Tabla de contenidos para January - February 2021 en SARIE

Beste SARIE-leser Jy maak my hart bly, want jy sit met ons feesuitgawe in jou hande. Vir jou het ons spesiaal tafel gedek – dié keer met die eenvoud van wit en ryk room, goud en glas, en ’n klomp kerse aangesteek vir die warmte, die kalmte wat dit bring. Ons het geskenke elegant toegedraai en opgetower met iets uit die natuur. Daar is ook ’n onthou-jy-spyskaart en ’n krans van loof en lint om te sê: Jy’s welkom! En ons, ons het saam met jou ons mooiste aangetrek, want dis Kersfees, ook Nuwejaar en wanneer ons weer kyk, Valentynsdag. Tog, dié keer is dit alles anders. So baie anders. Want die afgelope jaar het vir altyd sy merk op ons gelaat. Dit het die mensdom en ons menswees uitgedaag.…

Hierdie week eet ons nóg lekkerder, daar’s iets in die lug! het Ouma gereeld gesê. En sy was nooit verkeerd nie. Wanneer die “iets” in die lug was, het sy nie net haarself oortref nie in die kombuis, die tuin, daardie week se briewe of in enige geselskap, die wêreld het ook saamgespeel. Tannie Hamman het uit die bloute van Stellenbosch gery met die agterste sitplek vol neutbeskuit en bobbelboudmelkterte (só romerig, dit is vernoem na die tennistannies se sellulietbobene), die Saldanha-familie het laat weet hulle stuur krewe met ’n geleentheid, die ryk vrou met die wit heining het bosse van die blouste krismisrose laat aflaai, Oupa het al Kanaän se boontjies uit die tuin ingedra en drie van Ouma se luidrugtigste vriendinne het vir ’n volle dag kom kerf.…

Om te weet 10 finaliste 1 hooffotograaf 2 agter-die-skermsfotograwe 2 stede 3 stiliste 4 haar- en grimeerkunstenaars en ’n span van 5 agter die skerms was oor 5 dae betrokke by die skiet van SARIE Voorbladgesig in die 10de jaar van die wedstryd…

’n Besige by en ’n blom wat son toe kyk, ’n sluipende kat en ’n sku muis. Of ’n hasie op die vlug en ’n verkleurmannetjie wat geduldig wag. Duidelik die werk van ’n kunstenaarshand. Teegoed wat in kunsgoed omtower is – so mooi soos spesiale stukkies Delft. As leerder aan die Johannesburgse Skool vir Kuns, Drama, Ballet en Musiek (nou die Nasionale Kunsskool) het Linette ná matriek beeldende kunste studeer. Toe trou sy met die liefde van haar lewe, Chris Coetzee, en maak kinders groot. Maar oor die jare het haar talent nie verroes nie, soos haar wondermooie ontwerpe vir SARIE bewys. Jy het blou ink en ’n pen gebruik vir SARIE se teegoedreeks. Hoekom juis blou, en waarom met ’n eenvoudige balpunt? As kind het ek ’n voorliefde…

Die klein prentjies verklap meer as wat jy dalk besef. Dit kan maatskappye en digitale platforms help om ’n beter idee te kry van hoe jy voel – veral oor handelsmerke – en selfs gebruik word om jou deur spesifieke advertensies te teiken. Een voorbeeld is ’n 2018-veldtog vir die Toyota Camry met dosyne weergawes van ’n advertensie. Watter emoji jy onlangs op Twitter gebruik het, het bepaal watter weergawe jy sien. Dus: Deur die gebruik van emoji op ’n aanlyn platform oorhandig jy as’t ware netjies verpakte, sappige inligting oor jou emosies en belangstellings aan maatskappye. Terwyl ’n rekenaar dit moeilik kan vind om die toon van ’n teksboodskap te verstaan, kan emoji ’n algoritme ’n lekker wenk gee. Só invloedryk is dit, maatskappye ding mee om hul produkte…

Franssprekendes gebruik vier keer meer hart-emoji as ander nasies Arabiessprekendes vier keer meer blomme- en plantemoji as die gemiddelde Russiessprekendes drie keer meer romantiese emoji Australiërs se emoji sluit dubbel die gemiddelde hoeveelheid alkoholverwante emoji en 65% meer dwelm-emoji in Amerikaners gebruik die grootste verskeidenheid: kopbene, verjaardagkoeke, vuur, vleis, ens. Bron: SwiftKey-emoji-verslag BYKOMENDE BRONNE: cnn.com, conversation.com, netwerk24.com, newrepublic.com, vox.com…

