Tabla de contenidos para November - December 2020 en SARIE

Tyd, net tyd. Dít, het ek met ons onlangse gesels gesê, is sekerlik die grootste geskenk wat ons die laaste paar maande ontvang het. Só sê byna ook almal wat ons vir SARIE-stories kontak. Vandag, met tyd tot my beskikking, loop my eie gedagtes ver. Na jare gelede toe ek as SARIE-redakteur aangestel is. Toe Suid-Afrika groot skuiwe ervaar het en ons entoesiasties van die reënboognasie gepraat en hoop met hoofletters geskryf het. Sonder dat ek dit weer gaan soek om te lees, weet ek dat ek in daardie eerste redakteursbrief die ou stukkie waarheid opgehaal het dat níks in die lewe verseker is nie, behalwe verandering. Dat ons maar ons geld daarop kon verwed dat SARIE in die jare wat kom vele veranderinge saam met julle, ons lesers, sou…

Met konferensies en groot troues wat vir eers uitgestel is, het die Kaapse bloemistegroep Petals met ’n plan vorendag gekom om steeds hul talente en bronne te gebruik: die Flower Café in Woodstock, Kaapstad. Hier kan blomliefhebbers na hartelus speel, skep en rangskik – in blompotte, kranse of selfs krone. Met ’n groot werkwinkel, ’n stoor vol bykomstighede vir allerlei okkasies en ’n span blomkunstenaars byderhand was die oorgang maklik – en die reaksie is wonderlik, sê Veronica Yankelowitz, geleentheidskoördineerder. Bespreking vooraf is noodsaaklik. Stuur ’n e-pos na vee@petalsgroup.co.za, ’n whatsapp na 082 321 7371, of skakel 021 461 8809.…

So, wat sou jy gemaak het as jy geweet het vandag is jou heel laaste dag? Ooit. Sou jy maar daai vyf minute vroeër opgestaan het? Sodat jy genoeg tyd kon hê om vir jou dogter die mooi onderstebo-vlegsel te probeer maak voor skool? Sou jy die 10 of 15 minute geneem het om tog maar rustig te sit en koffie drink by jou afgetrede ouers? Sou jy jou sussie gebel en gesmeek het om te kom kuier? Wat maak dit tog saak dat julle al vir jare nie meer met mekaar praat nie? Kon dit só erg gewees het? Sou jy weer en weer ’n laaste keer jou man gesoen het voordat hy by die deur uit is vanoggend? Ek is seker mens sou foto’s geneem het. So baie…

Mary-anne Barlow is vandag skoon uit haar ritme uit. ’n Af dag tuis is amper ’n skok vir haar gestel, sê sy. Die afgelope klompie maande, ses dae van die week, gooi sy haar hart en siel in haar rol as die feeks Felicity Price in Legacy, M-Net se telenovelle – ’n eerste vir kanaal 101. Maar van die begin af, toe sy dié gesogte rol aangebied is, het Mary-anne besef: Nou is sy getroud met Legacy. Selfs haar hart se punt, Nathan, haar “ou George Clooney” wie se hondeportret lewensgroot teen die sitkamermuur agter haar pryk, speel vir eers tweede viool. Saans voel dit soms asof sy net genoeg energie het om te bad en in die bed te klim met haar teks vir die volgende dag, maar tog…

Die welbekende Arecibosterrewag in Puerto Rico het in Augustus stil geraak ná ’n raaiselagtige ongeluk toe kabels skielik gebreek en die hoofskottel aan flarde geruk het. Die enorme radioteleskoop fynkam die kosmos vir asteroïede en buiteruimtelike lewe. Arecibo is in 1963 op die bodem van ’n natuurlike sinkgat begin met ’n enkelskottel-teleskoop wat in daardie stadium die wêreld se grootste was. Baie van ons sal dit onthou danksy die 1997-fliek Contact. Jody Foster is ’n astronoom wat by Arecibo werk en hoop om eerste kontak met buiteruimtelike intelligensie te maak. Die teleskoop was ook die agtergrond vir ’n sleuteltoneel in die 1995-James Bond-fliek, Golden Eye. Arecibo speel sedert die sewentigs ’n sentrale rol in die soeke na buiteruimtelike lewe. Astronome het die teleskoop in 1974 gebruik om ’n binêre kode…

