Tabla de contenidos para Jan - Mar 2025 en SARIE KOS

DIER-BAAR Dis waatlemoentyd – en Wagter kan saam eet. Dis goed vir hom, solank jy die skil en pitte verwyder. Waatlemoen bevat boonop baie water, wat op warm somerdae kan help om sy “watertenk” vol te hou. Komkommer is nog ’n waterryke happie wat hy met ’n geruste hart kan verorber. KAAS MET BAARD Muf op kaas waar dit nie hoort nie, soos op mozzarella of cheddar, smaak sleg. Op harde kaas, soos parmesaan of cheddar, kan jy dit net afsny. Doen dit sowat 2 cm van die muf af, sodat dit nie raakgesny word en versprei nie. Met sagte kaas, soos ricotta of maaskaas, moet jy egter die hele houer weggooi. Die muf kon versprei het, selfs al kan jy dit nie sien nie. Raak summier ontslae van kaas…

LEES MEER OOR ● Bertus se liefde vir SA ● Kobus se pad na Frankryk en terug ● Ontmoet die nuwe deelnemers BESIGE BERTUS BASSON 1 Sou jy aan Kokkedoor kon deelneem? Ek het baie kookkompetisies gedoen toe ek ’n laaitie was. Maar nee, ek dink nie so nie. Ek geniet die mense wat deelneem baie en dis vrek lekker om te kyk hoe elkeen sy ding doen. Ons leer baie, maar ek dink nie ek sou dit self kon doen nie. Ek is net te hardegat. 2 Wat is vir jou ’n uitdaging as beoordelaar? Mense kom met baie hoop en groot drome daar aan en daar is maar emosies betrokke. Vir beoordelaars is dit moeilik om iemand huis toe te stuur as al die kos smaaklik is. Dis…

LEES MEER OOR ● Só maak jy caesarpasta ● Steek groente slim weg ● Oorskiet vir jou werk-kosblik! Suurlemoenen-pestopasta Die eenvoud van die resep maak hom ’n staatmaker in elke kombuis – net ses bestanddele en jy het kos op die tafel! GENOEG VIR 6 ● 1 suurlemoen, gehalveer● 400 g-pak spaghetti● 80 ml olyfolie plus ekstra vir pasta kook● 50 g pekanneute, fyngekap● 125 g-houer basiliekruidpesto● 50 g parmesaankaas, gerasper, plus ekstra vir voorsit● sout en varsgemaalde swartpeper Verhit oond tot 200 °C. Plaas suurlemoenhelftes op bakplaat en bak vir 15 minute of tot goudbruin. Haal uit oond en laat afkoel. Bring intussen pot met water tot kookpunt en gooi bietjie olyfolie in water. Kook pasta volgens aanwysings op pakkie. Dreineer. Plaas olyfolie, neute, pesto en parmesaan in groot…

“Jy kan dit lekker lig hou hierdie uitgawe,” sê Herman. “Dis mos ’n nuwe jaar.” “Lig,” sê ek, en skrap my idee vir ’n diepte-rubriek oor mensehandel. “Lig,” sê ek weer, en onthou dan die lig wat ek gesien het aan die einde van ’n tonnel tydens my onlangse operasie. See, sand, samesyn, en die konfrontasie met ’n mens se eie sterflikheid. Perfek! “Hier,” sê ’n verpleegster – wimpers soos vars steke, boesems soos bedpanne – en druk my ’n plastiekkoppie in die hand. “Maak hom lekker vol.” “Um . . . Tee of koffie?” vra ek, ongemaklik bewus van die feit dat my one-size-fits-all hospitaaljas nie vir lang mense soos ek bedoel is nie: sekere dele van my probeer nuuskierig onder die soom uitloer vir ’n beter uitsig. “Urine,…

So ’n bek moet jêm kry Wat beteken dit? Ware woorde, daardie mens wat nou praat verdien ’n kompliment bl. 16 Hulle sit langs een vuur Wat beteken dit? Die manne praat uit een mond, hulle het dieselfde mening bl. 31 So mak soos ’n lam Wat beteken dit? Dié mens sal nie sommer teëstribbel of jou opdraand gee nie bl. 42 Die appel val nie ver van die boom Wat beteken dit? Iemand aard baie na ’n ouer (of mentor) bl. 56 In ’n neutedop Wat beteken dit? Kortliks gestel, alles mooi saamgevat bl. 68 Nie vir koue pampoen skrik nie Wat beteken dit? Word nie sommer bang of deur ’n kleinigheid op hol gejaag nie bl. 78 Vir ’n appel en ’n ei Wat beteken dit? Iets spotgoedkoop…