Wat is die nuwe “rol” wat jy vertolk? Ek het besluit om vir ’n ruk van toneelspel weg te tree. My mees onlangse rol is dié van skrywer en regisseur. Ek het ’n draaiboek geskryf en gaan ook die regie behartig. Ek is opgewonde, maar terselfdertyd maak dit my ook bang. Is die skryfproses vir jou maklik of uitdagend? Kan ek sê albei? Dit kom natuurlik vir my, maar daar is tye wat ek voel ek haak vas en dan staar ek vir ure na my rekenaar. Om regie te doen is eenvoudig angswekkend. Gelukkig is ek omring deur ’n span mense wat net so toegewyd soos ek is tot hierdie nuwe avontuur. Jou eersteling, Alia, is nou ses maande oud. Sal jy haar saamvat stel toe? Glad nie, sy…

Kom, vier saam! Daar is iets in die lug, sê Nataniël, die wete dat feestyd ’n geskenk is. Ons dek dus ’n tafel in wit en room, goud en glas, en steek kerse aan. Draai presente toe, hang ruikers en kranse. Ons onthou met ’n spyskaart vol nostalgie, maar kyk ook vorentoe. Trek mooi aan, tooi ons lippe in rooi en skep ’n tikkie drama en glans. Ons vier styloomblikke saam met geliefdes. Want dis Kersfees, ook Nuwejaar en voor ons weet, Valentynsdag…

A @home 086 083 4834 home.co.za Accessorize accessorize.com Aldo 011 884 4141, 021 421 5674 aldoshoes.co.za B Black Betty Design 066 305 0710, 071 672 6856 blackbettydesign.com By Cara bycara.co.za C Call It Spring 011 784 1597, 021 555 4277 aldoshoes.co.za Cotton On cottonon.com/za Cotton On Kids cottonon.com/za Country Road 086 002 2002 woolworths.co.za D Daniel Wellington 010 541 0767, 010 612 6388 danielwellington.com/za E Eurolux 021 528 8400 eurolux.co.za Europa Art 011 455 0917 europaart.co.za F Foschini 086 083 4834 foschini.co.za H H&M 086 069 0707 hm.com/za L Lovisa 011 268 0257, 021 551 1051 M Mango shop.mango.com/za Modest Mags X Modern Steph (MMXMS) 079 893 8652 mmxms.co.za Mr Price 0800 212 535 mrp.com O Old Khaki 086 044 4429 oldkhaki.co.za P Pichulik 082 079 1670, 082 222 3635…

PROE DIE sterre Voeg die e sprankel in jou dag en vier spesiale tye met Babylonstoren se MCC, Sprankel. Die vonkelwyn word oor ’n tydperk van vier jaar van chardonnaydruiwe uit verskillende wingerde op die plaas gemaak. Sit dit voor met geroosterde amandels, kaas, vrugte, skulpvis of kaviaar. Ook heerlik met pluimvee- of seekosgeregte. R650 per bottel by Babylonstoren MARZANNE HOU VAN Geen kaasbord is afgerond sonder Woolworths se uiemarmelade nie. Die uie wat stadig gekook word, saam met die mosterdsaad, het ’n heerlike soetsuur geur en sagte tekstuur. Probeer dit saam met bobotie of kerrie of sit dit op ’n hamburger. Dis ook (ui-ters) lekker saam met beleë cheddarkaas. R71,99 vir ’n 500 g-potjie HEERLIKE ONTBYT Laevetjogurt gemeng met hawermout, muesli en sonneblomsaad van Clover Fruits of the Forest…

Om ’n dier se lewe te red is die hart en siel van die projek Troy en Lilly Otto van Down to the Wire Wanneer Lilly Otto ’n oproep kry met die nuus dat ’n dier iewers in die bos in ’n strik verstrengel is, staal sy haar instinktief vir wat op haar en die veearts wag. Sy het al álles gesien, van ’n leeu met ’n draad deur haar bek, ’n hiëna wat byna doodgewurg het, tot ’n sebra wie se poot deur ’n ál dieperwordende sny verrinneweer word. Dis ’n hartverskeurende gesig waaraan jy nooit gewoond raak nie, sê Lilly. “Dis moeilik, maar jy moet sterk wees en deurdruk, want jy is daar om hulle te help. Die bevrediging as jy die dier wel kan help en net…

Geestesgesondheid het die sielkundige se tradisionele rusbank verbygesteek met tegnologiese vooruitgang wat aanlyn terapie op die voorgrond stoot. Time (time.com) noem die gebruik daarvan ’n “tsoenami”. “Tydens die inperking was ons aanvanklik bekommerd omdat ons nie kliënte persoonlik kon sien nie,” vertel dr. Van Zyl-Edeling. “Pure verniet, want elkeen het voordele, en as jy ’n ervare terapeut is, kan jy dit navigeer. Sosiaal verloor jy baie op Zoom, maar kry weer ander insigte. Jy sien byvoorbeeld hoe jou kliënt lewe, haar huis en kat.” (En die kliënt óók.) Hipnoterapie is een ding wat sy nie bevredigend in ’n Zoom-sessie kan doen nie. Want hoe gemaak as iemand tydens ’n telesessie in ’n krisis gedompel word en jy is nie persoonlik daar om haar te kalmeer nie? Net ’n vertroostende hand…