“Het juffrou regtig gesê ons moet dit doen?” Amaria Carstens, moderedakteur van SARIE, hoor dit gereeld by Sebastian (7) en Stella (9), onderskeidelik in gr. 1 en gr. 3. Dié ma van Melkbosstrand is skielik gedompel in ’n lewe van aanlyn onderrig weens Covid-19 en tussendeur het sy die uitdagings van ’n voltydse werk. Sy werk twee tot drie uur per dag afsonderlik met elke kind, ná ontbyt, wanneer hulle netjies gestewel en gespoor is, tensy sy ’n vergadering moet bywoon. Hulle ontvang weekliks ’n kort video en dokument van hul onderskeie juffrouens met opdragte en lesse. Sodra hulle iets nie verstaan nie, kontak sy die onderwyseres per WhatsApp of e-pos, en ná die verduideliking gaan hulle aan. “Ons het al baie gehuil. Sebastian reken hy sal nooit weer gelukkig…

40's ’n Kort rok met enkelstewels was ’n wenner in Self-Portrait se Lente/ Somer 2020-reeks by die New Yorkse Modeweek. 50's Die maksirok gedra met enkelstewels het bekoor by Self-Portrait se Lente/ Somer 2020-reeks by die New Yorkse Modeweek. 60's Paco Rabanne se Lente/Somer 2020-reeks by die Paryse Modeweek het die trefkrag van ’n broekpak en enkelstewels beklemtoon. 70's Die rok met sketspatrone saam met enkelstewels was in Alexander McQueen se Lente/Somer 2020-reeks by die Paryse Modeweek te sien.…

#1 SATYN ’n Kussingsloop van sy of satyn is sagter op jou vel, sal nie jou nagroom laat afsmeer nie en keer dat jy lyne op jou gesig slaap. #2 HEUNING ’n Teelepel heuning voor slaaptyd laat jou lomerig voel deur ’n stof in jou brein te verminder wat jou wakker hou. #3 LAVENTEL Geur jou slaapkamer met laventel. Dié krui is ’n gewilde slaapkuur omdat dit jou hartklop verlaag en jou so help ontspan. < Probeer REN & Now To Sleep Pillow Spray (R410) met laventel. By uitsoektakke van Woolworths of renskincare.co.za…

Die Beatty-gesin woon meestal oorsee as gevolg van Daniel se werk. Maar toe iemand op ’n dag hul twee kinders vra waar hulle woon en Nia en Torben antwoord Bali, het hulle besluit om hier op eie bodem ’n plek te kom bou wat hulle huis kan noem. Daniel en Dominique het op onderskeidelik Kommetjie en die nabygeleë Vishoek grootgeword. Die twee wou graag hê hul kinders moet ook die sorgelose strandlewe van hul eie kindertyd ervaar. Soos die geluk dit wou hê, was daar ’n erf langs sy grootwordhuis te koop en hy het sy broer, Matthew, van die argiteksfirma Beatty Vermeiren (beattyvermeiren.com) gevra om die huis te ontwerp. Daniel kon die taak met ’n geruste hart aan hom toevertrou, want Matthew ken die gebied, die lê van die…

SLIMMER MET SARIE is ’n splinternuwe aanlyn projek wat enige entoesias in die kombuis die kans gee om meer oor hul stokperdjie te leer of nuwe vaardighede baas te raak. In ons eerste kursus leer Herman Lensing, kosredakteur van SARIE en SARIE KOS, saam met ’n paar ander kenners vir jou 13 onontbeerlike tegnieke. Herman gaan vir jou moeilike sjefstegnieke wys sodat jy dit in jou eie kombuis kan oefen. Hierdie is nie ’n gewone kosdemonstrasie nie; dis die beginsels van kook en bak, die grondslagtegnieke waarsonder geen sjef in die kombuis sal regkom nie. Die kursus sluit alles in wat jy nodig het: die resepte, wenke, raad en tegnieke om van jou ’n sjef te maak. Jy voorsien jou eie bestanddele. Kyk uit vir slimmermetsarie.co.za KLASSE BEGIN BINNEKORT Hou SARIE…

OP GESONDHEID EN BALANS Soos ek deur sosiale media wandel, sien ek inskrywings van regte klakouse, Martie Martelaars en natuurlik ook die Vervelige Fanies, Positiewe Priscillas en Eksentrieke Erikas. Dan ook dié wat tot vervelens toe hul opinies, geloof, uitkyk op ras en seksuele oriëntasie in jou keelgat wil afdruk. So is die lewe ook, almal verskillend, elkeen eintlik op sy eie missie, dankie tog vir die Heer se wye genade. Ek het die afgelope ruk op reis gegaan, die oeroue soeke na diepgewortelde vrede en geluk. Die grendeltydperk is grotendeels verantwoordelik vir hierdie drang om antwoorde te kry op die lewe se vrae. Ek het meditasie, joga, hipnose en muti (tong in die kies) met oorgawe nagevors! Verskillende gelowe is aandagtig met mekaar vergelyk. My dieet is drasties aangepas…

