Tabla de contenidos para June 2020 en SARIE

Die laaste paar weke was vréémd, vir almal. Daar is sekerlik geen woord wat dit beter beskryf nie. Wêreldvreemd, wesensvreemd, wildvreemd. Nie van hier nie, onseker, frustrerend, eienaardig-snaaks, hartseer, insiggewend. Dis nie iets waaraan ek ooit met mening gedink het nie – hoe ek op grendeltyd sou reageer, met inperking die mas sou opkom, hoe dit my swakhede sou ontbloot en hopelik ’n sterk punt of twee sou belig. En ja, so oppervlakkig en selfsugtig soos dit klink, hoe ek sou maak as ek nie my hare kon kleur nie (dis nou buiten my eie jammerlike badkamerpogings), lipstiffie agter ’n gesigskerm moes dra of nie vinnig op ’n vliegtuig kon klim nie. Waar my gedagtes sou loop met die wete dat baie nie kos het nie en die kans om…

Dis 1981, ons is agt jaar oud en ’n lewenslange band word gesmee wat my staande sal hou deur die kronkelpaaie van my lewe. 1987, ons is 14 en ’n nuwe era skop af in die Hoërskool Upington. My rok is hopeloos te lank, maar jy lyk soos altyd fabulous, en saam begin ons vyf wonderlike jare met soveel memories waaroor ons vandag nog giggel. En kon ons giggel, oor alles van weird persoonlikhede tot boyfriends en matching outfits by sokkies. Ons het briewe geskryf wat ek in ’n rooi skoolkoffer bewaar, soms vasgesit en dan weer vreeslik dramaties vrede gemaak, saam geleer en gestres oor eksamens. Jy het nog altyd ’n selfversekerdheid saam met jou gedra wat jou toegelaat het om die stelsel te terg; ek die een wat…

Daai boskasie. Einstein, Simson sou Marc Lottering s’n sweerlik beny het. En het al drie se krag nie dalk in hul hare gelê nie? Simson was die wêreld se sterkste, Einstein die slimste en Marc . . . vir lojale ondersteuners die snaaksste. As regstudent by die Universiteit van Kaapstad was sy hare kort, betaamlik. Toe beland hy op die verhoog, die kreatiewe sappe begin vloei – en kyk hoe lyk pastoor Lottering se seun nou! Sy oë flits oor die see waarop die koffieplek in Seepunt uitkyk. Dan boor hy ingedagte met sy wysvingers weerskante van sy kop, asof hy só, op ’n magiese manier, diep dinge daar onttrek. Woel aan ’n krulletjie. Sy stem is sag, sy lag hartlik en uit sy maag. Moenie vra hy moet grappies…

Nadat hy en sy vrou twee weke lank alleen in hul kajuit op die Diamond Princess-passasierskip in kwarantyn moes deurbring, het een passasier aan The Wall Street Journal vertel hoe hulle die tyd met lang gesprekke verwyl het en sy vrou haar “merkwaardige geheue” ten toon gestel het. “Sy het die vermoë om elk van my oortredings op te rakel, en ek dink nie sy is klaar nie!” het hy gesê. Inperking weens die Covid-19-pandemie – in ’n stadium was tot die helfte van die wêreld se bevolking onderhewig aan een of ander vorm van isolasie – het eise gestel aan verhoudings reg oor die wêreld. In sommige lande is reeds berig hoe dit sy tol op huwelike begin eis. Nadat isolasiemaatreëls in Maart in China verslap is, het talle…

‘Go, go, go!” styg die stemme ’n oktaaf hoër in dringendheid. Saam met ’n expatstapgroep is ek in die berge om die Chinese Nuwejaar te vier. Dis die Jaar van die Rot . . . Vroegaand word ons uit die bloute bus toe gejaag ná ’n dag se stywe stap teen die Bulkopberg in asemrowende landskap. Die paniek word aangewakker deur die feit dat ons die 328 km, ’n vyf uur lange rit, terug na Sjanghai moet aandurf. Die nuus is kort tevore ontvang: Passasiersbusse sal net tot middernag die stad binnegelaat word. Die griep in Wuhan wat tot nou toe ver en geïsoleer was, kom sit as ’n stil passasier in die bus. Maskers word uitgedeel terwyl selfone gons om meer inligting te bekom. Ons dogter, Clea, hou skool…

