Tabla de contenidos para Mar/Apr 2024 en SARIE

Sê ja! Mál oor tydskrifte, natuurlik ja. En koerante. Maar ek’t ook ’n ding vir radio. Seker omdat ek in ’n huis grootgeword het waar ons nuus geluister het. En kennis gemaak het met vervolgverhale, jazzmusiek en die opwinding van die Bokke wat êrens hul harte vir volk en vaderland uitspeel. Theatre of the mind wat fassinerend en magtig was. Ek’s steeds verknog aan ’n ou transistor-radio’tjie. Dra dit gereeld saam met my deur die huis, daar waar ek woel en werskaf, en ignoreer skimpe oor iets meer modern, dalk digitaal. Geselsradio, dis eintlik my liefde. Só het ek al meer oor die lewe en ons land geleer as deur baie ander dinge. Vroeg in 2024 pols die aanbieder luisteraars om te sê watter boek die grootste impak op hul…

WEES GOED VIR JOUSELF As vroue raak ons soms verlore in ’n wêreld wat ons aandag verlang. Daar is so baie om te doen, maar so min tyd. Die meeste van ons werk lang ure om ’n toekoms vir onsself en ons gesin te bou. Ons verantwoordelikhede stop nie daar nie, dis ook kosmaak, inkopies, kinders help met huiswerk . . . Die lys gaan aan en aan. En ons moet probeer goed lyk terwyl ons dit doen. Dis ’n vinnige lewe,’n gejaag na tyd. Dit is menslik om soms oorweldig en uitgebrand te voel. Die samelewing het partykeer onrealistiese verwagtinge, maar selfs dít kom nie na aan die eise wat ons aan onsself stel nie. Ons is onselfsugtige versorgers, wat so regstaan vir ons geliefdes en naastes se behoeftes…

KATEGORIE 1 (1949 – 1959) Die eerste Sarie Marais tref die rakke. Die voorblad vroulik, stylvol, geïnspireer deur ontwerper Christian Dior se na-oorlogse gewilde New Look. Die dekade behoort aan Grace Kelly en Marilyn Monroe. Mettertyd word Coco Chanel se “slim look’’ met ’n reguit romp en kort, vierkantige baadjie ook die tydskrif se stempel. En lippe is rooi! * Gebore tussen 1949 en 1959? Skryf nóú in. KATEGORIE 2 (1960 – 1969) Jackie Kennedy is die stylikoon. Dis ook die Swinging 60’s en Twiggy met haar pixiestyl-hare waarskynlik die eerste supermodel. Die tydgees is vryer, meer uitdagend, vol pret. Mary Quant gee ons die miniromp en sjoebroekie en YSL die eerste tuxedo vir vroue. Dis die tyd van ruimtereise en groot drome – en lang Twiggy-wimpers. * Gebore tussen…

KOP TOT TOON ’n Interessante patroon trek altyd die aandag, maar selfs nog meer as dieselfde patroon van kop tot toon gedra word en boonop van ’n plantgebaseerde materiaal gemaak is. Lospassende broek van plantgebaseerde materiaal (R1 500) met bypassende kort top (R520) en baadjie (vanaf R1 400), alles van Hannah Lavery. Oorbelle van herwinde koper en glas (R699), H&M Studio, slegs beskikbaar by die Sandton-winkel. Swart leerhakskoene (R1 599), Woolworths. GROOTTES Broek: 6 – 18 Top: 6 – 12 Baadjie 6 – 18 KUNSWERK Die kralewerkpalmhandsak is met die hand geborduur en is dus kosbaar. ’n Item wat enige uitrusting daardie ekstra oemf gee. Kralewerk-palmhandsak met protea- en Ndebelemotiewe (R1 890), Asatsi. Groen blinkerrok (R1 550), EEME (eeme.co.za). GROOTTES Rok: S – L EWIG JEUGDIGE JAS ’n Jas in…