MOENIE VERLOOR WAT ONS AS MENSE ONDERSKEI Ons kyk terug op ’n jaar wat so anders verloop het as wat die meeste van ons gehoop en voorsien het. Reise moes op ys geplaas word en ons huise was weer ons veilige vestings waar ons meer tyd kon spandeer. Ons het meer van onsself geleer en nuwe projekte tuis aangepak. Ons was genoop om nie vooruit te beplan nie, maar om in en vir die nou te leef. Daar is soveel nuwe spanning en hartseer uit ons vreemde omstandighede gebore, en naaste familie en vriende moes ekstra moeite doen om die alleenwoners en kwesbaarstes te ondersteun. Ek dink ons gaan met groot huiwering ons voornemens vir 2021 maak en eerder wag om te sien wat die jaar inhou. Ons moet net…

Haar lewe is ’n landskap van stories. Gee jy van jou tyd, sal Nicqie Robinson hulle een vir een vir jou vertel. “My storie begin in 1986 . . .” In die Namibiese dorp Mariental, waar die teerpaaie met stof verweef word, is sy gebore as die vierde kind van Alex en Marietjie Schaaf – toe reeds ouers van Marion, Alexander en Robbie. Dit was ’n huis gevul met vreugde. Ses maande later, in Desember 1986, verongeluk haar pa. Saam met hom in die motor was sy naamgenoot, Alexander. Hy het oorleef. “Maar die dokters het vir my ma gesê sy moet my middelbroer afskryf en in ’n inrigting plaas. Sy vegetatiewe toestand is permanent en hy gaan ons ander drie kinders terughou.” Marietjie het geweier. Ná ’n reis van…

Daai fronslyne op Deon Lotz se voorkop laat hom nogal beneuk lyk. Daaronder is ’n paar groen oë wat nie ’n aks wyk nie. Onderstreep deur ’n gryserige volbaard en snor, gekweek vir sy rol as die stinkryk patriarg in die M-Net-telenovelle Legacy. Die een wat in die eerste episode deur sy dogter van ’n krans afgestamp word. Daar is beslis geen vervelige oomblik in Deon se wyd uiteenlopende repertoire van rolle nie. As Francois, ’n man met donker drange in die internasionaal bekroonde fliek Skoonheid, grillerige Smiley in die TV-reeks Die Byl, arme ou Vleis in die satiriese fliek ’n Pawpaw vir my darling . . . Hy is een van ons produktiefste akteurs met vele bekronings agter sy naam. “A ferociously powerful, yet subtle and complex performance .…

ANNA-MART VAN DER MERWE AKTRISE EN DOYENNE VAN TEATER Kan jy ’n oomblik herroep wat jou lewe handomkeer verander het? In 1980 is ek as 16-jarige vir die eerste keer oorsee. In daardie tyd was my wêreld Vredendal en die omliggende omgewing. Die reis het my kop oopgebreek en ’n omwenteling in my wese veroorsaak. Ek het skielik besef daar is so baie om te leer van die lewe, mense, verskillende kulture, en dat ek ’n piepklein skroefie in ’n enorme heelal is. In ’n sekere mate het dit my laat fokus en was ek tóé al dankbaar dat ek ’n paar jaar op hierdie ondermaanse mag wees, dit mag beleef en ervaar. Die storie van Klara Viljee is ná 29 jaar nog ikonies. Hoekom kan mense steeds ná al…

Dis asof die wêreld ná die Covid-inperking weer die belangrikheid besef van spesiale oomblikke saam met vriendinne, of ’n oomblik se wegkom van die kantoor – al is die kantoor dalk nou drie tree in die gang af. SARIEmooi meng die romantiek van elegante teekoppies uit ’n fyn teestel, met parmantige, trendy ontwerpe wat die hedendaagse vrou se oë sal laat vonkel. Die SARIEmooi-teetydstel is deur Linette Coetzee van Kempton Park ontwerp en word deur Lavish’d, die aanlyn winkel van die Suid-Afrikaanse maatskappy Inter Table Top, vervaardig. Linette skets haar unieke ontwerpe met ’n gewone balpuntpen. Die eindproduk het kleurelemente wat aan die Delftse ontwerpstyl herinner, maar tog eietyds, aweregs en tong-in-diekies is. Die stel, wat uit ’n teekoppie, piering en koekbordjie bestaan, kom in ’n pragtig ontwerpte geskenkboks en…