HOE WERK Kokkedoor Vuur & Vlam Net soos met die eerste seisoen van dié gewilde werklikheidskookreeks, is daar 13 episodes in die tweede aflewering van Kokkedoor Vuur & Vlam, elk met sy eie uitdaging. En net soos met die 2023-reeks moet deelnemers weer die koskenners Bertus Basson en Kobus Botha met hul braaivaardighede beïndruk. Altesame 20 deelnemers het op Struisbaai opgedaag vir die verfilming: 10 onthoubraaiers en 10 kinkelbraaiers. Die 20 deelnemers is daarna ingedeel in 10 spanne, elk met ’n onthoubraaier en ’n kinkelbraaier. Maar jy is nooit seker van jou spanmaat nie, want elke nou en dan word die spanne geskommel vir nuwe kombinasies. Spanne word ook met reëlmaat uitgestem, tot net een span oorbly en hulle ontvang die prysgeld van R1 miljoen om te deel. Seisoen 2 kinkelbraaiers…

LEES MEER OOR ● 6 plaaslike kos-pioniers ● Die mense wat húlle inspireer● Roly-poly tot pork belly Yolani Abrahams Kaapse restaurateur en TV-sjef As saggeaarde jong patisseriesjef van die platteland moes Yolani, SARIE Voorbladgesig-wenner in 2017, gou leer om taf te wees in die gasvryheidsbedryf. Dit was van die begin af vir haar belangrik om haar eie ding te doen en as mede-eienaar van Kole & Deeg op Tulbagh hét sy ook. Deesdae is sy saam met haar man, sjef Anwar Abdullatief, ook mede-eienaar van Barakat by die Time Out-kosmark in die V&A Waterfront en SA se eerste halaal-fynproe-restaurant, The Happy Uncles, in Soutrivier. “Vandag kan ek met selfvertroue my personeel oplei en ’n leiersrol in die kombuis vervul.” Volg Yolani op Instagram: @yolani_abrahams Wie het jou die vonk gegee…

Hoekom Spanje? Ek het altyd daarvan gedroom om oorsee te studeer, maar nooit gedink dit sal in Spanje wees nie. In 2023, tydens my honneursjaar aan die Universiteit Stellenbosch, is ek op LinkedIn deur ’n Spaanse universiteit genader om my meestersgraad in sakebestuur (mode en luukse goedere) in Madrid te doen. ’n Maand ná my onderhoud het ek gehoor ek is aanvaar. Ek was aanvanklik baie senuweeagtig, maar was met die intrapslag in Madrid verlief op die Spaanse kultuur, die rustiger leefstyl, en natuurlik die kos! Wat vir my die meeste uitstaan is dat hulle geloof en familie prioritiseer, en altyd tyd maak om te sosialiseer. Elke maand word ’n fiësta gehou – hulle vier werklik die lewe. Hoe ervaar jy die mense? Oor die algemeen as baie gasvry. Niks…

LEES MEER OOR ● 6 dinge oor varkvleis● Maak ’n warm varkvleisslaai● Ribbetjies oor die kole Bros varklies Die bakpoeier maak die vel bros en heerlik! GENOEG VIR 6-8 ● 2 uie, in ringe gesny● hand vol salieblare● 6 naeltjies● 2 x 375 ml-blikke appelbier (Savanna)● 1 groot varklies (pork belly) op die been, met vel aan● 30 ml growwe sout● 15 ml bakpoeier Verhit oond tot 180 °C. Pak uie in oondroosterpan. Sprinkel salie en naeltjies oor. Gooi appelbier in pan. Sny met ’n skerp mes netjiese kepe in vel van lies. Gebruik jou vingers en vryf sout en bakpoeier oor die vel en lekker in die kepe ook in. Plaas lies velkant na bo op uie. Rooster oop vir 3 uur of tot vel bros en goudbruin is. Gooi elke…

