Tabla de contenidos para Oct - Dec 2024 en SARIE KOS

LEES MEER OOR • Vloeibare goud• Wonderwerker-heuningbye• Natuurlike goedheid Plaatkoekies met heuningbotter Die beste begin vir jou dag, glo my maar! GENOEG VIR 6 HEUNINGBOTTER • 115 g (125 ml) sagte botter• 5 ml vanieljegeursel• 60 ml heuning PLAATKOEKIES • 280 g (500 ml) koekmeel• 20 ml bakpoeier• 5 ml sout• 60 ml strooisuiker• 2 eiers• 15 ml sonneblomolie plus ekstra vir braai• 250 ml melk Heuningbotter Klits botter en vanieljegeursel tot lig en romerig met elektriese klitser. Voeg heuning by en klits vir nog 2-3 minute tot ’n sagte wolk vorm. Hou eenkant. Plaatkoekies Sif meel, bakpoeier en sout saam in ’n mengbak. Voeg strooisuiker by. Klits eiers, olie en melk in ’n aparte mengbak. Voeg melkmengsel by droë bestanddele en meng tot ’n gladde beslag. Verhit braaipan op hoog…

ICA PROMOSIE LEES MEER OOR • Hoekom by die ICA studeer?• Verskillende soorte meringue• Leer eerste + 3 studente bak Meringue-dinge 1 Die vroegste bekende aantekening van die woord “meringue” is in 1692 in ’n kookboek van François Massialot, ’n sjef aan Versailles, hoewel koshistorici glo dié eierskuimlekkerte het al in die 1500’s sy oorsprong gehad. 2 Meringue bevat nooit vet nie, dit sal veroorsaak dat die eierwitte nie styf klits nie. Dit bevat wel ’n beduidende hoeveelheid suiker en proteïen. 3 Franse meringue word gebak – hoewel gedroog dalk ’n beter term is – by ’n baie lae oondtemperatuur. Dit moet wit bly of net ’n effense kleur hê as dit klaar gebak het. 4 Italiaanse meringue word gemaak deur ’n warm suikerstroop by eierwitte in te klits. Dit sorg vir…

PROE DIE WÊRELD LEES MEER OOR • Waar kom dit vandaan?• Resep soos 100 jaar terug• Op 5 nuwe maniere WAAR KOM CAESARSLAAI VANDAAN? In 1924 in Tijuna, Mexiko, het ’n Italiaanse restauranteienaar die eerste keer ’n slaai voorgesit wat later ikoonstatus sou kry. Nou, 100 jaar later, is die caesarslaai een van die mees herkenbare geregte op spyskaarte die wêreld oor. Die slaai is glo uit nood gebore toe Caesar Cardini skielik op ’n besige naweek kos moes voorsit vir baie gaste en sy bestanddele min geraak het. Hy het ’n eenvoudige, maar indrukwekkende sous geskep met bestanddele wat hy op die laaste minuut by winkels naby aan hom kon kry. Hy het die sous voor die gaste aan tafel gemaak en gemeng om die eenvoud van die gereg…

LEES MEER OOR • SA brandewyn is wêreldklas• Pepersteakpastei• Appeltert met ’n knertsie Proe-proe aan ’n sopie skoon brandewyn. Of tower ’n mengeldrankie daarmee op, nommerpas vir ’n somerjol, of vir die herfs saam met vriende om ’n vuurtjie. Dis een van die oudste gedistilleerde spiritualieë op aarde, maar verstok? Nooit gesien nie. En Suid-Afrikaanse brandewyn word erken as van die beste ter wêreld. “Dis sonskyn in ’n glas,” sê Marlene Bester, Van Ryn’s se bekroonde brandewynmaker. “Nêrens in die wêreld kry jy brandewyn wat soos ons s’n smaak nie. Vanweë die warm klimaat het ons druiwe en dus wyn meer geur – wat deur die distillasie- en rypwordingsproses versterk word.” Plaaslike brandewyn kry dan ook klokslag internasionale toekennings. Vroeër vanjaar is Van Ryn’s se 15 jaar oue Potstill-brandewyn by…

