Tabla de contenidos para September 2020 en SARIE

Een láng winter. Dis seker hoe die laaste weke en maande vir baie van ons voel. Ons wêreld byna geset in tyd . . . asof ons wag vir iets om te gebeur. Net iéts om te verander. Nou die oggend versteur iets die grys stilte voor my huis. Ek hoor jong stemme. Dis ’n vrolike gelag en gekwetter. Ek hardloop na buite om te gaan kyk wat aangaan. Oorkant die straat is ’n groepie meisies met kleurryke maskers wat drafstap ’n meter of wat uit mekaar. Hulle waai vrolik. Duidelik is hierdie ’n goeie weersiens. Vriendinne wat ná weke se grendeltyd uitbundig is in mekaar se geselskap. Hul energie lig my dag en ek gaan sit met nuwe moed agter my rekenaar. Waaroor sou die meisies gepraat het, wonder…

DIE NUWE NORMAAL IN Voel vandag soos met Amanda Strydom se “anthem” waar sy baldadig verklaar: “vuisvoos maar gefokus . . . vuisvoos maar nog regop”. Almal is effe plat en flou. 110 dae later en die piek is blykbaar amper met ons. Die cliché van “nuwe normaal” is alledaags. Modieuse maskers deur voorste ontwerpers is aanlyn beskikbaar. Die nuwe statussimbool in plaas van ’n Hermes-handsak of Jimmy Choo-hakke? Bak jy nog of laai jy weer Woolies se skons en muffins in jou trollie? My gemoed was gelig toe my dierbare huiswerker ná my twee maande van afskeep en bolangs afstof weer my huis skitterblink kon kry. En nou bly sy weer by die huis, want die taxi’s loop op 100% en dis ’n bitterkoue Juliemaand. Watwou oop vensters halfsewe…

Sy’s skaars 18 jaar oud, maar elke vrou kan iets leer by Jonadrie van Aardt, wenner van die SARIE Nuwe Gesigkompetisie 2020: Jy ís genoeg – nes jy is. Toe sy dit eers besef het, vertel Jonadrie, het sy met nuwe oë na haarself en die wêreld begin kyk. “Ek is gebore met ’n beauty spot bo my een wenkbrou en in my laerskooljare is ek vreeslik daaroor gespot. Dit was baie moeilik en ek het my ma gesmeek dat ek dit kan verwyder. Selfs as tiener, toe ek in 2017 met modelwerk wou begin, het dit my laat voel ek is nie goed genoeg vir die modebedryf nie.” Al het sy as model kompetisies gewen (sy was in 2018 die Figures-modelagentskap se model van die jaar en het verlede…

Nog net so mooi en energiek soos altyd. Ons Mej. SA 1992, Amy Kleinhans-Curd, het skoonheid herdefinieer. Sedertdien gebruik sy haar platform om lewens aan te raak, te inspireer en om ’n gelyke speelveld vir almal in SA te help skep. Haar inbelsentrum, Dial-A-Teacher, bied al vir 20 jaar telefoniese raad en leiding met huiswerk en projekte aan leerders. Verlede jaar het sy ook Wellbox, ’n aanlyn platform met bekostigbare aanvullings en gesondheidsprodukte, begin. As ambassadeur van die plaaslike groep Sorbet se velsorgreeks 365 Skin Workout kan jy haar niks van die waarde van goeie velsorg vertel nie. “Dis vir my baie belangrik om na my vel om te sien, nie net vir teenverouderingsdoeleindes nie, maar ook vir langlewendheid sodat ek as ’n vrou in my vyftigerjare kan floreer.”…

‘Staan dié lente uit met helder, sterk kleure wat jy saam dra. Dink aan ’n kleurwiel – jou drie primêre kleure: rooi, geel en blou, en jou sekondêre kleure: oranje, groen en pers. Hierdie ses werk goed saam in kleurblokkombinasies wanneer jy ’n uitrusting kies. Koop trofee-items in een soliede kleur vir ’n kleurblokuitrusting. Ek probeer altyd my uitrusting neutraliseer met wit of swart skoene, en dan waag ek ook met ’n besige, kleurryke oorbel wat al die kleure saamtrek.’ WENK VAN Schané Probeer om nie meer as drie kleure op een slag saam te dra nie. Schané dra: Bloes, H&M. Broek en baadjie, Zara. Oorbelle, Lovisa. Handsak, Schané se eie. FOTO LLEWELLYN STEENKAMP, volg hom op Instagram by @llewellynphotography_…