TRENCH-JAS Hierdie jassnit bly ’n klassieke kopie en is ’n goeie belegging vir die toekoms wat jou jare se dra gaan bied KASJMIERTRUI Kasjmier is bekend vir sy luukse tekstuur en dat dit nie sommer krap nie. Die gewilde geruite patroon uit Christian Dior se reeks is dié trui vir Winter 2020 KABELTRUI Dié trui maak keer op keer sy verskyning in ontwerpers se reekse en is ’n regte staatmaker in die winter ’N SERP Nie net hou dit jou nek warm nie, maar as jy jou masker vergeet het, kan jy dit oor jou neus en mond vou vir beskerming ROLNEKTRUI Dis die perfekte laag-op laag-item vir wanneer die temperatuur van buite na binne wissel DIE NUWE NORMAAL Toe modelle vir Franse ontwerper Andrea Crews maskers in haar Herfs/Winter…

Ek hou daarvan om elke nou en dan vir die plaaslike velsorghuis Kalahari Lifestyle se mikronaaldbehandeling te gaan. Dit stimuleer jou vel om nuwe kollageen te vervaardig sodat jy jonger lyk. Die hialuronsuurserum wat saam met die behandeling gebruik word, bevog ook my droë vel. Bobby van Jaarsveld, sanger en gesig van Kalahari Lifestyle Ek gaan so elke vier maande vir ’n pixel peel. Dis al wat my taai, olierige vel, wat geneig is tot puisies, vars en gesond hou. Die behandeling is ’n kombinasie van chemiese afskilfering met trichloorasynsuur (TCA) en ’n mikronaaldbehandeling. Só penetreer die suur dieper om ook selvernuwing in die onderste lae van die vel te stimuleer. Fanie Cronjé, SARIE se stylen sosiale redakteur My gesig is my brood en botter, daarom volg ek al sedert…

Getoets deur Suanné As jou hande dié winter ekstra vertroeteling nodig het, is die O.P.I Pro Spa Hand Treatment (R250, by uitsoeksalonne) ’n reuse-bederf. Elke produk wat in die behandeling gebruik word, bevat cupuaçubotter en ’n antioksidantryke wittee-ekstrak om jou hande intens te bevog en beskerm. Eers is my naels en kutikels mooi versorg, waarna ’n afskilferaar met mikrokristalle gebruik is om dooie velselle op my hande te verwyder. Die terapeut smeer dan ’n ryk masker aan jou hande en seël dit met warm, klam handdoeklappies sodat die masker goed intrek. Daarna word ’n room ingemasseer en ’n serum en ’n unieke seramiedsproei wat ’n beskermende lagie oor jou hande vorm, aangewend. My hande het ná die tyd gevoed en sysag gevoel en my velkleur het helderder gelyk. * Suanné…

Elke era het sy kombuistegnologie, of dit ’n mikrogolfoond, aluminiumfoelie, teflon, Tupperware of kleefplastiek is. Agter elke huiskok met ’n voorskoot aan wat doeksagte skaapboud, goudbruin Sondaghoender en sappige Kerskalkoen tafel toe dra, volg daar dikwels ongesiens ’n wetenskaplike in ’n laboratoriumjas. Een van dié onsigbares is die uitvinder van die baksakkie, ene Gordon Lawry wat dit in die sestigerjare vir ’n maatskappy ontwikkel het en ’n skrale 15c daarvoor ontvang het. Sjefs kan maar hou by hul sous vide en en papillote, huiskokke het hul baksakkies. Met elke skaapboud (selfs skaapkop), elke hoenderstuk saam met appelkoossap en ’n bietjie soppoeier, elke varkboud of geroosterde groente wat daarin gaargemaak word, leef Lawry as onbesonge kombuisheld voort. Bemarkers van hierdie stukkie kooktegnologie bou hul verkoopsbeloftes op die voordele dat baksakkies sorg…

