Tabla de contenidos para September - October 2021 en SARIE

Skaars het ek gedink ons gaan vanjaar ’n Olimpiese Spele sien. Nie nadat dit verlede jaar weens Covid-19 uitgestel moes word nie, en ons vanjaar steeds ’n steil, onsekere pad met die pandemie loop. Maar die Internasionale Olimpiese Komitee (IOK) en Japan het voet by stuk gehou: Die 32ste Somer Olimpiese Spele gaan voort, “om hoop aan die wêreld te bring”. Die aansteek van die Olimpiese fakkel deur tenniskampioen Naomi Osaka in die Tokio-stadion en daardie oranjerooi vlam wat hoorbaar bruis van lewe, het presies dit gedoen. Hoop gebring, vir iets beters as wat die wêreld nou het. Want hoe hartseer, hoe ongelooflik die prentjie van duisende gemaskerde atlete wat die stadion binnegestap en entoesiasties vir 68 000 byna leë sitplekke gekamma-waai het. Dit het ’n knop in jou keel…

KOM ONS NOEM HAAR CHANEL Wat ’n lekkerte om te lees wat Michélle skryf van haar klein vierkantige botteltjie Chanel No. 5 wat ’n uitsoekstaanplek op haar parfuumrak het (redakteursbrief, Julie/Augustus 2021). Ek het ook so ’n vierkantige botteltjie met ’n baie spesiale storie en ’n baie spesiale plek in my hart. Ek is in Augustus 1949 gebore. My ouers het net aan seunsname gedink, want hul eersteling was ’n dogter met die mooi en oorspronklike naam Thana en hulle het nie geweet wat om ’n tweede dogter te noem nie. Wel, die nuwe baba ís toe ’n dogter, ek . . . en hulle het nie ’n naam vir my nie. My pa het vir my ma in die hospitaal ’n botteltjie Chanel No. 5-parfuum geneem as geskenk. Toe…

rose, pronkridderspore, tulpe, orgideë As daar één ding is wat die aktrise Nadia Valvekens weet, is dit dat jy nooit bang moet wees om te spring nie. Ondanks die grendeltyd, waartydens so baie mense sukkel om botter vir hul brood te verdien, werk sy meer as ooit. “As jy bereid is om hard te werk en jy sit dáárdie energie daar buite, glo ek dit word teruggekaats.” Maar sy is nie selftevrede nie. “Ek slaan my oë net op na die hemele en sê dankie, dankie.” Ons gesels per telefoon op haar af dag. Waar sy tuisgaan in Centurion by haar suster Natasha Valvekens, ’n binneversierder, sit Nadia buite by die lapa en eet ontbyt. Ek hoor die gekrys van hadedas in die verte. Sy erken dit is heerlik om…

Sy het besluit om dapper te wees en alles met waagmoed aan te pak, nóú het sy baie drome. “’n Paar jaar gelede het ek gesukkel om hoop te behou. Dat ek dit vandag wel het, is iets waarop ek trots is.” Aktrise Melinda Viljoen het geleer hoe om onwrikbaar te wees. “Ek het begin nee sê vir in ’n gat gaan lê. Ondanks my gevoelens het ek deurgedruk en gedoen wat ek moet.” Vir haar rol as die komplekse Tracy in die kykNET-sepie Binnelanders weet sy sy moet haar eie fisieke en emosionele welstand vooropstel. Dán eers is sy as aktrise in staat om haar karakter getrou weer te gee. In haar eie lewe vertolk sy ook die laaste maande die rol van eggenoot. “Die belangrikste verhouding in my…

Terwyl die wêreld in isolasie leef, is dit so maklik om jou ook emosioneel te isoleer. Maar dit kan jou probleme net vererger. Bel jou mense, skype of zoom, stuur ’n boodskap, en práát. Dit laat ’n mens eerstens minder alleen voel wanneer jy oor jou probleme praat, sê Riette du Preez, ’n kliniese sielkundige van Johannesburg. “Verskeie studies het ook al gewys jy is beter in staat om jou liggaam se reaksie op stres te reguleer wanneer jy oor jou gevoelens praat. Opgekropte emosies, daarenteen, het dikwels fisieke gevolge soos spierspasmas, maagpyn en hoofpyn.” Om oor jou gevoelens te praat kan jou boonop nader bring aan ’n oplossing, sê sy. “Die brein prioritiseer emosies bo hoër funksies soos logiese redenasie – dis ’n oorlewingsfunksie sodat jy dadelik op ’n…

