allerlei kwale gebruik is. In dié lipolie ondersteun dit die vel se natuurlike herstelproses, terwyl vanielje die vel voed en opkikker. Amber glinsterdeeltjies dra verder by om die lippe voller en jeugdiger te laat lyk. Boonop is die produk pragtig verpak binne ’n leeromhulsel wat met die ikoniese Chanel-tweedmateriaal uitgevoer is. Wend dit saans aan wanneer jou vel se vermoë om homself te herstel op sy beste is. By Chanel-boetieks 2. Die man is nou in die geselskap van groot name. Met sy oopgeknoopte hemp, slanghalssnoer in plaas…

DIE OULIKE KUIKENTJIE Dis iets om oor liries te raak: Babylonstoren se Paas-aanbod wat insluit sjokoladekoekies met Paasbolletjiegeure (R350), ’n nessie met sjokoladebedekte neute (R50), ’n hoenderhokkie met sjokolade-eiers (R150) en soetkoekies in die vorm van waggelende eendjies (R130). Maar dis veral die gespikkelde sjokolade-eiers met ’n kuikentjie wat uitbroei (R95) wat die kollig steel. Hierdie sjokoladeskeppings sal die kinders laat jubel. Smelt en giet sjokolade, kaas en karamel moeiteloos met die Creative Cooking-smeltpot van vlekvrye staal wat ook as dubbelkoker oor jou pot ingespan kan word. Sowat R250 vir ’n pot met ’n volume van 450 ml by uitsoek-kombuiswinkels MARZANNE HOU VAN Elke happie is ’n heerlike avontuur! Hierdie elegante boks met dropballetjies bedek met Deense sjokolade is die ideale geskenk vir ’n fynproewer of ’n luukse bederf om…

Laat ek eerlik wees: Ek het probeer mediteer. Die stemming was reg – die sagte musiek, die YouTube-ghoeroe wat fluister ek moet my derde oog oopmaak. Ek het my oë gesluit, my asem diep ingetrek . . . en aan die slaap geraak. Jon Kabat-Zinn, wat mindfulness aan ons gewone Westerse siele bekendgestel het, sal sekerlik sê dis “deel van die proses”. Ek vermoed egter my sagte kussing was ’n fout. Ek het probeer om douvoordag op te staan omdat Robin Sharma dit so sterk aanbeveel in The 5 AM Club. Maar my bed se suigkrag was groter as my wilskrag. Voorafbereiding van maaltye het na ’n goeie plan geklink. En die YouTubers met hul pastelkleurige Tupperware laat dit só maklik lyk. Teen die tyd wat ek die plastiekhouers se…

V Hoekom Turkye? A In my twintig jaar as reisagent het ek die wêreld al van oos tot wes en suid tot noord verken, en nog nooit het ek ’n konneksie ervaar soos daardie eerste dag toe ek my voete op Turkse grond neergesit het nie. Die volgende drie jaar het ek heen en weer na die land gereis, en met my sesde besoek het ek en my lewensmaat ons hier in die hoofstad, Istanboel, gevestig. Ek het my eie onderneming en werk hier as digitale swerwer. Turkye is letterlik ’n brug wat Europa en Asië met mekaar verbind en die besonderse geografie bring ’n mengsel van kulture, tradisies, tale en leefstyle mee wat jy nêrens anders sal vind nie. Van die Hetiete tot die Grieke, Romeine, Bisantyne en Ottomane…

A @home 0860 834 834, home.co.za B Black Betty 066 305 0710, 071 672 6856, blackbettydesign.comBlock & Chisel 011 442 0809, 010 593 9308, 021 712 5193, blockandchisel.co.za D Dear Rae 021 447 1390, dearrae.co.zaDown to Earth Jewellery 065 134 6997, downtoearthjewellery.co.za E ERRE 073 885 9068, erre-fashion.com F famke 079 978 5078, famke.co.zaFoschini 0861 111 761, bash.com I Ida-Elsjé 082 414 1150, idaelsje.com K KLûK CGDT 083 377 7780, klukcgdt.com L Love Shouts 076 611 1544, loveshouts.co.zaLovisa 010 143 0780, lovisajewellery.co.za M Masch 081 306 9033, masch.co.zaMe&B 072 611 1979, meandb.shopMichael Ludwig michaelludwigstudio.com P Pichulik 072 104 9544, pichulik.comPoetry 0860 555 529, poetrystores.co.za S SELFI selfi.co.za Sweet Peas 066 530 4472, sweetpeas.co.za V Viviers Studio 065 617 6659, viviersstudio.com…