“Om mense te vermaak laat my goed voel. Ek wil dié talent gebruik om kinders wat ’n loopbaan in die kunste wil volg, maar nie altyd die regte geleenthede het nie, se drome vlerke te gee.” So gesels Carmen Maarman, wat onlangs geskitter het as Sureya Samsodien in die verhoogproduksie Aunty Merle: It’s a Girl en Zelda in die kykNET-sepie Getroud met rugby. Sy glo die uitvoerende kunste kry nie altyd die nodige erkenning op skoolvlak nie, omdat dit nie as ’n lewensvaardigheid beskou word nie. “Dis wonderlik om te sien hoe kinders se selfvertroue groei wanneer hulle hul emosies deur toneelspel en ander kunsvorme uitdruk.” As aktrise voel sy bevoorreg om die stories te vertel van dié wat nie altyd gehoor word nie. “Teater en ander kunsvorme laat mense…

Die corona-virus het nesgeskop in ons koppe, waar dit soos lemmetjiesdraad aan ons psigiese gesondheid krap. ’n Bewys hiervan: Tydens die wêreldwye inperking is die sosiale media toegegooi met #cantsleep. Nou is dit so dat breinchemikalieë verantwoordelik is vir ’n goeie nagrus, ook vir jou goeie bui . En slaap is as’t ware die kanarie onder in die myn as dit by jou psigiese gesondheid kom. Boonop is ’n goeie nagrus noodsaaklik vir ’n sterk immuunstelsel , nou so nodig om die virus hok te slaan. Jou normale slaaproetine kan omvergewerp word deur skofwerk, reis, ’n besiger-as-normaalweg program – én sosiale isolasie weens Covid-19. Die kans is goed dat jou normale slaappatroon tydens die lang weke van inperking verander het. Miskien het jy later gaan slaap omdat jy nie so…

Daar is baie moontlike oorsake vir ED. Dit kan insluit: VASKULÊRE TOESTANDE Hoë bloeddruk Verhoogde cholesterol Hartvatsiektes DIABETES TRAUMA  Besering van die ruggraat of bekken NEUROLOGIESE TOESTAND Beroerte Parkinson se siekte Alzheimer se siekte HORMONE Lae testosteroonvlakke (sien kassie op bl. 119) Hoë prolaktienvlakke (hiperprolaktinemie) NEWE-EFFEKTE VAN MEDIKASIE Antidepressante Medisyne vir hoë bloeddruk Testosteroonblokkers Medisyne vir hartritme ALKOHOL, SIGARETTE, DWELMMIDDELS SOOS KOKAÏEN EN DAGGA  Soms kan daar meer as een onderliggende oorsaak wees, volgens dr. Odion Aire. “Dis dus belangrik om jou verleentheid in die sak te steek en ’n uroloog te besoek.”…

winter is onversadigbaar / in blomloosheid in duifkarkasse / soos ’n grysaard mompel die wind / deur gaas in die spens die laaste lig Uit Gisela Ullyatt se gedig “Winter” in die bundel Die waarheid oor duiwe (Protea Boekhuis, R200) Mask Chris Rainier (Earth Aware, R1 050) Die bekroonde Kanadese dokumentêre fotograaf Chris Rainier reis na die uithoeke van die wêreld om inheemse en bedreigde kulturele rituele te fotografeer. Dertig jaar gelede het hy die eerste keer maskers in Nieu-Guinee afgeneem. So is sy belangstelling geprikkel om tradisionele maskers te soek en te dokumenteer voordat die kulture uitsterf. Vandag word van dié maskers nog net in museums se glaskaste gesien. In Mask vang hy die rituele en danse voor sy lens vas wat steeds deel van volke se kulture is.…

3 LEKKERLEESBOEKE Jou Boekbederf bevat drie splinternuwe fiksieverhale van NB-Uitgewers. Al wat jy hoef te doen, is om die hoekie, bank of bed te vind waar jy dit rustig kan geniet. Somtotaal deur Anchien Troskie Luistervink: 13 stories deur Madré Marais Draairivier deur Engela Ovies PAMPERLANG VIR JOU LYF Reinig sagkens: Die pH-gebalanseerde Beaucience Botanicals Cleansing Gel bevat geen seep nie en ook nie bestanddele wat jou vel van sy natuurlike olies stroop nie. Dis dus die perfekte pasmaat vir winter wanneer jou vel geneig is om droër te wees. Ook in jou bederfboks is ’n gesigmasker met 3 lae – 2 lae katoen en ’n wasbare filter in die middel. Só bly jy veilig in ’n pragtige Adene’s Farm Flowers-ontwerp! Doekka is ’n mengsel van neute en speserye wat…