So gil my vriendin. Ons kyk deur my albums. Ja, nog steeds druk ek foto’s en plak dit in reusagtige boeke. Alles lyk eenvoudig mooier en meer gebeurtenisvol as op die skermpies wat ons gewoond geraak het. Hier is ons om die tafel tydens ’n spierwit Kersete. Daar kuier ons almal in bloedrooi ná ’n vertoning. Kan iemand onthou wat die rede agter die rooi was? En was ek regtig ooit só dik? Op ’n volgende blad staan klein George langs sy verjaarsdagkoek, arms in die lug. ’n Massiewe gemmerbroodhuis, het ons werklik tyd gehad vir hierdie skeppings? Op ’n ander bladsy pronk ek met ’n lamsboud op ’n groot bord. Hoekom het ek so lank gesukkel om vleis uit my lewe te kry? Die idee dat ek ooit ’n…

LEKKERSTE ONTSPANNING Iewers saam met my ma – sy is al 76, en sedert my 20’s my beste vriendin. AKTRISE Juliette Binoche. Judi Dench. Jessica Chastain. Aktrises met integriteit, eerlikheid. BOEK Lig en fluffy – niks wat nou breinkrag verg nie. VAKANSIE Londen en enige Europese land. Geskiedenis, kuns, kultuur, dit tiek al die bokse. KOS Ons is ’n familie van suikertande, ek gaan nog die perfekte resep vir ’n vegan-sjokoladekoek “raakbak”. Ek het al ’n gangbare chocolate brownie. OPKOMENDE PROJEKTE Heks – my eerste rillerfliek! JONK-LYK-GEHEIM Ek is nie ’n roker of sonaanbidder nie. En dit wys as jy gelukkig is. My pa (84) en ma lyk fantasties.…

In trotse samewerking met Die Isa Carstens Akademie en die haarsorgmaatskappy INOAR ondersteun die wedstryd onderskeidelik die afgelope drie en vier jaar, en albei borge, wat bestaan uit innoverende, sterk vroue, maak dié ervaring vir ons 10 finaliste vanjaar weer moontlik. Bianca Bezuidenhout Jy het vanjaar vir die eerste keer ingeskryf Ek was aanvanklik bang vir die groot platform. Ek swot onderwys, en besef toe dit is eintlik die ideale geleentheid om jongmense te inspireer. Baie hoërskoolleerders dink hulle is nie goed genoeg nie, ek was ook daar, maar nou kan ek hulle hiermee motiveer om in hulself te glo. Jy glo dat jy jouself moet aanvaar Dikwels kry jong kinders selfone, gaan op sosiale media en sien ’n image van hoe hulle moet lyk. Toe ek jonger…

Dalk plaas jy die moontlikheid van buiteruimtelike lewe in dieselfde kategorie as eenhorings en die vermoë om gedagtes te lees. Of vervul die gedagte jou met ontsag dat ons kans om ’n nuwe vriend te maak 1 uit 50 sekstiljoen is (1 sekstiljoen = 1 gevolg deur 21 nulle). Die vereistes vir lewe soos ons dit ken op ’n ander planeet: Daar moet vloeiende water wees. Water los chemikalieë op wat belangrike metaboliese reaksies veroorsaak en vervoer dit. Energie is nodig om lewe te skep en onderhou. Dus moet ligenergie (van ’n warm son of atmosfeer) of chemiese energie (van chemiese reaksies) teenwoordig wees. Om lewe te bou en in stand te hou, vereis voedingstowwe. ’n Planeet met ’n watersiklus, bewoonbare atmosfeer of vulkaniese aktiwiteit kan voedingstowwe aanvul en sirkuleer.…

‘Ek het so ’n gekompliseerde verhouding met my ma,” het aktrise Drew Barrymore al gesê. Sy is nie alleen nie. Vele Hollywoodsterre, onder wie Jennifer Aniston en Brooke Shields, het al openlik bely hulle stoei daarmee. Verhoudings tussen vroue en hul ma is dikwels broos. En dít is een van die temas wat ontgin word in Netwerk24 se nuwe aanlyn sepie, Duiwelspoort*. Die uitvoerende vervaardiger en skrywer, Handrie Basson, sê: “Ek wou universele temas aanspreek. Die ma in die sepie, Antoinette Aucamp ( Jana Kruger), en haar dogter, Alexia Aucamp-Deetlefs (Lea Vivier), se verhouding is kompleks en intens. Albei is sterk vroue.” Die storie gaan oor die sondes van die ouers wat die kinders teister. “Dit was interessant om die verhouding tussen ma en dogter in Duiwelspoort te ondersoek,” sê…

