Tabla de contenidos para July/Aug 2022 en SARIE

’n Joernalistiekstudent vra my nou die dag waarom ek so lank by SARIE gebly het. Ek ken die antwoord, maar vir die eerste keer in ’n lang tyd het ek geaarsel. Want wanneer laas het ek myself daardie vraag afgevra. Om soveel jare by die tydskrif te bly was allesbehalwe my plan. Vyf jaar, het ek myself destyds beloof. Nuus was nog altyd my belangstelling en die tien jaar by die koerante in Kaapstad en Johannesburg was van my gelukkigste as joernalis en assistent-redakteur. Dít was my toekoms, het ek geglo. Ek’t gehou van die vinnige tempo, die energie, my interessante en soms eksentrieke kollegas, elke dag anders want jy het nooit geweet wat op jou wag nie. Swaar was dit dikwels, want die wêreld is gevul met hartseer, wreedheid…

ONBREEKBARE BAND MET DIE NATUUR Baie dankie vir die wonderskone SARIE WOON-tydskrif wat nou op die rakke is. Ek het myself verloor tussen die bladsye met die heerlikste denkbare inhoud: Omhels die natuur. Ek is een van ’n groepie vroue wat een keer per maand bymekaarkom en sommer net skeppende handwerk doen en kreatiewe idees uitruil. Ek het elkeen van hulle geïnspireer om ’n SARIE WOON te koop en hulle het weer hul vriendinne aangesteek! Ek is in die oorlogsjare in die dorre Oos-Kaap gebore. As klein kind was daar nie regtig speelgoed nie, daar was nie geld nie en niks wat in die winkels te koop aangebied is nie. Ons het ure lank buite gespeel, in die natuur, skeppend. Ons het plasies gemaak met huisies wat ons uit stokkies…

Op honderd wil sy steeds nuwe dinge leer en ervaar en opgewonde wees oor die lewe. Kafeïenvrye latte in die hand, gesels aktrise, vervaardiger en draaiboekskrywer Donnalee Roberts in die Chocolat Bistro in Durbanville, waar dit gesellig gons. Asof só gestileer, pas sy in by die ouwêreldse dekor in haar geblomde hoënek-rok, Alice in Wonderland-kopband en roomkleur stewels. Haar rok is deel van haar klerereeks, The Romantic Collective. Dié aanlyn besigheid het goed gevaar tydens die pandemie. As sy nie in die filmbedryf was nie, bieg sy, was sy modeontwerper. “Ja, die ewige romantikus, dis ek.” Mooi rokke met gedrukte patrone laat ons eie Julia Robertsewebeeld breed glimlag. Donnalee en Ivan Botha, wat in 2019 getroud is, het Suid-Afrikaners oorrompel met hul avontuurfilms Pad na jou hart (2014), Vir altyd…

Toe Janette Potgieter vir haar pa sê sy wil 4 800 km oor die Atlantiese Oseaan roei, het hy haar net so gekyk en gevra: “Maar hoekom, my kind?” Toe antwoord sy: “Want dis vir my lekker, Pa!” Sy soek altyd iets wat haar fisiek én geestelik uitdaag, vertel dié lewendige witkop: “Ek het al twee keer velkanker gehad, jy besef jy het net een lewe . . . doen wat jy geniet.” Janette het in Januarie die eerste SA vrou geword wat die Talisker Whisky Atlantic-roei-uitdaging voltooi en saam met haar drie Britse spanmaats die vroue-afdeling gewen het. Hulle het in 40 dae, 4 uur en 7 minute die Atlantiese Oseaan tussen La Gomera, ’n klein Kanariese eiland aan die kus van Afrika, en Antigua in die Karibiese streek…

Die African Extracts Rooibos Classic Moisturising Day Cream SPF 15 (R76) is ’n ligte vogroom met ’n sonbeskermingsfaktor wat help om die vogbalans in jou vel te behou en dit teen sonskade te beskerm SARAH SE GUNSTELING African Extracts Rooibos Hydrofirm-C+ Anti-wrinkle Serum for Face and Eyes (R280) help om jou vel meer egalig en ferm te laat vertoon. Wend die serum onder jou oë aan om pofferigheid, donker kringe en fyn lyntjies hok te slaan VIR HOM! Raak ontslae van vuilheid wat deur die loop van die dag op jou vel opbou met African Extracts Rooibos Man Refreshing Face Wash (R80). Met bioaktiewe rooibos en kremetartekstrak het dié reiniger ’n vars, speseryagtige geur…

