Tabla de contenidos para Oct/Dec 2019 en SARIE KOS

Een van die dae is dit vakansietyd! En dít beteken saamkuier, see, son, wildtuin, Kersfees, groot kook, langpad reis . . . en draairoomys! Daardie nostalgiese lekkerte wat jou terugneem na jou kinderjare en die dae van roadhouses – metaalrakkie gehaak aan die motorruit, groot hamburgers, en die roomys aan die einde. Maar hoekom hou ons so baie van nostalgiese dinge? Nostalgie kom in verskeie vorms en elkeen se ervaring daarvan is anders. Een van die groot nuwe tendense is nou-stalgie, oftewel nowstalgia: ’n gevoel wat jy nou ervaar en vasvang omdat jy weet jy gaan jare van nou met nostalgie daaraan terugdink. Kom dit by kos, probeer al hoe meer restaurante ervarings skep wat jou laat hunker na gister, maar jou ook toelaat om die herinnering te koester vir…

VONKEL SONDER DIE SKOP Met die eerste proeslag van The Duchess sal jy verbaas wees dat dié drankie 100% alkoholvry is. Die jenewer-entonikum-vonkeldrankie het die eiesoortige droë nasmaak wat jenewer-aanhangers verlang, met lieflike smake van botaniese ekstrakte soos lemoenskil, naeltjies, kardemom en steranys. Bedien met somerbessies in ’n lang glas. Sowat R99 per bottel by Yuppiechef.com BRAAF, BRAWER BREVA ! BREVA is ’n soet moutdrankie, beskikbaar in verfrissende geure soos grenadella, appel, perske en pynappel, wat nes gewone bier gebrou word, maar sonder die gistingproses wat suiker in alkohol omskakel. Dit is die ideale keuse vir almal wat ’n volwasse, niealkoholiese drankie wil geniet! Sowat R18 per bottel by Pick n Pay landwyd MICHELIN-KLAS ALKOHOLVRYE SPIRITUS Met sy pragtige verpakking en luukse voorkoms is Seedlip, ’n niealkoholiese spiritus, ’n welkome…

Witsjokoladeen-kardemombroskoekies Kom dit by Skotse shortbread, werk die geure van kardemom en witsjokolade saam soos ’n droom. genoeg vir 24 480 g (860 ml) koekmeel 260 g (415 ml) mielieblom 500 g sagte botter 200 g (240 ml) strooisuiker, plus ekstra vir oorsprinkel 10 ml fyn kardemom 10 ml vanieljegeursel 100 g witsjokolade, gesmelt 1 hand vol droë eetbare blomme Verhit oond tot 160 °C. Sif koekmeel en mielieblom saam. Room botter, suiker en kardemom met ’n elektriese klitser tot lig en romerig. Voeg die meelmengsel by en vou deur tot net gemeng. Voer ’n ronde losboomtertpan van 30 cm in deursnee met GLAD-bakpapier uit. Plaas deeg in pan en druk plat met vingerpunte. Gebruik ’n vurk en verdeel in 24 skywe deur gaatjies tot op bodem van pan te…

7 WENKE VIR KLEINKOEKIES BAK 1. Die bakproses is baie akkurater en die eindproduk beter as jy ’n skaal eerder as maatkoppies gebruik om die bestanddele af te meet. 2. Plaas altyd die oondrak waarop jy jou bakplaat gaan sit, in die middel van die oond. 3. Maak seker dat die botter kamertemperatuur is wanneer jy botter en suiker moet verroom. Dit maak die proses makliker. 4. Gebruik die mengspaan (K-beater) van die elektriese menger om botter en suiker te verroom en om die deeg aan te maak. 5. Om te verseker dat die rande van die koekies nie brand of te donker bak nie, plaas twee bakplate opmekaar –die een binne die ander – en bak dan die koekies op die dubbele bakplaat. 6. Koekies raak meestal eers hard…

5 DADEL-DINGE 1 Het jy geweet dat dadels eintlik hulself oes? Daar is baie min handearbeid betrokke. Sodra die dadels geblom het en vrugte vorm, word die hele tros toegebind in ’n sak wat die tekstuur van ’n meelsif het. Soos die vrugte ryp word, val hulle van die trosse af in die sak. Die sakke word leeggemaak en die dadels verwerk. 2 Die bestuiwing van die dadelblomme word kunsmatig aangehelp. Sodra die trosse blomme maak, kom die boer verby en bestuif dit met die hand, of hy gebruik ’n bestuiwingsmasjien waarmee hy stuifmeel oor die blomme blaas. 3 Al is dadels baie hoog in natuurlike suiker, word dit beskou as gesonder as verwerkte suiker. Wees op die uitkyk vir dadelsap en dadelpuree by gesondheidswinkels. 4 Wanneer jy dadels koop…