#1 WEG MET LYNTJIES Dis belangrik om die deel om jou oë goed te bevog met ’n oogroom, sê Kelly Paitaki, plaaslike grimeerkunstenaar van Chanel. Dit plomp fyn lyntjies op sodat dit sagter vertoon en keer dat grimering aangeplak lyk. (Sien bl. 87 vir oogrome.) #2 ’N BASISLAAG VIR HOUKRAG “Jou ooglid is die olierigste deel van jou vel, daarom moet jy dié deel goed voorberei voordat jy oogskadu aanwend,” sê Alicia Buckle, grimeerkunstenaar en haarstileerder van Kaapstad. Wend vooraf ’n basislaag wat spesiaal vir oë geformuleer is, op jou ooglede aan. Dit sal help dat jou oogskadu langer aanbly en dat die oogskadukleur sterker vertoon. #3 LIPSTIFFIE VIR DONKER KRINGE Het jy geweet? ’n Dun lagie van ’n mat lipstiffie met ’n oranje of perske ondertoon kan help om…

EWIGE KLEUR ’n Blomstudie, soos dié kleurryke skildery (mede-eienaar Dané Erwee se handewerk), sorg seisoen ná seisoen vir kleur. Dit hang in ’n slaapkamer van Johannesdal 1207 buite Stellenbosch, maar sal ewe mooi lyk in enige ander vertrek. BOME IN POTTE Die inheemse kiepersol is ’n klein tot mediumgroot boom wat geskik is om in potte te plant. Maak net seker dat dit goed dreineer en voldoende lig kry. Dié vier kiepersols van verskillende hoogtes in potte en mandjies gee ’n besonderse atmosfeer aan die beskutte stoep. Palms en selfs sitrusbome is ook geskik om in potte te plant. Ons almal wil ons omring met ’n bietjie mooi. En tans is die groot tendens volhoubaarheid, iets wat goed is vir die omgewing, mens en dier. Boonop is dit goeie terapie…

Mense het in die grendeltyd talle nuwe vaardighede en gewoontes aangeleer, en selfs ou vreugdes herontdek: voëlkyk, broodbak, foto-albums uitsorteer, gesinsjoga in die sitkamer, selfdoen-projekte, ’n kruietuin kweek . . . Hiermee saam het ’n hele paar ander praktyke ook wortelgeskiet. Zoom-vergaderings en webinare het deel van tuiswerkers se woordeskat geword. Ook aanlyn klasse het al hoe gewilder geraak. Wanneer sou jy immers ooit weer soveel tyd hê om jou te kon instudeer in enigiets van seepmaak tot Italiaans praat – en dit alles met ’n klik van jou rekenaarmuis? Of almal ewe entoesiasties met hul nuwe gewoontes en stokperdjies sal volhou soos wat mense toenemend uit hul huise beweeg, sal net die tyd leer. Soos een SARIEleser skryf: “Ná daardie eerste frantiese ‘huis organiseer en spenskas van hoek tot…

Hallo, Ma. Hallo? Dis ek! Hallo? Ek bel net oor die aflewering. Hallo? Kan Ma my hoor? Duidelik! Maar Ma bly dan net groet! Dis toe ek jou nie kon hoor nie! Ek sukkel met hierdie ding! Dis die waarheid. Vroeg vanjaar is my ma se geliefde telefoon sonder aankondiging of seremonie uit die muur geruk en vervang met ’n aaklige nuwe. Die Naamlose Monopolie (ook bekend as die Vrot, Vrot Voorsiener) het besluit ’n duidelike ontvangs is uit die mode, dit moet vervang word deur ’n oorgroot sewentigs-monster met ’n lugdraad en ’n simkaart, ’n skakelbord wat verhoed dat enige slaapkamer ooit weer vredig voorkom. ’n Hele kultuur, ’n volledige geskiedenis, die hoogtepunt van elke gewone dag is deur ’n ongenooide wese kortgeknip. Daar was dadelik trauma, my ma…