Kom speel saam, krap kop en toets jou kennis met die 28 raaisels oor die volgende blaaie. Die oplossings verskyn op die bladsy soos aangedui by die onderskeie raaisels. blok raaie GROOT BLOKRAAI Oplossing op bl. 158 FOTOBLOKRAAI Oplossing op bl. 158 blits blokraaie BLITSBLOKRAAI 1 Oplossing op bl. 158 DWARS 1 (5) AF 1 BLITSBLOKRAAI 2 Oplossing op bl. 158 DWARS . . los hê (iets is fout) (6) AF (8) BLITSBLOKRAAI 3 Oplossing op bl. 158 DWARS . . of stoot(4) AF BLITSBLOKRAAI 4 Oplossing op bl. 158 DWARS (5) AF . . om die nek (las) (9) (4) woord soeke + woord blomme WOORDSOEK 1 Oplossing op bl. 159 ALLES WAT DRYF AakArkBakkieBootEenmasterFeloekFregatGaleiGiekJagKaagKatamaranSkipSkuitSloepSmakTreilerVlot WOORDSOEK 2 Oplossing op bl. 159 ALLES WAT VLIEG Airbus Black Hawk Boeing Cessna…

Dis vroegoggend, is ’n lieflike, yskoue reëndag. Ek sit in ’n klein kantoortjie op die boonste verdieping van ’n sestiende-eeuse herehuis in ’n vreemde land. Ek het pas my skootrekenaar oopgemaak, die plan is om ’n heerlike kort storie te skryf oor positiewe gebeure en gevoelens. Te gereeld is moord, ontwrigting en konfrontasie die kernbestanddele van ’n verhaal, te veel leun ons – skrywers én lesers – op die swakheid van die mens as waarborg vir ’n topverkoper. Vanuit nêrens begin ’n ritme pols, doef-doef-doef. Ek is dadelik ontstig, ek het om die aarde gevlieg vir stilte. (Selfs in ’n besige straat met duisende voetgangers, almal luidkeels aan die gesels, vind jy stilte wanneer die taal onverstaanbaar is.) Die pols raak sterker, ek staan op en maak die venster oop,…

Sy is ’n besonder talentvolle jongmens. Professioneel en voorbereidSandra oor Ashley Ons uncanny ooreenkomste het gehelp om dieselfde karakter te kan speelSandra oor haar en Ashley in A Kind of Madness Op 78 lyk sy nie net veel jonger as haar ouderdom nie, maar Sandra Prinsloo het ’n byna bonatuurlike energie waaroor mense helfte haar ouderdom soms nie beskik nie – en sy het geen planne om af te skaal nie. Sy bly een van die besigste en gewildste aktrises in die plaaslike bedryf, en dan doen sy boonop adrenalien-aktiwiteite in haar vrye tyd. Sy het in die laaste paar jaar gaan hangsweef, die K3-glykabel naby Caledon (die wêreld se langste zipline) aangedurf, en gaan skubaduik in die Seychelle. Later vanjaar gaan sy die Plett Camino aanpak – ’n…

Sy is ’n klein figuur op ’n groot sofa in die sitkamer van die FW de Klerkstigting in die Tuine, Kaapstad, omring deur die nalatenskap van die groot liefde oor wie sy rou. Die Griekse vrou se groenblou oë kyk stip, maar Elita straal ’n onmiskenbare warmte uit. Geolie in die gesprekskuns, wyd belese en vlymskerp. Sy verras met teenvrae en deins nie terug nie. ’n Staalharde kampvegter vir oudpres. FW de Klerk se nagedagtenis. Op 73 het sy 54 jaar se gesprekke met van die wêreld se magtigste mense agter haar. “As Tony Georgiadis, ’n suksesvolle sakeman, se jong bruid wat net Grieks en Frans kon praat, moes ek my vinnig in Londen met Engels en kennis bemagtig.” Kennis was later vir haar ’n spel. “Jy kan ’n gespreksgenoot…