Ek herinner my ’n stil herfsaand op ’n klein dorpie op die Griekse eiland Santorini. Oia is die dorp se naam, die ikoniese dorp van duisende poskaarte en nog meer foto’s. ’n Dorpie met klein grothuisies wat vasklou teen die helse helling van die kaldera. Witgekalkte huisies teen die berghang, en onder die verblindende blou van die see. ’n Dorp met duisende trappies, teen die berghelling af na die klein restaurantjies op die kaai. Dit is ’n dorp sonder motors, jy stap waar jy wil wees. As jy nie kans sien vir die duiselingwekkende trappies nie, dan ry jy met die plaaslike taxi-diens: ’n donkie. Somertyd is Oia ’n miernes van toeriste. Want Oia, so word gesê, is die dorp met die heel, heel mooiste sonsondergange. Ter wêreld. Teen skemertyd…

Hallo, Nats, ons maak skoon! My rug is af ! Ek kan nie glo hoe deurmekaar my laaie was nie! O, ek is gedaan, my kaste is ’n nagmerrie, ek ontdek nou goed wat ek vyftien jaar laas gesien het, ek skrop eenvoudig alles en pak dit soort vir soort in houers. Le Rouxtjie, ek weet jy werk al jare aan ’n argief, hoe lank vat dit? Ek probeer nou al drie weke om net my papierwerk in lêers te kry, jy weet ek soek nie alles op ’n rekenaar nie, ek hou van my papiere, maar kry dit ooit einde? Hierdie sinne is deesdae onvermydelik in die meeste gesprekke. Soos wat die wêreld verander, so verval sommige in donkerheid, ander is oortuig ons is die slagoffers van ’n onheilige…

Dis nou al tien jaar gelede, maar Damian Engelbrecht sal altyd die jaar onthou toe hy “pa” was vir ’n sesjarige seuntjie, ’n jaar waarin die eens afgeskeepte kind wat nie kon tel of sy naam skryf nie, begin floreer het onder sy liefde en aandag . . . Soveel dat Damian wou aansoek doen om voogskap, met die hoop om hom later te kon aanneem. En toe die oproep – die ma, wat vroeër weinig belangstelling getoon het, wou dadelik haar kind terughê, want sy het gehoor Damian is gay. Al was dit nie die eerste keer dat gay-wees teen hom getel het nie, het dit Damian onverhoeds betrap. “Dalk omdat ek al so lief geword het vir hom . . . my hart was baie seer.” Toe Damian…

“Toe ek jonger was, het my ouers my na variety shows toe gevat, dit was soos ’n doe, met jou mooiste broek aan, hare geborsel en gevreet vol Vaseline. Baie van die kunstenaars was net by die plaaslike gemeenskap op die Kaapse Vlakte bekend. Dit was my leerkurwe, op daai stoel met die reuk van koesisters en samoesas om my.” Rol die tyd vorentoe na sy All Star-teater in Brackenfell, Kaapstad, vertel Emo Adams. Dáár word elke Donderdagaand ’n talentkompetisie gehou, die prysgeld R1 000. En dis waar Maak my famous, sy kykNET-werklikheidsreeks (tans op TV), gebore is. “David Kramer, Taliep Petersen, as dit nie vir hulle was nie, het my lewe dalk ’n ander koers gekies. Nou het ék die vermoë om iemand met talent ’n platform te gee.…

‘DAAR IS ALTYD NÓG ’N PLAN’  ZAVION KOTZE-BRERETON, troubeplanner Dis al ’n tradisie. Met ’n paartjie se eerste huweliksherdenking bel troubeplanner Zavion Kotze-Brereton altyd om hulle geluk te wens en deel ’n brokkie waarvan die bruid op haar troudag salig onbewus was. Soos dat die koek die oggend negeuur platgeval het. Of die DJ het gekanselleer. Dan is die bruid altyd verbaas, want alles was dan so perfek . . . En alles wás, danksy Zavion. Want hy het nie net immer ’n plan B nie, maar ook ’n plan C, D en E. “Ek raak nooit paniekerig nie. Daar is altyd ’n uitweg,” sê die man wat vanjaar met Demi-Leigh Nel-Peters en Tim Tebow se sprokiestroue selfs hul seremoniemeester, die Amerikaanse TV-aanbieder en sportkommentator Scott Hanson, verstom het –…

