Tabla de contenidos para May/Jun 2025 en SARIE

“Ons Hop Hop Spinnekop!” Wel, só sê die voorblad . . . Kurt Darren, die man wat die gogga laat spring, sê vir lank was hy bekend as Kaptein. En sowaar, daar’s min partytjies en sportbyeenkomste in die land – selfs waar die Bokke en Proteas oorsee speel – waar dié 17 jaar oue liedjie nie gehoor word nie. En dan sing álmal, dan is almal op die vloer. “Kaptein” het byna ’n nasionale lied geword. Maar deesdae word Kurt ál meer met ’n “Hop Hop Spinnekop” gegroet! Verbaas is ek nie. Nie as jy lees dat die liedjie al 22 miljoen keer op TikTok gekyk is nie, en ons die snaakse meme sien van bekendes soos Donald Trump en Beyoncé wat wikkel-wikkel op die ritme van die treffer. Wonder…

SARIE-STERBRIEF SARIE LAAT MY NADINK OOR VROUWEES Ek het onlangs my vyf-en-twintigste verjaardag gevier. Min mense geniet hul eie verjaardae, maar ek glo dit is die een dag in die jaar waarop jy kan doen net wat jou hart begeer. Jy kan jou mooiste uitrusting aantrek, jou hare sorgvuldig stileer – in my geval neem net dít twee uur, dus beslis nie ’n alledaagse ritueel nie – en dan jou gunstelingparfuum aanspuit. Geen skottelgoedmasjien hoef uitgepak te word of klere opgevou te word nie. Jy sit jou lippe aan, soos my ma altyd sê, en glimlag stralend: “Hier is ek, wêreld, ek verjaar!” Vanjaar het ek ’n besonderse geskenk ontvang: ’n SARIE-tydskrif. My kêrel se ma het dit vir my gekoop, want, vertel sy, haar oorlede pa het altyd vir…

As daar nou ’n paar dinge is wat die land se mense bymekaar kan bring, is dit sport, braaivleis en Kurt Darren-treffers. Tydens die Kampioenetrofee-kriekettoernooi in Pakistan vroeër vanjaar het sy liedjies “Kaptein (Span die seile)” en “Loslappie” oor die luidsprekers gespeel elke keer as die Proteas ’n paaltjie laat kantel of ’n vier of ses geslaan het. Kaptein Kurt se reaksie? “Dit was absoluut mal!” Kyk jy na sy loopbaan, is dit duidelik Kurt kraai stééds koning. Hy sing in volgepakte arenas en op skepe. As Kurt nooit gesing het nie, sou hy ’n wildbewaarder wou wees . . . daar in die hart van die Bosveld waar stilte jou ewige sielsgenoot is. Maar musiek het hom gekies en die blondekop-blouoog van Pretoria het in 1995 groot gedroom met…

Kort nadat Donald Trump sy eerste presidensiële veldtog in 2015 afgeskop het, het hy in ’n onderhoud op CNN gesê hy is daar om te wen. Hy het gespog: “Ek gee honderdmiljoene dollars op om dit te doen. Ek gee ’n spitstyd-televisieprogram op.” Trump was egter nie heeltemal so selfversekerd nie. Vir sowat ses maande nadat hy tot die wedloop toegetree het, het The Apprentice se stel op Trump Tower se 14de vloer onaangeraak gebly. Sou sy opmars na die Withuis gestuit word, was dit ten minste goeie publisiteit vir die volgende seisoen van The Celebrity Apprentice. Toe die stel uiteindelik afgebreek is, het van sy veldtogpersoneel daar ingetrek. Dít, skryf die vermaaklikheidsjoernalis Ramin Setoodeh in sy boek Apprentice in Wonderland, is ’n goeie metafoor vir die samesmelting van Trump…

’n Serum bied die mees gekonsentreerde vorm van aktiewe bestanddele en is geformuleer om die vel dieper binne te dring. Dit lewer uitstekende resultate en is ideaal om onder ’n dagof nagroom te gebruikYOLANDÉ SWANEPOEL, AKADEMIESE HOOF BY DIE ISA CARSTENS AKADEMIE Soms voel dit of jou vel alewig vaal lyk. Ons vel word daagliks aan verskeie skadelike stowwe blootgestel. Ons velwand werk oortyd en mettertyd is dehidrasie, droogheid, die tekens van veroudering en rooiheid meer sigbaar. Verkwik jou vel met die Avène Cicalfate+ Intensive Skin Recovery Serum (R500) wat inflammasie reguleer en die velwand herstel. Verryk met die unieke Avène-mineraalbronwater en pro-vitamien B5, beloof die serum om reeds binne ’n dag jou vel stralender en jeugdiger te laat lyk. Ná 15 jaar se navorsing oor epigenetika in velsorg (hoe…