Die inspirasie vir die nuwe Dior-sonbril (prys op aanvraag) is die “Dior Book Tote”-handsak wat die eerste keer in die modehuis se Lente/Somer 2018-reeks bekendgestel is. Sedertdien kry die handsak elke seisoen ’n nuwe patroon om by hul klerereeks te pas. Die kenmerkende Christian Dior-naam tussen twee lyne is net soos op die handsak duidelik sigbaar op die arms van die bril en goue lakwerk is gebruik vir die afwerking. Die oorgroot vierkantige raam is die perfekte klassieke styl. Dior-sonbrille word versprei deur Architects of Time. Kontak 011 669 0500 of besoek picotandmoss.co.za vir meer. Gereelde afskilfering is nou makliker as ooit danksy iS Clinical se Active Peel System (R2 502 vir 15 aanwendings). Die twee-staproetine is ontwikkel om jou vel chemies af te skilfer en daarna te verfris met ’n…

As jy haar in die hiernamaals soek, wees op die uitkyk vir iemand met ’n digte bos rooibruin krulle. Ironies, want die afgelope dertig jaar of wat is Eldaleen Hugo se kop edelsteen-glad. Nou nie dat haar hare vóórdat dit begin uitval het soos haar ideale self s’n gelyk het nie. Dit was bruinerig, fynerig. Maar wat sou sy nie gee om weer ’n slegte haredag te beleef nie. Sy was nuut in Duitsland en swanger met haar tweede kind. Toe, een oggend, lig sy oudergewoonte haar hare op om ’n Franse vlegsel te maak. En daar sit dit, ’n koeëlronde, kaal kol aan die linkerkant van haar kop. En sy weet onmiddellik: Dis alopesie areata. Haar broer was maar ses toe hy die eerste keer sy hare begin verloor…

Ikonies GESTRIK Ná al die uitdagings die afgelope maande is niks te groot of te veel nie. Modetendense maak weer hul merk en die ikoniese strik – klein en groot – is terug. Mens kan vra, was dit al ooit weg? Want daar’s iets elegants en gerusstellend aan dié modegier wat net nooit sy glans verloor nie. Hierdie kakie bloes van Kat van Duinen met die kan-nie-miskyk-nie strik is van Japannese katoenpopelien. Reg vir kouer dae en vir wanneer die weer warmer is. Vir meer: katvanduinen.com WINTERROOI ROOI lipstiffie verrig wondere. Vir jou voorkoms en jou gemoed. Al is dit ál grimering wat jy dra. Lancôme se Rouge L’Absolu-lipstiffies (R530 elk), met die goue roos op die omhulsel, is sedert die negentigs gewild. Nou bevat die formule ook rooskonsentraat en…

Elizabeth Botes van Boston, Bellville, het dié uitgawe se wenbrief geskryf. Haar prys ter waarde van R3 396 is die geure Real Babe (2 x 80 ml EDP), Babe Power (80 ml EDP) en Babe Vibes (80 ml EDP) van Missguided. Babe Power is ’n vrugtige blomgeur wat bars met note van suurkersie, appel, pomelo, jasmyn, lemoenbloeisel en vanielje. Babe Vibes bevat verleidelike vrugteen blomgeure soos peer, amandelmelk, lemoenbloeisel en magnolia, met note van vanielje, tonkaboon, muskus en romerige sandelhout in die basis. Real Babe is ’n splinternuwe geslagsneutrale geur met note van pynappel, sitrus, vars jasmyn en tonkaboon. * Die borge is verantwoordelik vir die pryse en die versending daarvan.…

Op 75 is haar fletsblou oë nog so helder soos altyd, sy’s energiek en gesels ’n hond uit ’n bos uit. “Dis my Cosmetique2000-rome, ek gebruik dit al 30 jaar lank!” lag Carike Keuzenkamp as jy haar met haar voorkoms komplimenteer. Net lagplooie om haar oë wys sy lei ’n vol, gelukkige lewe. Ons geniet roompoffertjies, kolwyntjies en cappuccino in haar kombuis in Ferndale, Randburg. Teen die muur in die aangrensende sitkamer is die goue seweduimplaat van “Timothy”, haar eerste trefferlied in 1967, langs ’n foto van haar man, Olaus van Zyl, voor die Gautrein wat hy tot stand help bring het. Daar is nog baie goue plate en geraamde albumomslae in die garage, bieg sy skamerig as jy vra. “Ek wou dit nie teen die mure hê nie, maar…