A Aldo 010 300 6888, aldoshoes.co.za Asics 021 300 7720, asics.com B Black Betty 071 672 6856, blackbettydesign.com Block & Chisel 011 442 0809, 010 593 9308, 021 712 5193, blockandchisel.co.za byCARA bycara.co.za C Country Road 086 002 2002, woolworths.co.za D Duram Paint 021 555 3090, duram.co.za E Eurolux 021 528 8400, eurolux.co.za H HAUS by Hertex 021 914 3390, 086 043 7839, hertexhaus.co.za H&M 086 069 0707, hm.com K KLûK CGDT 083 377 7780, klukcgdt.com L Lara Klawikowski 082 573 6700, laraklawikowski.com Lovisa 011 268 0257, 021 551 1051 M Mango shop.mango.com MRP Home 080 021 2535, mrphome.com Mr Price 080 021 2535, mrp.com P Patio Warehouse 087 825 1120, patiowarehouse.co.za Pichulik 072 104 9544, pichulik.com Poetry 086 055 5529, poetrystores.co.za Q Queenspark queenspark.com S Scotch & Soda scotch-soda.co.za…

As jy nog nie swart knoffel ken nie, het jy iets om na uit te sien. Dit word gerook en gefermenteer om dit sy swart kleur te gee en het iets tussen ’n soet en sout smaak, maar steeds ’n kenmerkende knoffelgeur. Gebruik dit in souse, marinades of in botter saam met brood. Besoek simplygarlic.co.za vir meer.…

MODE ’n Romantiese, vloeiende gevoel word geskep deur deursigtige items laag op laag saam te dra. Daar is ’n lighartigheid aan dié voorkoms, asof ontwerpers wou sê: “Ons maak julle los van die emosionele swaar van die afgelope jaar.” Rooi maasstofromp met kant (prys op aanvraag), Stefania Morland. Maasstof-slooprok (prys op aanvraag), W35T. Swart touoorbelle met koperdetail (R1 750), Pichulik. Swart aangliphakskoene (R1 499), Witchery. Die tafeldoek (vanaf R3 350) is van Adene’s Farm Flowers, aanlyn beskikbaar by adeneflowers.co.za GROOTTES Romp: Op aanvraag Rok: Op aanvraag KOS Fillodeeg met sy bros, dun lae en eenvoudige smaak is ’n goeie keuse as jy minder koolhidrate wil eet, maar steeds die lekkerte van fyngebak wil geniet. Dis ook ’n sleutelbestanddeel in veganisme.…

1 VELKWESSIE PIGMENTASIE + SONVLEKKE DIE BEHANDELING: Broad Band Light (BBL) HOE WERK DIT? Die BBLbehandeling span ligenergie van verskillende golflengtes in om meer as een oppervlakkige velprobleem te takel. Die ligstrale word deur sekere kleurpigmente in jou vel aangetrek en die hitteenergie wat gegenereer word, vernietig die pigmente. Dit stimuleer ook kollageenvorming vir ’n fermer vel en verbeter jou veltekstuur. RESULTATE: “BBL is ’n uitstekende behandeling vir enige vorm van sonskade, dus pigmentasie, sonvlekke en sproete,” sê Yolandé Swanepoel, akademiese hoof van die Isa Carstens Akademie. Dis ook doeltreffend om gebarste aartjies onder die veloppervlak en chroniese rooiheid wat deur rosacea veroorsaak word, te verminder. IS DIT SEER? Dis beslis nie pynloos nie. Dikwels voel dit soos ’n rekkie wat aanhoudend op jou vel “skiet”. Tydens en ná die…

Ek sal altyd ’n spesiale assosiasie met die African Extracts Rooibos - velsorgreeks hê. My ouma Arrie het tot in haar negentigs getrou elke oggend en aand haar vel gereinig, verfris en bevog, en dié plaaslike reeks met sy subtiele rooibosgeur was haar gunsteling. By haar het ek geleer dat ’n gereelde velsorgroetine jou nie net mooi versorg laat lyk nie, maar jou ook goed laat vóél – die geheim agter egte skoonheid. Tans is een van my gunstelinge die voedende Daily Repair Facial Oil (R220). Ode AAN DIE JIMMY CHOOVROU Jimmy Choo se nuutste vroueparfuum, I Want Choo (R1 899 vir 100 ml EDP), is ’n geur wat ons net wil bly ruik! Met topnote van nartjie en perske, hipnotiese rooilelie en Sambacjasmyn in die hart, en warm vanielje…

Die Therons en hul drie dogters woon die afgelope 20 jaar in hierdie statige ou huis uit die 1930’s op ’n boomryke erf. Veertien jaar lank het hulle niks aan die huis verander nie, waarna hulle hul argiteksvriend Johan Slee (slee.co.za) gevra het om subtiele en respekvolle veranderinge aan te bring. Die struktuur en fasade is onveranderd gelaat, maar binne is mure platgeslaan om die huis ’n oop gevoel te gee, terwyl die eetkamer en kombuis omgeruil is vir beter vloei. Waar daar eers net een familiebadkamer was, het elke slaapkamer op die boonste vloer nou ’n en suite-badkamer. Die garage is ná dese aan die kant van die huis, en daar is ’n romantiese tuin wat Peter en Mariette saam uitgelê het. Die stoep is uitgebou sodat dit reg…