Hier is hulle! Ons Top-40 in SARIE Voorbladgesig se 10de jaar. Om 40 gesigte uit duisende inskrywings landwyd te kies was nog nooit maklik nie, maar vanjaar was dit uitdagend. Met die hele SARIE-span wat in grendeltyd van hul huise werk, moes elke beoordelaar self deur die groot hoeveelheid inskrywings aanlyn gaan en lyste van moontlikhede deurstuur. Daarna moes die groep ’n hele paar keer aanlyn vergader om elkeen se keuses sorgvuldig te bespreek – totdat almal met die finale lys tevrede was. Ontmoet hulle nou! Die 40 gesigte wat SARIE Voorbladgesig se trotse dekade vier. Ons gaan hulle ook aanlyn op SARIE.com voorstel. Elkeen sal ’n video aan SARIE stuur wat ons met julle gaan deel, sodat julle kan sien wie hierdie vroue is, waar hulle vandaan kom en…

Kara du Toit . Groenigheid is immers waarna ons meer as ooit hunker. Om vry tussen die lang grasse te stap met die doudruppels tussen haar enkels laat haar besef hóé energiegewend die natuur is. “Ek respekteer die skepping. Die natuur herinner ons aan die dinge wat saak maak: verwondering oor die ritme van die seisoene, dankbaarheid vir die kos uit die aarde en die skoonheid om ons.’’ Kara ontspan gereeld met ’n koppie koffie in ’n sonkolletjie in hul piepklein tuintjie, knus gewikkel in haar japon. Soms maak sy haar oë toe en luister na die gezoem van die bye en gekwetter van die voëls. “In dié heilige stilte waardeer ek die oomblik. Dít is wanneer ons oorweldigende omstandighede vir ’n oomblik wegsmelt.” Sy geniet dit ook om ’n…

WAAG MET WIT Wit tot melkwit is skakerings wat almal kan dra. As jy versigtig is vir wit van kop tot toon, kies net een item met ’n interessante tekstuur. Onthou, met wit is die regte onderklere ononderhandelbaar. ONPAAR PAAR Sedert dit vier jaar gelede die eerste keer by loopplankvertonings van Dior, Lanvin en Oscar de la Renta gewaar is, is onpaar oorbelle die moet-hê-afronding van modebewustes. Speel met wat jy reeds het, maar kyk ook uit vir detail soos pêrels, stervorms, die kleur van die stene en metaal wat herhaal. BEKOORLIK MET ’N BELT Ons is geleer dat ’n belt ’n voorkoms afrond en netjies deur jou broek of rok se lussies moet ryg. Maar breek die reëls en knoop ’n dun belt interessant om jou lyf en wys…

SPYSKAART Pampoenpoffers met gemmerkaramel Groen groente met hollandaisesous Mielie-“ribbetjies” met groensous Lamsboud gebraai in granaatsap met granaatpesto Pistasieroomys met kruisementsjokoladesous PAMPOENPOFFERS MET GEMMERKARAMEL (bl. 97) As jy by my huis kom kuier, maak ek die resep. Hy stel nooit teleur nie. Die gemmerkrummels sorg vir ekstra tekstuur. genoeg vir 12-16 poffers 480 g (500 ml) gaar pampoen 280 g (500 ml) koekmeel 20 ml bakpoeier 2 eiers sout en varsgemaalde swartpeper sonneblomolie vir diepbraai KARAMELSOUS 200 g (250 ml) suiker 75 g (80 ml) botter 100 ml water 250 ml room 5 ml fyn gemmer 100 g gemmerkoekies, gekrummel Druk pampoen fyn met aartappeldrukker. Voeg koekmeel, bakpoeier en eiers by. Meng deeglik met houtlepel. Geur goed met sout en peper. Verhit olie vir diepbraai in groot pot – die olie…

A @home 0860 057 6576 home.co.za Aldo aldoshoes.co.za B Block & Chisel 010 593 9308, 021 712 5193 blockandchisel.co.za Bulgari 011 883 1325 bulgari.com C Cotton On cottonon.com/za Country Road 086 002 2002 woolworths.co.za D Daniel Hechter 087 285 9401 truworths.co.za Dear Rae 021 447 1390 dearrae.co.za Desray 021 448 2887 desray.co.za F Forever New forevernew.co.za Foschini 086 083 4834 foschini.co.za Freakalee Ceramics 082 651 7722 facebook.com/freakaleeceramics H H&M 086 069 0707 hm.com/za M Mango.com shop.mango.com/za Mr Price Home 080 021 2535 mrphome.com P Picot & Moss 011 669 0500 picotandmoss.com Poetry 086 066 5533 poetrystores.co.za S Shimansky 011 784 6388, 021 425 9888 shimansky.co.za Sunglass Hut 086 100 0850 za.sunglasshut.com Superbalist 087 362 7300 superbalist.com T That Shoe Lady 073 088 7211, 087 149 4069 thatshoelady.co.za Thomas Sabo 011…