’n Swak huweliksverhouding en onderdrukte probleme kan jou liggaamlike, geestelike en emosionele gesondheid affekteer, sê Gerda. As jy en jou maat tydens inperking probleme ervaar het waaroor jy jou kwel, moenie dit ná die inperkingstyd bloot los of ignoreer nie. Dit sal nie vanself regkom nie. Die eerste stap is om te erken dat julle ’n probleem het. Gee die probleem ’n naam. Julle kan dalk verskil oor wat die werklike probleem is, maar dit dwing julle om op ’n dieper vlak te kyk na die verhouding. Volgens Gerda moet albei liefs instem om aan die verhouding te werk. “In my praktyk vind ek dat paartjies dikwels probeer om self die probleme op te los. Teen die tyd dat hulle besef hulle het hulp nodig, is albei al so emosioneel…

Sy’s al meer as ’n dekade sinoniem met Bollywood. Sedertdien het die aktrise en vervaardiger Priyanka Chopra Jonas, wat getroud is met Nick Jonas, een van die gewilde Jonas Brothers, ook Hollywood verower. Sy was al te sien in die fliekweergawe van die gewilde 1990’s-TV-reeks Baywatch en is reeds sedert 2015 een van die hoofkarakters in die TV-reeks Quantico. Maar wat hierdie Mej. Wêreld van 2000, toe sy die kroon as 18-jarige verower het, laat uitstaan, is haar humanitêre werk sedert 2006 saam met die Verenigde Nasies se kinderfonds, UNICEF, waardeur sy haar beywer vir kinderregte wêreldwyd en veral onderrig vir meisies. Sy skenk ook ’n deel van haar inkomste aan haar stigting The Priyanka Chopra Foundation for Health and Education, wat steun bied aan 70 kinders in Indië. Groot…

‘Jy het soveel verskillende stileringsopsies met dié veelsydige hemp. My gunstelingvoorkoms is om dit vas te trek in my middel met ’n belt, veral ’n besonderse belt wat drama gee aan ’n uitrusting. Vir ’n ontspanne voorkoms, dra dit saam met jou jeans, en vir ’n meer formele geleentheid, kombineer dit met ’n netjiese langbroek en treffende hakskoene’ WENK VAN Schané Koop die hemp ’n nommer of twee groter as wat jy normaalweg dra, want jy wil hê dit moet ’n bietjie los sit Kry ’n soortgelyke hemp by Superbalist.com…

DROOG EN BESKADIG Wanneer jy jou hande gereeld was of met handreiniger steriliseer, stroop jy jou vel van vog. Mettertyd raak jou hande droog, grof en selfs jeukerig. Dit is omdat die seep en die alkohol in handreinigingsprodukte wat onsuiwerhede verwyder, jou vel se boonste lipiedlaag beskadig, sê Emmy Stoltz, hoof van spa’s vir die plaaslike spa-en-lyfsorgreeks MatsiMela. Fyn skeurtjies ontstaan dan in jou vel waar kieme kan binnedring en inflammasie veroorsaak. VERSORG SÓ: Dis baie belangrik om elke keer nadat jy jou hande gewas het, ’n goeie handeroom te gebruik. Kies ’n produk met bestanddele soos hialuronsuur, gliserien, galambotter en plantolies wat verlore vog aanvul asook die velwand herstel sodat vog beter ingeseël word. Gebruik ook handwasprodukte wat voedende en strelende bestanddele soos aloe vera of vitamien E bevat.…