Miskien is dit daardie láng rooi tapyt wat soos ’n tekstiel-slang wag om die volgende ster uit te spoeg. Miskien is dit die ikoniese oomblikke: die trane, verrassings, dank aan “God, my ma en my agent”. Of dalk is dit omdat die Oscars die wêreld se glansrykste familiebyeenkoms is – een waar die prag en praal jou oë verblind, maar die drama die kollig steel. Op die oppervlak word die Hollywood-droom uitgestal. Die prestige, roem, ontwerpersrokke, juwele, flitsende kameras . . . perfeksie. Vlak daaronder lê die rou, eerlike en soms ongenaakbare werklikheid van die filmwêreld – die skandale, politieke uitsprake, wedywering, ego’s, teleurstellings, mode-flops en meme. Dis juis daardie kombinasie van glans én grinterigheid wat die Oscars onweerstaanbaar maak. Gordel vas vir the good, the bad and the ugly.…

Toe ’n Instagram-video van supermodel Bella Hadid wat net voor ’n fotosessie haar gesig in ’n bak vol ysblokkies druk die rondte begin doen, was dit nie lank voordat die mooimaaktruuk soos ’n veldbrand op sosiale media versprei het nie. Dis gedoop skin icing en net op TikTok is video’s daarvan al meer as 103 miljoen keer gekyk. Die belofte? ’n Kitsoplossing vir ’n stralende vel, porieë wat verdwyn, ’n fermer gesig en geen pofferigheid nie. En dit kos niks. Die gebruik van koue op jou vel is egter niks nuuts nie. Reeds duisende jare gelede is soortgelyke tegnieke deur die Romeine en Grieke asook in Indiese ayurvediese geneeskunde ingespan om die vel te kalmeer en skoonheid te bevorder. Selfs die Russiese keiserin van die 1700’s, Katharina die Grote, het…

’N GEUR vir elke geleentheid Modern, onvergeetlik, vol intrige. Dís hoe Elizabeth Arden hul nuwe vrouegeur, 5th Avenue NYC Downtown (R950 vir 75 ml EDP), beskryf. Die parfuum bring hulde aan vroue wat hul persoonlike styl en individualiteit uitleef. Met verfrissende topnote soos peer en matcha, ’n hart van jasmyn en lelies en ’n houtagtige basis is dit ’n parfuum wat ewe goed werk vir die dag en aand. MONICA HOU VAN Sogenaamde high-tech facials – gesigbehandelings waar gevorderde tegnologieë en toerusting ingespan word – is gewoonlik ’n belegging. Dis duur, maar die moeite werd omdat die resultate meer dramaties en onmiddellik is. Ek het een so ’n hoëtegnologie-behandeling, die Cellular Renewal Therapy (R2 200), by die Skin Recode-salon in Kaapstad op die proef gestel. Plasma word ingespan om pigmentasie en bakterieë…

SKEP TEKSTUUR Sagte wolkkleure kom tot hul reg met tekstuur. Balanseer voëlnessies op melkbekers en plaas ’n paar in bakkies. Gedroogde fyn takkies is tussenin neergelê en ingesteek. Pleks van ’n tafeldoek is kantpatroondoilies geknip om as plekmatjies te dien. IETSIE SOETS Bak jou gunstelingkoek en versier met wit versiersel. Rol marsepein-eiers met jou hande, of gebruik gekoopte wit sjokolade-eiers. Sien ook SARIE.com vir Herman se suurlemoenmeringue-koekresep (foto op bl. 11). PAASKRANS Draai ’n eenvoudige, oneweredige krans uit droë grasse en takkies. Ons het stewige draad as basis gebruik. Versier die krans met uitgeblaasde eierdoppe of wit sjokolade-eiers. DIE TAFEL Die tafel skitter in sy eenvoud. Handgeknipte papierplekmatjies vervang ’n formele tafeldoek. Die tafel is met wit breekgoed gedek en klein houtgordynringe dien as eierkelkies. Die krans bo die tafel…

Jy wil spaar. Hy gee geld uit asof dit aan bome groei. Of dalk is dit net mooi andersom in jul verhouding. Hoe ook al, as geld ter sprake is, sit julle vas. Geld bly een van dié groot oorsake van konflik in verhoudings. Die gemiddelde paartjie stry 58 keer per jaar oor geldverwante sake, wys ’n 2025-peiling van Wise, die internasionale geld-app. Millenniërs sit die meeste vas hieroor – ses keer per maand, teenoor die Baby Boomers se drie. Paartjies stry dalk oor geld, maar tog hou hulle nie daarvan om daaroor te praat nie! Trouens, hulle vermy sulke gesprekke of stel dit uit . . . In 2024 het ’n internasionale peiling gewys 44 persent van deelnemers beskou geldgesprekke as meer onvanpas as politiek, geloof of gewig. Volgens…