EET IN STYL Die New York-eetgereireeks van Nicolson Russell word gemaak van soliede vlekvrye staal en kom in ’n elegante swart afwerking. R1 499 vir ’n 16-stuk-stel by Superbalist MAAL MOOI Sout- en pepermeule mooi in ’n slanke ontwerp. Die blinkswart meul van Le Creuset (21 cm) is treffend en modern vir enige kombuis. R649 per meul ’N BIETJIE drama Swart is die kleur op almal se lippe. Of dit skakerings of afwerkings in matswart, gekraakte peper of drop is, verleen ’n tikkie drama aan jou kombuis of kuiertafel met ’n spatsel swart. FOTO MICHAEL LE GRANGE SIT AAN Hierdie lieflike porseleinborde (28 cm) met hul mooi swart rand en fyn grafiese ontwerp uit Jenna Clifford se Black sal Rose-versameling sal vi seker jou gaste aan die praat hê. R679…

Soms dink ek dat ek die mees oninspirerende mens op aarde is. Ek vermoed ook ek is die luiste mens op aarde. In vergelyking met my doen en late, doen ander mense fantastiese dinge. Dinge wat ek ook graag sou wou doen, maar, nou ja . . . nog nie gedoen het nie: ’n Antie van negentig spring vreesloos en vol vreugde met ’n valskerm uit ’n vliegtuig. Die pragtige Kirsten Neuschäfer seil alleen om die wêreld sonder enige moderne tegnologie – en wen boonop die moordende resies. ’n Man in Skotland ruim berge en berge rommel op uit sy mooi land se besoedelde riviere en maak dit weer sprankelende strome. Hilde Mouton beland ná haar troue op ’n groot stuk aarde, woes en wyd. Sy raak begeesterd oor die…

’n Troue, ’N VOORBLAD Dit was haar jaar. In 2023 wen Liza Aiken SARIE Voorbladgesig en trou in Knysna met Steve Mooney, haar IT-spesialis-kêrel van elf jaar. “Ek wou nooit trou nie, maar die lewe is so kort – dít het die pandemie weer gewys,” sê Liza. Kyk uit vir haar troue in ons nuwe SARIE TROU, vanaf 22 Maart op die rak. Ons deel ook troues van onder andere akteurs Lea Vivier en Armand Aucamp, ons Bruidspaar van die Jaar ’23, Nicole en Ryno Eksteen, en van ’n Wêreldbeker-Bok op ’n wynplaas buite Franschhoek. En as jou troue voorlê, wys SARIE TROU boonop die nuutste rokke, kenners gee wenke en ons praat hare, blomme, parfuum en nog baie meer. Onsigbaar, maar onvergeetlik, het Coco Chanel oor parfuum gesê. Vir…

Dit voel soos ’n vorige lewe, die dae toe ’n hele span mense in my huis gewerk het. Daar is skoongemaak, gekook en gebak, inkopies gedoen, mandjies vol wasgoed is gestryk en netjies weggepak. Nou is daar niemand, dis net ek. Sommige het weggetrek, ander het afgetree, nog ander het geëmigreer. Ek het eenvoudig nie die emosionele energie gehad om ná al hierdie jare skielik vreemdes in my ruimte toe te laat nie. Nou doen ek alles self en dis harde werk, maar ek weet dis wat my familie en vriende in Europa doen en dis goed so. Daar is net een ellende: die stryk van ’n baie groot tafeldoek. En ek besit vele. En wanneer daar tafel gedek word, gebruik ek ten minste twee op ’n slag, dis mooi…

Die toneel: Die openingsaand van Aunty Merle: Things Get Real, Marc Lottering se musiekblyspel, in die Baxter-teater in Kaapstad. Die klanktoets is pas afgehandel, die rye stoele wat netnou gepak gaan wees, nog leeg. Op die oomblik is net Jawaahier Petersen op die verhoog. Sy fokus op ’n spesifieke stoel, nommer 8 in ry AA. Madeegha Anders, haar ma, kom saggies nader en vat haar hand. Sê dan vertroostend: “Hy kyk vanaand – en ek is hier.” Hý, die teaterlegende Taliep Petersen wie se naam met ’n plaatjie op die stoel verewig is. Taliep wat op 16 Desember 2006 in sy huis in Athlone, Kaapstad, op teregstellingswyse doodgeskiet is. Ná die sensasionele hofsaak is Najwa Dirk, sy vrou en Jawaahier se stiefma, 28 jaar tronk toe gestuur vir haar aandeel…

