Tabla de contenidos para Apr/Jun 2020 en SARIE KOS

Op die hoek van die straat waar ek woon, is daar ’n groot ou akkerboom. Hierdie boom is my kalender. Want elke dag as ek by die straat indraai, herinner die boom my aan hoe die seisoene draai. Ná die winter sien ek hoe sy weer haar groen rok aantrek, en dan skielik maande later begin die blarerok weer verander. Vir my bly hierdie tyd van die jaar die mooiste: Herfs. Dis daardie geel, oranje, rooi, pers en bruin kleure van die akkerboom se blare wat my kombuis toe roep vir brood bak, sop kook en krummelpap maak. Dit is dié einste geregte wat my hart warm laat klop om hier in Afrika te woon. Nêrens kry jy ’n plek soos hierdie kontinent nie en jy kan nie help om…

KAAPSE PASSIE Die bekroonde Pittekou Granadilla Liqueur van Kaapse Liqueurs het die verfrissende smake van grenadella, oftewel Passiflora edulis. Dit word gemaak van suiwer natuurlike bestanddele, met vars grenadellapulp wat tydens die vervaardiging bygevoeg word. Skink dit net so oor ys, of voeg vonkelwyn en sodawater by vir ’n tropiese spritzer. Probeer gerus ook Kaapse Liqueurs se tradisionele Limoncello en Buchu Limoncello. Vanaf R209 by Yuppiechef MELKTERT-WOEMA MET TANT SANNIE Slim het nog nooit só lekker gesmaak nie! Die storie loop dat tant Sannie se melktert legendaries was in die Karoo, maar dat oom Dawie gevoel het dit benodig meer skop. ’n Knertsie uit sy heupfles is by die resep gevoeg en so het ’n nuwe likeurdrank, Tant Sannie se Melktert, ontstaan, wat gou aanhangers ver wyer as die Karoo…

1. Vertel my van Picardi Place. Dis ’n gastehuis op Rawsonville met vier kamers en ’n ekstra ekovriendelike selfsorgkothuis met plek vir ses. 2. Wat het jy voorheen gedoen? Ek het tien jaar lank in landskapargitektuur in Kaapstad gewerk. Die besigheid het gevou en ek het na my huis hier op Rawsonville getrek. Die huis was leeg met geen heining of grasperk nie. Op ’n dag het ek onder ’n boom gesit en besef ek is depressief. Ek het nie geweet waar my volgende inkomste vandaan gaan kom nie. Ek het later ’n brood gebak met ’n stoof wat ek by ’n vriendin geleen het en iets in my het net verander toe ek die brood begin knie. Ek kon voel hoe ek ligter raak. Ek het net aanhou brood…

Vir 4 mense: Voeg 1 koppie hawermout, ’n knippie sout en 2-3 koppies volroommelk saam met al jou drome en verwagtinge vir die dag in ’n kastrol, bring tot kookpunt, roer goed en draai die hitte af (so laag as moontlik) sodra dit begin kook. Laat prut vir minstens ’n halfuur met die deksel op sodat die hawermout jou drome en die melk behoorlik kan absorbeer. Roer tussen die bepeinsing gereeld sodat dit nie brand nie. Skep in ’n warm bakkie en eet dadelik saam met alles wat jou gelukkig maak.…

KNIE MET MASJIEN Vanjaar is ek 11 jaar by SARIE en hierdie resep was een van my eerstes wat gepubliseer is. Steeds kry ek gereeld navrae daaroor. As jy hom al gebak het, geniet hom weer. As jy nog nie het nie, dis alles wat brood moet wees! genoeg vir 2 brode 1 kg (1 780 ml) meel 1 kg water (ja, jy weeg die water!) 10 g sout 1 x 10 g-pakkie kitsgis 1 Plaas al die bestanddele in die bak van jou elektriese menger en meng met die K-spaan. (Jy moet ongelukkig die brood in jou menger maak, want die volume is te groot om met die hand te meng.) 2 Meng by hoë spoed tot hele mengsel in een deegbal in die middel van die menger bymekaarkom…