Terte betower elke keer, soet of sout. Saam met goeie rooibostee, waarvoor kan jy meer vra? HERMAN LENSING Basiese tertkors Gebruik die kors vir die 5 resepte op hierdie blaaie. Die Franse noem dié styl van die kors maak sablé (letterlik “sanderig” danksy die bros, botterige tekstuur). genoeg vir 1 x 20 cm-kors ■ 210 g (375 ml) koekmeel plus ekstra vir sprinkel ■ 105 g (125 ml) versiersuiker ■ 2 ml sout ■ 115 g (125 ml) botter ■ 125 ml room ■ 1 eiergeel ■ 15 ml suurlemoensap Plaas meel, versiersuiker, sout en botter in voedselverwerker en pols by hoë spoed tot tekstuur van fyn broodkrummels. Klits room, eiergeel en suurlemoensap saam. Terwyl menger loop, gooi eiermengsel geleidelik by tot sagte deeg vorm. Maak deeg toe met kleefplastiek…

Jocelyn Hellig, ’n mediese dokter, is al baie jare lank ’n entoesiastiese kunsversamelaar en toe haar woonstel se mure te vol raak, het sy geweet dis tyd vir ’n groter plek. Die skakelhuis wat haar aandag getrek het, was in daardie stadium ’n baie basies en prakties ingerigte gastehuis. Hoewel die huis ’n dringende oormaaksessie gekort het, het sy haar nie laat afskrik nie en die hulp ingeroep van haar ou vriend Dawid Augustyn, stigter van die interieurontwerp-onderneming Establishment (establishment.co.za). Dit was nie lank nie of die 100 jaar oue woning het soos ’n nuwe sikspens gelyk. Albei se visie was om die erfenis-elemente te behou en te aksentueer, maar die huis moes ook ’n gesofistikeerde palet van energieke kleure en haar kontemporêre kunsversameling kon akkommodeer. Dawid het besluit om…

‘As kind in die sewentigs op skool het ek nie kinders geken wie se ouers geskei is nie. Dalk was daar, maar dis so geheim gehou dat niemand geweet het nie, want dit was die tyd van “Wat sal die mense sê?”. Hoewel die stigma aan egskeiding gelukkig iets van die verlede is en baie mense deesdae besluit tot hiertoe en nie verder nie, is dit nie so eenvoudig soos pak jou tasse en vat die pad nie. Soos alles in die lewe verstaan jy eers wat iets beteken as jyself daarin of daardeur is. Skei is erg. En as daar kinders is, is dit nie net die ouers wat skei nie – die gesin skei. Volgens die jongste syfers is daar kinders betrokke by meer as die helfte van…

Wie wil nou nie gelukkiger wees nie? Wel, in jou strewe daarna, moet jy dalk op jou liggaam eerder as jou kop fokus. Begin sommer nou deur meer regop te staan. Skouers terug, maag in. Glimlag effens, selfs al is dit maar stram. Dié klein aanpassings sal jou brein vertel iets goeds is op pad. En siedaar. Jy voel sommer meer positief en opgewek. Daar is ’n sterk verbintenis tussen geluk en jou lyf. Alte dikwels stuur ons liggaam seine oor hoe ons voel en ons brein reageer bloot daarop – eerder as andersom. Dis dus nie jou slim brein wat jou gelukkig maak nie. Soms is dit jou lyf. Wat jy met jou sintuie inneem, sien, ruik, hoor . . . kan jou ingesteldheid beïnvloed. Hoe jy oor jouself…