Covid-19 het verreikende gevolge vir wat ons eet, hoe ons koop, kook en kos maak. Wat haar altyd sal bybly van die vreeslike tyd, is die afwagting en vreugde as die voordeurklokkie lui en dis die groenteboks of die bakker se aflewering, sê kosskrywer Errieda du Toit. “In isolasie het ’n baie sterk gemeenskapsgevoel ontstaan. Ons kan beter op mekaar staatmaak as op korporasies en konglomerate. Tuisaflewerings neem toe, en so ook plaaslike verskaffers se innoverende idees. Ons gaan ál meer boere, kleinskaalse verskaffers en klein familie-ondernemings uitsoek en ondersteun.” Baie mense se bokse bevat reeds “hiper-plaaslike” en eties verboude produkte uit hul direkte gemeenskap.…

KRY EERS DÍT ONDER DIE KNIE Leandie Buys sê sy leer vir alle paartjies: Hoe om met mekaar te praat en mekaar te hoor, want mans en vroue kommunikeer verskillend. ’n Vrou wil soms net afpak; ’n man wil raad gee. Paartjies leer dus om vir mekaar die “teken” te gee of hulle net “afpak” of “wil weet wat die ander een dink”. Hoe om konflik te hanteer, want in ’n verhouding is daar altyd een wat veg of een wat vlug. Hoe om in ’n verhouding te wees, want ’n verhouding het reëls. Soos bv. oor die gebruik van selfone, en waar en wanneer julle dit toelaat. Oor seks, want die betekenis van seks is verskillend vir mans en vroue.…

Daar is al jare lank ’n gestoei of vitamien C-aanvullings die wintersnuffels kan tem. Maar dalk is vitamien D jou beste pêl – nie net teen griep nie, maar ook die coronavirus wat die wêreld nou al maande lank aan die strot beet het. En terwyl ons aanvanklik die winkelrakke van vitamien C gestroop het, het vitamien D nou ’n internetsensasie geword. Dit is na aanleiding van Britse navorsers wat verskeie Europese lande se vitamien D-vlakke met hul sterftes weens die coronavirus vergelyk en ’n verband gevind het. Die lande met laer vlakke van vitamien D het hoër sterftesyfers as gevolg van Covid-19 gehad, volgens die studie in die Irish Medical Journal. ’n Bykomende vitamien D-aanvulling is dalk nie ’n slegte idee vir mense wat meer blootgestel is aan die…

SO SÊ HULLE OP SARIE.COM Pulitzerpryswenner Elizabeth Strout oor Olive Kitteridge en Olive, Again (Penguin Viking, R290) Wat was die prikkel vir Olive se karakter? Olive het aan my verskyn terwyl ek besig was om die skottelgoedwasser uit te pak. Ek was skielik bewus van ’n groot vrou wat by ’n piekniektafel staan en dink dit is hoog tyd dat almal huis toe gaan. Ek het dit onmiddellik neergeskryf en gedink: Ek gaan ’n boek oor dié vrou skryf. Van die stories wat ek vroeër begin skryf en later stoom verloor het, het skielik vlerke gekry toe ek Olive in hulle sit. Sy was nogal ’n krag. Het jy ná Olive Kitteridge gedink jy sal nog ’n boek oor haar skryf? Nee. Sy het eendag net opgedaag toe ek in ’n…

Ná sy paleisrevolusie twee jaar gelede om ontslae te raak van die matrone in beheer van die ouetehuis, moet hy almal se griewe en klagtes aanhoor en oplossings vind. In Rudie van Rensburg se tweede Hans-boek, Hans gee Herklaas horings (Queillerie, R230), gaan hy saam met sy vriend Vasie met vakansie na Hermanus, waar hulle tuisgaan by dié se neef Herklaas Havenga. Herklaas word geteiken deur ’n gewetenlose eiendomsbaron wat ’n luukse hotel wil oprig op die sakeperseel wat aan Herklaas behoort. Toe Grond Graaffwater begin vuilspeel om Herklaas te oortuig om te verkoop, is Hans die man met ’n plan. Met sy hulp bly hulle telkens een tree voor Grond en fnuik sy planne. Die skryfstyl trek jou in en die Afrikaanse uitdrukkings is ’n heerlike bonus. Die amusante…