Vandat ek kan onthou, kyk mense vreemd na my. As kind het grootmense dikwels vir my gefrons of na hul asem gesnak. Kinders het hardop begin lag. Dokters het eers gesug, en dan geglimlag terwyl hulle vakansiehuise met my ouers se spaargeld koop. Sien, ek is gebore met wat Jaco Visser in graad drie beskryf het as “die punchline van ’n grap” in die middel van my gesig – ’n rare gewas op my neus. Dink Red Nose Day, maar elke liewe dag van my lewe. (Probeer dít met ’n kuif of ’n keppie wegsteek, ek dare jou.) Die eerste van twaalf operasies was voor my eerste verjaardag, die laaste op die ouderdom van twintig. En alhoewel ek te klein was om die meeste daarvan te onthou (spieëls is strategies…

Vra enige sjef of kosliefhebber wat die belangrikste is wanneer jy kook: Geur en tekstuur sal altyd die antwoord wees. Bestanddele is gelaai met soveel teksture. Trouens, ons hele wêreld is. Elkeen uniek en elkeen iets wat ons anders na dinge laat kyk. Dis die einste teksture wat ons met elke resep en storie in hierdie Lente-uitgawe vier. Strikke en valle is al eeue lank inspirasie vir tekstuur in modes, nou het hulle hul weg gevind na ons onthaaltafels. So kom dek ’n feesbuffet waar strikke in elke vorm en geurige kos koning kraai. Steek aan die braaivleisvure en braai jou slaai vir die seisoen se kuiers. Goue nektar en soet verleiding is woorde sinoniem met heuning. Met die sonskyn in jou glas en op jou bord sal SA se…

LEES MEER OOR • Grênd frikkadelle op roosterbrood• Steak op ’n begroting• Carbonara soos die Italianers Peri-peri-hoenderlewers Hoenderlewers is nou een van die bekostigbaarste bronne van dierlike proteïen op ons winkelrakke. GENOEG VIR 4 • 2 x 250 g-houers hoenderlewers• 60 ml olyfolie• 8 knoffelhuisies, grofgekap• 5 ml droë rissievlokkies• 5 ml gerookte paprika• 250 ml-bottel peri-peri-sous• 125 ml room• sout en varsgemaalde swartpeper• sap en gerasperde skil van 1 suurlemoen• 6 Portugese broodrolletjies Spoel hoenderlewers onder koue water af en druk droog met kombuispapier. Verhit groot pan tot warm en voeg olyfolie, knoffel, rissie en paprika by. Roer vir sowat 30 sekondes. Verwyder van hitte en gooi helfte van rissie-olie uit pan. Hou eenkant. Plaas pan met oorblywende olie terug op hitte. Voeg peri-peri-sous en room by en bring…

GOEDVOELKOS LEES MEER OOR • Kruisblommiges, ’n superfamilie• Kikker die geur só op• 6 resepte vir elke dag Die eerste kruisblommige groente het ontspring uit sweetpêrels op Zeus se voorkop, lui die Griekse legende. En so ingenome was die Saksers met dié bloubloedgroentefamilie, hulle het die tweede maand van hul kalenderjaar Spruitkool (Sprout-kale) genoem, ter ere van die tyd wanneer dit opskiet. Die naam kruisblommiges is weer aan die groente gegee vanweë hul vierblaarblom wat soos ’n kruis lyk. Kruisblommiges is dus van toeka af as spesiaal beskou. Vandag weet ons hoekom: Dié familie is ’n ryk bron van plantverbindings bekend as glukosinolaat, wat dalk kan help om kanker te voorkom en moontlik selfs kankergewasse kan laat krimp. Daarbenewens het sommige studies ’n verband gevind tussen groente ryk aan glukosinolaat…