Sestien jaar gelede het die legendariese avonturier en reisghoeroe Kingsley Holgate by ’n boekbekendstelling aan Carla Geyser gesê: “All you have to do is get in your car and turn the key.” “Dit het dadelik tot my gespreek, en dis steeds die mooiste sêding,” sê sy. Dit het nie by inspirerende woorde gebly nie. Carla het al sowat 95 000 kilometer in Afrika afgelê. En soos haar kleintydse held, gaan haar ekspedisies nie net oor avontuur nie, dis ook vir ’n goeie saak. Om mense en diere in nood te help. Carla het deur die jare al talle toere vir vroue (“Journeys with Purpose”) in Afrika gelei onder die vaandel van haar organisasie sonder winsoogmerk, Blue Sky Society Trust, en terselfdertyd geld vir bewaring ingesamel. Maar sy het nooit kon…

A @home 0860 834 834, home.co.zaAldo 010 300 6888, aldoshoes.co.za F Forever New 086 001 8014, forevernew.co.zaFoschini 0861 111 761, bash.com H Haus by Hertex 021 914 3390, 0860 437 839, hertexhaus.co.za K K.Light 021 552 4370, klight.co.za L Lovisa 010 143 0780, lovisajewellery.co.za M M&B 072 611 1979, meandb.shop O Old Khaki 086 044 4429, oldkhaki.co.za P Poetry 0860 555 529, poetrystores.co.za S Superbalist 087 362 7300, superbalist.com W Woolworths 0860 022 002, woolworths.co.za Z Zara 011 302 1500, 021 446 8700, 031 536 6440, zara.com/za…

blok raaie GROOT BLOKRAAI Oplossing op bl. 158 FOTOBLOKRAAI Oplossing op bl. 158 blits blokraaie BLITSBLOKRAAI 1 Oplossing op bl. 158 DWARS 1 5 8 9 10 12 13 15 17 19 20 22 23 AF 1 2 3 4 5 6 7 11 13 14 16 18 21 BLITSBLOKRAAI 2 Oplossing op bl. 158 DWARS 7 8 10 11 12 13 17 18 22 23 24 25 AF 1 Aangaan by (7)2 Buitmaak (7)3 Trompie se groep (5)4 Patella (7)5 Stop (5)6 Mondelingse (5)9 Kyktoestel op ’n duikboot (9)14 Voor die ander (7)15 Grasvlakte (7)16 Ou, stukkende klere (7)19 Net gekke en . . . skryf op mure en glase (5)20 Stip kyk (5)21 Skryf dit op ’n koevert (5) BLITSBLOKRAAI 3 Oplossing op bl. 158 DWARS 1 5…

Kan een volwassene só opgewonde wees? Ja, ek is letterlik besig om die dae te tel. Soos in die weke voor my verjaarsdag. Ek was toe op laerskool, dit was verstaanbaar. Maar nóú? Die verhaal begin agt maande gelede. Ek was, soos die laaste paar jaar, eenvoudig te besig om een van my epiese verjaarsdagetes te reël, ek wou ’n stil dag hê, net rus, deesdae die grootste geskenk aan myself. ’n Paar vriende het vinnig ingeloer en geskenkies gebring. Binne een bondel sagte papier was ’n beeldjie, ’n klein bietjie hoër as 30 cm, ’n wit torso uit een of ander tipe sement of gietsel, bo was ’n goue vierkant uit porselein of keramiek, geen ware kunswerk nie, maar ’n treffende voorwerp wat verkoop word as dekor. In my…

Daar is min bekende paartjies so geliefd soos Eben “Elizabedi” Etzebeth, tweemalige SA Rugbyspeler van die Jaar, en sy aktrise-sangeres-vrou, Anlia. Hul SARIE-voorblad, geskiet op hul troudag in 2023, was immers die beste verkoper van daardie jaar. “Beste 2 jaar van my lewe,” het Eben in Februarie vanjaar met hul huweliksherdenking getwiet. “Jy maak my die gelukkigste vrou op aarde,” het Anlia geantwoord. In Januarie verlede jaar het die Etzebeths ook ’n babadogtertjie verwelkom. Anlia sê sy is nou “in haar ouerskap-era” en ander planne speel vir eers tweede viool sodat sy elke oomblik moontlik saam met haar kind kan geniet. Maar klaar met toneelspel en sing is sy glad nie. Sy het plaaslik bekendheid verwerf as die feeks Sasha Richter in kykNET se Getroud met rugby (sy was tussen…