ELEGANT & SENSUEEL ’n Geur geskep vir ’n aktiewe, inspirerende, elegante vrou wat graag skryf. Só sê Montblanc oor hul nuutste vroueparfuum, Signature (R1 399 vir 90 ml EDP), ’n sensuele blomgeur gevul met pinksterroos, magnolia, ilangilang en wit muskus. Die witen-goue bottel is ’n huldeblyk aan dié luukseontwerphuis se ikoniese inkpotjies. < LEANDIE SE 3 BESTES Aktrise en entrepreneur Leandie du Randt deel haar gunsteling-skoonheidsprodukte: 1. Kevin Murphy Powder Puff (R550, by uitsoeksalonne) – “Wonderlik om my kort, fyn hare volume te gee.” 2. Nimue Sun-C Tinted SPF 40 (R487, by uitsoeksalonne) – “Dit lyk asof jy onderlaag aanhet, maar dis lig en beskerm jou vel. Perfek vir grimeervrye dae.” 3. SBR Skin Barrier Repair (R260 vir 100 g, by uitsoekapteke) – “Die enigste vogroom wat goed genoeg werk…

Ek perk my nie in in boksies nie Sanette Robinson, skeepsloods verbonde aan die Transnet Nasionale Haweowerheid Dié wat weet, sê dit verg heldemoed. Om van die wêreld se imponerendste en grootste skepe die hawe in te bring. Soos die fabelagtige Queen Mary 2, ’n volle 345 m lank en 149 215 ton swaar. En vragskepe groter as geboue, langer as ’n rits rugbyvelde. Die wind en hoë golwe verg ál haar stamina. Elke oomblik moet sy skerp wees, paraat. Sonder veel fanfare verduidelik Sanette Robinson haar reuse-taak: “Ek navigeer skepe veilig in en uit die Kaapse hawe. Ek klim op see op die skip en hanteer dit met die hulp van sleepbote tot binne-in die hawe, totdat die skip vasgemeer is. “Dít is die gevaarlikste deel van my werk…

A  @home 0860 834 834 home.co.za Aldo 010 900 1386 aldoshoes.co.za B  Block & Chisel 010 593 9308, 021 726 3131, 021 712 5193 blockandchisel.co.za C  colette by colette hayman 0860 834 834 foschini.co.za Country Road 0860 022 002 woolworths.co.za F  Falke 021 951 2137 falke.co.za Foschini 0860 834 834, 021 938 7096 foschini.co.za G  Guess 087 150 2220 guess.co.za H  Haus by Hertex 0860 437 839 hertex.co.za L  Levi’s 086 144 4353 levi.co.za M  Mango.com shop.mango.com/za Matsidiso 065 819 2406 za.matsidiso.com Mr Price 0800 212 535 mrp.com P  Pichulik 082 079 1670, 082 222 3635 pichulik.com Poetry poetrystores.co.za S  Steve Madden stevemadden.co.za Superbalist superbalist.com Swarovski swarovski.com T  That Shoe Lady 073 088 7211, 087 149 4069 thatshoelady.co.za Trenery 0860 022 002 woolworths.co.za Tread+Miller treadandmiller.co.za Truworths 021 460 2300 truworths.co.za…

Erektiele disfunksie (ED) – nie impotensie nie, asseblief! – is sowat die helfte van mans bo vyftig se lot. Nie net tas dit jou waardigheid aan nie, meneer. Dit kan ook dui op ’n ernstige gesondheidskwessie. Mans met ED het dikwels hoë cholesterol, diabetes of ander onderliggende probleme. Dis ook nie net iets wat “omies” oorkom nie, het ’n wêreldwye studie bevind. Maar kom toenemend by jonger mans voor en word dikwels met hartvatsiektes verbind, volgens dr. Odion Aire, uroloog van die Urologie-hospitaal in Pretoria. (Ons is onfiks, eet net so verkeerd en is oorgewig. Voeg stres daarbý en dis slegte nuus vir jou ou tikker.) ED kan in tot 70% van gevalle ’n vroeë waarskuwing van hartvatsiektes wees. En ’n hartaanval met ’n jaar of twee vooruitgaan. As jou…