Elke keer wat ’n quagga-vulletjie op Melkplaas by Velddrif aan die Weskus gebore word, is daar groot vreugde. Die opwinding is nie om dowe neute nie, want dié diere, wat eens in hul duisende op die Karoo-vlaktes geswerf het, het reeds jare terug uitgesterf. Die laaste quagga is in 1883 in ’n dieretuin in Amsterdam dood. Maar danksy ’n unieke teelprojek herleef hulle. Daar is al 200 van dié “nuwe” RAU Quaggas geregistreer, sê Albé Bester-Treurnicht , president van die RAU Quagga-telersvereniging, wat saam met haar man, Nic, met 80 van hulle op Melkplaas en op hul plase by Piketberg en Schweizer-Reneke boer. Dié diere het byna geen strepe op hul bene en agterlyf nie. Albé en Nic, albei voormalige advokate, boer al sewe jaar voltyds met wild. Hulle het…

Elmarie Berry , kosstilis, resepontwikkelaar en mede-eienaar van die Samesyn-handelsmerk (luukse linneprodukte bedruk met kosfoto’s), het altyd gedroom van ’n werk in die koswêreld, maar sy’t nooit kon dink haar flair met kos sal tot soveel “knyp my”-oomblikke lei nie. Soos toe sy met die instap by Exclusive Books haar eerste kookboek in die nr. 1-posisie sien (binne ’n week ná uitreiking). En haar kosbedrukte ontwerper-reënjas aan ’n loopplank-model in New York – gekies uit duisende uitstallers by die NY Now-skou. En nou die dag, toe sy voor die kameras inskuif op Aleit Swanepoel se nuwe kykNETleefstylprogram, Die laaste tyd met Aleit. (Die reeks, wat op 2 Julie begin, is voor sy dood klaar opgeneem.) Dit voel onwerklik, veral as dit jou passie is, sê Elmarie. Reeds as dogtertjie was…

Jy kan nie buite wees nie? Kyk na ’n prentjie van ’n mooi natuurtoneel, het Nederlandse navorsers bevind. Potplante kan ook help, volgens ’n Australiese studie. Dit maak werknemers gelukkiger en kan produktiwiteit met tot 15% ’n hupstoot gee. Luister na opnames van natuurlike klanke, soos branders wat breek of voëls wat sing, nadat jy dit persoonlik ervaar het of na ’n rolprent of TV-program daaroor gekyk het. Want klank het ’n besonderse vermoë om jou geheue te prikkel. * Bronne: BBC, sciencealert.com…

A Aldo 010 300 6888, aldoshoes.co.za B Block & Chisel 011 442 0809, 010 593 9308, 021 712 5193, blockandchisel.co.za C Cape Union Mart 086 033 3329, capeunionmart.co.za Coricraft coricraft.co.za Cotton On cottonon.com/za Country Road 086 002 2002, woolworths.co.za F Foschini 086 083 4834, foschini.co.za G Gluss 064 675 4085 H H&M 086 069 0707, hm.com/za I Incanda incanda.co.za K K.Light 021 552 4370, klight.co.za L Lovisa 011 268 0257, 021 551 1051 M Madison 011 029 0411, 060 483 7597, madisonheartofnewyork.com MRP Home 080 021 2535, mrphome.com P Pezula Interiors 021 424 2661, pezulainteriors.co.za Phelan 021 852 4516, phelan.co.za S Superbalist 087 362 7300, superbalist.com T That Shoe Lady 087 149 4069, thatshoelady.co.za Trenery 086 002 2002, woolworths.co.za Truworths 021 460 2300, truworths.co.za W Witchery 086 002 2002, woolworths.co.za…

Velsorg OP SY KOP GEKEER ’n Nuwe plaaslike velsorgreeks, Sapienic, daag ons uit om anders oor velsorg te dink. Volgens dié parmantige handelsmerk wys navorsing dat die jagter-versamelaars van ouds se vel gesonder as dié van moderne mense was en dat hulle byna nooit met inflammasie en aknee geskukkel het nie. Die rede? Hul vel kon ’n gesonde mikrobioom handhaaf omdat hulle nie seep gebruik het nie en hul vel se natuurlike lipiede so behoue gebly het. Daarom hou Sapienic hul basiese produkreeks (vanaf R450) supereenvoudig: Daar is nie ’n reiniger of vogroom nie, slegs ’n kleigrimeerverwyderaar, ’n probiotiese gesigsproei, ’n hidrerende serum en ’n olie wat jou vel se natuurlike lipiede naboots. Die laaste twee produkte meng jy saam en die hoeveelhede kan aangepas word na gelang van jou…