Lam-en-ertjiesop Die ou treffer gee ek groot smaak met Indiese tandoorispeserye. Op jou supermark se speseryerak kry jy ’n wye keuse. genoeg vir 8 30 ml olyfolie 1 kg kort lamskenkels (lamb knuckles) 1 ui, fyngekap 2 stingels seldery, gekap 50 g droë splitertjies 125 ml rooiwyn 45 ml tandoori-speserye 10 ml fyn kaneel 1 x 410 g-blik gekapte tamaties 1 liter bees- of lamsvleisaftreksel 1 x 400 g-blik geblikte bone, gedreineer sout en varsgemaalde swartpeper Verhit olyfolie in ’n groot pot tot warm. Verbruin lamsvleis in warm olie tot goudbruin. Skep vleis uit pot en hou eenkant. Plaas uie in pot en braai vir 5 minute of tot goudbruin. Gooi seldery by en braai nog 5 minute. Voeg ertjies en rooiwyn by en meng deur. Plaas vleis terug in…

Olyf-en-feta-focaccia Ek maak die brood met winkeldeeg, maar die geheim is om dit nes tuisgemaakte deeg eers te laat rys voor jy die brood vorm. So kry jy daardie sagte smelt-in-die-mond tekstuur. genoeg vir 1 brood 500 g-sak winkeldeeg 125 g-fles basiliepesto 3 fetawiele, gekrummel 100 g olywe, ontpit 2 takkies roosmaryn, fyngekap sout en varsgemaalde swartpeper Plaas deeg in groot mengbak wat goed met olie gesmeer is. Maak bak toe met GLAD-kleefplastiek (foto 1) en laat rys op warm plek vir 30 minute of tot dubbel die volume. Verhit oond tot 200 °C. Voer oondroosterpan van 15 x 30 cm uit met GLAD-bakpapier (foto 2). Plaas deeg in uitgevoerde pan en druk met jou hande plat tot sowat 1 cm dik – dit hoef nie ’n presiese vorm te…

In antieke Egipte was sampioene die kos van konings, niemand anders mag aan sampioene geraak het nie. Oestersampioene is die eerste keer tydens die Eerste Wêreldoorlog in Duitsland ontdek. Dié soort wil met lig groei. Hoe langer dit in die lig is en hoe sterker die lig, hoe gryser word dit. Sampioene is nie ’n vrug of groente nie, dis ’n soort fungi. ’n Enkele portobellosampioen kan meer kalium as ’n piesang bevat. Daar is meer as 80 verskillende soorte sampioene wat gloei in die donker. Sampioene word beskou as die “vleis” van die vegetariese wêreld. China is die wêreld se grootste verskaffer van eetbare sampioene. Sampioene staan ook bekend as paddastoele. In omgangstaal verwys sampioene gewoonlik na eetbare sampioene, en paddastoele na die nie-eetbare soorte. * Bronne: Wilmaré Lotz,…

Eens so kosbaar soos goud. Met ’n geskiedenis wat geur verleen aan van woelige Moorse markpleine tot kronkelende Venesiese kanale. Tot by die stofvlaktes van Afrika. Sout het ’n storie. Sout is ook húl storie. Die afgelope 44 jaar is die Donald Brown-groep aan die voorpunt van die plaaslike soutbedryf. “Sout bruis deur ons are,” het oupa Vossie gereeld gesê. Alles het by hom begin, op die dorpie Brandvlei op die oewers van die Sakrivier. Boesmanland, “Dorsland”: Die rivierbedding is droog. Maar die soutwatermeer diep onder die aarde ’n lewensaar vir die gemeenskap. Oupa Vossie het alles van sout geweet en sy seun, Donald, had die sakekop. Sáám ’n wenspan. In 1976 het Donald en sy Engelse bruid, Sandy, hulle by Vossie op die klein dorpie aangesluit en Saltcor is…