Hans beskou die gebreekte toiletsitplek met misnoeë. Hoeveel keer moet hy nog vir diegene wat dik van boud en been is, sê om die trone in Huis Madeliefie met omsigtigheid te bestyg? Dis die derde brose sitplek wat die afgelope twee weke onder die gewig van onverskillige sitters swig. Net soos met die gebou se struktuur die geval is, is alle toebehore in dié plek op hulle laaste bene. Spieëls kraak, pype bars, teëls kom los, geisers gee in en die meeste plafonne hang boepens vanweë die lekkende dak. As Hans sy sin kon kry, verdien die bouers en ander kontrakteurs wat Huis Madeliefie destyds glo “in ’n rekordtyd” opgerig het, ’n vuurpeloton met skerppuntammunisie. “Ja-nee,” sê hy en beduie na die hopie plastiekskerwe wat eens ’n sitplek was, “die…

Sy’s ernstiger, meer volwasse. Die laaste paar jaar met sy swaar en seer het haar vele lewenslesse geleer. Maar dít weet Leandie du Randt: Om die beste te maak van wat sy het, is een van haar sterk punte Hoe jy jouself optel en aangaan as dinge skeefloop, is die belangriksteLeandie Leandie du Randt het die afgelope drie jaar, sedert sy laas op SARIE se voorblad was, verander. Weg is die boheemse meisie wat toe in ’n vintage-blomrokkie met ’n hoë kraag en bruin toerygleerskoene by die onderhoud opgedaag het. Voor jou sit ’n vrou met ’n deftige swart bloes, ’n reguit, skouerlengte haarstyl en groot hoepeloorbelle. Sy lyk soos ’n suksesvolle sakevrou, eerder as die jong aktrise wat tóé pas die werklikheidsreeks Slank op kykNET begin aanbied het. Slank…

Trix Vivier was al ’n towenaar se assistent. Sy’t pamflette by verkeersligte uitgedeel. As ’n reuse-koek in die Silverstar-casino ballonne uitgedeel. Smiddae balletlesse gegee en daarna tot soggens drieuur as kroegmeisie gewerk. Selfs die hele “showgirl-ding met die vere bo die kop” by Sun City gedoen. As sy sê sy het vir jare alles gedoen, bedoel sy álles, vertel dié aktrise wat van September te sien is as Petra Potgieter in M-Net se nuwe telenovelle Legacy. Op die stel van Legacy spot hulle reeds met “Trix the one-take wonder”. Sy lag. “Ja, ek is altyd supervoorbereid. Eerstens omdat ek my craft respekteer. Maar ook omdat ek nooit enige rol op ’n skinkbord gekry het nie, ek wéét wat die waarde van ’n werksgeleentheid is. As iemand jou vir ’n produksie…

’n Goeie reël vir jou begroting in Boekarest: die lewenskoste is baie dieselfde as in Suid-Afrika. R80 vir ’n pizza of sop, R40 vir ’n cappuccino en R35 vir ’n bier. By ’n weelderige restaurant soos Caru’ cu bere met sy donkerhoutmeubels, kandelare en loodglasvensters, kan jy (effens suinig) wegkom met ’n tradisionele driegangmaaltyd en ’n glas wyn teen R380 per persoon (carucubere.ro/en). Taxi’s is nie duur nie, maar gebruik eerder die metro, wat R10 per rit kos en doeltreffend is. Verkeer is altyd ’n knop in die keel. Transsilvanië is goedkoper, maar nie juis vir toeriste nie. Inkopies by plekke waar die inwoners dit (goedkoper) doen, is moeilik weens die taal en mense wat nie vreeslik tegemoetkomend is nie.…

40's Gestruktureerde handsakke was ’n fokus in Gucci se Lente/Somer 2020-reeks by die Milaanse Modeweek. 50's Groot gestruktureerde handsakke het geseëvier in Christian Dior se Lente/Somer 2020-reeks by die Paryse Modeweek. ’n Gestruktureerde handsak met ’n soliede voorkoms is een van jou beste stylbeleggings. Leer of kunsleer leef vinnig in en raak pap as dit nie versterk is nie In Louis Vuitton se Lente/Somer 2020-reeks by die Paryse Modeweek het veral die klein gestruktureerde skouerhandsak die oog getref. 70's In Burberry se Lente/ Somer 2020-reeks by die Londense Modeweek is interessant met hul logo gespeel op handsakke.…