SARIE Voorbladgesig is ons trots, maar ná 12 jaar is dit geensins makliker nie. Die kies van die finaliste vir dié gewilde wedstryd is elke jaar ’n lang, intensiewe beoordelingsproses. Honderde inskrywings en ure en ure se kyk, weer kyk en bespreek totdat ons uiteindelik die groep het waaruit ons weet ’n wenner sal kom. ’n Gesig wat ons met trots op ons voorblad sal plaas; iemand wat saam met die vorige wenners ’n ware SARIE-ambassadeur sal wees. Ontmoet die Top-30 vir 2022! Almal vroue wat inspireer en ’n verskil maak. Hulle kom van ons groot stede tot ons kleinste dorpe. Van Kaapstad, Pretoria, Johannesburg, Bloemfontein en Polokwane tot Mookgophong, Oudtshoorn, Hermanus, Cradock – selfs Windhoek. Onder die 26 wat SARIE se beoordelingspan gekies het, en die 4 wat deur…

Vir Paula Nel is dit nie vreemd om met supersterre skouers te skuur nie. Haar werk as ’n professionele sjef aan boord van ’n luukse jag neem haar vir tot drie maande op ’n keer na plekke soos die Mediterreense kus, Monaco en Miami. Tussenin is sy gewoonlik vir ’n maand af en kan sy haar eie reise kies en beplan. Die plekke wat sy al besoek het, klink ’n bietjie soos ’n Indiana Jones-fliek – van ’n perdry-ekspedisie op die hooglande van Ethiopië en ’n besoek aan die befaamde Ankole-beesstoet van die koning van Rwanda, tot om die ou stad van Tokio plat te loop op soek na handgemaakte messe. Haar nuutste avontuur was ysswem saam met die Nederlander Wim Hof. Maar vir haar bly die lekkerste lekker om…

Jonk en oud vergeet deesdae meer as ooit tevore. Name, woorde en selfs hoe om roetinetake te voltooi. Maar moenie bekommerd raak nie, dis normaal. Daar is twee nuwe redes vir vergeet, sê kenners: Ons word gebombardeer met inligting – selfs dit wat ons nie benodig nie. Daar is Google, jou elektroniese koerant, TEDx, Netflix, sosiale media, boeke, werkopdragte en vele meer. G’n mens kan alles onthou nie. Tweedens het die Covid-19-pandemie (én die siekte self ) ons geheue verswak. Sara C. Mednick, ’n neurowetenskaplike en professor in kognitiewe wetenskap aan die Universiteit van Kalifornië, het aan The Washington Post (5 April 2022) gesê ons brein is soos ’n rekenaar met te veel oop blaaie (tabs). Ons brein prosesseer daarom stadiger en ons vergeet makliker. In sy navorsing (“Media, Technology,…

Sy het Covid-19 oorleef, haar hare nié, sê Yolandé Roodt, uitsaaikoördineerder by Plaas Media. (Dieselfde het met haar ma, Lenette Groenewald, gebeur.) Yolandé se sieraad, wat in ’n dik vlegsel teen haar rug afgehang het, dra sy nou in “’n G.I. Jane-snit, of buzz cut 1”. So ’n agste van ’n duim op haar kop – en sy wag elke maand tussen die manne haar beurt by die barbier af. ’n Haarkapper wat in vroue se hare spesialiseer, weet nie lekker hoe om dáái een te doen nie. Eers was dit elke keer ’n tranedal. Verlede maand, toe sy die eerste keer met droë oë in die barbierstoel gaan sit, prys die barbier: “Ek’s trots op jou.” “En toe ek daar uitstap, voel ek vere. Ek is gesond, het ’n…

Sedert dié fotograaf die eerste keer op my radar gekom het, inspireer haar foto’s my. Bekend vir haar aweregse portretfoto’s van glansmense vir tydskrifte soos Rolling Stone en Vanity Fair, was redakteur Anna Wintour aanvanklik skepties oor of Leibovitz modestories vir Vogue sou kon fotografeer. Haar werk vir dié glanstydskrif het Wintour egter verstom en gelei tot ’n drie dekade lange werksverhouding. Met haar foto’s verplaas Leibovitz lesers na die wonderwêreld van haar verbeelding. Wanneer sy terugkyk, besef sy mode was altyd die dryfkrag in selfs haar portrette. Tog het haar werk vir Vogue haar perspektief vir ewig verander – dat sy stories moet skep, en hetsy verslaggewing, portrette, familiefoto’s of mode, die foto bly vir haar die belangrikste. Baie van die foto’s wat uitgeval het in haar opdragte vir…