Al die ‘oe-la-la’ – teen ’n fraksie van die prys Lente Swift en Margaux van den Berg van 2 Brunettes On a Budget As alles volgens plan verloop, sit Lente Swift en Margaux van den Berg eersdaags in hul nuwe “huisateljee” op ’n funky bank, koppie tee in die hand, met koperrelings waar rye en rye geordende jasse, rokke, bloese en serpe hang . . . Tans lê die klere steeds heuphoogte in die Swift- en Van den Berghuishoudings. “Tussen en bo-oor alles, en so vinnig as wat ons dit verkoop, kry hulle kleintjies – niemand weet waar dit vandaan kom nie,” skerts Lente. Hul klante – eintlik hul volgelinge – kla nie. Die oomblik wanneer hulle iets plaas op hul Instagram-blad 2 Brunettes On a Budget (2BB), word dit…

Henry VIII, wat Engeland in die sestiende eeu regeer het, bestyg die troon ná die dood van sy oudste broer, Arthur. Anders as Arthur wat grootgemaak is om eendag ’n verantwoordelike heerser te wees, was Henry lekker verwen. Vandag is hy bekend (berug) vir sy ses vroue. Hy’t nie nonsens van kabouters gevat nie: Twee vroue het hy geskei en nog twee se kop laat afkap. Toe die pous hom nie toestemming wou gee om met Anne Boleyn te trou nie (hy’t kop verloor oor haar, maar later sou sy letterlik háár kop verloor), het hy die Anglikaanse Kerk gestig. En om die pad na die troon te plavei vir Edward, sy enigste seun (binne die eg), laat hy sy oudste twee kinders buite-egtelik verklaar. Sien, hulle was meisies. Edward…

Die wortels van ongesonde jaloesie lê in ’n ander emosie: Vrees . . . Jy tree uit selfbeskerming opAnri van den Berg Die groenoog-monster het al baie verhoudings vernietig. Maar jaloesie is nie altyd sleg nie. Daardie vlietende onsekerheid of kommer herinner ons daaraan dat ons nie ons lewensmaat as vanselfsprekend moet aanvaar nie. Dit kan weer nuwe lewe in die liefde sit . . . Ongesonde jaloesie, daarenteen, wyk nie en kan ontaard in impulsiewe, obsessiewe gedrag wat deur paranoia gevoed word. Dit kan later selfs tot fisieke, verbale en/of emosionele mishandeling lei, sê Anri van den Berg, spesialiswelweesberader van die Vita Nova-beradingsentrum in Pretoria-Oos. In kort: Gesonde jaloesie bou ’n verhouding, ongesonde jaloesie breek dit af. Anri en dr. Elize Morkel, kliniese en voorligtingsielkundige van Somerset-Wes, ontleed twee…

Musings Pieter Mathews en span (Protea Boekhuis, R 350) Argitektuur is ’n konkrete erfenis, ’n aanduiding van tydsgees en kultuur vir die nageslag, máár goeie ontwerp moet die toets van tyd deurstaan. Dié boek bekyk uiteenlopende projekte van die afgelope 20 jaar wat deur die span van Mathews and Associates Architects ontwerp is. Pieter Mathews glo “a brick in a poetically designed building costs exactly the same as one in a mundane building”. Dié visie is die belangrikste in elke nuwe projek. Of dit ’n woonhuis, openbare gebou, kunsgalery, opvoedkundige instansie, tolhek, bushalte of brug is, alles moet voldoen aan die beginsels van kostedoeltreffende en goeie ontwerp. Openbare kunswerke van die land se voorste kunstenaars vorm deel van bushaltes in Pretoria se A Re Yeng-snelbusdiens en gee pendel ’n…

In Die waarde van stil bure (Kwela, R280) ly die hoofkarakter, Magdaleen Verster, aan oorlewingskuld nadat haar tweelingsuster, Misha, op 30 aan ’n hartaanval dood is. Om aan haar ma se versmorende koestering te ontsnap verhuis Maggie na ’n skakelhuis in Melville. Sy maak eers vriende met haar buurman Darius se kat en daarna met dié eksentrieke wetenskaplike wat stamselnavorsing in die laboratorium in sy agterplaas doen. Maggie voel verlore sonder Misha, maar sy het nog haar kindervriendin, dokter Puleng Manthoro, en Puleng se ma, Evalyn, om haar te ondersteun. Tog kan sy met Darius oor haar verlies praat. Zelda verduidelik in ’n gesprek tussen ’n wetenskaplike en ’n mediese dokter oor die huidige stand van stamselnavorsing hoe die intrige, wedywering, moddergooiery en veral die hoeveelheid burokrasie wat op dié…