Scott Fahlman, ’n professor in rekenaarwetenskap aan die Carnegie Mellon-universiteit in Pittsburgh, Pennsilvanië, gebruik in 1982 (toe al!) die eerste teksgebaseerde emotikons – :) en :( vir ’n glimlaggende en ’n hartseer gesiggie – in ’n e-pos. Al het hy daarmee die eerste, beskeie treetjie in die rigting van die emoji gegee, laat dit hom koud. Hy het al gekla dis “lelik” en “verbeeldingloos”. In die laat 1990’s kom twee Japannese selfoonmaatskappye, SoftBank en NTT Docomo, elk met ’n stel prentjie-agtige karakters op hul selfone vorendag. SoftBank was eerste, maar Docomo kry meestal die krediet vir die skepping van emoji soos ons dit vandag ken. Dié stel van 176 ikone, ontwerp deur Shigetaka Kurita, is baie eenvoudig in vergelyking met vandag se emoji. Dit het meestal alledaagse items ingesluit, soos…

Daar’s ’n nuwe tendens waaroor ek gaande is: die T-hemp met skouerkussings. Dis stylvol sowel as vleiend, aangesien die ekstra hoogte wat deur die skouernaat gevorm word, jou arms skraler laat lyk. Dis hoog tyd dat die staatmaker-T-hemp ’n makeover ondergaan het. En ek het ’n gevoel dié een gaan nog lank in die mode bly. HOE KIES JY DIE REGTE T-HEMP VIR JOU LIGGAAMSVORM? Vir groot borste beveel ek ’n V-neklyn aan – dis vleiender. Het jy klein borste, skep ’n hoë neklyn ’n meer informele voorkoms. Maar dra gerus ook die V-neklyn. Wenkombinasie: Dra jou T-hemp saam met ’n bonkige halssnoer. Daarsy! Drie uitrustings, drie geleenthede en een fantastiese T-hemp. SÓ STILEER MAGDEL DIE TENDENS 1 Sonnige Saterdag! Perfek vir daai vinnige ontbytafspraak. 2 Modieuse middag Jy…

Hoe het jy in Chile beland? Ek wou graag oorsee werk – maar nie op die gewone plekke nie – en het in 2018 op ’n webwerf met buitelandse poste geregistreer. Ná vele maande het ’n pos by ’n skool in die stad Antofagasta in Chile opgekom. Dit het net reg gevoel en ek het dadelik aansoek gedoen. Ek het nie veel van Chile geweet nie, maar is steeds hier – supergelukkig! Die kultuur is so anders as ons eie. Die Chilene is uitgesproke, vol selfvertroue en nie skaam vir enigiets nie. Wat doen jy by die skool? Ek is ’n gr. 4-klasonderwyseres by ’n internasionale skool vir Spaanse leerders. Engels is hul tweede taal, so dis nie so maklik nie. Dit forseer jou half om Spaans te leer, vir…

Gee ’n eenvoudige T-hemp glans met ’n volromp van tulle en kant of met ’n mansnyersbroek – perfek vir ’n Oujaarsaand tot ’n romantiese afspraak. ADRIENN T-hemp (R249), Sandra Mansour X H&M. Volsirkel-midiromp van kant (prys op aanvraag), Modest Mags X Modern Steph. Leerhakskoene (R1 799), Gianna by Tread+Miller. Groottes T-hemp: 34 – 44 Romp: Grootte op aanvraag EWAN Vlootblou-en-wit T-hemp (R229) en langbroek met ruitpatroon (R379), H&M. Swart formele skoene (R1 899), Aldo. Groottes T-hemp: 34 – 44 Broek: XS – L Jy kan steeds seuntjiepret hê in ’n netjiese hemp en gemaklike broek. DOMINIC Strepehemp met robotdetail (R179) en jeans (R349), H&M. Denimhemp (R299), Cotton On Kids KÉAN Langmouhemp (R269), H&M. Kort chinobroek (R299), Cotton On Kids. Verruil jou werkshemp en das vir ’n T-hemp saam met ’n…

jou vel GLAD + GESOND ’n Gesonde vel en lyf doen wondere vir jou selfvertroue en verg net drie stappe: reinig, afskilfer en bevog. In die somermaande bring ons meer tyd in die warm buitelug deur, wat beteken olierigheid en onsuiwerhede bou makliker op jou vel op. Daaglikse reiniging verwyder dié onsuiwerhede en help om knoppies op jou gesig, skouers en rug te voorkom. Daarna sorg afskilfering vir ’n gesonde gloed en wakker limfdreinering en bloedsirkulasie aan. Wend ’n koesterende vogroom aan net nadat jy gebad of stort het om jou vel soepel en sag te hou. Effens lui saans? Reinig jou gesig in ’n japtrap met ’n miselwater, wend ’n hidrerende oornagmasker aan en word wakker met ’n plomp en helder vel KERSFEES- glans Gee jou voorkoms ’n…