’n Skoon vel papier laat my hart sing JEANNE HUGO VAN DER MERWE,kunstenaar en illustreerder van opvoedkundige plakkate Waar Jeanne Hugo van der Merwe haar ook al bevind, sorg sy dat sy papier byderhand het. Selfs toe sy vir ses jaar as kunsgalerydirekteur op passasierskepe oor die wêreld heen gevaar het, het sy dit altyd iewers aangekoop . . . Soms handgemaakte papier in Mexiko, as sy so gelukkig > < was, soms regte Fabriano-papier in Italië of dalk net ’n paar los velle wat sy op ’n piepklein dorpie naby Tauranga in Nieu-Seeland opgespoor het, maar daarsonder kon sy nie. “Dis seker soos ’n dwelm vir ’n verslaafde, daar is net iets aan ’n skoon vel papier – en as dit boonop ’n sekere tekstuur het, roep dit my.…

SIEN KOOPGIDS OP BL. 141…

Die Franse parfuumhuis Ex Nihilo bestaan al tien jaar. Om dit te vier het hulle die fyngeur Ex Nihilo Blue Talisman (R6 760 vir 100 ml EDP) in ’n verleidelike juweelblou bottel geskep. Die Spaanse parfumeur Jordi Fernández, wat as ’n meester van amberparfuums gereken word en ook geure vir huise soos Versace skep, het die kombinasie van peer, bergamot, lemoenbloeisel, muskus en amber gekies. Die resultaat is ’n sensuele, strelende ambergeur met subtiele varsheid. By Skins Cosmetics Nuwe lewe vir die Gucci-logo! In die nuwe GG Jacquard Princetown-aanglipskoen (prys op aanvraag) is die stigter, Guccio Gucci, se voorletters in ’n geometriese jacquard-patroon in die materiaal geweef. Die elegante skoen met sy plat leersool is ontwerp vir die moderne vrou wat gemak vooropstel, terwyl die kenmerkende goue perdestang-detail hulde bring…

MOOIE MENGELMOES VIR ‘SITKAMER’ (BO) Die sitruimte is ’n slim vermenging van oud en nuut. ’n Moderne rusbank (wetherleys.co.za) is ’n interessante pasmaat vir die leunstoele (Bali Trading) met hul antieke voorkoms. Die rustieke bykomstighede wat boervrou Illze Muller hierby gekies het, maak dit ’n plek waaraan jy jou kan verwonder, jy wil weer en weer kyk. Die beesvel is van Weylandts en die ou werkbank het sy op ’n vriend se plaas gevind. Dit is nou ’n trotse uitstalplek vir mooigoed en plante. Die kroonkandelare is van bottel-droograkke. SOOS ’N OU PLAASKOMBUIS Dit voel soos ’n ou, tradisionele plaaskombuis sonder om gerief in te boet. ’n Vintage-styl gasstoof en yskas pas naatloos by die oop rakke en kaste van herwonne hout. Die werkvlakke is van gegote beton. Die vloer…

‘MY KAROODORP, MY MUSE’ ERIKA VAN ZYL, LANDSKAPSKILDER EN GALERYEIENAAR VAN PRINS ALBERT Dis ’n byna daaglikse ritueel en een waarvoor Erika van Zyl nooit moeg kan raak nie: Om verder te skilder aan haar geliefde Prins Albert. Hoe dan anders, as hierdie Karoodorp aan die voet van die Swartberg haar muse is. “Elke draai lyk soos ’n doek wat wag om geskilder te word,” vertel Erika, ’n landskapskilder en ook galery-eienaar. “Hierdie dorpie het nie net my kuns gevorm nie, maar ook ’n onmisbare deel van my kreatiewe identiteit geword.” Sy en haar man, Dewald, bly al vir vier jaar hier. Tog het hul liefdespad met Prins Albert ’n wye draai geloop. In 2003, toe hulle nog in Lephalale, Limpopo, gewoon het, het ’n kliënt Erika gevra om sy…

