Tabla de contenidos para Summer 2018 en SARIE KOS

SOET POEIER As suikersoet jou mikpunt is, moet jy bak met Huletts se versiersuiker. Die herseëlbare sakkies sorg dat dit klontvry bly. Koop landwyd teen R37,99 vir ’n 750 g-sakkie. GEURIGE NEUT Klapper is vol goeie olies en bly ’n gunsteling-bestanddeel op spyskaarte. Imbo s’n is beskikbaar in twee opsies: fyn of baie fyn. Landwyd te kry vanaf R18,99 vir 200 g-sakkie. GOUE NEKTAR Maak jou lewe nog soeter met Rhodes se heuning. Van ontbyt tot vanmiddag se gebak en vanaand se smoothie kan net lekkerder smaak. Sowat R58,99 vir 340 g-bottel.…

Basiese sponskoek Dit bevat geen rysmiddel soos bakpoeier nie. Die koek maak staat op die lug in die geklitste eierskuim om te rys. genoeg vir 1 koek 6 eiers 260 g (325 ml) strooisuiker 115 g (125 ml) botter, gesmelt 5 ml vanieljegeursel 260 g (460 ml) koekmeel Verhit oond tot 180 °C. Plaas eiers en suiker in elektriese menger se bak en plaas op pot met kookwater. Klits met draadklitser tot eiermengsel begin louwarm raak – toets met jou vingerpunt. Plaas bak in menger en klits 8-10 minute by hoë spoed tot dik skuimmengsel vorm. Voeg botter, vanielje en meel by eiermengsel en vou versigtig in met slaplemmes. Gooi mengsel in pan of panne wat goed gespuit is met kleefwerende kossproei (kyk by elke variasie watter en hoeveel…

Die klassieke G&T is al sedert koloniale tye oral in die Weste gewild – “gin and tonic”, ’n glas jenewer en tonikum met ’n skyfie suurlemoen. Die Britse staatsman Winston Churchill het selfs per geleentheid gesê dié drankie het in die Britse koninkryk al meer liggame en siele gered as al die artse! In die 18de eeu was daar ook ’n donker kant verbonde aan jenewer, toe Engeland ’n epidemie van verslawing aan die hardehout beleef het. Vandag onthou ons uit flieks soos White Mischief en Out of Africa hoe die hoër Engelse stand in Kenia ewe lekker aan hul drankies geteug het– dikwels met die verskoning dat dit nie nét was omdat dit verfrissende lafenis in die snikhete hitte gebied het nie, maar ook omdat die kinien (quinine) in…

As jy eers dié lekkerte geproe het, gaan jy sukkel om op te hou peusel. Sit dit voor met kaas en soetwyn. genoeg vir 10-12 Plaas 250 g amandelkoekies, 100 g amandels, 100 g pekanneute, 50 g pistasieneute en 30 ml kakao in ’n voedselverwerker. Kap tot growwe tekstuur. Smelt 250 g sjokolade en 100 g botter saam met 30 ml amandellikeur (amaretto). Voeg sjokolademengsel by koekiemengsel en meng goed. Skep uit op groot vel bakpapier en vorm met die hulp van die papier ’n lang wors so dik soos jy verkies – ons s’n is sowat 3 cm in deursnee. Laat stol in yskas. Verwyder papier en rol sjokoladerol in versiersuiker. Sny in dun skywe en sit voor. IN JOU MANDJIE SJOKOLADEGEUR Laat die bederf nog meer na…

@nina_devilliers sê: Swart roomys … SARIE sê swart is in … klink vir my na ’n black&white dinner date dessert. #sariekos @frances_le_roux skryf: My Ouma’s 80th birthday party on the farm. Stacking a six-layer cake is nerve-wracking. Thank you @sarietydskrif @ohna30 instagram: 10 year birthday edition of SARIE KOS added to my collection. Friday night read and treat! #goodfoodmagazine…

Dag 1 Ons arriveer in Nederland, en ná sowat ’n uur per motor kom ons aan op die mooiste klein vissersdorpie in die Friesland-streek, Hindeloopen. Jy kan jouself verbeel jy is in ’n fliek. Die span van die huisboot-verhuringsdiens Le Boat (sien bl. 26) verwelkom ons en ná ’n kort les is ons reg om die kanale van Nederland aan te pak op ons Horizon 4-huisboot (letterlik ’n huis op water – 4 slaapkamers, elkeen en suite, en ’n wonderlike kombuis met alles waaraan jy kan dink). Ons slaap die eerste aand in die hawe sodat ons Hindeloopen kan verken, per fiets. Nou straatjies en kliphuise. Die dorp grens aan die Ijsselmeer (wat eens deel van die see was). In die hawe kry jy vars vis en lekker yskoue…