KERSFEES OF VALENTYNSDAG Vir Kersfees lyk dié geskenke feestelik met ’n tikkie goud. Dieselfde versierings kan jy vir Valentynsdag tooi met rooi of pienk lint, rooi spuitverf en ’n hart of twee. NUWEJAAR Gebruik hope gekleurde kerse en blomme om die nuwe jaar met kleur en geur binne te gaan. NUWEJAAR So ’n ruiker kan met enige spesiale geleentheid aan die voordeur gehang word, versier dit met ’n gekleurde lint of blomme vir Nuwejaar. VALENTYNSDAG As Valentynsdag kom, teken ’n groot rooi hart op die swartbordpapier. VALENTYNSDAG Skryf ’n boodskap vir enige feesgeleentheid met wit bordkryt. En vervang die tak se sterre vir Valentynsdag met harte.…

Vandat ons hormone begin lol, begin ons droom van die régte een. Ons weet teoreties daar is dalk nie so iemand nie – maar ons bly soek na Mnr. of Mev. Perfek. Die versugting na ware liefde, wat – so glo ons – ons kan pantser en sterk hou teen die aanslae van buite, is universeel. En dikwels hoop ons op ’n stootjie in die regte rigting of teken van die heelal. Volgens die “liefde-eksperiment”, wat reeds in 1997 deur die Amerikaanse sielkundige Arthur Aron geformuleer is, kan twee mense mekaar ná sowat 36 wedersydse vrae (en ’n intense staarsessie van drie minute) só goed leer ken en soveel intimiteit skep, dat daar ’n goeie moontlikheid bestaan dat hulle verlief sal raak. Gegrond hierop is Die liefdeeksperiment* tans op Via,…

Covid-19 was ’n wekroep vir die wêreld. In ’n kwessie van weke is honderdduisende mense dood, miljoene geïnfekteer en die helfte van die wêreldbevolking in een of ander vorm van inperking. Was daar ooit vantevore ’n tyd wat soveel mense dwarsoor die aardbol se emosionele en fisieke gesondheid so vinnig en so gelyktydig getaan het? Welwees (wellness) het ’n lewensboei geword waarna baie mense gryp: Om die emosionele, fisieke en geldelike onsekerhede te hanteer wat rondom die pandemie uitkring. Nou ja, welwees is jare al ’n gonswoord. Die bedryf se waarde wêreldwyd is twee jaar gelede op ’n allemintige $4 triljoen geskat, volgens ’n verslag van die Global Wellness Institute (GWI). Dis min of meer die gekombineerde BBP (bruto binnelandse produk) van Kanada en Brittanje saam. En die dienste wat…

In Donkerdrif word die Valke-speurders Bennie Griessel en Vaughn Cupido geskors en as straf na Stellenbosch gepos. Daar is gewone polisiewerk hul voorland, nie die hoëprofiel-sake waaraan hulle gewoond is nie. Hulle moet die verdwyning van ’n student ondersoek. In die geheim begin hulle ook navraag doen oor briewe wat hulle gekry het wat daarop sinspeel dat hul kollegas in die Diens betrokke is by staatskaping. Hou die briewe verband met adjudant-offisier Milo April se koelbloedige moord? Toe die superryk sakeman en swendelaar Jasper Boonstra boonop vermis raak, moet hulle inspring om te help. Hulle ondervra die eiendomsagent Sandra Steenberg, wat laaste ’n afspraak met hom gehad het. Het sy Boonstra landuit help vlug? Stelselmatig kom hulle agter al die sake hou verband met mekaar, met gierigheid die dryfveer. Deon…

Onlangs het ’n vriendin vir my ’n SARIE as geskenk gegee en ek was diep geraak deur die #JyIsGenoeg op die voorblad. My naam is Lenay. Ek is as baba aangeneem. My lewe is gevorm deur een naelstring, twee ma’s en baie jare tussenin. My aanneemouers was van die begin af eerlik oor my aanneming. Met verloop van tyd was daar die voorspelbare gevoelens van rou en verlies. Gevoelens van minderwaardigheid. Niemand se skuld nie; bloot die omstandighede van ons lewens. Dit neem my veertig jaar om my stem te vind en ek besluit om ons storie te verwoord. Ons memoires, Goed Genoeg, gaan oor die emosionele pad na genesing uit die oogpunt van die aanneemma, die biologiese ma, die aangenome dogter en die maatskaplike werker. Drie vroue. Een wond.…

JOU BESTE SKOONHEIDSWENKE? Laat jou skoonheid van binne wees. Sorg dat jou hart en gees lig en vry is. Dis ’n aanhoudende proses. Eet skoon en drink genoeg water. Doen enige oefening wat vir jou werk. Gebruik die beste velsorgprodukte wat jy kan bekostig. Sonskerm, sonskerm, sonskerm. Leer lag vir jouself en vir die lewe. SÊDING WAT JY ALTYD KOESTER Be your own kind of beautiful. DIE EEN LES WAT JY VIR ANDER WIL LEER Vind uit wat jou uniek maak en leef dit uit! GUNSTELINGE Gunstelingkleur Geel Gunstelingwoord in Afrikaans Mooi Gunstelingstad in SA Kaapstad Gunstelingdorp in SA Hartenbos Jou droomvakansie See, son, goeie vriendinne en minimale sein.…