5 gelukkige SARIElesers kan elk die boek Hans bars die bioborrel deur Rudie van Rensburg (Quellerie, R240) wen. Dis 2020, en Huis Madeliefie betree die grendeltyd, gewapen met kilogramme seep. Die beheerraad se summiere inperking, nog voor Vlak 5 ’n aanvang neem, en nog drakoniese reëls stuit Hans lynreg teen die bors. Maar Hans en sy trawante is óú vryheidstryders. Hulle gaan oor tot lydelike verset in die vorm van pynappelbier, reddingsbesoeke aan Covid-siekes, en ’n algemene vinger in die oog van Altoon Ahlers, nuwe hoof van die inwonersraad en sy gespuis. Nog 5 SARIE-lesers kan elk Man in die maan deur Etienne Fourie (Tafelberg, R280) wen. Sedert die dag toe die maan deur ’n asteroïde getref is, weet almal dat dit onafwendbaar is: dis die begin van die Einde.…

STEM: Watter een van dié yskasterte verkies jy? Peppermint Crisp-tert 40% Maaskaas-driehoektert 20% Koejawel-yskastert 15% Cremora-tert 25% NATANIËL HET EENS VERKLAP DAT SY GUNSTELING-DAG IN DIE WEEK MAANDAG IS. WAT IS JOUNE? Ronnie Cochius Dinsdag, want dan is dit nie meer Maandag nie. Miranda van Wyk Saterdag. Altyd en ewig. Saterdae is blote saligheid. Lily Snyman Maandag . . . kom ons probeer weer. WATTER BOEK (FIKSIE OF NIEFIKSIE) HET JY ONLANGS GELEES? Yolandi Jordaan Deon Meyer se Donkerdrif Maralee Kruger Chris Karsten se Die versoeking van Thomas Maas Jana van der Merwe Irma Joubert se Immer wes STEM: Watter ontbytpap laat jou aan jou kinderdae dink? Hawermoutpap 40% Krummelpap 35% Maltabella 5% Taystee Wheat 20%…

BLITSVRAE MOOISTE AFRIKAANSE WOORD Tevrede LAASTE MAALTYD Steak en pap met sampioensous BOEIENDSTE TV-REEKS Prison Break (2005-2017) GUNSTELINGKLEUR Ligblou DROOMVAKANSIE Iewers op ’n stil tropiese eiland ENIGE FOBIE Bang vir spinnekoppe, slange en vlieë GUNSTELINGDAG VAN DIE WEEK Dinsdag Ons het al almal terugslae en teleurstellings beleef – jou Binnelanders-karakter, Kobus Marais, ook. Watter raad het jy vir iemand wat sukkel om oor te begin en weer te probeer? Die grootste uitdaging is om jouself te vergewe . . . My raad sal wees om net te vergeet van die verlede. Ons kan niks doen aan gister nie. Ons het net nóú en môre. Elke liedjie uit jou pen vertel ’n storie – dis nie net ’n ge-oela-la en lukrake rymwoorde nie. Wat was jou gunstelingstorie as kind? Ek was…

Die geskiedenis van die wetenskap kon so anders gewees het. Toe die jong Charles Darwin uitgenooi is om die kaptein van die Beagle as natuurkundige te vergesel, is hy amper afgekeur: oor sy neus! Robert FitzRoy het aan fisiognomie geglo – die idee dat jy iemand se karakter uit sy voorkoms kan aflei. Vir sy vyf jaar lange skeepstog het hy ’n “energieke jong man” gesoek. En besluit iemand met so ’n “vlesige” neus kan nie juis energiek wees nie. Gelukkig het die res van Darwin se gesig daarvoor vergoed. Sy voorkop het hom gered! Die idee dat jou karakter in jou gesig gesien kan word, kom uit antieke Griekeland. “Sagte hare is ’n aanduiding van lafhartigheid en growwe hare van moed,” volgens die Physiognomonica, saamgestel deur Aristoteles se volgelinge.…

TRACEE ELIS ROSS Die appel val nie ver van die boom nie, lui die spreekwoord mos. Beslis waar van aktrise Tracee Ellis Ross, dogter van sang-ikoon Diana Ross. Diana het reeds twee sterre op Hollywood se Walk of Fame, nou gaan Tracee ook een kry. Vir haar rol in die sitkom Girlfriends (2000-2008) het sy by die NAACP Image Awards twee toekennings vir beste aktrise in ’n komediereeks opgeraap. Sy was ook in ander reekse en rolprente te sien, maar haar groot deurbraak was in 2014 toe sy die rol as dr. Rainbow Johnson in die komediereeks black-ish aangepak het. Dié reeks het haar al drie NAACP-toekennings besorg, asook ’n Golden Globe in die kategorie vir televisiereekse, musiekblyspele of komedie. Hiervoor is sy ook twee keer vir ’n Critics’ Choice…

Kleurryke strepe is die nie-amptelike motief vir die seisoen. Die helder kleure is die simbool van hoop en optimisme; gee jou lentekas nuwe oemf met dié goedvoelpatroon. Gestreepte top van herwinde plastiek en materiaal (prys op aanvraag), Lara Klawikowski. Bypassende romp (prys op aanvraag), Lara Klawikowski. Koperring met halfedelsteen (vanaf R1 250), Pichulik. GROOTTES Top en romp: Op aanvraag WONTONS MET BILTONG-ENFETAROOM Wonton-deegvelle is deesdae vrylik beskikbaar, jy kry dit regtig om elke hoek en draai. Boonop is dit ’n maklike manier om jou gaste te beïndruk. genoeg vir 12-24 happies 24 wonton-deegvelle (kyk by Oosterse supermarkte of deli’s) 1 eierwit 4 wiele feta 200 ml room 100 g baie fyn biltong, plus ekstra vir garnering fyngerasperde skil van 2 suurlemoene vars kruie van jou keuse Verhit oond tot 180…