LEES MEER OOR 10 braaidinge Mieliepap met smoor Aspatats met rooisous Braaidinge 1 Die eerste langsteel-toeknypjaffelpan is in 1949 deur ’n Australiër gepatenteer. Om jou dag te begin met die sonskynkant na bo, breek ’n kleiner eier in jou jaffelbroodjie, of gebruik net die eiergeel. 2 Die ringe om jou potjie dui aan hoeveel mense jy uit die pot kan kos gee. Vermenigvuldig die potgrootte met die aantal ringe – só sal jy uit ’n nr. 3-pot met vier ringe 12 gaste kan voed, of maak die pot tot by die tweede streep vol vir ses gaste. 3 Die woord steak kom glo van die Middelengelse woord steike , wat weer geleen is van die Oudnoorse steik – wat braaistuk of vleis gerooster op ’n stok beteken. 4 Jy sal…

GESELS MET LEES MEER OOR • Wie is Jared Melamed?• 3 elemente van fyngebak• Sy resep vir financiers Pâtisserie. Die elegante woord is genoeg om beelde van veerligte choux-poffers, fluweelgladde ganache, blink vrugtetertjies, botterige mille-feuille met deeglagies wat splinter tussen die tande, macarons in dromerige pastelkleure en ander soet fantasieë op te tower. Kom dit by die skeppers van hierdie eetbare juwele, kan jy jou maklik misgis met die stereotipiese prentjie van suiker-nerds wat spuitsakke met die skraal vingers van ’n pianis hanteer. Jared Melamed, wat as die land se beste pâtissier aangewys is by die 2024 Luxe Awards, draai hierdie opvatting op sy kop om met sy wipkuif, tatoes en gespierde arms. Sy formidabele repertoire van entremets en viennoiserie versplinter ook die mite dat jy Franse bloed moet hê…

Hoekom Kanada? Ek en my man, Errol, is in Junie 1999 na Kanada, ’n pasgetroude jong paartjie wat saam op soek was na ’n avontuur voordat ons vasgevang word deur “die lewe”. Dit was egter meer as net ’n reisgogga, as ingenieurs wou ons ook die werkslewe ervaar. Ons het lande soos Australië, Nieu-Seeland, Engeland en die VSA oorweeg en uiteindelik op Kanada besluit. Ná 25 jaar hier herinner ons onsself nog gereeld hoe bevoorreg ons is om in so ’n pragtige land te woon, omring deur verwelkomende mense. Waarvoor is Kanada bekend? As ’n skoon, veilige en stabiele land. Onderwys is uitstekend en ons het albei die universiteitslewe hier ervaar toe ons ekstra kursusse geloop het. Die gesondheidstelsel is van die beste in die wêreld – en dis heerlik…

LEES MEER OOR • Botter tot ricotta: Maak jou eie• Anderste gnocchi sonder aartappel• Tiramisu-koek soos in Cake Boss Maak só jou eie Botter GENOEG VIR 300 G • 500 ml room• 10 ml sout Plaas bestanddele in elektriese menger se bak en klits op matige spoed tot room verdik, sowat 2-3 minute. Stel spoed hoër en hou aan met klits tot mengsel in twee verdeel. Gooi mengsel deur ’n sif en dreineer die karringmelk af. Plaas botter in skoon bak en meng met houtlepel tot glad en romerig. Vorm in blok, bedek met waspapier en verkoel tot benodig. GEBRUIK SÓ Gebruik altyd botter en olie om die helfte as jy iets wil roerbraai. Die olie keer dat die botter brand voor jou groente of vleis gaar is. JOU GESONDHEID…

LEES MEER OOR • Jan Braai se nuwe boek• Steak vir ’n biltonglustige ekspat• Patee van oorskietsnoek Gevulde koedoefilet Koedoevleis het min vet en koedoefilet het veral min vet. Ons los dit op met ’n drievoudige vulsel wat die gereg romerig maak en lekker geur toevoeg. Die resep het ontstaan toe ’n besonder groot koedoe op my buurman Hannes se plaas rondgewandel het en ons albei gedink het sy horings sal mooi lyk bo my vuurmaakplek. Om koedoe lekker te braai, is gelukkig ook glad nie bo my of Hannes se vuurmaakplek nie. Ná ’n jaguitstappie vroeg een oggend het ons toe ’n groot klomp koedoevleis en ek kan my vuurmaakplek met mooi horings afrond. Ek wou hê die dier en sy vleis moet tot hul reg kom en daarom…