Hand aan hand die toekoms in Pasmaat-horlosies uit Daniel Wellington se Iconic Link-reeks sal sorg dat ons bruidspaar altyd stylvol en betyds is. Die horlosies, wat ’n klassieke voorkoms met ’n moderne kinkel kombineer, het elk ’n luukse armband met skakels wat uit soliede staal bestaan. Dié prys ter waarde van R6 180 sluit in: Iconic Link se 32 mmroosgoudhorlosie met wit wyserplaat vir haar Iconic Link se 40 mm-silwerhorlosie met swart wyserplaat vir hom Lekkerruik-huis Mart-Mari en Kyle se huis gaan heerlik ruik danksy die subtiele, kalmerende geure van SOiL. Hul geskenkpak ter waarde van R935 sluit in: Aroma Diffuser De-Stress Oil Blend Relaxing Massage Oil Ylang Ylang Oil Pot vol liefde Die paartjie wen ’n duursame Gourmet Paella-kasserol van AMC ter waarde van R5 482. Dié 30 cmkasserol…

Met haar betowerende turkoois oë kon sy mense as tienermeisie skaars in die oë kyk. “Ek is nou nog skaam. Dis baie moeilik om uit my vel te klim en gemaklik te raak met mense.” Op skool het Candice op die atletiekbaan uitgeblink en die plan was om ’n kliniese sielkundige te word. “Maar toe het ’n kompetisie by die skool dinge in ’n ander rigting gestuur.” Haar vriende by die Gelofte Skool in Pinetown, Durban, het haar ingeskryf om aan hul modeparade deel te neem. “Ek was die dag van die inskrywing by ’n begrafnis en het van niks geweet nie.” Ten spyte van haar ongemak op die loopplank is sy as Mej. Gelofte gekroon. Een van die pryse was ’n fotosessie deur ’n fotograaf, en hy het later…

Hoe sal ons Covid-19 as ’n prentjie uitbeeld? Wel, daar is die , , en . As jy dink ons praat nou in tale, het jy sekerlik die afgelope twee dekades in die Amasone-reënwoud geskuil. Strokiesprentagtige gesiggies . . . flamenco-dansers . . . hande wat goedkeurend klap . . . Dis vandag alles deel van jou (digitale) sosiale lewe. Die see van emoji wat op net mooi alle digitale platforms voorkom, is die perfekte leestekens om jou vreugde, hartseer en skaterlag in ’n teksboodskap uit te druk. “Hoe gaan dit?” is nie meer ’n volledige sin sonder ’n ronde gesiggie met ’n wye glimlag nie. Onder die meer as 3 000 beskikbare emoji is daar egter nie een wat aandui hoe die coronavirus met ons koppe gesmokkel het nie.…

Ons gebruik emoji verskillend na gelang van ons persoonlikheid, volgens Britse navorsing. As jy meer tegemoetkomend is, is jy geneig om sosiale en emosionele seine in die regte lewe te gebruik om met ander te kommunikeer. Soos deur te glimlag en aanmoedigend te wees. In ’n sekere mate word dit in die virtuele wêreld weerspieël deur die keuse van glimlaggende emoji. Die navorsers spekuleer as jy jouself as tegemoetkomend sien, gaan jy moeite doen om daardie deel van jou persoonlikheid (deur die gebruik van glimlaggende emoji) oor te dra. Gee jy daarteenoor nie eintlik om wat mense van jou dink nie, is jy dalk gemakliker om al jou emosies te wys, insluitend hartseer (en dus ook hartseer emoji). Emoji word voorts as ontoepaslik in ’n meer professionele omgewing beskou. Dit…

Heimwee kom sit soos ’n knop in my keel wanneer ek terugdink. Dis vroegoggend. Die haan het nog nie gekraai nie, maar kinders en koffers, koelbokse en komberse word in die motor geboender. Ons gaan met vakansie! En wat is die langpad sonder lekker padkos? Ons gesin het altyd ’n koelsak vol bederwe gehad wat my ma, Salomé, die vorige aand met sorg gepak het. Daardie dae is lank reeds verby. Deesdae stop ons sommer by die Wimpy vir ons koffie en roosterbroodjies. Ons vra drie bekendes hoe húlle hul padkosreise onthou. WILLEM BOTHA SANGER EN FOTOGRAAF Watter padkos het julle gewoonlik vir die langpad ingepak? Ons het altyd jou tipiese padkos-bak gehad, maar my gunsteling was my ma se kaasen-konfytbroodjies. Waarheen het julle gereis? Omdat ek en my broer…