FYNBOS BLY inspireer Mense kan net nie genoeg kry van ons unieke fynbos nie. Dis ook die tema van Kaapse kunstenaar Sera Holland se nuwe reeks bakkies en blompotte wat sy eksklusief vir die Poetrywinkelgroep met die hand skilder. Sera word self deur fynbos gefassineer. “Die blomme is vreemd en wonderlik en so gevarieerd. En selfs in die koudste, droogste maand blom iets.” Sy het van haar gunstelinge, wat sy op haar wandelings in die Wes-Kaap ontdek het, vir die reeks gekies. Daar is vier blompatrone, net by uitsoektakke. Verlede jaar het haar fynbos-reeks vir dié winkelgroep uitverkoop. PASOP VIR DIE NOCEBO-EFFEK Voel jy afgehaal, bedruk of sommer net sleg omdat jou slimhorlosie of fiksheid-app jou vermaan jy is onproduktief of oefen nie genoeg nie? Dit word die nocebo-effek genoem.…

In my dae as orrelis het ek soveel afskeepbegrafnisse meegemaak dat ek verbaas is oor die moeite wat gedoen is. Lang glaspotte met spierwit informele ruikers staan rond naby die preekstoel. Kerse van verskillende hoogtes brand vanaf die klein voorportaal tot by die orrel. Programme gedruk op luukse papier staan regop op elke sitplek, dis byna feestelik. Die orrelis begin met ’n stuk musiek deur Marcel Dupré, ek is beïndruk. Wie word begrawe? fluister ek. Renette lig haar program. Die oupa, sê sy. Sy draai die program om, agterop is familiefoto’s. Sy wys na ’n vrou met lang blonde hare. Sy moes dit lankal laat knip het, maar toe noem haar suster dit, nou hou sy dit lank, uit spite, fluister Renette. Hier kom sy nou, ag nee, plat skoene,…

Hulle woeker en verras; deins nie terug vir ’n uitdaging nie. Hulle innoveer, inspireer en skep. Soms is hulle aan die voorpunt, soms agter die skerms. Of dit nou is om op 75 met selfvertroue op ’n SARIE-voorblad te verskyn, op 80 ’n onderneming te begin of om op 19 ’n nuwe swemsensasie te wees. Selfs vir 40+ dae oor die oseaan te roei, die land te laat lag, die wêreld en haar natuurskatte te bewaar, of om fliekrolle te vertolk wat universele waarhede deel. SA vroue lei nie net ’n vol lewe nie, hulle maak ook ’n verskil. Hier is ’n handvol uitblinkers…

Baie van haar vriende het gedink dis malligheid toe die sakevrou Jenny le Roux op 80 ’n nuwe besigheid begin. Maar dié doyenne van mode was nog nooit bang vir ’n uitdaging nie. Sy het immers jare gelede haar eerste boetiek, Habits, op ’n piepklein begroting in Claremont, Kaapstad, begin, later haar beroemde “Trunk Shows” – basies ’n opwipwinkel uit tasse – in Johannesburg bekendgestel en die eerste aanlyn modewinkel in SA begin. Oor haar nuwe baba, JLR by Jenny le Roux, sê dié stylvolle, veelbekroonde entrepreneur: “Die pandemie het snaakse dinge aan mense gedoen. Ek is in 2019 ná 35 jaar weg by Habits. Ek het net begin gewoond raak daaraan om saam met my vriende te kuier, toe betrap Covid ons. Skielik was ek stoksielalleen en my brein…

Gunstelingwoord in Afrikaans Verbeelding Insek wat jy bewonder Naaldekoker, lewende Fabergé . . . Jou temalied Radiohead se “Everything in Its Right Place” Gunstelingdag van die week Op my jare is alle dae eenders Stad op jou emmerskoplys Ulaanbaatar [in Mongolië] Die mooiste staproete Daar is ’n bridle path [ruiterpaadjie] om die dorpie Wateringbury in Kent, Engeland – ek droom oor die vergesig oor hierdie diep historiese landskap Gunstelinggereg ’n Skaapblad uit droë plekke, stadig-stadig in die oond gebak, met klein aartappeltjies uit die ryk sous Seisoen van heimwee Die lente stem my triestig, want dan blom die kaneelblom. ’n Leeftyd lank pluk ek ’n bossie en gee dit aan dié wat ek liefhet en bewonder. Sóveel van hulle is dood Bosveld of see? Die see, laagwater by maanlig…