LONDON DRY – dit is die bekendste tipe, lig en droog, gewild met byvoorbeeld tonikum en droë Martini-skemerkelkies à la James Bond; PLYMOUTH – aanvanklik ryk, soos Nederlandse jenewer, maar deesdae word dit slegs in Plymouth, Brittanje, gedistilleer. Dit is “skoon” en sag op die tong; OLD TOM – ’n voller, soeter “pa” van die London Dry, waarvan die gewildheid ’n paar dekades lank getaan het, maar wat nou weer veld wen; GENEVER – die Nederlandse oupagrootjie van dié drankie, byna soos ’n whisky – jy kan dit skoon drink, of met net ’n paar ysblokkies; NEW AGE/INTERNASIONALE STYL – die sogenaamde craft- of boetiek-jenewers, wat op klein maat vervaardig word van ’n magdom botaniese bestanddele, met komplekse aromas en smake – www.saveur.com/article/Wine-and-Drink/5-Styles-of-Gin.…

Groente-enhoenderpakkies Sny kepe in die hoenderborsie sodat dit vinniger gaar raak terwyl die groente nog lekker bros bly. genoeg vir 6 6 velle Glad-bakpapier van 30 x 30 cm 400 g sagtestingel-broccoli 400 g vars aspersies 400 g suikerertjies ( sugar snaps ) 6 hoenderborsies sout en varsgemaalde swartpeper 100 ml olyfolie 100 ml soet sojasous Verhit oond tot 180 °C. Pak Gladbakpapier op bakplate. (Jy kan een groot pakkie maak met alles in of 6 individuele pakkies.) Pak groente in die middel van elke vel. Sny kepe in elke hoenderborsie (sien hooffoto). Plaas hoenderporsies bo-op groente. Geur hoender met sout en peper. Sprinkel olyfolie en soja oor. Bring papier se linkerkantste sy oor na regterkantste sy en rolvou stewig toe. Rolvou sykante ook toe om pakkies te…

Twee foodies, identiese pienk mengbakke, dieselfde 6 bestanddele. Lemoene, gis, suiker, botter, meel en melk. En ’n paar toormiddels! Bakker 1: Herman Lensing, SARIE se kosredakteur. Bakker 2: Yolani Abrahams, SARIE Voorbladgesig 2017, asook patisseriesjef en mede-eienaar van ’n bakkery, Kole & Deeg, op Ceres. Die uitdaging: Bak vir ons iets wat wys wat jý kan doen. Onse Herman móét altyd iets eksoties kies. Vandag is dit ’n koek met ’n delikate sitrusgeur, deurweek met warm rum-stroop. ’n Tradisionele Franse rum baba (babas au rhum). Yolani bak Belgiese gis-wafels met bloublessies – bros en lig soos ’n wolkie. Herman: “Ek wou ’n anderster lemoenkoek maak. Lesers wys hoe jy gis kan inspan vir soetgebak. As jy gis hoor, dink jy mos dadelik aan brood.” Yolani: “Herman het gesê iets ligs,…

Ek kook gereeld pasta en gooi olie by die water, nes die resepte aandui, maar sodra dit afkoel, sit die pasta weer vas aan mekaar. Wat moet ek doen om dit te keer? Dirkie Coetzee, Postmasburg SAARTJIE Ai, ek is bly jy volg die raad van die sjefs, maar dit werk mos nie altyd nie! Die geheim is om die olie eerder ná die kooktyd oor die pasta te gooi pleks van in die water. Jy gooi die olie saam met die water weg wanneer jy die pasta dreineer, daarom kleef die pasta aan mekaar. As jy ’n bietjie olie oorsprinkel sodra die pasta gaar is, is jou probleem opgelos. Ek is dol daaroor om knoffel in my kos te gebruik, maar ek hou niks van die reuk op my…

My ma het altyd die blokkies gemaak sodat ek dit kon verkoop by ons skool se markdag, en almal was mal daaroor. Ek het hom ’n bietjie meer grootmens gemaak! genoeg vir 24 Kap 270 g broskoekies (shortbread) met ’n koekroller – dit moenie heeltemal fyn wees nie. Smelt 400 g donkersjokolade saam met 250 ml kondensmelk en 165 g botter. Gooi die koekies by die sjokolademengsel en roer tot goed gemeng. Voer ’n 20 x 20 cm- vierkantige pan uit met bakpapier en spuit goed met kleefwerende kossproei. Gooi mengsel in pan en laat stol 4-6 uur in yskas. Keer uit en sny in blokkies so groot soos jy verkies. IN JOU MANDJIE NOG EEN, SEBLIEF In die sjokoladeballetjies sorg die broskoekies vir ’n kraakonder-die-tand-tekstuur. Bakers se voortreflike Eet-summor-koekies…