1 Die ou dorp in Djakarta Ons eerste stop op die toer is Indonesië se hoofstad, Djakarta, op die eiland Java. Dis ’n tipiese metropool en met ’n bevolking van meer as 10 miljoen mense is die stad ’n miernes van bedrywighede. Sodra jy dit regkry om verby die duisende mense op bromponies te kyk en jou vrees vir oorhaastige taxidrywers te bedwing, is die stad propvol versteekte juwele. Een hiervan is Kota Tua, die ou dorp van Djakarta. Dit is ook bekend as Oud Batavia (Batavia was 330 jaar lank Djakarta se naam, voor Indonesië se onafhanklikwording in 1949) en die argitektuur is steeds in ’n tipies Hollandse styl, met breë strate en kanale. Hier is ook wonderlike restaurante te vinde. Die hoogtepunt van die besoek aan die ou…

1. Dis baie warm en die humiditeit hoog, selfs in die aand, so pak ligte klere in en los maar die langbroeke by die huis. 2. Moenie kraanwater drink nie, koop liefs gebottelde water. 3. Moenie bang wees om nuwe smake te probeer nie, probeer alles een keer en besluit dan! 4. Die plaaslike inwoners is baie vriendelik, maar wees maar op jou hoede vir sakkerollers, veral as jy op markte inkopies doen of jou in ’n besige straat bevind. 5. Wanneer jy markte besoek, is dit reg om te vra oor pryse, maar moenie begin kibbel as jy nie seker is jy wil die item koop nie. Knoop slegs gesprekke aan as jy oortuig is dat jy die item wil hê. Die handelaars raak baie kwaad as jy hul…

VARS GEUR Gee jou slaaie ekstra geur met Westfalia se gesonde avokadoolies. Vir slaaisous werk die vars suurlemoengeur veral lekker. Sowat R55 vir 250 ml KLEEFVRYE GEBAK Maak skottelgoed was makliker deur jou bakplaat uit te voer met Glad-bakpapier voor jy die salm bak. Sowat R65 vir ’n 50 m-rol PIKANT FRANS Souse vir slaai kort groot geure soos dijonmosterd. Dit word gemaak nes die Franse dit doen. By Spar-winkels landwyd PASMAATS Maak seker al die geure in jou kos kom tot hul reg met Kalahari se sout en peper in hervulbare glasmeule. Sowat R65 vir pakke van twee landwyd…

G eluk met jou verjaardag!” sing Retief een sonnige Januarieoggend in 2019 vir my. “En hier – jou present . . .” “Whaaat?!” Dit was twee vliegkaartjies Europa toe – eenrigting. Skotland, Engeland, Holland en Duitsland. Dit was die beste geskenk wat ek nog gekry het. “Wag ’n bietjie,” sê ek en sit regop in die bed. “Wat?” vra hy, die beeld van onskuld. “So, jy koop die kaartjies daarheen . . .? Dis nie asof ek vir jou ’n potplant kan gee vir jóú verjaardag nie, is dit? Ek gaan die kaartjies terug moet koop.” Hy glimlag slinks – ek moes geweet het. So, ’n jaar en nog twee vliegkaartjies (Berlyn – SA) later en ons bevind ons op ’n vlug na Edinburg. Sewentien vasgegordelde, skreeuende-babahoofpyn-, my-bene-is-te-lank-vir-economy-ure later verskyn…

Wyn in blikkies wys hoe die tradisionele wynbedryf ook buigsaam kan wees. En dat Suid-Afrikaners nie agterbly as dit kom by tendense nie. Koop ’n paar blikkies en pak ’n piekniekmandjie. Of gaan stap saam met vriende en knak ’n wyn terwyl julle op ’n berg na ’n sonsondergang kyk. Gaan kamp of vat dit saam na ’n buitelugkonsert . . . die moontlikhede is baie en die wyn pas by enige moderne mens se leefstyl. Ons sê gesondheid! op ’n nuwe era van wyn. 11 VOORDELE VAN WYN IN BLIKKIES 1. Vervoer maklik 2. Verkoel baie vinnig 3. Blikkies is maklik om te herwin 4. Dis ligter as ’n bottel 5. Kan nie breek nie 6. Net soos met bier, word die smaak van wyn nie in ’n blikkie…