Wat is jou raad aan jonger vroue wat met selfaanvaarding sukkel? Eieliefde is ’n persoonlike reis, maar dis die mooiste reis wat jy ooit sal onderneem. Ek het self hiermee gesukkel. Gaan staan voor die spieël en identifiseer iets waarvan jy hou. Dis ’n goeie beginpunt. Jy is mooi, jy is waardig, jou drome dra waarde, jy het ’n pragtige glimlag . . . En onthou om vir jouself te glimlag terwyl jy dié woorde hardop sê. Dit is so maklik om onsself af te kraak en weer baie moeilik om iets oor onsself te sê waarvan ons hou. Wat is jou gunsteling-kleintydherinnering? Wanneer ek en my niggies en nefies ná skool buite my oupa se huis gespeel het. My oumagrootjie het dan altyd vir ons die lekkerste kos gemaak.…

’n Klein begin in 2002 met ’n rol in Isidingo, toe ’n eie radioprogram op YFM en Tonight with Trevor Noah op M-Net . . . Maar dit was ’n dare om as skerpskertser op die verhoog te verskyn wat die seun van Soweto een van Hollywood se grotes sou maak. Met sy eenmanvertonings plaaslik ’n sukses, neem Trevor Noah That’s Racist in 2011 oorsee en beland op The Tonight Show, die eerste Suid-Afrikaner nóg. Sy internasionale deurbraak kom in 2014 toe hy mede-aanbieder van The Daily Show saam met Jon Stewart word en in 2015 die stoel oorneem. Sedertdien kry die wêreld nie genoeg van hom nie. Sy 2015-outobiografie, Born a Crime, was ’n New York Times-topverkoper en tans word dit in ’n fliek omskep met Oscar-wenner Lupita Nyong’o…

40's Blinkers en ’n T-hemp skitter op die loopplank in Akris se Lente/Somer 2020-reeks by die Paryse Modeweek. 50's Die wit pak met blinkers in Givenchy se Haute Couture Lente/ Somer 2020-reeks het by die New Yorkse Modeweek bekoor. 60's Die trefkrag van een kleur van kop tot toon is gróót, wys dié perskekleur pak in Max Mara se Lente/Somer 2021-reeks by die Milaanse Modeweek. 70's YONG X Collection se Lente/Somer 2021-reeks by die Chinese Modeweek het letterlik die kollig gesteel met hierdie maksi-polkakolrok.…

NUWE BAADJIE kultusproduk VIR Wie ken nie Elizabeth Arden se Eight Hour Skin Protectant nie? Dié kultusproduk, wat jy oor jou hele lyf kan gebruik, het glo sy naam gekry toe ’n vriendin van Elizabeth Arden die salf op haar seun se stukkende knie gesmeer het en dit binne agt uur beter was. En ná meer as 90 jaar is die wenformule steeds onveranderd! Dié seisoen is die buisie vir ’n beperkte tyd getooi in ’n oulike illustrasie deur die Italiaanse illustreerder Olimpia Zagnoli. 3 SOMERPARFUUMS KERSFEES ’n Kombinasie van vrugteen warm speserynote maak die elegante Hugo Boss Boss Alive (R1 890 vir 80 ml EDP) geskik vir die dag of aand. NUWEJAAR Danksy verslawende note van sitrus, pienk peper en warm vanielje is Missguided Babe Night (R799 vir 80…

NUWEJAAR Lus vir buite kuier? Volg dieselfde resep, maar vervang die lamsboud met plathoender (spatchcock) en rooster dit vir 45 minute toe in die oond voordat jy dit vir 20 minute oor warm kole braai. VALENTYNSDAG Maak van die bykos ’n nagereg deur dit met ’n groot skep vanieljeroomys voor te sit. ONS SÊ DANKIE Spesiale dank aan The Old Tannery buite Wellington vir die perfekte agtergrond vir ons kosfoto’s. Vir meer inligting: oldtannery.co.za; 084 554 1477 Die feestelike dekor is gestileer deur die skitterende Baie Goeters-span. Vir meer inligting: baiegoeters.co.za; 067 784 3019, 082 801 9309 NUWEJAAR Pleks van die groot sirkels, spuit die meringue in kleiner sirkels wat in outydse vonkelwynglase (sien bl. 116) sal pas en halveer die baktyd. Sit saam met die nougatine voor as individuele…

Halfpad deur 2021 wil sy klaar wees met matriek. En dan doen wat sy régtig wil doen. “Tuisonderrig maak dat ek baie meer buigsaam is. Ek wil steeds toneelspeel, maar ook op my sangloopbaan fokus. Ek het ’n paar liedjies geskryf wat nou al te lank in my kas lê. Dís die jaar waarin ek dit met ander wil deel.” Die 17-jarige aktrise Daniah de Villiers weet duidelik waarheen sy op pad is. Sy spog reeds met ’n titelrol in ’n internasionale film, Mia and the White Lion (2018), en plaaslik was sy te sien in treffers soos Vaselinetjie en Nul is nie niks nie asook in kykNET se Binnelanders. Ook vir háár het 2020 onverhoeds betrap. Dit was veronderstel om ’n besige jaar te wees, maar baie projekte moes…