Eiers en cholesterol? Daai ou debat is mos lankal bygelê. Dieet-cholesterol, soos dié in eiers, kan nie aan hartsiekte gekoppel word nie. Punt. Selfs Amerika se top-advieskomitee oor dieetriglyne, die DGAC, het vir 2015-’20 sy waarskuwing oor kosse hoog in cholesterol laat vaar. Talle wetenskaplike studies het immers bevind kosse hoog in cholesterol kan nie cholesterolvlakke by gesonde mense beïnvloed en/of die risiko vir hartsiektes beduidend verhoog nie, volgens Madeleine de Villiers, dieetkundige konsultant vir die SA Pluimveevereniging (SAPA). Onlangs het dit gelyk of die debat weer gaan vlamvat, nadat ’n groot Amerikaanse studie gewys het volwassenes wat meer eiers en dieet-cholesterol inneem, het ’n beduidend hoër risiko vir hartvatsiekte en dood aan enige oorsaak. Verskeie navorsers het egter water op daardie vuurtjie gegooi en die studie se beperkings uitgewys.…

1 Hoe lank het dit gevat om die petribakkie-truffels te kweek? Dit het sewe dae geneem om die spore en miselium van die truffel in die bakkies aan die groei te kry. Die aha!-oomblik was ’n konsep, ’n idee wat ons anders gevisualiseer het as die konvensionele navorsing om truffels – ons sien dit as genade. 2 Watter truffels kweek julle? Die swart Périgord. Ons is opgewonde-optimisties besig om aan die wit Alba te werk. 3 Hoe doen julle dit? In ’n moskamer, deur Moeder Natuur se natuurlike hulpbronne in fyn balans te handhaaf. Dit neem ’n paar maande van ontkieming tot volwassenheid voor die craft- truffels gereed is om te eet. 4 Hoe vorder die proses? Natuurlike truffels produseer meer as 60 verskillende aromas, wat deur die grondtipe, ligging…

1 Vertel my meer van SAAM? SAAM is ’n vrolike viering van gemeenskapskookboekies en die kultuur om resepte met mekaar te deel. Dit eer die wonderlike gees van samewerking tussen vroue wat vir hul gemeenskap iets goeds wou doen en hul resepte gebruik het vir geldinsamelings – of dit was om ’n kerksaal te bou of ’n skoolbussie aan te skaf. Ja, daai einste “kerkboekies” wat ons ma’s en oumas nader getrek het vir die lekkerste huiskos en betroubare resepte. SAAM plaas die kollig op ons verknogtheid aan hierdie beskeie boekies met hul geelgebleikte omkrulblaaie vol kosvlekke, tipies met krammetjies gebind of ’n spiraalrug, en netjies uitgeskryfde of getikte resepte. Sonder kosfoto’s, behalwe dalk ’n lynskets hier en daar. Ek het uiteindelik 150 boekies nagegaan, die oudste uit 1918 en…

Tropiese sangria Maak genoeg want almal gaan weer en weer skink, en self huis toe kan bestuur. genoeg vir 3 liter 2 x 750 ml yskoue Lautus De-Alcoholised Sparkling Wine 1 liter sodawater 400 ml gemmerbier 80 ml vlierblomstroop (elderflower) 1 hand vol kruisement 4 lemmetjies, in skywe gesny pulp van 6 grenadellas (of vars bessies soos kersies, frambose en aarbeie) 4 perskes, ontpit en in skywe gesny 1 kg gebreekte ys Meng al die bestanddele saam vir die sangria. Vul ’n groot glashouer met gebreekte ys en gooi die sangria daaroor.…

Brosgebraaide eiers met truffelroom en aspersies genoeg vir 6 45 ml olyfolie 1 ui, gekap 2 knoffelhuisies, gekap 500 ml room 45 ml truffelolie sout en varsgemaalde swartpeper 60 ml wit asyn 12 ekstragroot Nulaid-eiers, plus 1 ekstra vir rol 70 g (125 ml) koekmeel 150 g broodkrummels sonneblomolie vir diepbraai 400 g aspersies, vir ’n minuut in kookwater gedompel Verhit olyfolie tot warm in middelslagpot. Braai ui en knoffel tot goudbruin. Voeg room by en verlaag hitte tot mengsel stadig prut. Laat room met helfte wegkook. Gooi deur ’n sif om ui en knoffel te verwyder. Gooi room terug in pot. Voeg truffelolie by en geur met sout en peper. Hou eenkant. Bring skoon pot halfpad gevul met water tot kookpunt en voeg asyn by. Breek eiers een vir…