Spyskaart VOORPOT Surf & turf: Steurgarnale in biltongroomsous HOOFPOT Marokkaanse lamsbredie met mieliekluitjies BYPOTTE Roosmaryn-en-bierpotbrood & Zola se romerige stampmielies & Warm varklies op koue waatlemoen SOETPOT Herfsvrugte in soetwyn met Italiaanse vla Surf & turf: Steurgarnale in biltongroomsous Die biltong gee die roomsous ’n lekker diep smaak. genoeg vir 12 45 ml olyfolie 1 ui, fyngekap 2 knoffelhuisies, fyngekap 1 cm gemmer, geskil en gerasper 10 ml heel komyn 250 ml witwyn 500 ml room 200 g klam biltong, fyngekap 2 x 400 g-pakke steurgarnaalsterte, skoongemaak en doppe verwyder sout en varsgemaalde swartpeper sap en gerasperde skil van 1 suurlemoen Kry kole warm. Verhit swartpot oor kole tot warm en gooi olyfolie, uie, knoffel, gemmer en komyn by en roerbraai vir 2 minute. Voeg witwyn by en…

Krummelpap met vanielje-en-kaneelmelk Troos op sy beste. Die resep kom uit my jongste kookboek, Dit proe soos huis (Human & Rousseau, R365). genoeg vir 6 350 ml water 1 ml sout 400 ml growwe mieliemeel 600 ml melk 1 vanieljepeul, oopgesny, of 10 ml vanieljegeursel 2 kaneelstokke 200 g (250 ml) suiker Bring water en sout tot kookpunt in middelslagkastrol. Gooi mieliemeel in middel van die water en meng vinnig deur met ’n vurk – moenie bekommerd wees oor klonte nie. Maak pot onmiddellik toe met ’n deksel. Die water moet byna heeltemal wegkook. Gebruik ’n vurk en roer weer deur tot growwe krummels vorm. Skakel hitte af en maak pot toe. Laat die pap 15 minute stoom. Terwyl pap stoom Plaas melk, vanielje, kaneel en suiker in middelslagpot en…

Die bakkie pap emigreer in soet en sout gedaante van die ontbyttafel na waar dit as aandete en poeding geniet word. Dit het ’n verhoog geword van klipgemaalde hawermout en gort, oornag geweek in tuisgemaakte amandelmelk of gekook in klappermelk. Pap se terugkeer-sukses lê in sy karaktereienskappe: dis klasloos, nederig en bekostigbaar en jy hoef nie ’n goeie kok te wees om dit te maak nie. Pap word nie net verbind met die goedheid van ons oumas nie, maar kry ook status onder ’n nuwe generasie sjefs wat hul innoverende idees na dié nostalgiekos bring. Nordiese cuisine het die deur oopgemaak vir die beskeie kos se nuwe gourmet-status. Kopenhagen is nie net die tuiste van die beroemde restaurant Noma nie, maar is ook waar die wêreld se eerste eetplek ten…

NIKS KNIE, NET ROER Hierdie resep kom uit my studentejare toe ek in restaurantkombuise geleer het. Ek het ’n notaboek waarin ek almal se “geheime” resepte neergeskryf het. Waar ek die resep ontdek het, kan ek nie onthou nie, maar dit bly ’n wenner. genoeg vir 2 brode 500 ml water 10 g sout 100 ml heuning 15 ml fyn kaneel 2 eiers 75 g (625 ml) semels (digestive bran) 80 g (250 ml) hawermout 20 ml bakpoeier 375 g (670 ml) bruinbroodmeel 375 g (625 ml) volkoringmeel 1 Verhit oond tot 180 °C. Meng water, sout, heuning, kaneel en eiers in ’n middelslagmengbak. 2 Voeg semels en hawermout by. Meng met houtlepel en maak seker dis goed deur vloeistof gemeng. 3 Voeg bakpoeier, bruinbroodmeel en genoeg volkoringmeel by om…