GESONDHEIDSREDAKTEUR Lydia van der Merwe lydia.vdmerwe@sarie.com ROOIBOS-TONIKUM Jou troosterapie Rooibos is nie net troos in ’n beker nie – dis ook ’n kafeïenvrye anti-inflammatoriese immuun-opkikker. Nuwe weergawes soos rooiboslikeur en -spritzer gee ’n moderne kinkel aan dié ou gunsteling. Die plant bevat aspalatien wat streshormone verminder, en polifenol wat die hart beskerm. Drink dit warm vir kalmte of yskoud met ’n skeut suurlemoen en heuning vir energie. Rooibos is trots Suid-Afrikaans én terapeuties en die geur troos meer as enige aanvulling in kapsulevorm. ROOIWYN Klein pouse vir jou dag Rooiwyn het kultusstatus as “hartgesondheid in ’n glas”, hoofsaaklik danksy resveratrol wat anti-inflammatories is en “goeie” HDL-cholesterol ondersteun. Maar die sleutelwoord is matigheid. Navorsing wys 1 glas per dag vir vroue en 1 tot 2 vir mans kan voordelig wees. Méér…

FELINE Tim Flach en Jonathan Losos (Abrams, R1 670) Die bekoorlike koffietafelboek sal katliefhebbers se harte steel. Dis ’n viering van katte in hul volle glorie. Flach moes aardse geduld hê om die uitsonderlike foto’s te neem, want katte reageer nie op bevele nie. Hulle doen net wat hulle wil! Losos se teks verduidelik meer oor die evolusie van katte en waarom ons katte sedert die vroegste tye al liefhet. Hoewel die fokus op huiskatte is, gee hulle ook aandag aan hul wilde eweknieë en die dringende bewaringspogings om hulle en hul habitat te beskerm. Flach se foto’s vang die uiteenlopendheid van die verskillende rasse uitsonderlik vas. Het jy geweet katte is in sommige antieke kulture as heiliges geag? Die boek bewys net weer waarom katte internet-ikone met miljoene volgelinge is en…

Sy het die res van die oggend in doodse stilte klaargemaak. Die hele tyd het sy probeer onthou wat gebeur het, maar soos Stefaans sê, kan sy ook net onthou hulle het die tee gedrink en daarna het sy ook baie warm begin kry. Liggies spuit sy haarsproei oor haar ligpienk hare, vat ’n kammetjie en maak seker elke haartjie is in plek. Sy tik ligpienk lipstif aan. Haar hand bewe. Ruk jou reg, Helga. Daar het niks gebeur nie, probeer sy haarself sus. Stefaans moet maar weet, vir die res van die reis gaan sy minder as niks met hom praat. Haar selfoon lui. Sy knip-knip haar oë. Dis al weer so tranerig en uit fokus dat sy amper nie op die skerm kan sien nie. Dit lyk of…

Verlede jaar het ek met my beste voorneme begin: om meer teenwoordig te wees, om eenvoudig te leef. Nie as modewoorde of Instagram-mantras nie, maar as ’n daad van aandag. Om stadiger te leef, fyner waar te neem en eenvoudige oomblikke genoeg ruimte te gee om my te verander. Soos die jaar aangegaan het, het ek dié voorneme telkens hersien, bevraagteken, aangepas – selfs verdedig teen ’n wêreld wat my aandag in fragmente opeis. Eers later het ek begin besef dat my soeke na eenvoud ongemerk begin verskuif het. Dat teenwoordigheid soms stilweg plek gemaak het vir afwesigheid, omdat ek dit verkeerd toegepas het en dit my eintlik selfsugtig gestem het. Dat “minder is meer” maklik ontaard in minder moeite, minder sorg, minder aandag. En dit was juis in hierdie…

KLÛK CGDT Hierdie luukse handelsmerk is bekend vir hul gesofistikeerde ontwerpe met ’n dapper gebruik van kleur, patroon en tekstuur. ME&B Ma Betina en dogter Kelly deel ’n liefde vir mode en uit dié passie ontwerp hulle hul prettige mode-items. Hul skeppings is vir alle vroue – ongeag hul grootte – wat daarvan hou om met hul uitrustings uiting te gee aan hul persoonlikheid. SELFI Die naam van dié modehandelsmerk kom van die woord “self”, met ’n fokus op selfbemagtiging, selfversorging en welstand. Elke reeks fokus op Suid-Afrikaanse kultuur en identiteit, met die gebruik van volhoubare tekstielstowwe. ERRE Die ontwerpduo Carina Louw en Natasha Jaume ontwerp transseisoenale stukke wat perfek is vir die moderne vrou met ’n veelsydige leefstyl. MICHAEL LUDWIG Kontemporêre luuksheid kraai koning by dié ontwerper se demi-coutureontwerpe…