“Griessel-tieties,” noem hulle die vroue aan moederskant se uitermatige groot bates. Ma, ouma, tantes s’n . . . En ook hare. En nou, hier in haar veertigs, het Roné Wheatley, somatoloog van Kaapstad, besluit sy hoef nie langer daarmee saam te leef nie. Teen die einde van verlede jaar het sy haar borste laat verklein. Eers ’n sware DD- of E-, gaan sy nou waarskynlik ’n B- of C-keël wees. Dis nog te vroeg om te sê, want tydens ons gesels was dit net vier weke ná die operasie. “Daar is 1,2 kg aan my regterbors en 800 g aan my linkerbors verwyder. Ek was onmiddellik 2 kg ligter!” Jubelend. “Ek het vooraf met baie vroue gepraat wat die prosedure gehad het. Feitlik almal het saamgestem dit was die moeite…

BOEKUITTREKSEL Sien bl. 142 Sara is ’n inkommer en die spilpunt waarom die gebeure draai. Al wil sy ’n buitestander bly, maak Kaatjie Boskat se dogtertjie, Kuikentjie, haar hart week en raak sy stadigaan betrokke by die mense. Hoe sal haar vriendskap met Herklaas die oujongkêrel ontwikkel? Hulle het meer gemeen as wat sy ooit kon dink. Lize vertel sy het wyd gereis om navorsing te doen oor die plekke en mense. Haar verste draaipunt was Rietfontein teen die Namibiese grens, sowat 1 900 km van haar huis. Sy het aangedoen by dorpe soos Philandersbron, Mier, Andrieswyl, Askam, Riemvasmaak, Vredesvallei en Pella. Haar fyn waarnemings oor die veld laat die simboliek van voëls sterk na vore kom in die verhaal. Gevra waarom sy moeilike onderwerpe aanroer, antwoord sy: “Huishoudelike geweld,…

Dis Augustusmaand – vir Sara die swaarste en donkerste maand van die jaar. En dan het die wêreld se Augustusse die manier om sy eentonige vaal, warm asem dag ná dag uit te asem. Dit stof by elke gleuf in en grou jou oë rooi. Sara onthou oom Loek se woorde: “Jy sit dit maar net uit met sand tussen jou tande.” Sara is wakker. Sy ruik soet. Wat is dit wat haar wakker gemaak het? Sy wil net weer op haar sy draai om te probeer slaap, toe Kuikentjie uit haar bed klim en kiertsregop tussen hulle beddens kom staan. Sara vermoed sy droomloop en hou haar kop-op-die-elmboog dop. “Nee, jy kan nie,” sê Kuikentjie sag en skud haar kop. Dan draai sy na Sara. “Wat is dit?” fluister…

MEER AS MODE Die korporatiewe wêreld was lank haar lewe – hier in SA en vir nege jaar in Engeland. Maar verlede jaar het Evita van Aswegen van Pretoria, ’n top-5-finalis van SARIE Voorbladgesig 2023, besluit dis tyd om haar passie te volg. Sy’t uit haar topbemarkingspos bedank en haar eie aanlyn klerereeks begin. “Om werklik te lééf moes ek my passie nastreef. EEME [die voorletters van die vroue wat haar daagliks inspireer] is die resultaat van daardie sprong van geloof.” Haar klerereeks is geïnspireer deur uiteenlopende style wat sy tydens haar wêreldreise beleef het. “Elke ontwerp sê iets van selfvertroue en individualiteit. Dis meer as mode.” Die skuif van die korporatiewe wêreld na dié van entrepreneur beskryf sy as nie maklik nie, maar bevrydend. “Groei vind dikwels…