Sy is ’n internasionale model, lewensafrigter en nou die nuwe aanbieder van Boer soek ’n vrou. Marciel Hopkins deel haar 10 lesse. 1 Doen gereeld ’n lekker sosialemediaskoonmaaksessie. 2 Jy hoef nie gedurig op die skaal te klim nie – jou gewig maak nie saak nie. Daai syfers hoef jou nie te bepaal nie. 3 Stel mini-doelwitte aan jouself. Maak dit klein en haalbaar. 4 Doen oefening waarvan jy hou – dis nie om gewig te verloor nie, dis ’n viering van jou liggaam. 5 Jy hoef nie skuldig te voel oor eet nie. Catch your thoughts – kies selfliefde. 6 Moenie jouself met ander vergelyk nie. 7 Gee die klere weg wat jou nie pas nie. Koop vir jou klere wat nóú pas! 8 Wees bewus van die gedagtes…

JOU GROOTSTE GRIMEERGEHEIM? Veral op dae wat ek by die huis is of net vinnig gaan gim, wend ek Nimue Sun-C Tinted SPF40 (R487) aan. Dit lyk asof ek onderlaag dra, maar dis lig en beskerm my vel. Ek wend dit byna elke dag onder my onderlaag ook aan, want jy moet sonskerm aansit! JOU 5 MOET-HÊGRIMEERPRODUKTE? 1. Verbloemer 2. Onderlaag 3. Maskara 4. Oogpotlood 5. Wenkbroupotlood JOU BESTE HAARWENK? Ek het dun hare, daarom gebruik ek ’n produk soos Kevin Murphy Powder Puff, ’n haarpoeier wat volume help skep, veral noudat ek ’n kort styl het. Ek gooi my kop vorentoe en gooi die poeier onder my hare by my nek, in die middel van my hare en naby my kroontjie. Dan gebruik ek my haardroër vir so ’n…

Vréémd, was die algemene konsensus toe Lady Gaga in 2008 op die toneel verskyn met haar debuutalbum, The Fame. Haar hare, haar klere, haar uitsprake. Tog het haar musiek bekoor en 12 jaar later weet ons dinamiet kom in klein pakkies. Stefani Germanotta moes baie oorkom. In haar 2017–dokumentêr, Gaga: Five Foot Two (sy is 155 cm lank), onthul sy: Sy ly aan angs, pynlike fibromialgie en is op 19 seksueel aangerand; die rede hoekom sy in 2011 haar Born This Way-stigting vir jeugbemagtiging begin het. Vanjaar het sy met haar Together at Home- konsert $130 miljoen ingesamel vir Covid-19-werkers en op Forbes se lys van invloedrykes verskyn. Boonop het sy vyf MTVvideo-musiektoekennings gekry, onder meer vir “Rain On Me” saam met Ariana Grande. Vir elk van haar vyf uitrustings…

OLYFOLIE-ENSUURLEMOENKOEK (bl. 91) Die soet suiker en sitrusgeur van die lemoene is ’n huwelik wat net werk. genoeg vir een 22 cm-koek 210 g (375 ml) koekmeel 10 ml bakpoeier 2 ml sout 220 g (250 ml) strooisuiker 3 eiers gerasperde skil en sap van 2 lemoene gerasperde skil van 2 suurlemoene 60 ml melk 190 ml olyfolie 100 g gevlokte amandels versiersuiker vir oorsif 2-3 klein olyf- of roosmaryntakkies mascarponekaas vir voorsit Verhit oond tot 180 °C. Sif meel, bakpoeier, sout en strooisuiker saam. Meng eiers, sitrusskil, melk en olyfolie met droë bestanddele. Gooi beslag in 22 cm-losboom-patroonpan wat goed met kleefwerende kossproei gespuit is. Sprinkel amandels oor en bak vir 20 minute of tot goudbruin en bros. Giet lemoensap oor sodra koek uit oond kom. Laat afkoel en…

Items wat vir jou iets spesiaals beteken, gee ’n huis persoonlikheid. Dié antieke bêrekas uit Mongolië is ’n trougeskenk aan Dominique Beatty van haar pa. Die teëls bokant die kas is van Sjanghai en simbole van langlewendheid. Sien die res van hul huis op bl. 100.…

‘n Huwelik is nie vanself gelukkig nie. Jy máák dit gelukkig. Woorde van die Amerikaanse verhoudingsblogger Fawn Weaver waarmee talle gelukkige pare sekerlik sal saamstem. Die internasionaal bekroonde wildfotograaf en fotosafarigids Marlon du Toit en sy vrou, Lourette, ’n vel- en laserspesialis, woon in Randburg en is die ouers van twee jong kinders, Jack en Rouxlé. Hul huwelik stel ekstra uitdagings. As mede-eienaar van Wild Eye SA, wat foto-safari’s onderneem, en ambassadeur van groot handelsmerke soos Sony Alpha SA en Swarovski, is Marlon tot 200 dae per jaar oorsee vir besigheid. Hy het ’n indrukwekkende Instagramprofiel met 170 000 volgelinge (@marlondutoit), sy foto’s verskyn in toppublikasies soos National Geographic en hy skuur soms skouers met bekendes soos Bruce Springsteen en Martha Stewart. Verlede jaar was hy selfs ’n gas op…