1. Wat is die perfekte manier om brood te eet? Skoon, met net botter daarop. Dit moet natuurlik warm wees, selfs ’n klein bietjie gerooster (toasted). As ek iets móét opsit, sal dit tamatie, rooi-ui, kaas en ham wees. Brood moet deel van ’n gereg kan wees. Dit moet alleen ook geurig wees, jy moet dit op sy eie kan eet. 2. Waar het jou passie vir bak gekom? Ek is mal oor sexy kos en sexy geure. Ek’s ’n bakker, maar ook steeds ’n sjef. My ouma Dorothy het altyd gebak. Die meeste van my herinneringe van haar kom van toe sy nog op Uitenhage in die Oos-Kaap gewoon het. Sy het altyd sulke warm reisdekens gehad. As jy koud gekry het, het jy een gegryp. Soms het daar…

MUSGRAVE PINK GIN se aromatiese, eksotiese geure met ’n houterige karakter kom van elf plant-bestanddele, soos kardemom en Afrika-gemmer. Simone Musgrave, die stigter, is aanvanklik deur Roger Jorgensen van Jorgensen’s Gin bygestaan. (www.musgravegin.co.za) SALT RIVER GIN, met die etiket Hope on Hopkins, is ’n byderwetse Kaapse jenewer in die London Dry-styl. Dit word gemaak van onder meer handgeplukte kapokbos en boegoe van ’n plaas op die Winterhoekberge, sowel as organiese sitrusgeure uit die Sederberg. Heerlik met ’n skyfie pomelo en takkie tiemie. (http://hopeonhopkins.co.za/spirit/salt-river-gin/) DISTILLERY 031 in KwaZulu-Natal bestaan al sedert 2008. Andrew Rall vertel dit was nadat hy Skotland in 2000 besoek het dat hy sommer tuis met distilleerdery begin eksperimenteer het. Sy Durban Dry Ginetiket is in die klassieke London Dry-styl, met tien plantbestanddele wat vir ’n komplekse, fluweelagtige…

Water verander in stoom wanneer dit oor 100 °C verhit word. Tydens die stoom-gaarmaakmetode word die warm stoom ingespan om hitte na die kos te gelei. Die kos hoef dus nie met water bedek te word om gaar te word nie. Kos kan op die stoof gestoom word in ’n pot met ’n klein bietjie water wat saggies prut. Of dit kan in ’n houer gesit word wat keer dat die kos aan die stomende water raak. Stoom werk baie goed met groente en vis. As jy bv. ’n stuk vis in ’n foeliepakkie toemaak en dit verhit, kook die vis gaar in sy eie stoom. Bruinrys, hoender en groente Jy stoom eers die rys en hoender halfpad gaar voor jy die groente boop stoom. Dit lyk baie indrukwekkend, maar…

Stokbrood + boetiek-bier Braai, bier en brood is ’n wenkombinasie. ’n Yskoue bier smaak altyd lekker langs die kole, en saam met gebraaide kos eet jy gewoonlik brood, wat dikwels dieselfde bestanddele as bier bevat. Hierdie broodagtige karakter kry jy veral in lagers, en daarom is dit ’n lekker pasmaat. IN JOU GLAS Drifter Brewing Company Legend Lager – gemaak volgens die “Vienna Lager”-styl, wat beteken dit het ’n effense mout-soetigheid en is nie so bitter soos die gewone lagers nie. Snoek + jenewer Dié hardehout beleef ’n bloeitydperk in Suid-Afrika. Die boetiek-soorte word op klein skaal met die hand vervaardig (sien artikel op bl. 58) en gegeur met botaniese toevoegings wat wissel van o.m. kardemom, rooswater, fynbos en jasmyn tot sitroengras. Natuurlik word jenewer steeds saam met tonikum geniet…

Bêre só Verwyder die blare so gou moontlik en was al die baard af. Maak die mielies droog en bêre in jou yskas se groenterak. Jy kan die mielies ook vinnig in kookwater dompel en dan vries. Kook dit van gevries af. Kies só Die mielies wat jy in jou supermark kry, is meestal sonder die blare, en gewoonlik is die kop en end ook afgesny. Sorg dat die pitte ferm is en die stronk vol. As jy wel mielies met blare kry, moet jy seker maak die blare is stewig en nie verlep nie. Maak só gaar Mielies vra baie botter, sout en peper! Jy kan dit kook, stoom, braai of selfs bak in die oond. Kyk ook uit vir mielieprodukte soos geblikte pitmielies of die bevrore weergawe. Mieliesop…