Deel van ons nuwe wêreld is ’n ligter en gesonder manier van eet. So stoot die swaar souse eers opsy vir pestobasis-souse, heerlik in koue pastageregte, as doopsouse en selfs oor seekos. Jy sal verbaas wees hoe lekker steak smaak met vars kruiesous.…

Staan-staan so! Die pragtige handgemaakte koekstaander van Mervyn Gers sal enige koektafel opkikker. Beskikbaar in lieflike lentekleure soos dahlia, babablou, vyegroen en suurlemoen. R579 by Yuppiechef MARZANNE HOU VAN As die lus vir kaaskoek jou weer onverwags oorval, sorg dat jy Lancewood se splinternuwe Piece o’ Cake Cheesecake Mix in jou kas het. Al wat jy hoef te doen, is die beslag klits, bak en geniet. Ja, geen ekstra bestanddele is nodig nie, tensy jy lief is vir ’n kors. Dié kaaskoekmengsel is die eerste in sy soort in Suid-Afrika en is beskikbaar in twee heerlike geure: Plain en Caramel. R99,99 by kruidenierswinkels landwyd BESSIE-SOENE Wat is ’n teeparty sonder pienk skuimpies? Woolworths se Berry Meringue Kisses word plaaslik vervaardig en is heerlik taai in die middel. Jy kan dit…

inspireer BLOMME GRIMERING Dis met goeie rede dat ons seisoen ná seisoen blominspirasie sien. By die onlangse Chanel Haute Couturemodevertoning was dit die ontwerpersuitrustings met dié motiewe en blomskakerings van ligpers, pienk en roos wat die kollig gesteel het. Ook op grimering is die invloed van blomme te sien omdat dit ons opbeur en ons bui positief raak. Speel in die komende maande met helder spatsels kleur wat herinner aan ’n lentetuin op jou oë, wange en lippe. Jou fokus moet net op een ding wees. Moenie pienk op jou oë, wange én lippe dra nieReneé de Wit, grimeerkunstenaar van Kaapstad…

Wimperverlengings is jou antwoord as jy welige wimpers vir ’n spesiale geleentheid wil hê, maar dit kan jou natuurlike wimperhaartjies bros en swak laat wanneer dit uitgroei. Hiervoor kan ’n goeie wimperserum help. Dit bevat aktiewe bestanddele wat die haartjies versterk sodat dit nie so maklik breek nie en seël vog in sodat jou wimpers voller en gesonder lyk. Dermelect se XL Lash Volumizer (R930) bevat drie peptiedverbindings. Jy wend dit saans voor jy gaan slaap aan skoon wimpers en kan dit ook op jou wenkbroue gebruik. By dermelect.co.za Toe Miuccia Prada in 1978 die familiebesigheid oorgeneem het, het sy ’n visie gehad: Om van dié leerbagasiewinkel in Milaan ’n wêreldbekende luuksehandelsmerk te maak. Sy het begin speel met ontwerpe en materiale, en ná ’n paar vroeë suksesse word haar…

In die slaapkamer van Pascale Theron (sien ook bl. 96) is ’n studeerhoek weg van die gewoel en gewerskaf van die huis ingerig. ’n Metaaltafel, Pantonstoel uit die 60’s en muurrakke is voldoende. ’n Groot aansteekbord teen die muur gee haar vrye teuels om kreatief te wees met allerlei mooigoed waarvan sy hou.…

Liewe Lilibet Diana Mountbatten-Windsor, of kan ek maar sê Lili? Nie prinses Lili nie, want jou oupa Charles wil mos glo die koninklike kring verklein wat uit die souspot skep. O, Megs, jou ma, was briesend. Hell hath no fury like a mother scorned, nè? En oupa Charles sit natuurlik self met sy blaker in die botter. Nou ja, liewe Lili. Hoe breek ek die nuus? Of jou ouers nou glam is, of nie, koninklik, of nie, ryk of arm, jy ’n seun of meisie is . . . Daar is die hele tweede-kind-ding wat jy te bowe sal moet kom. Nooit gaan jy Archie se duur skoene kan vul nie! Arch gaan tien teen een meer verdien, gesonder wees en sy IK tot 3 punte hoër as joune. En…