A Airloom Rugs airloom.co.za Aldo 010 900 1386 aldoshoes.co.za Anine Jewellery anine.co.za B Block & Chisel 011 442 0809, 010 593 9308, 021 712 5193 blockandchisel.co.za C Call It Spring 010 900 1386 aldoshoes.co.za Country Road 086 002 2002 woolworths.co.za D Desray 021 448 2887 desray.co.za E Elmarie Jooste 079 183 4678 Europa Art 011 883 5354, 021 552 4709 europaart.co.za F Foschini 086 083 4834 foschini.co.za H Haus by Hertex 021 914 3390, 086 043 7839 hertexhaus.co.za Hollywood Kitchens and Furniture hollywoodfurniture.co.za H&M 086 069 0707 hm.com/za I Ida-Elsjé 021 424 1101 idaelsje.com Incanda incanda.co.za J Jo Borkett 081 350 8974, 081 325 5262 joborkett.com L Levi’s 086 144 4353 levi.co.za Lovisa 011 268 0257, 021 551 1051 M Makro 086 060 0999 makro.co.za Mango shop.mango.com/za Mevrou & Co.…

1 Jy doen reeds jou bes in die omstandighede. 2 Jy kan nie daar wees vir jou geliefde as jy nie daar is vir jouself nie. 3 Julle het albei nodig om met iemand te praat. Soek professionele hulp en moenie opgee as jy nie dadelik gemaklik voel of baat vind by een of selfs meer as een terapeut nie. 4 Dit sal help as die terapeut ervare is in die behandeling van trauma in die verlede en die effek op emosies, liggaam, denkpatrone en gedrag. 5 Daar is verskillende toepassings van hipnoterapie wat holisties kyk na die verband tussen emosies, liggaam, denke en gedrag, en trauma se effek verminder. Dit bevorder ’n aandagtige (mindful) leefstyl en help met angs. 6 Doen gereeld dinge wat julle vreugde verskaf. Deel en…

Remembering Great Apes Wildlife Photographers United (Remembering Wildlife, versprei deur HPH Publishing, R980) Dié derde boek in die Remembering Wildlife-reeks van vier fokus op die groot ape van ons planeet. Die ander boeke in die reeks is Remembering Elephants, Remembering Rhinos en Remembering Lions. Uit die verkope van die asemrowende reeks is reeds meer as R13 miljoen ingesamel vir bewaringsprojekte in Afrika en Asië. Die foto’s word deur top-natuurlewefotograwe geskenk as hul bydrae om mense bewus te maak van die benarde lot van die diere wat op hul foto’s verewig is en om hulle te help bewaar. Ek was bewoë terwyl ek deur die portrette van die gorillas, orangoetangs, sjimpanees en bonobo’s (pigmee-sjimpansees) geblaai het. Die emosies op hul gesigte is so naby aan dié van mense, hul gevoelvolle oë…

In sy nuutste kortverhaalbundel, Dik Dun Thick Thin (Human & Rousseau, R250), is dit die terloopse sinne wat jou tref en laat besin oor die aard van die mensdom en hul gewoontes, goed en sleg. Die storie “’n Teken” is op die oog af eenvoudig, maar dan lees jy die sosiale kommentaar raak en die lewenswysheid bly jou by. Jy kan jou vereenselwig met hoe elke mens ’n betekenisvolle teken soek, iets wat hulle sal aanvuur tot aksie. Soos klein verhoogoptredes speel die stories voor jou af. Die visuele taal versterk die impak van die stories en jy word weggevoer van jou eie werklikheid na die magiese wêreld van karakters soos Quacalene, Hoekman, Mannion en Thank You in die rolverdeling. Die stories is vir lees en weer lees, en elke…

5 SARIE-lesers kan elk Audrey Blignault se boek Met my rooi rok voor jou deur (Tafelberg, R295) wen. Die onweerstaanbare Audrey Blignault het destyds die wêreld van die Afrikaanse vrou óópgeskryf en was haar tyd vooruit. Dié unieke e en omvangryke keur bring haar beste werk byeen, van kort sketse uit die vroeë bundels tot langer essays en verhale uit latere publikasies. Hierdie baldadige, skalkse, “onwennige ouma” skryf dalk oor vervloë dae, maar op so ’n unieke, toeganklike manier dat dit vir vandág se leser kraakvars is, en jou ten diepste raak. Nog 5 SARIE-lesers kan elk Wilna Adriaanse Omnibus 2 (Tafelberg, R260) wen. In ’n Heildronk op die liefde keer Nicolene terug uit Londen, en ontmoet weer haar jeugvriend Jacques. Hy het nog altyd maklik verveeld geraak en is…