BEHANDELING Chemiese afskilfering met trichloorasynsuur (TCA) Verskillende konsentrasies van dié suur kan direk om die oë aangewend word. Dit verwyder die boonste deel van jou vel om plooie, lyntjies, hiperpigmentasie en vaalheid te verbeter. Sowat vier afskilferingsessies twee weke uitmekaar lewer die beste resultate. BEHANDELING Mikronaalde ’n Mikronaaldbehandeling – waar ’n toestel met fyn naaldjies oor jou vel beweeg word – werk goed om lyntjies, dehidrasie en pofferigheid om jou oë te behandel omdat dit kollageenvorming aanwakker. Dit help ook om bestanddele soos hialuronsuur dieper te laat penetreer. BEHANDELING Laser- en ligbehandelings soos IPL Laser dring die dieper deel van jou vel binne, waar dit kollageenvorming stimuleer en bloedsirkulasie verbeter. So kan dit donker kringe en ’n growwe veltekstuur behandel. Na gelang van jou probleem sal ’n terapeut aanbeveel vir…

Nivea Q10 Power Anti-Age Multi-Action Youth Oil Booster (R300) Die koënsiem Q10 kom natuurlik in jou vel voor. Q10 verskaf energie aan jou selle, wat dit optimaal laat funksioneer en help om dit teen skade te beskerm sodat jou vel langer jonger lyk. Nivea se gewilde Q10-velsorgreeks is herontwikkel met ’n suiwerder vorm van Q10 wat 100% identies is aan dié in jou vel. Jou vel kan dus die aktiewe bestanddeel makliker opneem en gebruik. Probeer dié sysagte olie vir ’n stralende vel. Sien bl. 9 vir jou toetsproduk. INOAR Progressive Magic Smoothing Treatment (R300) Dié alles-in-een haarbehandelingsproei is ’n moet-hê vir jou naweeksak! Dit bevat jasmynekstrak wat bevog, kroeserigheid verminder en sorg vir blink, gladde hare. Dit beskerm ook teen hitte en humiditeit. Spuit aan jou klam hare ná…

Gooi aftreksel in pan en granaatsap oor lam. Geur vleis goed met sout en peper. Bedek pan met foelie en rooster vleis vir 90 minute. Verwyder foelie en rooster vir nog 1 uur. Terwyl lam rooster, plaas al die bestanddele vir die sous in voedselverwerker en pols by hoë spoed tot glad. Haal lam uit oond en laat rus op werkvlak vir 10 minute. Plaas op dienbord en skep sous oor. Sit voor. PISTASIEROOMYS MET KRUISEMENTSJOKOLADESOUS (bl. 101) Daar is darem net iets spesiaals aan roomys met sjokoladesous; dit torring daai nostalgietoutjie gou los. genoeg vir 6-8 500 ml water 200 g (250 ml) suiker sap en gerasperde skil van 3 suurlemoene 500 ml dubbelromerige Grieksestyl jogurt 10 ml vanieljegeursel 50 ml pistasieneutbotter (sien Kosdinge hiernaas) of 100 g pistasieneute…

“Ek voel die aarde onder my voete, die blare wat beweeg soos die windjie liggies verbyseil. Ek vind absolute vreugde in hierdie stilte. Onder my loop piepklein insekte rond, skynbaar sonder ’n kommer in die wêreld. Is hulle ooit bewus van my wat bokant hulle uittroon?” In sulke stil oomblikke, weg van die lewe se gewoel, is dit vir Kia Johnson, ankeraanbieder van die natuurprogram 50/50 en aanbieder by Radio Tygerberg, maklik om die mens se verbintenis met elke lewende wese op die aarde te sien. Groot of klein, ons het almal ’n rol om te speel, glo sy. “Ek was reeds lief vir hierdie aardbol sedert ek as klein kindjie huise vir die insekte gebou het. Hierdie pragtige planeet wat ons huis noem, het my nog altyd met verwondering…