DILEMMA Ma of pa, of albei, is tydens die inperking afgelê. Die begroting lyk ellendig. En nou sukkel dit met die bedsake. Wat nou? Dr. Marelize Swart, seksuoloog van Kaapstad, gee raad: Wanneer een of albei huweliksmaats hul werk verloor, maak dit ’n duik in die huishoudelike begroting. Dit is ingrypend vir die hele gesin. Navorsing wys mense – veral mans – wat hul werk verloor (of vrees dit gaan gebeur) se seksdrang verlaag. Dit is immers traumaties. Mans voel dikwels emosioneel “ontman” as hulle die broodwinner is en skielik nie vir hul gesin kan sorg nie. Vroue voel ook hulle skiet te kort as hulle op ’n dag hoor hulle kry die trekpas. Geestesversteurings – angs, depressie en selfs posttraumatiese stres – is algemeen wanneer mense ná aflegging sukkel…

“Dis regtig ’n mite dat ’n huwelik op die rotse is wanneer twee mense om praktiese redes in aparte kamers slaap: Dalk vanweë verskillende bioritmes, of sensoriese sensitiwiteit (jou maat snork dalk). Dink aan ’n egpaar met ’n nuwe baba. Wanneer albei werk en beurte maak om snags op te staan, dui dit op spanwerk met ’n goeie skoot respek en empatie vir mekaar. Intimiteit neem boonop op verskillende ouderdomme verskillende vorme aan. En verskil van paar tot paar. Wat vir een paar werk, gaan nie noodwendig dinge vir ’n ander een laat vlot nie. Belangrik egter is die gehalte van die konneksie, asook van kommunikasie tussen julle. Is jy steeds my beste maat? Is jy steeds die mens waarnatoe ek gaan vir troos en hulp wanneer iets skeefloop? Word…

Waarom roer jy die tema van vergifnis in die roman aan? Vergifnis is vir my baie belangrik, want jy vergiftig jouself as jy nie kan vergewe nie. Dis iets wat jy moet kan doen, klaar. As jy totaal kan vergewe, sal jy natuurlik nog onthou, maar dan maak dit nie meer saak nie. Hulle het nie geweet wat hulle doen nie: Ek dink dit so baie keer van die Nazi’s, want ek bedoel, ons as Afrikaners het dieselfde gedoen. Ons het ook ongelooflike foute gemaak, ongelooflik gediskrimineer, mense verneder omdat hul velkleur anders was, en dis hoekom ek elke keer teruggaan na die Nazi’s toe. Ek wou die Nazi’s se standpunt inbring. Hildegard was nie so nie, maar haar man en twee van haar seuns was trotse Nazi’s. Ek kon…

Die sementmuur tussen haar en Darius Achenbach se huis is presies so hoog soos wat Magdaleen lank is. Sy stut die leer teen die vibracrete, toets dit vir stabiliteit en tel Ruby in haar een arm op. As haar ma haar nou moet sien, dink sy toe sy haar bene oor die boonste dun sementpaneel swaai. Sy het nie rekening gehou met die groot sprong wat aan die ander kant wag nie. Sy wil nie vir Ruby laat los nie, want sy is nie seker hoe seer die kat se lyf is nie. Sy skraap moed bymekaar, spring en land met pyn wat opskiet in albei haar bene. Sy is in die middel van haar buurman se vygiebedding. Sy verloor amper haar balans, maar is net betyds weer staande om…

Ek sit vasgenael voor die televisie. ’n Mooi vrou, maar een met ’n oordaad naels en blinkgoed en ontwerpersklere – selfs ’n modieuse pruik – getuig in ’n kommissie van ondersoek. Aan die advokaat wat haar uitvra oor haar finansiële sake, sê sy: Like, in my life, there is nothing I can do with three thousand rand. Sonder skroom sê sy dit. Vir al die mense van hierdie land. Ek luister in totale ongeloof. En toe begin ek lag. Is sy ernstig? As ek vir haar drieduisend rand gee, is daar niks, niks op hierdie aarde wat sy daarmee kan doen nie. Nie eens weggee vir iemand wat dit (dalk) nodig het nie. Ook nie eens spaar vir ’n moontlike donker dag as die finansiële krane toegedraai word nie. Ek…

My oom het sy lewe lank by die KWV-hoofkantoor in die Paarl gewerk. Een keer per jaar het ons hulle besoek vir tee en koek en kuier. Eers het ons gekyk na die spogduiwe in die agterplaas en daarna het almal om die eetkamertafel gestaan en kyk hoe my oom ’n spogkalender uit sy verpakking haal. Die KWV het elke jaar ’n reusagtige kalender met yslike foto’s van wingerde, berge, blink druiwekorrels en skitterende wynglase laat druk. Beroemde fotograwe het hard gewerk aan hierdie produk wat aan uitverkorenes uitgedeel is. Wie die gelukkiges was, weet ek tot vandag nie. Wat ek wel onthou, is die gesprek wat jaarliks plaasgevind het. O, maar dis pragtig! En die papier! Waar kry hulle al die geld? Nou waar hang jy so ’n groot…