Die afgelope vier maande was Erica Wessels die dogter van ’n ma wat aan Alzheimers ly, Winston Churchill se vrou, ’n superteef en die eks van ’n onbeholpe huurmoordenaar. En dis net voor die kamera. Tuis is die lewe ewe besig . . . “die seisoen van baie doen”, is hoe sy en haar man, Willem Boshoff, dit beskryf. Lyste en lyste elke dag. En met twee klein dogtertjies in die prentjie, raak dit éérs bedrywig. “My kinders is die beste ding wat nog ooit met my gebeur het. Ek is versot op hulle, maar aan die einde van die dag is ek stokflou!” Vanoggend lyk Erica vars en fleurig in haar saggroen rok waar ons by ’n koffieplek naby hul huis in Nuweland, Kaapstad, gesels, geen teken dat sy…

Uit jou pen het reeds twee kinderboeke, Shudu Finds Her Magic (2020) en I Am Shudu (2023)*, gekom. Glo jy in die krag van stories? Ongetwyfeld. Stories is dikwels ’n medium waardeur jy ook met jou eie binnekind gesels. Jy skryf goed los . . . rég. Met my tweede boek het ek tot die gevolgtrekking gekom dat wanneer iets met jou gebeur, soos om geboelie te word, is daar nie iets fout met jou nie. Jy is nie jou omstandighede nie. Met hierdie stories wil ek kinders bemagtig sodat hulle weet hulle is nie alleen nie. As kind is jy lank geboelie en jy skryf daaroor in jou tweede boek. Jou raad aan ouers? Neem die gesprek ernstig op, dis die heel belangrikste. Moenie net aanneem en hoop die…

Die Spaanse tenniswonderkind Carlos Alcaraz (gebore 5 Mei 2003) het die wêreld op hol met sy uitsonderlike talent en rits merkwaardige prestasies. Alcaraz het in 2022 by die Amerikaanse Ope geskiedenis gemaak toe hy sy eerste Grand Slam-titel op die bloedjong ouderdom van 19 gewen het. Dit het van hom die wêreld se nommereen-manspeler gemaak – die jongste tot nog toe wat dit kon regkry. In 2023 het hy by Wimbledon sy tweede Grand Slam verower toe hy Novak Djokovic (tans weer nommer een op die ATP-ranglys) in die eindstryd geklop het. Alcaraz het 2023 afgesluit met ’n indrukwekkende tweede plek op die ranglys. Nou sien die wêreld ’n nuwe sy van hom: As een van Louis Vuitton se nuutste ambassadeurs. In die Lente 2024-veldtog vir formele mansdrag gebruik Alcaraz…

SPYSKAART DRANKIE Aperol Spritz-slush puppy BYKOS Pakkie met aartappelgebak Groente in basiliekruidsous FEESMAAL Oondgebraaide beesrol met wit bone NAGEREG Sjokolade-enneut-meringues HOU DIT KOUD Niks is aanlokliker as ’n yskoue drankie by ’n feestafel nie. As jy wil seker maak jou drankies bly koud, maak só: Was die glase in koue water, maar moet dit nie afdroog nie. Plaas in vrieskas vir 1-2 uur en bedien drankies direk in yskoue glase. Moenie bekommerd wees as jou glase nie by mekaar pas nie, so kan gaste maklik hul glas uitken. * Dankie aan Candles 4 You vir die kerse vir ons fotosessie. Besoek hulle by functions-events.co.za/candles-4-you en huur kerse vir jou volgende viering. APEROL SPRITZ-SLUSH PUPPY Die Italiaanse drankie is ’n gunsteling op al my feestafels. Maak dit nuut en anders met…

Inspirasie vir jou In pas met die res van Langskuur se dekor (sien bl. 96) is twee rakke keurig gestileer met mooigoed, optelgoed én gebruiksgoed. Die rakke van stewige metaal en hout is slim aan mekaar verbind met potplanthouers. SIEN KOOPGIDS OP BL. 141…

Sy lyk kleiner, en beweeg effens skigtig. Maar sy is regop. Haar onhebbelike skaterlag en humorsin is nog hier. “Laas jaar was my annus horribilis . . . ek’t nooit gedink ek sou koningin Elizabeth aanhaal nie!” Haar sagte bry skets tussendeur die skrikwekkende detail van hoe haar lewe op 3 Februarie 2023 ingrypend verander het. Tussen gewigtige sinne skitter ongebreidelde humor. Ons gesels op haar kuierstoep, waar gewilde boekegesprekke byna weekliks aangebied word. En waar die ongeluk-balkon was waar alles gebeur het. “Ek is iemand wat my goetertjies ’n bietjie by myself hou, nie alles uitblaker nie . . . maar oor hierdie geval sal ek praat, dis ’n geleentheid om my geloof uit te dra.” Daardie Vrydagoggend tree Marga uit die boonste vertrek van haar huis in Garsfontein,…