Peperment-yskastert genoeg vir 10-12 3 x 250 ml-houers vars room 4 x 360 g-blikke karamelkondensmelk 3 x 150 g-plakke Peppermint Crisp 2 x 200 g-pakkies sjokoladementtennisbeskuitjies Klop die room tot sagte punte vorm. Wees net versigtig indien jy dit met ’n klitser klop dat dit nie botter raak nie. Gebruik ’n draadklitser en roer die karamel in ’n groot mengbak tot sag en glad – dis belangrik dat daar nie klonte in is nie. Rasper die sjokolade fyn op die growwe kant van jou rasper. Gebruik een pakkie koekies en pak ’n laag op die bodem van jou bak en maak ook ’n ry koekies reg rondom teen die bak se rand staan. Vou dan die room en die helfte van die sjokolade by die karamel in. Skep die helfte…

Frikkadelle in tamatiesous met kaas Dié staatmaker is so baie op my tafel, ek kan dit al toe-oë maak. Sit voor met warm brood met ’n lekker dik kors. genoeg vir 8 1. 500 g maer beesmaalvleis 2. 1 ui, fyngekap 3. 2 knoffelhuisies, gekap 4. 2 snye brood, fyngekrummel 5. 2 x 410 g-blikke tamatiepuree 6. 200 g vars mozzarellakaas 7. slaai van jou keuse vir voorsit + olyfolie, sout en varsgemaalde swartpeper Verhit oond tot 180 °C. Meng maalvleis, ui, knoffel en broodkrummels. Geur goed met sout en peper. Vorm in frikkadelle die grootte van jou keuse. Pak in oondroosterpan. Sprinkel bietjie olyfolie oor. Gooi tamatiepuree oor frikkadelle en pak skywe mozzarella bo-op. Bak vir sowat 25-30 minute of tot frikkadelle gaar is. Sit voor met vars slaai…

Koop waar jy kan eiers van vrylopende hoenders. Maak jou eiers by ’n laer temperatuur in olyfolie gaar, posjeer of kook dit en sit soms ’n bietjie botter vir die lekker by. Kry die vetverhouding in jou dieet reg: Meng hardgekookte eiers met ’n bietjie gerasperde suurlemoenskil, gekapte pietersielie en olyfolie in plaas van mayonnaise vir ’n lekker Midde–Oosterse smaak. Wanneer jy wel eiermayonnaise wil maak: Maak jou eie mayonnaise met avokado-olie (ryk aan vitamien E en ’n “goeie” mengsel van vette). Moenie ekstra botter of margarien op jou brood smeer nie. Bron: Mariza van Zyl…

Sjokoladesouspoeding Met Lancewood® se Medium Fat Cream Cheese is die poeding net nog luukser en lekkerder. genoeg vir 6 SOUS 550 ml water 200 g (250 ml) suiker 25 ml donker kakaopoeier 5 ml vanieljegeursel BESLAG 45 ml sagte botter 1 x 230 g-houer Lancewood® Medium Fat Cream Cheese Plain 150 g (185 ml) strooisuiker 1 eier 210 g (375 ml) koekmeel 2 ml sout 45 ml donker kakaopoeier 15 ml bakpoeier 125 ml melk Verhit oond tot 180 °C. Bring bestanddele vir sous oor hoë hitte tot kookpunt en kook vir 1 minuut. Hou eenkant terwyl jy beslag maak. Spuit ’n oondvaste bak met ’n inhoudsmaat van 2 liter met kleefwerende kossproei. Plaas botter, Lancewood® Medium Fat Cream Cheese Plain en suiker in ’n middelslagbak en klits met ’n…

agterblad Dit begin met ’n goue sticker op ’n voorkop, vermoed ek, ons behoefte aan erkenning. Dis onskuldig genoeg. Daarna kom die applous vir ’n gedrukte drie, ’n sertifikaat met jou naam op (100% bywoning, A vir Afrikaans), kelners wat vir jou sing op jou verjaardag, ’n paar munte vir jou eerste tand. Jy’t ’n mylpaal bereik en dit moet gevier word – deur jou en ook die mense in jou lewe. Hulle skuld jou dít. En dan, voor jy jou oë uitvee, sit jy op die agtersitplek van Dominee se C-Klas langs sy dogter (jou metgesel, gedrapeer in ’n lospassende rok in skakerings van goud) op pad na jou matriekafskeid waar onderwysers tussen voorheen gevriesde vingerhappies spook en herhaaldelik op hul horlosie kyk tot jy jou ma laat weet…