VIER JOU GROEN RUIMTE Of jy nou ’n groentjie-tuinier is met net ’n vensterbank vol potplante of ’n ervare tuinier met ’n uitgestrekte grasperk, Tuindag is die perfekte geleentheid om al jou harde werk en jou groen ruimtes te vier. Aktrise Rolanda Marais is ’n ywerige tuinier met ’n pragtige tuin en baie binnenshuise plante. “Een van die grootste vreugdes is om te sien hoe ’n plant op jou liefde en sorg reageer en blom,” sê sy. Sy vier vanjaar Tuindag saam met haar man en dogter met ’n binnenshuise plantpartytjie, waarvoor sy spesiaal ’n speellys saamgestel het wat jy op Tuindag se Spotify-rekening kan vind. MAAK JOU EIE BLOMKROON Hoe jy ook al besluit om Tuindag te vier, maak seker jy sit jou tuingereedskap neer en doen dit met…

Jy vra dalk vir iemand waar hulle hul mooi skoene gekoop het – dis dan ’n kompliment! Maar dan flits ’n ongemaklike uitdrukking oor die persoon se gesig en jy wonder wat jy verkeerd gesê het. Of miskien het jy al iemand gelukgewens met hul swangerskap, net om te hoor “Oe, nee, ek het so ’n bietjie gewig aangesit . . .” Dis baie maklik om ’n sosiale flater soos dié te begaan, selfs met die beste bedoelings. Nataniël en omroeper Amore Bekker, wat ook voorheen saam ’n etiket-geselsprogram op RSG aangebied het, en Riandi Conradie, besturende direkteur van die Suid-Afrikaanse Etiket-akademie, verduidelik hoekom jy liewer op jou tong moet byt as om dié etiketglipse kwyt te raak . . . Hoe oud is jy? NATANIËL: Tensy jy ’n dokter…

Wat het jou na Amerika gelok? Ek was in 2005 vir ses maande in Noord-Carolina as uitruilstudent. Saam met ’n paar ander Suid-Afrikaners het ek die wêreld platgetoer en dit baie geniet, maar nooit oorweeg om langer te bly nie. Vyf jaar later het ek vir ’n internasionale maatskappy met sy hoofkantoor in Oregon, in die noordweste van die VSA, begin werk. Die eerste paar jaar het ek gereeld vir werk Portland toe gekom en al hoe meer van die area begin hou. Ek en my vrou, Suné, het altyd gedink dat dit ’n wonderlike avontuur vir ons en ons drie dogters sal wees om vir ’n paar jaar oorsee te gaan bly, maar nie die idee baie ernstig nagejaag nie. In 2015 het ons bekende wêreld in Pretoria in…

Die noupassende broek staan eers ’n tree terug. Dié seisoen se wyepypbroek is die stylvolle plaasvervanger van die sweetpakbroek waaraan ons gewoond geraak het in die gemak van ons huis. Die geheim is ’n hoë middellyf wat steeds jou vroulike kurwes beklemtoon. Roomkleurige gestreepte wyepypbroek (R1 499), Country Road. Pienk-en-roesbruin gestreepte T-hemp (R1 299), Scotch & Soda. Diamanté-belt (R180), Queenspark. Helderpienk blokhakskoene (R1 199), Country Road. Diamanté-oorbelle (R220), Lovisa. GROOTTES Broek: 4 – 16 T-hemp: XS – L…

Naaswit maksirok met korset-inrygdetail (R2 299), Country Road. Hemp (R899), Witchery. Swart-en-wit tandruitpatroon-handsak (R529), H&M. Bonkige goue kettinghalssnoer met swart kunssteen (R280), Lovisa. Goue oorbelle met kunspêrel (R220), Lovisa. GROOTTES Rok: 4 – 16 Hemp: 4 – 16 TAMATIE-ENMOZZARELLAGALETTE Dié anderste tert gaan jou gaste se harte steel. genoeg vir 6 155 g (170 ml) botter, in blokkies gesny 280 g (500 ml) koekmeel 50 ml yskoue water sap en fyngerasperde skil van 2 suurlemoene 250 g bokmelkkaas 6 tamaties, in skywe gesny 100 g mozzarellakaas, gerasper sout en varsgemaalde swartpeper Plaas botter en meel in voedselverwerker en pols by hoë spoed tot mengsel soos klam seesand lyk. Terwyl menger loop, gooi yswater geleidelik by tot mengsel in een deegbal saamkom. Draai deeg toe in kleefplastiek en laat rus vir…

40's Pofmoue en kort rokke het flankeer op die loopplank tydens die vertoning van Isabel Marant se Lente/ Somer 2021-reeks by die Paryse Modeweek. Model Heidi Klum (48) se kort rok met pofmoue is ’n gemaklike somertreffer. 50's Dié mentkleurige hemprok met valdetail in Yu Chen se Lente/ Somer 2021-reeks by die Chinese Modeweek het die gehoor gaande gehad. Aktrise Amanda Holden (50) wys hoekom pastelkleure dié somer die kollig gaan steel. 60's Ontwerper Isabel Sanchis wys in haar Lente/Somer 2021-reeks by die modeweek in Madrid hoe elegant ’n mantelrok kan wees. Aktrise Julianne Moore (60) se roesbruin manteljas en -rok is ’n wenkombinasie, net reg vir koeler somerdae. 70's ’n Vloeiende maksirok, soos dié een uit Chanel se Lente/Somer 2021-reeks by die Paryse Modeweek, is een van dié groot…