Mariana en Jannie Bester van Pretoria is in 2016 vir die tweede keer getroud – net so verlief op mekaar soos 32 jaar gelede toe hulle die eerste keer voor die kansel gestaan het. Maar om by daardie punt te kom, moes hulle eers deur al die seer werk – “byna soos ’n waarheid-en-versoeningskommissie” van hul huwelik. Hulle het van mekaar wegbeweeg en verby mekaar geleef sonder dat hulle dit besef het, vertel Mariana. “Die lewe gebeur met ’n mens. Ons het ons twee kinders grootgemaak, elkeen ons eie besigheid gehad, maar ons het nie meer oor dinge gepraat nie. As ons kwaad was, het ons stilgebly of lelik baklei, en dít word ’n groot seer. Daar was ’n tyd dat ons pal gestry het, totdat my man uit die…

Die Amerikaanse akademie vir dermatologie (aad.org) beveel aan jy bly uit die son en eet kosse ryk aan vitamien D. Soos reeds gesê, is dit egter plaaslik moeilik om genoeg net deur jou kos in te kry (min kos is hier daarmee verryk), en die son bly ’n belangrike bron. Kom minstens 2 tot 3 keer per week 15 minute lank in die son. Jy moet ’n veloppervlakte gelykstaande aan jou voorarms en bene aan die son blootstel (sonder sonskerm). In die somer, wanneer die son op sy venynigste is, moet dit verkieslik voor tienuur soggens en ná vieruur smiddae wees. Veral mense wat heeldag op kantoor is, moet tyd maak om in die son te kom, naweke of as jy smiddae tuiskom. Dis egter nie ’n verskoning om in…

Colin Salter (Pavilion, R300) Lees is so ’n inherente deel van my lewe soos om asem te haal. My liefde vir lees is in my kinderjare deur my ma aangemoedig. Om deur dié boek te blaai is soos om op ’n nostalgiese terugreis te gaan na waar alles begin het. Die rympies in Mother Goose, die sprokies van die broers Grimm en Hans Christian Andersen . . . Ek ontdek weer vir Heidi, Peter Pan, Peter Rabbit, Babar, Pippie Langkous en al my ander helde. Hier is Tintin (ons Kuifie) ook! Hom kan ek vandag steeds nie weerstaan nie. Tussen die blaaie van die boek sal jy ook jou metgeselle van jou kinderjare vind. Wat ’n lieflike boek. Die kind in my leef voort.…

SLEGS 50 BOKSE beskikbaar ter waarde van R1 168,84 – jy betaal R550, aflewering ingesluit Hierdie boks is beskikbaar vir bestelling op To Be Gift Boxes se webtuiste. Dit sal in ooreenstemming met coronavirusregulasies afgelewer word. tobegiftboxes.com…

5 gelukkige SARIElesers kan elk die boek Rooiborslaksman deur Marinda van Zyl (Tafelberg, R295) wen. Dié boek is ’n welkome opvolg op Van Zyl se epiese historiese roman Amraal. In Rooiborslaksman word die 19de-eeuse konflik tussen die Namas, die Herero’s en die Duitsers in die destydse Suidwes-Afrika vervleg met die lewensverhale van Liesbet Lambert (Amraal Lambert se laatlam), wat wees gelaat word tydens die pokke-epidemie, en Frederik Vlermuis vir wie Gobabis se kerktoring soos die spierwit pendoring van die kameeldoringboom lyk waaraan die rooiborslaksman genadeloos sy prooi ryg. Nog 5 lesers kan elk die boek Middernag deur Sidney Gilroy (Human & Rousseau, R300) wen. Speurder Sollie Mthembu en sy vrou, Nyandi, verwag hul tweede baba. Nes baba Naledi in haar buik, groei Nyandi se inkopielys van dag tot dag. En…

My ouma het, jare gelede, in haar oomblikke van beswaardheid, by haar geskropte kombuistafel gaan sit, diep gesug en gesê: “Ja, die einde van die wêreld is naby.” En dan het sy opgestaan en vir haar ’n koppie sterk rooibostee geskink. Hoeveel dekades later, en nee, die einde van die wêreld het toe nog nie aangebreek nie. Soos alle rampe en ellendes, sal corona nie die kroon dra as dit wat die einde van die wêreld veroorsaak het nie. Maar ja, ons lewens het wel verander. Daar is onherroeplike dinge wat ek mis met ons nuwe lewenstyl. Ek mis die warm, taai omhelsinkies van my kleinseuns wat vér is. Dit is ’n omhelsing wat maar ’n oomblik duur, want die seuntjies is manne wat nie eintlik van drukke en soene…