Francois Malherbe het ’n buitedie-boks-manier om jou nuut oor jou loopbaan en jou doelwitte te laat dink: Togte in die Afrikabos. Hy is die afgelope vyftien jaar ’n loopbaanmentor, het ’n graad in bedryfsielkunde en is ’n gesertifiseerde leefstylafrigter, onder meer van die Universiteit van Kaapstad se sakeskool. “Ek fasiliteer die oorgang na ’n nuwe lewensfase – leerders, studente, entrepreneurs en werkendes wat ’n loopbaanskuif wil maak. My hart klop warm vir avontuur en dus neem ek jongmense op Afrika-ekspedisies. Ook groepe, entrepreneurs en korporatiewe spanne na ’n private kamp in die Okavango-delta, Botswana. Só help ek mense om ’n verhouding te bou met die onbekende en nuuskierig te raak oor wie hulle is.” (Besoek unravelling.co.za) As deel van Rolene Strauss se meestersgraad in filosofie en professionele afrigting aan die…

Ek het vergeet, vergeet hoe mens jou blootstel, hoe jy jou laat beseer deur onmatig van ’n ander mens te hou Uit “Stilte” deur Elisabeth Eybers in die bundel Vers & Vrou (Human & Rousseau, R290) Feesboeke! ONTHOU MY Helena Hugo (Lux Verbi, R220) Die opvolg op Papierblomme vertel meer van Janine en Greg Walker se onstuimige verhouding. Janine en haar dogtertjies keer ná drie jaar in Londen terug na haar grootouers aan die Weskus. Sy moet besin oor haar verbrokkelde huwelik en die onverwagte komplikasies wat sy moet hanteer. Net toe dinge begin beter gaan, daag Greg uit die bloute uit op. Sal Janine die moed van haar oortuiging hê om die regte besluit te neem en haar tweede kans met ope arms kan aangryp? BRUIDZILLA Marion…

Charlie wag Sandra in, beduie sy moet na sy kantoor toe kom. Die krawat is vandag een met ’n paisleypatroon in wynrooi en vlootblou. Sy kleurskema wanneer hy indruk wil maak op kliënte. Hy maak die deur agter haar toe. Hy het nog nie gaan sit nie, dan vertel hy al, in sy gedempte maar opgewonde jy-gaan-hierdie-skandaal-nie-glo-nie-stem: “Hy’t ’n vrou gedwing, Sandjies. Jasper Boonstra. ’n Vrou wat saam met hom gewerk het. In ’n hotelkamer in Berlyn.” “Waar hoor jy dit, Charlie?” “Wat maak dit saak?” “Jy het skielik baie Boonstra-stories. Praat jy uit oor die kontrak?” “Natuurlik nie.” Verontwaardig. “Ek dra jóú belange op die hart. Ek het net . . . so ’n bietjie navorsing gedoen. Diskreet. Soos altyd.” “En die gerugte loop sekerlik dik.” Charlie laat hom…

5 gelukkige SARIElesers kan elk Dana Snyman se boek Onder een dak: 100 ou en nuwe stories (Tafelberg, R250) wen. Die ikoniese en geliefde Dana Snyman deel sy 100 gunstelingstories in ’n buksie van ’n bundel, net betyds vir Kersfees. Die storiess strek van ou familiestories, reisverhale uit Dana se Weg!-dae en ware lewensdrama uit sy Huisgenoot-dae, tot intieme verhale uit sy meer onlangse werk, waar hy selfondersoekend en met ’n skerp waarnemingsin ons land en sy mense betrag. Daar is ook 20 nuwe stories, oor die pandemie en oor rugby. Wat al die stories gemeen het, is die meelewendheid en waardering vir gewone mense wat Dana se werk kenmerk, saam met sy soms skokkend eerlike insigte in sy eie psige as kind van Suid-Afrika. Nog 5 gelukkige SARIElesers kan…

Die oomblik toe ons by die strandhuis afklim, begroet dit ons. ’n Gekrys en ’n gekakel, ’n verskriklike lawaai. Wat op aarde gaan aan? Ons wil vakansie hou, nie dié rumoer om ons hê nie. Dit vat ons nie lank om agter te kom wat die bron van die onaardse geluide is nie. Net bokant die huis se dak is ’n liederlike nes van saamgeraapte takke. Op die nes sit ’n hadeda-ma. En skree. Net ’n entjie van haar in die boom sit die hadeda-pa. Hy skree nóg harder. Ons staan nog so en kyk, toe sien ons dit. ’n Kuiken wat skeef onder sy ma se vlerk sit. Liewe genade, dit is die lelikste dingetjie wat ek nog ooit gesien het. ’n Vaal gedroggie met ’n onnatuurlik groot snawel.…