Nie net vroue gaan deur die “menopouse” nie. Iets soortgelyks gebeur met mans. Ook hulle kan ná 45 fisieke en emosionele simptome ervaar soos ’n gebrek aan energie, warm gloede, buierigheid, lae libido en probleme in die bed. Dié veranderinge weens ’n testosteroontekort is geleidelik en subtiel. Mans práát ook nie sommer daaroor nie. Maar vra jy spesifieke vrae, is dit duidelik die simptome is al ’n ruk reeds daar. “Het jou libido afgeneem?” “Ja. Maar geleidelik.” “Het jou energievlakke gedaal?” Ditto. Testosteroontekortsindroom (TTS) kan met enige man ná 45 gebeur. Testosteroonvlakke verlaag van 25 af en op 80 is dit laer as voor puberteit. Nie alle ouer mans het TTS nie en die simptome se intensiteit verskil. ( Adam, of androgen decline in aging men, is een van die…

Op die plaas waar Sanna saam met haar ouers woon, swaai Bertus van Zyl die septer. Haar pa en broer werk met die skape en haar ma in mevrou Rita se Groothuis. Ná skool help Sanna soms in die Groothuis, waar sy gefassineerd raak met die meisie met die geel hare wat nooit uit haar kamer kom nie. Sy knoop agter haar ma se rug ’n vriendskap met haar aan en ervaar eerstehands hoe die mense van die Groothuis maak asof Inge nie bestaan nie. Min weet sy dat dié vriendskap haar lewe onherroeplik gaan verander. Dat sy beskuldig gaan word van ’n misdaad wat sy nie gepleeg het nie en in die tronk gaan beland. Engela Ovies se verhaal vertel van dié onreg en watter impak dit op die…

Volgens die Kinderwet van 2005 is daar geen beperkings op aanneming deur gay mense nie, hetsy in ’n verhouding of enkellopend, maar private agentskappe mag hul eie kriteria in dié opsig hê, aldus ’n dokument deur die Raad vir Geesteswetenskaplike Navorsing (RGN). Verskillende CMR-takke het ook hul eie beleid. René Pretorius, bestuurder van die CMR-Noord, sê hoewel die tak nie diskrimineer op grond van kultuur, seksuele voorkeur of verhoudingstatus nie, is daar meer as een rolspeler betrokke. “Die hof, departement van maatskaplike ontwikkeling en registrateur van aannemings moet aannemings goedkeur. Hulle probeer babas plaas binne dieselfde kultuur, godsdiens, ekonomiese agtergrond, taal en meer, en sulke plasings kry voorkeur.” Dina Bosch, bestuurder van die CMR-tak Gauteng-Oos, sê ook dié tak diskrimineer nie, maar die werklikheid is dat kinders steeds makliker by…

Maak ’n voorlegging met jou tema, verskaffers, dekor, venue, uitnodigings, musiek. Dit help om jou idees in woorde en prentjies om te sit. Maak kontrolelysies by aspekte wat jy moet onthou. Werk aan ’n plan B. Minder is altyd meer. Moenie dinge onnodig kompliseer nie, dit plaas net druk op jou. Hou dit eenvoudig, maar skep spesiale oomblikke. Vergader met jou verskaffers sodat hulle weet presies wat jy verwag. Ontmoet hulle sommer by die venue om alles deur te praat.…

Net die tyd sal leer hoe lank gedeeltelike inperking nog sal geld en of dit dalk selfs weer ten volle ingestel kan word. Gerda de Villiers gee raad: Maak ’n lys van elkeen se prioriteite. Waar prioriteite radikaal verskil, verbeel jou julle is in ’n sakevennootskap en gebruik die denkbeeldige platform om oor jul prioriteite te onderhandel. Spanning vererger wanneer jy aanneem en aandring daarop dat jóú prioriteite geld. Ons omarm enigiets wat lyk of dit ons prioriteite ondersteun en verwerp dinge wat dit bedreig. As jou maat dus iets doen wat in lyn is met hoe jy dit sien, voel julle na aan mekaar. Maar die teenoorgestelde is ook waar. As jou maat iets doen wat nie strook met jou prioriteite nie, raak jy verdedigend en selfs hardkoppig. ’n…