Oscar-glans! 5 GRIMEERTRUUKS VIR ’N OUER VEL Die grimeerkunstenaar Rachel Ann Retief van Pretoria deel haar beste raad: 1. Bevog eers behoorlik: As jou vel droog is, wys fyn lyntjies makliker. Gebruik ’n vogroom met hialuroonsuur sodat jou onderlaag egalig en foutloos lyk en nie in plooitjies gaan lê nie. 2. Gebruik die regte onderlaag: Kies ’n ligte formule met ’n douerige afwerking vir ’n vars en glansende vel. ’n Dik matformule laat die vel maklik ouer lyk. 3. Kies grimeerprodukte met ’n roombasis: ’n Romerige blosser, verbronser én verligter is jou antwoord vir ’n jeugdiger, stralende voorkoms. Dit smelt in die vel in en gaan lê nie bo-op jou vel nie. 4. Lig jou gelaatstrekke: Fokus daarop om die vel ’n effense “lift” te gee. Wend blosser ietwat hoër…

BRUCE SE SJOKOLADEFUDGEKOEK Jy gaan ook elke krummel van dié oorgroot sjokoladekoek wil opeet. Maak soos ons en gebruik ’n spuitsak om die koek met effe donkerder patrone te versier. Detail tel! genoeg vir een 18 cm-koek 195 g (210 ml) botter  410 ml water  70 g (175 ml) kakaopoeier  420 g (750 ml) koekmeel  10 ml koeksoda  10 ml bakpoeier  600 g (710 ml) suiker  3 eiers  190 ml karringmelk FUDGE-VERSIERSEL 100 g fudge, fyngekap  50 ml room  500 g sagte botter  1 kg versiersuiker  45 ml kakaopoeier Verhit oond tot 160 ºC. Voer drie 18 cm-losboompanne met bakpapier uit en spuit met kleefwerende kossproei. Bring botter en water in middelslagpot tot kookpunt. Voeg kakao by en meng. Sif meel, koeksoda, bakpoeier en suiker saam. Meng eiers en karringmelk.…

KOM SIT HIER ’n Tafel en stoele van soliede hout en met moderne skoon lyne soos dié wat plaaslik gemaak is deur meestervaklui, pas by enige dekorstyl en is reg vir elke feestelike geleentheid. Koopgids op bl. 141 Skep ’n tafellandskap vir jou Paasfeesvieringe met ’n handgedraaide slangbosnes van 20 cm in deursnee (R240), shop.babylonstoren.com Dek ’n prentjiemooi tafel met ’n doek gemaak van 100% herwonne materiaal en wat boonop maklik is om te was (R2 099 vir 6- tot 8-sitplektafel), carasavendecor.com Onthaal met kerse wat rookloos is en nie drup nie (35 cm – R145, 45 cm – R189) in elegante klein kersblakers (R215 elk), misslong.co.za Verleen glans en kleur met die glasvaas van 23 x 19 cm (R424,15), @home ’n Oorgooideken handgeweef van suiwer linne (135 x 200…

Aan albei kante van die wêreld is daar meer troeteldiere as kindersDion Chang As jy hierdie artikel lees met ’n hond wat bedel om jou latte te deel, ’n kat wat jou toetsbord beset of hamster wat dink jou skouer is ’n dakwoning – geluk. Jy’s amptelik deel van die wêreld se nuutste modegier: die troeteldier-ekonomie. En Suid-Afrikaners doen mee. Ons bestee elke jaar méér aan ons pelsjas-kinders, net op ’n ietwat kleiner skaal as die groot internasionale spelers. Jy’s in bekende geselskap: Oprah en haar span cockerspaniëls, wyle Karl Lagerfeld en sy beroemde kat, Choupette, wyle koningin Elizabeth en haar ikoniese corgi’s, en natuurlik Taylor Swift met haar A-lys-katte – Olivia Benson, Meredith Grey en Benjamin Button. Volgens die bekende Suid-Afrikaanse futuris Dion Chang, wat die verskynsel ondersoek in…