In die wêreld van Janco Scholtz is sy kamera en ’n klavier – eintlik enige klawers waarop hy sy hande kan lê, selfs ’n orrel of trekklavier – sleutels tot ’n kennismaking, ’n geselsie en dalk selfs ’n vriendskap wat sommer ook tot ’n reis na ver lande kan lei. Dié talentvolle pianis woon sedert die Covid-jare op Clarens in die Oos-Vrystaat, waar die lewendige kunskultuur sy kleintydpassie vir fotografie aangewakker het. Hier neem hy op koue wintersoggende lugballonne af, saans kunstenaars op die verhoog. Dit het gelei tot saamwerk met verskeie kunstenaars en uiteindelik tot geleenthede in Kaapstad se toerismebedryf. En soos hy dit beskryf, “ongelooflike belewenisse met luukse seiljagte, lodges afneem in Botswana, helikoptervlugte, wynplase en eksotiese motors”. Sy talent as pianis is op ’n vroeë ouderdom geslyp…

1 SENSASIONELE SUÈDE As daar één nuwe tekstuur is wat jou winterkas nodig het, is dit suède. Baadjies, rompe, handsakke tot skoene – jy kan kies wat die beste by jou persoonlike styl pas. 2 PLATTELANDSE SJIEK Dié trend weerspieël die kalmte van ’n naweek weg – al is jy in die stad. Byna soos ’n Britse adellike wat met jou honde in die buitelug gaan stap. Wees op die uitkyk vir items in geruite stof, truie, leerbaadjies en lang jasse. 3 WENNER-WYNROOI Ons kan net nie genoeg kry van hierdie kleur wat ons laat dink aan ’n heerlike glas rooiwyn voor die kaggel nie. Of jy dit treffend van kop tot toon dra of gebruik as die skilderdoek om ’n ander kleur tot sy reg te laat kom, dié…

1. Vir Moeders- én Vadersdag! Dolce & Gabbana se uniseks geur Velvet Zafferano (R6 575 vir 100 ml EDP) is ’n ode aan saffraan, een van die wêreld se gesogste speserye en in Italië tradisioneel ’n simbool van welvaart. Die skepper, parfumeur Aurélien Guichard, is bekend vir sy gebruik van suiwer en natuurlike bestanddele. Saam met die saffraan skep tabakblaar in Velvet Zafferano ’n eerste geur-indruk, terwyl note van patsjoelie, vanielje en kliproos (Cistus) op jou vel draal. Die glasbottel met goue detail is treffend met die kenmerkende D&G-plaatjie, nes die swart fluweelhouer waarin dit verpak word. By uitsoektakke van Woolworths, Edgars en ARC 2. ’n Sonbril is een van die maklikste maniere om oemf aan jou uitrustings te gee. Die Spaanse luuksemodehuis Loewe het met hul nuwe sonbrilreeks inspirasie…

BLAAR-OOMBLIK Lapservette rond enige teetafel af. Dié servette van fyn katoen- en linnevesel het ’n blaarmotief wat ’n vars, organiese gevoel skep. Dit is masjienwasbaar en geskik om by lae hitte te tuimeldroog. R179 vir 2 by superbalist.com MARZANNE HOU VAN…

KUNS IN DIE KOMBUIS Selfs ’n kombuismuur kan dien as ’n galery vir jou versameling kunswerke, soos in huis Hellig. Skilderye, keramiekware en artefakte gee kleur aan ’n andersins wit kombuis Koopgids op bl. 141…

As sy geweet het daar is ’n verskynsel soos love bombing, sou sy met die eerste tekens al gevlug het. Maar toe raak sy betrokke by die sjarmante man wat haar in toprestaurante onthaal en met komplimente en geskenke oorlaai. “Dit was só romanties, maar eintlik is hy ’n wolf in skaapsklere,” sê Anine de Beer* (34) van Kaapstad. Nou, ná ses jaar saam, probeer sy om weer op te staan. “Liefdesbombardering is ’n rooi vlag in ’n verhouding omdat dit gesonde grense oorskry,” sê Simoné Vink, kliniese sielkundige van Bloemfontein. Narsisme is een van haar spesialisgebiede. Love bombing kom gewoonlik aan die begin van ’n verhouding – veral ’n romantiese een – voor. Jy word gebombardeer met meer as normale aandag. “Dis beslis nie liefde nie, maar ’n doelbewuste…