Dalk was daar in jou kleintyd ’n vrou, ouma, tannie of ma wat haar liefde met kos gewys het. Durf jy “nee” sê vir een van haar heerlike, oordadige disse, het sy dit as ’n persoonlike belediging opgeneem. Dus het jy geëet en geëet tot jy wou bars. En dan nóg ’n skeppie gekry. “Ja.” Dis die pad van die minste weerstand. “Nee.” Die verbode vrug. Dis waarom jou oë dikwels groter as jou maag is. Daar is egter tye wat jy spreekwoordelik móét ophou eet, sê William Clark in ’n TED-praatjie. Dikwels maak jy jou mond oop om “nee” te sê. En die woordjie “ja” glip uit. “Nee”, bedrieglik kort en eenvoudig, gaan meermale met hope angs gepaard. Veral vir vroue. Maak nie saak hoe onafhanklik ons is nie,…

die wêreld was nie altyd so nie. way back when in die dae voor wifi het die no internet dinosaur die pixellated planeet alleen bewoon en met kort armpies uitgestrek deur die woestyn geloop op soek na iets waarvoor hy geen naam had nie. uit die gedig “Lonely T -Rex” deur Bibi Slippers in die bundel Soekenjin (Tafelberg, R290) Edible Kevin Hobbs enArtur Cisar-Erlach(Thames & Hudson, R860) Plante vorm die basis van alle lewe op aarde; dit voed mens en dier en verskaf suurstof aan die planeet. Van die meer as 400 000 plantspesies op aarde is ongeveer 300 000 eetbaar. Tog maak ons staat op drie graangewasse vir die grootste deel van ons dieet. Die massaverbouing van rys, mielies en koring verarm die grond, verminder biodiversiteit en dra by tot…

A @home 0861 111 761, bash.comAldo 010 300 6888, aldoshoes.co.zaArtho Eksteen arthoeksteen.comAsatsi asatsiafrica.comAsha Eleven 065 315 3951, ashaeleven.com B Bash bash.com Block & Chisel 010 593 9308, 011 442 0809, 021 712 5193, blockandchisel.co.za C Call It Spring callitspring.co.za D Desray 011 880 6886, 060 502 9898, desray.co.zaDown to Earth Jewellery 065 134 6997, downtoearthjewellery.co.za E EEME 082 890 3453, eeme.co.za G Guess 010 300 6888, guess.co.za H Hannah Lavery 068 077 9941, 076 018 8160, hannahlavery.co.zaH&M 0860 690 707, hm.com/za I Incanda 021 863 1965, incanda.co.za M Mareth | Colleen 078 707 0655 marethcolleen.comMe&B 072 611 1979, meandb.shop O Old Khaki 086 044 4429, oldkhaki.co.za P Pichulik 066 477 0740, 072 104 9544, pichulik.comPoetry 0860 555 529, poetrystores.co.za S Steve Madden 087 351 0634, stevemadden.co.zaSuperbalist 087 362 7300, superbalist.com…

blokraai Oplossing op bl. 145 sudoku Voltooi die rooster sodat elke ry dwars, elke kolom afwaarts en elke vierkant van 9 blokkies die syfers 1 tot 9 bevat – sonder dat een van die syfers herhaal of uitgelaat word in die ry, kolom of vierkant. Oplossing regs onder OM TE WEET! Ons is bly jy geniet ons gereelde blokraaie. Daar is nie meer ’n wedstryd nie, maar jy kan steeds met elke uitgawe die kopkrap geniet, met die oplossing onderstebo hiernaas. En onthou om op die uitkyk te wees vir SARIE Blokraai met 150+ raaisels, nou op die rak. oplossings BLOKRAAI SUDOKU…