Oftewel Tannie Poppie, die roosterkoekkoningin, is ’n sprankelende vrou. Een wat met ’n kinderlike opgewondenheid vertel van haar liefde vir haar Skepper en die besigheid wat sy sowat tien jaar gelede begin het. Vandag verkoop sy steeds byna elke dag haar roosterkoeke – of roosterbrode, soos sy hulle noem – by haar stalletjie langs die N1 op Laingsburg. “Niemand kan my daar weghou nie, nie my man nie en ook nie die dood nie. Die mense gaan my mos daar soek,” sê sy. Verlede jaar was sy in die nuus toe een van haar grootste drome waar geword het: Om vir die eerste keer in haar lewe buite die grense van die Wes-Kaap te reis, en nie waar nie, maar Italië! Ons het gaan inloer.…

ELEGANTE VOORSKOOT Lyk mooi terwyl jy kos maak met hierdie sjiek voorskoot met ’n sampioen-motief van Schattig. Hulle het ’n wye verskeidenheid beskikbaar. R300 by schattig.co.za SOUTHAPPIE Dié biltong word gemaak van bruin en sjiïtake-sampioene wat plaaslik verkry word. R29,99 vir ’n 20 g-pakkie by Woolworths TRUFFEL-MAYONNAISE Dié lipleklekker produk gegeur met truffels van Italië kom in flesse van 200 g. Dit bevat geen preserveermiddels nie. R159 by @home SAMPIOENMES As jy self sampioene kweek, gebruik Opinel se sampioenmes (8 cm) om die stele moeiteloos af te sny. Met die borseltjie aan die agterkant van die mes kan jy oorblywende grond afvee. R399 by yuppiechef.com…

1. Sout is ’n uitstekende preserveermiddel wat die groei van mikro-organismes belemmer en só keer dat kos bederf. Sout onttrek vloeistof uit kos, wat dit nie net teen bakterieë en swamme beskerm nie (hierdie organismes het ’n sekere hoeveelheid water nodig om te oorleef), maar ook die kos dehidreer om byvoorbeeld biltong te maak. 2. Dit help om fermentasie in gisgebak stop te sit (sodat brood nie te veel rys nie) en versterk ook die gluten in deeg, wat elastisiteit daaraan gee. 3. Dit kan bitter smake in kos neutraliseer (byvoorbeeld die bitter sap in eiervrug). 4. Dis ’n emulsifiseermiddel: In mayonnaise of slaaisous help dit om die olie en water/asyn-komponente te bind, sodat die sous nie skei nie. 5. Sout bring geure in soetgebak na vore. 6. Diggepakte sout…

1 Jou vel is mal oor rooibos Rooibos is ’n fynbosplant met unieke antioksidante wat slegs in die Wes-Kaapse Cederberge voorkom en African Extracts is gebaseer op dié plant se bewese voordele vir jou vel. Elk van hul produkte – wat bad-, haar- en lyfsorgprodukte insluit – bevat ’n bio-aktiewe ekstrak van organiese rooibos wat die hoogste konsentrasie van antioksidante bied. 2 Span die krag van die natuur in African Extracts-produkte bevat benewens rooibosekstrak gesamentlik nog 35 natuurlike plantaktiewe bestanddele wat gekies is vir hul velsorgvoordele. 3 Wetenskaplike innovasie Die African Extracts-navorsingen-ontwikkelingspan bly aan die voorpunt van die nuutste velsorgtendense. Met bestanddele soos hialuronsuur, vitamiene en seramied, asook ligdefleksietegnologie bied die reeks oplossings vir alle veltipes en -kwessies, wat velveroudering en die negatiewe effek van besoedeling insluit. 4 Goed vir…