Daar staan sy in haar volle glorie . . . selfs nóg groter as wat ek verwag het. Vir ’n paar oomblikke is ek stomgeslaan. Al wat ek kan dink is wow. Ek staan op die passasiersterminaal by die hawe in Lissabon, Portugal, en aanskou die Norwegian Viva, ’n luukse passasierskip wat deel is van die Norwegian Cruise Line (NCL) se vloot. Die opwinding borrel oor binne my, want vir die volgende week gaan dié “seehotel” my tuiste wees. En wie droom nié van ’n vakansie op ’n luukse boot nie? Met die intrapslag op die skip beleef ek reeds my tweede wowoomblik. Voor my is ’n atrium van drie vloere hoog, bewegende ligte en glinsterende stervorms van glas wat van die dak hang. Die elegante klanke van ’n jazz-orkes…

SAR IE-STERB OEK WILDLIFE OF SERENGETI & NGORONGORO CONSERVATION AREA Jean du Plessis & Rupert Watson (Struik Nature, R250) Dié natuurgids vorm deel van die reeks Nature Now, almal met lieflike volkleurfoto’s wat die diversiteit van die natuurlewe weergee. Die Serengeti Nasionale Park en aanliggende Ngorongoro-bewaringsgebied (albei UNESCO-wêrelderfenisterreine) word jaarliks deur derduisende safarigangers van oor die wêreld heen besoek. Die streek se diverse landskappe sluit digte bergwoud, bosveld, grasveld, mere en moerasse in. Elke jaar stroom mense hierheen om die migrasie van meer as 1,5 miljoen wildebeeste en duisende sebras te ervaar. Die gids verskaf inligting oor die belangrikheid van die gebied en 60 soogdier-, 50 voël- en 30 reptiel- en amfibiese spesies word bespreek. Foto’s vergemaklik identifikasie. Bondige inligting oor boomspesies en interessante insekte help safarigangers om ander aspekte…

“Ek is flippen bly dis vandag die eerste dag van Februarie,” sê Rooi terwyl hy ’n klomp rekeninge in sy boonste lessenaarlaai bondel. “Spesiale datum vir jou?” vra Kassie. Rooi lag. “Nee, net die feit dat die uitmergelendste maand op die 2024-kalender sy dinges gesien het, laat my weer normaal asemhaal. Wens die polisie wil nie ons salarisse ’n week voor Kersfees inbetaal nie. Dit sou Januarie vanuit ’n finansiële oogpunt draagliker gemaak het.” Hy skud sy kop. “Ek en Torretjie het omtrent geld uitgegee asof ons die Lotto gewen het. CJ alleen het my ’n fortuin gekos. Buiten die hope presente wat ek onder druk van Torretjie moes koop, moes ek nuwe matte in sy kamer lê, die mure met ’n ander kleur uitverf en ’n groter bababedjie aanskaf,…

Liefste Ma of sommer net Meraai soos ek Ma soms genoem het Ek skryf vir Ma ’n gedig sonder fênsie leestekens . . . (Nee, dis nie waar nie. Dié brief het leestekens, die i’s is gedot en die t’s gekruis, want my ma was ’n streng vrou en trotse sekretaresse vir meer as veertig jaar by Hoërskool Aliwal-Noord. Ma het daai skool met ’n ysterhand bestuur, maar wag, kom ek begin skryf) Ma, dit is vir my die vreemdste ding: dis nou al meer as twee jaar dat Ma weg is . . . Ek weet nie van baie ander kinders en hul ma’s wat so ’n verhouding soos ons gehad het nie. Daar is egter iets wat my pla. Ek het nog nie een nag oor Ma gedroom…

KATVOETS As jy hierdie winter oemf aan jou uitrustings wil gee, is dit vir seker met ’n luiperdvelpatroon-stewel of -skoen. Tydlose skoenstyle kry persoonlikheid met dié ikoniese patroon. Koopgids op bl. 141…

PLAASLIKE SUPERSTER Het jy al Woolworths se WBeauty Glow Skin Toner (R219) probeer? Dié afskilferaar-verfrisser is so gewild dat een elke vier minute in SA verkoop word! Ons kan sien hoekom: Die melksuur, sitrusekstrakte en niasienamied in die formule werk vir ’n stralende gelaat, gladder veltekstuur en porieë wat kleiner lyk. Wend dit twee keer ’n week saans op jou gesig aan met ’n kantoenlappie. MON ICA HOU VAN Vir ’n geruime tyd het my vel moeg en vaal gelyk en dit het gevoel asof my velsorgprodukte net nie meer wérk nie. Ek was dus baie opgewonde toe ek ’n uitnodiging kry om die skoonheidsalon Skinsations op Somerset-Wes se gewilde Miracle Facial te ervaar. Die behandeling is spesiaal saamgestel deur saloneienaar Liezel de Ridder en begin met ’n deeglike afskilfering met…