1 KUNSTIGE  OË Dink aan waterverf en hoe elke kleur subtiel by mekaar invloei – só kan jy jou ooglede met drie of selfs vier kleure ophelder. Dra helder skakerings wat jy juis oudergewoonte sou vermy. “As jy pienk, geel en oranje wil meng, doen dit! Dra jy dit selfversekerd, sál dit werk,” sê Reneé de Wit, grimeerkunstenaar van Kaapstad. 2 DRAMATIESE BLOS Hoe meer blos, hoe beter. Wend ’n poeier- of romerige blosser aan jou wange deur dit opwaarts in die rigting van jou slape en na die buitehoeke van jou oë te skakeer vir ’n vars, jong voorkoms wat jou gelaatstrekke “lig”. ’n Tikkie blosser op die brug van jou neus sal jou blosende gelaat afrond. WENK! “Hou jou kop onderstebo vir so 10 sekondes. Wanneer jy regop…

Hou ons sosiale media dop vir enige aankondigings. Vir meer inligting en soortgelyke projekte kontak anene.deklerk@media24.com…

‘EK KAN NOOIT GENOEG DANKIE SÊ’ Sy geliefdes weet dat hy onboetvaardig net homself is. Akteur Gantane Kusch se gedagtes hou hom geselskap terwyl hy alleen in die donker na musiek luister. “Ek glo dis belangrik om met myself te connect . . . die idee om jouself beter te leer ken. Hoe beter jy jouself ken, hoe moeiliker is dit vir ander mense om vir jou te sê wie jy is.” Ja, hy is diep – dalk die invloed van twee merkwaardige enkelmoeders, sy ma en sy ouma. Hulle het reeds min gehad, maar sy droom van akteur-wees vooropgestel en daarin geglo soos hy as kind daarin geglo het. “Ek kan nie genoeg dankie sê nie, ek sal nooit genoeg kan dankie sê nie. En ek wil dit aanmekaar…

Pres. Cyril Ramaphosa is ’n tweede kind. Oudpres. Thabo Mbeki ook. En meer as die helfte (52%) van Amerikaanse presidente was middelkinders, onder wie Donald Trump, Abraham Lincoln, Theodore Roosevelt en John F. Kennedy. Tweede kinders is nie muurblomme met suur druiwe nie. Hulle is geneig om empaties te wees, onafhanklike denkers sonder die behoefte om aan maatskaplike norme te voldoen. ONS HET ONS EIE DAG: Daar is amptelik ’n middelkind-dag in Amerika, 12 Augustus. Niemand onthou dit egter nie! EN ONS EIE SINDROOM: “Middelkindsindroom” is eerste deur die Oostenrykse sielkundige Alfred Adler in die vroeë 20ste eeu geopper. Ons voel glo uitgelaat en gegrief omdat ons nie dieselfde voorregte geniet as die oudste, of vertroetel word soos die jongste nie. ONS STERK PUNT: Vredemakers. Adler het geglo ons plek…

DIE KENNERS SE RAAD As jy ongemaklik is met tegnologie, vra hulp! Almal is in dieselfde bootjie en moet leer hoe om aanlyn platforms te gebruik. Daar is ook baie aanlyn kursusse en video’s wat jou die basiese vaardighede sal leer. Laat tegnologie vir jou werk. Jy hoef nie agter ’n rekenaarskerm te sit en gesels nie – kry ’n staander vir jou foon en sit op die rusbank en kuier met ’n koppie tee in die hand saam met jou vriendin. Belê in vinniger internet. Hou die beperkings van maskers in gedagte. Praat harder, duideliker en ’n bietjie stadiger. Onthou, dis moeilik om gesigsuitdrukkings te sien en die versteekte betekenisse gaan verlore. Gebruik jou wenkbroue, oë en lyftaal meer om emosie uit te druk. Jy kan ook emosies direk…

Kruger-roetes , Ingrid van den Berg met fotografie deur Philip, Ingrid en Heinrich van den Berg (HPH Publishing, R450) Ek’s ’n bosmens en my idee van hemel op aarde is vakansie in die Krugerwildtuin. Die reuk van die veld, dieregeluide en snags die oop sterrehemel so wyd soos die Heer se genade . . . Al die inligting wat jy vir ’n wildtuin-besoek nodig het, word op ’n eenvoudige manier in dié nuttige gids uiteengesit. Eerste besoekers sal veral baat vind by die wenke oor hoe om boswys te wees en hoe die seisoen jou ervaring gaan beïnvloed. Dit geld hoe die veld lyk, watter diere jy gaan sien en watter tye van die dag die beste is vir rondry. Duidelike kaarte help vir oriëntasie en beter beplanning. Die…