Kyk saam Die tweede seisoen van Kokkedoor Vuur & Vlam skop op Donderdag 6 Februarie om 20:00 af op kykNET (DStv-kanaal 144). Seisoen 2 onthoubraaiers Godfrey Davids 41, DIE PAARL, tegniese klerk by mediese kliniek Wat het jy van jouself tydens jou deelname aan Kokkedoor geleer? Ek het ongelooflik baie oor spanwerk geleer, en ook hoe belangrik dit is om jou instink te vertrou. Jou nommereenbraaiwenk? Wees altyd voorbereid in terme van wat jy wil braai en doen voor die tyd jou huiswerk. Hou by die basiese, en moet nie iets aanpak waarmee jy nie vertroud is nie. As jy ’n bestanddeel was, wat sal jy wees? Ek sal ’n ui wees, want ’n ui is ’n baie aanpasbare bestanddeel. Ek voel ek kan ook met enige tipe mens kommunikeer…

LEES MEER OOR ● 10 dinge oor neute ● Snoek nou met amandelkors ● Roompoffers met nuwe tekstuur 10 neutdinge 01 Goeie proteïene Neute is ’n uitstekende bron van plantgebaseerde proteïene, wat dit ideaal maak vir vegetariërs en veganiste wat op soek is na proteïene in hul dieet. 02 Nie almal neute Daar is verskeie soorte, elk met sy eie unieke smaak en tekstuur. Maar nie alle “neute” is neute nie! Die kokosneut is byvoorbeeld nie ’n neut nie, maar ’n vrug. En grondboontjies groei onder die grond en is dus ’n peulgewas. 03 Deel van die kultuur In baie kulture is neute deel van die tradisionele kookkuns. Amandels en pistasieneute is byvoorbeeld gewild in Mediterreense en Midde-Oosterse geregte, terwyl pekanneute dikwels in Amerikaanse nageregte soos tert en koek gebruik…

LEES MEER OOR ● Waar kom roomys vandaan?● Peppermint Crisp-tert op eish!● Kortpad met winkelroomys Luukse roomys Noem dit sommer tuisgemaakte Magnums! Vir my sal dit altyd somer wees. GENOEG VIR 6-8 ● 1 liter vanieljeroomys ● 80 g karamelspringmielies● 100 g pekanneute, grofgekap● 100 g Turkse lekkers, grofgekap● 100 g vars of bevrore frambose● 300 g goeie donkersjokolade, gesmelt Roer roomys in ’n groot mengbak met ’n houtlepel tot effe sagter. Meng springmielies, neute, Turkse lekkers en frambose by. Skep mengsel in 12 holtes van ’n roomysvorm of in leë jogurthouertjies. Druk roomysstokkies in en vries oornag tot hard. Keer uit vorms en doop elke roomys in gesmelte donkersjokolade. Plaas op bakpapier en laat stol in yskas. Sit voor. WENK Versier jou roomys met gedroogde roosblare of gebruik ’n…

LEES MEER OOR ● 10 dinge oor pere● Bak met Nederlandse geure● Pastei-bederf met karamel 01 Herkoms Pere is oorspronklik van China en Klein-Asië tot die Midde-Ooste. Dit word al duisende jare verbou en was ’n vrugbaarheidsimbool in antieke kulture. 02 Min kalorieë Pere is van nature laag in kalorieë, wat dit ’n gesonde keuse maak. ’n Middelslag-peer bevat sowat 100 kalorieë. 03 Hoë veselinhoud Pere is ryk aan vesel, wat goed is vir spysvertering en kan help om jou cholesterolvlakke te verlaag. 04 Antioksidante Pere bevat antioksidante soos vitamien C, wat die liggaam help om skade weens vry radikale te beveg en die immuunstelsel te versterk. 05 Ryp ná oes Nes avokado’s is pere een van die min vrugtesoorte wat nie aan die boom ryp word nie, maar eers…

LEES MEER OOR ● Die resepteboek● Die skrywers● Perfekte dhaltjies MEER OOR die boek Elkedag-kos soos kerries met skop, ingelegde vis en gesmoorde soesys, maar ook seekospaella, Krismispoedings, Labarang-feesdisse, Mavrou (van lamsvleis) vir ’n troutafel en ander ghrênd goed. Daarby kom die sweet en savoury waarmee Mzansi die lewe vier – bollas, snowballs, roti’s, samoesas, dhaltjies en nog vele verleidings. Ken jy nie van so ’n tuiskombuis nie, het jy dalk reeds ’n voorsmakie gekry in Tietie en Nanna se kwinkslae op Instagram en TikTok. Terwyl die potte prut, strooi die twee siezas so saam met die masala, dhanya, karamonk en jeera ook vrylik hul eie spices virrie lewe in. ’n Resepteboek waar memories en liefde saamsmelt, met elke roer van ’n pot. Tietie se Nando’s-hoender Nog een van Tietie…