VARKTJOPS IN ROOM MET PERE Peer, appel, salie en mosterd is vark se binnekring. Hulle kuier vir ure saam en jy wonder altyd hoekom hulle vriendskap werk – en tog! genoeg vir 6 ◾ 45 ml olyfolie◾ 6 varklendetjops (loin chops) – vetrand verwyder◾ 2 uie, in skywe gesny◾ 3 knoffelhuisies, fyngekap◾ sout en varsgemaalde swartpeper◾ 60 ml korrelmosterd◾ 4 pere, in die helfte gesny en ontklok◾ 3 takkies tiemie◾ 350 ml-bottel appelbier (cider)◾ 250 ml room Verhit oond tot 180 °C. Verhit olyfolie tot warm in middelslagoondvaste pot. Braai tjops in warm olie tot goudbruin verseël. Haal uit pot en braai uie en knoffel tot uie begin verbruin. Pak tjops bo-op en geur goed met sout en peper. Smeer korrelmosterd oor tjops. Pak pere en tiemie bo-op tjops. Gooi…

SITRUS Sitrusvrugte soos lemoene en suurlemoene is goeie bronne van vitamien C, wat die immuunstelsel ’n hupstoot gee. Vitamien C ondersteun ook velgesondheid. Een rede is dat dié vitamien kollageenproduksie aanhelp. Kollageen help om plooie te verminder en verhoog bloedvloei na die vel, wat dit plomp en jeugdig hou. Vitamien C is boonop ’n kragtige antioksidant, wat help om die vel te beskerm teen vry radikale weens skadelike omgewingsfaktore soos ultravioletstrale (UV) en besoedeling. WAATLEMOEN Een van die beste gewoontes wat jy vir ’n mooi vel kan aanleer, is om bevog of gehidreer te bly. Dit kan niks doen aan plooie en ouderdomsvlekke, natuurlike tekens van veroudering, nie. Maar hoe meer gehidreer jou lyf is, hoe plomper is jou vel en fyn lyntjies dalk minder sigbaar. Hidrasie dra by tot…

Netflix se dokkie Apple Cider Vinegar fokus op hoe sosiale media geboorte gegee het aan bedrieglike, sogenaamde welstand-smaakmakers. Soos Belle Gibson, wat haar kankerreis aanlyn gedokumenteer en ’n lojale aanhang opgebou het. Net: Sy het nooit kanker gehad nie. Sy is dalk as ’n bedrieër ontmasker, maar die welweesbedryf wemel van mense wat met die verkeerde inligting en pseudowetenskap smokkel. As dit by ’n gesonde leefstyl kom, is daar sekere basiese, plat-op-die-grond beginsels wat onveranderd bly. Vergeet die foefies, soos koffie-enemas à la Apple Cider Vinegar. Eet gebalanseerd, beweeg meer, beheer stres en slaap genoeg. Lewe in vrede met jouself en jou buurman. En tel jou seëninge. Goeie gesondheid is iets wat jy nooit vanselfsprekend kan aanvaar nie. Jy moet elke dag daaraan werk. Die res is net genade. 1 HOU…

Van Rensburg verduidelik Kassie is verknog aan sy rooi windjekker, vir hom is dit soos ’n uniform wat geluk bring. “Toe hy met Amalia getrou het, het sy van sy hoogwaterbroeke en two-tone-hemde ontslae geraak, maar hy het volstrek geweier om van sy geliefde kledingstuk afstand te doen. Hy het nie tóé besef dat hierdie ‘handelsmerk’ misdadigers in Leeumens afleidings kon laat maak oor sy betrokkenheid by die saak nie. Nie dat sy windjekker ooit in die asblik sou beland nie.” Die Altman-broers het vyf jaar tevore spoorloos uit hul huis in Rondebosch verdwyn. Toe die skatryk tweelingbroers se geraamtes in ’n veld deur ’n stootskraper opgediep word, dring die Wes-Kaapse polisiehoof daarop aan dat Kassie en Rooi die saak ondersoek. In die geheim, want die drie speurders destyds op…