Jy het seker al opgelet as jy ’n groot bord pasta eet, gaan jou kop op ’n dink-staking. Nie ’n goeie ding op ’n dol dag nie. Vir ’n helder kop is klein hoeveelhede proteïene (eiers, vleis, peulgroente en neute) beter. Dit bevat aminosure wat jou opkikker en grotendeels daardie lam en lui gevoel in die middel van die dag voorkom. (Aminosure is proteïene se basiese boustene.) Sommige kosse het inderdaad ’n subtiele uitwerking op jou brein. Kortom: Jou brein het spesifieke voedingstowwe nodig om sekere neuro-oordragstowwe te vervaardig. Weet jy wát jy moet eet, kan jy met jou brein toor, volgens Mariza van Zyl, geregistreerde dieetkundige van die Paarl. “JOU BREIN HET SPESIFIEKE VOEDINGSTOWWE NODIG OM SEKERE NEURO OORDRAGSTOWWE TE VERVAARDIG” Koolhidrate vir kalmte Die aminosuur triptofaan is die…

Ek wil weet hoe ek hoenderborsies gaar maar sappig kry? Dis altyd te droog, of nie gaar genoeg nie! Veronique Richter, Pretoria SAARTJIE: Hoenderborsies is geneig om vinnig uit te droog, dus moet jy versigtig wees om dit oorgaar te maak. ’n Veiliger opsie is om eerder hoender op die been gaar te maak en dit dan later te ontbeen, of gebruik ’n snit met meer vet soos ’n dytjie. HOEKOM RYS DIE KOEKE WAT EK MAAK NOOIT SOOS OP DIE FOTO’S IN DIE TYDSKRIF NIE? Deune Schutte, Oos-Londen SAARTJIE: Soos enige ander bestanddeel kan bakpoeier ook oud raak. Kyk dus altyd na die vervaldatum voor jy begin bak. Ek sal aanbeveel dat jy eerder bakpoeier in klein pakkies koop as in ’n groot blik. SARIE-REDAKSIE VRA: Hoe keer jy…

Marinda Engelbrecht, mede-aanbieder van Via se potjiekosprogram Laat die potte prut (Vrydae om 19:00, kanaal 147), deel haar 6 wenke om die beste uit jou pot te kry. 1. Sorg vir genoeg kole. Maak ’n ekstra vuur sodat jy gedurig die kole kan aanvul. 2. Pasop vir te veel hitte. Die pot moet prut en nie kook nie. Plaas die kole in ’n sirkel onder die pot. 3. Werk met so 300 g vleis per persoon. Dit kan op die been wees. Moenie te veel vloeistof byvoeg nie. 4. Plaas die groente bo-op die vleis. Die groente stoom gaar en kry die heerlike vleissmake. 5. Moenie die potjie roer nie, die kos sal in ’n pappery ontaard. Die vleis val van die been af en die groente disintegreer. 6. As…

“SE MY HOE JY JOU PAP EET EN EK SAL JOU SE WIE JY IS” Die Franse epikuris Jean Anthelme Brillat-Savarin sou my vergewe dat ek sy beroemde aanhaling ietwat wysig om my siening te staaf dat die ontbytpap waarmee jy grootgeword het, ’n kiekie is van jou innerlike Gouelokkies. Of dit stywepap, poetoepap, polenta, grits of groats genoem word; congee, kasha, atole, champurrado, genfo, jook, juk, okayu, lugaw, rød of grøg – elke kultuur het ’n tipe pap wat met warmte, grootword en omgee verbind word. My ma was ’n papmaker extraordinaire. Dit was glad, romerig, loperig, nooit gommerig of taai nie. Dit was asof al die potensiaal van die nuwe dag in daardie kommetjie pap opgesluit was, asof sy haar drome vir ons ingeroer het by die Maltabella,…