Op 28 haal SA modeontwerper Thebe Magugu internasionale modeblaaie met sy ontwerpe en het selfs Louis Vuitton hom raakgesien. Thebe, ’n Kimberliet, het modeontwerp en -fotografie by LISOF (Leaders in the Science of Fashion) in Johannesburg studeer en in sy finale jaar (2016) die prys vir beste reeks gewen. Twee jaar later het hy onder sy eie naam begin ontwerp en gou aandag getrek. Hy het ’n reeks vir Woolworths geskep, en toe, in 2019, die gesogte LVMH-prys gewen: ’n jaar se mentorskap by Louis Vuitton, die eerste Afrika-ontwerper wat dié eer te beurt val. In Maart 2022 het sy ontwerpe op die Amerikaanse tydskrif InStyle se modeblaaie verskyn. In ’n onderhoud met die Metropolitan Museum of Art in New York sê Thebe hy het grootgeword saam met sy ouma,…

WEERMAGSTYL Hierdie stewels wat lyk asof hulle hard kan werk, is perfek vir die handige modeliefhebber wat graag praktiese goed doen. Gemaklik en modieus vir enige geleentheid hierdie winter. KNIELENGTESTEWELS Oor-die-knie-stewels het lank die kollig gesteel, maar nou is die gewilde knielengte-stewels van die 1970’s terug. Vir ekstra interessantheid vir jou uitrusting, wees op die uitkyk vir stewels in helder kleure of steek ’n lospassende broek by die stewels in. COWBOYSTEWELS Jy hoef nie van Texas te wees of ’n perd te besit om dié stewels te dra nie. Al wat jy benodig, is ’n passie vir gemaklike stewels, dan kan jy kreatief raak en dit kombineer met bestaande rompe, rokke en langbroeke. STAPSTEWELS Dalk nou nie die mooiste nie, maar praktieser en gemakliker gaan jy moeilik kry. Die straatstylbeïnvloeders…

1 Kies ongeparfumeerde skoonheidsprodukte wat spesiaal geformuleer is vir ’n sensitiewe of rooi vel. Vermy dit ook om harde reinigers, korrelafskilferaars en produkte met alkohol in te gebruik. 2 Wees op die uitkyk vir produkte wat vitamien B3 (ook bekend as niasienamied) bevat, ’n kragtige anti-inflammatoriese bestanddeel wat rooiheid verminder. 3 Gebruik ’n basislaag of verbloemer met ’n groen tint onder jou grimering. Groen pigment neutraliseer rooiheid. 4 Bêre ’n gesiglappie-masker met kalmerende bestanddele in die yskas en sit dit soggens ná reiniging op jou gesig om erge rooiheid te kalmeer, is Sonette se raad. 5 Aanhoudende rooiheid op jou neus en wange wat gepaardgaan met sigbare rooi aartjies, kan die eerste tekens van die veltoestand rosacea wees. Besoek jou dermatoloog vir ’n diagnose.…

2002 Kaapse entrepreneur Rob Tiffin begin die African Extracts Rooiboshandelsmerk met die ikoniese Classic-reeks. Die reeks word ook met die Skoonheid Sonder Wreedheidetiket gesertifiseer. 2015 Met die fokus op volhoubare en omgewingsvriendelike produkte sluit geen nuwe produk bestanddele in wat van diere afkomstig is nie. Bestaande produkte word herformuleer om ook as veganisties gesertifiseer te kan word. 2021 Die Hydrofirm-C+-reeks met olyfplantsel-tegnologie word ná onafhanklike kliniese toetse bekendgestel. Hierdie gevorderde formule beloof om binne 14 dae sigbare resultate te lewer. 2022 Die African Extracts Rooibos Classic-reeks vier 20 jaar. Ter viering van die mylpaal word die verpakking herontwerp. ’n Vereenvoudigde velsorgreeks spesiaal vir die manne word bekendgestel. African Extracts Rooibos Man fokus op ’n 3-stap-velsorgroetine wat uit reiniging, afskilfering en bevogtiging bestaan. “Dis geen geheim dat mans daarvan hou om…