Hoe het ons lewens nie verander nie. ’n Maand of wat gelede was dit nog verbode om rookgoed te koop. Juis daarom het rook verskriklik belangrik geword. Het hierdie drakoniese regulasie die mensdom gestuit? Nee, natuurlik nie. Dié wat wou rook, het planne gemaak, maar rook het hulle gerook. Ek is nie ’n roker nie, ek verpes dit. Maar wat ek meer verpes het, was die drakoniese verbod wat op hulle afgedwing is. Wat my egter oneindig beïndruk het, was die ondergrondse smokkelnetwerk wat tot stand gekom het. Dit was pure genialiteit. My een vriendin het doodnugter verklaar: “Ek is nou ’n krimineel. Ek smokkel sigarette.” Jare gelede het iemand se rookdampe my min gepla, ek het dit argeloos met ’n hand weggewaai. Tot. Tot daardie hel-nag toe ek in…

MARMITE OF BOVRIL? 65% verkies Bovril 30% verkies Marmite 5% geeneen DINK JY ’N BRUID KAN DIE VRYMOEDIGHEID HÊ OM TE VRA DAT DIE STROOIMEISIES HUL EIE ROKKE BETAAL OF MOET SY DAARVOOR BETAAL? Ericka du Plessis Cory Ja, as sy weet hulle kan dit bekostig. Waarom nie eerder geen gevolg nie? Dit spaar kostes, beplanning en stres. Susan Theunissen Bruid se troue, bruid se onkoste. Suzanne Potgieter Jy nooi, jy betaal. Marna van der Merwe Ons leef in ’n nuwe era, verander ou raamwerke en dink buite die boks. As ons ’n bring-en-braai kan doen, kan ons dít ook doen. AS JY EEN BYGEREG VIR ALTYD MOET PRYSGEE, WAT SOU DIT WEES? 45% sê pampoenkoekies 55% sê soetpatats…

Dis ’n dapper besluit om nou, te midde van die pandemie, jou permanente werk te laat vaar en jou eie ding te doen. Maar Simoné (Nortmann) Pretorius, wat in Julie die laaste keer as suster René Spies in die kykNET-sepie Binnelanders verskyn het, was nog altyd iemand wat haar eie pad loop. Dis juis dié waagmoed wat haar, op 30, al uiteenlopende rolle as aktrise besorg het – van kykNET se komediereeks Hotel tot die avontuurfilm Stroomop. Nou wil sy ’n nuwe avontuur van haar eie aanpak, as skrywer, regisseur en vervaardiger. Iets in my het uitgeroep, ekwou ’n verskil help maak Simoné oor die organisasie A21 Eintlik, sê sy, het sy al in November verlede jaar die besluit geneem. “Ons is toe nuwe kontrakte by Binnelanders aangebied en ek…

Superryk entrepreneur en visionêr Elon Musk glo hulle het die piramides in Egipte gebou. Hy het ’n fladdering onder sy meer as 37 miljoen Twitter-volgelinge veroorsaak met sy twiet dat dié misterieuse strukture “duidelik” hul handewerk is. Besoekers uit die buitenste ruim, mos. Hulle wat die sterrestelsels hul hoofweë maak met sulke gevorderde tegnologie; ons aardbewoners kan dit net lomp en vaag omskryf as “vreemde vlieënde voorwerpe” (VVV’e). Groen mannetjies, reptiele, ’n gawe outjie soos ET. Jy kan jou verbeelding vrye teuels gee, want niemand het al een gesien nie. En dié wat beweer hulle het, word nie geglo nie. Daar is natuurlik hope mense wat sê die hele onderwerp hoort in dieselfde kategorie as die Tandemuis, Vader Kersfees en Alice se pêlle in Wonderland. Ek, soos The X-Files se…

‘OUT OF THIS WORLD’  Romeo en Juliet? Taylor en Burton? Wat van Elizabeth en Akon? Elizabeth Klarer is in 1910 in die destydse Natal gebore. ’n Interessante vrou wat volgens wikipedia.com musiek en kuns in Italië studeer en daarna ’n vierjaardiploma in weerkunde op Cambridge voltooi het. (Daar kon daai jare nie te veel vroue op Cambridge gewees het nie.) Haar eerste man het haar geleer om ’n Tiger Moth te vlieg. Elizabeth sal egter onthou word vir haar bisarre storie dat sy ’n liefdesverhouding met ’n buiteruimtelike wese gehad en sy kind gebaar het. Akon was afkomstig van Meton, glo ’n planeet wat rondom Proxima Centauri wentel, ons naaste sterre-bure sowat 4,3 ligjare ver. En volgens haar sketse ’n mooie man. Mos belangrik vir ’n goeie liefdesverhaal.…