Ons praat broodbak FERMENTEER Dit verwys na die proses waartydens die deeg rys en die gis (kitsgis of suurdeeg) kans kry om sy werk te doen. Dit gebeur meestal op ’n warm plek. Maar soms kan jy ook deeg stadig in die yskas laat fermenteer as jy skerper gissmake soek. LOUWARM WATER Gis is ’n lewende organisme en dis belangrik om dit so te hanteer. As die water of ander vloeistof waarmee jy die deeg aanmaak te warm is, sal die gis “doodgaan” en die deeg sal nie kan fermenteer nie. Vloeistof moet nooit warmer as liggaamstemperatuur wees nie. Jy kan dit toets deur jou vingerpunt in die vloeistof te steek. HOL KLANK ’n Baie akkurate manier om te toets of brood gaar is. Klop liggies met jou kneukels op…

KNIE MET DIE HAND Dié Italiaanse brood, wat hulle tradisioneel tydens Paasfees eet, is een van my gunstelinge om te maak. Dit is iets tussen ’n plat brood en een met ’n bietjie lyf, met lekker baie kors waarin botter kan wegsmelt. genoeg vir 1 brood 500 ml louwarm water 10 g sout 1 x 10 g-sakkie kitsgis 45 ml heuning 600 g (1 070 ml) koekmeel, plus ekstra vir uitrol 5 takkies roosmaryn, in kleiner stukkies gebreek 45 ml olyfolie varsgemaalde seesout 1 Plaas water, sout, gis en heuning in ’n groot mengbak en meng met ’n draadklitser totdat die sout en gis heeltemal opgelos is. 2 Voeg meel geleidelik by tot stywe, kniebare deeg vorm. Knie 5-8 minute totdat deeg ’n blink, gladde voorkoms het. 3 Plaas deeg…

1 Hoe maak jy die perfekte roosterkoek? Jy sit Jesus se liefde in dit in. Terwyl ek die deeg knie en die roosterkoeke maak, praat ek gedurig met die Here. En so plaas mens dan Jesus se liefde in die roosterkoek, een knie op ’n slag. 2 Hoe verkies jy jou roosterkoek? Ek eet nie meer so graag brood nie – ek moet baie honger wees voor ek ’n roosterkoek sal eet – maar wanneer ek hom eet, hou ek daarvan met botter, kaas en biltong op. My klante is ook gaande oor hierdie kombinasie. Verder is roosterbrood met botter, uie-entamatiesmoor, kaas én biltong sowel as die hot cross bun-roosterbrood met rosyntjies en pypkaneel ook groot gunstelinge onder my klante. 3 Wat is jou kindertydherinneringe aan roosterkoek? In die jare…

Die wondervrou van sampioene In die middel van die Boland, op ’n plaas by Rawsonville, woon ’n wondervrou wat al 19 jaar met sampioene boer. Wilmaré Lotz van Boland Mushrooms se hande staan vir niks verkeerd nie. Sy kweek van knopiesampioene tot portobellini’s en nou ook oestersampioene. Boonop maak sy die kompos self. Ons het gaan inloer om meer oor haar boerdery en die fungi met sy lang steel en hoed op die kop uit te vind. 1 Hoe het dit gebeur dat jy met sampioene begin boer het? My pa het 32 jaar gelede die plaas saam met ’n Nederlander begin. Ons familie het destyds niks geweet van sampioene of hoe om met dit te boer nie. Op ’n dag was die Nederlander net skoonveld en my pa moes…

TAMATIE-EN-OLYF-PASTA Een van my eerste radio-onderhoude ná ek in 2009 by SARIE begin het, was met Amore Bekker van RSG se Tjailatyd. Ek het toe hierdie resep gedeel. Dit staan ook bekend as pasta puttanesca en is gereeld op my spyskaart. Jy kan dit warm of koud voorsit – dit smaak net so lekker die volgende dag. genoeg vir 4 30 ml olyfolie 6 ansjovisfilette 2 knoffelhuisies, fyngekap 2 brandrissies, fyngekap 15 swart olywe, ontpit 1 x 410 g-blik kersietamaties 1 x 410 g-blik gekapte tamaties 400 g pasta van jou keuse hand vol basiliekruidblare sout en varsgemaalde swartpeper na smaak parmesaankaas vir voorsit Vul groot pot met water en plaas oor hoë hitte om te begin kook terwyl jy die sous maak. Verhit olie en roerbraai ansjovis, knoffel en…