Ek brand graag ’n gegeurde kers in my leefarea. Dit laat die vertrek onmiddellik snoesig voel en vul dit met ’n subtiele geur. Dié winter geniet ek die Heritage Unity Basket Scented Candle (R230). Met geurnote van lemmetjie, patsjoelie en agarhout is die geur tegelyk verfrissend en warm, sonder om oorweldigend te wees. By heritage-africa.co.za Sê totsiens aan fyn lyntjies en ’n growwe veltekstuur met die nuwe plaaslike reeks Beaut se Wrinkle Shminkle Line Softener Serum (R680). By beautserums.com en straal.shop…

OONDGEBRAAIDE MIELIES MET ROOMSOUS (BO) Die beste bykos vir jou winterbraai! genoeg vir 6 6 geelmielies, skoongemaak 30 ml olyfolie 2 knoffelhuisies, fyngekap 200 g-pak spekblokkies 500 ml room 50 g parmesaankaas, gerasper 125 ml (50 g) growwe broodkrummels sout en varsgemaalde swartpeper Verhit oond tot 180 °C. Bring ’n groot pot met water tot kookpunt en dompel mielies in water. Kook vir 8-10 minute of tot pitte begin sag word. Verhit intussen ’n middelslagpot oor hoë hitte tot warm en voeg olyfolie by. Voeg knoffel en spek by en roerbraai vir 2-3 minute of tot spek begin verbruin. Voeg room by en meng deur. Verlaag hitte en laat liggies prut vir 5-8 minute of tot room met helfte verminder het. Dreineer mielies en plaas in oondroosterpan. Meng kaas en…

“’n Droom bly net ’n droom, tensy daar aksie plaasvind, dan kan ons dit begin dissect. Ek het ’n droom gehad, maar ek moes óók ’n plan gehad het.” Ná 20 jaar in die vermaaklikheidsbedryf weet skrywer, komediant, aktrise en vervaardiger Shimmy Isaacs: “My doel is om stories te vertel en grappies te maak wat ons verenig en nie uitmekaar dryf nie. Dis tyd dat ons die narratief vorentoe vat.” Tog bly dit uitdagend in ’n resultaatgedrewe bedryf waar die bestuur nie altyd direk met die kykers werk nie. “Daar is ’n disconnect, maar as komediant is ek baie connected met die gewone mens. Dis my gehoor, ek wéét wat hulle wil hoor en sien.” Sy moes ook leer daar is ’n tyd vir elke droom. As ’n konsep haar…

My aanstaande skoonma neem die troue oor. Hoe bestuur ek dit sonder om konflik te veroorsaak, die verhouding te skaad en my aanstaande in ’n moeilike situasie te plaas? Dr. Siegfried Louw, lewensafrigter en spelterapeut van Kaapstad Die motief van so ’n ouer is dikwels om te wil help. Beskou dit as ’n geleentheid om, op ’n eerbiedige wyse, grense te stel, want ’n skoonma wat inmeng met ’n troue, sal dalk wil inmeng met die huwelik, kinders grootmaak en huishoudelike sake. Jy is dus reeds besig om aan ’n langtermyn-verhouding te werk. HIER IS ’N PAAR PRAKTIESE WENKE WAT JOU DAARMEE KAN HELP 1. Gesels met jou aanstaande oor wat vir julle belangrik is vir die troue. 2. Luister openhartig na voorstelle. Jy hoef nie teen alles weerstand te…

Jy verloor sowat 100 hare per dag: die gevolg van die normale haarsiklus. Wanneer die groeistadium egter skielik in die rus- of telogeen-fase oorgaan, verloor jy sommer ’n bos hare. Die sneller kan onverwagte emosionele of fisieke stres wees, soos die dood van ’n geliefde, ’n hartaanval of selfs ’n bevalling sowat twee tot vier maande voor jou haarverlies. (’n Vertraagde proses as gevolg van hare se groeisiklus.) Dit veroorsaak natuurlik nog meer angs by ’n reeds gespanne mens. Jou hare groei gewoonlik binne twee tot ses maande terug, maar dunner as voorheen. Dié soort haarverlies kan ook ’n onverwagte ellende wees by mense wat deur Covid-19 platgetrek is. Dis waarskynlik meer te wyte aan fisieke en emosionele stres as wat dit ’n direkte effek van die virale infeksie is,…