SPYSKAART WELKOM HIER Sout-en-asyn-tjips DIE FEESMAAL Oesters met grenadellasalsa Die nuwe biltongslaai Vark-bosbessie-en-appelkoos-terrien SOETE NAGRUS Poffers gevul met grondboontjiebotterroom Kan-nie-bak-konfettikoek As ek in die nag wil peusel, sal tjips altyd my gunsteling blyBRITTINEY DE JAGER (links) Jy kan my in die nag met bessies bederfVINISHIA RAS (regs) Ek eet wanneer die son skyn, maar so nou en dan sal ek myself met sjokolade bederfMICHELLE VISSER (links) ’n Stukkie droëwors, biltong of bevrore druiwe vir iets soetsYVONNE OOSTHUIZEN (regs) In die nag is ek reg vir sout springmielies en gespikkelde eiers!CHARLOTTE TIMMS (links) Gee my enige tyd ’n lekker stukkie kaasSCHANÉ VENTER (regs) ’n GrondboontjiebotterbroodjieDANIELLE TALMAGGIES (links) ’n Midnight snack is nie regtig in my woordeskat nie, maar as ek iets moet eet, is dit sjokoladeXANDRIE OOSTHUIZEN (regs) Oorskiet-pizza, koud op…

Aartappelgebak soos die Franse s’n Ek het een aand gekyk hoe die Franse sjef Alain Ducasse dié gebak maak. Dit het so lekker gelyk, ek wou dit dadelik self proe. genoeg vir 8 3 x 250 ml-houers room 60 ml botter 4 knoffelhuisies 10 ml neutmuskaat 10 aartappels, geskil en in skywe van 5 mm dik gesny sout en varsgemaalde swartpeper 100 g parmesaankaas, fyngerasper Verhit oond tot 180 °C. Plaas room, botter, knoffel en neutmuskaat in middelslagpot en bring tot kookpunt. Voeg aartappels by en meng deur. Laat kook vir 5 minute. Spuit 25 cmlosboomkoekpan met kleefwerende kossproei. Skep laag aartappels onder in pan en geur met sout en peper. Sprinkel bietjie parmesaan oor en herhaal tot al die aartappels op is. Gooi room oor. Plaas in warm oond…

Ná sy kursus aan die Institute of Culinary Arts (ICA) in 2006 het Arno Janse van Rensburg sy talent by verskeie restaurante geslyp. Sy droom vir ’n eie restaurant het in 2017 waar geword toe hy en sy vrou, Liezl Odendaal, Janse & Co in Kloofstraat, Kaapstad, geopen het. Eat Out het dit in 2018 as beste nuwe restaurant aangewys. Ons het gaan inloer. 1. Waarom laat kook jou hart warm klop? Vandat ek kan onthou, het kos en bestanddele ’n belangrike rol in ons familie gespeel. Daar is baie feesgevier om die kospotte en om die vuur. Oor naweke of skoolvakansies het ons gaan jag, visvang of duik. Dis hoe ek geleer het om met alles te werk en niks te mors nie, en waar my liefde vir gehaltebestanddele…

As jy in die afgelope twee dekades plaaslik met truffels kennis gemaak het, was dit waarskynlik in die vorm van truffelolie. En het dit bes moontlik ’n slegte nasmaak gelaat. Truffelolie kan gallerig en kunsmatig proe, juis omdat dit meestal bestaan uit kunsmatige truffelaromas wat deur olyfolie gepomp word. En nie noodwendig die beste olyfolie nie. Einste olies het my destyds gedryf om truffels as “versteende boompoepe” te beskryf. Toe ek jare later in Spanje aan vars, fyngerasperde Périgord-truffel op roereier smul, is dit in my agting vinnig opgegradeer van boompoep na fynproewersnoep. Uit die bloute was plaaslike truffels die afgelope winter op sosiale media so volop soos, wel, supermarksampioene – of so kom dit vir my voor. Celebrity-sjefs snuffel handeviervoet in die grond rond buite Villiersdorp, ’n verskaffer hou…

Grenadella-ensjokolade-trifle Koop twee gebakte sponskoeke by die supermark en spaar tyd. genoeg vir 10-12 Bring 250 ml room, 250 ml grenadellajogurt, 70 g (80 ml) suiker en 5 ml vanieljegeursel tot kookpunt oor matige hitte en laat prut vir 2 minute. Sprinkel 15 ml gelatien oor 50 ml water en laat week so 2 minute. Verwyder roommengsel van hitte en roer geweekte gelatien by warm mengsel tot gesmelt. Hou eenkant. Gooi helfte van 500 ml winkelvla in trifle-bak van sowat 22 cm in deursnee. Plaas 1 x 22 cm-sjokoladesponskoek bo-op en sprinkel 50 ml sjerrie oor. Keer roommengsel oor sponskoek uit. Plaas tweede 22 cmsjokoladesponskoek bo-op, gevolg deur 50 ml sjerrie en oorblywende winkelvla. Plaas in yskas vir 2-4 uur om te stol. Klop 250 ml room tot sagte punte…