“DIT IS N HEIMWEEE-SMAAK VAN KINDERTYD EN GESELLIGE SAAMKUIEROOMBLIKKE” HETTA VAN DEVENTER-TERBLANCHE Melktert skitter in die Melkweg van ons tradisionele koshemel. Of dit nou met kaneelsuiker of met amandel gegeur is, en of dit met ’n eenvoudige broskors of ryker skilferkors warm uit die oond voorgesit word, melktert bly trooskos. Dit is ’n heimwee-smaak van kindertyd en gesellige saamkuier-oomblikke. Soos baie van ons ander kos-erfstukke is melktert ’n goeie voorbeeld van soetigheid wat reeds van die Middeleeue af bekend is. Dit is mos júis een van die kenmerke van ons kookkuns – dat verouderde smake, resepte en tegnieke hier behoue gebly het, teenoor ander dele van die wêreld waar die modegiere van die dag nagejaag is. Die Romeine was reeds 2 000 jaar gelede versot op eiervla, soet en sout.…

1. 17 504 eilande 2. 272 miljoen bewoners 3. 300 verskillende tale 4. 5 gelowe: Islam, Hindoe, Boeddhisme, Christengeloof en Konfusianisme 5. 8 Unesco-wêrelderfenisgebiede 6. Dele van die rolprent Eat Pray Love met Julia Roberts en Javier Bardem in die hoofrolle is op die eiland Bali verfilm 7. Rafflesia arnoldii, oftewel die lyklelie, se blom is die grootste in die wêreld. Dit kom voor op die eilande Sumatra en Borneo 8. Indonesië het altesame 127 aktiewe vulkane 9. Borneo en Sumatra is die enigste twee plekke waar orangoetangs in hul natuurlike habitat gesien kan word 10. Indonesië het speserye soos kaneel, naeltjies en neutmuskaat opgelewer 11. Nasi goreng is die land se nasionale gereg en bestaan uit gebraaide rys, vleis, eier en groente 12. Djakarta is die stad in die…

Blomkoolslaai As jy nog nie blomkool in die oond gerooster het nie, probeer gerus. Jy word beloon vir jou moeite. genoeg vir 4 500 g blomkoolstukke 45 ml kanola-olie 30 ml heel komynsaad sout en varsgemaalde swartpeper 50 ml olyfolie 45 ml sjerrieasyn 30 ml dijonmosterd 45 ml heuning 1 brandrissie, baie fyn gekap 50 g rosyntjies 100 g gevlokte amandels 1 x 80 g-sak babaspinasie 140 g suikerertjies (sugar snap peas) Verhit oond tot 180 °C. Plaas blomkool in oondroosterpan en sprinkel kanolaolie, komyn, sout en peper oor. Oondrooster 15-20 minute oop of tot blomkool goudbruin en gaar is. Meng terwyl blomkool in oond is die olyfolie, asyn, mosterd, heuning en brandrissie met draadklitser vir slaaisous. Plaas warm blomkool, rosyntjies, amandels, spinasie en suikerertjies in groot slaaibak. Skep slaaisous…

1 Wie is Prue Leith? Ek is entoesiasties en sê moeilik nee. Ek stel belang in soveel meer as kos: Ek ontwerp juwele, skryf romans, en beywer my daarvoor om kinders in Britse skole beter te laat eet. Ek wil ook hospitaal- en tronkkos verbeter. Dit maak my warm onder die kraag as die regering nie geld reg spandeer nie. Tog, as ek my lewe moet opsom, is ek net gelukkig. Prue Leith is tevrede met die lewe! 2 Waar kom jou naam vandaan? Dis baie uniek. Dis Skots. Al my grootouers was Skotse emigrante wat na Suid-Afrika gekom het. Ek is in Kaapstad gebore en het hier grootgeword. Op 18 is ek Frankryk toe en daarna Londen. 3 Sien jy jouself steeds as ’n Suid-Afrikaner? Ek sal altyd een…