Soek altyd eerste toenadering. As jy wag vir die ander een, gebeur daar dalk niks nie. Verander jouself. Ons dink altyd die ánder een moet verander, maar jy kan nie hul reaksies verander nie, net hoe jy daarop reageer. Jou verwagtinge moet realisties wees. Dikwels glo jy die ander een weet hoe jy voel en sê dus niks, maar niemand kan gedagtes lees nie. Luister, luister, luister. As die ma of die dogter vir mekaar sê hulle hoor, verstaan en reflekteer, lei dit tot harmonie. Luister ook na wat tussen die lyne gesê word. As skade gedoen is, maak dit dadelik reg. Konflik is nodig, maar praat dinge uit. Wat sou jý in haar skoene doen? Elkeen het sy eie verlede, emosionele “wonde”, verwagtinge, drome. As jy empatie daarvoor het,…

Sy’s ’n gerespekteerde verhoogaktrise met verskeie bekroonde stukke, soos die onlangse Valsrivier, agter haar naam. Ook op die silwerdoek en ons TV-skerms is Tinarie van Wyk Loots bekend, onder meer vir die gewilde kykNET-reeks Fynskrif. Pas is sy klaar met die skiet van ’n nuwe reeks, maar dié keer as regisseur. Die opwindende drama Kompleks, met episodes van 30 minute elk, is een van verskeie kortformaat-reekse wat kykNET beplan. Iets waaroor Tinarie baie opgewonde is. “Die nuwe formaat wys net weer dat TV-kanale wil eksperimenteer met inhoud.” Vir haar is dit noodsaaklik om onophoudelik te innoveer. “Ons moet herskep. Konstante verandering is onvermydelik, kyk net na ons wêreld . . . dit is opwindend om te sien hoe TV homself herontdek.” Kompleks, ’n woordspeling, gaan oor twee tieners se wel…

Nutella-latte BESTANDDELE ¾ koppie melk 1 eetlepel Nutella ’n skeut espresso room en malvalekkers vir voorsit METODE Verhit die melk en Nutella in ’n klein kastrol en roer tot die Nutella gesmelt het (die melk moenie kook nie). Gooi in ’n koppie en voeg die espresso by. Rond af met geklopte room en malvalekkers of selfs ’n sjokoladeballetjie. WENK: Jy kan die espresso uitlos en net ’n koppie van die heerlikste warmsjokolade geniet! Heuningkoek-latte BESTANDDELE ¾ koppie melk ’n paar ysblokkies heuningkoek ’n skeut espresso METODE Gooi die melk in ’n koppie en voeg die ys by. Breek die heuningkoek in stukke. ( Jy kan dit self maak of by die winkel koop › ’n Crunchie-sjokoladestafie sal ook werk.) Strooi die stukkies heuningkoek oor die melk. Giet die espresso oor…

ENKELSTEWELS Leer- en kunsleerenkelstewels is ewe gepas vir winter en somer. Dra dit kaalbeen saam met jou gunstelingrok vir ’n koeler voorkoms. Swart-en-wit cowboy-styl enkelstewels (R3 499), Jeffrey Campbell by That Shoe Lady. Helderpienk maasstofrok bo-oor moulose onderrok met bypassende belt (R15 500), Stephen Van Eeden Atelier. Ring met halwe kunssteen (R200), Lovisa. Swart hartvormige ring (R180), Lovisa. GROOTTES Rok: Op bestelling KLASSIEKE HEMP Hierdie snit bly ’n staatmaker, maar dra vir somer 2020 ’n ligblou skakering eerder as die skoon wit hemp. ’n Hemp is veelsydig en jy kan lekker met die stilering speel: Dra ’n kort top of bralette bo-oor, rol of stoot die moue op, maak die knope los, knoop die hemp of dra dit as ’n ligte baadjie. Hemp met bypassende top (R799), H&M. Swart kantlangbroek…

21:00 Die hormoon melatonien, wat jou lyf gereed maak vir slaap en herstel, word vrygestel. Wend jou nagvelprodukte nou aan. 23:00 TOT 04:00 Die vervaardiging van nuwe velselle en kollageen bereik hul piek en groeihormone word vrygestel. Jou vel absorbeer ook nou aktiewe bestanddele die beste. 04:00 TOT 06:00 Jou vel is in dié tyd op sy droogste weens vogverlies deur die nag en is veral sensitief vir UV-lig. Wend so gou as moontlik soggens jou sonskerm aan.…