HEMP ’n Klassieke item waarsonder geen klerekas kan wees nie. Vir Winter 2020, kies ’n geruite hemp om ’n sterk stelling te maak. BROEKPAK Gekleur of geruit, broek en baadjie saam of afsonderlik met ander items; ’n broekpak is ’n belegging. Vanjaar is die fokus op die middellyf, met ’n treffende belt bo-oor die baadjie. JAS Die lospassende jas kan jy ook soos ’n mantel om jou skouers dra. Vou jou toe in dié seisoen se warm teksture, soos tweed of ruitstof. BAADJIE Snyersbaadjies is nooit uit die mode nie; dis net die materiaal of styl wat verander. Vanjaar is dit die dubbelknoopbaadjie. Dié 1980’s-styl is terug, van semiformeel tot informeel. WENK Vou ’n serp soos ’n ascot-das vir ’n meer manlike styl WYEPYPBROEK Dié winter maak die noupassende broek…

Ons manne maak mooi! En nie net met ’n gesigroompie hier en ’n haarsny daar nie. Mans betree ook ál meer die wêreld van estetiese behandelings, vir enigiets van chemiese afskilfering tot laserhaarverwydering en mikronaaldbehandelings. Volgens dr. Anushka Reddy, ’n estetiese dokter by die Medi-Sculptkliniek in Johannesburg, is dit veral mans met ’n loopbaan in die korporatiewe wêreld wat by haar kom aanklop. “Hulle hou daarvan om beheer te neem van hul voorkoms en wil soos hul beste self lyk.” Yolandé Swanepoel, hoof van programontwikkeling by die Isa Carstens Akademie, beaam dit. “Danksy sosiale media en werklikheidsprogramme op TV is mans meer bewus van hoe hulle lyk en boonop ingelig oor die talle nie-indringende behandelings wat beskikbaar is. Die samelewing se ingesteldheid op ’n gesonder leefwyse is ook ’n dryfveer…

Wanneer jy hande was, maak seker jy spoel jou hande deeglik af omdat enige seep wat agterbly, jou vel kan irriteer. Vermy te warm water omdat hoë temperature jou vel vinniger van natuurlike olies stroop. Dra handskoene wanneer jy skottelgoed was of in die tuin werk om skade aan jou hande te beperk. Hou jou hande gesond deur hulle elke nou en dan liggies af te skilfer om selvernuwing aan te help. Smeer gereeld deur die loop van die dag sonskerm aan jou hande, want sodra jy jou hande was, was jy die sonskerm óók af.…

SITRUSGEBAK IN WYN MET VLA Ja, jy kan selfs nagereg in ’n baksak maak. Sitrus is tans in seisoen en ons hou veral van die ClemenGoldnartjie, sappig en vol geur. genoeg vir 4 mediumgroot GLAD-baksakkie 400 g (500 ml) witsuiker 350 ml witwyn 250 ml water 5 ml vanieljegeursel 12 ClemenGold-nartjies, geskil 500 ml vanieljevla vir voorsit Verhit oond tot 220 °C. Plaas suiker, wyn, water en vanieljegeursel in mediumgroot baksakkie. Pak heel vrugte in sak en maak toe volgens aanwysings op verpakking. Plaas sak in oondroosterbak in warm oond en bak vir 20-25 minute of tot vrugte sag maar steeds ferm is. Knip sak oop en sit vrugte voor met vla. BREKFIS: AARTAPPELS EN WORSIES Hierdie gereg word ook sommer soms aandete. Jy kan dit maak met enige wors…

In hierdie moeilike tye is jou slaapkamer jou toevlug. Maak jou winterbed snoesig en luuks. Sorg vir sagte beligting, besonderse strooikussings en ’n warm geel fluweeldeken. Alle produkte op hierdie foto van Haus by Hertex.…

’n Groot persentasie van die Viagra en ander tablette vir ED wat aanlyn verkoop word, is namaaksels. (Tot sowat 80% van Viagra, volgens ’n studie deur die farmaseutiese maatskappy Pfizer.) Sommige kenners reken die syfer is laer. Nagebootste Viagra kan gevaarlik wees, dís seker. Onder meer weens partikels van swaar metale en ander onbekende bestanddele wat daarin kan voorkom. Daar is ook ’n gevaar van infeksies deur fungi en bakterieë as dit in ’n nie-sanitêre omgewing vervaardig word. Van die bestanddele wat al daarin gekry is: Blou drukkersink Die dwelm Speed (amfetamien) Antibiotika Pleister Bron: forbes.com…