SO SÊ HULLE OP SARIE.COM Barbara Mutch oor haar roman The Fire Portrait (Allison & Busby, R320) Wat dryf ’n karakter soos Frances? Sy was baie vooruitdenkend vir ’n vrou van daardie tyd. Inderdaad! Dit was die laat 1920’s, vroeë 1930’s in Engeland, en haar ma se grootste wens was om Frances in ’n goeie huwelik te sien. Maar Frances wou ’n loopbaan as kunstenaar najaag en wou nie gebonde wees nie. Toe die Groot Depressie haar familie se fortuin uitwis en sy nie meer ’n “vangs” vir die plaaslike vrygeselle was nie, het sy die kans aangegryp om weg te kom. Sy is op ’n Union-Castle-boot na Kaapstad, waar sy ’n gesellin vir haar weduwee-tante geword het, met die hoop om as kunstenaar naam te…

The Language of Food, Annabel Abbs (Simon & Schuster, R330) Annabel Abbs skryf graag oor regte mense omdat ons so baie by hulle kan leer. Sy is spesifiek geïnteresseerd in vroue, wat so dikwels misgekyk word en in vergetelheid verdwyn. Haar jongste roman draai om die werksverhouding tussen die Britse kosskrywer Eliza Acton en die diensmeisie Ann Kirby, wat haar in die kombuis bygestaan het. Abbs het in ’n versameling ou kookboeke afgekom op die storie van Eliza, die wêreld se eerste kosskrywer vir middelklasgesinne. Die verhaal neem lesers op haar ongewone lewensreis van digter tot kookboekskrywer en hoe sy haar tyd vooruit was in ’n domein wat deur mans oorheers is. Die boeiende verhaal onthul ook hoe ’n derde van Eliza se resepte deur die bekende Mrs…

Rakie Bouwer se ma ruk die mat onder haar voete uit met die noem van haar broer se naam, Viljoen. Dié naam en al die herinneringe aan Viljoen het Rakie vir jare so diep weggesteek dat sy dit vir die eerste keer weer onthou. Nou soek sy antwoorde en loop terug op die spore van haar verlede. Intussen daag haar tweelingsuster, Mara, ongenooid by haar woonstel op en besluit om daar te plak. Dit ontketen ’n tweestryd in Rakie, want sy kan nie saam met Mara lewe nie, maar ook nie sónder haar nie. Marida Fitzpatrick vertel uit die hoofkarakter, Rakie, se perspektief ’n boeiende maar ontstellende verhaal in Mara. Oor hoe een lid van ’n gesin almal se lewe kan ontwrig en hulle laat voel hulle skiet tekort. Die…

Hoe het sy haar ma oorleef? Rak mé Bouwer waar hulle op die sorgsentrum se e het sy 38 jaar as hierdie vrou se dogter oorleef? Salomé pluk aan die kombers o waar sy in die rolstoel sit. “Wag, Ma, kom ek . . .” probee “Leave it!” Salomé sukkel self d g. Haar heup is gekraak ná ’n val, maar dit maak r weerloos nie; inteendeel. Haar tydelike gestrem ar net vuriger gemaak. Die heup sal uiteindelik die dokter gesê, maar op 82 neem alles lank om t Salomé Bouwer se verbete liggaam waar geen sel elatenheid aanvaar nie. Die sorgsentrum is nie ’n ouete mmoniak en fyngekookte boontjies ruik nie. P n spogplek in die groen heuwels van Westcliff. k grootgeword en danksy haar familietrust sal sy n.…

So in die stilligheid het ek verlief geraak. Op ’n rivier. Die afgelope jare van my lewe kyk ek daagliks af op die rivier wat aan die soom van my klein dorpie kronkel. Met toenemende verwondering kyk ek elke dag na ’n ander natuurverskynsel, nooit, ooit dieselfde tafereel nie. ’n Stil, silwer lint in die maanlig, roerloos soos ’n stillewe; ’n uitbundige dansparty van watervoëls en mense en bote op ’n sonskyndag; ’n bruisende vloed bruin woede ná ’n groot reën. Daar is iets oneindig droewig aan ’n rivier. Altyd die afskeid, die wegvloei, die wegvaar van die klein, geluidlose roeiboot wat uit my gesigsveld beweeg. Die swerm wit voëls wat soggens met dagbreek slierte oor die rivier maak, net maar ’n paar sekondes lank, en dan agter die groen…