Claire Hill-velsorgreeks (pryse vanaf R600) Die Australiese velsorgreeks Claire Hill is nou ook in SA te kry. Dié reeks is gebore vanuit die filosofie dat selfvertroue die kern van skoonheid is en dat wetenskaplike navorsing en eerlikheid goeie produkte lewer. Daar is 4 beskikbaar: ’n voedende miselwater, asook ’n serum, oogroom en vogroom wat lyntjies en plooie takel en vel help verferm. Beskikbaar by clairehill.co.za Shower to Shower Germ+ Protect Invigorating Hygiene Body Wash (R43) Tans is die kollig meer as ooit op goeie higiëne en die beskerming teen kieme. Shower to Shower se nuwe lyfwas maak dié taak makliker. Die lyfwas is pH-gebalanseerd, met voggewende olies verryk en beloof om jou teen kieme te beskerm. By Spar Collagen Lift Paris Luminous Gold (R1 450 vir 28 ampules) Kollageen is…

AFFODILMOOI Sit jou tuisgebakte koek met hierdie fraai koekvurkies van Carrol Boyes voor. Met hul affodil-ontwerp sal hulle die lente heeljaar na jou tafel toe bring. R599 vir ’n stel van 4 by Carrol Boyeswinkels DIS HOE JY rol As jy lief is vir bak, maak ’n goeie koekroller die lewe soveel makliker. Hierdie een (22,5 cm) van Le Creuset is veerlig en ontwerp vir beter beheer en druk wanneer jy deeg uitrol. R519 by Le Creuset-winkels MARZANNE HOU VAN Blaas lewe in jou kombuis met hierdie groen mengbak (16 cm in deursnee) van Mason Cash – perfek om van beslag tot maalvleisgeregte in te meng. Geskik vir die mikrogolfoond, skottelgoedwasser, oond en vrieskas. R139 by Yuppiechef ONTBYT OP ’N DRAFSTAP Laevetjogurt gemeng met hawermout, muesli en sonneblomsaad van Clover…

“Dit was hartverskeurend toe die Olimpiese Spele uitgestel is. Ek het so hard vir hierdie jaar en dié uitsonderlike sportgeleentheid gewerk. Alles in my lewe is aangepas om rondom die Spele as middelpunt te sentreer.” 2020 was ’n onvoorspelbare jaar van uitstel en terugslae vir Caitlin Rooskrantz, die eerste vrouegimnas in 15 jaar wat gekwalifiseer het om Suid-Afrika by dié vierjaarlikse skouspel te verteenwoordig. “Dit was aanvanklik ’n groot teleurstelling, maar ek is ’n optimistiese mens en hou daarvan om die positiewe in alles raak te sien. Ek beskou die uitstel van die Spele en die inperking nou as ’n geleentheid om ’n ekstra voorbereidingsjaar te wen. Dit gee my ’n hele jaar om nóg beter te word as wat ek vanjaar sou wees en daarvoor is ek baie dankbaar.”…

Die opstand van Poppie Nel , Hans du Plessis (Lapa Uitgewers, R300) Dominee Lukas is op vakansie by die see wanneer ’n vrou onverwags in sy lewe verskyn. Diaken Gawie Galant nader hom om met Poppie Nel, die suster van ’n jeugvriend, te gesels. Volgens Gawie moet sy met iemand praat sodat sy haar ewewig kan herwin. Uit hul gesprekke ontvou Poppie se verhaal van jare lange seksuele misbruik deur die pastoor van haar kerk. En haar ma wat haar nie wou glo nie. Hoewel die tema nie nuut is nie, word Die opstand van Poppie Nel op ’n nuwe manier vertel. Die ses stappe tot seksuele aanvoring word ingeweef in die verhaal, met woorde soos “opstand” en “opstaan” wat deurgaans slim gebruik word en die name van die…

Hierdie is nie ’n verhaal wat ek wou skryf of vertel nie, so hartseer en so tragies is dit. Maar wanneer ’n storie in my kop verskyn, kan ek aan niks anders dink nie, hy moet eers uit voordat ’n ander een kan begin. Ter wille van vooruitgang vertel ek hom dus nou, die verhaal van twee verskriklike nagte. Die eerste keer dat ek aangeval is, was ’n ongelooflik skokkende ervaring. En totaal onverklaarbaar. Ek woon in ’n huis met soveel sekuriteit dat ekself partykeer nie daar kan in nie. En ek slaap baie lig, my ouma het gesê dis ons familiestraf, ons lê soos skottelgoedskuim, bo-op, nooit in die slaap nie. So word ek een nag wakker en ek weet onmiddellik hulle is op die dak. Ek kan hoor…